Жаңалықтар

Жетісу облысының шаруалары президент Қасым-Жомарт Тоқаевқа ашық хат жолдады. Оларды еліміздегі қант шаруашылығының тағдыры алаңдатады. Фермерлердің айтуынша, қант зауыттары монополияланған.

Жетісу облысының фермерлері «Көксу қант зауыты» қызылшаны шаруалардан өте арзанға сатып алатынын айтады. Ал нарыққа қымбатқа шығарады.

«Мен 22 жыл бойы қант қызылшасымен айналысып келемін. 2017 жылға дейін мен ешбір қарыз немесе несиесіз өз техникамды жаңалап тұруға мүмкіндігім болды. Ал соңғы бес жылдан бері мен жұмысшылардың жалақысын әрең төлеймін. Ал техникаға ақша қалмайды. Шаруалардың табысын зауыт жеп жатыр. Олай деуімнің себебі 2004 жылдары біз зауытпен келісімшартқа отырғанда, өңделген қанттың 70 пайызын біз, 30 пайызын...

Түркия президенті Режеп Тайып Ердоған Мәскеу мен Анкараның бірігіп газ хабын құру жоспарлары энергия бағасына оң әсер ететінін айтты. Бұл туралы Интерфакс ру хабарлады.

«Біз еліміз арқылы Еуропаға және басқа елдерге энергия тасымалдаушыларды жеткізу үшін түрлі жобаларды іске асыратын боламыз. Түркияда табиғи газ орталығын құру энергиямен жабдықтауда прогреске қол жеткізуге мүмкіндік береді. Сонымен қатар, бұл энергия бағасына да жағымды әсер етеді», – деді Ердоған.

Ол сондай-ақ: «біз соңғы жылдардағы инвестицияларымыздың арқасында елімізді маңызды газ орталығына айналдырамыз»деді.

«Біз өз елімізді энергетикалық хабқа айналдырамыз деп айттық. Біз бұл үшін инфрақұрылыммен жұмыс...

4 қыркүйек күні мұнай бағасы рекордтық өсім көрсетті. Brent маркалы «қара алтынның» баррелі 89 долларға жетті. Бұл 2023 жылдың қаңтарынан бері ең жоғары көрсеткіш. Әлемдік сарапшылар шикізат құны барреліне 100 долларға жетуі мүмкін деген жағымды болжамдарымен бөлісуде. Алайда «Байдильдинов. Мұнай» бағдарламасының жүргізушісі, сарапшы Олжас Байділдинов мұнайдың шынайы бағасы 70-80 доллар аралығында деп есептейді.

Сарапшының айтуынша бағаның өсуіне айтарлықтай ықпал ететін факторлар жоқ.

«Бірақ көптеген сарапшылар 100 доллар көрсеткішіне жетеді деп болжауда. Олардың пікірінше, оған ОПЕК+ және жалпы мұнай өндірісінің қысқаруы ықпал етті. Алайда Қытайдағы экономикалық өсім қарқыны баяулауы және басқа да өңірлердегі жағдай шынайы баға мұндай...

Мемқызмет алу туралы сұрау салуға қол қою үшін  NCALayer орнату қажет екені белгілі. Қазір интернетте осы бағдарламаның фишинг түрі пайда болған.

Хакерлер NCALayer орнына «Trojan Downloader» деген зиянды бағдарламаны жүктейтін hxxps://ncalayer.info/update.php фишингтік интернет-ресурсын ашқан. Оны мемлекеттік техникалық қызмет анықтады.

«Бұл зиянды бағдарламаның ерекшелігі ол- кейлоггер, деректерді ұрлау, компьютерді қашықтан жасырын басқару (VNC), сондай-ақ веб-камераны басқару функционалының иесі. Түпкілікті нәтижесінде зиянкестің пернетақтада терілетін акқпаратты оқуға, парольдерді, соның ішінде браузерлерден  көруге, сондай-ақ сыртқы қосымшаларды орнатуға мүмкіндігі бар», делінген хабарламада

Мұндай бағдарламалар жеке ақпаратқа қауіп төндіретіндіктен оларды жүктемей, орнатпай және күдікті сілтемелер бойынша өтпеу керек.

