Жаңалықтар

2026 жылғы сәуір айында Қазақстан мұнай мен консентаты өндірісін наурызбен салыстырғанда 16%-ға арттырды. Бұл туралы Reuters дереккөздер мәліметіне сүйене отырып хабарлайды.

Әлемдегі мұнайдың 2%-дан астамын беретін Қазақстан екінші тоқсанның алғашқы айында ірі кен орындарындағы өндірісті күшейтті. Reuters дереккөзінің мәліметінше, сәуірде шикізат алу көрсеткіші тәулігіне 2,17 млн баррельге дейін ұлғайды. Салыстырар болсақ, наурыз айында тәулігіне 1,87 млн баррель мұнай мен газ өндірілген.

Reuters елдегі ең ірі кен орны – Теңізде мұнай өндірісі көбейгенін атап өтті. Мұнда, дереккөздер мәліметінше, өндіріс тәулігіне 973 мың баррельге дейін жетіп, 39%-ға ұлғайған.

Айта кетейік, биыл қаңтар айында Каспий теңізінің қайраңынан мұнай алатын Теңіз кен...

Лондонда (Ұлыбритания) өтіп жатқан үстел теннисінен командалық әлем чемпионатында Қазақстан ерлер құрамасы сенсация жасап, тарихи нәтижеге қол жеткізді.

Ұлттық құрама 1/16 финал кезеңінде Испания командасымен кездесіп, тартысты өткен матчта 3:1 есебімен басым түсті. Осы жеңістің арқасында отандық теннисшілер өз тарихында алғаш рет әлем біріншілігінің 1/8 финалына жолдама алды.

Матч қалай өтті?

Кездесу қазақстандықтар үшін сәтті басталды:

Қазақстанда 2025-2026 жылдардағы жылыту маусымы ірі кемшіліксіз өтті, деп хабарлады Үкімет. Бұл туралы Үкімет отырысында премьер-министрдің бірінші орынбасары Роман Склярдың төрағалығымен өткен кеңесте белгілі болды.

Отырыс барысында күзгі-қысқы кезеңнің қорытындысы, жөндеу науқанының барысы және проблемалық мәселелерді жою шаралары қаралды. Жүйелі жұмыстың арқасында жылыту маусымы тұрақты режимде өткені, ал тұтынушылар электр және жылу энергиясымен толық көлемде қамтамасыз етілгені атап өтілді.

2025 жылы электр станцияларында 10 энергия блогы, 63 қазандық және 39 турбина жөнделді. Электр желілері кешенінде 17 мың шақырым электр беру желілері мен 420 қосалқы станция жөндеуден өтті, сондай-ақ, 323 шақырым жылу желілері реконструкцияланып, ауыстырылды.

Келесі жылыту маусымына дайындық аясында...

Германияның Лейпциг қаласының орталығындағы жаяу жүргіншілер аймағында автокөлік топ адамды қағып кетті. Салдарынан екі адам қаза тауып, бірнешеуі жараланды, деп хабарлайды DW.

Лейпцигтің обербургомистрі Буркхард Юнг (Burkhard Jung) екі адамның қаза тапқаны және бірнеше адамның зардап шеккені туралы ақпаратты растады.

Тағы екі адам ауыр жарақат алды, деп мәлімдеді Лейпциг өрт сөндіру қызметінің бастығы Аксель Шу (Axel Schuh). Оның мәліметінше, тағы 20 адам зардап шеккен.

«Жүргізуші ұсталды және қазіргі уақытта одан ешқандай қауіп төніп тұрған жоқ», – деп мәлімдеді Лейпциг полициясы.

Қазіргі уақытта бұдан өзге толық ақпарат жарияланған жоқ.

Жүргізуші Лейпциг орталығында жоғары...

Қазақ КСР-нің еңбек сіңірген әртісі Меруерт Өтекешова продюсер Баян Алагөзованың қолына түскен «Қыз Жібектің» қамзолына қатысты пікір білдірді. Бұл туралы Мая Бекбаеваға берген сұхбатында айтқан.

Өтекешованың айтуынша, Кеңес Одағы ыдыраған тұста «Қазақфильмнен» көптеген киімдер жоғалған. Сондықтан ол бұл қамзолды іздемеген. Ол қамзолды фильмнен кейін осы 2026 жылы Алагөзова кигенде елмен қатар көрген. Дегенмен әртіс Алагөзованың костюмді кигеніне түсіністікпен қарайтынын жеткізді.

