Жаңалықтар

АҚШ Әділет министрлігі Ресейдің 700 миллион долларға жуық активтерін тәркілеуді ұсынды. Бұл жайлы «Ведомости» басылымы жазды.

Украинадағы соғыс қимылдары басталғаннан бері АҚШ Ресейдің 700 миллион долларға жуық активтерін бұғаттаған. Американың Әділет министрлігі сол қаражатты тәркілеуді ұсынып отырғанын АҚШ бас прокуроры Меррик Гарланд мәлімдеді.

«Біз санкцияға ұшыраған олигархтар мен ресейлік режимнің басқа жақтастарынан 700 миллион долларға жуық активтерін бұғаттадық, енді оларды тәркілеуді талап етіп отырмыз», – деді Гарланд.

Бұл қаражат тәркіленсе, нақты қандай мақсаттарға жұмсалатыны айтылмайды. Десе де, бұл қаражат Украинаға көмек ретінде берілуі мүмкін. Өйткен 2022 жылдың желтоқсанында АҚШ Сенаты ресейлік бизнесмендерд...

Таиланд Қазақстан азаматтары үшін 30 күндік визасыз режимді тағы 6 айға ұзартты. Бұл туралы аталған ел Сыртқы істер министрінің орынбасары Джаккапонг Сангмани Алматыда өткен қабылдауында мәлімдеді.

«Екі ел визасыз режим орнату бағытында екіжақты белсенді жұмыс істеп жатқанын қуана хабарлаймын. Жақында бұл келісімдер аяқталады. Ол ұзақ мерзімді әрі пайдалы шешім болады деп есептеймін. Бұл процесс жалғасып жатыр. Біз арнайы визалық режимнің мерзімін қазірден бастап тамыз айының соңына дейін ұзартатынымызды келіп отыр. Қазақстан халқы бұл келісімді барынша тиімді пайдаланады деп сенемін», – деді Таиланд Сыртқы істер министрінің орынбасары.

Әуе рейстерінің саны артады

Визасыз режим күшіне енгеннен кейін бірнеше жағымды...

Қаржы нарығын реттеу және дамыту агенттігі Қазақстанда шетел еншілес банктердің филиалдарын ашуға қойылатын талаптарды жеңілдету жөніндегі заң жобасын дайындады. Жақын арада бұл түзетулер Парламентке жіберілетін болады. Бұл туралы Kapital басылымына ҚНРДА төрағасының орынбасары Олжас Қизатов айтып берген.

Агенттік Қазақстанда еншілес ұйымдар мен филиалдарды ашу кезінде банктер өткізуі тиіс құжаттар тізімін қысқартқан.

«Тікелей болмаса да, бір-бірін қайталайтын құжаттар болды. Яғни ревизия жүргізгеннен кейін елуге жуық құжат барын түсініп, осы тізімнің едәуір бөлігін қысқарттық», – деді Қизатов.

Ол негізгі шарттар – қаржылық тұрақтылық пен іскерлік беделге қойылатын талаптарды төмендетуге ниет жоқ екенін атап өтті. Агенттік төрағасының орынбасары кейбір шетелдік банктер Қазақстанда филиалдар ашуға мүдделі екенін айтты. Оңтүстік Кореядан, Таяу Шығыстан...

«ҚазМұнайГаз» Ұлттық компаниясы 2023 жылы 23,5 мл тонна мұнай мен газ конденсатын өндірген. Бұл 2022 жылғы көрсеткішпен салыстырғанда 6,9 пайызға артық. Жалпы ҚМГ былтыр көмірсутек өндіру, тасымалдау және сату көрсеткішін арттырған. Бұл жайында компанияның өндірістік нәтижесінда жазылған.

Ал ілеспе және табиғи газ өндіру көлемі (кері айдау көлеміне дейін) 14,8%-ға артып, 9,46 млрд текше метрді құраған.

Тәуелсіз аудиторлардың бағалауынша, қазіргі кезде ҚМГ көмірсутектерінің дәлелденген және ықтимал қоры 733 млн тоннаға тең, 2022 жылмен салыстырғанда барланған өор деңгейі 3,7%-ға өсті.

Былтыр ҚМГ магистральды құбырлар мен теңіз арқылы 80,3 млн тонна мұнай тасымалдаған. Алдыңғы жылмен салыстырғанда, мұнай тасымалы 7,6%-ға...

