Жаңалықтар

Осы жылы оңтүстік өңірлердің шаруалары суармалы суды арзанға алады. Бұл жайлы Су ресурстары және ирригация министрлігінің баспасөз қызметі хабарлады.

Баспасөз қызметінің хабарлауынша 2024 жылғы вегетациялық кезеңге дайындық аясында «Қазсушар» мекемесі тұтынушылармен тікелей келісім-шартқа отырып жатыр. Бұл ортадағы делдалдарды алып тастауға мүмкіндік береді және бірқатар тұтынушылар үшін қызметтер құнының арзандауына жол ашады.

«Су ресурстары және ирригация министрлігі биылдан бастап ауыл шаруашылығы тауарын өндірушілермен тікелей келісім-шартқа отыра бастады. Осы арқылы министрлік шаруаларға су беру қызметінің құнын арзандатуға ниетті. «Қазсушар» мекемесі 2024 жылдың вегетация маусымына 19 мыңнан астам тұтынушымен келісім-шартқа отыруды жоспарлап отыр. Барлық өңірлер бойынша...

Қарағанды қаласының билігі қалада Костенко атындағы шахтада қаза тапқан кеншілерді еске алу үшін мемориал орнатқысы келмейді. Кеншілердің туыстары Президент Қасым-Жомарт Тоқаевқа өтініш жазуға мәжбүр болды. 

Кеншілердің туыстары әлеуметтік желіде Президентке үндеумен бейнеролик жариялады. Олар қаза тапқан кеншілерді еске алуға арналған ескерткіш мемориалды Костенко атындағы шахтада емес, Қарағанды қаласының орталығында орнатылуын қалайды. Жиналғандардың сөзінше, өңірде әртүрлі шахтада кеншілерге арналған мемориалдар болғанымен, шахта жабылған кезде ескерткіш қараусыз қалады.

«Басшылық ескерткіштің орны Костенко атындағы шахтаның өзі болатынын белгіледі. Қаза тапқандардың отбасылары мемориалдың 46 адам өмірі қиылған жерде орналасуына үзілді-кесілді қарсы. Шахта аумағында болу қиын. Осыдан кейін көптеген адам медициналық және психологиялық көмекке мұқтаж болады. Сонымен қатар Костенко атындағы шахта...

Смартфондар мен тұрмыстық техника өндірушісі Xiaomi 20 миллион премиум тұтынушыға арналған электромобиль шығаратынын мәлімдеді. Бұл туралы CNBC агенттігі хабарлады.

Xiaomi стратегиясының маңызды бөлігі– смартфондар және компания сататын тұрмыстық техниканы көлік құрылғылармен байланыстыратын операциялық жүйе жасау.

«Бұл біз үшін жақсы бастама деп санаймыз. Өйткені Қытайда смартфонды пайдаланатын 20 миллион премиум пайдаланушымыз бар»,- деді Xiaomi Group президенті Вейбинг Лу CNBC дүйсенбіде басталатын Барселонадағы Дүниежүзілік Мобильді конгресте автокөліктің халықаралық тұсаукесері алдында.

Сондай-ақ, Лу бағасы сәл арзандау автомобиль мен люкс көлікке дейінгі  баға шегін қарастырғанын айтты. Оның айтуынша, компания бұл өндіріске 10 миллиард доллар жұмсаған.

 Canalys...

2024 жылы Астана қаласында жетім балаларға 183 пәтер беру жоспарланған. Бұл туралы қала әкімі Жеңіс Қасымбектің Сарыарқа ауданы тұрғындарымен кездесуінде белгілі болды.

Әкіммен кездесу кезінде Сарыарқа ауданының тұрғыны елордада жетім балаларға бір жылда 35 пәтер ғана берілетінін айтып, көмекті күшейту туралы сөз қозғаған еді.

«Бізге жетім балаларды қолдау мәселесін қарастыру қажет. Олар балалар үйінен бір пакет киімін көтеріп, үлкен өмірге аяқ басады да, ешкімге керексіз болып қалады. Сондықтан оларға бірінші кезекте психологиялық  қолдау керек. Кейбіріне наркологиялық көмек қажет. Қазір елордада жетім балаларға жылына 35 пәтер беріледі. Бұл өте аз емес пе?»,– деді Астана қаласының тұрғыны.

Әкімдік өкілдері жалпы...

