Жаңалықтар

Air Astana әуекомпаниясының алғашқы жария ұсынысты (IPO) өткізу мүмкіндігін қарастыруға ниетті. Бұл туралы компанияның сайтында жарияланды.

Компания Лондон қор биржасында, AIX және KASE-де бағалы қағаздарды орналастырып, өз дамуына 120 млн доллар тартуды жоспарлап отыр.

«Егер компания ұсынысты жүзеге асыру туралы шешім қабылдаса, онда ол «Стандарт» сегментіндегі FCA бағалы қағаздарының ресми тізіміне ҒДҚ енгізуге және оларды LSE негізгі алаңында ресми сауда-саттыққа жіберуге, акциялар мен ҒДҚ-ны AIX ресми тізіміне және AIX-тегі сауда-саттыққа жіберуге өтінім береді», –делінген хабарламада.

Өтінімдерді қабылдау процедурасы, оның ішінде баға диапазоны мен роуд-шоу туралы хабарландыру қаңтар айының соңында шығады. Отандық инвесторларға ұсынылатын бағалы қағаздар AIX (ҒДҚ және акциялар) және KASE...

Костенко атындағы көмір шахтасы уақытша жұмыс істемейді / Фото: https://t.me/qarmet_news/109

Qarmet басшылығы Андрей Лаврентьев пен Вадим Басин жағдай дұрысталмайынша, Костенко атындағы көмір шахтасында өндірісті бастауға тыйым салды. Бұл жайлы компанияның баспасөз қызметі хабарлады.

Баспасөз қызметінің хабарлауынша, шахтаның қазіргі жағдайымен танысу үшін Qarmet басшылары апат болған аймаққа жақын 600 метрден астам тереңдікке дейін түсіп сол маңайдың жай-күйімен танысқан.

Шахта директоры Андрей Бойко нысанда жүргізілген тексерулердің қорытындыларымен таныстырған. Сонымен бірге қорытындыға сәйкес жағдайдың себептері мен салдарын жою, көмір өндіруді қайта жандандыру шараларына қатысты жұмыс жоспарын ұсынған. Бірақ компания басшылығы апатты жағдай қайталанбауы үшін шахтада көмір өндірісін қайта...

Halyk Finance сарапшылары 2023 жылы Қазақстандағы жан басына шаққандағы жалпы ішкі өнімнің жоғары болуы – мақтануға себеп емес деп пайымдайды. Өйткені ел экономикасының өнімділігі мен бәсекеге қабілеті төмен. Сарапшылар Қазақстан экономиканы әртараптандыру деңгейі мен ақша-несие саясаты тиімділігі бойынша көптеген дамушы елден артта қалып отырғанын жазады.

«Қазақстан үкіметінің мәліметінше, 2023 жылы жан басына шаққандағы ЖІӨ 2022 жылмен салыстырғанда 13,7% немесе 1,8 мың долларға артты. Осылайша, 13,3 мың долларға жеткен. Соңғы үш жылдағы динамика оң болды. Алайда экономиканың өнімділігі мен бәсекеге қабілеті, оны әртараптандыру деңгейі мақтанарлық емес. Ақша-несие саясатының тиімділігі бойынша Қазақстан әлі де көптеген дамушы...

Фото: kursiv.media

Базалық мөлшерлеменің төмендеуін күтіп отырған сарапшылардың үлесі 94%-ға дейін өсті. Бұл туралы Қазақстан қаржыгерлер қауымдастығы сарапшыларының 2024 жылғы қаңтардағы қаржы нарығының негізгі көрсеткіштеріне қатысты болжамында баяндалды.

Талдау нәтижесі биыл ақша-несие саясатының тұрақты болатынын, Қазақстанда ғана емес, негізгі сауда әріптестерімізде де инфляциялық қысым біртіндеп төмендейтінін көрсетті.

Сарапшылар зерттеу барысында Brent мұнайының және АҚШ долларының теңге мен рубльге қатысты құнын, инфляцияны, ЖІӨ-ні және Ұлттық банктің базалық мөлшерлемесін назарға алды.

19 қаңтарда ақша-несие саясатына қатысты өтетін жиында базалық
мөлшерлеменің төмендеуін болжаған сарапшылардың үлесі желтоқсандағы 76%-дан 94%-ға жетті. Мамандар базалық мөлшерлеменің төмендеуі 15,25-15,5%-дан 15-15,5%-ға дейінгі аралықта болады деген болжам жасап отыр.

