Жаңалықтар

«Самұрық-Қазына» қоры «Қазақстанның технологиялық операциялық орталығы» ЖШС-нен «Қазақстан темір жолы» қызметкерлерінің демалуы үшін 534 жылжымалы блокты ғимарат сатып алады. Транзакция сомасы белгісіз, деп хабарлайды «Голос народа» басылымы.

«Самұрық-Қазына» қоры осыған байланысты арнайы қаулы шығарған. Онда ҚТЖ Ұлттық компаниясының қызметкерлерінің демалуы үшін әртүрлі көлемдегі 500-ден астам жылжымалы блокты ғимараттарды сатып алынатыны жазылған.

«Самұрық-Қазына» Ұлттық әл-ауқат қоры» акционерлік қоғамы Қазақстан Республикасының заңнамасында белгіленген тәртіппен «Қазақстан темір жолы» Ұлттық компаниясы» акционерлік қоғамы «Қазақстан технологиялық операциялық орталығы» жауапкершілігі шектеулі серіктестігінен жұмысшылардың демалуына арналған көлемі 15 м2, 25 м2, 30 м2, 60 м2, 75 м2, 106 м2 болатын...

Таяуда Алматы, Жамбыл, Түркістан, Жетісу облыстарының бизнес-қауымдастығы «Атамекен» палатасымен бірлесе отырып Үкіметке отандық инвестжобаларды қолдау бойынша өз ұсынысын жолдады. Олар салалық басым салалар бойынша өңірлік деңгейдегі салалық мастер-жоспарды әзірлеуді ұсынды. Айтуларынша, аталған жоспарда шағын және орта бизнесті қолдаудың өңірлік бағдарламасы көрініс таппақ.

Ет экспортының әлеуеті жоғары

«Жаңа тәсілдің негізгі ұсыныстарының ішінде бірыңғай интерактивті инвестициялық картада салалық мастер-жоспарларды сүйемелдеу мен мониторинг жүргізуді атап өткен жөн. Соның арқасында жауапты тұлғаларды анықтай отырып, жоспарланған көрсеткіштерден ауытқу себептері бойынша ақпаратты көрсете отырып, осы басым салаларда инвестициялық бағдарламаларды іске асырудың түпкілікті мониторингі қамтамасыз етілетін болады», дейді «Атамекен» ҰКП төрағасы Райымбек Баталов.

Фото: kursiv.media

Алматы қаласында заңсыз сатылған 55 мың электронды темекі тәркіленді. Оның жалпы құны 80 млн теңгеден асады. ҚМА Алматы қалалық департаменті қалалық прокуратурамен бірлесіп, тексеру жүргізген.

Жедел-іздестіру іс-шаралары барысында қалада электронды темекіні заңсыз сатқан сауда орындары мен қоймалар анықталған.

«Тінту кезінде жалпы сомасы 80 млн теңгеден асатын 55 мыңнан астам электронды темекі табылып, тәркіленді. Қазіргі уақытта сотқа дейінгі тергеу басталды.ҚР ҚПК 201-бабының талаптарына сәйкес өзге мәліметтер жария етуге жатпайды», делінген хабарламада.

Бұған дейін Премьер-министрдің орынбасары – Қаржы министрі Ерұлан Жамаубаев Ұазаұстанда вейпке толық тыйым салынады деп мәлімдеген еді.

Қазақстанның Энергетика министрлігі Қашаған ірі мұнай кен орнын игерумен айналысып жатқан акционерлерге құны  13 миллиард долларды құрайтын даулы мәселеге қатысты арбитражға жүгінетінін хабарлады. Бұл туралы осы мәселеден хабары бар ақпарат көздеріне сілтеме жасап, Bloomberg агенттігі хабарлады.

Бұл мәлімдеме мәселені келіссөздер арқылы шешуден үміттенген трансұлттық компаниялар үшін соққы болды деп жазады басылым.

Ақпарат көздерінің дерегінше шілде айында үкімет арбитражды тоқтатуы мүмкін дегендей ишара танытқан.  Алайда, тараптар арасында мәселені келіссөзбен шешу мүмкіндігі бола тұра министрлік инвесторлар тарапынан жасалған тиімді ұсыныстан бас тартқан. Ол бойынша инвесторлар Қазақстанды сотқа шағымдану райынан қайтару үшін инвестициялық міндеттеме алуды уәде еткен.

