Жаңалықтар

Премьер-Министр орынбасары – Ұлттық экономика министрі Серік Жұманғарин мектеп оқушыларын тамақтандыруға мемлекеттен қанша қаржы бөлінетінін мәлім етті. Бұл туралы ол депутаттардың сауалына берген жауабында айтты.

Оның айтуынша, азық-түлік бағасы өңірлер арасында да, сондай-ақ жекелеген облыстардың ішінде де айтарлықтай айырмашылыққа ие.

«Мектептегі тамақтану құны әр өңірдегі баға айырмашылығы мен экономикалық мүмкіндіктерді ескере отырып белгіленеді. Білім беру ұйымдарында ұсынылатын тағамдар мен өнімдердің бағасы қолданыстағы ережелерге сәйкес, инфляцияның қазіргі деңгейін ескере отырып белгіленеді. 2026 жылғы 1 қаңтардан бастап жергілікті атқарушы органдар баға өзгерісі мен статистикалық деректер негізінде мектептегі тамақтану құнын қайта қарады», – делінген жауапта.

Қазақстанның жиынтық халықаралық резервтері, Ұлттық банк пен Ұлттық қордың активтерін қоса алғанда, 140 млрд долларға жуықтады. Бұл көрсеткіш 2022 жылдан бері тоқтаусыз өсіп келеді. Тек 2026 жылдың алғашқы екі айының өзінде қордағы қаржы 7,4%-ға артқан. Halyk Finance сарапшылары резервтегі алтынның үлесі артып, қымбат металға деген тәуелділік артып барады деп тұжырымдайды.

Алтынға деген тәуелділік артып барады

Резервтердің өсуіне негізінен алтын бағасының қымбаттауы және Ұлттық банктің бұл асыл металды белсенді сатып алуы себеп болған. Алайда мұның екінші жағы да бар: Қазақстанның жинағы алтынға тым қатты байланып тұр.

Мәселен, 2024 жылдың соңында резервтегі алтынның үлесі 52% болса...

Бүгін, 3 сәуір күні сағат 11:30 шамасында Алматы облысының Райымбек ауданында республикалық маңызы бар «Кеген – Нарынқол» автожолының 20 шақырымында жол төсемі опырылып түсті. Бұл туралы Райымбек ауданының әкімдігі хабарлады.

Оқиғаның мән-жайы

Еріген қар суын өткізу кезінде қолданыстағы су өткізгіш құбыр зақымдалып, соның салдарынан жолдың жер төсемі шайылып кеткен. Айта кетерлігі, жолдың бұл учаскесі бұған дейін су тасқыны қаупі бар аймақтар тізіміне кірмеген.

Аталған жол 1960–1970 жылдары салынған. Қазіргі уақытта мұнда орташа жөндеу жұмыстары жүріп жатқан еді. Бұл бағытта тәулігіне орта есеппен 500-ге жуық көлік қатынайды. Қазіргі уақытта зақымдалған учаскеде көлік қозғалысына уақытша шектеу қойылды.

Қабылданып жатқан шаралар

Kursiv Media зерттеуіне сәйкес, 2025 жылдың төртінші тоқсанында Қазақстандағы орташа айлық атаулы жалақы 473 158 теңгеге жетіп, 2024 жылдың тиісті кезеңімен салыстырғанда 8,8%-ға өскен. Алайда қағаз жүзіндегі бұл оптимистік көрсеткіш қазақстандықтардың нақты тұрмыс жағдайын толық көрсете алмайды.

Қағаз жүзіндегі өсім және шынайы көрініс

Статистика бюросының мәліметінше елдегі жалақының медианалық мәні небәрі 339 912 теңгені құрады. Бұл жұмыс істейтін халықтың тең жартысы осы сомадан аз табыс табады деген сөз. Орташа және медианалық жалақы арасындағы 130 мың теңгеден астам айырмашылық табыс теңсіздігінің жоғары екенін анық көрсетеді.

2025 жылы еңбек нарығындағы басты әрі ең алаңдатарлық тренд...