Шри-Ланка билігі 251 миллион доллар мұнай қарызының бір бөлігін өтеу үшін Иранға 20 миллион долларға шай экспорттағанын хабарлады. Бұл туралы South China Morning Post басылымы мәлімдеді.

Бұл келісім батыстық санкция қысымына ұшыраған Иранға шай импортына ақы төлеу үшін шетел валютасын пайдаланбауға мүмкіндік береді.

Шри-Ланка Премьер-Министрі Динеш Гунаварденаның баспасөз қызметі Иранның Сыртқы істер министрі Хосейн Амир-Абдоллахианмен келіссөздерден кейін, Иранға 20 миллион долларға шай экспортталды деп хабарлады.

«Мұнайдың орнына шай» мәмілесі 2021 жылдың желтоқсан айында келісілді. Бірақ мемлекеттегі экономикалық дағдарысқа байланысты экспорт кешіктірілді.

Шри-Ланка шенеуніктері бұған дейін, шайды мұнайға айырбастау АҚШ-тың Иранға қатысты санкцияларын бұзбайды деп мәлімдеген. Өйткені шай азық-түлік...

Қазақстанның халықаралық резервінің жеткіліктілік деңгейі 2020 жылдан бері тұрақты түрде төмендеп келеді. 2023 жылдың соңында халықаралық резерв көлемі 36 млрд долларды құрады. Бұл Қазақстанның 6 айлық импортын жабуға жеткілікті. Halyk Finance сарапшылары еліміздің қоры көрші елдермен салыстырғанда біршама аз деп тұжырымдайды.

Резерв жеткіліктілігін бағалаудағы кең тараған көрсеткіштің бірі – олардың импорт айларына қатынасы. Бұл көрсеткіш сыртқы ағын (мысалы, экспорт кірісі және сыртқы қаржыландыру) тоқтаған жағдайда, импорттық төлем қызметі тұрақты болып қала беретін ай санын анықтайды. Бұл ретте тауарлар мен қызмет импортын кемінде үш ай жабуы жеткілікті саналады.

«2023 жылдың қорытындысында Қазақстан резервінің импортқа...

Қазақстанды газдандыруға осы жылы 90,4 млрд теңге бөлінген. Бұл жайлы Сенатта өткен жиында ҚР Энергетика министрі Алмасадам Сәтқалиев мәлімдеді.

Министр 2030 жылға қарай халықты газдандыру деңгейін 65%-ға дейін жеткізу жоспарланып отырғанын айтты. 2023 жылдың қорытындысы бойынша халықты газдандыру деңгейі 60%-ды құрап, 12 млн адам газға қол жеткізген.

«Ал осы жылы газдандыруды жалғастыруға 90,4 млрд теңге бөлінді, бұл 244 мың адамды газбен қамтамасыз етуге немесе газдандыру деңгейін 61,1%-ға дейін жеткізуге мүмкіндік береді»,– деді министр.

Сонымен біге министр іске асырылып ірі инфрақұрылымдық жобаларды іске асырылу барысына тоқталып өтті. Бұл жобалар:

АҚШ-тың қор нарығының индекстері күрт өсті. Бұл NVIDIA-ның тоқсандық оптимистік нәтижелерін жариялағаннан кейін оң өзгеріске ықпал етті. Бұл туралы KASE-нің қор нарығына шолу материалында жазылған.

S&P 500 индексі 2,1%-ға өсіп, жаңа рекордтық деңгейге жетті. Ал Nasdaq 3%-ға көтерілді. Dow Jones индексі 1,18%-ға өсті.

Хаттамаға сәйкес, S&P-дің 11 секторының 10-ы коммуналдық қызметтерді қоспағанда, оң нәтижемен жабылды. Nvidia акциялары 16,4%-ға көтеріліп, 785,38 долларға жетті. Бұл оның нарықтық капитализациясының 1,9 трлн доллардан асып түскенін көрсетті. Super Micro Computer (+32,9%), Advanced Micro Devices (+10,7%) және Broadcom (+6,3%) сияқты аналогтық компаниялардың акциялары да күрт өсті. Salesforce құнды қағаздары Dow Jones индексінде 3,5% өсіммен көшбасшы болды.