Қашағанға 55 млрд доллар...

Фото: kursiv.media

Алматы әкімдігі экологиялық жағдайды жақсарту үшін 600 автобус сатып алуды жоспарлап отыр. Бұл туралы мегаполис әкімі Наурызбай ауданы тұрғындарымен кездесу кезінде айтты.

Қала басшысымен жүздесуге келген тұрғындардың бірі «Бұрын біздің ауданға газбен жүретін «газельдер» қатынайтын болса, қазір дизельмен жүретін автобустар қатынайды. Олардан бөлінген қара түтінмен демалу мүмкін емес. Осы мәселе қашан шешіледі», -деп сұрақ қойды.

Тұрғын сауалына Алматы әкімі Ерболат Досаев биыл жергілікті бюджет есебінен 600 автобус сатып алып жатырмыз деп жауап берді.

«Өкінішке орай, бізде қалада дизельді автобустар бар. Біз қоғамдық көлікті экологиялық жағынан тиімді ету бағдарламасын іске қостық және оны...

Алматы қаласының Наурызбай ауданында 7900 орындық 5 жаңа мектеп салынады. Бұл жайлы қала әкімі Ерболат Досаев айтты.

«Оқушы орындарының тапшылығын азайту мақсатында «Жайлы мектеп» Ұлттық жобасы шеңберінде 7900 орындық 5 жаңа мектепті жобалау және салу бойынша жұмыстар жүргізілуде», деді шаһар басшысы аудан тұрғындарымен кездесубарысында.

Ауданда 1200 орындық жаңа мектептің құрылысы аяқталуға жақын.

«2024 жылдың I-ші тоқсанында жайлы мектептің талаптарына сәйкес «Әлем Сити» тұрғын үй кешенінің аумағында 1200 орындық мектеп пайдалануға беріледі. Сонымен қатар конкурстық рәсімдер өткізілгеннен кейін осы жылдың қазан айында Шұғыла шағын ауданындағы № 174 мектепке...

Фото: kursiv.media

«Қазақтелеком» АҚ әзірбайжандық CASPINET B.V. акцияларының 50 пайызын иеленді. Бұл туралы Қазақстан қор биржасының (KASE) сайтындағы ақпаратта жазылған.

«Бағалы қағаздары Қазақстан қор биржасының ресми тізімінде тұрған «Қазақтелеком» АҚ KASE-ге 2023 жылдың 22 тамызынан бастап CASPINET B.V. акцияларының 50 пайызына иелік ете бастағанын хабарлады», – делінген хабарламада.

«Қазақтелеком» баспасөз қызметінің мәліметінше, CASPINET B.V – бұл Транскаспий талшықты-оптикалық кабель желісі жобасының бір бөлігі ретінде құрылған бірлескен кәсіпорын.

Сейсенбі, 22 тамызда «Қазақтелеком» мен әзірбайжандық байланыс операторы «AzerTelecom» бірлескен кәсіпорынды тіркеу туралы келісімге келді.

«2023 жылғы...

Алматыда мүмкіндігі шектеулі жандарды жұмыспен қамтуға арнайы квота бөлінеді. Бұл жайлы Наурызбай ауданының тұрғындарымен кездесу кезінде қала әкімі Ерболат Досаев айтты.

Наурызбай ауданының тұрғыны, бірінші топ мүгедегі қолында дипломы болса да, өзін еш жерде жұмысқа алмайтынын айтты.

«Бізде жылына 15-16 студент медколледжді бітіреді. Өздеріңіз арнайы грант бөліп, оқытып жатырсыздар. Құдайға шүкір, дипломымызды, арнайы сертификатымызды алдық. Бірақ қолымызда ЖОО-ның дипломы болса да, ешкім бізді жұмысқа алмайды. Өтініш, осыны өз назарыңызға алсаңыз», деді тұрғын.

Алматы әкімі бұл мәселені шешу үшін рнайы квота бөлетінін айтты.

«Осыдан біразжыл бұрын жеке колледждер біз...