«Кез келген шығармашыл адам ондай тарихи құндылықты көрген кезде оған қызығушылықпен қарайтыны белгілі. Оның үстіне өзіне шақ болса киіп көргенде де айып жоқ», – деді Өтекешова.

Қазақстанның барлық өңірінде жаңбыр жауады. «Қазгидромет» 5 мамырға ауа райы болжамын ұсынды.

Алматы облысы Қарасай ауданының Тұрар ауылында бір топ жасөспірім арасында төбелес болып, салдарынан қатысушылардың бірі пышақ жарақатын алған.

Бұған дейін әлеуметтік желілерде оқиғаның видеосы тараған. Онда жастар арасындағы сөз таластың жаппай төбелеске ұласқаны көрінеді. Жанжал кезінде қатысушылардың бірі екіншісіне пышаққа ұқсас затпен шабуыл жасайды.

Алматы облысының полиция департаменті аталған факті бойынша «бұзақылық» бабымен қылмыстық істер қозғалғанын хабарлады. Барлық күдіктілер уақытша ұстау изоляторына қамалды.

«1 мамырда Алматы облысы Қарасай ауданы Тұрар ауылының тұрғыны пышақ жарақатымен ауруханаға жүгінді. Оның жарақатты туған күн тойлау кезінде жергілікті тұрғындармен туындаған тұрмыстық жанжал барысында алғаны анықталды. Қылмыстық істер екі тарапқа қатысты да...

Қарағанды облысындағы Жаңа Қарағанды станциясында пойыз жол жөндеушіні қағып, ол алған жарақаттарынан қайтыс болды, деп хабарлады «Қазақстан темір жолы» компаниясының баспасөз қызметі.

Оқиға 3 мамырда сағат 02:03-те болған.

«Оқиға туралы ақпарат дереу Қарағанды-Сұрыптау станциясындағы желілік полиция бөліміне берілді. Жауапты басшы – компанияның бас инженерінің жедел түрде оқиға орнына баруы ұйымдастырылды», – деп хабарлады КТЖ-дан.

Тексеру қорытындысы бойынша оқиғаға құқықтық және өндірістік баға берілетін болады.

Айта кетейік, ақпан айында Шымкентте теміржол күзетінің қызметкері жолаушылар пойызының астына түсіп қайтыс болған еді.

Астанада эвакуатор қоғамдық көлік аялдамасын соқты. Ақпаратты қалалық полиция департаменті растады.

Ақпаратқа сүйенсек, жол-көлік оқиғасы бүгін, 4 мамырда Айтматов көшесінде болған. Жүргізуші рөлге ие бола алмай, аялдама павильонына және басқа да инфрақұрылым нысандарына соғылған.

«Жол-көлік оқиғасы салдарынан зардап шеккендер жоқ. Жүргізуші келтірілген шығынды өтей отырып, әкімшілік жауапкершілікке тартылды», – делінген хабарламада.

Полиция жүргізушілерді жол қозғалысы ережелерін қатаң сақтауға және жолдарда мұқият болуға шақырды.

Елорда төріндегі «Сарыарқа» велотрегінде 15-17 мамыр аралығында велоспорттан Silk Way Series Astana халықаралық жарысы жалауын желбіретеді.

Алдағы турнирде айтулы елдердің кіл мықтылары бақ сынайды. Атап айтқанда, байрақты бәсекеге Қазақстан, Армения, Литва, Грекия, Әзербайжан, Ресей және Беларусь мемлекеттерінен келген спортшылар қатысады деп жоспарлануда.

Silk Way Series Astana турнирі – спортшылар үшін шеберлік байқасып қана қоймай, халықаралық деңгейде тәжірибе алмасуға мүмкіндік беретін маңызды дода. Елорда тұрғындары мен қонақтары үш күн бойы тректегі жоғары жылдамдық пен тартысты бәсекенің куәсі бола алады.

Айта кетейік, еліміздің бас велотрегі – «Сарыарқа» мұндай ірі халықаралық іс-шараларды жоғары деңгейде қабылдауға толық дайын. Жарыс бағдарламасы бойынша үздік шыққан спортшылар жеңіс...

Немістер бұрын-соңды болмаған қадамға дайындалуда. 2026 жылдың жазында бензин қозғалтқышы бар Porsche Macan-нан бас тартпақ. Сонымен қатар, Қазақстанда да танымал кроссовердің толыққанды баламасы кем дегенде 2028 жылға дейін болмайды, деп жазады Сarscoops.