Фото: Ақорда

Президент Қасым-Жомарт Тоқаев Қазақстан армиясын жоғары технологиялық қару-жарақпен және әскери техникамен қамтасыз ету қажет деді. Бұл туралы Бас қолбасшы Қазақстан Қарулы Күштері Бас штабының шұғыл кеңесінде мәлімдеді, деп хабарлайды Ақорда.

Сондай-ақ отандық қорғаныс өнеркәсібі кешенін нығайтудың маңыздылығына назар аударды.

Қарулы Күштердің Жоғарғы Бас қолбасшысы Қасым-Жомарт Тоқаев «Батыл тойтарыс – 2023» оқу-жаттығу жиыны өтетін жерге келген соң Бас штабтың алдыңғы шептегі басқару пунктін аралап көріп, шұғыл кеңес өткізген.

Бас штабтың бастығы, генерал-лейтенант Марат Құсайынов жалпы ахуал жөнінде баяндады. Содан кейін Премьер-Министрдің бірінші орынбасары Роман Скляр бейнебайланыс режимінде еліміздің қорғаныс әлеуетін арттыру үшін әзірленген шаралар...

Фото: gov.kz

Елімізде президент жолдауынан кейін кадрлық ауыс-түйіс болып, бірқатар министр қызметінен босатылды. Кейбірі бірден жаңа қызметке тағайындалды, алайда елдің экология және табиғи ресурстар саласына жетекшілік еткен Зүлфия Сүлейменова әзірге жаңа орынға жайғаспады.

Kursiv.kz Сүлейменованың кезінде экология және табиғи ресурстар министрлігінде қандай өзгеріс болғанына және ең жас министрдің есте қалай қалғанына шолу жасады.

ЕҢ ЖАС МИНИСТР

Зүлфия Сүлейменова 2023 жылдың қаңтарынан бастап экология және табиғи ресурстар министрі қызметін атқарды. Ол 1990 жылы Ақтөбе қаласында дүниеге келген. Лев Гумилев атындағы Еуразия ұлттық университетін бітірген. Президенттік жастар кадрлық резервінің мүшесі.

Еңбек жолын 2014 жылы Жаһандық саясат және қауіпсіздік орталығының өңірлік...

Қасым-Жомарт Тоқаев соңғы Жолдауында корпоративтік несиеге серпін беру қажет екенін айтып, банктердің экономикалық өсімді қаржыландыруға қосатын үлесі тым төмен деп әділ атап өтті. Корпоративтік несиенің жалпы ішкі өнімге қатысты үлесі шынымен де 2014 жылдан бері қарқынды түрде төмендеп келеді. Қазір бұл көрсеткіш бойынша өз көршілерімізден бірнеше есе артта қалып отырмыз.

Бір жағынан, банктер өз балансын «тазартудың» барлық сатысынан өтті: отандық бизнесті несиелендіруден келген көп шығынын есептен шығарды, бұл оларға үлкен де ауыр сабақ болды. Сол жылдары мемлекет ірі банктерге мықтап көмектесіп, есесіне әлдеқайда зор жауапкершілік артып, консервативті мінез-құлықты талап етті. Осындай жағдайға тап болған жалғыз Қазақстан емес: шын мәнінде, бүкіл...

Қасым-Жомарт Тоқаев Шымкент қаласы мен Ақтөбе облысының әкімін лауазымдарынан босатып, жаңа әкімдерді тағайындады. Ақорданың баспасөз қызметі Президенттің тиісті жарлықтарға қол қойылғанын хабарлады.

Ақтөбе облысын 2022 жылғы 31 тамыздан бері басқарып келген Ералы Тоғжанов қызметінен босатылды. Айта кету керек, Тоғжанов 2022 жылдың 1 желтоқсанында Президент Жарлығымен осы лауазымға қайта тағайындалған еді.

Ақтөбе облысының жаңа әкімі – спортшы,  самбодан үш дүркін әлем чемпионы Асхат Берлешұлы Шахаров болды. Ол Ақтөбе қаласын 16.03.2020-11.2022 жж аралығында басқарған болатын. 2022 жылдың қараша айынан бері Президент әкімшілігінде Мемлекеттік инспектор болып қызмет атқарды.

Мұрат Әйтенов – 2020 жылдың 21 қаңтарынан бастап – Шымкент қаласының әкімі болған...

