Жаңалықтар

Фото: shutterstock

Әдетте мансап жолын әркім әртүрлі бастайды. Бірі алпауыт компанияға баруға беттемей, алдымен шағын стартаптарда істеп көреді. Енді бірі «құласаң, нардан құла» деп бірден ірі компанияларға CV жібереді. Келесі бір топ өз ісін бастап кетіп, жеке стартаппен айналысады. Kursiv.media тілшісі «стартаптан бастаған дұрыс па, әлде үлкен компанияда тәжірибе жинаудан бастаған жөн бе?» деген сауалды бірнеше IT-маманға қойып көрді. 

Нәрікби Мақсұт, Booking.com iOS бағдарламалаушы:

Бір бағытты таңдап, соның майын ішкен маман болуың керек

«Инфлюенс, яғни «істеп жатқан жұмысыңның жемісін көру» деген түсінік бар. Алпауыт компанияда істегеннің артықшылығы сол — жемісін ірі масштабта көре алатыныңда. Қазақстанда немесе шағын...

Фото: shutterstock

Қазақстанда инвестициялық тартылмдылықты арттыру үшін жер қойнауын пайдалану туралы заңнамаға өзгерістер енгізілмек. Соның нәтижесінде Қазақстан инвестициялық тартымды елдер тізімінде 2025 жылы – 53 орынға, ал 2036 жылға қарай – 42 орынға табан тіреуі тиіс. Қазіргі кезде еліміз бұл рейтингте 56 орында тұр.

Бұл жайында «Қазақстан Республикасының кейбір заңнамалық актілеріне және инвестициялық ахуалды жақсарту мақсатында жер қойнауын пайдалану мәселелері бойынша өзгерістер мен толықтырулар енгізу туралы» құжатта жазылған. «Ашық НҚА» порталында жарияланған құжат 2023 жылдың 10 қарашасына дейін қоғамдық талқылауда болады.

Құжатқа сәйкес, енді барлауға лицензия ұстаушыларды ынталандыру мақсатында жер пайдалануды жалдау төлемдерін 4 жылдан 6 жылға...

Президент Қасым-Жомарт Тоқаев елімізде радикализмге, экстремизмге, құқықтық нигилизм және тұрмыстық вандализмге жол берілмейтінін мәлімдеді. Бұл жайлы мемлекет басшысы Республика күніне арналған салтанатты рәсімде айтты.

«Біз біртіндеп қоғамды өзгерту және демократия қағидаттарын енгізу жолынан айнымаймыз. Әлемде саяси және экономикалық ахуал құбылып тұрған заманда заң және құқық үстемдігін қамтамасыз ету өте маңызды. Мемлекет радикализмнің, экстремизмнің, құқықтық нигилизмнің және тұрмыстық вандализмнің кез келген көрінісіне мүлдем төзбеушілік саясатын ұстанатын болады. Еліміз өктемдік пен өшпенділікке, қоғамдық тәртіпті аяқ асты етуге, зорлық-зомбылыққа шақыруға, азаматтардың ар-намысын таптайтын әрекеттер жасауға жол бермейді», деді ол.

Ол сонымен бірге заңға қайшы келетін...

2024 жылы «Air Astana» компаниясы көптен күткен IPO-ға шығарылады. Алайда, бұл процесстен кейін де «Самұрық-Қазына» аталған компанияның ірі акционері болып қара береді. Бұл туралы баспасөз мәслихатында «Самұрық-Қазына» АҚ активтерді жекешелендіру және қайта құрылымдау жөніндегі департаменттің директоры Дастан Әдиходжаев мәлім етті.

Баспасөз мәслихаты кезінде журналист мемлекеттік реестрлер сайтында Air Astana компаниясы акцияларының мемлекетке тиесілі 51%-ы 2024 жылы саудаға шығарылатыны туралы хабарлама жарық көргенін еске салып, осы сауданың мән-жайын сұрады.

«51% үлестің барлығын сатпаймыз. Компания акцияларының бақылаушы пакеті Самұрық-Қазынаның меншігінде қалады. Сөз – 5-10% үлесі туралы болып отыр. Сонымен қатар, Air Astana компаниясының өзге иелер...

