Жаңалықтар

Мәскеу Қазақстанның үшінші елдермен қарым-қатынасына араласпайтынын мәлімдеді және мұның Астанамен экономикалық қарым-қатынасына жағымсыз сыртқы әсері болмайтынына сенім білдірді.

Президент Қасым-Жомарт Тоқаев Германияға сапары барысында Қазақстанның санкция режимін мүлтіксіз сақтайтынын мәлімдеп, санкия режимін сақтау жөнінде тиісті ұйымдармен ұдайы байланысып отыратынын мәлімдеген болатын. Президенттің бұл мәлімдемесіне Ресей Сртқы істер министрлігі былай деп жауап берді.

«Біз Қазақстан Республикасының үшінші елдермен қарым-қатынасына араласпаймыз, сонымен бірге біз Мәскеу мен Астана арасында кешенді стратегиялық және одақтастық қарым-қатынасқа құрылған стратегиялық өзара келісім бар», деді.

Ресей Сыртық істер министрлігі екі тараптың – саясат пен қауіпсіздік, сауда, инвестиция және басқа да көптеген...

Парламентте Назарбаевтың мәртебесінен айыру үрдісі жүріп жатыр. Қазіргі таңда оның экс-президент ретіндегі мәртебесі ғана қалған. Бұл жайлы Әділет министрі Азамат Есқараев Орталық коммуникациялар қызметінде өткен брифингте айтты.

«Елімізде Нұрсұлтан Назарбаевты барлық заңдардан сызып тастау үрдісі жүріп жатыр. Оның артықшылақтары мен ерекше статусы алынып тасталды. Бұл үрдісті толық аяқталды деп айта аламыз ба? Енді Нұрсұлтан Назарбаевтың экс-президентке қатысты мәртбесінен өзге статустары қалмады ма?» деп сұрады журналистер брифинг барысында.

Министр бұл үрдістердің заңдық негізде жүргізіліп жатқанын айтты.

«Бұл үрдістер қаңтарда қабылданған заң негізінде жүзеге асып жатыр. Ал экс-президентт...

Психолог кеңесі, массаж, фитнеске тегін абонемент сынды жағдай жасайтын компаниялар Қазақстанда да бар. Бұрын шетелдік компанияларда істейтін қызметкерлердің сұхбатынан еститін мұндай керемет бізде барына көз жеткізу үшін Kursiv.media тілшісі отандық IT-компанияларға сұраныс жолдаған еді. Қызметкерлеріне қандай жағдай жасайды, нендей мүмкіндіктер қарастырылғанына, кеңселері қалай безендірілгеніне шолу жасап шықты.    

MOST: массаж, тау көрінетін әдемі терраса және психологиялық релакс

 Стартаптарға ерте кезеңдерде ақша салатын MOST компаниясы әрбір қызметкерді онбордиң сәтінен бастап, командалық спринтте жұмыс істегенге дейін жайлы сезінуіне үлес қосуға тырысады. Компания қызметкерлеріне кеңсе жанындағы фитнес-залдарға жеңілдік береді. Әрі хабта апта сайын психологиялық релаксацияға баруға мүмкіндік бар. Ресми дресс-код, түскі ас уақыты...

IT-дегі жаңа мамандықтардың бірі — Data Scientist (дата-сайентист). Ол — бизнестегі мәселелерді шешуге көмектесетін құралдар жасайтын маман. Ол үшін деректерге анализ жасап, машинаны үйрету (ағылш. Machine Learning) модельдерін құрастырады. Data Scientist үш түрлі саланы қамтиды: статистика, машинаны үйрету және бағдарламалау. Мұндай маман қазір барлық дерлік индустрияда сұранысқа ие. Мейлі өндіріс болсын, мейлі стримиң сервистерде болсын аса қажет.

Айталық, ретейл саласында дата-сайентист сатып алушылардың өзін-өзі қалай ұстайтынына қатысты деректерді талдайды. Сөйтіп ең оңтайлы баға қою моделін жасайды. Осылайша орташа чек көтеріледі де, компания табысы артады. Жалпы алғанда Data Science маманы жұмысында оған дейін ойлап табылған алгоритмдерді пайдаланып, олардың ішінде қайсысын қашан...