Соңғы тираж 

Porsche қаржы директоры Йохен Брекнердің айтуынша, өндірістің соңғы кезеңі көлем үшін күреске айналады. Лейпцигтегі зауыт өндірісті тоқтатып, бірақ «Макандар» нарыққа 2027 жылға дейін шыға береді.

«Соңғы айда біз мүмкіндігінше көп көлік шығарамыз. Әрине, фактордың бірі – өндірістік қуаттылық, бірақ олар шектеу емес. Тағы бір мәселе – жеткізушілердің құрамдас бөліктері», – деді Брекнер.

Енді комплектация таңдау мүмкін болмайды, сатып алушыларға қоймада...

Қарқаралы ауданындағы ұлттық паркте вандализмге қатысты кезекті дау туындады. Жартастарды тазарту бойынша жүргізілген ауқымды жұмыстардан кейін бірнеше күн өтпей жатып, тастарда қайтадан жаңа жазу пайда болды.

Қарқаралы мемлекеттік ұлттық табиғи паркі аумағында вандализм дерегі қайта тіркелді. Белгісіз тұлғалар жартастарға жазу қалдырып, еріктілер жақында ғана тазалаған табиғи ландшафтты бүлдірген.

Бұған дейін 29 сәуірде ауқымды экологиялық акция өтіп, ондаған ерікті мен белсенді таулы аймаққа барып, туристер қалдырған көптеген жазуды өшірген. Алайда, бірнеше күннен кейін, яғни 2 мамырда тазартылған тастарда жаңа суреттер мен есімдер пайда болды.

Бұл жағдай аймақ тұрғындары мен қоғам белсенділерінің ашуын туғызды. Экологиялық акцияға қатысушылардың айтуынша, кейбіреулер табиғи мұраны...

Қазақстанда ерлер үшін зейнет жасын көтеру жоспарланбаған, алайда әйелдер үшін кезең-кезеңімен 63 жасқа дейін өседі. Бұл туралы Еңбек және халықты әлеуметтік қорғау министрлігі Kursiv.Media сауалына берген жауабынан белгілі болды.

Ведомство өкілдері зейнетақы төлемдері ерлерге 63 жасқа толғанда, ал әйелдерге 61 жастан бастап тағайындалатынын еске салды.

«Ерлер үшін зейнет жасын ұлғайту жоспарланбаған. Әйелдерге келетін болсақ, 2028 жылғы 1 қаңтардан бастап 2031 жылға дейін заңмен бекітілген зейнет жасын кезең-кезеңімен (жарты жылдан) арттыру жалғасады», – делінген жауапта.

Кесте мынадай:

FlyArystan әуе компаниясы 7 мамырдан бастап ұшақ бортына қосалқы аккумуляторларды (power bank) алып кіруге қатысты жаңа ережелерін енгізеді.

«7 мамырдан бастап Қазақстанның авиациялық әкімшілігінің талаптарына сәйкес FlyArystan әуекомпаниясының рейстерінде қосалқы аккумуляторларды (power bank) тасымалдау ережелеріне өзгерістер енгізілетінін хабарлаймыз«, – деп мәлімдеді компания.

Жаңартылған ережелерге сәйкес, power bank тасымалдау олардың қуатына байланысты болады:

Сонымен қатар бір жолаушыға екі қосалқы аккумуляторды тасымалдауға рұқсат етіледі.

Әуе компания power...

Орал қаласында заманауи цифрлық технологиялар пробациялық бақылау талаптарын бұзған 36 жастағы ер адамды анықтап берді.

Polisia.kz хабарлауынша, сот шешімі бойынша, бас бостандығы шектелген азаматқа сағат 22:00-ден кейін ойын-сауық орындарына баруға тыйым салынған. Алайда ол бұл талапты елемеген.

Құқық бұзушылық қаланың түнгі клубтарының біріндегі бейнебақылау камерасы арқылы тіркелген. Бейнеаналитика жүйесі бет-әлпетті тану функциясы арқылы келушінің бейнесін байқаған. Оны есепте тұрған тұлғалар базасымен автоматты түрде салыстырып, сәйкестікті анықтаған.

Дабыл бірден Жедел басқару орталығына түскен. Бірнеше минут ішінде патрульдік полиция қызметкерлері ер адамның жеке басын анықтап, оны ұстап, полиция бөліміне жеткізді.

Тексеру барысында азаматтың Батыс Қазақстан облысында пробациялық бақылауда екені және...

Алматыда өтіп жатқан GITEX AI форумында цифрлық даму министрі Жаслан Мәдиев Екібастұздағы «Data Center Valley» жобасының мән-жайын түсіндіріп өтті.

