Жаңалықтар

Смартфон сатып алмас бұрын міндетті түрде IMEI кодын тексеріңіз. Жасанды интеллект және цифрлық даму министрлігі қазақстандықтарға осындай ескерту жасады.

IMEI код – бұл кез келген телефонға берілетін бірегей код. 15 цифрдан тұрады. Сол цифрларда телефон шыққан елдің коды және смартфонның қайталанбайтын сериялық номері жазылады.

IMEI-кодты #06# теру арқылы немесе құрылғы қорабынан және корпустан табуға болады. Шыққан кодты imei.kz сайтында тексеріңіз.

«Телефоныңыздың IMEI кодын алдын ала тексеру – өзіңізді қорғаудың ең оңай әрі сенімді жолы. Бұл сіздің құрылғыңыздың заңды түрде тіркелгенін және ешқандай шектеусіз жұмыс істейтініне көз жеткізуге көмектеседі», – деп түсіндіреді ведомстводан.

Еске...

Қазақстандағы ең ауқатты адамдар қайырымдылыққа жыл сайын миллиардтаған қаражат бөледі. Бірі арнайы орталықтарға жұмсалса, енді бірі спортқа бағытталған. Былтыр меценаттар су тасқынынан зардап шеккендерге де қаражат бөлген. Ranking.kz сарапшылары Forbes.kz тізіміндегі ТОП-10 адамның қайырымдылыққа қанша қаражат жұмсағанын жинақтаған.

Қазақстандағы ең бақуатты адамдар тізімінде бірінші қатарда ForteBank иесі мен бақылаушы акционері Болат Өтемұратов тұр. 2024 жылғы деректерге сәйкес, Өтемұратов қоры былтыр қайырымдылық және әлеуметтік жобаларға 51,9 млрд теңге жұмсаған. 2023 жылмен салыстырғанда қаражат көлемі 2,8 есе артқан.

Қор 13 өңірде аутизм бұзылысы бар балаларға арналған орталықтарды қаржыландырып келеді. Сондай-ақ былтыр Қызылорда әуежайы жолаушылар терминалын салуға қаржы бөліп...

Шу облысының Бала-Айылчы ауылында ер адам мас күйінде өз жұбайын атып тастаған. Бұл туралы Қырғызстанның өңірлік ІІБ хабарлаған.

Kaktus.media ақпаратына қарағанда, 1 қараша күні Мәскеу ауданының ішкі істер бөліміне Бала-Айылчы ауылында әйелдің өлтірілгені туралы хабар түскен.

Оқиға орнына жеткен милиция қызметкерлері 1962 жылы туған Э.С. есімді ер адам отбасылық жанжал кезінде мас болғанын анықтады. Ол аңшы мылтығын алып, 1976 жылы туған жұбайына оқ атқан. Әйел оқиға орнында көз жұмған.

Қырғыз Республикасының Қылмыстық кодексінің 122-бабы («Кісі өлтіру») бойынша қылмыстық іс қозғалды. Күдікті Мәскеу ауданының уақытша ұстау изоляторына қамауға алынды.

Тергеу жалғасып жатыр.

Мұның алдында Жамбыл облысында полицей өзін-өзі атып өлтіргені туралы...

Қазан айының қорытындысы бойынша теңге бағамы айтарлықтай нығайды. Ұлттық банк деректеріне сәйкес, ұлттық валюта бір ай ішінде 3,5%-ға күшейіп, ай соңында 1 АҚШ доллары үшін 529,96 теңге деңгейінде қалыптасты.

Қазақстан қор биржасында (KASE) валюта нарығындағы белсенділік те артты. Сауда-саттықтың орташа күндік көлемі қыркүйектегі 248 млн доллардан қазанда 271 млн долларға дейін ұлғайған. Ал жалпы айлық сауда көлемі 6 млрд АҚШ долларын құрады.Алайда сарапшылар теңгенің бұл нығаюын «бір реттік құбылыс» деп бағалаған.