Фото: shutterstock.com

Осы кезге дейін әлемде үш өнеркәсіптік революция болды. Алғашқысында зауыттар мен фабрикалар салына бастады. Екіншісінде электроэнергетика, автомобиль құрастыру, мұнай және химия өнеркәсібі секілді жаңа салалар пайда болды. Ал үшіншісі адамзат тарихында компьютер мен смартфонның пайда болуымен есте қалады. Олай болса, кезекті революциядан не күтеміз? Өмірімізді өзгертіп жатқан технологияларға шолу жасайық.

Медицина саласындағы жаңа өнертабыстар

Экзоқаңқа. Адамның тірек-қимыл аппараты функцияларын толықтыруға арналған мобайл. Механизм. Сонымен бірге бұлшықетті нығайтып, қимыл-қозғалыс амплитудасын арттыруға арналған. Бүгінде медицинадан бастап, өнеркәсіп өндірісіне дейін экзоқаңқаларды кеңінен қолданып жүр. Салмағы шамамен 20 келідей болады. Бірақ ауырлығын адам онша сезбейді. Өйткені жүйе автоматтандырылған, түрлі қимыл-әрекетті өздігімен...

Владимир Анатолийұлы Ким «First Heartland Jusan Invest» АҚ директорлар кеңесінің төрағасы болып сайланды. Бұл туралы компанияның Қазақстан қор биржасына жолдаған хабарламасында жазылған.

«Пайлары Қазақстан қор биржасының (KASE) ресми тізімінде тұрған, инвестициялық қорлардың басқарушы компаниясы болып табылатын «First Heartland Jusan Invest» АҚ (Астана) KASE-ге Директорлар кеңесінің 2023 жылдың 18 қазанындағы шешімімен В.А. Ким компанияның Директорлар кеңесінің төрағасы болып сайланғанын хабарлады», – делінген хабарламада.

Енгізілген өзгеріс нәтижесінде «First Heartland Jusan Invest» АҚ Директорлар кеңесі үш адамнан тұрады: Владимир Ким, Ерке Нұркенов және Санжар Жамалов.

Владимир Ким компания басшылығына біраз үзілістен кейін оралған. 2021 жылды...

Коллаж: kursiv.media

Республика күніне арналған салтанатты рәсімде президент Қасым-Жомарт Тоқаев тұңғыш президент Нұрсұлтан Әбішұлы Назарбаевтың тарихи рөлі туралы айтты, оның рөлін лайықты бағалауда тарихи әділдік жолын берік ұстану қажеттігін айтты.

«Біз қазір Әділетті Қазақстанды құрып жатырмыз. Сондықтан өткен заманның қайраткерлеріне, олардың еңбегіне лайықты, әділетті баға беріп отыруымыз керек.
Азаттық жылнамасында Салық Зиманов, Серікболсын Әбділдин, Қаратай Тұрысов, Зинаида Федотова, Ерік Асанбаев, Әбіш Кекілбаев, Ғайрат Сапарғалиев, Сұлтан Сартаев, Өзбекәлі Жәнібеков, Олжас Сүлейменов, Александр Княгинин, Мырзатай Жолдасбеков, Өмірбек Байгелді, Қуаныш Сұлтанов, Сергей Терещенко және тағы басқа көптеген тұлғаның есімін құрметпен атап өту керек. Елін сүйген ерлерд...

Алты мың шақырым жолды басып өткен «Шахмат керуені» еліміздің солтүстік, шығыс, оңтүстік және орталық өңірлерін артқа тастады. Қазір оны Батыс Қазақстан тұрғындары күтіп отыр.

Керуеннің қалаға келуі әуесқойлар арасында жылдам шахмат турнирінің жартылай финалы өтетінін білдіреді. 10 қарашада әр облыстан үздік деп танылған 3 ойыншы гранд-финал өтетін Түркістанға аттанады.

Шахмат тунирі осы жоба үшін арнайы жасалған, тасымалданатын шыны киіз үйде өтеді. Арнайы дизайнының арқасында көрермендер жарысты сырттан тамашалай алады. Мысалы, Қызылордада төрт ер адам киіз үйдің қасына келіп, оның шыны «керегесінен» бақылап тұрды. Төртеуі де жартылай финалға шыққан спортшылардың әкесі болып шықты.

«Біздің балалар бірге оқиды...

Риддер ЖЭО-ның бұрынғы басшылығы қазандықтарды күрделі жөндеуге бөлінген ақшаны жымқырған. Бұл жайлы Қаржылық мониторингі агенттігінің баспасөз қызметі хабарлады.