Мәдиевтің сөзінше, жоба аясында жасанды интеллектке арналған қуатты есептеу хабы құрылады. Оның басты мақсаты – энергияны экспортталатын цифрлық өнімге айналдыру арқылы «токендер экономикасын» ілгерілету. Министрдің айтуынша, есептеу хабының инфрақұрылым 1 гигаваттқа дейінгі жүктемені көтере алады.

Ең басты артықшылық – ЖИ есептеу хабы тұтынатын энергия бағасы өте арзан болады, тіпті АҚШ пен Еуропа елдерімен салыстырғанда да төмен болмақ. Бұл Қазақстанның жаһандық технологиялық нарықтағы бәсекеге қабілеттілігін арттырады.

«Екібастұз қаласында токендер экономикасын ілгерілету үшін жасанды интеллекттің есептеу хабын құрып жатырмыз. Мұндағы...

2025 жылдан бері республиканың бірқатар өңірінде алтын ұрлығы мен заңсыз кен өндіруге қатысы бар 1400-ден астам адам жауапкершілікке тартылып, заңсыз айналымнан 12 тоннадан астам алтын құрамды материал тәркіленді.

Биыл полиция Жамбыл облысындағы «Ақбақай» тау-кен байыту комбинаты аумағынан алтын құрамды кенді заңсыз өндіру, өңдеу және ұрлаумен айналысқан ұйымдасқан қылмыстық топқа қатысты сотқа дейінгі тергеп-тексеруді аяқтады.

«Қару-жарақ, ірі көлемдегі қаражат, байланыс құралдары және автокөліктер тәркіленді. Тергеу жүргізіліп, келтірілген залал анықталып жатыр. Кәсіпорынның күзет және қауіпсіздік қызметінің қызметкерлері заңсыз әрекеттерге қатысы бар-жоғы тексеріліп жатыр», – деп хабарлады Ішкі істер министрлігі.

Ресми дерек бойынша Жамбыл, Ұлытау және...

АҚШ президенті Дональд Трамп Еуропалық Одақ елдерінен әкелінетін жеңіл және жүк көліктеріне кедендік баж салығын жақын арада 25%-ға дейін көтеретінін мәлімдеді.

Ол баж салығын көтеруге Еуропалық Одақтың сауда келісімдерін бұзуы түрткі болғанын айтты.

«Еуропалық Одақ біздің толық келісілген сауда келісімімізді сақтамай отырғанына байланысты, келесі аптада мен Еуропалық Одақтан АҚШ-қа әкелінетін жеңіл және жүк көліктеріне баж салығын арттырамын. Тариф мөлшерлемесі 25 пайызға дейін көтеріледі», – деп жазды Дональд Трамп Truth Social әлеуметтік желісінде.

Ол сондай-ақ АҚШ-та жасалған көліктерге аталған баж салығы салынбайтынын айтты.

Еске салайық, 2025 жылдың қыркүйегінде АҚШ пен Еуропалық Одақ сауда келісіміне...

Қостанайда жаяу жүргіншілер өткелінде адамды қағып өлтірген көлік жүргізуші 2 жылға сотталды.

Қостанай қаласының №2 сотында жол қозғалысы ережесін өрескел бұзып, абайсызда адамды қағып өлтірген көлік жүргізушісіне қатысты қылмыстық іс қаралды.

Кісі өлімі

«2025 жылғы желтоқсан айында Қостанай қаласында Е. «ВАЗ 2114» маркалы автокөлігін басқара отырып, Қобланды батыр даңғылы бойымен елдімекенде белгіленген жылдамдықтан асып қозғалып, реттелмейтін жаяу жүргіншілер өткелі арқылы өтіп бара жатқан Ш.-ны қағып кеткен. Жол-көлік оқиғасы салдарынан жәбірленуші оқиға орнында қайтыс болған», – делінген сот хабарламасында.

Тараптардың ұстанымы

Сот жарыссөзінде мемлекеттік айыптаушы сотталушыға 2 жыл 6 ай мерзімге бас бостандығынан айыру және 5 жылға...

2026 жылдың 1 сәуіріндегі дерек бойынша, Қазақстандағы халық саны 20 499 822 адамнан 20 547 909 адамға дейін өсті. Үш айдағы жалпы өсім 48 087 адамды құрады.

Оң динамика екі негізгі фактордың арқасында қалыптасты: оның ішінде табиғи өсім 42 879, ал көші-қон айырымы 5 208 адамды көрсетті.

Демек республика деңгейінде туу көрсеткіші өлім-жітімнен басым түсіп, елге келгендер саны кеткендерден артық болған.

