Жаңалықтар

Бүгін Мемлекет басшысы Қасым-Жомарт Тоқаев Ақордада отандық бизнес өкілдерімен кездесуі өткізді.Бұл туралы Ақорда баспасөз қызметі хабарлады.

Мемлекет басшысы Ұлттық кәсіпкерлер палатасын трансформациялауды тапсырды,

«Қорыта келе, Ұлттық кәсіпкерлер палатасы қызметіне қатысты мәселелерге арнайы тоқталғым келеді. Оның негізгі міндеті – бизнес пен мемлекет арасындағы тиімді диалогтың негізгі өзегі болу. Палатаны трансформациялау, оны корпоративтік басқару сапасын айтарлықтай арттыру қажет. Палата кәсіпкерлердің ортақ пікірін толық жеткізіп, әлеуметтік-экономикалық реформаларды ілгерілететін ұйым болуға тиіс», – деп түйіндеді Қасым-Жомарт Тоқаев.

Мемлекет басшысы палатаны трансформациялау, оны корпоративтік басқару сапасын айтарлықтай арттыру қажет екенін жеткізді. Президенттің айтуынша, палата кәсіпкерлердің ортақ пікірін толық жеткізіп...

Қасым-Жомарт Тоқаев нақты индустрияландыруды қамтамасыз ету керектігін алға тартты. Ол жергілікті қамту үлесіндегі көзбояушылықты сынға алды. Бұл туралы Ақорда баспасөз қызметі хабарлады.

«Күрделі және орнықты экономикаға өнімді орташа және жоғары деңгейде өңдеу сегменттерін белсенді игеретін өңдеу өнеркәсібі негіз болатыны белгілі. Сонымен қатар бұл бағытта кедергілердің көптігі кәсіпорындар «ғұмырының» ұзаққа созылмауынан байқалады.

Еліміздегі компаниялардың төрттен бірі ғана ашылғаннан кейін екінші жылы нарықта қалады. Салыстырар болсақ, бұл көрсеткіш басқа елдерде 70-80 пайызға тең. Көп жағдайда бұл Қазақстандағы бизнес-ахуалдың әлі де жетілмегенін көрсетеді. Бірақ мұның басқа да аспектілері бар. Мәселен, қазіргі жағдайда көптеген ел ішкі нарықты қорғау...

Ұлттық статистика бюросы Қазақстандағы кедейлік деңгейіне қатысты тың мәліметтерлі жариялады.

2023 жылғы II тоқсанында жүргізілген зерттеулерге сәйкес, кедейлік деңгейі ең жоғары өңір ретінде Түркістан (9,7%) облысы, ал ең аз – Астана қаласында (2,5%) тіркелді.

Бюро республикадағы кедейлік деңгейін үй шаруашылықтарын іріктеп тексеру әдісі арқылы саралады. Бұл жердегі үй шаруашылығы – бірлесіп тұратын, өзінің табысы мен мүлкін толық немесе ішінара біріктіретін және тауарлар мен қызметтерді бірлесіп тұтынатын бір немесе одан да көп жеке тұлғалардан тұратын экономикалық субъект ретінде қарастырғанын ескергеніміз жөн.

Сонымен, қорытындыға сәйкес, табысы ең төменгі күнкөріс деңгейінен төмен халықтың үлесі 2023 жылғы II тоқсанда 5,1% болды.

Негізінен алғанда...

Ақордада Мемлекет басшысы Қасым-Жомарт Тоқаевтың отандық бизнес өкілдерімен кездесуі өтті. Бұл туралы Ақорда баспасөз қызметі хабарлады.

«Мемлекеттік аппарат әрбір бизнесменге заң бұзушы ретінде қарамауы керек. Мұндай ұстаным, түптеп келгенде, басқарудың репрессивті сипатына алып келеді.

Мемлекет кәсіпкерлерге көмектесуге міндетті. Тағы да ерекше атап өткім келеді. Көмектесуі керек»-деді Президент.

Мемлекет басшысы кәсіпкерлер «шағымданушы» немесе «қолдауға мұқтаж» рөлінде көрінбей, мемлекеттік аппараттың теңқұқылы серіктесіне айналуға тиіс екенін атап өтті.

