Жаңалықтар

Фото: shutterstock.com

Қазақстан мен Қытай өзара сауда-саттық айналымын 100 млрд долларға дейін жеткізуге ниетті. Бұл – жеті жылдан кейін жетуге тиіс міндет. Биылғы деңгейіміз 25 млрд доллардың маңайында. Қазір ауыл шаруашылығы, мұнай-газ, өңдеуші өнеркәсіп салаларында қытайлық инвесторлар келе бастады. Ал Қазақстан өз тарапынан дәстүрлі шикізат экспорттаушылық позициясын күшейте түсуге ынталы. Мәселен, бірер күн бұрын ғана Энергетика министрлігі Қытайға мұнай мен газ экспортын күшейтетінін мәлімдеді.

Жалпы, қос тарап арасындағы байланыс бұрын-соңды болмаған ынтымақтастық аясында дамып келе жатыр. Әсіресе, пандемиядан бері. Дүниежүзін жайлаған дерттің беті қайтысымен ҚХР төрағасының ең бірінші Қазақстанға сапарлауы да тегін болмаса керек-ті. Қытайтанушы Әділ Кәукеновтың айтуынша, әлемнің екінш...

Бас прокуратура «АрселорМиттал Теміртау» компаниясының шахтасында орын алған апатты тергеудің алдын ала нәтижесін жариялады. Нәтижесінде Костенко шахтасының басшылығы мен инженерлерінен 7 адам қылмыстық жауапкершілікке тартылып жатыр. Қылмыстық-процестік кодекстің 128-бабына сәйкес, күдіктілер Қарағанды облысындағы Полиция департаментінің уақытша ұстау изоляторына қамалған.

«Қазіргі уақытта көмір өндіру кезінде қауіпсіздік шараларын қамтамасыз етпеді деген күдікпен Қылмыстық кодекстің 277-бабының 3-бөлігі (Тау-кен жұмыстарын жүргізу кезінде қауіпсіздік ережелерін бұзу) бойынша қылмыстық жауапкершілікке 7 адамнан тұратын шахтаның басшылығы мен инженерлік-техникалық құрамы тартылуда», –делінген Бас прокуратура таратқан хабарламада.

Бұл факті бойынша сотқа дейінгі тергеп-тексеруді Бас прокуратураның арнайы прокурорлары ІІМ, ҚМА, ТЖМ және...

Фото: shutterstock.com

Инвестиция әлеміндегі әрбір қадам тәуекелге толы. Десе де табыс табудың да ықтималдылығы жоғары. Бірақ 100-ді былай қойғанда, 70-80 пайыздық кепілдікті де ешкім бере алмайды. Себебі ешкім қателіктен сақтандырылмаған. Тіпті білікті деген инвестордың өзі қор нарығында шалыс басуы мүмкін.

Инвестициялық оқыту, этикалық кодекс және сертификаттау бағдарламалары саласындағы халықаралық ұйым CFA Institute инвесторлар жіберетін және олар мән беруге тиіс 20 қателікті атап көрсетіпті.

Шамадан тыс үміттенуге берілмей, процеске салқынқанды қарау инвестордың ұзақ мерзімді перспективада қарай алуына мүмкіндік береді.

Инвесторлар көп жағдайда қысқа мерзімдері кірістерге арқа сүйейді. Биржаны тезірек пайдаға кенелетін орта ретінде қарастырады...

Үкімет комиссиясы «АрселорМиттал Теміртау» кәсіпорнының Костенко шахтасындағы апатқа 100 пайыз жұмыс беруші кінәлі деп таныды. Жұмысты қауіпсіз орындау талаптарын бұзған 19 жауапты тұлға анықталған. ТЖМ апатты тергеп жатқан үкіметтік комиссия жұмысын аяқтағанын хабарлады.

Комиссия техникалық құжаттама, айғақтар мен басқа материалдарды егжей-тегжей зерделеген көрінеді.

«Нәтижесінде өрт және метан-ауа қоспасының одан әрі жарылуы қырғыш конвейер элементтерінің соққысы мен үйкелісінен пайда болған механикалық ұшқыннан газдың (метанның) тұтануының болғаны анықталды. Газдың өзі астыңғы төсемеден бөлінген. Комиссия өнеркәсіптік қауіпсіздік талаптарының бұзылушылықтарын да анықтады», – делінген хабарламада.

