Жаңалықтар

Қазақстанда астық жинау маусымы толығымен аяқталды, 16,6 млн тонна астық, оның ішінде 11,5 млн тонна бидай бастырылды, деп хабарлады Үкіметтің баспасөз қызметі.

«Бүгінгі таңда дәнді дақылдар бойынша егін жинау жұмыстары толық аяқталып, 16,9 млн га дәнді және бұршақты дақылдар жиналды. Орташа өнімділік 9,8 ц/га болғанда 16,6 млн тонна астық бастырылды, оның ішінде орташа өнімділік 8,6 ц/га болғанда, шамамен 11,5 млн тонна бидай бастырылды», – делінген ақпаратта.

Үкімет «жиналған өнімді бірінші кезекте ішкі нарықты қамтамасыз етуге», осыдан кейін «белгілі бір бөлігін ұн түрінде экспортқа шығаруды жоспарлаған. 

Айта кетейік, сарапшылар қазіргі таңда бидайдың әлемдік бағасы өсіп келе...

Қостанай қаласының Амангелді кентінде газ жарылып, бір қабатты үй опырылып құлады
Үйіндінің асында 7 адам қалды. Оның екеуі құтқарылып, біреуінің денесі табылды.
Бір адамның аяғын бетон плита басып қалған.

«Газ-ауа қоспасының жарылуы салдарынан жүк көліктерін жөндеуге арналған бір қабатты ғимарат құлады. Іздестіру-құтқару жұмыстарына Қостанай облысы Төтенше жағдайлар департаменті мен жергілікті атқарушы органдардың күштері жұмылдырылды», – деп хабарлады ТЖД баспасөз қызметі.

Жарылыстан зардап шеккен 12 адам алғашқы медициналық көмекке жүгінді.

Құтқарушылар үйінді астынан тағы 2 адамды алып шығып, жедел жәрдем бригадасына тапсырды.

Төтенше жағдайлар қызметінің мәліметінше, үйінді астында қалған адамды құтқару үшін авариялық-құтқару жұмысы жалғасып жатыр...

Bek Air әуе компаниясы Fokker 100 ұшағының апатқа ұшырауына байланысты қозғалған қылмыстық іс аяқталуға жақын, деп мәлімдеді Ішкі істер министрі Ержан Сәденов.

Журналистер қылмыстық істің қаралу мерзімі 2027 жылға дейін екенін алға тартып, «кінәлілер жазалана ма?» – деп сұрады.

«Қылмыстық іс бойынша тергеу аяқталуға жақын. Таяуда барлығын аяқтаймыз деп ойлаймын. Халықаралық бағытта бірқатар техникалық сараптама қамтылды. Сондықтан қиындық болды», – деді Ішкі істер министрі Мәжілісте өткен үкімет сағатынан кейінгі баспасөз мәслихатында.

Ержан Сәденов «Bek Air ісіне» кінәлілер тиісті жазасын алатынын айтты.

«Бұл іс жабылмайды, ол жүріп жатыр. Кінәлілер анықталды. Оларды міндетт...

Ең ірі криптовалюта биржасы Binance Ресейден кету және  CommEX  компаниясына бизнесті сату туралы шешімге сүйене отырып, өзінің p2p платформасында Ресей рублімен мәмілелерді тоқтататынын хабарлады.

2024 жылдың 31 қаңтарынан бастап Binance P2P платформасы рубльмен (RUB) барлық мәмілелені тоқтатады.

Peer-to-peer немесе P2P сауда-саттығы-бұл трейдерлер криптовалютаны өзара айырбастайтын сауда-саттық. Ал платформа олардың операцияларының кепілі болып табылады. Тамыз айының соңында Binance Ресейдің P2P клиенттеріне рубльден басқа кез-келген валютамен операцияларға тыйым салды. Бір айдан кейін, Binance Ресейден толық кететінін және өз бизнесін жаңа CommEX алаңына сататынын жариялады.

Ресей банкі P2P операцияларын крипто-активтерді сатып алудың негізгі арнасы деп санайды. Реттеушінің мәліметінше, бір жыл ішінде ресейліктер...