Ұлттық банк базалық мөлшерлемеге қатысты кезекті шешімін шығарды. ҰБ Ақша-кредит саясаты комитеті базалық мөлшерлемені +/– 1 п.т. дәлізімен жылдық 14,75%-ға дейін 50 базистік тармаққа төмендету туралы шешім қабылдады. 

2024 жылдың 19 қатарында шығарылған шешім бойынша ол 15,25 пайызды құраған.

Реттеуші бұл шешімін Қазақстандағы инфляциялық үрдістердің баяулауымен байланыстырады.

«Инфляциялық күтулер үш ай қатарынан баяулап келеді. Ал айлық инфляция орташа жылдық мәндерден жоғары қалыптасуда. Сыртқы инфляциялық жағдай бейтарап күйде қалыптасып отыр. Бірқатар сауда-серіктес елдерде инфляция біршама қарқын алып, сыртқы инфляциялық қысым сәл күшейді. Әлемдік азық-түлік бағасында төмендеу үрдісі жалғасып, сыртқы инфляциялық жағдайға оң әсерін тигізіп отыр...

Президент Қасым-Жомарт Тоқаев Қазақстан үшін Қытай маңызды стратегиялық серіктес деп мәлімдеді. Сонымен қатар Қазақстан энергетикалық ресурстарды сату және транзиттік хаб қызметін көрсету бойынша Қытайдың ауқымды серіктесі атана алады. Бір жағынан бұл біз үшін үлкен мүмкіндік. ҚР философия, саясаттану және дінтану институтының сарапшысы Руслан Изимовпен осы тақырыпта сұхбат құрдық.

– Жақын перспективада Қазақстан мен Қытайдың транзиттік, экспорттық қарым-қатынасы қалай өзгереді деп ойлайсыз?

– Әлемде қазір ескі «ойын ережелері» күрт өзгеріп жатыр. Әдеттегі тәртіп трансформацияға түсуде. Тиісінше кез келген өзгеріс сияқты бұл да мүдделер қақтығысымен, жергілікті дау-дамаймен, тіпті соғыспен жалғасын тауып жатады. Біздің екі көршіміз әлемдегі жалғыз мықты держава АҚШ-пен жақсы қарым-қатынаста...

Қаржы министрлігіне тиесілі «Азық-түлік келісім-шарт корпорациясының» жарғылық капиталын толықтыруға бюджеттен қосымша 30 млрд теңге берілуі мүмкін. Бұл туралы депутаттық сауалға жауап берген Серік Жұманғарин хабарлады.

«Биыл «Азық-түлік корпорациясының» жарғылық капиталын толықтыруға 40 млрд теңге бөлінді. Бұл ретте республикалық бюджетті нақтылау шеңберінде қосымша 30 млрд теңге бөлу туралы мәселе қаралатын болады», – деді Жұманғарин депутаттық сауалға жауап ретінде.

Оның айтуынша, Үкімет саланы несие беру үшін бюджеттен тыс қаражат тарту мәселелерін пысықтауда.

Сонымен қатар кейбір бағыттар бойынша қаржыландыру көлемі бастапқы жоспармен салыстырғанда қысқаруы мүмкін. Атап айтқанда, «Кең дала» бағдарламасы аясында шаруаларды қаржыландыру 70 млрд теңгеден 140 млрд теңгеге дейін екі есе ұлғайту жоспарланған. Алайда Жұманғариннің ақпаратына сәйкес, бюджеттің шектелуіне...

Intuitive Machines компаниясы Одиссей құрылғысы Айға сәтті қонғаннан кейін, бейсенбіде акциялары қарыштап көтерілді.

Айға жүк тасымалдау машиналарын жасайтын Intuitive Machines компаниясының акциялары бейсенбіде сауда-саттық жабылған кезде 8,28 долларға бағаланды.  Бұл сәрсенбідегі сауда –саттық жабылған кездегі бағасынан 11,16% төмен. EST 18: 35-те миссияның сәтті орындалғаны белгілі болған кезде, акциялар күрт өсе бастады. EST 19:30-ға дейін акция  құны $ 11,92 болды (+43,95%).

CNBC ақпаратына сүйенсек, Айға қонуын күткен кезде де компанияның құнды қағаздары 22 ақпанға дейін 300% дейін жоғарылады.

15 ақпанда биіктігі 4,3 метрлік Одиссей аппараты 12 түрлі қажетті жүк жиынтығымен ұшты. Оның алтауы NASA-ның деректерді жинауға арналған ғылыми және...