Комиссия өнеркәсіптегі қауіпсіздік талаптары да бұзылғанын анықтаған. Атап айтқанда, жұмысты...

Фото: kursiv.media

Абай облысының прокуратурасы шығынға батқан «Семей машина жасау зауыты» қызметкерлерінің 9 ай бойы ала алмай жүрген жалақысын өндіріп бермек. 2022 жылдан бері оңалту процесіне өтіп жатқан кәсіпорын қызметкерлері алдындағы 90 млн берешегін өтеуге тиіс.

«Облыс прокуратурасының үйлестіруімен 90 млн теңгеден астам жалақы қарызы өтелді.Атап айтқанда, Еңбек Кодексінің талаптарын бұза отырып, «Семей машина жасау зауыты» АҚ-ның 125 қызметкеріне 9 ай бойы жалақы төленбеген.Нәтижесінде жалақы бойынша берешек толығымен өтелді, сол арқылы 125 қызметкердің құқығы қорғалды», – делінген хабарламада.

Компанияның былтырғы тексерілген қаржылық есебінде 2022 жылдың 7 ақпанда Шығыс Қазақстан облысы мамандандырылған ауданаралық экономикалық сотының шешімімен Семей...

Еуропада таулы өңірде тынығуды қалайтын туристердің саны артып келеді

Тау бөктеріндегі демалысқа деген сұраныстың өсуімен, Альпі бойындағы үйлер мен ғимараттар бағасы да жоғары өрлеуде. Дегенмен, бүгін таулы өңірдегі шипажайлар климаттың өзгеруінен бастап, қала құрылысы ережелеріне бейімделу дегендей түйінді мәселелермен де бетпе-бет келуде. Knight Frank сарапшылары өздерінің Ski Property 2024 атты есебінде Альпідегі жылжымайтын мүлік нарығының даму тенденциялары туралы әңгіме қозғаған.

Knight Frank Ski Property 2024 есебіндегі деректерге назар аударсақ, биыл Францияның ең негізгі таулы курорттары Шамони, Куршевель және Валь-д’Изерде саудаға шығарылған үйлердің саны пандемияға дейінгі деңгейге шаққанда 56%-ға қысқарып қалған. Швейцарияның Санкт-Мориц, Вербье, Кран-Монтана курорттарындағы жағдай да осы шамалас. Бұл...

Фото: kursiv.media

2024 жылдан бастап қолданысқа үлестік құрылысқа қатысушылардың келісімшартын рәсімдеудің цифрлық форматы енгізіледі. Нәтижесінде үлескерлердің тәуекелі төмендеп, келісімшартты тіркеу уақыты 3 күннен 1 күнге дейін қысқарады. Бұл туралы «Қазақстан тұрғын үй компаниясы» АҚ бизнес процестер және цифрлық даму департаментінің директоры Ернар Абитаев айтты.

«Qazreestr.kz – құрылыс компанияларының тұрғын үй құрылысына үлестік қатысу туралы шарттарын мемлекеттік тіркеуді жүзеге асыратын бірыңғай ақпараттық жүйе. Бұл жүйе үлескерлердің алданып қалу тәуекелінің алдын алады», – деді департамент директорыQazreestr.kz бірыңғай ақпараттық жүйесінің жаңа нұсқасының таныстырылымында.

Ернар Абитаевтің түсіндіруінше, қазір құрылыс компаниялары үлескерлердің келісімшартын кеңседе рәсімдейді. Қол қойылғаннан кейін құжаттың көшірмесін eGov порталы арқылы әкімдікке жолдайды...

Сүт безі обырын емдейтін дәрі-дәрмек өндіруші Intensity Therapeutics компаниясы осы бағыттағы зерттеу нәтижесін ұсынғаннан кейін, оның акциялары 2,5 есе өсті. Зерттеу нәтижесі бойынша, обыр жасушаларының белсенділігі 95 пайызға төмендеген. Intensity Therapeutics биыл маусым айында Freedom Capital Markets андеррайтингімен IPO өткізген болатын.