«Стати ісіне» қатысты Қазақстанның миллиард долларға жуық шығынға батқаны жайлы ақпарат тарауда. Бұл мәселеге қатысты Орталық коммуникациялар қызметінде өткен брифингте ҚР Әділет министрі Азамат Есқараев түсініктеме берді.

Журналистер министрге «Стати ісіне» қатысты бірнеше сұрақ қойды.

«Жақында Анатол Стати сұхбат беріп, онда: «Қазақстан бізге 560 млн доллар төлемей қойды. Бірақ 13 жылда Қазақстанның сотқа жіберген шығыны 1 млрд долларға жетіп қалды» деп айтқан екен. Бұл ақпарат қаншалықты шындыққа жанасады? Қашан бұл іске нүкте қойылады?» деп сұрады.

Өз кезегінде Азамат Есқараев бұл ақпараттың шындыққа жанаспайтынын айтты:

«Бұл жалған ақпарат...

2023 жылдың 28 қыркүйегі күні «Қазатомөнеркәсіп» Ұлттық атом компаниясы» АҚ-сының басшылық құрамында өзгерістер болғаны хабарлады.

«Қазатомөнеркәсіп» өкілдерінің хабарлауынша, Ержан Мұқанов 2023 жыл, 2 қазаннан бастап компания Басқарма төрағасы қызметін босатады. «KAZAKH INVEST» Басқарма төрағасы қызметін атқарған Мейіржан Юсупов «ҚазАтомӨнеркәсіптің» жаңа басшысы болып тағайындалды.

«Мұқанов мырзаға бүгінгідей геосаяси жағдайлар шиеленіскен кезде белсенді қызмет атқарып, компанияны табысты басқарғаны үшін Компания директорлар кеңесінің атынан алғыс білдіремін», – деді Қазатомөнеркәсіптің Директорлар кеңесінің төрағасы Арман Арғынғазин.

Сонымен қатар, Арман Арғынғазин Мұқанов басшылығы кезіндегі өндірістің қарқын алып, уран экспорттаудағы халықаралық Транскаспий бағыты кеңейгенін айтты.

Мұнымен қоса, ақпараттық хатта «Қазатомөнеркәсіп» Ұлтты...

фото: kursiv.media

Дүниежүзілік Банктің мемлекеттік қаржыға қатысты 29 қыркүйекте жариялаған шолуында Қазақстанның бюджеттік резервтері мұнай кірістері есебінен толығып отырғаны айтылған. ДЖБ мемлекеттік қаржы жүйесін неғұрлым инклюзивті және тұрақты өсіру үшін нақты қадамдар қажет екенін жазады.

Банктің «Қазақстан: инклюзивті және ықпалға тұрақты өсуге қол жеткізу үшін мемлекеттік қаржыны күшейту» атты мемлекеттік қаржы шолуында Қазақстан Үкіметінің салық-бюджет саясатын жетілдіру және мемлекеттік қарызды салыстырмалы түрде төмен деңгейде ұстап тұру әлеуеті талданды. Сонымен қатар, бюджет саясатында айқындықтың жоқтығы және квази-фискалдық қызметке байланысты мүмкін болатын тәуекелдер көрсетілді.

ДЖБ хабарлауынша, Қазақстан қазіргі күрделі сыртқы жағдайларға қарамастан экологиялық және инклюзивті өсуге ұмтылған. Десе де...

фото: Қазақстан Республикасы Президентінің ресми сайты

HMS Bergbau AG Шығыс Қазақстан облысында литий өндіретін және оны қайта өңдейтін кен байыту комбинатын салмақ. Компанияның басшысы Деннис Швин бұған қатысты жоспарланған инвестицияның жалпы сомасы 500 миллион доллар болатын жобаны Қасым-Жомарт Тоқаевқа таныстырды. Бұл жайлы «Ақорда» хабарлады.

Германия астанасында өткен кездесу барысында Қасым-Жомарт Тоқаев Қазақстанның шетелдік инвесторларға қолдау көрсетіп, түрлі жобаларды табысты жүзеге асыру үшін қолайлы жағдай жасайтынын атап өтті. Сонымен қатар, әлемдегі дамыған елдер экономикасын сөз етіп, пайдалы қазбаларға, соның ішінде, литийге сұраныс артып келе жатқанын жеткізді.

Қазақстан үшін сирек кездесетін металдарды өндіру және қайта өңдеу ынтымақтастықты дамытудың аса маңызды...