Әйелі Салтанат Нүкенованы өлтірді деген күдікке ілінген бұрынғы ұлттық экономика министрі Қуандық Бишімбаевқа қатысты сот процесі ашық өтуі мүмкін. Нүкенованың туыстары осындай талап қойып отыр.

КТК арнасына берген сұхбатында Нүкенованың ағасы Айтбек Амангелді күдікті Бишімбаев өзінің «лауазымды таныстары» көмегімен жазадан қашып құтылуы мүмкін екендігін айтады. Сондықтан сот процесінің ашық өткенін талап етпек.

«Менің білуімше, оның (Бишімбаевтың -ред.) айналасында қазірге дейін билікке тікелей қатысты адамдар өте көп болды. Істің ашық қаралуы мен оған журналистердің қатысуы сот процесін әділ өткізуге мүмкіндік береді. Бірнәрсені жасыруға, үнсіз қалуға немесе немесе әділетсіз шешім шығаруға мүмкіндік болмайды», – деді Айтбек Амангелді.

Ақтаудағы Rixos қонақүйі сарқынды суын Қаракөлге ағызуға рұқсатты «үкіметтегі таныстарының көмегімен» алған. Бұл жайлы Экология министрлігі Орман шаруашылығы комитеті департаментінің бұрынғы басшысы Айтуар Туғанбеков өзінің Instagram парақшасында айтты.

Эколог Rixos қонақүйінің сарқынды суы Қаракөл көлінің жағдайын күн сайын нашаралатып жатқанын мәлімдеді.

«Қаракөл көлінің жанында көптеген ластайтын нысан бар. Соның салдарынан соңғы бес жылдан бері көлдің экологиялық жағдайы күрт нашарлап кетті. Ал көлдің ластануына бірінші кезекте – Rixos қонақүйі себеп. Бұл тек менің ғана пікірім емес, мемлекеттік органдар, экологтар тексеріс жүргізіп, бұл туралы талай рет айтылған болатын», – деді эколог.

Туғанбеков жоба бойынша...

Фото: kursiv.media

Қазақстанның бағалы қағаздар орталық депозитарийі Ресейдің инвестициялық компаниялары түсірген арызға қатысты жауап берді. Орталық депозитарий шетелдік компаниялардың шағымы негізсіз деп тұжырымдайды.

«Орталық депозитарий оны аталған сотқа ортақ жауапкер ретінде тарту негізсіз деп санайды. Шетелдік бағалы қағаздарды есепке алу халықаралық депозитарийде жүзеге асырылады. Орталық депозитарий шарттық қатынастар шеңберінде шетелдік бағалы қағаздармен операцияларды есепке алу және тіркеу жөніндегі делдалдардың бірінің функцияларын орындайды және өз депоненттеріне қатысты жаһандық кастодиандар мен депозитарийлер белгілеген шектеулер мен тыйымдарды қолданады», – делінген жауапта.

Сонымен қатар Орталық депозитарийдің егер мұндай операцияларға қатысты жоғары тұрған деңгейде шектеулер белгіленсе, операцияларды тіркеуге...

Қазақстандық журналист және «Обожаю» YouTube-арнасының авторы Асхат Ниязов өзінің WhatsApp аккаунты бұғатталғанын мәлімдеді. Бұған қоса, оның әйелі, ата-анасы мен әріптесі Назымгүл Күміспаевға да хакерлік шабуыл жасалған.

«Достар, менің уатсабым бұғатталды. Осында немесе телеграммға жазыңыздар. Түнде менің әйелім, анам, әкем мен Назымгүлдің (журналист Назымгүл Күміспаева – ред.) уатсап аккаунттары бұғатталды. Нақұрыстар, ата-анамның не қатысы бар? Назымгүлдің қазір инстаграмм, телеграмм мен уатсабы істемейді»,– деп жазды журналист Instagram парақшасында.

Айта кетейік, 2023 жылдың желтоқсан айында Ниязов Telegram арнасына хакерлік шабуыл жасалғанын айтты. Бір түнде оған 10 мыңнан астам адам жазылған. 

«Қазір менің әлеуметтік желілеріме шабуыл жасалуда. Әзірге пікірлерді жауып, жабық арна жасауым...

