Жаңалықтар

«ҚазАгроҚаржы» ұйымы «Жеңілдікті лизинг» және «Қазақстанда жасалған» жеңілдік бағдарламаларына өтінім қабылдайды. Лизингпен техника және отандық көлік жабдықтарын алғысы келген фермерлер 2024 жылдың 14 ақпанынан өтініш бере алады.

Бұл туралы «Бәйтерек» ҰБХ баспасөз қызметі хабарлады. «ҚазАгроҚаржы» холдинг құрамына кіреді.

«ҚазАгроҚаржы» АҚ аталмыш шараға қызығушылық танытқан фермерлерді жеңілдікті лизинг бағдарламасына қатысуға шақырады», – делінген хабарламада.

«Қазақстанда жасалған» бағдарламасы

Бағдарламаны жүзеге асыруға 9,2 млрд теңге бөлінген. Тіркелмелі, елімізде өндіріліп/құрастырылған отандық көлік жабдықтарын лизингпен сатып алуға болады. Лизинг 10 жылға дейін беріледі. Жылдық мөлшерлемесі – 6%. Лизингке алынатын техника құнының 15%-нан бастап алдын ала...

Елімізде 2023 жылы Халықаралық еңбек ұйымының әдістемесі бойынша есептелген жұмыссыздық деңгейі 4,7%-ды құрады. Бұл туралы Ұлттық статистика бюросы хабарлады.

Ұлттық статистика бюросының ақпаратына сәйкес, республика экономикасының әртүрлі салаларында 9 042,3 мың адам жұмыспен қамтылды. Олардың 6 906,3 мыңы (жұмыспен қамтылғандардың жалпы санынан 76,4%) жалдамалы қызметкер болса, 2 136 мың адам (жұмыспен қамтылғандардың жалпы санынан 23,6%) – өзін-өзі жұмыспен қамтығандар. 15 және одан жоғары жастағы халыққа шаққандағы жұмыспен қамту деңгейі 65,1%-ды құрады.

2022 жылдың сәйкес тоқсанымен салыстырғанда жалпы жұмыспен қамтылғандар 76,7 мың адамға өсті.

«Жұмыспен қамтылған халық санының ең көп өсімі, ақпарат және байланыс, кәсіби...

Арыстанбек Мұхамедиұлы 11 жылға, оның әйелі Ғалия Ысқақова 6 айға, оның қорғаушысы болған Мұстахим Төлеев 6 жыл 8 айға сотталды. Бұл жайлы Астана қаласының қылмыстық істер жөніндегі мамандандырылған ауданаралық сотының баспасөз қызметі хабарлады.

Баспасөз қызметінің хабарлауынша, олар пара беруге оқталған, делдалдық қызмет атқарған, алаяқтық жасағаны үшін сотталған.

«2024 жылғы 13 ақпанда Астана қаласының қылмыстық істер жөніндегі мамандандырылған ауданаралық соты М., И. және Т.-ға қатысты үкім шығарды. Тергеу барысында М. аса ірі мөлшерде пара беруге оқталды деп, И. – парақорлыққа делдалдық жасады деп және Т. – аса ірі мөлшерде алаяқтық жасады деп айыпталды»,- делінген хабарламада.

Қазақстан үкіметі кәсіпорындар мен жеке азаматтарға берілетін салық жеңілдігін қайта қарайды. Бұл туралы Үкімет отырысынан кейін өткен брифингте Қаржы министрі Мәди Тәкиев мәлім етті.

«Біздің есебіміз бойынша, 7 трлн теңге көлемінде салық жеңілдігі қарастырылған. Біздің міндетіміз оларды азайту, бірақ олар қалай саналған? Нөлдік мөлшерлемедегі ҚҚС-та салық жеңілдігі саналады, осы 7 триллион теңгенің негізгі бөлігін қамтиды. Бұл – әлемдік тәжірибе. Мұны отандық экспорттаушыладың тікелей пайдасы немесе қолдау деп қарау керек пе? Мәселе сонда», – деді Тәкиев.

Министр жаңа Салық кодексі жобасында жеңілдіктерге арналған жеке бөлім енгізуді жоспарлап отырғанын айтты. Содан кейін Қаржы министрлігі салық жеңілдігін...