2023 жылдың 8 желтоқсанында Сан-Антониода өткен форумда Intensity Therapeutics ерте сатыдағы сүт безі қатерлі ісігін емдеуге қатысты зерттеудің II кезеңінің оң нәтижесін ұсынды. Атап айтқанда, компания терапиясы сүт безі ісігі некрозының жоғары қарқынын байқатқан: кейбір науқастарда ісік некрозы 95%-дан асқан. Яғни бұл дәрі қатерлі ісік жасушаларын операцияға жеткізбей өлтіруге қауқарлы.

«Сүт без...

Фото: shutterstock

Қазан айында қазақстандық компаниялардың екінші деңгейлі банктерде орналастыруға бос ақшалары пайда болды, дегенмен осы жыл бойы бизнес ресурстары негізінен кері бағытта – банктерден клиенттерге ауысқан болатын. «Курсив» қазандағы корпоративтік ақша ағыны қай банктерге бұйырғанын зерттеп көрді.

Заңды тұлғалардың салымдары

Банктердің қазан айындағы статистикасында корпоративтік клиенттерден келген ақша ағынының жоғары (осы жыл үшін) болғанын көруге болады. Ұлттық банктің жаңадан жарияланған мәліметтерінде ЕДБ шоттарындағы заңды тұлғалардың қаражатының жиынтық көлемі бір айда 3,5%-ға немесе 480 млрд теңгеге өскені жазылған. Бұған дейін төрт ай қатарынан көрсеткіш біресе төмендеп, біресе тұралаған болатын. Ал жалпы қаңтар мен қыркүйек аралығында кәсіпкерлер банктерден нетто-негізде 802 млрд...

Президент Қасым-Жомарт Тоқаев «Адам құқығы мен заң үстемдігі саласындағы іс-қимыл жоспары туралы» Жарлыққа қол қойды. Құжат Ақорда сайтында жарияланған.

Сонымен қатар Мемлекет басшы Х әлуметтік желісіндегі парақшасында бұл жарлыққа Дүниежүзілік адам құқықтары күніне орай қол қойғанын жазды. Тоқаев құжат адам құқықтарын қорғаудың ұлттық жүйесін нығайтатынын атап өтті.

«Жоспарда гендерлік теңдікті күшейтуге, тұрмыстық зорлық-зомбылыққа қарсы күреске, қылмыстық сот төрелігі саласында азаматтарды қорғауға, азаптау мен қатыгездіктің алдын алуға бағытталған бірқатар шара қамтылған. Бірлесу бостандығы құқығы мен еңбек құқығын, сондай-ақ мүмкіндігі шектеулі азаматтардың құқықтарын қамтамасыз ету жолдары қарастырылған. Құжат адам құқықтарын қорғаудың ұлттық жүйесін нығайтады. Жоспарды...

Павлодар облысының бұрынғы әкімі Болат Бақауовқа қатысты қылмыстық іс тоқтатылды. Бұл туралы Павлодар қаласы №2 соты хабарлады.

Ресми ақпаратқа сәйкес, облыс прокурорының орынбасары сотқа жаңадан ашылған мән-жайларға байланысты Павлодар облысының бұрынғы әкіміне қатысты іс бойынша өндірісті қайта бастау туралы өтінішхатпен жүгінген.

Павлодар қаласының №2 сотының 2020 жылдың 27 мамырындағы үкімімен Павлодар облысының бұрынғы әкімі Бақауовтың қылмыстық кодекстің 361-бабы 4-бөлігі 3-тармағы бойынша қосымша есептелген салықтарды азайту мақсатында лауазымдық өкілетін асыра пайдаланғаны үшін сотталған.

Экономикалық тергеп-тексеру департаменті тергеушісінің 2022 жылдың 22 қазанындағы қаулысымен сот үкімін шығарғаннан кейін, мемлекеттік кірістер департаменті қызметкерлерінің салықты қате есептегені белгілі болған. Сараптама қорытындысына сәйкес қылмыстық құқық бұзушылықты...

Ұлыбритания жұма күні Беларусь еліне қатысты санкция тізіміне 17 адамды енгізді. Оның көпшілігі судьялар мен прокурорлар, деп хабарлады Ұлыбритания Қаржы министрлігі.