2 сәуір күні Бас прокурор Берік Асыловтың төрағалығымен өткен алқа отырысында еліміздің пенитенциарлық жүйесін түбегейлі реформалау мәселелері талқыланды. Жиынға Парламент депутаттары мен бірнеше министрлік басшылары қатысып, сотталғандарды қайта тәрбиелеу мен инфрақұрылымды жаңартудың жаңа тетіктерін айқындады.

Азаптау азайды, еңбекке тартылу артты

Бас прокуратураның мәліметінше, азаптау фактілері күрт төмендеген: 2023 жылғы 26 деректен 2025 жылы 3 дерекке дейін азайды. Еңбекпен қамту көрсеткіші өсті. Жазасын өтеушілердің 70%-ы жұмыспен қамтылған (бұрын 50% болатын). Қайталама қылмыс азайды: пробация бақылауындағылар арасында қылмыстың қайталануы 20%-ға төмендеген.

Жеке инвесторлар түрме сала ма?

Отырыстағы ең маңызды жаңалықтардың бірі түзеу мекемелерін салуға жеке капиталды тарту. Халықаралық тәжірибеге сүйене...

3 сәуірде Қазақстан қор биржасында (KASE) Астана уақытымен сағат 13:00-дегі мәлімет бойынша 1 доллар 468,70 теңге болды. Ұлттық валюта бүгін де тағы бірнеше теңгеге нығайды.

Төл теңге бір жарым айдан бері үздіксіз күшейіп келеді. Соңғы рет дәл қазіргідегідей төмен бағам KASE-де 2024 жылғы 17 маусымда тіркелген. Былтыр күзде ғана ұлттық валюта 550 теңгеге дейін құнсызданып, қайта нығайған.

Бір күн бұрын, бейсенбі күні биржадағы валюта саудасы 472,65 теңгемен жабылған еді. Содан бері доллар шамамен тағы 3 теңгеге арзандағанын көріп отырмыз.

Жұма күні түсте Қазақстандағы екінші деңгейлі банктер долларды 470 теңгеден төмен бағаға саудалап жатыр.

Елдегі валюта айырбастау мекемелерінде де доллар арзан...

«Тұран» футбол клубының миллионер қожайыны Дінмұхамед Ыдырысов Түркістан облысының әкімі Нұралхан Көшеровке оныншы нөмірлі жейде табыстады. Ordabasy Group қожайыны Бірінші лигада ойнайтын клубты жақында 1,1 млн теңгеге сатып алған.

2 сәуірде «Түркістан Арена» стадионында жергілікті «Тұран» клубы ел біріншілігі аясында «Оңтүстік Академия» командасын қабылдады. Матчқа облыс әкімі Нұралхан Көшеров те жанкүйер ретінде қатысты. Ойын қарсаңында клубтың жаңа қожайыны Дінмұхамед Ыдырысов өңір басшысына шабуылшы жейдесін тапсырды.

«Мемлекет басшысы Қасым-Жомарт Тоқаев Ұлттық құрылтайда жергілікті футбол клубтарын жекешелендіру және оларды бәсекелестік ортаға беру жөнінде нақты тапсырмалар берді. Осы маңызды бастаманы қолдап, өңіріміздің басты командасын одан әрі дамытуды...

Президент Қасым-Жомарт Тоқаев Қарулы Күштердің Десанттық-шабуылдау әскерлерінің қолбасшысы мен «Астана» өңірлік қолбасшылығы әскерлерінің қолбасшысын тағайындау туралы өкім шығарды.

«Махсут Курманалиевич Гусейнов Қазақстан Республикасы Қарулы Күштерінің Десанттық-шабуылдау әскерлерінің қолбасшысы болып тағайындалды, ол бұрынғы атқарған лауазымынан босатылды. Бағлан Әбдіжәлелұлы Өсербаев «Астана» өңірлік қолбасшылығы әскерлерінің қолбасшысы лауазымына тағайындалды», –  делінген Ақорда хабарламасында.

Өмірбаяны

Махсут Гусейнов 1977 жылдың 30 желтоқсанында Түркістан облысы Бұған ауданындағы Шұбар ауылында дүниеге келген. Қазақстан Қарулы Күштерінің әскери академиясын және Ұлттық қорғаныс университетін тәмәмдаған. Ол Құрлық әскерлерінің Десанттық-штурмдық әскерлерін басқарушының орынбасары – Жауынгерлік дайындық басқармасының бастығы қызметін атқарған.