«Ал кәсіпкерлер «шағымданушы» немесе «қолдауға мұқтаж» рөлінде көрінбей, мемлекеттік аппараттың теңқұқылы серіктесіне айналуға тиіс.

Жеке капиталды қорғау деңгейінің осалдығы, мемлекеттің экономикаға шамадан тыс араласуы...

Қоршаған ортаны ластағаны үшін биыл жазда 7 млрд теңге айыппұл арқалаған Karabatan Utility Solutions көміртегі бірліктерінің квотасын сатып алуға тендер жариялады. Өтінім қабылдау 29 қыркүйекте аяқталатын тендердің жалпы құны 1 млрд 62 млн теңге.

Төмендету бойынша ашық тендер тәсілімен жарияланған лотта тапсырыс 708 мың тоннаға қабылданады. Әр тоннаның құны 1500 теңге деп көрсетілген.

Техникалық сипаттамада айтылғандай:

«көміртегі офсеті деп Қазақстан Республикасында экономиканың кез келген секторында парниктік газдардың шығарылуын қысқартуға және (немесе) парниктік газдардың сіңірілуін ұлғайтуға бағытталған қызметті немесе қызмет түрлерін жүзеге асыру нәтижесінде қол жеткізілген парниктік газдардың шығарылуын қысқарту және (немесе) парниктік газдардың сіңірілуін...

Ақордада Мемлекет басшысы Қасым-Жомарт Тоқаевтың отандық бизнес өкілдерімен кездесуі өтті. Бұл туралы Ақорда баспасөз қызметі хабарлады.

«Осындай алқалы жиын өткізу жақсы дәстүрге айналды. Себебі, бизнес саласы – ұлттық экономиканың негізгі тірегінің бірі. Мемлекет кәсіпкерлікті дамытуға баса мән беріп отыр.

Біз қазір Әділетті Қазақстанның жаңа экономикалық моделін қалыптастыруға кірістік. Бұл – баршамызға ортақ жұмыс, ең алдымен, еліміздің кЕлешегі үшін өте маңызды қадам. Осы жұмысқа кәсіпкерлеріміз белсене атсалысуы қажет. Сондықтан, біз бүгін бизнес саласында қордаланған мәселелерді талқылаймыз. Алдағы міндеттерді айқындап алуымыз керек»-деді Президент.

Президент биылғы Жолдауында елімізді одан әрі дамытуға арналған тың тәсілдерді ұсынғанын...

Халықаралық Қызыл Крест және Қызыл Жарты Ай қоғамдары федерациясы (IFRC) Ливиядағы су тасқыны салдарынан хабар-ошарсыз кеткендердің саны 10 мың адамға дейін өскенін хабарлады. Бұл туалы Анадолу сайты мәлімдеді.

Ливиядағы IFRC делегациясының басшысы онлайн режимінде БҰҰ Женева филиалының апта сайынғы баспасөз конференциясына қосылып, Ливиядағы су тасқыны жағдайы туралы айтты.

Ол елдің шығысындағы су тасқынынан көптеген адамдар зардап шеккенін атап өтті.

Ливиядағы IFRC делегациясының басшысының айтуынша, су тасқыны салдарынан елімізде хабар-ошарсыз кеткендердің саны 10 мың адамға дейін өскенін айтты. Оның айтуынша, бұл ақпарат тәуелсіз көздерден алынған.

Ливия ұлттық бірлік үкіметінің Премьер-министрі Абдул хамид Дибебе елде үш күндік аза тұту жарияланғанын...

Үндістаннан Германияға мұнай өнімдерін жеткізу 2023 жылдың қаңтар-шілдесінде ақшалай түрде 451 миллион еуроға дейін өсті, бұл өткен жылдың сәйкес кезеңіндегі көрсеткіштен 12,2 есе көп, деп хабарлады Германияның Федералды статистикалық басқармасы (Destatis).

Үндістанның неміс мұнай импортының жалпы құрылымындағы үлесі 2,4% құрайды.

«Үндістаннан импорттау негізінен дизель отыны мен отын майын өндіруге қажетті газойл болды», – делінген хабарламада.