2024 жыл басынан бері қазақстандық 2,3 млн зейнеткерге республикалық бюджеттен 306,8 млрд теңге зейнетқы төленген. Жиынтық зейнетақының орташа мөлшері – 132,3 мың теңге. Бұл туралы Еңбек және халықты әлеуметтік қорғау министрлігі хабарлады.

Жалпы 306,8 млрд теңгенің 96,4 млрд теңгесі базалық зейнетақы төлеуге жұмсалған. Ал ынтымақты зейнетақы төлеуге 210,4 млрд  теңге бөлінген.

2024 жылғы 1 ақпандағы жағдай бойынша жиынтық зейнетақының орташа мөлшері 132 346 теңге. Соның ішінде ынтымақты зейнетақы мөлшері – 89 810 теңге болса, базалық зейнетақы – 42 536 теңге.

1 қаңтарда орташа жиынтық зейнетақы 120 744 теңгені құраған. Соның ішінде ынтымақты зейнетақы – 82 868 теңге, базалық зейнетақы...

Бұрынғы ұлттық экономика министрі Қуандық Бишімбаевтың ісі сотқа түсті. Іс Астана қаласының қылмыстық істер жөніндегі ауданаралық сотында қаралады. Бұл туралы сот кабинетіндегі ақпараттан белгілі болды.

Бишімбаевқа қатысты қылмыстық істе сотталушылардың қатарында министрден бөлек, Бақытжан Байжановтың аты жазылған. Ол Бишімбаевтың жұбайы Салтанат Нүкенова қайтыс болған елордадағы Bau гастроорталық орналасқан ғимараттың иесі.

«Күдікті Қ.Бишімбаевқа ҚК-нің 99-бабы 2-бөлігінің 5) тармағы, адам өлтіру, басқа адамға қатысты құқыққа қарсы қасақана аса қатыгездікпен жасалған адам өлтіру, ҚК-нің 110-бабы 2-бөлігінің 1) тармағы бойынша кiнәлi адамға материалдық жағынан тәуелдi адамға қатысты жүйелі түрде ұрып-соғу немесе өзге де зорлық-зомбылық әрекеттері арқылы физикалық және...

Жыл аяқталар тұста көбі өзіне есеп беріп, жаңа жылға жоспар жасай бастайды. Дегенмен барлығы бірдей ойға алған істерін орындауға дереу кірісіп кетпейді. Мәселен, 2024 жылдың басталғанына үш айға таяп қалды. Егер сіз де желтоқсанда күнделікке арман-мақсатты тізіп, бірақ жүзеге асыра алмай жүрсеңіз, қаржылық жоспарды дайындағанда жасалуы керек қадамдар жайлы айтамыз.

Айқын мақсат нақты әрекетке негіз

1. Ең алдымен мақсатыңызды анықтап алыңыз. Армандаған артық етпейді. Бірақ мақсат қойған абзалырақ. Өйткені армандағанда біз еш шектеу қоймаймыз. Тіпті аспандағы айды алсам деп те қиялдап кетуіңіз ғажап емес. Сондықтан мақсат қылып бекітіп алған жөн. Екеуінің басты айырмашылығы сол — мақсатта сома нақтырақ. Айталы...

«Майқайыңалтын» АҚ кенішінде іздестіру-құтқару жұмыстары рұқсат етілген жағдайда, қайта жанданады. Әзірге траншеяны кеңейту жұмыстары жүргізіліп жатыр. Бұл жайлы «Курсивке» Павлодар облысының Төтенше жағдайлар департаменті хабарлады.

Департаменттің хабарлауынша іздестіру-құтқару жұмыстары тоқтатылғанымен шұңқыр маңындағы траншеяның бүйірін құлаған жердің түбіне дейін кеңейту және тереңдету бойынша инженерлік-геологиялық жұмыстар жүргізіліп жатыр. Яғни шұңқыр маңын құтқару жұмыстарын жүргізуге ыңғайлау жұмыстары жүзеге асырылуда.

«Қазіргі уақытта «Майқайыңалтын» АҚ күшімен траншеяның бүйірін құлаған жердің түбіне дейін кеңейту және тереңдету бойынша инженерлік-геологиялық жұмыстар жүргізілуде. Жұмыстар тәулік бойы жүргізілуде 2024 жылғы 7 ақпаннан жылдан бастап 142 890 тонна топырақ пен тау массасы шығарылды. Құлаған жердің түбіне...