«Алаяқтық фактісі бойынша Риддер ЖЭО-ның бұрынғы басшыларына қатысты істі ҚМА Шығыс Қазақстан облысы бойынша департаменті тергеп жатыр. Олар алдау және сенімін теріс пайдалану арқылы бөтеннің мүлкін жымқырып, аса ірі көлемде мемлекетке 4,1 млрд теңге залал келтірген деген күдікке ілінді», делінген хабарламада.

Тергеу барысында ЖЭО-ның жөндеу жұмыстарына бөлінген қаражаттың жүйелі түрде ұрланып отырғаны анықталған. Яғни 2018-2022 жылдар аралығында Риддер ЖЭО-ның бұрынғы лауазымды тұлғалары ғылыми-техникалық қызмет көрсету, қазандықтарға, жылу желілеріне және турбогенераторларға күрделі жөндеу жұмыстарын жүргізу үшін...

Фото: kursiv.media

Мемлекеттік кірістер комитетінің мәліметінше, қаңтар-тамызда Қазақстан шетелден мұнай жеткізуден 27,9 млрд доллар табыс тапты.
Өткен жылдың сәйкес кезеңімен салыстырғанда бұл – 14,5%-ға немесе 4,7 млрд теңгеге кем көрсеткіш.

Мұнай экспортының өсімі ақпан, шілде айларында ғана байқалды. Қалған айлардағы көрсеткіш өткен жылмен салыстырғанда айтарлықтай аз болды.

Бір жыл бұрын Қазақстан мұнай экспортынан айына орта есеппен 4,1 млрд доллар табыс тапса, қазір 3,5 млрд долларды қанағат тұтып отыр.
Мұнай экспортының көлемі ұлғайғанына қарамастан, табыс 0,6 млрд долларды ғана құрады.

DataHub атап көрсеткендей, Қазақстан шетелге сатқан мұнай көлемін 3%-ға арттырған. Бұған дейін 46,2 млн тонна мұнай экспорттаса, есептік кезеңде шетелге 47,6 млн...

Республика күні қарсаңында Мемлекет басшысы Қасым-Жомарт Тоқаев Қазақстан азамттарын мемлекеттік наградалармен марапаттады.

Президент Жарлығымен еліміздің әлеуметтік-экономикалық, мәдени-рухани дамуына, халықтар арасындағы достық пен ынтымақтастықты нығайтуға қосқан елеулі үлесі мен белсенді қоғамдық қызметі үшін бір топ азаматтарға «Еңбек ері», «Қазақстанның еңбек сіңірген қайраткері» атағы, «Отан», «Барыс», «Парасат», «Ел бірлігі», «Құрмет», «Еңбек даңқы», «Айбын» ордендері және «Ерен еңбегі үшін», «Ерлігі үшін», «Шапағат» медальдары және тағы да басқа мемлекеттік наградалар табысталды.

Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдарының қызметкерлері, спортшылар, еңбек ардагерлері, мәдениет және ғылым қайраткерлері бар.

«Қазақстанның Еңбек Ері» атағы Қазақстан Республикасының мұнай-газ...

Қаржы нарығын реттеу және дамыту агенттігінің төрағасы Мәдина Әбілқасымова Президенттің қабылдауында болып, есеп берді.

Агенттік төрағасы қаржы нарығындағы ахуалға шолу жасап, банктерді экономиканың нақты секторын несиелендіруге жұмылдыру үшін қандай шара қолданылып жатқанын жариялады.

Оның сөзінше, банктердің капиталына, өтімділігі мен кепіл саясатына, сондай-ақ шетелдік еншілес банктердің несиелік белсенділігін арттыруға қатысты жаңа пруденциалды шаралар әзірленді. Қазақстанның банк секторына енгізу үшін шетелдік инвесторларға қойылатын талаптарды оңтайландыру жоспарланды. Цифрлық платформалар арқылы стресті активтерді сату, халықтың шектен тыс несие алуын төмендету, барлық микронесие бойынша бірыңғай мөлшерлеме белгілеу, коллекторлық қызметке қойылатын талапты қатаңдату шаралары жүзеге асты. Сонымен қатар қаржылық алаяқтыққа қарсы іс-қимыл жөніндегі заң жобасы әзірленіп...