Декларация тапсырған соң әр адамның мүлкі туралы ақпарат толық берілетін болады. Күзде талай адамның жеке деректері телеграм боттарға тарап кеткені секілді, бұл жеке ақпараттың тарап кетуі мүмкін бе? Бұл сұраққа Мемлекеттік кірістер комитетінің Арнаулы салық режимі әкімшілендіру басқармасының басшысы Ерқанат Шыңберген жауап берді.

«Бізде Салық кодексінде салықтық құпия деген анықтама бар. Сол кодекстің 30- бабында салықтық құпияға жатпайтын мәліметтердің тізімі бекітілген. Сол тізімге кірмейтін барлық мәлімет құпия сақталады. Яғни декларацияда көрсетілген мүлік туралы мәліметтердің құпиялылығы толық сақталады», – деді.

Жалпы екінші кезең қатысушылары декларацияны 2024 жылдың 15 қыркүйегіне дейін тұрғылықты жері бойынша тапсыруы...

«БанкЦентрКредиттің» еншілес компаниясы – BCC Invest көлемі 500 млн доллар болатын облигациялық бағдарламасын нарыққа шығарады. Компания директорлар кеңесінің шешімі Қазақстан қор биржасына жолданған.

Директорлар кеңесінің шешімі 2024 жыл 5 ақпан күні шығарылған. Қаулының орындалуын қадағалау Басқарма төрағасының орынбасары Әлібек Оразақовқа жүктелген.

Бірінші эмиссия аясында бір акцияға бағасы 100 доллар деп бекітілген. Жалпы сомасы $10 млн болатын 100 мың бағалы қағаз орналастыру жоспарланған.

Компанияның жалғыз акционері – ЦентрКредит Банкі. Негізгі иелері – Бақытбек Байсейітов (40,11%) пен Владислав Ли (9,23%). 2023 жылдың қаңтар-қыркүйек айларында брокер 2,19 млрд теңге таза пайда тапқан. Жиынтық активтері 47,9 млрд теңгені ($107,3 ​​млн) құрады

2024 жылдың 10 ақпанында сағат 14:00 шамасында Самара-Шымкент автожолында қызметтік міндетін атқару кезінде «ҚазАвтоЖол» компаниясының қызметкері қаза тапты.

Қайғылы оқиға Самара-Шымкент автожолының 1285 шақырымында болған. Жол-көлік оқиғасының (жол бойында тұрған көлікті соққан) салдарынан тікелей қызметтік міндетін орындау кезінде «ҚазАвтоЖол» ҰК» АҚ Қызылорда облыстық филиалының бас маманы Сыдықов Сақтапберген Бақытжанұлы қайтыс болды.

«Оқиға «Самара-Шымкент» автожолында Арал ауданы, Сазды ауылы маңында қозғалыс қайта жанданған уақытта болған. Қатты жылдамдықпен келген Toyota Alphard көлігі жол бойында тоқтап тұрған көлікке соқтығысқан, сол уақытта автокөлік ішінде компания қызметкері жұмыс істеп отырған. Салдарынан ол тілге келместен сол жерде жан тапсырды», – делінген компания хабарламасында. 

Марқұм Қызылорда облыстық филиалының бас маманы болып...

Елде жеке тұлғаларға лизингке тұрғын үй, автокөлік және ғимарат сатып
алуға рұқсат беретін заң қабылданады. Бұл туралы Қаржы министрі Мәди Такиев айтты.

Үкімет отырысынан кейінгі брифингте журналист Қаржы министрінен: «Жеке тұлғаларға тұрғын үй мен автокөлік лизингке беріле ме?», – деп сұрады. Ол: «Бұл мәселе лизингтік компаниялардың ұсынысымен былтыр қарастырылды. Осыған қатысты заң жобасы Мәжілістің бірінші оқылымынан өтті. Заң биыл қабылданады деп сенеміз. Бұл – жаңа қаржы құралы. Лизинг арқылы автокөлік те, тұрғын үй де, ғимарат та сатып алуға болады. Лизингті дамыту туралы президенттің арнайы жарлығы бар. Онда нақты тапсырма белгіленген. Алдағы уақытта лизингті дамыту үшін жұмыс істейміз», – деп түсіндірді.

Қаржы...

Қазақстан қатты пайдалы қазбаларды қайта өңдеумен айналысатын инвесторға салық жеңілдігін бермек. Мұндай келісімге үкімет атынан Өнеркәсіп және құрылыс министрлігі қол қояды. Тиісті қаулы «Ашық НҚА» порталында орналастырылған.