Қаңтар-тамыз айларында Ұлттық қорға мұнай секторындағы компаниялардан түсетін тікелей салық түріндегі түсім 3,24 трлн теңгені құрады. Қаржы министрлігінің хабарлауынша, бұл 2022 жылдың сәйкес кезеңімен салыстырғанда 29%-ға аз.

Қаржы министрлігі жариялаған есепте атап өтілгендей, жыл басынан бері корпоративті табыс салығы Ұлттық қорға 1 трлн теңге (бір жыл бұрын 1,34 трлн) алып келсе, үстеме пайда салығы ретінде 57,4 млрд теңге (92,6 млрд теңге) түскен. Пайдалы қазбаларды өндіру салығы – 1,08 трлн теңге (1,39 трлн теңге), экспортқа рента салығы – 278,6 млрд теңге (471,4 млрд теңге), жасалған келісім-шарттар бойынша өнімді бөлудегі Қазақстанның үлесі – 696,7 млрд теңге (1,07 трлн теңге...

Фото: kursiv.media

Ауыл шаруашылығы министрі болған Ербол Қарашөкеев Жамбыл облысының әкімі қызметіне тағайындалды. Президент жарлыққа қол қойды, деп хабарлайды Ақорда.

«Ербол Шырақпайұлы Қарашөкеев Жамбыл облысының әкімі лауазымына тағайындалсын», делінген жарлықта.

Облыс әкімі лауазымына Нұрбол Жүнісбеков пен Ербол Қарашөкеевтің кандидатурасы ұсынылған. Ашық дауыс беру қорытындысына сәйкес, 142 депутат Е. Қарашөкеевтің кандидатурасын қолдады. 47 депутат Н. Жүнісбековті қолдап дауыс берген.

Қарашөкеевтің қызмет жолы

Ербол Шырақпайұлы 1976 жылы Алматы облысында туған. Әл-Фараби атындағы Қазақ Мемлекеттік ұлттық университетін бітірген, экономика бакалавры және магистрі. Еңбек жолын 1998 жылы ҚР Статистика агенттігі Талдау және конъюнктуралы...

Фото: gov.kz

Қасым-Жомарт Тоқаев Ақмола облысының жаңа әкімін тағайындады.Бұрынғы ішкі істер министрі Марат Ахметжанов облыс әкімі қызметін атқарады. Бұл туралы Ақорда хабарлайды.

«Мемлекет басшысының Жарлығымен Марат Мұратұлы Ахметжанов Ақмола облысының әкімі лауазымына тағайындалды», – делінген хабарламада.

Ахметжанов туралы не білеміз?

1964 жылы Жезқазған облысында дүниеге келген. Қарағанды ​​мемлекеттік университетін заңгер мамандығы бойынша бітірген.

Осы жылдар ішінде Павлодар облысының прокуроры, Оңтүстік Қазақстан облысының прокуроры болды. Сыбайлас жемқорлыққа қарсы іс-қимыл ұлттық бюросының Атырау облысы бойынша департаментін басқарды, Бас прокурордың орынбасары, Антикорды басқарды. 2022 жылғы ақпаннан 2023 жылғы 2 қыркүйекке дейін Ішкі істер министрі қызметін...

Фото: primeminister.kz

Президент жарлығымен Ерлан Нысанбаев Экология және табиғи ресурстар министрі лауазымына тағайындалды. Экология министрлігін бұған дейін Зульфия Сүлейменова басқарған болатын.

«Мемлекет басшысының Жарлығымен Ерлан Нұралыұлы Нысанбаев Қазақстан Республикасының Экология және табиғи ресурстар министрі лауазымына тағайындалды», делінген хабарламада.

Зульфия Сүлейменова министр болып 2023 жылдың басында ғана тағайындалған еді. Ол министр креслосында 8 ай ғана отырды. Шығыс Қазақстан облысындағы алапат өрт кезінде министр үлкен сынға қалды.

Нысанбаев деген кім?

1961 жылы дүниеге келен Ерлан Нысанбаев Алматы облысының тумасы. Ауыл шаруашылығы ғылымдарының кандидаты. Ең соңғы ресми қызметі Астана қаласы әкімінің кеңесшісі болған.

Петропавл қаласының жергілікті атқарушы органы 1,5 млрд тұратын жоба салуға негізсіз рұқсат бермеген. Бұл жайлы Петропавл қалалық прокуратурасының баспасөз қызметі хабарлады.