Halyk Finance Қазақстанның 2029 жылға дейінгі «Ұлттық даму жоспарын» сынға алды. Сарапшылардың тұжырымдауынша, жаңа даму жоспарының жобасы елдің қазіргі даму моделіне түбегейлі өзгеріс енгізуді ұсынбайды. Құжат президенттің сайлауалды бағдарламасы, жолдауы мен сөйлеген сөзі аясында дайындалған деп пайымдайды.

Сарапшы Мұрат Темірханов Дүниежүзілік банк Қазақстанның экономикалық дамуының қазіргі және бұрынғы моделін сыни тұрғыда талдай келе, бұл кезеңді «жоғалған онжылдық» деп бағалағанын айтады. Ал Ұлттық жоспар ел экономикасы жолғатқан жылдар мәселесін түбегейлі шеше алмайды.

«Қазақстанның жаңа даму жоспарының жобасы қазіргі даму моделіне түбегейлі өзгеріс енгізуді ұсынбағандықтан, «жоғалған онжылдық» мәселесін шеше алмайды. «Жаңа» Қазақстанның қазіргі көзқарасы «Еск...

Жарысқа таяу шетелден бес елдің және Қазақстанның сегіз өңірінің спортшылары қатысты. Мемориал бағдарламасында классикалық шахматтан екі және блицтен екі, барлығы төрт турнир өткізілді.

«А» басты турнирінде халықаралық шебер Алмас Рахматуллаев (Өзбекстан) жеңімпаз атанды. Ол мүмкін болған 11-ден 8 ұпай жинады. Тәжікстандық Мохаммад Хусенходжаев (7,5 ұпай) екінші орынға ие болды. Үшінші орынды үш шахматшы бөлісті. Қосымша көрсеткіштер бойынша қырғызстандық шебер Асылбек Абыжапар алда болды – 6,5 ұпай.

ФИДЕ шебері Ақылбай Иманғали тамаша өнер көрсетті. Ол Бергер коэффициенті бойынша ғана үздік үштікке іліге алмай, төртінші орынға табан тіреді. Бұл – қазақстандықтар арасында үздік көрсеткіш.

«В» турнирінде тартысты бәсекеде Байтілеу Сырым (Алматы) жеңіске...

Жұма күні АҚШ қор нарықтары жоғары деңгейде жабылды: S&P 500 индексі айтарлықтай өзгермеді. Dow Jones 0,2%, ал Nasdaq 0,3% төмендеді. NVIDIA акциялары 0,4% – ға көтерілсе, Carvana акциялары 31,8% – ға өсті.

 Оптимистік есептерге қарамастан, Booking Holdings акциялары 10,1% – ға төмендеді. Ал Warner Bros Discovery төртінші тоқсандағы кірістер туралы есеп беруден кейін 9,9% – ға төмендеді.

Еуропа индекстері де жақсы көрсеткішке ие

Еуропа қор нарықтары жұма күні өсіммен жабылды: STOXX 600 индексі 0,4% – ға, ал DAX 0,28% – ға өсті. Өсім көшбасшылары Covestro (+4,75%), Mercedes-Benz AG (+4,70%) және Adidas (+3,52%) болды. Ұлыбританияда Standard Chartered акциялары Азияға...

Eolus криптовалюта пирамидасының Астанадағы құрылымдық бөлімшесін басқарған азамат 6 жылға бас бостандығынан айырылды. Алаяқтан тәркіленген 187 млн теңге мемлекеттік қазынаға жолданды.

Қаржы мониторингі агенттігі баспасөз қызметінің хабарлауынша, қаскүнем 2023 жылы Еnergy Еolus Qazaqstan cеріктестігін тіркеп, жеке тұлғалардан «АҚШ-та орналасқан жаңартылатын энергия көзіне қаржы құясыз» деген желеумен криптовалюта түрінде инвестиция тартқан. Инвесторлардың сеніміне кіру үшін алаяқ шетелдік хакерлер әзірлеген energyeolus.info платформасын қолданған. Осы платформа арқылы инвесторларға қаржыны есепке алу мен үлестіру операциясы жүріп жатқаны туралы жалған ақпарат беріп отырған.