ЖЭО-лардағы ақаулықтар жойылды / Фото: kursiv.media

Барлық қаладағы ЖЭО-лардағы ақаулар жойылып, штаттық режимде жұмыс істеп жатыр. Бұл жайлы Қазақстан Республикасы Энергетика министрлігі Атомдық және энергетикалық қадағалау мен бақылау комитетінің басқарма басшысы Асхат Жақыпов айтты.

«Қазіргі таңда жылу электр орталықтары кестеге сәйкес, температуралық параметрлері сақтаулы режимде жұмыс істеп жатыр. ЖЭО-ларда демалыс күндері ақаулар болды. Екібастұз қаласына келер болсақ, қазіргі таңда 10 қазандықтан 7-еуі жұмыс істеп жатыр. Температуралық режим таңертеңнен бастап көтерілді. Ал Теміртау қаласындағы Bassel Group станциясында да ақаулар болды. Ол жерде де ақаулар жойылып, таңертеңнен бастап станциялар штаттық режимде жұмыс істеп жатыр»,– деді ол.

Алтын бағасының көтерілуінен болған әсер 750 млн доллардан астам мемлекеттік борышты төлеумен теңестірілді. Бұл туралы Ұлттық банк төрағасының орынбасары Әлия Молдабекованың «Теңге бағамының динамикасы және қаржы нарықтарындағы соңғы үдерістер» баяндамасында жазылған.

Қараша айының қорытындысы бойынша, алдын ала мәліметтерге сәйкес, Қазақстанның алтын валюта резерві 34,1 млрд долларды құрап, бір айда 131 млн долларға ұлғайған. Қараша айында алтын бағасы бір унция үшін 1998 доллардан 2038 долларға дейін өскен. Бұған әлемдегі геосаяси жағдайдың күрт нашарлауы, атап айтқанда, Таяу Шығыстағы қақтығыстар әсер еткен.

«Ұлттық қордағы валюталық активтердің көлемі өткен айда шамамен 2,3 млрд долларға ұлғайып, қараша айының соңында 58,6 млрд доллар болған. Жылды...

Ішкі істер министрі 2 полиция капитанының жасөспірім қызды зорлағанын растады.
Алматыда полиция қызметкерлері 14 жастағы қызды зорлады. Бұл ақпаратты Ішкі істер министрі Ержан Сәденов растады.

«Алматыда 2 полиция капитаны 14 жасар жасөспірім қызды зорлады деген фактіні растайсыз ба? Бұл рас болса, күдіктілер ұсталды ма?» – деп сұрады тілшілер министрден.

Ержан Сәденов мұндай факті болғанын растады және оқиғаға қатысты шұғыл қызметтік тексеріс жүргізіліп, тәртіптік комиссияның отырысы өткенін мәлімдеді.

«Өкінішке қарай, осындай жағдай болды. Бұл қылмысты полиция қатарында жұмыс істеген адамдар жасады. Олар қызметтерінен босатылды. Қылмыстық іс аясында қамауға алынды. Қазір тергеу жүріп жатыр...

2023-2024 жылдары БЖЗҚ зейнетақы активтері бойынша еркін өтімділіктің бір бөлігін «Бәйтерек» ҰБХ» АҚ мен «Самұрық-Қазына» ҰӘҚ» АҚ квазимемлекеттік компанияларының облигацияларына инвестициялау жоспарланып отыр. Бұл туралы Ұлттық банк төрағасының орынбасары Әлия Молдабекованың «Теңге бағамының динамикасы және қаржы нарықтарындағы соңғы үдерістер» баяндамасында жазылған.

Аталмыш екі компания Қазақстанның тәуелсіз рейтингтерімен салыстырылатын «ВВВ» деңгейіндегі халықаралық рейтингтік агенттіктердің жоғары рейтингтік бағалары бар сенімді эмитенттер. 

«Егер инвестициялау тетігі туралы айтатын болсақ, онда «Бәйтерек» ҰБХ» АҚ және «Самұрық-Қазына» ҰӘҚ» АҚ нарықтық шарттарда облигациялар шығарады, ал БЖЗҚ осы бағалы қағаздарға қаражат салады. Бұл тетік толығымен ашық тетік болып табылады. Облигациялар Қазақстанның қор биржасында орналастырылады...

Ішкі істер министрі Щучьедегі студенттің өліміне қатысты /kursiv.media

Ішкі істер министрі Ержан Саденов Щучьедегі студенттің өліміне қатысты сұраққа жауап берді.