2028 жылға қарай Қазақстандағы ауылдар сапалы интернетке қосылады. Бұл туралы Алматыда өтіп жатқан GITEX AI форумында цифрлық даму министрі Жаслан Мәдиев айтты.

Министр түсіндіруінше, сапалы интернет тарату үшін ауылдарға талшықты-оптикалық байланыс орнатылады.

«Цифрлық инфрақұрылым тұрғысынан алғанда, телеком инфрақұрылымын дамыту өте маңызды. Біз бірқатар ірі жобаларды бастадық. Соның бірі – Қазақстандағы ауылдардың 90 пайыздан астамына талшықты-оптикалық байланыс тарту.
Осылайша, 2028 жылға қарай ауылдардың 92–93 пайызы жоғары сапалы талшықты-оптикаға қол жеткізеді. Ал 2027 жылдың соңына қарай ірі қалалардың 60-75 пайызы 5G-мен қамтылады», – деді ол.

Каспий теңізі түбінен өтетін оптикалық желі іске қосылады

Жаслан Мәдиев форум ашылуында сөйлеген...

Жамбыл облысында қайыр сұрауды әдетке айналдырған жасөспірімнің анасы жауапкершілікке тартылды.

Жамбыл соттарының мәліметінше, кәмелетке толмағандардың істері жөніндегі мамандандырылған ауданаралық соты әйелге қатысты әкімшілік құқық бұзушылық туралы істі қараған.

Анасының жауапкершікке тартылуына кәмелетке толмаған баласын тәрбиелеуге қатысты міндеттерді орындамауы себеп болған.

Оның 16-ға толмаған ұлы Тараз қаласында бағдаршамда жүргізушілерден ақша сұрап, қайыршылықпен айналысып жүрген. Оны полиция қызметкерлері ұстаған. Бала кәмелет жасына толмағандықтан, хаттама оның анасының атына толтырылды.

Жамбылдық әйел кінәсін толық мойындап, ұлының ісіне өкініш білдірді.

Сот қаулысымен қайыршы ұлдың анасы «кінәлі» деп танылып, оған 60 мың теңге көлемінде айыппұл тағайындалды. Қаулы заңды күшіне енген жоқ.

Бұған дейін, шетелден келген...

«Бенқала» тау-кен компаниясының» басшылығына 2025 жылы төленген сыйақы мөлшері жарияланды. Ресми мәліметке сүйенсек, кәсіпорынның атқарушы органы бір жыл ішінде шамамен 74 млн теңге тапқан.

Аталған компанияда басқару жүйесі жеке-дара принципке негізделген, яғни барлық жауапкершілік бір басшыға жүктелген. Компания тізгінін 2019 жылдың соңынан бері Бекболат Ақжолов ұстап отыр. Оның қызметі мен құзыреті арнайы заңнама және компания жарғысымен реттеледі.

Компания акцияларының басым бөлігі, яғни 70 пайызы нидерландық «Amros Group B.V.» компаниясына тиесілі болған. Бұл шетелдік құрылымды түпкілікті бақылаушы тарап ретінде Наталья Смирнова иеленіп келген. Сонымен қатар кәсіпорын капиталының 20 пайыздық үлесі В.В. Жұманбаевқа, ал қалған 10 пайызы Д.М. Оразаевқа тиесілі еді.

Алайда...

«Қазақтелеком» акционерлері дивиденд көлемі туралы маңызды шешім қабылдады. Былтыр Tele2 брендін 1,1 млрд долларға сатқан компания акционерлерге бар болғаны 7,6 млн доллар беретін болды.

Акцияларының 91,28%-ы «Самұрық Қазына» ұлттық әл-ауқат қорына тиесілі «Қазақтелеком» 30 сәуірде Астанада жыл қорытындысына арналған жалпы отырысын өткізді. Акционерлер жиналысында таза пайданы бөлу мәселесі қарастырылды.

Акционерлер қабылдаған түпкілікті шешімде төленетін дивиденд көлемі 3,53 млрд теңге, яғни шамамен 7,6 млн доллар деп белгіленді. «Қазақтелекомның» былтырғы таза табысының 15%-ы акционерлерге төленеді делінгенімен, оған «Мобайл Телеком-Сервис» компаниясын (Tele2 және Altel брендтері) сатудан түскен пайда кірген жоқ.

Айта кетейік, «Қазақтелеком» 2025 жылғы қаңтарда «Мобайл Телеком-Сервис» компаниясының 100% үлесін сатуды аяқтады...