Криптовалюта пирамидасының өкілі Астана қаласының 535 тұрғынын сан соқтырған.

«Сот шешімімен 187 млн теңгеге тең 408 мың доллар...

Рекордтық көрсеткіштерге қарамастан, АҚШ қор нарығы 2021-2022 жылдардағы шығындардың бір бөлігін ғана қайтара алды. Соңғы үш жылда S&P 500 кірісінің көрсеткіші төмен. Ал Оңтүстік Кореяның акциялары, керісінше, қолдан төмендетілген. Жергілікті үкімет бұл жағдайды түзетіп, Жапонияның жетістігін қайталау туралы шешім қабылдады. Осы және басқа тақырыптар туралы Дүниежүзілік БАҚ шолуынан оқыңыздар.

АҚШ қор нарығы

Fox Business  талдауына сәйкес, америкалық қор нарығында S&P 500 алғаш рет индексін 5000 пунктке жеткізді. «Керемет жетілік» технологиялық компаниялары — Amazon, Apple, Google, Nvidia, Meta, Microsoft және Tesla — Қытайдан басқа кез келген басқа елдің барлық акцияларына қарағанда қымбат. Дегенмен бірқатар маңызды мәселелер бар.

Биылғы жылғы ралли...

Қарағанды қаласының прокурорлары облыс аумағындағы мектептердің медициналық кабинеттерінен жарамдылық мерзімі 5-7 жыл бұрын өткен дәрілік препараттар тапты.

«Мектептердің бірінің медициналық кабинетінде аллергиялық және шок реакциясының ауыр түрлерінде шұғыл емдеудің бір бөлігі ретінде қолданылатын, жарамдылық мерзімі өткен, «Преднизолон» ампулалары сақталған», – делінген прокуратура хабарламасында.

Айта кетейік, тексеру кезінде 2022 жылдан бастап Қарағанды мектептерінің 3 мыңға жуық оқушысына медициналық қызмет көрсетілмегені анықталған.

Қадағалау шараларынан кейін мерзімі өткен дәрі-дәрмектер жойылып, кінәлі тұлғалар жауапкершілікке тартылып, 7000 баланың құқығы қорғалған.

Қарағандыдағы заң бұзушылықтар

Осыған дейін Қарағанды қаласының Қазыбек би атындағы аудандық прокуратурасы жергілікті атқарушы органдар коммерциялық мақсатқа жер бергенде бұзушылықтарға жол бергенін анықтағанын жазған...

Qarmet басшылары іс-сапармен Қытайға барып, әлемдегі ең ірі болат өндіретін Baowu Steel компаниясының басшыларымен кездескен. Нәтижесінде компания Qarmet комбинатын өз тәжірибесі бойынша дамыту жолдарын ұсынған. Бұл жайлы Qarmet-тің баспасөз қызметі хабарлады.

«Шанхай қаласында Qarmet компаниясының әлемдегі ең ірі болат шығарушы Baowu Steel Group Corporation Limited компаниясымен жұмыс кездесуі өтті», – делінген баспасөз хабарламасында.

Талқыланған мәселелер

Келіссөздер барысында қытайлық компанияның үздік тәжірибелері негізінде Qarmet комбинаты өндірісін жаңғырту мәселелері талқыланған. Сонымен бірге комбинаттың перспективалық жобаларын және кәсіпорынның даму бағыттарын қайта құру жоспарлары таныстырылған.

Екі тарап талқыланған тақырыптардың ішінде экология, қалдықтарды қайта өңдеу, кокс...

Украина президенті Владимир Зеленский Ресеймен соғыс басталғалы бері 31 000 украиналық сарбаз қайтыс болғанын мәлім етті.

Reuters  хабарлауынша, Зеленский Ресей Украина аумағына толыққанды басып кіргелі екі жыл өтуіне орай Киевте баспасөз мәслихатын өткізді. Ол қайтыс болғандардың санын айтқанымен, жараланғандардың санын жариялай алмайтынын айтты. Себебі бұл Ресейдің әскери жоспарларына қосымша ақпарат болуы мүмкін.

«Бұл соғыста 31000 украин әскері қаза тапты. (Ресей президент Владимир – ред.) Путин айтқандай, 300 000 емес, 150 000 емес… Бірақ мұның өзі Украина үшін үлкен шығын», – деді Зеленский.

