Жаңалықтар

2006 жылғы аңызға айналған туындының жалғасы – «Prada киген әзәзіл 2» фильмі прокаттың алғашқы күндерінен-ақ рекорд орнатып жатыр.

Фильм әлемдік прокаттағы алғашқы демалыс күндері (уикенд) 233,6 млн доллар жинап, кассалық рекорд орнатты. Көрсеткіш 2006 жылғы бірінші бөлімнің АҚШ-тағы бастапқы табысынан (27,5 млн доллар) бірнеше есе асып түсті.

Бас рөлді сомдаған Мерил Стриптің мансабындағы ең табысты премьера ретінде тіркелді. Киноға деген қызығушылық оның шығуынан бұрын-ақ байқалған еді. Трейлері алғашқы 24 сағат ішінде 222 млн рет қаралып, «20th Century Studios» компаниясының тарихындағы абсолютті рекордты жаңартты.

Қазақстандағы жағдай

Қазақстандық көрермендер де әлемдік трендтен қалыс қалар емес. Ticketon мәліметтері бойынша...

Жылу беру маусымына арналған отын қоры 1 қыркүйекке дейін жинақталуы тиіс. Бұл туралы Премьер-министр Олжас Бектенов мәлімдеді.  

Ол алдағы жылу беру маусымына дайындыққа ерте қамдануға шақырды. Жылу көздері мен теміржол тұйықтарында отын қорын алдын ала жинақтауды тапсырды.

«Энергетика министрлігі Көлік министрлігімен және әкімдіктермен бірлесіп, 1 қыркүйекке дейін жылу көздері мен теміржол тұйықтарында отын қорын алдын ала жинақтауды қамтамасыз етсін», – деді Олжас Бектенов Үкімет отырысында.

Жұмысты бақылау мен үйлестіру Премьер-министрдің бірінші орынбасары Роман Склярға жүктелді.

Сондай-ақ, Олжас Бектенов энергетика нысандарында жөндеу жұмыстарының көлемін және қаржыландыруды қысқартуға тыйым салып отыр.

Еңбек және әлеуметтік қорғау министрлігі «Қазмырыш» компаниясының Өскемендегі зауытындағы жарылысқа байланысты арнайы комиссия құрып жатыр. Бұл туралы министрліктің баспасөз қызметі Kursiv.Media басылымына хабарлады.

«Комиссия құрылып жатыр. Бүгін толық жасақталады. Оны ШҚО мемлекеттік еңбек инспекторы Бақытбек Қизатов басқарады. Комиссия құрамына өндіріс қауіпсіздігі саласының өкілдері, жұмыс берушілер және жұмысшылар өкілі кіреді», – деді министрлік өкілі Kursiv.Media басылымына.

Еңбек министрлігі оқиғаны толық тексеру аяқталғанша қандай да бір тұжырым жасауға асықпайды. «Қазмырыш» компаниясы жарылыс цехтағы түтін сорғышты тазалау кезінде болғанын хабарлаған.

Естеріңізге сала кетейік, 5 мамыр, сейсенбі күні таңертең Өскемен қаласының өндіріс аймағында орналасқан «Қазмырыш» компаниясы зауытында...

Өскемен қаласының әкімі Алмат Ақышев әлеуметтік желідегі парағына үндеу жариялап, қала тұрғындарын сабырға шақырды.

5 мамыр, сейсенбі күні таңертең Өскемен қаласының өндіріс аймағында орналасқан «Қазмырыш» компаниясы зауытында жарылыс болды. Дүмпу мен әуеге көтерілген түтін қала тұрғындарының зәресін алды.

Өндіріс орнындағы оқыс оқиғадан екі адам қаза болып, бес адам жараланғаны хабарланды.

Өртенген зауытқа Шығыс Қазақстан облысының әкімі Нұрымбет Сақтағанов пен Өскемен басшысы Алмат Ақышев барды.

«Өрт сөндірілді. Тиісті жұмыс атқарылып жатыр. Жедел штаб құрылды. Жағдай облыс әкімінің бақылауында. Тұрғындарды ресми ақпарат көздеріне ғана сенуді сұраймыз», – деп жазды қала әкімі Instagram-дағы...