Ұлттық қордан қазанда 660 млн доллар көлемінде валюта сатылды. Бұл қаражат республикалық бюджетке трансферт бөлу және «Талдықорған–Үшарал» магистральдық газ құбыры сияқты...

Қазақстандағы кәсіби футбол клубтары алдағы 2–3 жылда жекеменшік инвесторлардың қарамағына өтуге тиіс. Бұл туралы Қазақстан футбол федерациясы (ҚФФ) кәсіби жарыстарды ұйымдастыру дирекциясының басшысы Бақытжан Пазылхайыр «Түйін» ақпараттық-сараптамалық бағдарламасына берген сұхбатында айтты.

Оның айтуынша, футбол клубтарын жекеменшікке беру үшін барлық жағдай жасалған. Бақытжан Пазылхайырдың мәліметінше, биылдың өзінде 4 футбол клубы жеке инвесторға сатылған.

«Жақында Қызылорданың «Қайсар» футбол клубы жеке кәсіпкерге берілді. Бұл инвестор алдағы екі жылда 12 млрд теңгеге жаңа академия салуды міндетіне алды. Негізгі көңіл балалар футболына және жаттықтырушыларды даярлауға бөлінеді», — деді Бақытжан Пазылхайыр.

Қазан айының соңында «Қайсар» футбол клубы жаңа иесін...

Солтүстік Қазақстан облысы Қызылжар ауданы Тепличное ауылындағы қорғаныс бөгетін қайта қалыпқа келтір үшін Үкімет резервінен шамамен 1,4 млрд теңге бөлінді

Бөгетті не үшін жөндейді

Тиісті қаулыға Премьер-министр Олжас Бектенов қол қойды. Жұмыс Қасым-Жомарт Тоқаевтың су тасқынына қарсы құрылыстарды нығайту жөніндегі тапсырмаларына сәйкес жүргізіліп жатыр. Реконструкциялау жұмысының мақсаты – құрылыстың беріктігін нығайту және елді мекеннің толыққанды қорғалуын қамтамасыз ету.
Бөгетті толық реконструкциялау жобасына автожолдарды қалпына келтіру, темірбетон плиталарын төсеу, дренаж жүйесі және абаттандыру кіреді. Барлық іс-шара аяқталғаннан кейін гидрологиялық нысанның жоғарғы деңгейі 2024 жылғы су тасқынының ең жоғары деңгейіне тең деңгейде белгіленеді.

Жобаны жүзеге асыру мыңға жуық халқы бар Тепличное ауылын

Несие бюролары микроқажы ұйымдары (МҚҰ) мен коллекторларға қарызы бар азаматтар туралы мәліметті Мемлекеттік кірістер комитетіне (МКК) жолдап отырады. Бұл талап Қаржы министрлігі бекіткен жаңа ережелерге енгізілді. Ереже 2025 жылдың 10 қарашасынан 31 желтоқсанына дейін қолданылады.

Құжатқа сәйкес, МКК жыл сайын азаматтардың активтері, міндеттемелері, табысы мен мүлкі туралы декларация тапсыруы тиіс адамдардың тізімін жасайды. Бұл тізім есепті жылдың 31 желтоқсанына дейінгі жағдай бойынша құрылады және келесі жылдың 25 қарашасына дейін дайын болуы керек.

Одан кейін салық комитеті осы тізімді «Smart Data Finance» жүйесі арқылы кредит бюросына жібереді. Бұл процесс 10 күннің ішінде жүзеге асырылады.

Несие бюролар өз кезегінде...

Трамп АҚШ-тың ядролық сынақ жасауғап не итермелеп жатқанын айтты. Оның пікірінше, «Ресей мен Қытай да дәл сондай сынақ өткізуде».  

RBC ақпаратына қарағанда, АҚШ президенті Дональд Трамп CBS News арнасына сұхбатында берген. Онда Америка Құрама Штаттары басқа елдер сияқты ядролық қаруын сынайтынын мәлімдеген.

