Тәуелсіздік күніне орай еліміздің екі ірі қаласында мерекелік іс-шаралар өтеді /Фото: kursiv.media
Астана мен Алматыда Тәуелсіздік күніне орай түрлі мерекелік және ресми іс-шаралар өтеді. Бұл күні екі қалада көрмелер мен концерттер, сурет байқаулары мен түрлі турнирлер, спартакиадалар өтеді.
Алматы метрополитенінде пилоттық режимде Face Pay сервисі іске қосылды. Енді метроға жол ақысын бет бейнесін көрсету арқылы төлеуге болады. Бұл туралы қала әкімдігінің баспасөз қызметі хабарлады.
Әкімдіктің хабарлауынша, бет бейнесін тану технологиясының көмегімен жол ақысын төлеу Алматы метрополитенінде пилоттық режимде іске қосылған. Әзірге жүйе Face Pay терминалы орнатылған «Абай» және «Б.Момышұлы» станцияларында жұмыс істейді. Әкімдік жобаны Halyk Bank-пен бірлесіп іске қосқан.
«Қызметті пайдалану үшін Halyk мобильді қосымшасы арқылы «төлем» бөлімінде Face Pay-ге қосылу керек. Турникеттің алдына «Face Pay арқылы төлеу» деген жасыл жапсырма орнатылды. Сол жерде тұрып, камераға қарау керек. Жол ашылған кезде 100 теңге...
Ереуілге шыққан «West Oil Software» компаниясында істейтін мұнайшылардың талабын орындау мүмкін емес. Бұл жайлы «Қазмұнайгаз» компаниясының баспасөз қызметі хабарлады.
11 желтоқсанда «West Oil Software» ЖШС мұнайшылары ереуілге шығып, өз талаптарын қойды. Олар «ҚазМұнайГаз» «ҰК» АҚ-ның Бірыңғай еңбекақы жүйесімен жалақыны теңестіруді, материалдық-техникалық базаны жаңартуды талап етті. Сонымен берге ҚМГ еншілес ұйымының штатына қосылуды сұрады. ҚМГ жұмысшылардың бұл талабының негізсіз екенін мәлімдеді.
«WOS қызметкерлерінің айтарлықтай бөлігі бұрын «ҚазМұнайГаз» еншілес қызмет көрсету ұйымдарының қызметкерлері болды. 2018 жылы олар «5/50» бағдарламасы арқылы жұмыс берушімен еңбек қатынастарын өз өтініштері бойынша тоқтатқан. Бағдарламада жұмыстан шыққан қызметкердің бес жылдық жалақысыны...
Қазақстан мен Испания арасындағы сауда айналымы 42 пайызға артып, Испания компаниялары елімізге 300 млн доллар құйған. Бұл жайлы премьер-министр Әлихан Смайылов пен Tecnicas Reunidas компаниясының атқарушы төрағасы Хуан Лиадоның кездесуі кезінде айтылды.
Кездесу барысында екі тарап химия және мұнай-газ химиясы салаларында жаңа инвестициялық жобаларды іске асыру мәселелерін талқылады. Премьер-Министр Испания Қазақстанның Еуропалық одақтағы негізгі сауда-экономикалық әріптестерінің бірі екенін атап өтіп, екі ел арасындағы тауар айналымының өткен жылы 42%-ға өскенін айтты.
Жалпы 2005 жылдан бастап Испания компаниялары Қазақстанға шамамен 300 млн доллар инвестиция құйған. Олардың ішінде Maxam, Inditex, Pronovias және басқа да испаниялық жетекші компаниялар бар. Үкімет басшысы ек...
Австралияға сапар барысында вице-премьер Серік Жұманғарин бастаған қазақстандық фермерлер мен өңір басшылары бесінші континенттің ірі және қазіргі заманғы мал биржаларының біріне барды. Бұл туралы ҚР АШМ баспасөз қызметі хабарлады.
Мал шаруашылығының өркениетті саудасы – саланың табысты дамуының негізі. Барлық нарық қатысушылары тең шарттарда кемсітпейтін қолжетімділікті қамтамасыз етеді. Нарықтың әрбір қатысушысы, сатушы мен сатып алушы өзіне қажеттіні алады. Іздеуге, тасымалдауға және қауіпсіздікке уақытты үнемдейді.