Бағлан Өсербаев «Батыс» және «Астана...

Шығыс Қазақстан облысы әкімінің бұрынғы орынбасары Жақсылық Омар жемқорлыққа қатысты айыпты деп танылып, темір торға тоғытылды.

Сот үкімі: жаза мен шектеулер

Сот іс материалдарын жан-жақты қарап, Жақсылық Омаров 6 жыл мерзімге бас бостандығынан айырды. Жазаны қылмыстық-атқару жүйесінің орташа қауіпсіздік мекемесінде өтейтін болады.

Ол өмір бойына мемлекеттік қызметте, судьялық лауазымдарда және квазимемлекеттік секторда жауапты қызметтер атқару құқығынан айырылды.

Сот үкімімен оның меншігіндегі Toyota маркалы автокөлігі мемлекет пайдасына тәркіленді.

Істің мән-жайы

Жақсылық Омарға мемлекеттік қызметтегі өкілеттігін асыра пайдаланды және қаржылық заңсыздықтарға жол берді деген айыптар тағылған еді. Тергеу барысында оның заңсыз әрекеттері толық дәлелденіп, сот оны ауыр сыбайлас...

Ресейде Челябі – Мәскеу бағытындағы жолаушылар пойызының жеті вагоны Ульянов облысында рельстен шығып кетті.

Пойыз құрамында барлығы 15 вагон, оның ішінде 415 адам болған. Mash дерегінше, оқиға Чердаклы ауданындағы Бряндино станциясы маңында болған.

Алдын ала мәлімет бойынша, пойыз аударылғаннан кейін кемінде екі адам сүйегі сынып жарақат алған. Барлық жолаушы эвакуацияланды. Пойызға Челябі облысының 157 тұрғыны отырған. Оның ішінде 65-і балалар.

Соңғы мәліметтерге сәйкес, зардап шеккендер саны 23 адамға жетті. Олардың төртеуі – балалар. Көпшілігінің жарақаты жеңіл және орташа деңгейде. Барлығы оқиға орнынан шамамен 40 шақырым жердегі ауруханаға жеткізіліп жатыр. Бұл туралы Ульянов өңірлік апаттар медицинасы орталығы хабарлады.

Апатқа байланысты...

Қазақстандық боксшы Төрехан Сабырхан Моңғолия астанасы Ұлан-Батыр қаласында өтіп жатқан Азия чемпионатында жартылай финалға жолдама алды.

70 келіге дейінгі салмақ дәрежесінде өткен ширек финалда отандасымыз тәжікстандық Шамшер Саидов қарсыласымен жұдырықтасты. Үш раунд қорытындысы бойынша Төрехан 4:1 есебімен сенімді жеңіске жетті.

Осы нәтижесінің арқасында қазақстандық боксшы кем дегенде қола жүлдені қамтамасыз етті. Енді ол финалға шығу үшін таласады.

Айта кетейік, бұған дейін Қазақстан құрамасынан Оразбек Асылқұлов (60 келіге дейін) пен Ертуған Зейнуллинов (65 келіге дейін) те ширек финал кезеңіне өткен болатын.

Сондай-ақ, бүгін, 3 сәуір түскі сессияда сағат 14:00 де Төреханның ағасы Махмұд Сабырхан шаршы алаңға шығады.

2 сәуір күні жарияланған деректерге сәйкес, өткен аптада Түркия Орталық банкінің алтын қоры 69,1 тоннаға азайып, 702,5 тоннаны құрады. Ирандағы соғыстың нарыққа тигізер зардабын азайтуға тырысқан биліктің әрекетінен соңғы екі аптадағы жалпы кему көрсеткіші 118 тоннадан асып жығылды.

Бұл – Орталық банк есеп бере бастаған 2013 жылдан бергі ең ірі апталық құлдырау. Резервтердің мұншалықты азаюы банктің лира бағамын ұстап тұру және шетел валютасының қорын толықтыру үшін алтынды сату немесе своп (swap) операцияларына пайдалану туралы шешімін айқындайды.