» Санкциялық тізімге 17 тармақ қосылды. Оларға қатысты активтерді бұғаттау шараларын қолдану қарастырылған», – делінген құжатта.

Атап айтқанда, санкция тізіміне Жоғарғы Соттың, Минск қалалық сотының, Гомель облыстық сотының судьялары, сондай-ақ Бас прокурор кеңсесінің қызметкерлері кірген.

Easy Тap стартапы Қырғызстанда бөлшек сауда және HoReCa салаларында сағаттап жұмыс істейтін жұмыскерлерді іздеу бойынша онлайн-сервисті іске қосылғанын хабарлайды. Бұл қосымшаға қазірдің өзінде Қырғызстаннан мыңнан астам адам тіркелген.

«Алдағы екі жылға арналған стартап стратегиясында Орталық Азия бойынша кеңею: Қазақстан мен Қырғызстанда сервисті дамыту тұр. Өзбек және тәжік нарығына да шығуды жоспарлап отырмыз. Біз нарықты сағаттық қызметкерлерді жалдаудың жаңа тәсіліне үйретуіміз керек. Өйткені жұмыс іздеушілерге қосымша жұмыс қажет екенін, ал серіктестерге персонал керек екенін көріп отырмыз»,– деп түсіндірді стартаптың негізін қалаушы Мағзұм Төлеш.

EasyTap стартапы туралы

Easytap сервисі бөлшек сауда бизнесіне және HoReCa-ға ең қауырт...

2023 жылдың желтоқсан айында «ҚазТрансОйл» АҚ Германияға 150 мың тонна қазақстандық мұнай жеткізуді жоспарлап отыр. Бұл туралы компанияның баспасөз қызметі хабарлады.

«2023 жылдың қаңтар-қараша айларында қазақстандық мұнайды «Транснефть» ЖАҚ магистральдық мұнай құбырлары жүйесі арқылы Германияға одан әрі жеткізу үшін Адамова Застава мұнай жеткізу пунктіне қарай тасымалдау көлемі 843 мың тоннаны құрады»– делінген хабарламада.

Бұл транзит Қазақстан Республикасының Үкіметі мен Ресей Федерациясының Үкіметі арасындағы 2002 жылғы 7 маусымдағы тиісті келісім аясында жүзеге асырылады.

Қарағанды облысының әкімі Ермағанбет Бөлекпаев Теміртауда компания ұжымымен кездесуде Qazaqstan Steel Group акционері Андрей Лаврентьевті таныстырды. Бұл туралы Қарағанды облысы әкімдігінің баспасөз қызметі хабарлады.

Қазақстанда және Қарағанды облысында танымал кәсіпкер «АрселорМиттал Теміртау» активтерін сатып алды.

«Әрине, жаңа басшының алдында маңызды міндеттер тұр. Бірінші кезекте еңбек қауіпсіздігін қамтамасыз ету және қызметкерлерге жағдай жасап, әл-ауқатын арттыру қажет. Сондай-ақ әлеуметтік жобалар арқылы жергілікті қоғамдастықты дамытуға белсенді қатысып, көмек көрсету керек», – деді Ермағанбет Бөлекпаев.

Кездесуде Андрей Лаврентьев Вадим Басинді QARMET компаниясының бас директоры ретінде таныстырды.

Естеріңізге сала кетейік, бұған дейін ҚР өнеркәсіп және құрылыс министрі Қанат Шарлапаев кәсіпорынды

«Қазақстан Тұрғын үй компаниясы» АҚ бір жыл жүргізген зерттеудің қорытындысын шығарып, «еліміздегі үлестік құрылысқа қатысы бар тұрғын үйлердің 68%-ы заңсыз салынған» деп мәлімдеді. Сонымен қатар үлестік құрылысқа қатысты заңсыз келісімдердің басым бөлігі Қарағандыда жасалатынын жариялады.

«Қазақстан Тұрғын үй компаниясы» АҚ басқарушы төрағасының орынбасары Алтай Күздібаев 20 қаладағы 586 үлестік құрылысты тексерген кезде заңға қайшы әрекет анықталғанын айтты.