Үндістанның мұнай өнімдерін жеткізуді ұлғайтуы оның Германияға экспортының жалпы өсуінің шешуші факторы болды. Ол ағымдағы жылдың алғашқы жеті айында 1,7% – ға, 8,7 млрд еуроға дейін өсті, деп атап өтті Германия статистикасы басқармасы.

Destatis мәліметтері бойынша, 2022 жылы Германия...

KASE және LSE сауда сессиясының бір күнгі қорытындысы бойынша Freedom broker талдаушылары арнайы пікір білдірді. Сарапшыларды елең еткізген құбылыс – «Қазақтелеком» акцияларының күндізгі сауда-саттық көлеміне 32,8 млрд теңгеге (7 70 млн доллардан астам) жетіп жығылуы болды. 11 қыркүйекте болған мұндай дүмпуге «Қазақтелеком» араға бес жыл салып қайта жетіп отыр.

KASE cайтында мұндай бір күндік «берекелі» сауда көлемінің тұтас бір жылғы көрсеткішке – $81,2 млн-ға пара-пар екені жазылған. QAMS мәліметтері бойынша, дүйсенбіде 980 мыңнан астам акция (орналастырылған акциялар санының 9,15%) бір шоттан екіншісіне өткен.

«Атап айтқанда,  983 350 қағаз Астана уақыты бойынша сағат 16:27:01-де үлкен траншпен...

Финляндия Ресей Федерациясында тіркелген автомобильдерге елге кіруге тыйым салатын Еуропалық комиссияның ұсынысын орындай алмады, деп хабарлады сейсенбіде Финляндияның YLE телерадиокомпаниясы елдің Сыртқы істер министрлігіне сілтеме жасап.

«Ресей нөмірлері бар автомобильдер Финляндияға әлі де кіре алады»,-дейді Сариваара ТШИ СІМ Санкциялар бөлімінің бастығы.

«Егер басқа шешім қабылданса, біз оны алдын ала жариялаймыз», – деді ол.

Айта кетейік, Санкция сергелдеңі: Ресей азаматтары ЕуроОдақ елдеріне жеке көлікпен кіре алмайды.

«ҚазМұнайГаз» компаниясы («Самұрық-Қазынаның» еншілес ұйымы) жақында автоматтандырылған жүйені жобалау, әзірлеу, енгізу және орнату жұмысын сатып алуға ашық тендер жариялады.

Хабарламада лоттардың жалпы сомасы 332 млн теңгені құрайтыны жазылған. Өтінімдерді қабылдау 12 қыркүйек күні сағат 10:00-де басталып, 25 қыркүйекте аяқталады.

Осы орайда бизнес-процестерді автоматтандыру шешімдерін әзірлейтін Documentolog компаниясының басшысы Байжан Қанафин Facebook желісіндегі жазбасында тендерге қатысты көптеген сұрақ туындап отырғанын жазады. Біріншіден, ол ҚМГ-ның стандартты электрондық құжат айналымы жүйесі қажетті функцияларды орындай алмай отырғанына таң қалды.

Оның айтуынша, «ҚазМұнайГаз» компаниясы электронды құжат айналымы жүйесін (1,5 млрд теңгеге ресейлік «Directum» шешімі, сонымен қатар 6 млрд теңгеге Microsoft лицензиясы) осыдан төрт...

2024 жылдан бастап электр қуатының әзірлігін ұстап тұру жөніндегі қызметке шекті тарифтер өзгереді. Энергетика министрінің тиісті құжаты «Ашық НҚА» порталында талқыланып жатыр.

Құжатқа сәйкес 2024 жылдан бастап электр қуатының шекті тарифі 1065 теңгеге, 2025 жылдан бастап 1215 теңгеге көтеріледі. Ал бұрынғы бұйрық бойынша шекті тариф көлемі 2024-2025 жылдарға 590 теңге көлемінде бекітілген еді.

Бұйрқтың түсіндірме жазбасында атап өтілгендей, тарифтің көтерілуіне бірінші кезекте елдегі инфляциялық жағдай әсер еткен. Қазақстан Республикасы Ұлттық Банкінің статистикалық деректері бойынша инфляция 2016 жылы – 8,5%, 2017 жылы – 7,1%, 2018 жылы – 5,3%, 2019 жылы – 5%, 2020 жылы – 7,5%, 2021 жылы...