Наурызбай ауданының барлық шағын аудандарында жолдарды ағымдағы жөндеу жұмыстарына 736.7 млн теңге қаражат бөлінген. Ал «Таусамалы» шағын ауданында инженерлік желілерді жүргізуге 273,4 млн теңге қаражат қарастырылған. Бұл жайлы Наурызбай ауданының тұрғындарымен кездесу кезінде қала әкімі Ерболат Досаев айтты.

«Жол инфрақұрылымын дамыту біздің басым бағыттарымыздың бірі. Бүгінгі таңда аудан бойынша 70 көшеде 30 мың м2 жол жөнделді. Жыл соңына дейін 130 көшені қамти отырып, тағы 25 мың м2 жолды жөндеу жоспарлануда. Жөндеуге 736.7 млн теңге қаражат бөлінді» , деді қала басшысы.

Сондай-ақ, әкім «Таусамалы» шағын ауданында инженерлік желілерді жүргізгеннен кейін жол төсемін қалпына келтіру жұмыстарына...

Фото: .kursiv.media

Атырау облысының мамандандырылған ауданаралық экономикалық соты «Қазақ ұлттық қыздар мектебінің» жұмысын тоқтатты.

Сотқа Оқу-ағарту министрлігі Білім саласында сапалы қамтамасыз ету комитетінің Атырау облысы білім саласындағы сапалы қамтамасыз ету департаменті жүгінген.

Мекеме «Қазақ ұлттық қыздар мектебі» ЖШС білім беру қызметін тоқтатуды сұраған.
ЖШС 2022 жылдың 18 маусымында заңды тұлға ретінде тіркелген. Алайда лицензияны және лицензияға қосымшаны алмастан лицензиялауды талап ететін білім беру қызметімен айналысып, Атырау қаласында 2022-2023 оқу жылының 1 қыркүйегінен бастап 117 баланы (7 сынып) қабылдаған. Осылайша жеке меншік білім беру ұйымы ретінде өз жұмысын бастаған.

Сотта мектеп тарапы лицензияға құжаттар тапсырып қойғанын айтып, мектептің білім беру қызметін...

Сәрсенбі күні кеште Евгений Пригожиннің жеке ұшағы апатқа ұшырап, ішіндегі 10 адам қайтыс болды. Дүние жүзіндегі ұшақтардың ұшу бағытын бақылайтын Flightradar24 қызметі Пригожиннің бизнес-джетінің дәл қай уақытта құлағанын анықтады.

Әуеге көтерілген соң шамамен жарты сағат уақыттан кейін құлаған. Flightradar24 мәліметіше, Пригожиннің Embraer Legacy 600 ұшағы Мәскеу уақытымен 17:46-да әуеге көтерілген. Ал 18 сағат 19 минутта күрт құлдилай бастаған.

Пригожинмен бірге бортта оның қоластындағы қызметкерлері, «Вагнер» әскери құрылымының басшылары да болған. Олар – Дмитрий Уткин, Валерий Чекалов, Сергей Пропустин, Александр Тотмин және Евгений Макарян. Бұл адамдардың барлығы украиналық «Миротворец» базасында «Вагнердің» жалдамалы жауынгерлері тізіміне енгізілген.

Ұшақта...

«Жайлы мектеп» жобасы аясында 2024 жылы 217 білім ошағы пайдалануға берілсе, 2025 жылы тағы 152 ғимараттың құрылысын аяқталады. Жоба аясында 740 мың оқушыға арналған жаңа бағыттағы 369 заманауи мектеп салу жоспарланған.

2022 жылдың қыркүйегінде Мемлекет басшысы «Жайлы мектеп» ұлттық жобасын әзірлеуді және жүзеге асыруды тапсырған болатын.

Ұлттық жоба апатты мектептерді, үш ауысымда оқытуды және оқушылар орнының тапшылығын жоюға бағытталған.

Қалаларда 205, ауылдарда 164 білім беру нысаны салынады. Жалпы жобаны жүзеге асыруға барлығы 2,4 триллион теңге бөлінеді.

Жоғарғы аудиторлық палата төрайымы Наталья Годунова 15 маусымдағы Сенат отырысында Білім министрлігі 2022 жылы «Жайлы мектептер» жобасын жүзеге асырудан бас тартқанын...