«Біз кең тараған «жұмбақ сатып алушы» әдісін қолдандық. Зерттеу барысында 3 тәсіл жүзеге асырылды. Бірінші, сауда кеңселеріне барып, бетпе-бет кездесу. Екінші, телефон арқылы сөйлесу. Үшінші, мессенджер арқылы қашықтан байланыс орнату және электронды хабарламамен сұраныс жіберу», – деді Алтай Күздібаев.

Backup Service Resorts (BSR) ЖШС мердігерімен сот дауы салдарынан туындаған «АрселорМиттал Теміртау» АҚ (АМТ) қызметкерлерінің зейнетақы және медициналық аударымдарымен қаржылық мәселесі жайлы Өнеркәсіп және құрылыс министрі Қанат Шарлапаев мәлімдеме жасады.

Айта кетейік, АМТ шоттарын бұғаттау туралы 4 қазанда белгілі болды. Металлургиялық компанияның баспасөз қызметі бұған кәсіпорын жұмысшыларының тамақтануы мен демалысын қамтамасыз ететін BSR мердігерінің сотқа арызы себеп болғанын растады. Осыған байланысты АМТ қазан айында міндетті медициналық сақтандыру қорына (МӘМС) зейнетақы аударымдары мен жарналарды жүзеге асыра алмады.

Министр не деді. Қанат Шарлапаев сот АМТ шоттарына шектеулер қойылғанын, бірақ барлық шот бұғатталмағанын айтты.

«Шектеулер қойылды, біра...

Фото: kursiv.media

Қаржы нарығын реттеу және дамыту агенттігі тұтынушылық несие бойынша жылдық тиімді сыйақы мөлшерлемесі 2012 жылдан бері өзгермегенін айтады. 20 қазанда Парламент қабырғасында халықтың несиеге бату мәселесі талқыланған кезде, Мәжіліс депутаттары тұтынушылық несие бойынша ЖТСМ шекті мөлшерін 42 пайыз етіп заңмен бекітуді ұсынған. Бұған дейін ҚНРДА оны тек 44 пайызға дейін қысқарту мәселесін көтерген еді.

«2023 жыл 20 қазанда өткен «Халықтың борыштық жүктемесін азайту шаралары туралы» Парламет тыңдауы корытындысы бойынша Мәжіліс депутаттары тұтынушылық несие бойынша ЖСТМ шекті мөлшерін заңмен 42 пайыз деңгейінде бекіту ұсынылды»,– делінген агенттіктің «Курсив» сауалына берген ресми жауабында.

Тұтынушылық несие...

Алматы қаласында 2025 жылы метрополитеннің үшінші кезегін дамыту аясында «Қалқаман» метро станциясының құрылысы аяқталады. Бұл жолаушылар санын тәулігіне 20 мың адамға арттыруға мүмкіндік береді. Бұл туралы Алматы қаласы әкімінің орынбасары Асқар Әмрин депутат Ералы Сауранбаевтың VIII шақырылған Алматы қаласы мәслихатының кезектен тыс XII сессиясында мегаполисте қоғамдық көлікті дамыту перспективалары туралы сұрағына жауап бере отырып мәлім етті.

Оның айтуынша, 2030 жылға дейін «Барлық» базарына дейін тағы үш станция салу жоспарланып отыр, онда Батыс автовокзалы, LRT және метрополитен станциялары кіретін ірі мультимодальды көлік-трансплантациялау торабы құрылатын болады.

Асқар Әмрин ұзындығы 3,1 км болатын «Сарыарқа» және «Бауыржан Момышұлы» екі станциясының іске қосылуы метроны...

Мемлекеттік банк қазақстандықтарға «7-20-25» ипотекасының балама нұсқасын ұсынды. Жаңа бағдарлама пәтердің бағасын іргетасы қаланған кезде шартты түрде бекітуге мүмкіндік береді. Бағдарлама шарттары бойынша бастапқы жарна 20 пайыз. Бұл туралы елордада өткен «Жер қатынастарын цифрлық трансформациялау» тақырыбындағы брифингте «Отбасы банкінің» өкілі Гүлмира Датқаева мәлім етті.

Осы ретте kursiv.kz тілшісі қаржы институтына арнайы сауал жолдап, аталған жоба туралы толығырақ ақпарат беруді сұрады. Банктің баспасөз қызметі бұл жоба әзірлену үстінде, тиісті есептеулер жүргізіліп жатқанын хабарлады.