Қазақстан азаматтарының жеке куәлігінің көшірмесін жасап, жасауға тыйым салатын норма қалай жұмыс істейтіні туралы ҚР Цифрлық даму, инновациялар және аэроғарыш өнеркәсібі вице-министрі Мәлік Олжабеков айтты. Бұл норма «Ақпараттық қауіпсіздік туралы» заң жобасында көрсетілген.

Вице-министр енді азаматтың жеке куәлігі көшірмесі талап етілмейтінін атап өтті. Себебі құжаттың өзін көрсетіп, одан қажетті деректерді көшіріп алса, жеткілікті. Шенеунік бұл норманың куәліктің қағаз көшірмесі ғана емес, цифрлық көшірмесіне де қатысты екенін түсіндірді.

«Мәселе мынада, қазір бұл мәселе нақты реттелмеген. Алайда қазір депутаттар ұсынып отырған жобада көшірме жасауға тыйым салынбақ. Әрине, көшірме жасауға рұқсат етілген ерекше жағдайлар бар», – деді Мәлік Олжабеков.

Кеңес Рақышевқа тиесілі «Fincraft Group» тобына енетін (үлесі 76%) «Fincraft Resources» АҚ мұнай-газ саласындағы «ARK Petroleum» ЖШС-нің 50%-ына иелік ететін болды. Бұл туралы ақпарат Қазақстан қор биржасына ұсынылды.

eGov-порталындағы ақпаратқа сәйкес, биыл 16 маусымда ғана мемлекеттік тіркеуден өткен, шикі мұнай мен ілеспе газ өндіретін «ARK Petroleum» ЖШС-нің құрылтайшысы енді үшеу болды. «Fincraft Resources» АҚ мен қатар «Proxymunai» ЖШС және Асамбаев Рахман Валиханұлы.

«Proxymunai» ЖШС құрылтайшылары белгілі спортшы Серік Қонақбаевтың балалары: Аманат пен Аяла Қонақбаевтар.

Айта кетейік, құрылғанына үш айдан енді асқан «ARK Petroleum» ЖШС биыл шілде айында көмірсутектер бойынша жер қойнауын пайдалану құқығын беруге...

АҚШ-тың Қазақстандағы елшісі Дэниел Розенблюм Қазақстан азаматтары үшін виза алу процесін жеңілдетуге мүдделі екенін айтты. Десе де, бұл үрдіске қатысты мемлекет бекіткен қолданыстағы ережелер мен заңдар өзгермейтінін жеткізді.

«Бір қызығы, мен Қазақстанды аралағанда маған осы виза мәселесі жөніндегі сұрақтар жиі қойылады. Жақында ғана Алматы мен Астанада болдым, сонда да осы сұрақтар қойылды. Біріншіден, біз өз елдеріміздің азаматтарының көшіп-қонуы, бір-біріне баруы жеңіл болғанын, жалпы бұл процесті оңтайландыруға мүдделіміз. Мен АҚШ азаматтарының да Қазақстанға келгенін көргім келеді, сондықтан бұл екі жақты процесс. Бұл өз кезегінде адамдар арасындағы байланыстың нығайып, екі ел арасында берік қарым-қатынастардың қалыптасуына мүмкіндік туғызар...

фото: workflowsoft

Салық салу мақсаттары үшін цифрлық майнерлер мен цифрлық майнинг пулдарының кірістері туралы мәліметтерді ұсыну қағидаларына бірқатар өзгерістер енгізілді. Енді «диджитал қазба кеншілері» өз табысы туралы мәлімет ұсынуы тиіс. Бұл туралы ҚР цифрлық даму, инновациялар және аэроғарыш өнеркәсібі министрлігі хабарлады.

Бұйрықтан байқағанымыздай, бөлінген цифрлық активтердің саны және майнингтік пулдар комиссиясы туралы мәліметтер салық салу үшін қолданылмақ. Алдымен майнерлердің табысы айқындалады. Ай сайын ұсынуы қажет деректерде цифрлық майнинг қызметін жүзеге асыратын тұлғаларға тән цифрлық активтер көрсетіледі.

Дегенмен, цифрлық активтерді нақтылауда бұл үрдісті жүзеге асыратын тұлғаларға қатысты деректер де маңызды. Мысалы, цифрлық кеншінің атауы, жеке сәйкестендіру нөмірі/бизнес сәйкестендіру нөмір...