Жамбыл облысы Жуалы ауданында бір алаяқ мүмкіндігі шектеулі азаматқа қайтарымсыз несие алып беруге уәде беріп, алдап кетті.

Жамбыл облысының Жуалы аудандық сотының мәліметінше, 2025 жылдың қазанында алаяқ Жуалы тұрғынының інісінің мүгедек екенін біледі. Сосын оның атына 5 млн теңгеге қайтарымсыз несие рәсімдеуді ұсынады. Інісінің ІІ топтағы мүгедектігі туралы құжаттарының көшірмелерін алады.

Бұдан кейін несие рәсімдеу үшін 300 мың теңге сұраған. Ауыл тұрғыны оған да келісіп, сұраған ақшасын тауып берген. Бірақ алаяқ бұл қаражатты керегіне жаратып жіберген.

Жуалы аудандық соты осы алаяқтық дерегі бойынша қылмыстық істі қарады. Кінә тараптардың айғақтарымен және заттай дәлелдемелерімен расталады.

Сотталушы кінәсін толық мойындап, жасаған ісіне өкініш...

Енді елдегі шетелдік жоғары оқу орындары «Қазақстан тарихы» мен «Қазақ тілі» пәндерін оқытуға міндетті болады. Бұл туралы Мәжіліс депутаты Нартай Сәрсенғалиев әлеуметтік желідегі парақшасында жазды.

Депутат Парламент Мәжілісінің Әлеуметтік-мәдени даму комитетінің бастамасымен аса маңызды норма қабылданғанын жеткізді.

«Педагог мәртебесі туралы» заң жобасында «Шетелдік жоғары және (немесе) жоғары оқу орнынан кейінгі білім беру ұйымдарының филиалдары мен шетелдік оқу орындары “Қазақстан тарихы» және «Қазақ тілі» пәндерін міндетті түрде оқыта отырып, тиісті мемлекеттік жалпыға міндетті білім беру стандарттарының талаптарынан төмен емес білім беру сапасын қамтамассыз етеді” деген норма бекітілді, деп жазды депутат.

Мәжілісменнің айтуынша, ел...

Былтырғы жылыту маусымында 5 жылу электр орталығы «қызыл аймақтан» «сарыға», ал тағы үшеуі «жасыл аймаққа» ауысқан. Энергетика вице-министрі Сұңғат Есімхановтың мәлімдеуінше, қазір «қызыл аймақта» қалған соңғы 5 станция бойынша қаржыландыру 40 пайызға артып, арнайы жұмыс жоспары бекітілген.

Комитет тарапынан апта сайын бақыланатын бұл нысандарды жыл соңына дейін қауіпті аймақтан шығару көзделіп отыр.

2025 жылы электр станцияларын жөндеуге 348 млрд теңге бөлініп, қаржыландыру 6 пайызға өссе, биыл бұл көрсеткіш тағы 9 пайызға артып, 384 млрд теңгеге жетті.

Бұл ретте премьер-министр Олжас Бектенов энергетика нысандарында жөндеу жұмыстарының көлемі мен оларды қаржыландыруды қысқартуға тыйым салды

«Энергетика министрлігімен...

«Қазмырыш» компаниясы ресми түрде зауыттағы жарылыстан екі адам қайтыс болғанын хабарлады.

«Алдын ала ақпарат бойынша, түтін сорғышты тазалау жұмыстары кезінде жарылыс болып, соңы өртке және құрылымдардың ішінара құлауына ұласты. Оқыс оқиға салдарынан екі адам қаза тауып, бесеуі жарақат алды. Зардап шеккендерге барлық қажетті медициналық көмек көрсетіліп жатыр», – деп жазылған хабарламада.

Компания қайтыс болғандардың туыстары мен жақындарына көңіл айтты. Оларға материалдық және психологиялық көмек көрсетілетінін де хабарлады. Зауыт басшылығы жарылыстан ауаға зиянды заттар тарағанын да мойындады, бірақ тұрғындар үшін қауіпті емес деп есептейді.