Алматыда бүгін сағат 10.08-де 2 балдық жер сілкінісі болды. Бұл жайлы Төтенше жағдайлар министрлігінің баспасөз қызметі хабарлады.

«ҚР ТЖМ «Сейсмологиялық бақылаулар және зерттеулер ұлттық ғылыми орталығы» ЖШС сейсмикалық станциялар желісімен 23 ақпанда 10 сағ.08 мин.33 сек. жер сілкінісі тіркелді»,– делінген министрлік хабарламасында.

Жер сілкінісінің эпицентрі Алматы қаласынан оңтүстік-шығысқа қарай 259 км жерде , Қытай аумағында орналасқан. Сейсмологтардың мәлімдеуінше бұл – афтершок. Жер сілкінісінің қуаты Алматы қаласында 2 балды құраған.

Көкшетау қалалық ХҚКО қызметкері шетел автокөліктерін заңсыз тіркеп келген. Бұл жайлы Қаржы мониторингі агенттігі хабарлады.

«Екі азамат «Азаматтарға арналған үкіметтің» Көкшетау қалалық ХҚКО-ның бұрынғы маманымен алдын ала сөз байласып, жалған төлем құжаттарын қолдана отырып, алымдарды төлемей шетелден келген көліктерді бастапқы тіркеуді ұйымдастырған»,–делінген ҚМА хабарламасында.

Бұл істі Қаржы мониторингі агенттігінің Ақмола облысы бойынша департаменті тергеген. Нәтижесінде жалған төлем-есеп айырысу құжаттары арқылы 68 көліктің заңсыз тіркелгені анықталған. Бастапқы тіркеу үшін төленбеген алым көлемі шамамен 449 млн теңгені құраған.

Еске сала кетсек, 2023 жылдың 30 маусымында Қасым-Жомарт Тоқаев ІІМ алқа мәжілісінде Қазақстан жолдарында тіркеусіз...

Астанадағы Қажымұқан Мұңайтпасов атындағы стадионды бұзып, оның орнына жаңа, жабық үлгідегі стадион салу туралы шешім қабылданды.

Астана қаласының дене шынықтыру және спорт басқармасының хабарлауынша, қазіргі стадион құлау алдында тұр. Осыған байланысты стадионда жөндеу жұмыстарын жүргізудің орнына оны толықтай бұзып, жаңа стадион салу жоспарланған.

Жаңа стадионның жобасы UEFA стандарттарының 3 санатына сәйкес, ауданы 7140 шаршы метр, көлемі 105 метрден 68 метрге дейінгі ойын алаңы бар 4500 орындық жоспарланған.

Қазіргі уақытта эскиздік жоба әзірленуде. Стадионның эскиздік жобасы келісілгеннен кейін мемлекеттік сараптама порталына жүктеледі. Мемлекеттік сараптаманың оң қорытындысын алғаннан кейін, ғимараттың құрылысы бойынша жұмыстар басталады.

Астанадағы құрылыс мәселелері

Айта кетейік, елордада осыған дейін мемлекет қолдауыны...

Біріккен Ұлттар Ұйымының дүниежүзілік бағдарламасы Газа аймағында зардап шеккендерге азық-түлік таратуды тоқтатты. Бұл туралы бағдарлама басшысы Синди Маккейн хабарлады.

Euronews хабарлауынша, шешімнің қабылдануына сектор тұрғындарының бағдарлама қызметкерлеріне шабуылдауы, қарақшылықтың жиілеуі себеп болған.

Жексенбі күні босқындарға азық-түлік таратуға келе жатқан жүк көліктерін Вади-Газа кеден бекетінде бір топ аш адам қоршап алып, жүкті тонауға талпынған. Олар оқ атқан. Дүйсенбі күні жүк көліктерінің тағы бір көшін жолда тоқтатып, тонап кеткен. Жүргізушілердің бірі зардап шеккен. Жоба мәлімдемесінде азық-түлік үлестіріп жатқан уақытта да адамдар жиі төбелесетіні жазылған.

Соған байланысты БҰҰ дүниежүзілік азық-түлік бағдарламасы аймаққа азық-түлік жеткізуді уақытша тоқтата тұру жөнінде шешім қабылдаған. Бағдарлама гуманитарлық көмек берудің басқа да жолдарын қарастыруға тырыспақ.