Былтыр Кореядан келген тікелей инвестицияның жалпы көлемі 85%-ға өсіп, жаңа рекордтық – 1,5 млрд долларға жеткен. Бұл жайлы ҚР-ның Премьер-Министрі Әлихан Смайылов пен Оңтүстік Кореяның сауда министрі Ан Док Гынмен кездесуі барысында айтылды.

Екі тарап инвестициялық жобаларды жүзеге асыру мәселелерін талқылады. Премьер-Министр былтыр екі жақты тауар айналымы 2,3 есе өсіп, $6,1 млрд-тан асқанын, ал биылғы жылдың 8 айында тағы 11%-ға өскенін айтты.

Сондай-ақ үкімет басшысы Оңтүстік Корея еліміздің экономикасындағы ірі инвесторлардың топ-10-дығының қатарында тұрғанын атап өтті. Бұл елден, соңғы 18 жылда 9,2 млрд долларға жуық инвестиция тартылған. Ал былтыр Кореядан келген тікелей инвестицияның жалпы көлемі 85%-ға өсіп...

Tengri Bank басқармасының бұрынғы төрағасы Ержан Шайкенов банк қаражатын ұрлағаны үшін кінәлі деп танылып, 10 жылға бас бостандығынан айырылды, деп хабарлайды Bes Media.

Не болды. Бұрынғы Tengri Bank басқарма төрағасы Ержан Шайкенов пен төрағаның орынбасары Бақтияр Ілиясов 10 жылға бас бостандығынан айырылды.

Сот оларды «сеніп тапсырылған бөтеннің мүлкін аса ірі мөлшерде иемдену» және «қаржы ұйымының басшы қызметкері жасаған өкілеттіктерді теріс пайдалану»баптары бойынша кінәлі деп тапты.

Сот шешімі. Бұрынғы банкирлерге өмір бойы қаржы ұйымдарының ірі акционерлері болуға тыйым салынды. Сот олардың мүлкін тәркілеу туралы шешім шығарды және коммерциялық ұйымдарда 10 жыл материалдық-жауапты және басқарушы лауазымдарға тыйым салды. Банктің бұрынғы топ-менеджерлерінен...

Бұл құрылымға еліміздің әуежайлары мен әуеайлақтарының қауіпсіздігін қамтамасыз ету міндеті жүктеледі.

Қаңтар оқиғасы Қазақстандағы әуежайлардың қауіпсіздігі сын көтермейтінін көрсетті. Стратегиялық нысан теріс пиғылды адамдардың қолына өтіп, ұлттық қауіпсіздікке қатер төнді. Бұл туралы «Ашық НҚА» порталында жарияланған заң жобасының салыстырма кестесінде.

«Қаңтар айындағы оқиғалар деструктивті азаматтардың іс-әрекетінен стратегиялық нысандар ретінде әуежайлардың осалдығын көрсетті», – деп жазылды.

Халықаралық азаматтық авиация ұйымының Орталық хатшылығында жұмыс істеген отандасымыз Абыл Кекілбаев Қазақстанда авиациялық қауіп¬сіздік деңгейі төмен екенін алға тартады.

Оның сөзінше, «Қаңтар қасіреті» кезінде Алматы әуежайы «жау» қолына оңай өтті. Себебі ешкім «Қаңтар қасіретіне» дейін әуежайдың стратегиялы...

MarketWatch деректеріне сәйкес АҚШ-тың он жылдық қазына кірістілік 2007 жылдан бері алғаш рет 5% – дан асты. Bloomberg бұған себеп инвесторлардың Федералды резервтік жүйенің (ФРЖ) ставкасын жоғары деңгейде ұстап тұруын және Үкіметтің бюджет тапшылығын жабу үшін мемлекеттік қарызды болашақта өсіруін айтады.

АҚШ-тың он жылдық мемлекеттік облигацияларының кірістілігі 4,986% құрады, бұл 20 қазандағы жабылу деңгейімен салыстырғанда 0,056% өсімге сәйкес келді. Шыңында кірістілік 5,022% жетті.

Өткен аптада ФРЖ басшысы Джером Пауэлл реттеушінің Директорлар кеңесі қараша айындағы алдағы отырыста федералды қорлар мөлшерлемесін (ФРЖ базалық мөлшерлемесі) қазіргі 5,25–5,5% деңгейінде сақтайды деп болжады.