«Сонымен бірге мамандар қоршаған ортаға қаншалықты зиян келгенін...

Қазақстан Ұлттық банкі 2026 жылы өтетін футболдан әлем біріншілігіне арналған күміс монеталардың сатыла бастағанын хабарлады. Бірегей туындының бағасы 29 мың теңге деп белгіленген.

Жаңа коллекциялық монета 925-ші сынамалы күмістен дайындалған. Оның дизайнында алтынмен аптау және түрлі-түсті баспа элементтері қолданылған. Номиналы: 1 000 теңге, таралымы небәрі 1 500 дана (тек ішкі нарық үшін).

Ұлттық банктің хабарлауынша, бұл монеталар Қазақстанның бүкіл аумағында өзінің номиналды құнымен (1 000 теңге) кез келген төлем түрі бойынша қабылдануға міндетті. Сондай-ақ, оларды банк шоттарына аударуға, кез келген банкте айырбастауға немесе ұсақтауға болады.

Айта кетейік, коллекциялық туындылар Қазақстан теңге сарайында дайындалған. Шектеулі таралыммен шыққан бұл монеталар уақыт өте...

FlyArystan компаниясы жеті жылдығына орай ұшақ билеттерін 20% жеңілдікпен алдағы мереке күндеріне сата бастайды.

Компанияның «туған күні» 1 мамырда атап өтілген. Осыған орай мыңдаған жолаушыға жаңа бағыттарды бұрынғыдан да қолжетімді етуге мүмкіндік бермек.

Бұл жеңілдік тек 5 және 6 мамыр күндері барлық ішкі бағыттарға, сондай-ақ сұранысқа ие бірқатар халықаралық бағыттарға беріледі.

Атап айтқанда:

– Астанадан – Газипаша, Үрімші, Кутаиси және Ташкентке;
– Алматыдан – Газипаша, Самарқанд және Кутаисиге;
– Ақтаудан – Кутаиси және Бакуге;
– Атыраудан – Кутаисиге.

Сонымен қатар 2026 жылғы 8 қыркүйектен 21 қазанға дейінгі аралықта акциялық билеттер сатылмақ.

Мұның алдында FlyArystan әуе компаниясы 2026 жылғы...

5 мамыр таңертең Өскемендегі жарылыс қала тұрғындарын ғана емес, елді дүр сілкіндірді. Қазақстандағы ең ірі металлургиялық зауыттың бірі «Қазмырышта» болған төтенше жағдайдың зардабы әзірге толық жарияланған жоқ. Ресми органдар ақпаратты там-тұмдап хабарлап жатыр. Нақты өрт аумағы қанша, жарылыс деңгейі қандай көлемде екені де белгісіз. Kursiv Media Өскемен әкімдігіне, тұрғындарға хабарласып, анықтап көруге тырысты.

Жарылыстан құрбан болғандар бар

Редакция жарылыс болған зауытта жұмыс істейтін қызметкерге хабарласты. Өрт шыққанда ол цехта жүрген.

«Өрттің көлемі зауыттың жартысына дейін жетті. Дабыл да қағылған жоқ. Бірақ жарылыс көлемі үлкен болды. Бәріміз бірден маска киіп алуға тырыстық. Краншы тіпті жарылыстан...

Қазақ киносының жауһары, «Қыз Жібек» фильмі тарих қойнауына кетіп, жоғалып кету қаупі болған. Фильмде басты рөлді сомдаған Қазақстанның Халық әртісі Меруерт Өтекешова бұл трагедияның алдын алып, туындыны келешек ұрпаққа жеткізу үшін жанқиярлық ерлік жасады. Бұл оқиғаны Майя Бекбаеваға берген сұхбатында айтып берді.

Фильмге төнген қауіп

Кеңес өкіметі ыдырағаннан кейін, «Қыз Жібек» фильмінің орысша нұсқасы Мәскеудегі «Белые Столбы» Мемлекеттік кино қорында (Госфильмофонд) сақталған. Сол уақыттағы қиындықтарға байланысты фильмге қажетті жағдай жасалмады.