Жасанды интеллект кейінгі жылдары қоғамдағы түгел дерлік салада қолданылатын құрал болып кетті. Оның ішінде қаржы саласында алғашқылардың бірі болып қолданысқа енгізілді. Алдағы уақытта бұл тренд жалғаса беретін сыңайлы. Дегенмен AI-ға қаншалықты сенуге болады? Оның артықшылықтары қандай? Нендей қауіп төндіруі мүмкін? Қазір пайдаланылып жүрген технологиялар қалай жұмыс істейді? Осы тақырыпқа шолу әзірледік.

Машинаны үйрететін және нейрон желілерінің алгоритмдерін қолдана отырып компаниялар нарықтағы трендтерге болжам жасап, шешім қабылдағанда тәуекелдерді таразылайды. Бұл тұрғыдан қарағанда жасанды интеллектінің әжептәуір көмекші екенін білуге болады. Әйтсе де, саладағы сарапшылар қауіптің де жоқ емесін айтып, дабыл қағады. Соның ішінде роботтар болашақта адамдардың орнын басып, жұмыс орындарын жо...

Армения Ұжымдық қауіпсіздік туралы шарт ұйымына (ҰҚШҰ) қатысуын уақытша тоқтатты. Бұл жайлы республика премьер-министрі Никол Пашинян France24 телеарнасына берген сұхбатында айтқан.

«Біздің ойымызша, Арменияға қатысты ұжымдық қауіпсіздік туралы келісім, әсіресе, 2021-2022 жылдары орындалмады. Бұл біздің назарымыздан тыс қалмады. Біз бұл келісімге қатысуымызды тоқтатып қойдық. Ары қарай не болатынын көрейік»,– деген телеарнаға берген сұхбатында.

Ереван ҰҚШҰ мен Мәскеудің келісімшарт бойынша міндеттелемелерін орындамай отырғанын айтып, ұйымнның жиынына қатысудан бас тартқан. Мәселен Армения Қауіпсіздік Кеңесінің хатшысы Армен Григорян республиканың Ұжымдық қауіпсіздік шарты ұйымынан «ешқандай үміт күтпейтінін» айтқан. Ол:

«2020 жылдан бастап...

Қазақстан жаһандық мыс нарығының негізгі ойыншысы бола алады. Бұл Қазақстан тау-кен палатасы директорлар кеңесінің мүшесі Тим Барридің мәлімдемесі.

Сарапшының айтуынша, соңғы 8 жылда әлемде жыл сайын шамамен 3 млн тоннаға жуық мыс өндірілді. 2023 жылдан бастап халықаралық нарыққа шамамен 7 млн тонна мыс қажет бола бастады.

«Біз мыс жеткізу көлемін ұлғайту қажет екенін көріп отырмыз. Қазақстан жаһандық мыс нарығының негізгі ойыншысы бола алады. Сіздерде 100 мың тоннаға жуық мыс өндіретін Ақтоғай кен орны бар. 2024 жылғы сұранысты қанағаттандыру үшін осындай ірі карьерлердің санын көбейту қажет. Мұндай карьерлер жыл сайын пайда болуы керек», – деді Тим Барри...

Бәсекелестікті қорғау және дамыту агенттігі электрондық сауда алаңдары нарығындағы бәсекелестіктің жай-күйіне талдау жүргізді.

Географиялық шекаралары – Қазақстан Республикасының аумағы болып белгіленді.

Электрондық сауда алаңдарының қызметі «Сауда қызметін реттеу туралы» Заңмен (бұдан әрі – Заң) реттеледі.

Заңның 1-бабының 58-тармақшасына сәйкес Электрондық алаң – бұл саудаға қатысушыларды инфрақұрылыммен, оның ішінде ақпараттық-коммуникациялық технологияларды пайдалана отырып, олардың арасында жұмыстар мен қызметтер көрсетуге арналған шарттар жасасуды қамтамасыз ететін интернет-ресурс.

«Тексеріс нәтижесіне сәйкес зерттелетін қызметтер нарығы дамымаған әрі бәсекелестікпен жоғары шоғырланған», – деп хабарлады Агенттік.

Нарық субъектілерінің құрамына Қазақстан Республикасында орналасқан бөлшек саудагерлерге ақылы қызмет көрсететін 9 электрондық алаң кірді.