«Ресей сынақтар өткізіп жатыр, Қытай сынақ өткізіп жатыр. Бірақ олар бұл туралы ашық айтпайды. Біз де сынақтар өткіземіз.  Өйткені олар да, басқа елдер де сынақ жүргізіп жатыр. Әрине, Солтүстік Корея да сынақ өткізеді. Пәкістан да сынақ жасайды», — деді Трамп.

Оның айтуынша, АҚШ ядролық қару жасап шығарады. Бірақ оны сынамайды, сондықтан...

Түркияның мұнай өңдеу зауыттары Ресейге қарағанда Ирак пен Қазақстаннан мұнай сатып алуды көбейтті. Оған АҚШ, Еуроодақ және Ұлыбританияның Мәскеуге қарсы жаңа санкциялар енгізгені себеп болды. Бұл туралы дереккөздеріне сілтеме жасаған Reuters жазады.

SOCAR Turkey Aegean Refinery – Түркиядағы ең ірі мұнай өңдеу зауыттарының бірі, ол Әзербайжанның SOCAR компаниясына тиесілі. Дереккөздердің айтуынша, зауыт желтоқсан айында жеткізілуі тиіс Ирак, Қазақстан және өзге де ресейлік емес өндірушілерден төрт партия мұнай сатып алған.

Тағы бір ірі компания Tupras та Ресейден тыс елдерден мұнай сатып алуды көбейтіп жатыр. Reuters дерегінше, компанияның иелігіндегі екі зауыттың бірі жақын уақытта ресейлік мұнай импортынан толық бас тартуы мүмкін. Сонымен қатар, Tupras алғаш рет Бразилиядан мұнай сатып алған, ал...

Қазақстанның басым бөлігінде жаңбыр мен қар түрінде жауын-шашын күтіледі, кей жерлерде көктайғақ пен боран болады. Ал елдің оңтүстігі мен батысында тұман түсіп, жел күшейеді, деп хабарлайды Kursiv.Media.

Метеорологиялық қызметтің ресми сайтында 3 қараша, дүйсенбі күнгі ауа райы болжамы жарияланды.

Астанада күн бұлтты, жаңбыр мен қар жауады, күндіз көктайғақ, күндіз екпіні 15–20 м/с болатын жел соғады. Түнде ауа температурасы –1…+1°C, күндіз +2…+4°C.

Алматыда ауа райы жауын-шашынсыз, жел екпіні 3–8 м/с. Температура: түнде +3…+5°C, күндіз +15…+17°C болады.

Шымкентте жаңбыр жауып, ауа райы құбылмалы болмақ, жел екпіні 8–13 м/с.
Температура: түнде +4…+6°C, күндіз +13…+15°C жылы.

Ақтауда...

3 қарашаға қараған түні Ауғанстанның солтүстігіндегі Мазари-Шариф қаласы маңында магнитудасы 6,3 болатын жер сілкінісі болды. Провинция билігінің мәліметінше, кемінде жеті адам қаза тауып, шамамен 150 адам жарақат алған.

АҚШ Геологиялық қызметінің хабарлауынша, жер сілкінісінің эпицентрі Мазари-Шарифтің маңында, 28 шақырым тереңдікте орналасқан. Қаланың халқы шамамен 523 мың адамды құрайды.

«Бүгін таңертеңгі жағдай бойынша жалпы 150 адам жарақат алып, жеті адамның денесі мен зардап шеккендер медициналық мекемелерге жеткізілді», – деді Reuters агенттігіне Саманган провинциясының денсаулық сақтау департаментінің өкілі Самим Джоянда. Оның сөзінше, қаза тапқандар саны әлі де өсе түсуі мүмкін.

Жер сілкінісінен Мазари-Шарифтегі қасиетті орындардың бір...

Өткен апта әлем нарықтары үшін әртүрлі бағыттағы қозғалыстармен есте қалды. АҚШ, Қытай және Ұлыбритания биржалары салыстырмалы түрде оң динамика көрсетсе, мұнай мен алтын бағасы төмендеді. Қазақстандық теңге нығайып, KASE индексі 2,69%-ға өсті.