«Ағымдағы жылғы тамызда Солтүстік Қазақстан облысының  фронт-офис алаңына қала аумағында құны 1,5 миллиард теңге болатын мультибрендтік автосалон салуды жоспарлап отырған «Тобыл Моторс» ЖШС өтініш берген. Алай да, инвестициялық жобаны орындау барысында Тобыл Моторс сәулет-жоспарлау тапсырмасын (СЖТ) алуда қиыншылыққа тап болған», делінгенхабарламада.

Прокуратураның хабарлауынша үш айдан астам уақыт бойы жергілікті атқарушы орган тарапынан кәсіпкердің жер учаскесінің болуына және автосалон құрылысының Петропавл қаласының Бас жоспарына қайшы келмейтіндігіне қарамастан, СЖТ беру рәсімін кешіктірген.

Канадалық Zenith Energy Қазақстандағы 4 миллион баррель мұнай қоры бар активті сатып алу мүмкіндігін қарастырып жатыр. Бұл туралы Интерфакс-Қазақстан агенттігі хабарлайды.

Zenith Energy қазақстандық компаниямен мұнайға бай Атырау облысындағы тау-кен активін сатып алу туралы меморандумға қол қойған.

Хабарламада Қазақстандық компания COVID-19 пандемиясына дейін күніне шамамен 600 баррель мұнай өндіретін активтің 100% акциясына иелік ететіні жазылғанымен, компанияның атын нақтылнбаған. Канадалық компанияның мәлімдемесінде қазіргі уақытта өндіріс тоқтап тұр делінген.

Меморандум Zenith-ке активті бағалауға 90 күн берген. Мәміле техникалық және қаржылық сараптамадан кейін жүзеге асырылуы мүмкін.

Егер тараптар келіссе, бұл мәміленің коммерциялық шарттары 2023 жылдың 30 қарашасынан кешікпей ресімделу...

Шымкентте қаржы пирамидасын құрды деген күдікпен «ПК Asar Baspana» қатысты тергеу жүріп жатыр, деп хабарлайды ҚМА баспасөз қызметі.

Қаржы пирамидасына басшылық жасады деген күдік бойынша «ПК Asar Baspana» компаниясының басшыларына қатысты сотқа дейінгі тергеуді ҚМА Шымкент қаласы бойынша Департаменті жүргізіп жатыр.

«Аталған компания жеке тұлғалардың ақшасын кәсіпкерлік қызметке пайдаланбай, қатысушылар арасында қайта бөлген. Залал сомасы 700 млн теңгеден асады. Сотқа дейінгі тергеу жалғасуда», дедінген бюаспасөз хабаламасында.

«ЖК Asar Baspana»тұтыну кооперативінің құрылтайшылары – Нұрбол Туғанбаев пен Шоқан Мұсабаев. Компания түрлі жеке қызметтер көрсетумен айналысады. Компания 2019 жылдың 12 ақпанында тіркелген және Алматы...

Ресей президенті Владимир Путин мен Түркия президенті Режеп Тайып Ердоған Сочидегі келіссөз барысында Қара теңіздегі астық мәмілесін қалпына келтіру туралы келісімге келе алмады.

Путин Ресей қойып отырған талаптар орындалмаса, мәміленің жанданбайтынын айтқан.

«Ресей ауыл шаруашылығы экспортына қатысты барлық келісімдер орындалса, біз астық келісімін қайта жаңғырту мүмкіндігін қарастыруға дайынбыз», деп мәлімдеді Ресей президенті.

Сонымен бірге Путин Киевті гуманитарлық дәліздерді лаңкестік әрекеттер үшін пайдаланды деп айпыптады. Дәліздегі қауіпсіздікті Ресейдің қамтамасыз етіп келгенін айтқан ол, Батысты да астық келісімінің гуманитарлық сипаты туралы алдады деп айыптады.

Путин сондай-ақ Ресей азық-түлік пен тыңайтқыштарды өз күшімен экспорттайтынын...

Уолл-стриттегі көңіл-күй құбылып тұр: кейбір сарапшылар акциялардыі бағасы шамадан тыс қымбаттап барады десе, өзгелері оптимизммен қарап, рекордтық өсім күтеді. Жалпы, АҚШ пен Еуропадағы макроэкономикалық көрсеткіштер, сондай-ақ Қытайдағы экономиканы мемлекеттік қолдау және туризм саласының жандануы балама сценарийді жүзеге асыруға үміт береді. Осы және басқа да тақырыптарды қозғаған әлемдік БАҚ-қа шолуды оқыңыз.

Market Watch агенттігінің хабарлауынша, АҚШ-тың екінші тоқсандағы кіріс маусымы аяқталып, инвесторлар соңғы экономикалық деректерге назар аударды. Олар «нашар экономикалық жаңалықтарға» тіпті экономикалық өсудің баяулауын көрсететін кез келген деректерге оң реакция танытты.

Бұл үрдіс нарықта тоғыз айдан бері жүріп келеді. Нашар экономикалық жаңалықтар акциялар үшін жақсы жаңалыққа айналып отырған...

Standard&Poor’s халықаралық рейтингтік агенттігі Қазақстанның тәуелсіз кредиттік рейтингін «BBB-/А-3» деңгейінде растады, болжам «Тұрақты».

Standard&Poor’s халықаралық рейтингтік агенттігінің қорытындысына сәйкес Қазақстанның рейтингін қолдайтын негізгі факторлар – ел экономикасының тұрақты фискалдық және сыртқы теңгерімдері. Бұл ретте таза мемлекеттік қарыз төмен деңгейде тұрса, елдің өтімді сыртқы активтері сыртқы күйзелістерден қорғауға қабілетті.

S&P өз есебінде Қазақстанның фискалдық және сыртқы баланстары тәуекелдерді басқару үшін жеткілікті екендігін атап көрсеткен.

Агенттік сарапшыларының болжамына келер болсақ, олардың пікірінше, шоғырландырылған бюджет тапшылығы 2023-2026 жылдар кезеңінде орта есеппен ЖІӨ-ден 1,6%-ға дейін қысқарады. Мемлекеттік кірістердің өсуіне салық саясаты мен әкімшілендіруді реформалау жөніндегі шаралар ықпал етпек.

Сондай-ақ сарапшылар...

Вrent маркалы мұнайдың құны барреліне 89 доллардан асты. Оның құны осы жылдың 23 қаңтарынан бері көтерілмеген болатын.

Мәскеу уақыты бойынша сағат 19:10-дағы жағдай бойынша Лондонның ICE биржасында Brent маркалы мұнайдың қарашадағы фьючерстерінің бағасы 0,46%-ға өсіп, барреліне 88,96 долларды құраған. Бір күн ішінде қараша айындағы фьючерс құны 0,5%-ға өсіп, барреліне 89,02 долларға өсті.

Ал WTI маркалы мұнайдың қарашадағы бағасы сауда деректеріне сәйкес барреліне 85,01 долларды құраған.

Мәскеу биржасының мәліметінше, 28 тамыз бен 1 қыркүйек аралығындағы апта ішінде Brent маркалы мұнайдың қараша айындағы фьючерстерінің құны барреліне 6%-ға өсіп, 88,9 доллар болса, WTI мұнайының қазан айындағы фьючерстері 7,6%-ға өсіп, барреліне...

Ресей Федерациясының Президенті Владимир Путин мен Түркия Президенті Режеп Тайып Ердоғанның кездесуінен ЕО «астық мәмілесіне» оралуға шақырды. Бұл туралы ЕО дипломатия басшысы Жозеп Боррелдің баспасөз хатшысы Питер Стано мәлімдеді.

«Еуропалық Одақ Ресейдің Қара теңіз маршруттарын ашаы деп үміттенеді»,- деді Стано.

Оның айтуынша, Ресейдің соңғы әрекеттері «Дүниежүзілік азық-түлік дағдарысын күшейтіп, миллиондаған осал адамдарға әсер етеді».

Баррель өкілі Ресейдің 17 шілдеде астық мәмілесінен шығуы «украин астығын әлемдік нарыққа экспорттаудың ең жақсы әдісін бұзғанын»атап өтті.

«Біз Ресейді Қара теңіз келісіміне оралуға шақырамыз», – деп қорытындылады еуропалық дипломатия басшысының баспасөз хатшысы.

ҚХР Жапониядан балық пен теңіз өнімдерін әкелуге тыйым салған болатын. Сондықтан Жапония Үкіметі балық өнеркәсібін қолдау шаралары аясында шамамен 130 миллион еуро бөледі, деп хабарлайды Интерфакс ру сайты.

Негізгі көмектің жалпы сомасы 500 миллион еуро көлемінде.

Бұған дейін Қытайдың кеден басқармасы Жапониядан барлық теңіз өнімдерін импорттауды тоқтата тұратынын жариялады. Бұл шешім Жапонияның атом электр станциясынан мұхитқа су ағызғаннан кейін қабылданды.

Жапония Үкіметі 24 тамыздан бастап балықшылар мен көрші елдердің, соның ішінде Қытайдың наразылығына қарамастан атом электр станцияларынан Тынық мұхитына су ағызуды бастады.

Бейжіңде Жапония шешімін «халықаралық қауымдастықтың елеулі қарсылықтарына» қарамастан, суды төгу басталғанын атап өтті және бұл Халықаралық қоғамны...

2023 жылдың 4 қыркүйегінде, яғни бүгін ғана Ғалымжан Пірматовтың орнына Ұлттық банктің төрағасы болып тағайындалған Тимур Сүлейменов Сенат кулуарында базалық мөлшерлемені төмендетуге қатысты ойын ортаға салды, деп хабарлайды kursiv.kz.

Қазақстан Республикасы Президенті әкімшілігі басшысының бұрынғы бірінші орынбасары мұның күрделі мәселе екенін айтты.

«Бір күрделі мәселе бар. Инфляция экономикадағы ең қауіпті процесс. Сондықтан оны төмендету міндеті тұр. Атап айтқанда, осы бағытта тиісті жағдай жасалса, онда мөлшерлемені төмендетуіміз мүмкін», – деді Тимур Сүлейменов.

Коммуналдық төлемдер: су, жарық, газ бен жылу бағасы қымбаттап, жанармай құны өсіп жатқан кезде базалық мөлшерлемені төмендету қаншалықты орынды? Бұл туралы экономист Бауыржан Шурмановтан...

Әскери полиция бас басқармасы «Қазақстан Республикасы Қарулы Күштері Әскери полиция органдарының гауптвахтасындағы ішкі тәртіптеме және онда күдіктілер мен айыпталушыларды ұстау қағидаларын бекіту туралы» қорғаныс ведомствосы басшысының 2023 жылғы 12 сәуірдегі № 322 бұйрығына өзгеріс дайындады. Бұл туралы ҚР Қорғаныс министрлігі хабарлады.

Қорғаныс министрінің бұйрығын жаңарту «Қазақстан Республикасы Қарулы Күштерінің, басқа да әскерлері мен әскери құралымдарының жалпыәскери жарғыларын бекіту туралы» Қазақстан Республикасы Президентінің 2007 жылғы 5 шілдедегі № 364 Жарлығына өзгерістер енгізу туралы» Мемлекет басшысының 2023 жылғы 23 тамыздағы Жарлығында «қарауыл» терминінің «ауысым бастығы» болып өзгеруіне байланысты.

Ереже ҚР Қарулы Күштері Әскери полиция органдарының гауптвахталарындағы ішкі тәртіптеме және күдіктілер мен...

Қасым-Жомарт Тоқаев Ұлттық банктің басшылығына жаңа төраға Тимур Сүлейменовті таныстырды. Бұл туралы Ақорда баспасөз қызметі хабарлады.

Президент жаңадан тағайындалған басшының қаржы-экономикалық бағытта мол тәжірибесі бар екенін және қаржы реттеушісінің қызметін жетік білетінін, төрт жылдан астам уақыт Президент Әкімшілігінің әлеуметтік-экономикалық блогын басқарғанын атап өтті.

Мемлекет басшысы атқарған жұмысы үшін Ғалымжан Пірматовқа алғыс айтып, қабылданған шаралардың нәтижесінде макроэкономикалық, қаржылық тұрақтылық қамтамасыз етілгенін атап өтті.

Президент Ұлттық банкке инфляцияны төмендету, қаржы технологиялары мен инновацияны дамыту және келесі жылы ұлттық төлем жүйесін толыққанды іске қосу жөнінде маңызды міндеттер жүктелгенін хабарлады.

«Біз бизнесті жеткілікті дәрежеде несиелендіруді қамтамасыз ету міндетін көтергенімізге бір...