«Мал биржасы малдың әрбір түріне бағаның даусыз көрсеткішін қалыптастырады, мемлекетке саладан түсетін кірісті болжау үшін нарықтық қозғалыстар мен тенденцияларды түсінуге, банктер тұрақты қаржыландыруды қамтамасыз етуге, ал фермерлерге кез келген уақытта және кез келген климаттық өзгерістер жағдайында...
Ұлыбритания экономикасы қазан айында 0,3 пайызға қысқарды. Бірақ экономистер мұндай өзгерістерді күткен жоқ, деп жазады Reuters агенттігі
ЖІӨ көрсеткішінің төмендеуі ағымдағы жылдың шілдесінен бастап алғаш рет тіркелді. Енді кейбір сарапшылар, атап айтқанда, Ұлыбританияның Capital Economics бас экономисі Пол Дейлс, елдің экономикасы әлі де құлдырау қаупінде деп санайды.
Бұл ретте, болжамдарға сәйкес, орталық банк өзінің инфляцияға қарсы қатаң желісі шеңберінде 14 желтоқсанда Банк мөлшерлемесін 5,25 пайыз деңгейінде сақтайды.
Ұлыбританияның қызмет көрсету секторы қазан айында 0,2 пайызға төмендегенің хабарлады. Сондай-ақ, өнеркәсіптік өндіріс және құрылыс та төмендегені атап өтілді.
Қазақстан Ұлттық Банкі Jar-Jar және Kelоğlan коллекциялық монеталарын айналымға шығарады.
Монеталар интернет-дүкені арқылы 2023 жылғы 15 желтоқсаннан бастап сатылады.
Jar-Jar монетасы туралы:
«Қазақстанның әдет-ғұрыптары, ұлттық ойындары» сериясымен шығатын монеталар қалыңдықты ұзату тойы аяқталып, оң босағадан аттанар алдында орындалатын қазақ халқының ежелден келе жатқан жар-жар әніне арналады. Монеталар күмістен жасалған, сынамасы – 925/1000, салмағы 24 грамм, диаметрі 37 мм, дайындау сапасы – proof, номиналы 500 теңгелік, таралымы – 3 000 (үш мың) дана»-делінген хабарламада.
Күміс монеталардың бейнесі
МН 25 мельхиор қоспасынан жасалған, массасы 15 грамм, диаметрі 33 мм, дайындау сапасы – brilliant uncirculated, номиналы 200 теңгелік...
Астананың мамандандырылған ауданаралық экономикалық сотында «ҚазМұнайГаз» АҚ-ға «Сұйытылған мұнай газын сақтау паркі» ЖШС-нің талап арызы бойынша іс қаралды.
Сот кабинетіндегі ақпаратқа сәйкес, 2022 жылдың 8 қаңтарында Қазақстанның Энергетика министрлігінде жиналыс өткен. Ол жерде ішкі нарықты сұйытылған газбен қамтамасыз ету мәселелері қаралған. Нәтижесінде «ҚазМұнайГазға» ЖШС-ға газды ауыстырып тиеу және сақтау жөніндегі шығынды қайта өңдеу тарифіне қосуды қамтамасыз етуге міндеттелді.
2022 жылдың 17 маусымында ЖШС АҚ-ға газды сақтауға арналған тарифті зауыттың мұнай өңдеу тарифіне қоспау туралы, олардың қызметтеріне ақы төлеу үшін қосымша құн салығын есептемегенде АҚ-мен 8 759 теңге көлемінде шарт жасасу қажет екенін айтқан.
30 шілдеде тараптар құны...
Британиялық The Guardian басылымы соғыстың 658-күніне қатысты жаңалық жариялаған. Онда АҚШ президенті Джо Байденнің «Республика» партиясына Украинаға қажет әскери көмек көрсетпесе, Ресейге «рождестволық» сыйлық жіберетінін ескерткені туралы жазылған. Естеріңізде болса, Зеленский Ресеймен соғыста қолдау білдіріп, ақшалай көмек көрсетуін сұрау үшін Уашингтонға барған еді. Дегенмен республикалықтар бұл өтінішке оң жауап бермеді. Өкілдер палатасының спикері Майк Джонсон Байденнің Украинаға 61,4 млрд АҚШ доллары көлемінде жәрдем көрсету ұсынысын қолдамады.