«Курсив» елдегі негізгі мемлекеттік компаниялардың топ-менеджерлері былтыр қанша табыс тапқанын және олардың алған сыйақысы 2021 жылмен салыстырғанда қалай өзгергенін есептеп көрді. Былтыр жыл басында Президент Тоқаевтың «квазимемлекеттік секторды түбегейлі реформалау бойынша» ұсыныстар әзірлеуге пәрмен бергенін ескерсек, есеп нәтижесі ерекше қызығушылық тудырады.

«Самұрық-Қазына қоры өзінің басты міндеті – ұлттық байлықты еселеп жатыр ма» деген орынды сұрақ туындайды. Жоғары жалақы алатын қызметкерлер мен директорлар кеңесі не істейді? Өте қымбат консалтингтік компаниялар мен шетелдік мамандарды жалдаудың мағынасы бар ма?» – деген еді Қасым-Жомарт Тоқаев 2022 жылдың 11 қаңтарында парламентте сөйлеген сөзінде. Мемлекет басшысы бүкіл Қазақстанның экономикалық дамуы Ұлттық әл-ауқат...

Қазақстанның Көлік министрлігі Қазақстанда inDrive және Yandex жеке автотасымалдаушыларына шектеу қоюды жоспарлап отыр.

«Елімізде InDriver және Яндекс қосымшалары пайда болғалы, бұл сала тез дамып кетті. Өкінішке қарай олардың жүргізушілері жылдамдық шектеулерін және демалыс кестесін сақтамайды. Олар күніне 9 сағаттан артық жұмыс істемеуі керек. Олар бұл мүмкіндікті теріс пайдаланып, нәтижесінде қырғалығынан айырылып жатады. Елімізде жол-көлік оқиғаларының 35 пайызы дәл осындай жағдайлардың кесірінен болады. Бізде заңсыз тасымалдаушылармен күресудің жол картасы бар. Оның ішінде inDriver және Яндекс бағдарламалық қосымшалары да бар», дейді Көлік министрлігі Көлік комитетінің басшысы Алтай Әли.

Оның айтуынша, жол картасы Қазақстан Республикасы Ішк...

Жазғы конкурстан кейін 4 мың грант орны бос қалған. ҚР Ғылым және Жоғары білім министрлігі осы гранттарды конкурстан өтпей қалған абитуриенттер арасында қайта тағайындады. Бұл жайлы министрліктің баспасөз қызметі хабарлады.

«4000-нан астам талапкер мемлекеттік білім грантының иегері атанды. Республикалық комиссияның шешімі негізінде жазғы қабылдау науқанының қорытындысы бойынша конкурстан кейін қалған бос гранттар қайта тағайындалды», делінген хабарламада.

Гранттардың басым көпшілігі педагогикалық және инженерлік ғылымдар, сонымен қатар «Ақпараттық-коммуникациялық технологиялар», «Жаратылыстану ғылымдары, математика және статистика» салаларына бөлінген.

Еске сала кетейік, Биыл жоғары оқу орындарында оқу үшін 88 мың грант бөлінгенін хабарланды. Бакалавриатқа түсу үшін...

Қазақстан Ұлттық банкі тозған банкноталар мен зақымдалған монеталар заңды төлем құралы болып қала беретінін ескертеді. Тозған банкноталар мен зақымдалған монеталарды айырбастау ережелеріне сәйкес, оларды еліміздің екінші деңгейлі банктерінде және «Казпоштада» айырбастауға болады.

«Қазақстан Ұлттық Банкі тозған банкноталар мен зақымдалған монеталар заңды төлем құралы болып қала беретінін ескертеді. Оларды екінші деңгейлі барлық банкте, ҚҰБ филиалдарында және ұлттық пошта операторы «Қазпошта» АҚ-да номиналды құнына сай айырбастауға болады», делінген хабарламада.

Дегенмен, екінші деңгейлі банктер өздерінің ішкі нормативтік құжаттарына сәйкес, қызметтің бұл түріне комиссия ұстауға құқылы екенін ескертеді. Ал Ұлттық валютаның зақымдалған төлем ақша белгілері ҚҰБ филиалдарында тегін...