Әлемдік нарықтар: S&P 500 аптаны өсіммен аяқтады

S&P 500 индексі апта ішінде 1,01%-ға өсіп, 6840 пункт деңгейінде бекіді. Өткен аптада фьючерс қатарынан бес күн бойы жаңа рекордтар орнатты. Соңғысы бейсенбі, 30 қазан күні – 6922 тармақта тіркелді. Нарық тағы да классикалық сценарийді қайталады: алдын ала өсім – кейін сату. Бұл жолы басты драйвер – АҚШ пен Қытай арасындағы келіссөздер болды.

Талқылау 10 қазаннан бастап күшейді, сол кезде...

Қазақстандық сейсмологтар Түркістан облысында жер дүмпулерін тіркеді. Есептік мәліметтерге сәйкес, жерасты толқындарының күші 2 балды құраған. Бұл туралы 3 қарашаға қараған түні Төтенше жағдайлар министрлігі хабарлады.

Ведомствоның мәліметінше, 2025 жылғы 3 қарашада сағат 01:29-да  жер сілкінісі тіркелген.

Зілзаланың эпицентрі Алматыдан 1079 шақырым оңтүстік-батысқа қарай, Ауғанстан аумағында орналасқан. Жер сілкінісінің тереңдігі – 120 шақырым, магнитудасы – 6,2, ал энергетикалық класы – 14,2 болған.

Түркістан облысында жер дүмпулері төмендегідей деңгейде сезілген:

Кейін ҚР ТЖМ жерасты дүмпулері Шымкент қаласында да сезілгенін, олардың да күші 2 балл болғанын хабарлады.

Министрліктің мәліметінше, зардап шеккендер мен қираулар...

Астанада Қазақстанның жастар арасындағы футбол чемпионаты – Freedom QJ League лигасының үшінші маусымының жабылу салтанаты өтті. Жиындағы қайырымдылық аукционында «Реал» клубының шабуылшысы Килиан Мбаппе футболкасы басты лот болды.

Аукцион жеңімпазы – «Қайрат» футбол клубының Бақылау кеңесі төрағасы Қайрат Боранбаев. Ол жейдені 3 миллион теңгеге сатып алды. Ұйымдастырушылардың айтуынша, түскен барлық қаражат қайырымдылық мақсаттарға бағытталады.

Салтанатты шара Ritz-Carlton Astana қонақүйінде өтіп, оған ойыншылар, бапкерлер, клуб басшылығы мен лига өкілдері қатысты. Гала-кеш «Формула-1» стилінде безендіріліп, Freedom Media платформасында тікелей эфирде көрсетілді.

Іс-шараны Freedom Holding Corp. бас директоры Тимур Турлов, Freedom QJ League президенті Рохус Шох және Қазақстан футбол федерациясының бас хатшысы Давид Лория ашты. Олар лиганың үш жыл ішінде еліміздегі балалар мен жасөспірімдер футболының дамуына елеулі үлес қосқанын атап өтті.

Үш жыл...

Климакс пен менопауза бір ұғым емес, бірақ көп жағдайда оларды шатастырып жатады. Менопауза – әйел өміріндегі соңғы етеккір, ал климакс – осы кезеңнің алдындағы және кейінгі ағзадағы гормондық өзгерістерден туындайтын жағымсыз белгілер. Төменде менопауза қашан болатынын, оның белгілерін және не істеу керек екенін қарастырайық.

Менопауза қашан басталады және оның жақындағанын қалай білуге болады?

Әйелдердің көпшілігінде менопауза 45 пен 55 жас аралығында басталады – бұл табиғи қартаюдың нәтижесі. Кей әйелдерде ол ертерек келеді: шамамен 5%-ында ерте менопауза (40–45 жас) болады. Ал етеккір 40 жасқа дейін тоқтаса, оны шамадан тыс ерте менопауза дейді. Бұл жағдай сирек кездеседі (0,3–1%) және көбіне аналық бездің қызметінің бұзылуымен байланысты. Сондай-ақ менопауза кейде аналық безді алып...