Үкіметі қаулысында қатты пайдалы қазбаларды қайта өңдеу туралы келісімнің жобасы қаулы қосымшасына сәйкес бекітілетіні жазылған. Оған қоса, Өнеркәсіп және құрылыс министріне осы келісімге қол қоюға өкілеттік берілмек.

Қаулы алғашқы ресми жарияланған күннен он күн өткен соң қолданысқа енгізіледі.

Жеңілдік алу үшін инвестордың өңдеу жобасына салатын инвестициясы 70 млн АЕК немесе 258,44 миллиард теңгені құрауға тиіс.

Жоба қатты пайдалы қазбаларды қайта өңдейтін жаңа өндіріс құруды көздейді. Бар өндірісті кеңейту...

Ұлттық экономика министрі Нұрлан Байбазаров БЖЗҚ ақшасына 3,3 мың вагон сатып алу үшін неліктен «ЗИКСТО» компаниясы таңдалғанын түсіндірді.

Бұған дейін Ұлттық Банк «Бәйтерек» холдингінің облигацияларына 173 млрд теңге зейнетақы активтерін салған болатын. Бұл қаражат 3,3 мың вагон сатып алуға жұмсалды. Өткен аптада Үкіметтің кулуарында Байбазаров әрбір жүк вагонының құны 30-35 млн теңге, ал жолаушылар вагонының құны 700-800 млн теңге болғанын айтты.

Журналистер вагондардың қымбатқа бағаланғанын алға тартып, Байбазаровтан неліктен дәл қазақстандық «ЗИКСТО» компаниясына тапсырыс беріліп, басқа компанияларды қарастырмағанын түсірдіруді сұрады.

«Біз отандық зауыттарды қолдаймыз. Әрине, шетелден сатып алып, басқа елдің экономикасын инвестициялай аласыз. Бірақ Екібастұз бен Петропавлдағы бұл зауыттар («ЗИКСТО») 1 мыңнан астам адамды жұмыспен қамтамасыз етеді. Ақшаның Қазақстанда...

Осы жылдың қаңтар айында инфляция 9,5%-ға дейін баяуласа, теңге бағамы 1,4%-ға нығайған. Бұл жайлы ҚРҰБ Төрағасының орынбасары Ақылжан Баймағамбетов айтты.

«Жылдық инфляция 2024 жылдың қаңтарында 9,5%-ға дейін баяулады. 2023 жылдың соңында инфляцияның төмендеуі базалық мөлшерлемені төмендетуді жалғастыруға мүмкіндік берді. Қаңтарда ол 50 б.п. төмендеп, 15,25%-ды құрады», – деді Ұлттық банк өкілі.

Баймағамбетов жылдық инфляцияның бәсеңдеу қарқыны төмендеп келе жатқанын, қаңтар айындағы инфляцияның тарихи орташа деңгейден жоғары болғанын атап өтті. Ол сондай-ақ жалпы тұрақты инфляциялық фон дезинфляциялық саясатты жалғастыруды талап ететінін айтты. Бұл айда ұлттық валюта да нығая түскен.

«Ағымдағы...

Мемлекеттік қарызды жабуға Ұлттық қордан қаржы алынбайды. Бұл туралы Қаржы министрі Мәди Такиев мәлімдеді.

«Мемлекеттік қарыз Ұлттық қордан жабылмайды деп айтуға болады. Өйткені бізде бюджеттік жүйе бар. Бюджет шығысын жабудың екі жолы бар. Бірінші бюджеттік кіріс есебінен. Екінші жолы – қарызды қайта қаржыландыру арқылы. Қарызды басқару барысында кірістерді пайдаланбай, нарықтардан қарыз алып, оны қайта жауып, ұзартуға болады», – деп атап өтті министр.

Оның пайымдауынша, бұл – тиімді тәсіл. Өйткені халықаралық қаржы нарығында Қазақстанның кредиттік рейтингі жоғары.

Министрдің айтуынша, Қазақстанның биыл жабылуға тиіс қарыз көлемі 2,5 трлн теңгені құрайды.

2023 жылы мемлекеттік қарыздың ЖІӨ-ге шаққандағы көлемі 26% жетсе...