Байден қосымша әскери қолдау пакеті туралы сөз қозғады. АҚШ президенті Украинаның бұл шиеленісте айтарлықтай жетістікке жетуі үшін 200 млн АҚШ доллары көлемінде көмек берілетінін хабарлап, «Украинадан мен де, Америка халқы да кетпейді» деді.
Қазақстанның бұрынғы президенті Нұрсұлтан Назарбаевтың мемлекеттік қызметте болған туыстарының декларациясы жарияланбайды. Қазақстан азаматтарының декларациясы салық заңымен қорғалғаны туралы Орталық коммуникациялар қызметінде өткен баспасөз конференциясында Қаржы министрлігі мемлекеттік кірістер комитеті өндірістік емес төлемдерді, жеке тұлғаларды және арнайы салық режимдерін әкімшілендіру департаментінің директоры Нұржан Қуандықов айтты.
Баспасөз конференциясы кезінде журналистер «2021 жылы мемлекеттік қызметкерлердің декларация тапсыруы басталған кезде Дариға Назарбаева мемлекеттік қызметте (мәжіліс депутаты – ред.) және Нұрбол Назарбаев құқық қорғау органдарында қызметте болды. Бұл қызметтен кеткеннен кейін, екеуі де Forbes тізіміне шықты. Осы азаматтар декларация тапсырды ма?» деген сұрақ қойды.
«Сіз атап өткен азаматтар декларация тапсырды. Себеб...
Қазақстан мен Қырғызстан шекарасындағы жүк көліктерінің кептелісіне қандай мемлекеттік органдар бас ауыртып жатыр? Бұл сұраққа Мәжілістің жалпы отырысында жауап берілді.
Депутат Мақсат Толықбай Үкімет басшысының орынбасары – Қаржы министрі Ерұлан Жамаубаевқа қазақ-қырғыз шекарасындағы жүк көліктерінің кептелісіне қатысты сұрақ қойды.
«Қазақстан-Қырғызстан шекарасына барсаң, үнемі ұзын-сонар кезек, жүк көліктерінің кептелісі бірнеше шақырымға созылып жатады. Қазан айында БАҚ-та 600-ге жуық көлік апталап кезекте тұрғанын, кейбір тауарлардың мерзімі өтіп кетіп жатқанын хабарлады. Ол тек қырғыз шекарасындағы жағдай емес, Ресей шекарасына барсаң да осы. Үнемі айғай-шу, үнемі дау-дамай. Жалпы бұл проблеманы қашан шешеміз? Осыған бас ауыртып жатқан адам бар ма...
Сыйлықтар мен мұраға қалған мүлікті декларацияда көрсеткен абзал. Алайда оларды алғаны үшін салық төлеудің қажеті жоқ. Бұл туралы Орталық коммуникациялар қызметінде өткен баспасөз конференциясынды Қаржы министрлігі мемлекеттік кірістер комитеті өндірістік емес төлемдерді, жеке тұлғаларды және арнайы салық режимдерін әкімшілендіру департаментінің директоры Нұржан Қуандықов айтты.
«Сыйлықтарды немесе мұраға қалған мүліктің құны 1000 АЕК, яғни 3,5 млн теңгеден асатын болса, оларды декларацияға қосқан жөн», – деді Қуандықов.
Алайда ол жеке тұлғаның жеке тұлғаға жасаған сыйлығы үшін салық төленбейтінін ескерте кетті. Тек заңды тұлғадан алған немесе заңды тұлғаға табысталған сыйлық болса, ол үшін салық төлеу міндеттелген.
Жалпыға бірдей декларациялау жүйесі 2021 жылдың 1 қаңтарда іске қосылды...
Азия даму банкі Қазақстанның ЖІӨ өсімі бойынша болжамын 2023 жылы 4,5%-ға жақсартты. Ал 2024 жылға арналған болжамды 4,3 %деңгейінде сақтап қалды.