«Фильм құрып бара жатқанын көрдім. Таспаның (пленканың) бұзылуы не екенін, бір нәрсені жоғалтудың не екенін мен жақсы білемін. Сосын Құманға (Тастанбековке) бір нәрсе істеуіміз...

Қазақстандағы жылу-электр орталықтары QazaqGaz Aimaq компаниясына 37,7 млрд теңге қарыз. Бұл туралы Үкімет отырысында энергетика вице-министрі Сұңғат Есімханов мәлімдеді.

Вице-министр энергия өндіруші кәсіпорындардың газ таратушы мекеме алдындағы берешегінің қордалануы үлкен мәселе болып тұрғанын атап өтті.

Борышкерлер тізімін «МАЭК» ЖШС бастап тұр, оның міндеттемесі 28,2 млрд теңгені құрайды. Маңғыстау атом-энергетика комбинаты өңірдегі кәсіпорындар мен халықты электр энергиясы, жылу және сумен қамтамасыз етіп келеді.

Сондай-ақ, тізімдегі өзге ірі кәсіпорындардың берешегі төмендегідей бөлінген:

2026 жылы жылжымайтын мүлік мәмілесін нотариалдық рәсімдеу құны бірнеше факторға – ипотеканың бар-жоғына, тараптардың туыстық қатынасына және нысанның орналасуына байланысты өзгереді. Сондықтан пәтер сатып алу кезінде тек баспана бағасын емес, қосымша рәсімдеу шығындарын да ескеру маңызды. Сатып алу-сату шартының құны, кімдерге жеңілдіктер қарастырылған және нотариус қызметін қай тұста үнемдеуге болады? Бұл сауалдардың жауабын krisha.kz мамандары талдап көрді.

2026 жылы сатып алу-сату шарты қанша тұрады

Krisha.kz мәліметінше, нотариалдық рәсімдеу құны мәмілеге кімдердің қатысатынына байланысты.

Өскемендегі «Қазмырыш» зауытында болған жарылыстан кейін тоғыз адам зардап шегіп, медициналық көмекке жүгінді. БАҚ-та осындай ақпарат тарады.

«Тағы бір адамға оқиға орнында реанимациялық шаралар көрсетіліп жатыр. Бір зардап шегушіні кәсіпорын жұмысшылары өз күштерімен медициналық мекемеге жеткізді»,- деп жазылған шұғыл қызмет таратты деген мәлімдемеде.

Оқиға орнында бес жедел жәрдем бригадасы жұмыс істеп жатыр. Қалған зардап шеккендердің жағдайы нақтыланып жатыр.

Бұған дейін төрт адам зардап шекті деп хабарланған еді.

Еске салайық, 5 мамырда таңертең Өскемен қаласында «Қазмырыш» компаниясының металл балқыту зауыты өртенді.

Премьер-министр Олжас Бектенов Өскемен қаласындағы зауыт жарылысына байланысты бірқатар тапсырма берді.

7 мамыр, сейсенбідегі үкімет отырысы «Қазмырыш» компаниясының Өскемендегі зауытындағы өртті талқылаумен басталды.

«Мен таңертең Өскемендегі жарылысқа қатысты қажетті тапсырмалар бердім. Төтенше жағдайлар, сонымен бірге экология министрліктері, облыс әкімдігі қажетті шара қабылдап, маған баяндаңыздар. Мәселе менің жеке бақылауымда болады», – деді Бектенов.

Естеріңізге сала кетейік, 5 мамырда таңертең Өскемен қаласында «Қазмырыш» компаниясының металл балқыту зауыты өртенді. Әзірге тоғыз адам зардап шеккені, үш адамның жағдайы екені мәлім. Оқиға орнында құтқарушылар жұмыс істеп жатыр.

«Астана-АЭК» (Аймақтық электржелілік компаниясы) коммуналдық қызмет тарифтерін көтеруге өтінім дайындап жатыр. Әзірге бағалар 2025 жылғы деңгейде қалып отыр.

Бағалар қалай өзгереді?