Коллаж: kursiv.media

Ұлттық банк төрағасының орынбасары Ақылжан Баймағамбетов Қазақстан үшін инфляцияның ең оңтайлы деңгейі 5-7 пайызды құрайды деп тұжырымдайды. Бұл туралы ол 24KZ телеарнасына берген сұхбатында мәлімдеген.

«Осы деңгейдегі инфляция Қазақстан үшін аса жоғары емес. Оған қоса экономикалық өсімді сақтау мен белгілі бір тұрақтылыққа қол жеткізу үшін қолайлы», – дейді ҰБ төрағасының орынбасары.

Сонымен қатар Баймағамбетов әлемдік ЖІӨ-нің 70%-ын өндіретін елдер де инфляцияны таргеттейтінін айтып өткен.

Қандай себебі бары белгісіз, ҰБ өкілі Ресей орталық банкінің ақша-несие саясатын оң мысал ретінде айтып өткен.

Алайда сарапшылар сыртқы санкциялар мен ішкі проблемалардың көптігінен Ресей Орталы...

2024 жылы 1 қаңтардан бастап сақтандыру омбудсменіне жүгіну сақтандыру дауларын реттеу бойынша сотқа жүгіну алдындағы міндетті қадамға айналады. Бұл заң 2022 жылдың жазында қабылданған.

Сақтандыру төлеген азаматтар дауласу кезінде талап ете алатын сомасы 2024 жылғы жағдай бойынша 10 000 АЕК немесе 36,9 млн теңгеден аспауға тиіс.

«Сақтандыру омбудсменіне оның Алматы қаласы, Рысқұлбеков көшесі, 28/7, 2-қабат мекенжайы бойынша орналасқан кеңсесіне тікелей жүгінуге болады. Сондай-ақ өтінішті сақтандыру омбудсменінің (www.omb.kz) арқылы немесе оның электрондық мекенжайына: office@omb.kz жіберуге болады. Сонымен қатар сақтандыру ұйымы сақтандыру омбудсменіне оның филиалы, өкілдігі арқылы немесе сақтандыру ұйымының сайтына өтініш жіберуге міндетті»,– делінген ҚНРДА хабарламасында.

Шешім қабылдамас бұрын сақтандыру омбудсмені дауласқан екі тарапты тыңдап, құжаттаманы зерттеп, қажет болған жағдайда қосымша...

«ҚазМұнайГаз» ҰК» АҚ Каспий және ашық теңіздерде мұнай тасымалдау және Қазақстанда кеме флотын дамыту жобасын жүзеге асырып жатыр. Бұл туралы ҚМГ Көлік және логистика департаментінің директоры Ерболат Меңдібаев айтты.

Оның сөзінше, 2023 жылы ҚМГ Біріккен Араб Әмірліктерінің порттық және логистикалық операторы Abu Dhabi Ports Group (ADP) компаниясымен теңіз және жағалау жүк тасымалы, Каспий аймағындағы танкер және сауда флотын дамыту мен инвестициялау бойынша стратегиялық серіктестік туралы келісімге қол қойған.

«Келісімді жүзеге асыру үшін 2023 жылғы ақпанда Астана халықаралық қаржы орталығының (АХҚО) алаңында Caspian Integrated Maritime Solutions Ltd (CIMS) бірлескен кәсіпорнын құрдық. Біздің ынтымақтастығымыз төрт перспективті бағытты қамтиды...

АҚШ-тағы инфляция туралы деректер жарияланған соң, Америка қор индекстері бейсенбі күнгі сауда-саттықты аралас мәнде жапты. Есесіне бұл жаңалық Еуропа қор нарығына кері әсер етіп, негізгі индекстер біршама төмендеді. Инвесторлар АҚШ-тағы инфляция туралы деректерді бағалады.

Dow Jones Industrial Average 0,04%-ға өсіп, 37 711,02 тармаққа жетсе, Standard & Poor’s 500 индексі 0,07%-ға төмендеп, 4 780,24 тармақты құрады. Ал Nasdaq индексі 14 970,19 тармағында тұрақтады.

АҚШ-тың Еңбек департаменті елдегі тұтынушылық бағалар индексі былтыр желтоқсанда 2022 жылдың сәйкес айымен салыстырғанда 3,4%-ға өсті деп хабарлады. Инфляция қарашадағы 3,1%-дан үдеп, 3,2%-ға жеткен. Бұл көрсеткіш орташа нарықтық болжамнан да асып түскен.