Түркияның алтын қоры азаюда

Үш бірдей банкирдің есептеуінше, өткен аптада Орталық банк шамамен 26 тонна алтын сатқан, ал 42 тоннасы своп-транзакцияларға жұмсалған. Ресми...

Қазақстандықтарға емхана қызметкерлері атынан үздіксіз қоңыраулар түсіп жатыр. Алайда бұл алаяқтардың тағы бір айла әдісі.

Хабарламалар әсіресе егде жастағы адамдарға дәрігерге барғаннан кейін келеді. Оларға қабылдауға жазылуды ұсынып, SMS арқылы келген кодты немесе басқа жеке деректерді беруді сұрайды. Мұндай жағдайлар елдің бірқатар өңірлерінде тіркелген.

«Денсаулық сақтау министрлігі белгісіз тұлғаларға SMS-кодтарды және жеке деректерді бермеуге, сондай-ақ күмәнді сілтемелерге өтпеуге шақырады. Осындай қоңыраулар болған жағдайда өз медициналық ұйымыңызға немесе полицияға хабарласу керек», – деп ескертті Денсаулық сақтау министрлігі.

Пациенттерге қандай жағдайда SMS-кодтар жіберіледі

SMS-кодтар eGov.kz порталы немесе eGov Mobile және медициналық ұйымдардың қосымшалары арқылы...

Өзбекстанның Ферғана қаласында 31 наурыз күні бір ер адам автонесие рәсімдеу үшін банкке барып, із-түзсіз жоғалып кеткен.

Kun.uz ақпаратына қарағанда, көп ұзамай банк қызметкері ұсталды. Ол клиентпен жанжалдасып, өлтіріп, оның мәйітін Үлкен Ферғана каналына тастағанын мойындады. Қазіргі уақытта мәйітті іздестіру жұмыстары жүргізіліп жатыр.

Екі сағаттан кейін жалғыз оралды

Жақындарының айтуынша, марқұм соңғы рет банк ғимаратынан банк қызметкерімен бірге шығып кеткен. Ал әлгі қызметкер екі сағаттан кейін жалғыз қайтып оралған.

Бас прокуратураның ақпарат қызметінің мәліметінше, тексеру барысында күдікті ретінде Қоқан қаласындағы банктердің бірінің несие бөлімінің маманы ұсталды. Ол клиентті өлтіргенін мойындаған.

Ас үй пышағы

Күдіктінің айтуынша, марқұм...

LEGO компаниясының жаңа жарнамасында әлем футболының төрт алыбы Криштиану Роналду, Лионель Месси, Килиан Мбаппе және Винисиус Жуниор бой көрсетті.

Видеоның сюжеті өте қызықты әрі символикалық: төрт футболшы текшелерден (лего-кірпіштерден) жасалған Әлем кубогының маңында жиналып, оның төбесіне өздерінің жеке мини-фигураларын қоюға тырысады. Бұл көрініс футболшылар арасындағы бәсекелестік пен Әлем чемпионы атағына деген ұмтылысты әзілмен әрі эстетикалық тұрғыда жеткізеді.

Бұл ролик 2026 жылғы Әлем чемпионатының (ЧМ-2026) қатысушыларына арналған жаңа жеке LEGO жинақтарының шығуына байланысты түсірілген. Енді әрбір жанкүйер өз кумирінің кішігірім көшірмесін жинап, коллекциясына қоса алады.

Еске сала кетейік, Әлем чемпионаты биыл 11 маусым мен 19 шілде аралығында АҚШ, Мексика, Канада...

Димаш Құдайберген продюсерлік ететін Voice Beyond Horizon музыкалық реалити-шоуы интернет платформаларында 1,5 млрд-тан астам қаралым жинады. Бұл туралы өнер иесінің командасы мәлім етті.

Жарияланған деректерге сәйкес, қаралымдар саны 1,59 млрд-қа жеткен, ал бағдарламаға қолдау көрсеткендер индексы 100%-ды құраған (CMMR).

Сонымен қатар, Димаштың шоуы Dengta, Vlinkage және Endata платформаларында рейтингте көш бастап тұр, ал кейбір қатысушылардың өнері 1 млн-нан астам қаралым жинаған.