Еуропалық комиссия сарапшылары Ресейге қарсы санкциялардың қатаң сақталуын қамтамасыз ету үшін бірқатар елдерге ескерту жасап, тиісті шараларға мән беруге шақырады. Сынға ұшыраған мемлекеттердің арасында Қазақстан да бар.

Брюссель Қазақстан, Өзбекстан, Түркия, Үндістан, Вьетнам және Коста-Рика үкіметтеріне үндеу тастады.

Егер аталған мемлекеттер Ресей мен Иранға дрон-камикадзелердің қосалқы бөлшегін жеткізуде ыңғай танытуын тоқтатпаса, жанама санкцияларға ілінуі мүмкін. Мұндай санкция салынған жағдайда мемлекеттер ұшқышсыз ұшақ түрлерін импорттау мүмкіндігінен айырылмақ. Бұл хақында The Guardian жазды.

ЕО Түркияға ұшқышсыз ұшақтың кейбір компоненттерін сатуға тыйым салуды көздейді. Себебі, Иран мен Ресей Украина қалаларын атқылау үшін құрылғыларды Анадолы елінен сатып алып...

Энергетика министрі Алмасадам Сәтқалиев Siemens Energy компаниясының өкілдерімен кездесіп, компанияның Қазақстандағы ірі энергетикалық жобаларға атсалысу мүмкіндігін талқылады. Бұл туралы министрліктің баспасөз қызметі хабарлады.

Нақты айтқанда Siemens Energy технологиясын пайдалана отырып, Алматыдағы қуаты 600 МВт ЖЭО-2 және 480 МВт-тық ЖЭО-3 нысанын көмірден газға ауыстыру жобаларын жүзеге асыру көзделіп отыр.

Компания Қазақстандағы энергетикалық жобаларды жүзеге асыруға дайын екенін, жобаға қажетті жабдықтарды жеткізетінін мәлімдеді.

Сондай-ақ, Siemens Energy компаниясының өкілдері қазақстандық делегацияның  назарына энергетикалық инфрақұрылымды жаңғырту және дамыту саласындағы инновациялық жаңалықтарды ұсынды.

Сапар барысында қазақстандық делегация Германияның DENA энергетикалық агенттігінің өкілдерімен де кездесті. Агенттік мамандары Қазақстанда жүзеге асыру жоспарланған карбон...

Ауыл шаруашылығы министрлігі Фитосанитария бас директоры лауазымдық өкілеттіктерін асыра пайдаланды деп күдіктелуде. Бұл жайлы Сыбайлас жемқорлыққа қарсы күрес агенттігінің баспасөз қызметі хабарлады.

«Алматы қаласы бойынша Сыбайлас жемқорлыққа қарсы қызметі ҚР Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің «Фитосанитария» ШЖҚ РМК бас директорына қатысты сотқа дейінгі тергеу жүргізуде», делінген баспасөз хабарламасында.

Белгіленген тыйымға қарамастан, ол кәсіпкерлік қызметпен айналысатын ұйым құрып, оны басқарып келген және 2022 жылғы маусымнан бастап қазіргі уақытқа дейін «Фитосанитария» ШЖҚ РМК Алматы облыстық филиалының үй-жайын осы мақсатта тегін пайдаланған.

Осындай әрекеттерімен күдікті мемлекетке 7,4 млн теңге залал келтірген.

Германия мен Қазақстанның екіжақты тауар айналымы 25 пайызға өсіп, 2,8 миллиард долларға жеткен. Бұл жайлы Германия экономикасы Шығыс комитетінің (ГЭШК) ұйымдастыруымен өткен дөңгелек үстел барысында президент Қасым-Жомарт Тоқаев айтты.

Қасым-Жомарт Тоқаев Германияның табандылық, нақтылық және жауапкершілік қағидаттарына негізделген бизнес жүргізу тәсілін жоғары бағалады. Сондай-ақ «Қазақстанда неміс сапасына сай жасалған» формула бойынша өнім шығаратын өндіріс орындарын ашуға мүдделі екенін айтты.

Қазақстан, ең алдымен, Германия және Еуропа өнеркәсібіне қажетті табиғи ресурстар мен маңызды шикізат саласында сенімді серіктес болуға дайын екенін айтып, өзара ынтымақтастықтың бірқатар перспективті бағыттарын атап өтті.

«2040 жылға қарай маңызды материалдар мен сирек кездесетін...