Азық-түлік пен...

Су ресурстары және ирригация министрлігі «Қазсушар» РМК қызметіне аудит жүргізеді. Бұл жайлы министрліктің баспасөз қызметі хабарлады.

Министрліктің құрылымдық бөлімшелері мен кәсіпорын басшыларының қатысуымен кеңесте Аудит департаментінің директоры Ғалымжан Молдаш тексеріс ақпан айының соңында басталатынын айтқан.

«Аудиттің басты мақсаты – ашықтық, кәсіпорын мен су саласын қаржылық сауықтыру. Жоғары аудиторлық палата мен Парламент депутаттары тарапынан сұрақтар мен ескертулер бар. Сондықтан барлық кемшілік пен бұзушылықты жою қажет»,  – дейді Ғалымжан Молдаш.

Министрлік мемлекеттік аудит объектілерінің бекітілген тізбесіне сәйкес «Нұра топтық су құбыры» ШЖҚ РМК қызметіне тексеруді бастап кеткен.

Баспасөз қызметінің хабарлауынша алдағы уақытта жүргізілген аудиторлы...

АҚШ пен Ұлыбритания Йемендегі хусит әскери нысандарына шабуыл жасағаннан кейін, мұнай бағасы 2%-ға өсті. Осыған дейін Йемендегі хуситтер Иран көмегімен Қызыл теңіздегі кеме қатынасына бөгет болып, шабуыл жасап келген.

Brent маркалы мұнай фьючерстері барреліне 1,53 долларға немесе 2% өсіп, қазір 78,94 доллар болды. АҚШ-тағы West Texas Intermediate маркалы мұнай фьючерстері барреліне 1,53 долларға немесе 2,1% өсіп, 73,55 доллар болды.

Reuters жазуынша, АҚШ пен Ұлыбританияның хуситтерге жасаған шабуылы Израиль мен Хамас арасында қазан айында басталған соғыстың кеңеюіне алып келеді. 

Йемен тұрғындары елдің әр бөлігінде жарылыс болып жатқанын хабарлаған. Ал АҚШ президенті Джо Байден шабуыл «нақты белгіленген аумақтарға ғана» жасалғанын айтқан. Сонымен қатар...

Абай облысының оқушылары қалың қар мен боранға байланысты қашықтан оқытуға көшірілді / Фото: kursiv.media

Астана оқушылары 12 қаңтарда ауа райының қолайсыздығына байланысты қашықтан оқытуға көшірілді. Бұл туралы қала әкімдігінің баспасөз қызметі хабарлады.

Астана қалалық білім басқармасының шешімімен ауа райының нашарлауына байланысты бірінші ауысымның 0-9 сынып оқушылары 12 қаңтарда қашықтықтан оқыту форматына көшірілген. Астанада ауа температурасы -25 градусқа дейін төмендеген.

Сонымен бірге ауа райының қолайсыздығына байланысты Абай облысының бірнеше мектебі онлайн оқуға көшірілген. Бұл жайлы әкімдіктің баспасөз қызметі хабаралады.

«Абай облысында 2024 жылғы 12 қаңтар күні ауа райының қолайсыздығына байланысты I ауысымда оқитын...

Түркістан облысының білім беру бөлімдері мектеп күзетшілерін жұмыстан шығару кезінде еңбек заңнамасын бұза отырып, 934 жұмысшыға тиісті өтемақы төлемеген.

«Түркістан облысының прокуратурасы жалпы білім беру мектептерінің күзетшілеріне жұмысынан айырылуына байланысты берілетін тиесілі өтемақыны аудармағанын анықтады», – делінген облыстық прокуратура хабарламасында.

Ведомство ақпаратына сүйенсек, Білім және ғылым министрінің бұйрығымен білім беру саласындағы қызметті жүзеге асыратын объектілер террористік тұрғыдан осал объектілерге өтуіне байланысты, оларды күзету жеке күзет агенттіктеріне берілген. Осы келісімнен кейін Түркістан облыстық білім бөлімдері 1 473 мектеп күзетшісін жұмыстан шығарған. Осы азаматтардың жұмыстан шығару кезінде енбек заңнамасының талаптарын бұза отырып, 934 жұмысшыға тиісті өтемақыны төлемеген.