«Бұл кісі өлтіру болған жоқ, біз дәлелдедік. Бұзақылық, бопсалау фактісі анықталды. Жәбірленушіні таныған 4 адам қамауға алынып, жауапкершілікке тартылды. Тергеу амалдары жүріп жатыр», – деді Ержан Саденов Мәжілісте өткен үкімет сағатынан кейін журналистерге берген сұхбатында.

Тілшілер министрден: «бұл – суицид пе?» – деп сұрады. Ол: «Иә, бұл – суицид», – деп жауап берді.

Ержан Саденов қылмыстық іс «өзін-өзі өлтіруге итермелеу» бабы бойынша қозғалғанын атап өтті.

«Қылмыстық іс суицидке итермелеу бабы бойынша...

Мәжілістен кейін өткен брифингте Ішікі істер министрі Ержан Сәденов журналистердің сұрағына жауап берді.

Журналистер министрден «Не молчи» қорының негізін қалаушы Дина Таңсәріге қатысты қозғалған іс туралы сұрады.

«Өскеменде NeMolchi.kz қорының жетекшіс Дина Тәңсәріге қатысты алаяқтық фактісі бойынша іс қозғалды. Сіз қазақстандықтардың бұл қудалауға қатысты петиция жариялағанын білетін боларсыз. Көптеген қазақстандық бұл істің ойдан шығарылғанын айтып жатыр. Шыны керек, бұл ұйым зорлық-зомбылық құрбандарына құқық қорғау органдары бере алмаған қолдауды көрсете білді. Осы орайда Тәңсәрінің үстінен қозғалған қылмыстық істі қаншалықты орынды деп санайсыз? ІІМ-нің бұл орайда позициясы қандай?», – деп сұрады журналист.

Министр бұл...

Қайрат Сатыбалдының мерзімінен бұрын бостандыққа шығуы мүмкін деген ақпаратқа бас прокурордың орынбасары Әсет Шындалиев түсініктеме берді.

Мәжіліс кулуарында журналистер сұрағына жауап берген прокурордың айтуынша, Қайрат Сатыбалдының мерзімінен бұрын бостандыққа шығуы туралы шешімді сот қарастыратын болады.

«Кез келген сотталған азамат мерзімінен бостандыққа шығуға өтініш бере алады. Өтінішті сот қарайды. Ол (Қайрат Сатыбалды – ред.) өтініш берсе, оны босатады деген сөз емес. Сот оны босатуы да, босатудан бас тартуы да мүмкін»,– деді прокурор.

Журналистер прокурордан Қайрат Сатыбалдының Қайрат Боранбаев ізімен бостандыққа шығу мүмкіндігі туралы сұрады.

«Бостандықты сатып алу деген мүмкіндік бірде-бір заңда көрсетілмеген...

Басылымға қандай шабуыл жасалды/kursiv.media

Kursiv.Media басшылығы басылымның ақпараттық серверлеріне бұрын-соңды болмаған хакерлік шабуылға байланысты ресми мәлімдеме жасады. Kursiv.Media мұндай әрекетті БАҚ-қа қысым көрсету деп бағалап, бұған наразылық білдіретінін жариялайды.

2023 жылғы 6 желтоқсанның 18.00-нен (Астана уақытымен) бастап Kursiv.Media ресурстары кешенді ақпараттық шабуылдарға тап болды. Шауыл жасаушылардың кім екені әзірге белгісіз. Шабуыл бір мезгілде бірнеше бағыт бойынша жасалды. Оның ішінде:

Қаржы нарығын реттеу және дамыту агенттігінің басқармасы «Банк Фридом Финанс Қазақстан» акционерлік қоғамына банк холдингі мәртебесін иеленуіне рұқсат берді. Бұл туралы Агенттіктің баспасөз қызметі хабарлады.

«Агенттік Басқармасымен «Freedom Holding Corp. «Банк Фридом Финанс Қазақстан» акционерлік қоғамының (жанама) банк холдингі мәртебесін иеленуге келісім беру туралы» 2023 жылғы 07 желтоқсандағы № 89 қаулы қабылданды» делінген Агенттік таратқан хабарламада.