Тәжікстан 2013 жылға дейін шығарылған көліктерді елге кіргізуге тыйым салды. Енді Дүниежүзілік сауда ұйымына мүше елдер мен Қазақстаннан жылы ескі көліктер кірмейді. Бұл жайлы Қазстандарт баспасөз қызметі хабарлады.

«Тәжікстан ауаны ластаушы және адам денсаулығы мен қоршаған ортаға зиян келтірудің негізгі көзі саналатын ескі көліктердің импортына, сондай-ақ аккумуляторлар, дөңгелектер, кондиционерлер сынды ескі көліктердің қалдықтардың айтарлықтай өсуіне жол бермеуге бағытталған қаулы дайындады», делінген хабаррламада.

Қаулы 2024 жылдың 1 қаңтарынан бастап қолданысқа енгізіледі.

2005 жылдан бастап ҚазСтандарт базасында техникалық кедергілер және санитарлық-фитосанитарлық шаралар жөніндегі ақпараттық орталық жұмыс істейді. Орталық ДСҰ хатшылығы мен ДСҰ-ға мүше мемлекеттерге және барлы...

Ұлттық банк халықтың инфляциялық күтулеріне қатысты тамыз айындағы сауалнама қорытындысын жариялады. Оған сәйкес, инфляциялық күтулер екінші ай қатарынан төмендеген, алайда жоғары болып қала береді.

Сонымен қатар, есепте айтылғандай алдағы жылдағы елдің даму перспективалары бойынша бағалау төмендегені есебінен тұтынушылық көңіл күй нашарлаған.

2023 жылғы тамызда күтілетін инфляцияның медианалық бағалауы1 16,4% дейін төмендеді, шілде айында бұл мән 16,9%-ды құраған.

Ал, қабылданатын инфляцияның медианалық бағалау 18,4% болды, шілде айында 18,6% еді. Керісінше, бағалардың жылдам өсуін күткен респонденттер үлесі шілде айына қарағанда (20%) аздап өсіпті – 26%.

2023 жылғы тамызда азық-түлік бағасының өскенін атап өткен респондент үлесі 2016 жылдан...

Фото: kursiv.media

Прокуратура еліміздегі 11 жекеменшік ЖЭО-да жылу-энергетика және табиғи монополиялар саласындағы заңнаманың сақталуын тексерген. Тексеру барысында кейбір нысанда жүйелі кемшіліктер мен заң бұзу анықталған. Әр станцияда қондырғылардың әбден тозығы жеткен, бұл жылу беру маусымында апатқа әкеп соғуы мүмкін.

Үкімет баспасөз қызметінің хабарлауынша, Экономиканы демонополизациялау жөніндегі комиссияның отырысында республиканың бірқатар жылу-электр орталығының қызметін тексеру қорытындысы қаралған.

«Талқылау қорытындысы бойынша уәкілетті органдарға станцияларда күрделі жөндеу мен модернизациялауды қамтамасыз ету бойынша меншік иелерімен жұмыс жасау тапсырылды», делінген хабарламада.

Үкімет басшысы 2023-2024 жылдарға арналған нақты жұмыс кестесін белгілеп, оның орындалуын бақылауды талап етті. Міндеттемелер бұзылған жағдайда...

Фото: kursiv.media

Каспий теңізі деңгейінің төмендеуіне байланысты Құрық теңіз порты акваториясының түбі тереңдетілмек. Жобаға сәйкес, акваторияның түбін Балтық белгісінен -36,5 деңгейіне дейін тереңдету жоспарланған. Бұл бұл жүктерді ауыстырып тиеу көлемін арттыруға мүмкіндік береді.

Сондай-ақ, порттың жоспарында жаңа маршруттар ашу, экспорттық әлеуетті арттыру және республиканың көлік қауіпсіздігін арттыру үшін қазақстандық паромдар салу және сатып алу да бар.

ҚТЖ мәліметі бойынша, биыл 8 айда Құрық теңіз порты арқылы шамамен 1,5 млн тонна жүк ауыстырып тиелсе, бұл өткен жылғы көрсеткіштен 15% жоғары. Оның ішінде 1 млн тонна жүк темір жол көлігімен, 430 мыңнан астамы автокөлікпен жеткізілді. Порт 480 паромды, 13,8 мыңнан...