«Азия Даму Банкі (АДБ) Қазақстанның 2023 жылға арналған экономикалық өсу болжамын қыркүйектегі 4,1% – дан 4,5% – ға дейін жақсартты»-делінген банктің желтоқсандағы жаңартылған болжамында.
Елдің 2024 жылға арналған ЖІӨ өсімінің болжамы 4,3% деңгейінде қалды.
«2023 жылдың алғашқы 9 айында Мемлекеттік бағдарламалар қолдайтын мұнай өндіру мен тұрғын үй құрылысының өсу қарқыны 4,7% – ға артты. Тау – кен өнеркәсібі 5,4% – ға, құрылыс 12,6% – ға, қызмет көрсету 5,1% – ға...
Зиянды бағдарламалық қамтылымды таратуға байланысты кейстер бір айда 50 пайыз азайған/kursiv.media
Интернетке қол жеткізудің бірыңғай шлюзі (ИҚБШ) жабдығын пайдалану арқылы қараша айында 17 млн-нан астам кибершабуыл бұғатталған. Бұл туралы «Мемлекеттік техникалық қызметінің» баспасөз қызметі таратқан хабарламада айтылған.
Салыстырмалы түрде алып қарайтын болсақ, зиянды бағдарламалық қамтылымды таратуға байланысты кейстер саны бір айда 51,17%-ға азайған. Ал «осалдықты пайдалану» түрі бойынша орын алған оқиғалар 29,88%-ға және «ботнеттер» бойынша 78,3%-ға артқаны белгілі болды.
Сондай-ақ жіберілген спам хаттар есебінде 38 кейс тіркелген, оның жетеуі алаяқтық мазмұндағы хат болған.
Өткен айда Интернеттің қазақстандық сегментін ақпараттық қауіпсіздік қатерлері мен инциденттер тұрғысынан мониторингтеу барысында төмендегідей осалдықтар анықталды:
1. Сыртқы XML объектілеріндег...
Фото: shutterstock.com
Еліміздің оңтүстік өңірі тұрғындарының алған несие көлемі жинаған депозиттерінен бірнеше есе асып түседі. ERI Өңірлік зерттеулер орталығының сарапшылары аймақтардағы несие мен депозит мөлшерін салыстырып талдай келе, бірқатар ерекшелік пен заңдылықты анықтаған.
Ұлттық банктің дерегі бойынша, 2023 жылдың басында жеке тұлғаларға шамамен 14,1 трлн теңге кредит берілген. Ал ел тұрғындарының депозиттерінде 13,3 трлн теңге жинақталған. Яғни жыл басында ел экономикасындағы несие көлемі 856,1 млрд теңгеге артық болған. Бұл өз кезегінде халықтың кредит алу көрсеткіші тым жоғары екенін байқатады.
Мәселен жеке тұлғалардың депозиттерінде сақталған 13,3 трлн теңгенің 47%-і (немесе 6,2 трлн теңге) тек Алматы мегаполисіне тиесілі.
Салыстырар болса...
Леонардо Ди Каприо «Уолл-стрит қасқыры» фильмінде мінген 1989 жылғы Lamborghini Countach көлігі Нью-Йорктегі Sotheby ‘ s аукционында 1,655 миллион долларға сатылды. Бұл туралы MarketWatch хабарлады.
Бұл осы модельдегі көлік үшін рекордтық баға.
Мартин Скорсезенің фильмінде екі бірдей көлік қолданылды. Екіншісі көлік түсірілім кезінде сценарий бойынша апатқа ұшырағандықтан, көліктің бөлшектері зақымданды. Бірақ, бұл екінші көлік те осы аукционға шықты, бірақ сатылмады.
Sotheby ‘ s мамандандырылған аукционында барлығы 13,61 миллион доллар қаржыға автомобильдер сатылды.
Достық-Алашаңқай станциялары бойынша Қазақстанна ҚХР-ға жүк тасымалдау баяулаған / Фото: kursiv.media
Ауа-райының қолайсыздығына байланысты Достық-Алашаңқай станциялары бойынша жүк тасымалдау баяулады. Бұл жай ҚТЖ-ның баспасөз қызметі хабарлады.