Сонымен қатар, реттеушінің басқармасы Freedom Holding Corp.негізін қалаушы және басты акционерлері Тимур Турловқа «Банк Фридом Финанс Қазақстан» АҚ-ның ірі қатысушы мәртебесін беруге келісім берді.

«Агенттік Басқармасымен «Тимур Русланович Турловқа «Банк Фридом...

Өткен демалыс күндері еліміздің бірнеше қаласының жылу желілерінде апат болды/t.mе./aqorda_resmi

Атырау, Қарағанды, Павлодар, Маңғыстау облыстарының әкімдері Президентке аймақ тұрғындарын жылумен және сумен қамтамасыз ету мәселесі жөнінде есеп берді, деп хабарлайды Ақорда баспасөз қызметі.

Президент апат болған учаскелердегі жағдайды шұғыл реттеп, халықты жылумен және сумен қамту ісін тез арада қалпына келтіруді және барлық елді мекендегі коммуналдық желілердің үздіксіз жұмысын жолға қоюды талап етті. 

Сондай-ақ Үкіметке жылыту маусымына дайындық кезінде олқылықтар жіберілгені де айтылды.

«Мемлекет басшысы берілген тапсырмаларды орындау үшін Үкіметке және облыстардың әкімдеріне жеке-жеке жауапкершілік жүктеді», – деп жазылған таратылған хабарламада.

Үкімет басшылығы еліміздегі тозығы...

GaR бағалауына сәйкес, макроқаржылық жағдайдың нашарлауы қысқа мерзімде ЖІӨ өсуін төмендетуі мүмкін екенін көрсетеді. 

Алайда экономиканың өсуі оң болып қалады деп болжанған. GaR моделі бойынша есептелген ҚР Үкіметінің экономиканың өсуінің базалық болжамының үлестіріліміне сәйкес ЖІӨ-нің медианалық өсуі 2024 жылы 3,6% және 2025 жылы 4,1% деңгейінде бағаланып отыр.

«Қатаң макроқаржылық жағдайға байланысты экономиканың өсуі үшін ағымдағы тәуекелдер алдыңғы кезеңдермен салыстырғанда жоғары қалыпта», – деп түсіндірді жағдайды ҚНРДА.

Қаржы нарығын реттеу және дамыту агенттігі 2023 жылғы 3 тоқсандағы «Тәуекел жағдайындағы өсу» есебінде Қазақстан экономикасы мұнай өндірудің, құрылыстың және тұтынушылар белсенділігінің ұлғаюы есебінен 2023 жылы ЖІӨ 4,3% өсу деңгейіне жеткенін жазған. Алайда кейбір өнеркәсіп салаларындағы және өсімдік шаруашылығындағы баяулау өсімді тежеп тұрғанын ескере...

Мәжіліс отырысында депутат Снежана Имашева есірткінің заңсыз айналымына полиция қызметкерлерінің қатысы бар екенін айтты.

Қоғамда есірткі мафиясын жою мүмкін емес деген пікір қалыптасқанын айтқан депутат бұл қылмыспен күресу өте қиын екенін айтты. Халықаралық және трансұлттық бұл қылмысқа кей тұстарда полицияның қатысы барын айтты.

«Полиция қызметкерлерінің өздері есірткінің заңсыз айналымына қатысы бар екендігі бәрімізді ашуландырады. Нашақорлықпен күресушілердің өздері оған көмектесетіні ешкімге құпия емес. Осы жылы есірткі заттарын сатқаны және сақтағаны үшін құқық қорғау органдарының 11 қызметкері мен әскери қызметшілері ұсталды. Бұл көші-қон полициясының қызметкерлері, полиция департаменті есірткіге қарсы басқармаларының басшылары мен жедел уәкілдері, ұйымдасқан...

Мәжілісте «Есірткі қылмысына қарсы іс-қимыл шаралары туралы» тақырыпта үкімет сағаты өтті. Жиында Ішкі істер министрі Ержан Сәденов елімізде есірткі бизнесі қалай жүргізілетіні жайлы және оған қалай тосқауыл қойылып жатқаны туралы айтып берді.