Қаржы мониторингі агенттігінің басшысы өзгерді. Жанат Элимановтың орнына Дмитрий Малахов тағайындалды. Бұл туралы Ақорда хабарлады.

Ақорда ақпаратына сүйенсек, ҚМА басшысы болған Элиманов Ұлттық қауіпсіздік комитеті басшысының орынбасары қызметіне тағайындалған. 

ҚМА-ның жаңа басшысы қызметіне Дмитрий Малахов тағайындалған. Ол бұрын Элимановтың орынбасары болған. 

50 жастағы Малахов Ақмола облысында дүниеге келген. Алматы қаласындағы ІІМ жоғары мектебімен Рысқұлов атындағы экономика және қаржы университетін тәмәмдаған. Қаржы мониторинг агенттігінен бөлек, Сыбайлас жемқорлыққа қарсы агенттікте жұмыс істеген.

2021 жылы Қазақстанда жаңа қаржылық мониторинг агенттігі құрылды. Президент жарлығында жаңа мекеменің Қазақстан Республикасының президентіне тікелей бағынатын және есеп беретін мемлекеттік орган екені айтылады. 

Жаңа агенттікке қылмыстық жолмен табылған...

Мобильді аударымдар мәселесі қайта қаралады. Бұл туралы Үкімет отырысынан кейін өткен брифингте Ұлттық экономика министрі Нұрлан Байбазаров мәлім етті.

«Бұл  – өте өзекті сұрақ. Сондықтан мен бұл мәселені қайта қарауды тапсырамын. Бұл мәселені қаржы-экономикалық блокта тағы бір рет қарастырамыз. Жоба механизмін егжей-тегжейлі талқылаймыз. Бұл сұраққа қайта ораламыз», – деді министр.

Сонымен қатар салық режимдері қаралатынын атап өтті.

«Бұл жеке кәсіпкер екенін қалай анықтауға болады? Бізге заңның үстемдігі, әділетті мемлекет керек. Солай емес пе? Өз заңдарымызды орындауымыз керек. Кейбіреулер төлейді, кейбіреулері төлемейді. Әділдік болуы керек. Сондықтан барлығы төлеуі керек. Сондықтан біз қазір әртүрлі режимдердің барлық түрлерін қарастырамыз. Біз олардың осы режим...

Алматы қаласының әкімдігі әлеуметтік желіде жарнамаланып жатқан Royal time LCD тұрғын үй кешенінен пәтер алмауға кеңес берді.

«Тұрғын үй кешенінің аккаунттары мен сайтында көрсетілгендей, жаңа премиум-класты ТК Наурызбай ауданындағы Кенесары хан көшесі 145 мекенжайында орналасады. Алайда бүгінгі күні жер учаскесінде құрылыс жүргізілмейді және құрылысқа рұқсат беру құжаттарының пакеті де жоқ», – деп түсіндірді әкімдік. 

Ведомствода егер заңсыз объектіде жылжымайтын мүлік сатып алынған болса, құрылыс салушы тарапынан қаражатты ерікті түрде қайтарудан бас тартқан жағдайда Алматы қаласы бойынша Экономикалық тергеу департаментіне және құқық қорғау органдарына өтінішпен жүгіну керектігін еске салды.

«Жылжымайтын мүлікті сатып алмас бұрын...

Қосылған құн салығы (ҚҚС) көтерілмейді, сондықтан үкімет бюджет кірісінің басқа көзін іздеуі керек. Бұл жайлы Үкімет отырысында Олжас Бектенов айтты.

«Мемлекет басшысының тапсырмасы бойынша қосылған құн салығының ставкасы көтерілмейді. Бюджет кірістерінің басқа көздерін табуымыз керек», – деді Бектеков.

Бұл орайда үкімет басшысы Ұлттық экономика және Қаржы министрліктеріне республикалық бюджеттің шығыстарын да, кірістерін де сапалы жоспарлауды қамтамасыз етуді тапсырды.

Әсіресе, Қаржы министрлігінің тарапынан кеткен қателіктерге тоқталып өтті. Жалпы экономикаға теріс әсер етуі мүмкін тәжірибелер қайталанбауы керек екенін айтты.

«Кеңейтілген отырыста Мемлекет басшысы былтыр Қаржы министрлігі бизнеске 600 млрд...