Нарық қатысушыларын алаңдатудың тағы бір себебі мемлекеттік қарыздың ықтимал...

Газа секторында Қазақстан азаматы қаза болды. Бұл туралы Сыртқы істер министрлігі хабарлады.

«22 қазанда Газа секторын атқылау салдарынан Қазақстан азаматы қаза болды. Өкінішке қарай, онымен бірге 23 жастағы қызы да көз жұмды. Қыз Палестина азаматы болатын»,- дедіСІМ баспасөз қызметі. 

Отандасымыз Газа секторында күйеуі Палестина азаматымен бірге ұзақ уақыттан бері тұрып келген. 

Айта кетейік, Айбек Смадияров Қазақстанның Иорданиядағы елшігінің хабарлауынша Газа секторында біздің еліміздің паспорты бар 25 азамат бар екенін айтты. Олар негізінен Палестина азаматтарына тұрмысқа шыққандар.

Қаржы министрлігі Ұлттық қорға «ҚазМұнайГаз» акцияларын сатып алуға рұқсат беру себептері туралы түсініктеме берді. Бұл туралы LS сайты хабарлады.

Бұған дейін Halyk Finance Үкімет Ұлттық қордың нарықтық құнына жеңілдікпен ұлттық компанияның акцияларын сатып алуға рұқсат бергеніне назар аударды. Осы орайда сарапшылар Ұлттық қордан бюджетке берілетін трансферттердің өсуіне қатысты өз алаңдаушылықтарын білдірді.

Өз кезегінде Қаржы министрлігі ҚМГ бағалы қағаздары мен «Самұрық-Қазына» облигацияларын Ұлттық қордың ақшасы есебінен сатып алу 2023 жылға арналған бюджеттің кіріс бөлігін орындауға мүмкіндік беретінін түсіндірді.

«Ағымдағы жылы негізгі экспорттық позицияларға бағалардың төмендеуіне байланысты өндіруші саланың ірі кәсіпорындарының кірістерінің қысқаруы байқалады. Осыған байланысты республикалы...

2023 жылғы 1 қарашадан бастап Қазақстан-Ресей шекарасында «Бидайық» автомобиль өткізу пунктінде электрондық кезек жүйесін енгізу бойынша пилоттық жобаны іске қосу жоспарланып отыр. Бұл туралы Мемлекеттік кірістер комитеті хабарлады.

Ақпаратқа сәйкес, электрондық кезекті брондау жүйесі Қазақстанның Қытаймен, Өзбекстанмен, Түркіменстанмен шекарасында іске асырылғанын және оң нәтижелерді көрсетіп отыр.

«Электрондық кезек жүйесін мемлекеттің жүз пайыз қатысуымен Қазақстан Республикасы Қаржы министрлігінің «Ақпараттық-есепке алу орталығы» АҚ «CarGoRuqsat» онлайн брондау сервисінің отандық әзірлеушілер мен мамандар құрды және қызмет көрсетеді.

Сервис Qoldau.kz цифрлық платформа базасында іске асырылды және тегін.

«CarGoRuqsat» электрондық кезек жүйесінің міндеті тасымалдаушыларға кезекті алдын ала брондау және ақпараттық жүйелерде қажетт...

Фото: ҚШФ

Павлодар қаласында «Pavlodar OPEN-2023» халықаралық шахмат турнирі – ҚР Кубогының 5-кезеңі басталды. Жалпы жүлде қоры 23 млн теңгені құрайтын турнирге әлемнің 20 елінен 220-дан астам спортшы қатысып жатыр. Бұл туралы Қазақстан шахмат федерациясы хабарлады.

«Павлодар қаласына 20 елден 220-дан астам спортшы келіп, шахмат жарыстарында жеңіске жету үшін өздерінің кәсіби сараптау және стратегиялық ойлау қабілетін көрсетеді», – делінген хабарламада.

А турниріне 18 елден 86 спортшы қатысады. Олардың ішінде 16 гроссмейстер және 23 халықаралық шебер бар. Ал B турнирінде 136 шахматшы өнер көрсетеді.

Қазақстан шахмат федерациясының атқарушы директоры Гүлмира Дәулетова жарысқа...

Chevron Corp американдық энергетикалық компаниясы Hess Corp мұнай-газ компаниясын 53 миллиард долларға сатып алу туралы келісімге келді, деп хабарлайды Интерфакс ру.