1) «Kaspi...

Алматыда әуежайдың ұшу-қону жолағын кеңейту көзделіп отыр. Ол үшін ауданы 17,4 гектар 104 жер телімін қала балансына қайтарып алу жоспарлануда.

Алматыдан бөлек Шымкентте де әуежай маңындағы жер телімдері мемлекетке қайтарылмақ. Бұл туралы вице-премьер Роман Склярдың депутаттар сауалына берген жауабында жазылған.

Еске сала кетсек, 1 ақпан күні «Ақ жол» партиясының депутаттары премьер-министрдің орынбасарына сауал жолдаған. Құжатта 2019 жылғы Bek Air ұшағының апатты жағдайда қонуы, ұшу-қону жолағынан шығуын жан-жақты тексеруді талап етті. Депутаттар еліміздің түкпір-түкпіріндегі әуежайларға жақын орналасқан ғимараттарды алып тастау қажет деп есептейді.

Сауалға жауап берген Роман Скляр тергеудің аяқталып қойғанын айтты. Ұшақ апатының себебін де еске салды. Оны...

Әлемдегі ең ірі азық-түлік және алкогольсіз сусындар өндірушісі швейцариялық Nestle-нің сатылымы нарық күткендей болмады. Nestle акциялары 2020 жылдың көктемінен бастап ең төменгі деңгейге жетті. Себебі компания бағаны көтеруді жалғастырды.

Акция

Nestle бейсенбіде Цюрихтегі сауда-саттықта 5,3% – ға төмендеп, 93,84 швейцариялық франкке жетті. Бұл төрт жылдағы ең төменгі деңгей. Компанияның капиталдандыруы өткен жылы 14% – ға, яғни 254 миллиард франкке дейін төмендеді.

Nestle

Reuters ақпаратына сүйенсек, 2023 жылы Nestle-нің органикалық сатылымының өсуі консенсус болжамынан сәл төмен болды. Себебі компания бағаны көтеруді жалғастырды. Ал бұл жағдай тұтынушыларды бәсекелес брендтерге жүгінуге итермеледі. Инвесторлар Nestle биылғы жылы бағаның өсуі баяулағанына...

Qazaq Air 2024 жылдың 15 наурызынан бастап Түркістан-Самарқанд бағыты бойынша рейстер ашуды жоспарлап отыр. Бұл туралы ҚР Көлік министрлігінің Азаматтық авиация комитеті хабарлады.

Рейстер аптасына екі рет – жұма және жексенбі күндері De-Havilland Dash 8-Q400 ұшағында орындалады.

«Әуе қатынасының артуы Қазақстан мен Өзбекстан арасындағы сауда-экономикалық, іскерлік, инвестициялық және туристік ынтымақтастықты одан әрі дамытуға ықпал етеді», – деп атап өтті ведомство.

Қазіргі уақытта Түркістан-Самарқанд бағытында тікелей рейстер жоқ.

Qazaq Air – Қазақстанның аймақтық бағыттарына қызмет көрсету үшін құрылған әуе компаниясы. Оның акцияларының 100%-ы «Самұрық-Қазына» мемлекеттік қорына тиесілі. Әуе флоты 5 De Havilland Dash-8-Q400NG ұшағынан (бұрын...

Қытайлық хакерлер тобы екі жылдан астам уақыт бойы қазақстандық байланыс операторларының инфрақұрылымынан деректердің ұрлануына қатысты ҚР ЦДИАӨМ Ақпараттық қауіпсіздік комитетінің төрағасы Руслан Әбдіқалықов пікір білдірді.

Дәлеліміз жоқ

Комитет басшысы бұл ұрлықтың артында үлкен бір мемлекеттің мүддесі жатуы мүмкін екенін айтты. Бірақ дөп басып Қытай ұрлық жасады деп айта алмайтынын жеткізді.

«Біз қандай да бір мемлекетті немесе қандай да бір мемлекеттік құрылымды ұрлық жасады деп кінәлай алмаймыз. Тікелей дәлеліміз жоқ. Қытай Халық Республикасы біздің стратегиялық серіктесіміз. Түсінгеніміз, бұл іспен арнайы хакерлік топ айналысқан. Бұл топ сөзсіз шетелдік мемлекеттің арнайы қызметінің мүддесі үшін жұмыс істеген. Жалпы...