Жоба авторлары бағдарламаның Қытайдың аймақтық спутниктік арналарында телевизиялық рейтингте тұрақты түрде бірінші орында екенін атап өтті. Сонымен қатар, шоу халықаралық әлеуметтік желілерде, соның ішінде YouTube пен TikTok платформаларында кеңінен таралуда.

Бұдан бөлек, жоба туралы 500-ден астам...

Қазақстан Үкіметі өзіне тиесілі «Байтерек» ұлттық инвестициялық холдингінің акцияларын сатып алу туралы шешім қабылдады. Бұл мақсатқа мемлекет бюджетінен 310,5 миллиард теңге бөлінеді.

Акцияларды орналастыру шарттары қандай

Холдинг жалпы саны 310 500 000 дана жай акция шығарады. Әрбір акцияның құны 1 000 теңге болып белгіленген. Акцияларды сату процесі басымдықпен сатып алу құқығы арқылы жүзеге асырылады.

«Байтерек» холдингінің жалғыз акционері Қазақстан Үкіметі болғандықтан, жаңадан шығарылған барлық акцияларды мемлекеттің өзі сатып алады. Бұл қадам холдингтің капиталын арттыруға бағытталған.

Үкіметтің кеңейтілген отырысында президент Қасым-Жомарт Тоқаев квазимемлекеттік сектордағы компаниялардың жұмысына сын білдірген. Алайда Рустам Қарағойшин холдинг қызметкерлері керісінше, жұмыста қарбалас...

Қытай «Тяньван 2026» операциясын іске қосты. Бұл жемқорлыққа күдікті қашқын шенеуніктерді ұстауды көздейді.

Синьхуа агенттігің ақпаратына қарағанда, Қытайда жемқорлықпен күрес жөніндегі орталық үйлестіру тобы құрылған. Оған қарасты қашқын қылмыскерлер мен заңсыз алынған мүлікті іздестіру кеңсесі жұмыс істейді.

«Аспан торы»

Аталған кеңсе «Тяньван 2026» («Аспан торы» 2026) кодтық атауымен операцияның басталғанын жариялады. Науқан жемқорлыққа қатысы бар қашқындарды іздеп табуға және заңсыз активтерді қайтаруға бағытталған.

Мұндай операция алғаш рет 2015 жылы іске қосылған.

Операция мақсаты не

2026 жылғы операция аясында мемлекет қызметін пайдаланып жасалған қылмыстардан түскен заңсыз қаражатты тәркілеу, шетелдегі экономикалық қылмыскерлерді қудалау, офшорлық компаниялар мен жасырын банктер...

Бүгін, 3 сәуір күні бірінші лиганың 1-туры аясында Алматыда жергілікті «Қайрат Жастар» командасы қарағандылық «Шахтёрді» қабылдайды.

Ойын сағат 15:00-де Тимур Сегізбаев атындағы «Қайрат» академиясының стадионында өтеді. Тікелей эфир: Матчты KFF League ресми YouTube арнасынан онлайн тамашалауға болады.

«Шахтёр» айналасындағы өзгерістер: Жаңа қожайын және бапкер ауыс-түйісі

Биылғы маусымда «Шахтёр» клубына ерекше назар аударылып отыр. Бұған бірнеше маңызды себеп бар:

Клубты танымал кәсіпкер Тимур Турлов сатып алды. Қаржылық тұрақтылық пен жаңа басшылықтың келуі «Шахтёрді» биылғы Бірінші лиганың басты фавориттерінің біріне айналдырып отыр. Жанкүйерлер команданың Премьер-лигаға тезірек оралуын тілейді.

Сондай-ақ, маусым басталар алдында күтпеген жағдай орын алды. Тәжірибелі маман...

Changan CS75 Plus кроссовері ресми түрде 24 сәуір күні Бейжің автосалонында таныстырылады. Басты ерекшелігі – классикалық HEV гибрид жүйесі. Яғни, бұл көлікті тоқ көзіне қосып қуаттаудың қажеті жоқ.

Шын мәнінде жүргізуші бұл көлікті кәдімгі бензинді автокөлік сияқты сезінеді, бірақ отын шығыны айтарлықтай төмен болады.