Қазақстан қаржыгерлер қауымдастығының сарапшылары бір жылдан кейін теңгенің долларға шаққандағы бағамы 480 теңгеге дейін баруы мүмкін деп болжайды. Қауымдастық қаржы нарығындағы кәсіби тұлғалар арасында жүргізген сауалнама нәтижелерін жариялады. Сауалнаманың 2023 жылдың қыркүйегінде құбылған жаһандық кейбір көрсеткіштер бойынша жүргізілгені айтылды.

Сонымен қатар, зерттеуде қаржы нарығындағы кәсіби тұлғалардың, банк, сақтандыру, брокерлік ұйымдар өкілдерінің, талдау және қазынашылық бөлімшелері қызметкерлерінің ой-пікірлері зерделенген.  

Мұнай бағасы. Әлемдегі экономикалық құбылыстарға көз тіккен сарапшылар мен өз кәсібінің «білгірлері» таяу келешек пен болашақтағы жайттарға қатысты бірқатар тың пайым айтқанын байқауға болады. Мәселен, сарапшылар болашақтағы табиғи ресурстардың әлем алпауыттарына қалай ықпал етерін былайша жіктейді:  

Астананың қылмыстық істер жөніндегі ауданаралық сотында Денсаулық сақтау министрлігіне қарасты мекемелерде басшылық қызмет атқарған Сәдуақас Байғабыловқа іс бойынша куәгер Аманжол Өтеғалиев 2 500 долларды қалай бергенін айтты. Kursiv тілшісі елорда сотында Сәдуақас Байғабылов пен Асхат Манкеевке қатысты жалғасып жатқан сот процесіне қатысты.

2023 жылдың 12 қыркүйегінде өткен сот отырысында іс бойынша куәгер пара беруге қатысты айтты.

«2022 жылдың қыркүйегінде (Жетісу облысындағы Ұлттық сараптама орталығының директоры болған – автор) Асхат Манкеев телефон арқылы хабарласып, Талдықорғаннан жаңадан құрылған Алматы облысына ауысқысы келетінін айтты. Қонаев қаласына ауысу үшін Сәдуақас Байғабыловпен сөйлесуге көмектесуімді сұрады. Байғабыловқа хабарласып, «Манкеевті Алматы облысындағы Ұлттық сараптама орталығына ауыстыруға көмектесе...

Бүгін Сочиден Омбыға бет алған ұшақ апатты жағдайда Новосібір облысында шұғыл қонуға мәжбүр болды. Ұшақта Қазақстан азаматтары болды ма, жоқ па белгісіз. ҚР СІМ ресми өкілі Айбек Смадияров ведомствоға Ресей тарапынан ондай хабарлама түспегенін айтты.

«Бұған қатысты Ресей тарапынан бізге ақпарат келіп түскен жоқ. Сол себепті ол ұшақта біздің азаматтарымыз болған, болмағанын нақты айта алмаймыз», деді.

Ресейдің Төтенше жағдайлар министрлігінің хабарлауынша, Сочи-Омбы бағытындағы лайнерде 170 адам болған, 23-і бала. Жолаушылардың ешқайсысы зардап шекпеген.

Сонымен бірге Таиланд бұқаралық ақпарат құралдары Пхукетте Ресейдің ММА спортшылары Хусейн және Хасан Асхабовтардың ұсталғанын, олардың Италия азаматын ұрып-соғып...

Фото: shutterstock.com

Бас прокурор Конституциялық Сотқа Конституцияның 25-бабы, 1-тармағы мен 26-бабы, 3-тармағына ресми түсіндірме беруді сұрап жүгінді. Бұл баптарға сәйкес, ешкімді өз тұрғын үйі мен мүлкінен соттың шешімінсіз айыруға болмайды.

«Тұрғын үйге қол сұғылмайды. Соттың шешімінсіз тұрғын үйден айыруға жол берілмейді. Тұрғын үйге басып кіруге, оны тексеруге және тінтуге заңмен белгіленген реттер мен тәртіп бойынша ғана жол беріледі», делінген Ата Заңда.