Елордада электр қуатына арналған тарифтердің 2026-2030 жылдарға арналған жаңа бағасы бекітілді. Реттеуші органның шешіміне сәйкес, тариф жыл сайын кезең-кезеңімен өсіп отырады:

2026 жылы – 1 кВт/сағ үшін 8,86 теңге (2025 жылы – 7,53 теңге);
2027 жылы – 9,31 теңге;
2028 жылы – 9,71 теңге;
2029 жылы – 10,12 теңге;
2030 жылы – 10,56 теңге.

Осылайша, тарифтерді жыл сайын жоспарлы түрде көтеру қарастырылған. «Астана-АЭК» хабарлағандай, алғашқы баға өсімі 2026 жылдың маусым айында болуы мүмкін.

«Қазіргі уақытта «Астана-АЭК» АҚ энергиямен жабдықтау қызметтерінің тарифін көтеруге өтінім дайындап жатыр...

Семей қаласында Қазақстанның Халық әртісі Мақпал Жүнісованың шығармашылығына арналған мерекелік концерт өтті.

Кеш барысында Абай облысының әкімі Берік Уәли арнайы қатысып, өнер иесіне шынайы құрмет көрсетті. Аймақ басшысы сахнаға шығып, Мақпал Жүнісованың иығына шапан жауып, оның қазақ өнеріне қосқан елеулі үлесі мен шығармашылығына жоғары баға берді.

«Ән атасы Әмірені тудырған текті топырақ, тұңғыштар мекені – Абай еліне қош келдіңіз! Сізді Абай елі ерекше құрметтейді, қадірлейді. Былтыр ұлы Абайдың 180 жылдығына орай Қарауылда өткен концертке біздің шақыруымызды қабыл алып, арнайы келіп, елдің ықыласына бөленген едіңіз. Биыл үлкен сахнада жүргеніңізге 45 жыл екен. Осындай мерейлі мерекеде Абай еліне...

Полиция жыл басынан бері 900-ден астам қару тәркілеген. Оның ішінде қаңтар оқиғасы кезінде ұрланған 74 қару бар.

Сондай-ақ айналымнан төрт мыңнан астам оқ-дәрі алынған.

Polisia.kz хабарлауынша, Ішкі істер министрлігі құқықтық тәртіпті қамтамасыз ету шараларын күшейтуді жалғастырып жатыр.

Оның ішінде заңсыз айналымдағы қаруды тәркілеу жұмыстары да бар

27-29 сәуір аралығында елде «Құқықтық тәртіп» республикалық жедел-алдын алу іс-шарасының екінші кезеңі өткізілген. Үш күн ішінде 67 дана атыс қаруы және түрлі калибрдегі 200-ден астам оқ-дәрі тәркіленді.

27 сәуір күні Алматы қаласында полиция қызметкерлері Сайран көлінің жағасынан қаңтар оқиғасы кезінде қару-жарақ дүкенінен ұрланған қаруды анықтады.

«Заңсыз сақталған...

Соңғы уақытта алтын бағасының бірден 17,78%-ға төмендеуі инвесторларды біраз алаңдатты. Алайда Halyk Finance сарапшылары бұл жағдайдан шошудың қажеті жоқ екенін айтады. Олардың пайымдауынша, бұл бағаның біржола құлдырауы емес, нарықтағы уақытша «дүрбелең» ғана.

Неге баға төмендеді?

Таяу Шығыстағы соғыс басталғанда ірі қаржы қорларына шұғыл түрде қолма-қол ақша қажет болды. Осы негізгі себеп. Олар өз міндеттемелерін жабу үшін қолдарындағы алтынды жаппай сата бастады.

Сонымен қатар Түркия Орталық банкінің бірден 50 тонна алтынды нарыққа шығаруы да бағаның төмендеуіне әсер етті. Яғни экономикалық трендтің өзгеруі емес, тек уақытша қолма-қол ақша тапшылығынан туындаған құбылыс.

Танымал блогер Daricorn (Дариға Нұркеева) желідегі шулы оқиғалардан кейін тыңдармандарына жаңа туындысын ұсынды. «Бетперде» атты әні мен бейнебаяны жарыққа шыға салысымен, әлеуметтік желіде талқыға түсті.