Қазақстан бюджетінің шығысы қайта қаралады. Қазір шығыстарға талдау жүргізіліп жатыр. Ең алдымен, бюджеттің түрлі форум мен іссапар сынды «өнімсіз» шығыстары қысқартылмақ. Бұл туралы Ұлттық экономика министрі Нұрлан Байбазаров пен Қаржы министрі Мәди Такиев мәлімдеді.

Журналистер министрден «мемлекеттік шығыстарды Ұлттық қор мен БЖЗҚ-дан бюджетттен тыс қаржыландыру қысқара ма» деп сұрады.

«Үкімет басшысының тапсырмасымен Қаржы министрлігі шығыстарға талдау жасап, ревизия жүргізіп жатыр. Ең алдымен, бюджеттің өнімсіз шығыстарын қысқартамыз», – деді Нұрлан Байбазаров.

Байбазаровтың айтуынша, республикалық бюджет қана емес, жергілікті және квазимемлекеттік мекемелердің өнімсіз шығысы қысқартылмақ,

Бұған дейін Премьер-Министр Олжас Бектенов мемлекеттің шығындарына және...

Қаржы министрі Мәди Такиев «Мемлекеттік сатып алу туралы» заң жобасында қандай өзгеріс болатыны туралы айтып берді.

Министрдің сөзінше, заң жобасы Мәжіліс қарауында жатыр. Ол Мәжілісте депутаттар қарастырып жатқан заңды Үкіметтің де талқылап жатқанын айтты. Заңға қатысты жұмыстар қайта басталып, премьер-министр қатысуымен кеңес өткен.

Такиев жаңа заң жобасында сатып алу жүйесіне қатысты барлық сынның ескерілетінін атап өтті.

«Мәселе – өте маңызды. Сынның барлығы сатып алу мәселесіне қатысты айтылып келеді. Ол ашық емес, автоматтандырылмаған, мемлекеттік органдар сатып алу күшін жоя алады. Бұдан бөлек, жемқорлық фактісі көп», – деді министр. 

Ол жаңа заң жобасында нақты өзгерістер болатынын да...

Германия үкіметінің «Роснефть» концернінің Schwedt мұнай өңдеу зауытындағы үлесін мемлекет меншігіне алуы салдарынан Қазақстаннан «Дружба-Handelsblatt» мұнай құбыры арқылы тасымалданатын мұнай тоқтатылуы мүмкін.

Handelsblatt іскерлік басылымының баяндауынша, ел үкіметі Шығыс Германиядағы мұнай өңдеу зауытын ұлттық меншікке айналдыру жоспарын жүзеге асырып жатыр.

Баспасөзде ЕО Ресейге қарсы санкция енгізгеннен кейін, Германия үкіметі басқаратын зауыттағы «Роснефть» компаниясының 54% үлесі қысқа мерзімде мемлекет меншігіне алынып сатылуы мүмкін екені хабарланды.

2024 жылғы наурызда Германия үкіметінің Schwedt мұнай өңдеу зауытындағы «Роснефть Дойчланд» компаниясының акцияларын сенімгерлік басқару мерзімі аяқталады. Таяуда «Роснефть Дойчланд» басқарма төрағасы Йоханнес Бреммер Астанаға келіп, ҚМГ басшысы Мағзұм Мырзағалиевпен келіссөз жүргізді.

Қазіргі уақытта...

Қаңтар айында Қазақстан экономикасының өсу қарқыны 3,9%-ды құраған. Ал жалпы ел экономикасын 6%-ға жеткізуге болады. Бұл жайлы Үкімет отырысында Ұлттық экономика министрі Нұрлан Байбазаров айтты. Министр ел экономикасын өсірудің негізгі драйверлерін атады.

«Қаңтар айының қорытындысы бойынша Қазақстан экономикасының өсу қарқыны 3,9%-ды құрады. Оның ішінде нақты сектор – 3,8%, ал қызмет көрсету саласы – 3,5%-ға өсті. Салалар арасында ең жоғары өсу көрсеткішін құрылыс, көлік және қоймалау, ақпарат және байланыс, сондай-ақ өңдеу өнеркәсібі көрсетті. Негізгі капиталға салынған инвестициялардың өсу қарқыны 0,6%-ды құрады. Инвестициялар ағыны білім беруде – 3,6 есеге, қаржы және сақтандыру қызметінде – 3 есеге, көлік...

Ресей ІІМ бұған дейін БТА Банкінің активтерін жымқыру ісінде делдал болған, Мұхтар Әблязовтың сыбайласы Александр Поткинге (Белов) іздеу жариялады.