Қарызды ескере отырып, мәміле сомасы 60 млрд долларды құрады.

Мәміле толығымен акциялармен төленеді. Акционерлер әрбір Hess қағазы үшін 1,025 Chevron акциясын алады. Осылайша, Hess қағаздарының құны бір акция үшін 171 долларға бағаланады.

Chevron Hess компаниясын сатып ала отырып, активтерінің портфелін жақсартуға және әртараптандыруға мүмкіндік алады. Атап айтқанда, Гайанадағы Stabroek кен орны және Солтүстік Дакотадағы Bakken тақтатас кен орнындағы активтер ерекше құнды.

Мәміле 2024 жылдың бірінші жартыжылдығында жабылады деп күтілуде. Осыдан кейін Hess басшысы Джон Хесс Chevron директорлар кеңесінде...

Нұрсұлтан Назарбаев кеңсесі Президенттік орталыққа айналды. Енді бұл мекемеде мемлекетті басқарған тұлғаларға қатысты тарихи мұра сақталатын болады.

Президенттік орталық ұлттық тарихтың құрамдас бөлігі ретінде тәуелсіз Қазақстан көшбасшыларының тарихи мұрасын сақтау, зерттеу және насихаттау мақсатында құрылған. Онда Қазақстанның президенттік институтына қатысты жәдігерлер орталықтандырылмақ.

Жаңадан құрылған орталыққа экс-Президент Нұрсұлтан Назарбаевтың жеке мұрағаты мен жеке кітапханасының материалдары, сондай-ақ бұрын Тұңғыш Президент кітапханасында сақталған мұражай экспонаттарының жинағы берілген. Бүгінгі таңда қорларда 150 мыңнан астам мұрағаттық құжат, 40 мың кітап және 12 мың мұражай заттары бар.

«Орталыққа қазіргі президенттің жеке құжаттары мен тарихи-мәдени құнды заттары да өткізіледі. Ал болашақта...

2023 жылдың 1 қарашасында кәсіпкерлердің Еуразиялық экономикалық одақ елдеріне экспорттау үшін еркін нысанда берген мұнай паспорттарының қолданылу мерзімі аяқталады. Бұл туралы ҚР Сауда және интеграция министрлігі хабарлады.

Естеріңізге сала кетейік, ағымдағы жылдың 29 тамызында Еуразиялық экономикалық комиссия Кеңесінің мүшелері «Тасымалдауға және (немесе) пайдалануға дайындалған мұнайдың қауіпсіздігі туралы» ЕАЭО техникалық регламентіне (ЕАЭО ТР 045/2017) өзгерістерді бекітті.

Бұл өзгерістер мұнай үлгілерін (сынамаларын) сынау кезінде алынған мұнай көрсеткіштерінің нақты мәндерінің ЕАЭО ТР 045/2017 талаптарына сәйкестігін растайтын мұнай паспортының бірыңғай нысанын белгілейді.

Егер бұрын ЕАЭО ТР 045/2017 сәйкестігіне мұнай паспорттарының нысандарын шаруашылық жүргізуші субъектілер мұнайды қабылдау/тапсыру операцияларын жүргізу кезінде өздерінің жауапкершілік аймағында жеке...

Фото: kursiv.media

Kaspi.kz финтех тобы 2023 жылдың тоғыз айында таза пайдасын 2022 жылдың сәйкес кезеңімен салыстырғанда 50%-ға арттырды. Бұл туралы компания есебінде жазылған.

Қаңтар-қыркүйек айларында Kaspi.kz-тің таза пайдасы 601 млрд теңгені (1,3 млрд доллар) құрап, табысы 1,3 трлн теңгеге (2,8 млрд доллар, өсім 53%) жеткен. ІІІ тоқсан қорытындысында таза пайдасы 232 млрд теңге (40%-ға өсті) болса, табысы 508 млрд теңгені (51%-ға өсті) құрады.

Kaspi.kz табыс пен пайданың негізгі көзі ретінде төлем бағыттарын, маркетплейс және финтех қызметтерін атайды. Үшінші тоқсанда мобильді қосымша арқылы жасалған транзакциялар саны рекорд орнатқан. Транзакциялардың бір пайдаланушыға шаққандағы орташа айлық саны былтырғы сәйкес кезеңмен салыстырғанда 18%-ға...