Алайда 2019 жылы тиісті құқықтық актілерге прокурорға сот орындаушыларының атқарушылық іс-жүргізу туралы қаулыларына санкция беру міндеттерін белгілейтін өзгерістер енгізілгелі, прокурор санкциясымен мүлікті мәжбүрлеп өндіріп алу рәсімі жеке тұлға мен бизнестің мүлкін сот актісінсіз-ақ, өндіріп алуға...

Еуразиялық экономикалық кеңесі 27 қыркүйек күнгі отырыста жеке тұлғаларға арналған тауарларды бажсыз әкелу шегіне қатысты мәселені қарауды жоспарлап отыр, деп хабарлады РФ вице-премьері Алексей Оверчук.

Министр орынбасары, сонымен қатар, қазіргі уақытта жеке тұлғаларға арналған тауар жеткізу шегі 1000 еуродан жоғары екенін еске салды. Бұған қатысты Шығыс экономикалық форумының аясында сұрақ қойған журналистерге:

«1 қазанға дейін бұл мәселені не бүк не шік қылу қажет. Бізде кеңестің (Еуразиялық экономикалық комиссия) отырысы 27 қыркүйекте өтеді. 27 қыркүйекте бұл мәселе нақты қаралуы тиіс», –  деді Алексей Оверчук.

Сонымен қатар, ол Ресейдің бұл мәселеге қатысты ұстанымына әзірге нақтыланып жатқанын...

Астана қаласының тұрғын үй қорын реновациялаудың және модернизациялаудың 2028 жылға дейінгі мемлекеттік бағдарламасын бекіту туралы қаулысы жарияланды.

«Қоса беріліп отырған Астана қаласының тұрғын үй қорын реновациялаудың және модернизациялаудың 2028 жылға дейінгі мемлекеттік бағдарламасы бекітілсін. Орталық атқарушы органдар, Астана қаласының әкімдігі Бағдарламаны іске асыру шараларын қабылдасын. Осы қаулының орындалуын бақылау Астана қаласының әкімдігіне жүктелсін», делінген құжатта.

Бағдарлама негізінде реновациялау жұмыстары 3 кезең бойынша жүзеге асырылады.

– 1 кезең – 2025 жылға дейін 730 га;

– 2 кезең – 2035 жылға дейін 1362 га;

– 3 кезең – 2050 жылға дейін – 490 га...

Қарашығанақта жөндеу жұмыстарына байланысты мұнай мен газ конденсатын өндіру көлемі төмендеді. Бұл туралы Энергетика министрлігінің баспасөз қызметі хабарлады.

Ақпаратқа сәйкес, 11 қыркүйек пен 15 қыркүйек аралығында Қарашығанақ кен орнында 3- газды кешенді дайындау қондырғысы (ГКДҚ) жоспарлы, алдын-ала жөндеу жұмыстары үшін толық тоқтайды.

«3- газды кешенді дайындау қондырғысының толық тоқтауы Орынбор газ өңдеу зауытының 3-ші кезекті жөндеуге тоқтатылуымен және газды қабылдамауымен бір уақытқа тұспа-тұс келді», делінген хабарламада

Министрлік мәліметіне сәйкес, 11 қыркүйек күні мұнай мен газ конденсатын өндіру көлемі 3,3 мың тоннаны құрады, 10 қыркүйекпен салыстырғанда өндіріс 27 мың тоннаға азайған.

Еске саламыз...

Фото: shutterstock.com

2019 жылдан бері мемлекет тарапынан 100-ден астам киножобаға қолдау көрсетілген. Оның арасында 47 толықметражды фильм, 25 деректі фильм, 24 қысқаметражды фильм және 8 анимациялық фильм бар. Бұл туралы Eurasian Film Market халықаралық кино форумында ҰКҚМО басқарма төрағасы Құрманбек Жұмағали айтты.

Бүгін Алматыда кинонарық өкілдерінің басын қосқан Eurasian Film Market халықаралық кино форумы басталды.

Форумда отандық кино саласының бас қаржы операторы – Ұлттық киноны қолдау мемлекеттік орталығы өз жобаларын танысты.

«Біз бұл жұмысты жалғастыра отырып, отандық кинонарықты қолдаудың жаңа механимздерін енгізуді жоспарлап отырмыз. Қазір бізде жүзеге асырылуы керек қысқа және ұзақ мерзімд...