Украина өзінің әскери шығындарын 2022 жылдың аяғынан бастап есептеуді тоқтатқан. Ол кезде Зеленскийдің көмекшісі Михаил Подоляк 13000 украин сарбазы қаза тапқанын айтқан.

«Былтыр...

Әзірбайжан Қорғаныс министрлігі 24 ақпанда сағат 21:40-та Армения Қарулы Күштерінің бөлімшелері республиканың бір позициясына оқ жаудырды деп мәлімдеді. Бұл туралы Әзірбайжан Қорғаныс министрлігі баспасөз қызметі хабарлады.

Ақпаратқа сәйкес, Нахичеван автономды республикасы Садарак ауданындағы Гейдарабад елді мекеніне қарсы оқ атылған.

Қаңтар айының соңына қарай Армения Әзірбайжанға шабуыл жасамау туралы келісімге қол қоюды ұсынды. Сондай-ақ Арменияның бейбіт күн тәртібі қағидасына адал екенін және одан бас тартпайтынын атап өтті.

13 ақпанда Әзербайжанның мемлекеттік шекара қызметі Арменияға қарсы «есе қайтару операциясын» жүргізді.

Нәтижесінде Гафан ауданы Неркин-Анд елдімекені маңындағы Армения қарулы күштерінің әскери бекеті толығымен жойылды.

Әзірбайжан тарапы бұл шабуыл армян әскерінің кешегі «арандатуына» жауап болғанын...

Әлем көшбасшылары Ресейдің Украинаға басып кіруінің екі жылдығына байланысты Киевке келді. Бұл туралы golosameriki.com сайты хабарлады.

Еуропалық комиссияның төрағасы Урсула фон дер Ляйен сонымен қатар Италия, Канада және Бельгия премьер-министрлері – Джордж Мелони, Джастин Трюдо және Александр де Кро – Ресейдің Украинаға басып кіргеніне екінші жыл болғанына байланысты Украинаға ынтымақтастық білдіру үшін Киевке Польшадан түнгі пойызбен келді.

«Қазір біз Украина жағында бұрынғыдан да берік тұрмыз. Қаржылық, экономикалық, әскери, моральдық тұрғыда. Украина толық бостандық алғанға дейін», – деп жазды фон дер Ляйен Х әлеуметтік платформасында.

Еурокомиссия төрағасы Еуропа Украинаны «толық еркін» болғанға дейін қолдайды деп уәде...

Халықаралық еңбек ұйымы (МОТ) мәліметтеріне сәйкес, дүниежүзінде жыл сайын өндірісте 374 миллионға жуық адам зардап шегеді. 2,78 млн өндірістегі өлім жағдайы тіркеледі. Бұл әлемдік жалпы ішкі өнімнің (ЖІӨ) 4 пайызын жоғалтуға дейін апарады. Жұмыстағы жарақаттарға қатысты төленетін өтемақының жалпы сомасы – шамамен 167 млрд доллар.

Әр мемлекетте қызметкерлерді міндетті сақтандыру бойынша жеке жүйе қолданылады. Ашық ақпарат көздерінен алынған мәліметтерді зерттеп, Freedom Life ӨСК мамандары, ең жағымды жағдай жасалатын елдерді анықтады. Кейбір елдерде өндірістегі жазатайым оқиғалардан сақтандыру медициналық сақтандырумен үйлестірілген, ал кей елдерде корпоративтік сақтандыру жаңадан пайда болған және даму кезеңінде.

Шет мемлекеттерде қызметкерлерді қалай сақтандырады

АҚШ

2022 жылы...

Соңғы үш жылда Қазақстандағы ESG облигациялары орналастыру көлемі бойынша рекордтық көрсеткішке жете алды. Бірақ дәл осындай табыс деңгейі 2024 жылы қайталанауы мүмкін бе? PwC ұйымдастырған «Жасыл  қаржыландыру: Еуразиядағы даму, сын-қатерлер және мүмкіндіктер» атты конференцияға қатысқан сарапшылар мен кәсіби ойыншылар – борыш нарығындағы жасыл сегменттің ұлғайып, кеңеюін шектеуші факторларды талқыға салды.