Модель дизайны өзгере ме

Кроссовердің сыртқы келбеті бұрынғысынша сақталғанымен, бірқатар маңызды өзгерістер енгізілген:

Ең қызығы, бұл жолы компания әдеттегі жасырын есік тұтқаларынан бас тартқан. Енді олар классикалық үлгіде болады. Өндірушінің бұл жерде дизайннан гөрі практикалық тиімділікке басымдық беріп отырғаны...

Абай облысының әкімі Берік Уәли өзі басқаратын өңір халқына үндеу жолдады. Шенеунік ортақ үйді таза, жайлы, көрікті етіп ұстауға кеңес берді. Әкімнің пікірінше, бұл – әркімнің «азаматтық борышы».

«Аймақ экономикасы, өнері мен мәдениеті, экологиясы мен тазалығы – баршамызға ортақ. Ал тазалық дегеніміз – айына бір рет сенбілікке қатысу емес, бұл – біздің өңірде күнделікті дағдыға айналып, салт болып қалыптасуы тиіс үлкен мәдениет», – деп мәлімдеді Уәли.

Сана тазармай, қала тазармайды

Әкім былтыр сәуірде жалпыөңірлік сенбілік өткізгенін, 349 мың тұрғын 52 мың тонна қоқыс шығарғанын еске салды.

«Туған...

Ақтөбе қаласында «Harmony Rider Technology» (HRT) қаржы пирамидасын құрып, халықты тақырға отырғызған топқа қатысты сот үкімі шықты. Олар халықаралық компания атын жамылып, шетелде электрлі самокаттарды сатып алу және жалға берумен айналысамыз деп жұртты сендірген. Шын мәнінде, салымшылардың табысы тек жаңадан келген адамдардың ақшасы есебінен төленіп отырған.

Жалған уәде мен миллиондаған шығын

Қылмыстық топ өз жұмысын заңды етіп көрсету үшін Ақтөбеден арнайы кеңсе жалдап, әлеуметтік желілерде белсенді жарнама жүргізген. Тұрғындарға 350 доллардан 20 000 долларға дейін қаржы салу ұсынылып, күніне 12-ден 690 долларға дейін табыс табуға уәде берілген.

Осылайша, алаяқтар 115 салымшыдан жалпы сомасы 197 миллион теңгеден астам қаражат...

Шығыс Қазақстан облысында өрт сөндірушілер өртеніп кеткен үйден 48 жастағы ер адамның мәйітін тапты.

YK-news.kz ақпаратына қарағанда, қайғылы оқиға 2 сәуір күні Риддер қаласында болған.

Кеше түнде аталған қаланың Тәуелсіздік даңғылы 12а мекенжайындағы үйдің төртінші қабатында орналасқан пәтерден өрт шыққан.

«Оқиға орнына келген өрт сөндірушілер 40 шаршы метр аумақтағы өртті толықтай сөндірді. Өртті сөндіру барысында ер адамның мәйіті табылды. Қаза тапқан азамат 1978 жылы туған», – деп хабарлады ШҚО ТЖД баспасөз қызметі.

Айта кететін жайт, 28 наурызда түсте Алматы қаласындағы «Кенжехан» базары маңында салынып жатқан әкімшілік ғимарат өртенді.

2026 жылдың наурыз айы мұнай нарығы үшін соңғы жылдардағы ең ауыр кезең болды. Reuters агенттігі жүргізген соңғы сауалнамаға сәйкес, ОПЕК ұйымына мүше 12 ел шикізат өндірісін күрт азайып, тәулігіне небәрі 21,57 млн баррельді құрады. Бұл – пандемия кезіндегі ең төменгі көрсеткіштерден де асып түсетін антирекорд. Небәрі бір айдың ішінде өндіріс көлемі 7,3 млн баррельге қысқарып, әлемдік энергетикалық қауіпсіздікке үлкен қатер төндіріп тұр.

Басты себеп – Ормұз бұғазындағы дағдарыс

Мұнай өндірісінің мұншалықты құлдырауына экономикалық факторлардан бұрын, геосаяси жағдай тікелей әсер етті. Ақпан айының соңында басталған АҚШ, Израиль және Иран арасындағы әскери қақтығыс әлемдегі ең маңызды су жолы...