«Бұл ретте банк қазақстандықтарға несие берудің басқа да нұсқаларын қарастыруда. «9-20-25» – болашақта жүзеге асуы мүмкін тұрғын үй бағдарламасының нұсқасы. Бұл жоба әзірлену үстінде...

iPhone Үндістанда шығарыла бастайды / Фото: kursiv.media

Америкалық Apple Inc. және оның жеткізушілері алдағы екі-үш жылда Үндістанда жыл сайын 50 миллионнан астам iPhone шығаруды жоспарлап отыр. Бұл жайлы өз дереккөздеріне сілтеме жасап, The Wall Street Journal басылымы жазды.

Егер бұл жоспар жүзеге асатын болса, дүниежүзілік iPhone өндірісінің төрттен бірі Үндістан үлесіне тиеді. Дегенмен, Қытай ең ірі смартфон өндірушісі болып қала береді.

Apple соңғы жылдары жергілікті қиындықтарға, соның ішінде нашар инфрақұрылымға және Қытайға қарағанда бизнесті жүргізудегі қиындықтарға және шектеулі еңбек ережелеріне қарамастан, Үндістандағы бизнесін кеңейте бастаған. Дегенмен компания бизнеске қолайлы штаттарда да біраз кедергілерге тап болған. Компанияға жергілікті кәсіподақтар...

Владимир Путин Ресей батырларын марапаттау рәсіміне қатысушылармен кездесу кезінде 2024 жылы президент сайлауына қатысуға ниетін білдірді. Бұл туралы Интерфакс ру хабарлады.

Путин бұл шешімі жайлы ресми рәсім аяқталғаннан кейін, қонақтармен сөйлескен кезде айтты.

Федерация кеңесі өткен бейсенбіде өткен отырыста РФ Президентін тағайындау туралы қаулы қабылдады.

Ресей Федерациясының ОСК шешіміне сәйкес, Ресей президентін сайлау 2024 жылдың 15-17 наурыз аралығында өтеді.

2023 жылы Қазақстандағы қолданушылардың үштен біріне жуығы телефон алаяқтығына тап болған. Бұл жайлы Қазақстандағы, Орталық Азиядағы және Моңғолиядағы Kaspersky зертханасының баспасөз қызметі хабарлады.

«Kaspersky Who Calls» мәліметтері бойынша, 2023 жылдың қаңтар-қараша айларында спам-қоңыраулар алған Қазақстандағы пайдаланушылардың үлесі 76,2%-ды құраған. Сонымен бірге, шамамен үштен бірі яғни 30,3%-ы алаяқтарға тап болған, – делінген компания хабарламасында.

Kaspersky зертханасының хабарлауынша, жыл өткен сайын мұндай қоңыраулардың саны артып келеді. Егер осы жылдың бірінші жартыжылдығында 74,7%-ы спамға тап болса, екінші жартыжылдықта бұл көрсеткіш 85,8%-ға жеткен. Жыл аяғына қарай алаяқтар белсінді бола бастаған. Олар қоңырау шалған пайдаланушылар үлесі 23,2%-дан 42%-ға дейін өскен.

Тұрғын үй көмегі орташа айлық жиынтық табысының 10 пайызынан асатын жағдайда төленеді / Фото: kursiv.media

Коммуналдық қызметтерге тарифтердің көтерілгеніне байланысты халықтың осал тобы арнайы көмек қаражатын ала алады. Бұл жайлы Ұлттық экономика министрлігі хабарлады.

Коммуналдық тұрғын үй көмегі не үшін төленеді? Бұл төлем тұрғын үйді ұстауға, коммуналдық қызметтер мен байланыс қызметтерін төлеуге және жалдау ақысын төлеуге беріледі.

Бұл көмекті кімдер алады? Жергілкті бюджеттен берілетін бұл қаржат аз қамтылған қазақстандықтарға, зейнеткерлерге, мүгедектігі бар адамдарға төленеді. Яғни халықтың әлеуметтік осал топтарына жататын басқа да санаттағы азаматтарға берілуі тиіс.

Берілетін көмек сомасы қалай есептеледі? Тұрғын үй көмегі коммуналдық қызметтерге жұмсалатын шығыстар...