Жасыл сегмент ұстанымы

Осыдан үш жыл бұрын сала ішіндегі сарапшылардың біразы – алдағы он жылдықта жасыл сегменттегі қаржыландыру көрсеткішінің жаһандық траекториясы тоқтаусыз жоғары өрлейді деп топшылады. Алайда бұл трендтің жалғасуына 2022 жыл жол бермеді. ESG құралдарын орналастыру көлемі соңғы екі жылда 20%-ға жуық қысқарып кетті.

Қазақстанға Starlink жабдығының алғашқы партиясы келді. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлімдеді.

Министрдің айтуынша, әзірге Starlink жабдығының Қазақстанға 500 данасы әкелінген.

«Алматыға жабдықты қабылдау барысын арнайы тексеру үшін келдім. Келесі аптада Түркістан және Ақмола облыстарындағы Starlink орнатуға толық дайын мектептерге жабдықтарды жеткізу басталады. Аталған облыстардың әкімдіктері барлық дайындық жұмысын жақсы жүргізді.Қалған өңірлерге 10 күннен кейін келетін келесі кезекте жеткізіледі», – деп жазды министр.

Оның айтуынша, барлығы 20 күн ішінде 2000 жинақ келеді. Олар елдегі 2000 шалғайдағы ауыл мектебін жоғары жылдамдықты интернетпен қамтамасыз етеді.

Сонымен қатар Бағдат Мусин бұл...

Алматыдан оңтүстік-шығысқа қарай 261 шақырым жерде Қытай аумағында тағы да жер сілкінді. Бұл туралы ҚР ТЖМ баспасөз қызметі хабарлады.

ҚР ТЖМ «Сейсмологиялык зерттеу институты» ЖШС сейсмикалық станциялар желісімен 25 ақпанда Алматы уақытымен 10 сағат 14 минутта жер сілкінісі тіркелді.

Жер сілкінісінің энергетикалық класы 13.3. MPV

Магнитудасы 5.9.

Тереңдігі 10 шақырым

Жер сілкінісінің эпицентрі Алматы қаласынан оңтүстік-шығысқа қарай 261 км жерде , Қытай аумағында орналасқан. Сейсмологтардың мәлімдеуінше, бұл – афтершок. Жер сілкінісінің қуаты Алматы қаласында 3 балды құраған.

«Өзара іс-қимыл алгоритміне сәйкес тиісті мемлекеттік органдарға хабарланды. Полиция департаментінің жедел кезекшісіне ақпарат жеткізілді, қаланың ғимараттары мен...

2024 жылы 24 ақпаннан бастап Қазақстанда шетелдіктерге ЖСН (жеке сәйкестендіру нөмірі) берудің жаңа ережелері күшіне енді. Енді құжатты тек жеке өтініш арқылы ғана алуға болады.

Қазақстан Республикасының № 50-VIII тиісті Заңы 2023 жылдың 23 желтоқсан айында қабылданды. Ресми жарияланғаннан кейін 60 күн өткен соң, жаңа ережелер күшіне енді.

Бұған дейін ЖСН үш тәсілмен берілген

Жаңа ереже

Енгізілген өзгерістерге сәйкес, алғашқы екі әдіс енді қолжетімді емес. Енді қолданыстағы нұсқа Халыққа қызмет көрсету орталығына (ХҚКО) жеке өтініш беру қажет.

ЖСН барлық мемлекеттік және қаржылық операция үшін...

Алматы облысында алимент бойынша 157 борышкер букмекерлік кеңседе 426 млн теңге жұмсаған. Өңірдің қадағалау ведомствосының хабарлауынша, прокуратура алты лудоманды жауапқа тартуға ниетті.

Прокуратура 150-ден астам қазақстандық «өз балаларына деген немқұрайлылығынан» алимент төлеу жөніндегі өз міндеттемелерін елемей, букмекерлік кеңселерде құмар ойынға кіргенін жазады. 

«Алимент бойынша бір миллион теңгеден астам қарыз бола тұра бір ғана борышкер өзінің шотын 24 млн теңгеден астам сомаға толықтырды», – делінген хабарламада.

Бүгінгі таңда 31 лудоман 38 млн теңгеден астам сомаға алимент бойынша қарыздарын өтеген. Прокуратура алимент төлемегені үшін алты борышкерді қылмыстық жауапкершілікке тартуға ниетті. 

Алимент төлемегені үшін жаза

Қадағалау ведомствосы ӘҚБтК-нің 669-бабы бойынша...