Қазақстанда HHLA компаниясының филиалы ашылады. Бұл жайлы Президент Қасым-Жомарт Тоқаевтың HHLA компаниясының басқарма төрағасы Ангела Титцратпен кездесу барысында айтылды.

Кездесу барысында Қазақстан мен Германияның көлік-логистика саласындағы ынтымақтастығын нығайту перспективалары талқыланды. Мемлекет басшысы Германияның көлік және логистика саласын дамытуда аталған компанияның маңызды рөл атқаратынын айта келе, оның елімізде филиал ашу туралы шешімін құптады.

Еліміз Еуразиядағы басты транзит торабы ретінде өз позициясын күшейтуге ниетті екенін жеткізген Қасым-Жомарт Тоқаев бұл саланың Қазақстан үшін стратегиялық тұрғыда маңызы зор екенін атап өтті. Сондай-ақ Қазақстан құрғақ және сұйық жүктерді тасымалдауға арналған жаңа танкерлер сатып алуға және Каспий теңізіндегі Ақтау және Құрық порттарын жаңғыртуға қаржы тартуға мүддел...

Қасым-Жомарт Тоқаев Германияға ресми сапары барысында, Berlin Global Dialogue форумына қатысып, іс-шара аясында бірнеше мемлекеттердің президенттерімен және ірі неміс компанияларының басшыларымен кездесті.

Мемлекет басшысы HMS Bergbau AG компаниясының басқарма төрағасы Деннис Швиндті қабылдады. Президент Қазақстанның шетелдік инвесторларды қолдайтынын және жобаларды табысты іске асыру үшін қолайлы жағдай жасайтынын атап өтті.

HMS Bergbau AG басшысы Шығыс Қазақстан облысында литий өндіретін және оны қайта өңдейтін кен байыту комбинатын салу жобасын таныстырды. Компания басшысының айтуынша, жоспарланған инвестицияның жалпы сомасы – 500 миллион доллар.

Ал Қасым-Жомарт Тоқаев мұндай инвестициялық жобалардың ел экономикасы мен оның әлемдік аренадағы бәсекеге қабілеттілігін қолдау үшін маңызды екенін атап өтті.

Әлемн...

Президент Қасым-Жомарт Тоқаев Германия Федеративтік Республикасына ресми сапары кезінде Қазақстан мен Германия басшылары бұқаралық ақпарат құралдары өкілдерінің сұрақтарына жауап берді. Бұл туралы Ақорда баспасөз қызметі хабарлады.

Атап айтқанда, Мемлекет басшысына Қазақстанның Ресеймен қарым-қатынасы жөнінде, Украина төңірегіндегі қақтығыстарға қатысты және санкцияларды сақтау туралы сұрақтар қойылды.

«Шын мәнінде, Қазақстан мен Ресейдің арасын әлемдегі ең ұзын құрлықтық шекара бөліп жатыр. Елдеріміз арасында сауда, гуманитарлық байланыстар бойынша дәстүрлі ынтымақтастық орнаған. 2013 жылы екі ел Одақтастық қарым-қатынас туралы шартқа қол қойды. Украинадағы қақтығысқа келер болсақ, Қазақстан әскери іс-қимылдардың тез арада тоқтатылуын және БҰҰ Жарғысы негізінде бейбіт келіссөз жүргізілуін жақтайды. Мен...

Құзырлы органдар Air Astana әуе компаниясына төнуі мүмкін санкциялық қауіпке қатысты ресми түсінік берді, деп хабарлайды ҚазАқпарат.

Ресей «BAE Systems» британдық қорғаныс компаниясының директорлар кеңесінің төрағасы Крессида Хоггқа қарсы санкция жариялады. Өз кезегінде, аталған компания қазақстандық Air Astana әуе компаниясының 49% акциясына ие. Осы орайда БАҚ өкілдері құзырлы органдар басшыларынан Air Astana-ға төнетін қауіп туралы сұраған еді.

«Air Astana әуе компаниясы – біздің ұлттық операторымыз, Қазақстанның мажоритары. Сондықтан компания штаттық режимде жұмыс істейді. Аталған ұлттық әуе операторының қызметінде ешқандай өзгерістер болмайды», – деп жауап берді Көлік министрі Марат Қарабаев ведомствода өткен баспасөз мәслихаты барысында.