Министрдің айтуынша елдегі есірткі ахуалына үш негізгі фактор әсер етеді. Олар – каннабис шикізаты, солтүстік бағыт арқылы өтетін ауған героині және синтетикалық есірткінің таралуы. Соңғы 5 жылда 10 кг-нан 1 тоннаға дейін синтектикалық есірткі тәркіленген. Сондай-ақ қазіргі таңда есірткі қылмысы толығымен кибер кеңістікке көшкен. Бұл бизнестің «көрігі», әсіресе, телеграм-боттарда қызып тұр. Осы орайда министрлік арнайы ІТ мамандарын жұмысқа тартып, телеграм арнасындағы 1,3 мың интернет дүкен бұғатталғанын...

Polymetal акционерлері Ресейдің орталық депозитарийіне қарсы санкциялар нәтижесінде бұғатталған акциялардың жаңа алмасу келісімін мақұлдады.

Интерфакс хабарлауынша, ресейлік депозитарийлерге қарсы санкциялардан зардап шеккен акционерлерге акция алмасу жөніндегі ұсыныс жасалған. Олар АХҚО биржасында (AIX) шығарылған жаңа қағаздарға айырбас жасап, дивиденд алып, акционерлік құқықтарын қалпына келтіруге мүмкіндік алады.

Polymetal қазірдің өзінде акцияларды айырбастаудың екі траншын жүргізді. Жалпы алғанда, депозитарийде сақталған 22% қағаздың шамамен 8%-ын сатып алды. Акциялардың 14%-ы айырбастау критерийлеріне сәйкес келмеді. Polymetal АХҚО-ға қайта тіркелгендіктен, енді 14% акционерлер алмасу процессіне қатысуға мүмкіндік алды. 

Алмасуға мүмкіндік беретін акцияларды компанияның шотына аудару мерзімі – 2024 жылы 30 қыркүйекте аяқталады.

Осыған дейін Polymetal Джерси штатынан Астана халықаралық қаржы орталығына редомициляция процессін 7 тамызға дейін аяқтауды жоспарлап отырғаны туралы жазғанбыз. 

Жалпы компания  Қазақстанға шілден...

Қырғызстанның ұлттық қауіпсіздік жөніндегі мемлекеттік комитеті жақында ғана опат болған қылмыс әлемінің серкесі Қамшы Көлбаевпен және кеден бастығының бұрынғы орынбасары Райым Матраимовпен байланысы бар деген күдікпен мемлекеттік органдардың 180-нен аса қызметкерін жұмыстан босатқан. Бұл туралы Интерфакс хабарлады.

«Жүргізілген тексерулердің нәтижесінде түрлі деңгейдегі 226 мемлекеттік қызметкер әшкере болды. Олар Қамшы Асанбеков (Қамшы Көлбаев) және Райым Матраимовтың (Қырғызстан мемлекеттік кеден қызметі төрағасының бұрынғы орынбасары) мафиясымен құпия байланыста болған. Олардың ішінде 180-нен астам қызметкер қызметінен шеттетіліп, жұмыстан босатылды», – делінген хабарламада.

Қырғызстанның ұлттық қауіпсіздік жөніндегі мемлекеттік комитеті баспасөз қызметінің дерегінше елдің кеден қызметінен 76 адам жұмыстан...

Алматы әкімдігі мен қалалық сыбайлас жемқорлыққа қарсы қызметтің бірлескен жұмысы аясында таулы жерлерде заң талаптары мен құрылыс нормаларына мүлдем сай келмейтін салынып жатқан 52 нысан анықталған.

Қала құрылысын бақылау басқармасының мәліметінше, қаладағы 19 нысан бойынша толық немесе ішінара бұзу, учаскені бастапқы күйіне келтіру және нұсқаманы мәжбүрлеп орындау туралы сот шешімдері заңды күшіне енген.

Оның ішінде Витебская көшесі, 44/3,44 А мекенжайда орналасқан KHAN тұрғын үй кешені толықтай сүріледі.

Басқарма ақпаратына сүйенсек, нысанды «Tennis.kz» ЖШС салған, эскиздік жоба келісілмеген, авторлық және техникалық қадағалау, сараптама қорытындысы жоқ, құрылыс-монтаж жұмыстарының басталғаны туралы хабардар етпеген. 

Тапсырыс берушіге қатысты басқарма ӘҚБтК-нің 316-бабы 1-бөлігі, 321, 462-бөлігі бойынша...