Прокуратура тексеруінен кейін аталмыш азаматтарға бір...

АҚШ пен Ұлыбритания бірігіп, Йемен хуситтерінің әскери нысандарына соққы жасады. Бұл жайлы Reuters агенттігі жазды.

«АҚШ пен Ұлыбритания қозғалыстың Қызыл теңіздегі кемелерге шабуылына жауап ретінде Йемендегі хуситтердің әскери нысандарына әуеден және теңізден соққы берді»,- делінген басылымда.

Өз кезегінде АҚШ президенті Джо Байден бейсенбі күні кешке бұл мәселеге қатысты пікір білдіріп, керек болған жағдайда бұдан ары қарай да қажетті шаралар қолданудан тартынбайтынын мәлімдеген.

«Бұл соққылар Америка Құрама Штаттары мен серіктестеріміздің дұшпандық субъектілерге жауабы. Біз олардың қызметкерлерімізге шабуыл жасауына және еркін қозғалуына кедергі келтіруе жол бермейміз»,– деді Байден.

Риддер қаласының тұрғындары қар көшкіні салдарынан ауызсусыз қалды. Қала әкімдігі тұрғындарды сабырға шақырып, тек ресми ақпаратқа сенуді сұрады.

Әкімдіктің ақпаратына сүйенсек, Громатуха өзені шатқалында қар көшкіні жүріп, қалада ауызсу жүйесі жабылған.

«Бөгет табиғи түрде өзен суымен тазарады. Әзірге өзен бойына көшкен қар мен мұздық көлемін анықтау мүмкін емес. Жол жоқ, ұзындығы шамамен 45 км көшкін болуы мүмкін», – делінген әкімдік ақпаратында.

Қазіргі уақытта әкімдік жер асты су жолын іске қосуға тырысып жатыр. Қала тұрғындарына ауызсуды көлікпен жеткізу туралы ақпарат жоқ. 

«Қысым бар-жоғы 1,5 кг. Осылайша тек бірінші қабаттағы үйлер ғана су келіп тұр»,– делінген...

Америкалық Microsoft корпорациясы әлемдегі ең қымбат компаниялар рейтингінде Apple-ді басып озды, деп хабарлайды Reuters.

Microsoft (MSFT.O) 2021 жылдан бері алғаш рет әлемдегі ең құнды компания ретінде танылған Apple-ді (AAPL.O) қысқа уақытқа басып озды. Оған себеп, iPhone өндірушісінің акциялары сұранысқа қатысты алаңдаушылықтың артуына байланысты осы жылды әлсіз нәтижемен бастаған.

Сарапшылар Microsoft компаниясы акцияларының көтерілуіне компания ChatGPT жасаушы OpenAI-ге инвестициялауды арттыруы себеп болғанын айтқан. Компанияның нарықтық құны жасанды интеллект саласындағы генеративті көшбасшылығының арқасында күрт өсті.

Бейсенбі күнгі саудада Microsoft акциялары 0,5%-ға қымбаттап, компанияның нарықтық құны 2,859 триллион долларды құрады. Сессия барысында ол 2%-ға көтеріліп, компанияның құны қысқа уақытқа 2,903 триллион долларға...

Банк менеджері тұрғындардың атынан несие рәсімдеп, 21 миллион теңге қаржыны қалтасына басқан, деп хабарлайды ҚР ІІМ баспасөз қызметі.

Не болды. Қазығұрт аудандық полиция бөліміне бір топ аудан тұрғындары арызданды. Жәбірленушілердің айтуынша, аттарына бейтаныс біреу заңсыз несие рәсімдеген.

Аталған фактіні полицейлер «алаяқтық» бойынша тіркеді. Қылмысты тез арада ашып, күдіктіні анықтау мақсатында полицейлерден арнайы топ құрылып, жедел іздеуге кіріскен. Нәтижесінде, тәртіп сақшылары күдіктіні қолға түсірді.

«Белгілі болғандай, 31 жастағы күдікті азамат банк қызметкері болып жұмыс істеп жүрген уақытында мәселемен алдына келген клиенттердің құжаттарын пайдаланып, 70 мың теңге мен 1 миллион теңге аралығында несие рәсімдеп отырған. Осылайша 47 адамды...