Көптеген тыңдарман әнді блогердің жеке өміріндегі соңғы өзгерістермен байланыстырып отыр. Әсіресе, Дарикорн мен оның жолдасы Дархан Жолшыбековтің қарым-қатынасы туралы қауесеттердің көбеюі, тіпті «олар ажырасып кетті ме» деген сауалдардың туындауы әнге деген қызығушылықты арттыра түсті. Әңгіменің таралуына Жүзефинаның жуырда берген шулы сұхбаты түрткі болған еді.

Бейнебаянды тамашалағандар Дариғаның бұл әнін оның ішкі жан-дүниесінің айқайы, өміріндегі күрделі кезеңнің бейнесі ретінде қабылдап отыр.

«Бейнебаян арқылы ешкімге сенбеу керегін түсіндім. Соңында өзіңмен-өзің қалып...

Қатты жауын салдарынан шатырынан су кеткен Алматы әуежайы әкімшілік жауапкершілікке тартылды. Бұл туралы Көлік министрлігінің Азаматтық авиация комитеті хабарлады.

Ведомство мәліметінше, министрлік басшылығы Алматы халықаралық әуежайының әкімшілігімен және құқық қорғау органдарымен бірлесіп, терминал шатырының су басу фактісіне байланысты шұғыл кеңес өткізді. Соның нәтижесінде әуежайды Әкімшілік құқық бұзушылық туралы кодекске сәйкес жауапкершілікке тартты. Нақты айтқанда техникалық мәселеге жетекшілік ететін аға вице-президент Мехмет Гюзельге тәртіптік жаза қолданылды.

«Әуежай жолаушылардан келтірілген қолайсыздықтар үшін кешірім сұрады. Қазіргі уақытта анықталған кемшіліктерді жою бойынша шаралар күшейтіліп, барлық қажетті жұмыстар жедел режимде жүргізіліп жатыр», – деп жазылған комитет хабарламасында.

Шатырды жөндеу...

5 мамырда таңертең Өскемен қаласында «Қазмырыш» компаниясының металл балқыту зауыты өртенді. Тоғыз адам зардап шеккен. Үшеуінің жағдайы ауыр екені хабарланды.Төтенше жағдайлар министрлігінің мәліметінше, өндіріс цехында шаңнан тазарту құрылғысы жарылған.

«Қазмырыштағы» жарылыс

Шұғыл штаб құрылды. Жарылыс «Қазмырыш» компаниясының металл балқыту цехында болған. Нысан Өскемендегі Промышленная көшесінде орналасқан. Мұнда мыс, бағалы металдар және қорғасын балқытылады.

Құтқарушылар сейсенбі күні сағат 9:35-те өрт оқшаулағанын хабарлады. Алдын ала мәлімет бойынша, оқыс оқиғадан тоғыз адам зардап шеккен. Үш адамның жағдайы ауыр екені мәлім. Оқиға орнында 40 құтқарушы жүр. 10 техника тартылған. Өрт аумағы анықталып жатыр.

Ал сағат 10:42-де өрт...

Ресей қорғаныс министрлігі 9 мамыр жеңіс күніне орай екі күндік уақытша бітім жариялады. Көп ұзамай Украина президенті Владимир Зеленский де фронтта «тыныштық режимін» енгізетінін мәлімдеді, бірақ оның мерзімдері ресейлік тарап ұсынған уақыттан өзгеше.

Ресейдің ұсынысы

Ресей Қорғаныс министрлігінің ресми мәлімдемесіне сәйкес, Путиннің шешімімен уақытша бітім 8 мамыр сағат 00:00-ден бастап 9 мамырдың аяғына дейін әрекет етеді.

Украинаның жауабы

Ресейлік ведомствоның мәлімдемесінен кейін көп ұзамай Украина Президенті әлеуметтік желілердегі парақшасында жауап қатты. Ол Киевтің Ресейден соғыс қимылдарын тоқтатудың шарттары туралы ешқандай ресми өтініш алмағанын баса айтты.

Дегенмен Зеленский Украинаның фронтта 6 мамырға қараған түнгі сағат 00:00-ден бастап жеке «тынышты...