«Достық және Алашаңқай станцияларында қалыптасқан ауа райының қолайсыздығына байланысты Қазақстаннан ҚХР-ға жүк қабылдау баяулады. Атап айтқанда, Қытай астық тасымалдаушыларды, астық жүктері мен ұнтақ өнімдері бар жабық вагондарды, өсімдік майы бар цистерналарды қабылдамай жатыр. Алашаңқай станциясында терминалдардың жұмысы тоқтатылды»,- делінген хабарламада.
Компанияның хабарлауынша жүк және контейнерлік пойыздар күтуге көшкен. 12-13 желтоқсан аралығында түнде пойыздарды беру толығымен тоқтатылса, ал күндіз-пойыздардың орташа тәуліктік алмасуы 5 есеге төмендеген. Бұрын шекарада...
«Жеке әл-ауқат» деңгейі бойынша қазақстандықтар ресейліктерден үш есе табысты болса, қытайлықтардан біршама артта қалған. Credit Suisse және UBS банктерінің бірлескен есебінің деректері негізінде Landgeist зерттеу орталығы осындай тұжырымға келген.
Орталық «Жеке әл-ауқат» деп елдегі жалпы қаржылық және жылжымайтын мүліктің адам басына шаққандағы мөлшерін есептеген. Зерттеуде бұл қаржы мен мүліктің қанша бөлігі байларға, қанша бөлігі кедей азаматтарға тиесілі екені жазылмаған. Тек ел азаматтарына тиесілі байлықты орташа есеппен бөліп шыққан.
Зерттеуге сүйенсек, Ресей Федерациясы мен Қазақстан арасында үш есе алшақтық бар. Яғни бір қазақстандыққа шаққанда 25 225 доллар болса, ресейлікке шаққанда бар болғаны 8 595 доллар болған. Азия елдері қатарынан Қытай көш бастап тұр, адам басына шаққанда 27 273 доллар.
Айта кету керек, Қазақстанда...
Мәжілісте екі депутат марқұм Болат Назарбаевқа қатысы бар мәселелерді көтерді. Азат Перуашев Түркістан облысындағы санаторий мәселесін көтерсе, Айдос Сарым оның қызы Ақбота Назарбаеваға тиесілі компанияның «төмен» жауапкершілігі жайында айтты.
Азат Перуашев «Ақ жол» партиясына «СТС» ЖШС-нен өтініш келіп түскенін айтты. Айтуынша, бұл компания 2019 жылы басқа бір мекемеден Түркістан облысында орналасқан «Алтын Бұлақ» санаторийін гольф кулбымен бірге нарықтық бағаға сатып алған. Ал оның алдындағы меншік иесі бұл нысанды 2017 жылы Қаржы министрлігі өткізген аукционнан сатып алған.
Жаңа меншік иесі бұл санаторийді жөндеуге және инфрақұрылымын жүргізуге 4,5 млрд теңге салған. Бірақ өткен жылы Сарыағаш аудандық жер қатынастары бөлімшес...
Коллаж: kursiv.media
Атырау облысында кеңейіп, жаңғыртылған «Астрахань – Маңғышлақ» магистральды су құбыры іске қосылды. Қайта жаңғыртылған су құбыры Атырау және Маңғыстау облысы халқына, кәсіпорындары мен ауыл шаруашылығы үшін қосымша 60 мың текше метр су беру көзіне айналады. Нысанның іске қосылуы Премьер-министр Әлихан Смайыловтың қатысуымен өтті.
Су құбырының құрылыс-монтаж жұмыстары 2022 жылдың 4-тоқсанында басталған. Жоба аясында ұзындығы 176 шақырымға жуық «Астрахан-Маңғышлақ» магистральды су құбырының екі учаскесі ауыстырылған.
«Жобаны іске асыру нәтижесінде «Магистарльды Суағызғысы» ЖШС «Астрахань-Маңғышлақ» магистральды су құбырының өткізу қабілетін тәулігіне 110 мың м³-ден 170 мың м³-ге дейін қамтамасыз етеді», делінген хабарламада.
«Астрахань...