Әлеуметтік желілерде Астана полициясы ішіп алған көлік жүргізушісін ұстағаны туралы ақпарат тарады. Кей деректерге сүйенсек, ол азаматтық істер жөніндегі ауданаралық соттың судьясы Асель Досаева болуы мүмкін.

Бұл ақпаратқа қатысты Астана қалалық полиция департаменті түсініктеме берді.

«Рейдтік іс-шаралар барысында патрульдік полиция қызметкерлері Mazda маркалы автокөлікті тоқтатты. Сараптама қорытындысы бойынша жүргізушінің алкогольдік мас күйінде болғаны анықталды. Көлік коммуналдық тұраққа қойылды, тексеріс жүргізілуде. Астана полициясы көлік құралын мас күйінде басқару – заңның өрескел бұзылуы әрі айналадағы адамдардың өміріне қауіп төндіретінін ескертеді. Мұндай жағдайлар заң аясында қатаң түрде тоқтатылады», – делінген полиция департаментінің хабарламасында.

Сонымен қатар жүргізушіде көлік жүргізу куәлігі болмағаны...

АҚШ президенті Дональд Трамп Нигерия билігі елдегі христиандарды өлтіруді тоқтатпаса, әскери операция жүргізуі мүмкін. Бұл туралы Reuters агенттігі жазады.

Трамптың айтуынша, Вашингтон Африкадағы ең ірі мұнай өндіруші ел – Нигерияға қаржылай көмекті дереу тоқтатады.

«Нигериядағы христиан діні жойылу қаупінде тұр. Мыңдаған христиан өлтірілді. Бұл қырғын үшін радикалды исламистер жауапты. Осыған байланысты мен Нигерияны «ерекше алаңдаушылық туғызатын ел» деп жариялаймын. Бірақ бұл бәрі емес. Егер христиандарды немесе басқа да діни топтарды өлтіру жалғаса берсе, әрекет етуге тура келеді», – деп жазды Трамп өзінің Truth Social әлеуметтік желісіндегі парақшасында.

Пентагон басшысы Пит Хегсет те әскери ведомствоның дайын екенін растады.

Қазақстандықтар жаппай алтын құймаларын сатып алып жатыр. Ұлттық банктің дерегінше, 2025 жылдың үшінші тоқсанында екінші деңгейлі банктер мен банктік емес айырбастау пунктері халыққа жалпы салмағы 409 кг болатын 9 110 алтын құйма сатқан.

Тек шілде-қыркүйек айларының өзінде банктер мен айырбастау пунктері жалпы салмағы 438,4 кг болатын 8 302 құйма өткізген.

Ең көп алтын құйма сатылған өңірлер:

Алтын құймаларды қазақстандықтар Halyk Bank, Еуразиялық банк, Jusan Bank және Банк ЦентрКредитбөлімшелерінен, сондай-ақ банктік емес жекелеген айырбастау пункттерінен сатып ала алады.

Бағдарлама іске қосылғалы бері барлығы 246 882 алтын құйма сатылған, олардың жалпы салмағы 8,6 тоннаға жетті.

Халы...

Астанада жас футболшыларға арналған QJ league Awards марапаттау шарасы өтті. Жиынға келген «Қайрат» футбол клубының қақпашысы Шерхан Қалмұрза Kursiv.Media тілшісіне сұхбат беріп, танымалдылығы жайлы пікірін айтты.

«Шынымды айтсам, танымал болу энергияны көп жейді екен. Отбасыммен қалаға шықсам, көп адам келеді. Кейде мазаны алады, сол қатты тиеді. Бірақ оған көп мән бермеуге тырысамын. Алдыма қойған мақсатқа жетуге жұмыс істеймін», – деді ол.

Ол өзін жұлдыз еткен «Қайрат» – «Реал Мадрид» матчы жайлы да пікірін білдірді.

«Олар – футбол әлемінің гранды, өте үлкен қысым болды. Бірақ баға жетпес тәжірибе жинадым. Енд...