Медиазона мәліметінше, іздеу туралы ақпарат министрлік базасында жарияланған. Поткиннің дәл қандай мақсатпен ізделгені туралы ақпарат жоқ. Оның ағасы Владимир Басмановтың айтуынша, «ресми түрде» Поткинге қарсы іс әлеуметтік желілердегі ескі жазбалары үшін қозғалған болуы мүмкін.

Естеріңізге сала кетейік, Мәскеу соты «Русские» ұлтшылдар қозғалысы жетекшілерінің бірі Александр Поткинді жалпы режимдегі колонияға 7,5 жылға соттаған. Оны Мәскеу қалалық соты кейінірек 3,5 жылға дейін қысқартты.

Бұған қоса, сот БТА банктен Александр Поткинге 5 млрд рубль өндіріп беруді қолдаған. Одан 600 мың рубль көлемінде...

Қазақстанға 2022 жылы келген 400 мың ресейліктің 80 мыңнан астамы Қазақстанда қалған. Бұл туралы Ресей Федерациясының Алматыдағы консулы Дмитрий Тураев айтты.

ТАСС агенттігіне берген сұхбатында консул ресейліктердің Қазақстанда қалуына «белгілі бір қиындықтар бар екенін» айтты. Оның ішінде бірқатар жұмыс берушілердің қазақ тілін білуге деген талабы, көші-қон режимін қатаңдатуы мен жылжымайтын мүлік бағасының өсуін атады.

«Қазақстан Республикасы құзыретті органдарының бағалау деректері бойынша, Ресейде мобилизация басталғаннан кейін Қазақстанға 400 мыңға жуық ресейлік келді. Олардың ішінде 2023 жылдың желтоқсан айында елде 80 мыңнан астам азамат қалды»,— деп нақтылады консул.

Екі жыл бұрын 21 қыркүйек пен 3 қазан аралығында Ресей Федерациясының 281 548 азаматы Қазақстанға кірген. Дәл осы кезеңде келген ресейліктің 134 04-і елден кеткен...

Алматыда полиция Қазақстанға Италия мен Польшадан кокаин мен экстази жеткізу жолын жауып тастады. Есірткі пошта арқылы жіберіліп, оларды тұрмыстық тауарлар мен кофе капсулаларына жасырған. 

Polisia.kz ақпаратына сүйенсек, Қазпошта бөлімшесінде жалпы салмағы 1 кг есірткі, оның ішінде 0,5 кг кокаин және 400 грамнан астам экстази бар пластикалық банкалар орналасқан сәлемдемелер тәркіленген. Бұл үш мыңнан астам бір реттік доза.

Сонымен қатар Алматыдағы жалдамалы пәтерде полиция салмағы 250 грамм кофе капсуласына салынған кокаин тәркіленген.

Шетел азаматы Алматыда үш айға жуық курьер қызметін атқарған.

«Алматыға ол шаруашылық тауарлары ретінде бүркемеленген сәлемдеме түрінде пошта арқылы жіберілген есірткінің сирек түрлерін сату үшін келген», — делінген хабарламада.

Полиция қылмыстың бұл түрі мүлк...

Қазақстанға Амур жолбарыстары 2026 жылы әкелінеді. Бұл туралы Самарқандта өтіп жатқан Миграция жасайтын жануарларды қорғау конвенциясында Экология және табиғи ресурстар вице-министрі Нұркен Шәрбиев айтты.

«Жолбарыстарды 2026 жылға қарай әкелеміз деп жоспарлап отырмыз. Негізінен 2021-2024 жылдар аралығында жыртқышқа арнайы тіршілік етететін ортасы дайындалады. Қазіргі таңда осы бағыттар бойынша жұмыстар жүргізіліп жатыр», – деді вице-министр.

Шәрбиев жолбарыстар ерекше қорғалатын аймаққа жіберілетінін айтты. Жалпы Тұран жолбарысы популяциясын қалпына келтіру бастамасы 2010 жылдары басталған. Қазақстан үкіметі мысық тұқымдас жыртқыштың популяциясын қалпына келтіру үшін елге жойылып бара жатқан Амур жолбарысын әкелуді жоспарлап отыр. Жыртқыштың қорек ортасын қалыптастыру мақсатында Іле-Балқаш...