Қаржы министрі Ерұлан Жамаубаев 2025 жылы қолданысқа енетін жалпыға ортақ декларация қалай жүретіні жайлы, осы орайда өзінің де екінші рет декларация тапсырғанын атап өтті.
«Мен, жеке өзім және менің отбасым алдыңғы жылы мүлкімізді, ақшамызды декларацияладық. Қазір екінші рет декларация тапсырып жатырмыз»,– деп мәлімдеді Үкімет басшысының орынбасары – Қаржы министрі Ерұлан Жамаубаев.
Ол бұл туралы Мәжілістің жалпы отырысынан кейінгі кулуарда айтты.
Ерұлан Жамаубаев декларацияны кімге тапсырғанын және оның неге жалпыға жарияланбай жатқанын түсіндірді.
«Декларацияны кадр қызметіне тапсырдым. Ары қарай кадр қызметі жұмыс істейді. 2025 жылғы 1 қаңтарға дейін декларацияны жариялауға мораторий...
Фото: kursiv.media
Айлық табысы ең төменгі күнкөріс деңгейінен төмен (кедейлік шегі) қазақстандықтардың саны көпжылдық рекордты жаңартты. 2023 жылдың ІІІ тосанында бұл көрсеткіш екінші тоқсанмен салыстырғанда біршама өскен. Бұл көрсеткіш 2011 жылдан бергі антирекорд болып отыр.
ҰСБ дерегіне сүйенсек, табысы ең төменгі күнкөріс деңгейінен төмен халықтың үлесі 2023 жылғы III тоқсанда 5,6% болған. Яғни, айлық табысы жан басына шаққанда 51 750 теңгеден аспайтындар қатары 1,1 млн адамға жеткен.
2023 жылғы III тоқсанында кедейлердің қатары Түркістан облысында (9,6%) көп болса, ал Қарағанды облысы және Астана қаласында (2,7%-дан) аз. Аймақтар бойынша кедейлік деңгейі Жетісуда 1,6 пайыздық тармаққа айтарлықтай өсіп, 9,3%-ға...
АҚШ Қаржы министрлігі Ресей Экспобанкін санкциялар тізіміне енгізді. Ал оның иесі Игорь Ким желтоқсан айының басында Қазақстанда тіркелген «Береке» микро қаржы ұйымын банкке айналдыруға ниет білдірген.
Frank Media басылымының жазуынша, Экспобанк өкілдері компанияның жұмысы тоқтамағанын және карта қолданушыларының барлық операциясы қолжетімді екенін айтқан. Банк клиенттері Ресеймен «достық» қарым-қатынастағы елдерге валюталық аударымдар жасай алады.
Экспобанк Ресейде таза активтері жағынан 38-ші орында тұр. 2017 жылға дейін қазақстандық «ЭкспоКредит» банкіне ие болған Игорь Ким кредиттік ұйымды алдымен ZIM Capital брокерлік компаниясына сатса, кейін ол Jusan bank құрамына еніп кеткен.
Алайда кәсіпкер Игорь Кимнің өзі әлі америкалық санкцияларға ілікпеген. Желтоқсан айының басында қазақстандық Forbes Кимнің «Береке» микро қаржы ұйымына екінші деңгейлі банк...
Мобильді аударым жиі жасалғаны үшін кімдер салық төлеуі мүмкін? Үкімет басшысының орынбасары – Қаржы министрі Ерұлан Жамаубаев журналистердің осыған қатысты сауалдарына жауап берді.
«Бұл заң былтыр қабылданды. Кәсіпкерлік қызметтің сипаты бар мобильді аударымдарға салық салынуға тиіс. Туысқандар мен әріптестер арасындағы ақша аударымының кәсіпкерлік қызметке қатысы жоқ. Сондықтан мұндай аударымдарға салық салынбайды», – деді Мәжілістің жалпы отырысынан кейінгі баспасөз мәслихатында Ерұлан Жамаубаев.
Үкімет басшысының орынбасары басты мақсат жиі жасалатын ақша аударымдарын фискалдандыру екенін атап өтті.
«Біз арнайы карта, есепшот ашу қажет екенін айтып жүрміз. Осыны орындағаннан кейін қанша аударым жасайтыныңызды өзіңіз...