Ақтөбеде 34 980 көрерменге арналған ірі футбол стадионының құрылысы басталды. Нысан қаланың дәл ортасында орналасқан жаңа «Алтын орда» әлеуметтік-іскерлік орталығының аумағында бой көтермек.

Стадион 25 гектар жерге салынып жатыр. Қазіргі уақытта аумақтың қоршауы аяқталып, құрылысқа дайындық жұмыстары жүріп жатыр. Жоба облыс әкімінің тапсырмасы аясында жүзеге асырылуда.

Облыс әкімі Асхат Шахаров стадион құрылысының өңір спорты үшін стратегиялық маңызы бар екенін атап өтті.

«Ақтөбе бұрыннан заманауи үлкен стадионға лайық. Мұнда балалар мен жастардың спортпен айналысуына барлық жағдай жасалады. Алдағы жылдары облыс орталығында болашақ чемпиондар жаттығатын жаңа спорт аренасы пайда болады», – деді әкім.

Стадион «Алтын орда» кешенінің басты нысандарыны...

Мөлдір Мұқанова журналист Жанар Байсемізге сұхбат беріп, ажырасқаннан кейінгі өмірі жайлы айтты. Қиын кезеңде қолдау білдірген, демеу болған өнердегі жанашырларына алғысын білдірді.

«Алғашқылардың бірі болып өзім ерекше жақсы көретін, жақсы сыйлайтын Қарақат Әбілдина еді. Бұл жағдайды көре тұр үндемей отыра алмадым, менің де жүрегім сыздап бара жатыр деді хабарласып. Барынша отбасын сақтап қалыңдар деп ақыл кеңес берген ол кісіге алғыс білдіремін», – деді Мөлдір.

Дәл солай жаңа жобаларға шақырған Баян Алагөзова мен Динара Сәтжанды да атап өтті.

«Өз жобасына шақырып қолдау білдірген Баян Алагөзова ханымға алғыс айтқым келеді. Ірі ауқымды жобаны...

Қазақстан ҰҚК Шекара қызметі 2025 жылдың қазан айындағы қызмет нәтижелерін жариялады. Ведомствоның мәліметінше, ай ішінде мемлекеттік шекараны қорғау және күзету шаралары аясында уәкілетті органдармен бірлесіп 4 743 адам ұсталған. Оның ішінде 4 077-сі – шетел азаматы.

Сонымен қатар 1 708 заңсыз тауар мен жүк тасымалдау дерегі анықталған. Оның ішінде:

Мөлдір Мұқан журналист Жанар Байсеміздің арнасына келіп, үлкен сұхбат берді. Үш сағатқа созылған әңгімесінде жары Тұрсынбек Қабатовпен отбасылық өмірі, ажырасуы жайлы айтып берді.

Мөлдір Мұқанның сөзінше, 25 жылдан кейін Қабатовпен арада заңды некесі бұзылып, ажырасып кеткен.

«Мен 100% ажыраспаймын дейтін адам едім. Ажырасам деген құрбыларыма да ажыраспа деп кеңес беретін едім. Құрбыларыма отбасыңда сақта деп ақыл айтып жүрген жандардың бірі мен едім, сол ортада бірінші болып ажырасып кеттім», – дейді Мөлдір Мұқанова.

Некені бұзу туралы Тұрсынбек Қабатовтың өзі ниет білдірген.

«Бір күні телефоныма Тұрсынбектен смс келді, «не...

Ата-ана балалардың іші жиі ауыратынына көп шағымданады. Мұндай симптомның ас қорыту жүйесінің бұзылуынан бастап, ауыр патологияға дейін түрлі себебі болуы мүмкін. Педиатр кеңестеріне сүйене отырып, мақалада іш ауыруының негізгі себептерін, үйде көмек көрсету әдістерін және дәрігерге қашан жүгіну керектігін қарастырамыз.

Іш ауыруының негізгі себептері

Баланың іш ауыруын ең әуелі симптом деп қарастырған жөн. Оның көптеген себебі болуы мүмкін. Солардың кейбіреуін атап өтейік: