Жаңалықтар

Қазақ-қырғыз шекарасындағы өткізу бекеттерінің бірінде 500 жүк көлігі тағы өте алмай тұр. Қырғызстанның шекара қызметі көлік кептелісіне не себеп болғанын түсіндірді.

Қырғызстанның шекара қызметі мемлекеттік шекараның қырғыз-қазақ учаскесіндегі «Ақ-Тілек» бақылау-өткізу бекетінде көлік құралдары мен жүк көліктері тұрып қалғанын хабарлайды.

«20 қарашада жергілікті уақыт бойынша сағат 11:00-де «Ақ-Тілек» өткізу бекетінің алдында 500 жүк көлігі шекаралық бақылаудан өту үшін кезекте тұр», – делінген хабарламада.

Қырғыз Республикасы Ұлттық қауіпсіздік жөніндегі мемлекеттік комитетінің мәліметінше, соңғы тәулікте Қырғызстаннан Қазақстанға 280 көлік шыққан.

«Жүк көліктерінің өткізу пунктінде тұрып қалуы Қырғызстаннан ауыл шаруашылығы өнімдері мен халы...

2027 жылға қарай Ұлытау облысына 1,4 трлн теңге инвестиция тартылады. Бұл жайлы Ұлытау облысының әкімі Берік Әбдіғалиұлы орталық коммуникациялар қызметінде өткен брифингте айтты.

«Облыс экономикасына 247 млрд теңге тартылды. Кешенді жоспардың орындалуы тұрақты бақылауда. 2027 жылға қарай экономикаға 1,4 трлн теңге, оның ішінде 1,2 трлн теңге жеке инвестициялар тартылатын болады. Экономиканың өнеркәсіптік секторына тоқталсақ, тазартылған мыс өндірісінде шамалы төмендеудің болуына қарамастан, ағаш бұйымдары өндірісінің 5,5 есе, тоқыма бұйымдары 2 есе, сусындар 2,5 есе, электр жабдықтары өндірісінің 2,6 есе өсуі байқалады», – деді облыс әкімі.

Әкімнің айтуынша, 2024 жылға арналған бюджет жобасы 146 млрд теңге...

2024 жылдың алғашқы тоқсанында сұйытылған газ қымбаттайды, деп мәлімдеді Энергетика вице-министрі Әлібек Жамауов.

Энергетика вице-министрі газ қашан қымбаттайтынын және қалай қымбаттайтынын жариялады.

«20024 жылдың алғашқы тоқсанында сұйытылған газ 5 теңгеге қымбаттайды. Алдағы 3 жылда 6 ай сайын қымбаттап отырады», – деді Әлібек Жамауов.

Вице-министр елімізде 130-135 мың тонна сұйытылған газ өндіріліп жатқанын, тұтыну көлемі бұдан көп екенін, ұсыныс сұранысты қанағаттандыра алмай жатқанын айтты.

Оның сөзінше, автожүргізушілердің жаппай сұйытылған газға көшуі тапшылық туғызуда.

«Өндірушілер үлгермей жатыр. «Теңізшевройлмен» қосымша 10 мың тонна газ өндіруге келістік. Бұған дейін сұйытылған газ экспотына тыйым салынды. Бұл...

Уолл-стриттің ESG қорларына деген қызығушылығы төмендеп, S&P 500-дегі үш апталық ралли кідіруі мүмкін. Дегенмен, «Үлкен жетілік» акциялары 2024 жылы өсімін жалғастыруы ықтимал. Өткен демалыс күндері әлемдік БАҚ осы және өзге де тақырыптарды жазды.

Өткен жұмада OpenAI бас директоры Сэм Альтманның директорлар кеңесі шешімімен кенеттен жұмыстан босатылғаны белгілі болды. Information басылымы бұл шешім компания акцияларын Thrive Capital инвестициялық қорына сату туралы келісімге кері әсер етуі мүмкін деп жазады.

Келісімнің сомасы нақтыланбаған, акциялар алдын ала 86 млрд долларға бағаланған.

Компаниядан Альман мен OpenAI президенті және тең құрылтайшысы Грег Брокманның кетуі АҚШ қор нарығы үшін үлкен алаңдатарлы...

Қостанай қаласының бұрынғы әкімі Ахметбек Ахметжановтан тәркіленген «Алтын-Саф» мейрамхана кешені 805 млн теңгеге аукционға шығарылып өтпей қалды. Бұл жайлы gosreestr.kz сайтында жарияланған.

Онда сату мәртебесінде аукционның өтпегені жазылған. Аукцион басталған кезде сату объектісі бойынша аукционға бірде-бір қатысушы тіркелмеген және бастапқы баға қатысушылармен расталмаған.

Аукцион талаптарына сәйкес егер аукцион басталған сәттен бастап жиырма минут ішінде қатысушылардың ешқайсысы бастапқы баға бойынша жекешелендіру объектісін сатып алуға ниет білдіргенін растамаса, онда осы жекешелендіру нысаны бойынша аукцион өтпеген болып есептеледі. Ал егер бастапқы баға расталғаннан кейін, жиырма минут ішінде қатысушылардың бірде-біреуі бастапқы бағаны арттыру жолымен жекешелендіру нысанын сатып алуға ниет білдіргенін растамаса, онда...

Ресейдің Кемерово облысының губернаторы Сергей Цивилев өзінің Telegram-арнасында Кемерово облысының экс-губернаторы Аман Төлеев қайтыс болғаны туралы хабарлады.

«1997-2018 жылдар аралығында Кемерово облысының губернаторы болған Аман Гумирұлы Төлеев дүниеден озды. Бүкіл өмірін Кузбасс пен Ресейге қызмет етуге арнаған ерекше адам. Бұл орны толмас қайғы. Өңіріміз өмірінің тұтас бір дәуірі Аман Ғұмырұлымен байланысты: ол кеншілер Транссібір темір жолындағы қозғалысты бөгеп, рельске отырып, қиын-қыстау кезеңде оны басқарып, дағдарыстан алып шықты. Кузбастықтардың есінде Аман Төлеевті өз қызметінде әрқашан халық мүддесін бірінші орынға қойған нағыз халық губернаторы ретінде қалады», – деп жазды Кемерово облысының губернаторы.

Төлеев этникалық қазақ. Ол...

Желтоқсан айынан бастап, Qazaq Air компаниясы Ресейдің Новосибирск қаласына қайта рейс ашады. Мәскеуде өткен көлік апталығында екі елдің Көлік министрлері өзара келісімге келген.

«Тараптар екі ел арасындағы әуе қатынасы саласындағы ынтымақтастықты одан әрі кеңейту мәселелерін талқылады. Екіжақты кездесудің қорытындысы бойынша Qazaq Air әуе көліктерінің Новосибирск қаласына қайта ұша бастауы туралы келісімге келді», – деп хабарлайды Азаматтық авиация комитеті.

Желтоқсан айынан бастап аталған әуе компаниясы Астана–Новосибирск бағыты бойынша аптасына 5 рейс және Өскемен–Новосибирск бағыты бойынша аптасына 2 рейс жасайтын болды.

Айта кетейік, 2022 жылдың 30 қазанында Ресей әуе кеңістігі басшылығы Астана-Новосибирск және Өскемен-Новосибирск бағытын уақытша тоқтатып, Qazaq Air компаниясына бұл бағытта ұшуға рұқсат бермеген.

...

Түркияның Alarko Holding компаниясы Шымкент қаласы аумағында құны $650 млн болатын жылыжай кешенін салатын болды. Тараптар Астанада өткен VI Жаһандық инвестициялар жөніндегі дөңгелек үстел аясында келісімге қол қойды.

Шымкент қаласы әкімдігінің хабарлауынша, түрік бизнес өкілдері қаладағы екі ірі жобаға жалпы сомасы $662 млн көлемінде қаржы жұмсауды жоспарлаған. Оның $650 млн қала аумағында жылыжай кешенін салуға жоспарланған. Аумағы 500 га болатын жобаға Түркияның Alarko Holding компаниясы қызығушылық танытқан. Бұл жоба 5 мың жаңа жұмыс орнын құрады деген жоспар бар.

Ал қалған $12 млн қаражат Шымкентте «крафт-ролл» қағазын шығаратын зауыт салуға кетеді. Жобаның түріктің IŞIKLAR PACKAGING Ltd. Компаниясы өз мойнына алып отыр.

Айта кетейік, қазір тағы бір түркиялы...

Осы жылдың 10 айында жүк тасымалдау көлемі 246 млн тоннаға жеткен. Бұл жайлы ҚР премьер-министрі Әлихан Смайыловтың қатысуымен өткен кеңесте айтылды.

«Қазақстан темір жолы» ұлттық компаниясының қызметі және еліміздің көлік-транзиттік әлеуетін одан әрі дамыту мәселелері талқыланған жиында Көлік министрі Марат Қарабаев биылғы жылдың 10 айында жүк тасымалдау көлемінің 246 млн тонна болғанын айтты.

«Бұл – өткен жылдың сәйкес кезеңімен салыстырғанда 3,3%-ға артық. Жыл соңына дейін 300 млн тоннаға жеткізу жоспарланып отыр», – деді министр.

Ол сонымен бірге алдағы жылдары еліміздің транзиттік әлеуетін едәуір арттыратын, 1300 шақырымнан астам теміржол салу жоспарланғанын...

Institute of International Finance зерттеулеріне сәйкес корпорациялардың, үй шаруашылықтарының, үкіметтердің және қаржы секторының жалпы жаһандық қарызы қазан айының соңында 307 триллион долларға жеткен.

Жыл басынан бері қарыз жүктемесі ЖІӨ-ге қатысты өзгеріссіз қалған, оның көлемі 9,5 триллион долларға өскен. Бұл ретте дамыған және дамушы елдерде қарыздың динамикасы айтарлықтай ерекшеленген. Дамыған елдерде жоғары мөлшерлемелер жеке сектордың қарыз алуға қызығушылығын шектеп келген, ал дамушы елдерде қарыз алу көлемі өскен. Мұндай үрдіс Ресей мен Қытайға да өз әсерін тигізген.

Institute of International Finance мәліметтері бойынша, биылғы жылдың алғашқы үш тоқсанында жаһандық қарыз деңгейі 9,5 триллион долларға өсіп, жалпы 307 триллион долларға...

20 қарашадан бастап Қазақстанның бірталай өңірінде дауыл соғып, қар аралсқан жаңбыр жауады. Бұл жайлы «Қазгидромет» хабарлады.

«Қазақстан Республикасы аумағының басым бөлігі солтүстік-батыс антициклонының ықпалында болады, ауа райы жауын-шашынсыз болады деп күтілуде. Тек республиканың батысында, қиыр шығысында, оңтүстік-шығысы мен оңтүстігінің таулы аудандарында циклон және сонымен байланысты атмосфералық фронттар әсерінен жауын-шашын (жаңбыр, қар)болады. Республиканың оңтүстік-шығысында түнде қатты жауын-шашын болуы мүмкін. Тұман түсіп, жел күшейеді, батыс және солтүстік-батыста желдің екпіні 23-28 м/с күшейіп, көктайғақ күтіледі»,– делінген хабарламада.

Қарағанды облысының солтүстігінде, орталығында түнде және таңертең тұман күтіледі. Сонымен бірге Алматы облысының таулы аудандарында кей уақытта қатты жауын-шашын...

Amazon.com Inc. Alexa дауыстық көмекшісін әзірлеуге арналған бөлімшеде жүзден астам адамды корпоративті шығындарды азайту бағдарламасы бойынша жұмыстан шығаруды жоспарлап отыр. Бұл туралы CNBC Amazon вице-президенті Даниэль Рауштың қызметкерлерге жазған хатына сілтеме жасай отырып хабарлайды.

«Біз белсенділігіміздің бір бөлігін бизнес басымдықтарына жақсырақ сәйкестендіруге, соның ішінде генеративті жасанды интеллект саласындағы ресурстар мен күш-жігерді барынша арттыру үшін қайта бағыттаймыз», – делінген хатта.

Жұмыстан босату әртүрлі елдердегі, соның ішінде АҚШ, Канада және Үндістандағы бөлімше қызметкерлеріне әсер етеді.

Соңғы уақытта Amazon 27 мыңнан астам қызметкерді жұмыстан шығарды.

2023 жылдың басынан бастап компанияның капиталдандыруы 71,5% -ға өсіп, 1 1,48 трлн-ға...

Дүниежүзілік денсаулық сақтау ұйымы (ДДҰ) Газа секторындағы Әл-Шифа ауруханасының барлық пациенттері мен қызметкерлерін 24-72 сағат ішінде эвакуациялау туралы хабарлады.

Ұйымның мәлімдемесінде қазіргі уақытта медициналық кешенде 25 қызметкер мен 291 пациент бар. Оларды Насер ауруханасына және Еуропалық ауруханаға ауыстыру бойынша шаралар қабылдануда, олар да Газада орналасқан.

Құжатқа сәйкес, Әл-Шифадағы жағдай өте күрделі. Аурухана кешенінің ғимараттарында снарядтар мен атыс қаруларының іздері табылған. ДДҰ делегациясы сонымен қатар 80-нен астам мәйіті бар кешен аумағында қазылған үлкен қабір туралы хабарлады.

Қаза тапқан Салтанат Нүкенованың отбасы куәгерлерді іздеп қазақстандықтарға жүгінді. Оның жақындары сол «қорқынышты түннің» куәгерлерін іздейді және ақпаратпен бөлісуді сұрайды. Өтінішті журналист Болат Аманбаев өзінің Facebook парақшасында жариялады.

Нүкенованың туыстары 9 қарашада BAU мейрамханасында сол «қорқынышты түн» туралы қандай да бір ақпаратқа ие болуы мүмкін куәгерлерді іздейді.

«Қазіргі уақытта сол түнгі қылмыстың қалай өрбігені бүге-шігесіне дейін нақтылануда.

Біз осы қылмыстың куәгерлері бар және олар қылмысты ашуға көмектеседі деп сенеміз.

Егер осы қылмыс туралы қандай да бір ақпараттар мен айғақтарды білсеңіз полицияға немесе біздің қорғаушыларымыз: И О. Вранчев және Ж.М. Оразбақоваға хабарласуыңызды сұраймыз.

Егер сіздің қылмысты...

Еңбек министрлігі ҚҚС төлемдерін енгізу туралы ақпаратқа қатысты түсінік берді. Бұл туралы министрліктің баспасөз қызметі хабарлады.

«ҚР Еңбек және халықты әлеуметтік қорғау министрлігі «ҚҚС төлемін» енгізгені туралы мессенджерлер мен әлеуметтік желілерде таратылып жатқан ақпарат шындыққа жанаспайды», – делінген хабарламада.

Ведомство азаматтарға тек ресми көздердегі ақпаратқа сену керегін ескертті.

Өткен түнде дауылдың салдарынан Екібастұз ЖЭО электр қуатынсыз қалды, соның салдарынан оның қазандықтарын тоқтатуға тура келді.

«Кеше түнде кей жерлерде екпіні 30 м/с-тан асатын дауылды желдің салдарынан Екібастұз ЖЭО кернеусіз қалды. ГРЭС-1-ден қуат алатын негізгі және резервтік қосалқы станциялардың тоқтап қалуына байланысты станцияны электрмен қамту бұзылды. ЖЭО-ның негізгі жабдықтары электр энергиясы есебінен жұмыс істейтіндіктен, станциядағы қазандықтарды мәжбүрлі түрде өшіру қажет болды», – деп жазылған «Екібастұзжылуэнерго» ЖШС хабарламасында.

Бірақ  таңғы сағат 5.15-те жылу электр орталығын электрмен жабдықтау қалпына келтірілді, станция жұмысын қайта бастады. Алдағы сағаттарда жылумен қамту көрсеткіштері тұрақталады.

Павлодар облысының әкімі Асайын Байханов өңір тұрғындарын мүмкіндігінше көшеге шықпауға шақырды. Ол бұл туралы Instagram-дағы парақшасында жазды.

«Желдің қатты екпініне байланысты (20м/с астам) мүмкіндігінше көшеге шығудан бас тартуларыңызды сұраймын.

Облыс бойынша ғимараттардан шатырлардың ұшып кетуі, электр қуатының өшуі, сондай-ақ ағаштардың құлау жағдайлары орын алды.

ТЖД күштері мен коммуналдық қызметтер табиғи апаттың салдарын жою мақсатында күшейтілген режимде жұмыс істеуде. Біз барлық жұмыстарды мүмкіндігінше қысқа мерзімде жүргіземіз. Сабыр сақтауларыңызды сұраймын»,- деді әкім.

Ол сондай-ақ, ТЖД штаб құрылып, жедел желі жұмыс жасауда, байланыс нөмері:
+7 7182 32 36 92 және 112, сонымен қатар 109 нөміріне хабарласуға болады деп...

«ҚазАвтоЖол» мамандары қолайсыз ауа-райына байланысты шектеулерді алып тастап, Республикалық маңызы бар автожолдарда қауіпсіз жүруді қамтамасыз етті, деп хабарлады «ҚазАвтоЖол» баспасөз қызметі.

Компания атап өткендей, өткен түнде мамандар 500 м3 құм-тұз қоспасын пайдаланды.

Қостанай облысында жолшы мамандар 30 жүк көлік жүргізушісіне және 4 жеңіл көлік жүргізушісіне көмек көрсетті. Ал СҚО аумағында мамандар арнайы техниканың көмегімен қар құрсауынан 3 көлікті шығарды.

Фото: kursiv.media

Экс-сенатор, бұрынғы бас прокурор Қайрат Қожамжаров «ойдан шығарылып, қолдан құрастырылған» қылмыстық істер бойынша сотталып, кейін ақталған азаматтарға қатысты сұраққа толық жауап бермеді.

Журналист Қайрат Қожамжаровтан: «Алматы қаласы Наурызбай ауданының бұрынғы прокуроры Виктор Тихоновқа, журналистер, әкелі-балалы Сейітқазы Матаев пен Әсет Матаевқа және басқа да тұлғаларға қатысты істерді қолдан ұйымдастыруға сіздің қатысыңыз бар екені туралы айтылады. Осыған түсінік бере аласыз ба?», – деп сұрады.

Экс-бас прокурор Қ.Қожамжаров Астанадағы Республикалық бас мешітте Болат Назарбаевтың рухына бағышталған астан кейін берген сұхбатында тілшіге: «Олар сотталды. Сот оларды кінәлі деп таныды», – деп жауап берді.

Жоғарыдағы сұрақ қойылғанға дейін Қ.Қожамжаров жеке заң компаниясын ашқанын...

Фото: nazarbayev.kz

Бүгін, 18 қарашада Қазақстанның бұрынғы президенті Нұрсұлтан Назарбаев Астанадағы Республикалық бас мешітте інісі Болат Назарбаевтың рухына арнап ас берді.

Асқа экс-президенттің ет жақын туыстары, қыздары, күйеу балалары және бұған дейін биліктің жоғары эшелонында болған Нұртай Әбіқаев, Қуаныш Сұлтанов, Ахметжан Есімов, Қанат Саудабаев, Ермұхамет Ертісбаев, Қайрат Мәми, Қайрат Қожамжаров, Қырымбек Көшербаев, Өмірзақ Шүкеев, Даниял Ахметов, Мырзатай Жолдасбеков сынды азаматтар қатысты.

Бас мүфти Наурызбай қажы Тағанұлы марқұмның рухына құран бағыштады. Нұрсұлтан Назарбаев бауырын еске алып, сөз сөйледі.

Экс-президенттің жиналғандарға не айтқанын БАҚ өкілдеріне берген сұхбатында Мемлекет тарихы институты директорының орынбасары Бүркітбай Аяған жеткізді.

«Маған ол кісін...

Фото: kursiv.media

Жамбыл облысында мектеп оқушыларының улануына қатысты жүргізілген сараптаманың алғашқы нәтижесі шықты. КТК каналының хабарлауынша, ауыл мектебінің асханасындағы 12 түрлі азық-түліктен ішек таяқшалары табылған.

7 қарашада Жамбыл облысы Байзақ ауданында Н.Киікбаев атындағы мектеп-гимназиясының оқушылары жаппай уланып, салдарынан 2 мұғалім, 44 бала ауруханаға медициналық көмекке жүгінген болатын.

Асынан балалар жаппай уланған асхананың иесі 13 мектептен 230 млн теңгеге жуық қаражатқа тендер ұтып алған. Байзақ аудандық білім бөлімінің хабарлауынша, кәсіпкер аудандағы 13 мектепті тамақпен қамту үшін жалпы сомасы 229 миллион 410 мың 817 теңге тендер ұтып алған.

Қазіргі таңда Н.Киікбаев атындағы мектеп-гимназиясын тамақпен қамтуға жауапты...

Фото: primeminister.kz

Үкімет басшысы Әлихан Смайыловтың төрағалығымен өткен жиында Бұқтырма су қоймасы арқылы көпір салу, республикалық және жергілікті маңызы бар күре жолдарға жөндеу жұмыстарын жүргізу, туристік нысандарға жол инфрақұрылымын тарту мәселесі де талқыланған. Сонымен қатар Премьер-министр Шығыс Қазақстан облысындағы Марқакөл мен Қатонқарағай аудардарын қалпына келтіруді тапсырды. Бұл туралы баспасөз қызметі хабарлайды.

Облыстағы Қандысу және Үйдене су қоймаларын, өңірдің суармалы жерлеріндегі шаруашылықаралық және шаруашылықішілік каналдарды күрделі жөндеу мәселелері қаралған.

Премьер-Министрдың айтуынша, жалпы республика бойынша көптеген су қоймасы күрделі жөндеуді қажет етеді, сондықтан бұл жұмысты кезең кезеңімен жүргізу керек.

«Мүдделі мемлекеттік органдармен бірлесіп, Марқакөл...

Фото: kursiv.media

Бас прокуратура Olimp.kz букмекер кеңсесіне байланысты қылмыстық іске қатысы бар тағы бір күдікті Германиядан Қазақстанға экстрадициялады. Оған қылмыстық топ құрамында ойын бизнесі саласында қылмыс жасады деген айып тағылған. Мемлекетке келтірген шығыны – 86,7 млрд теңге. Кінәсі дәлелденсе, күдікті 10 жылға дейін бас бостандығынан айырылуы мүмкін.

«Бүгін Бас прокуратура мен Қаржылық мониторинг агенттігінің қызметкерлері Қазақстан Республикасының Сыртқы істер министрлігі мен Интерполдың көмегімен Германия Федеративтік Республикасынан «Olimp.kz букмекерлік кеңсенің» қызметіне байланысты қылмыстық топқа қатысқаны үшін қылмыстық жауаптылыққа тарту мақсатында Қазақстанның азаматшасы Д-ны экстрадициялады», – делінген Бас покуратура хабарламасында.

Ол 2014-2019 жылдары қылмысты...

Фото: shutterstock.com

Нарықтың кәсіби қатысушылары ел экономикасына қатысты жағымды болжам жасап отыр. 2024-2025 жылдары Қазақстанда инфляция 7-8 пайыз деңгейінде, ал ЖІӨ өсімі 4,5-5 пайыз болуы мүмкін. Ал доллар бағамы алдағы екі жылда 477,8 және 490,7 теңге айналасында қалыптасып, теңге құнсыздануы ықтимал. Нарық өкілдері ҚР Ұлттық банкі жүргізген макроэкономикалық сауалнама барысында осындай пікір білдірген.

Базалық мөлшерлеме 2024-2025 жылдары 12-10 пайзы деңгейінде бекітілуі мүмкін.

Brent макалы мұнай бағасына қатысты болжам жыл аяғына дейін $83,1 деңгейінде болса, алдағы екі жылда сәл арзандап, 80 долларды құрауы ықтимал.

«Ағымдағы жылдың қараша айында респонденттер мұнай нарығындағы баға құбылмалылығыны...