«Азаматтарға арналған үкімет» мемлекеттік корпорациясы» КЕАҚ іске асыратын, коммерциялық ұйым саналатын заңды тұлғаларды мемлекеттік тіркеу және олардың филиалдары мен өкілдіктерін есептік тіркеу бойынша көрсетілетін қызметтердің бағаларын бекітті. Тиісті жоба «Ашық НҚА» порталына талқылауға шығарылды.

«Осы бұйрыққа қосымшаға сәйкес «Азаматтарға арналған үкімет» мемлекеттік корпорациясы» КЕАҚ іске асыратын, коммерциялық ұйымдар болып табылатын заңды тұлғаларды мемлекеттік тіркеу және олардың филиалдары мен өкілдіктерін есептік тіркеу бойынша көрсетілетін қызметтердің бағалары бекітілсін», – делінген құжатта.

Заңды тұлғаларды мемлекеттік тіркеу, олардың филиалдары мен өкілдіктерін есептік тіркеу – шағын, орта бизнес үшін тегін болса, ірі бизнес үшін ақылы. Сонымен бірге...

Қазақстанда елдің су қауіпсіздігін қамтамасыз ету және оның тапшылығы мәселесін шешу үшін Су саласын дамытудың 2023-2025 жылдарға арналған кешенді жоспарының жобасы әзірленді.

Жобаға сәйкес 2024-2026 жылдары 9 облыста көлемі 2,4 текше шақырым болатын 20 жаңа су қоймасының құрылысын бастау жоспарланып отыр. Сонымен қатар 9 облыста көлемі 1,9 км3 қолданыстағы 15 су қоймасын күрделі жөндеу жұмыстары басталады.

«Кешенді жоспарды іске асыру су ресурстарын 3,7 текше шақырымға, ал суармалы жер көлемін – 2,2 млн гектарға дейін ұлғайтуға, егіндік суының жыл сайынғы шығынын 3 текше шақырымға азайтып, 55 мыңнан тұрғыны бар 41 елді мекенді сумен қамтамасыз етуге мүмкіндік береді», – делінген Үкімет хабарламасында.

Су кеңесінің отырысына қатысқан премьер-министр Әлихан Смайылов жоспарланған іс-шараларды іске асыруға отандық компанияларды, оның ішінде құрылыс...

Апат болған қалаларда жылу беру қалпына келтірелі бастады / Фото: kursiv.media

Энергетика министрлігі аяз бастала салысымен апатқа ұшырап жатқан Ақтау, Балқаш және Екібастұз ЖЭО-ларға қатысты түсініктеме берді.

«Ағымдағы жылғы 9 желтоқсан күні Балқаш қаласындағы Абай және Абдугалиев көшесіндегі жылу желісінің құбырына зақым келіп, 6 сағат ішінде түн мезгілінде қалпына келтірілді. Екібастұз қаласында қазіргі таңда 8 қазандық жұмыс істеп тұр, жылу беруде іркіліс болған жоқ. Ақтау қаласындағы 11а ықшамауданында жылу желісі зақымдалған, қазіргі уақытта жөндеу жұмыстары аяқталуда», – делінген хабарламада.

Министрлік бұл жағдайларды технологиялық бұзушылықтар ретінде сипаттаған. Сонымен бірге қиындықтарға қарамастан, жылу беру тоқтамағанын...

Қылмыстық топ Абай ауданына қарасты теміржол станциясының жүктерін ұрлаған / Фото: kursiv.media

Қарағанды кеншілерінен ақша бопсалаған қылмыстық топ ұсталды, деп хабарлайды Polisia.kz.

«Қарағанды облысы полиция департаментінің ұйымдасқан қылмысқа қарсы күрес басқармасы прокуратураның үйлестіруімен «Қармет» кеншілерінен қорқыту, моральдық және физикалық қысым көрсету арқылы ақша бопсалаумен айналысқан қылмыстық топтың мүшелерін ұстады», – делінген ІІМ хабарламасында.

Полиция жедел-іздестіру іс-шараларын жүргізіп, нәтижесінде бұл қылмыстық топтың осындай 15 фактіге қатысы бар екенін анықтаған. Сонымен бірге 15-ке жуық тінту іс-шаралары жүргізіліп, нәтижесінде тіркелмеген атыс және суық қару түрлері, сондай-ақ оқ-дәрілер мен діни әдебиеттер тәркіленген. Қазіргі таңда қылмыстық топқа...