Экономиканы қолданбалы зерттеулер орталығы (AERC) шетелдік басылымдарда жарияланған санкцияға қатысты материалға талдау жасап, ондағы негізгі ұстындарды жария етті. «Санкция» сөзі әсіресе, 2022 жылдан кейін қоғамда көбірек айтыла бастады және АҚШ тарапынан Elem Group ЖШС-ға қайталама санкция салынғаннан кейін айырықша назарға ілікті дейді.

«Қазақстан Ресеймен арадағы тығыз ынтымақтастыққа байланысты әлеуетті қайталама санкцияларға бірінші жыл тап болып отырған жоқ. Мұның бәрі елді геосаяси қысым алдында әлсіз ете түседі. Сонымен қатар батыс медиасы Қазақстанды Ресеймен тығыз байланыста қарастырады, бұл батыстың мүдделері және солтүстік көршімен стратегиялық қатынастар арасындағы тепе-теңдікті сақтауда қиындықтар туғызады. Қазақстан әртүрлі мүдделер арасында жүріп әзірге қайталама санкциялардан...

Қазақстан ҰҚШҰ бойынша барлық одақтасын-Армения, Беларусь, Қырғызстан, Тәжікстан және Өзбекстанды басып озып, әскери күш деңгейі бойынша елдер рейтингінде 145- тен 58-ші орынды иеленді. Жыл сайынғы рейтингті Global Firepower-2024  басылымы ұсынды.

Рейтингте Қазақстаннан кейін Әзірбайжан (59), Беларусь (64), Өзбекстан (65), Түркіменстан (83), Қырғызстан (100), Тәжікстан (107) елдері орналасқан.

Рейтингтің алғашқы бестігінде АҚШ, Ресей, Қытай, Үндістан, Оңтүстік Корея тұр.

Айта кетейік, 2023 жылы Қазақстан әлем елдерінің әскери қауқары рейтингінде (Global Firepower) 1,0873 индекспен 63-орынға орналасты.

Сарапшылар рейтингті қорғаныс саласына бөлінетін қаржы, танк, кеме, ұшақ сияқты әскери арсеналдың саны, әскердің жауынгерлік қабілеті сынды 60 түрлі деректі негізге ала отырып...

«Майқайыңалтын» АҚ аумағында іздестіру-құтқару жұмыстары әлі аяқталған жоқ. Кен орнына қосымша техника келді. Бұл туралы ҚР Төтенше жағдай министрлігі хабарлады.

«Жұмыстарға шағын экскаватор тартылды, оның жалпы салмағы 3,5 тонна. Ол ауыр техника жол ашқаннан кейін, шұңқырдың түбінде қазба жұмыстарын жүргізуге қатысады», – деді ТЖМ баспасөз қызметі.

Павлодар облысы ТЖД құтқарушылары шұңқырдың түбінде маркшейдер рейкасын орнату және автобустың болжамды орналасқан жерін сигналдық лентамен белгілеу бойынша жұмыстар жүргізді.

«Техниканың өтуі үшін бағаналы жолды кеңейту жұмыстары жалғасуда. Жалпы опырылған жерден 110 мыңнан астам тонна топырақ пен тау жыныстары шығарылды», – делінген хабарламада.

Бұрынғы экономика министрі Қуандық Бишімбаевты қамауда ұстау мерзімі 9 наурызға дейін ұзартылды. Ол әйелі Салтанат Нүкенованы соққыға жығып, өлтірді деген айыппен құрықталған болатын.

Не болды. Салтанат Нүкенованы өлтірген күдікті  Қуандық Бишімбаевты қамауда ұстау мерзімі 2 айға ұзартылды. Бұл туралы Астана қалалық сотының баспасөз қызметі хабарлады.

Оқиға туралы

Естеріңізге сала кетейік, Астана қаласында 9 қараша күні сағат 19.54-те қалалық жедел медициналық жәрдем станциясының пультіне қоңырау түсті. Жедел жәрдем бригадасының келген бетте, 1992 жылы туған әйелдің өлімі анықталды. Белгілі болғандай Bau мейрамханасында экс-министр Қуандық Бишімбаев әйелі Салтанат Нүкенованы өлтірді деген айыппен ұсталды.

Айта кетейік, Күдікті Бишімбаев 8 жылдан 15 жылға дейін бас бостандығынан...