Tesla (TSLA) Германиядағы зауытында жоспарланған өндіріс жылдамдығын шілде және тамыз айларында аптасына 4350 автомобильге дейін төмендетті. Бұған дейін наурыз айында Берлин маңындағы Груенхайд зауытында өндіріс көлемі аптасына 5 мың автомобильге жеткені хабарланған болатын. Бұл туралы ffin.kz хабарлады.

Бұқаралық ақпарат құралдарының хабарлауынша, американдық электромобиль өндірушісі шілде мен тамыз айларына жоспарланған көрсеткішті күніне 870 автомобильге дейін төмендетті. Бірақ бұл мақсатқа әрдайым қол жеткізілмеді: 25 шілдеде тек 692 автомобиль шығарылды, ал 28 шілдеде 806 шығарылды. Осыдан кейін ішкі мақсат күніне 750-ге дейін түзетілді, бұл аптасына 4000-нан аз.

Шілде айында Tesla Груенхайд зауытының қуатын жылына 1 миллион автомобильге дейін кеңейту жоспарын жариялады, біра...

Үндістанда Мизорам штатында салынып жатқан көпір құлап, 17 жұмысшы қаза тапты және тағы бірнешеуі жарақат алды. Бұл туралы ҚазАқпарат хабарлады.

Қазір ОАР-да жүріп, БРИКС саммитіне қатысып жатқан премьер-министр Нарендра Моди оқиға салдарынан қаза тапқандардың отбасына көңіл айтты. Ел билігі қаза тапқандардың отбасына 2500 доллардан және зардап шеккен жұмысшыларға 600 доллардан төлейтіні хабарланды.

Көпір құлаған кезде 40-қа жуық жұмысшы болған.

Оқиға орнында іздестіру-құтқару жұмыстары жалғасуда, деп атап өтті полиция.

Саябақ аймақтарын салу және реконструкциялау объектілерін аралау барысында Алматы қаласы әкімінің орынбасары Әлішер Әбдіқадыровқа Есентай өзенінің арнасы бойындағы жағалауды жөндеу жобасының дайындығы туралы баяндалды.

Бүгінгі таңда ағаштарды санитарлық кесу, оларды көгалдандыру, поребриктерді орнату, суару жүйесінің сыртқы жарықтандыру кабелі мен құбырларын төсеу, резервуарды, МАФ-тарды (шағын сәулет нысандары) және сыртқы жарықтандыру тіректерін орнату, спорт алаңын монтаждау жұмыстары аяқталды.

Шарт бойынша жұмыстар 2022 жылдың 30 тамызында аяқталуы тиіс еді, алайда мердігер ұйымның жұмыстарды тиісінше орындамауына байланысты мерзімдер бірнеше рет ауыстырылды. 2022 жылғы 21 қыркүйекте Алматы қаласы экология және қоршаған орта басқармасы сотқа талап арыз беруге бастамашылық жасады, оның қорытындысы бойынша мердігер ұйым...

Мысырда індеттің жаңа «Эрис» штаммының алғашқы екі жағдайы анықталды, деп хабарлады елдің денсаулық сақтау министрлігі.

«Тұмауға ұқсас ауруларды, жедел респираторлық ауруларды және пневмонияны бақылайтын орталықтардың талдау нәтижелері COVID-19 EG-5.2 нұсқасының екі оң жағдайын растайды», – делінген денсаулық сақтау министрлігінің мәлімдемесінде.

Денсаулық сақтау министрлігі екі жағдайда да жеңіл симптомдар байқалатынын, пациенттер сауығып кететінін атап өтті.

ДДҰ бұған дейін «Эрис» деп аталатын жаңа COVID-19 штаммы бүкіл әлемде кең таралып келе жатқанын, бірақ қазіргі уақытта жаһандық ауқымда төмен қауіп төндіретінін айтқан болатын.

Бүгінде инфляцияның бәсеңдей бастауы базалық мөлшерлемені 16,75%-дан 16,25%-ға төмендетуге ықпал етуі мүмкін. Бұл туралы Интерфакс-Қазақстан сауалнамасына қатысқан сарапшылардың басым бөлігі айтты.

Мұндай қадам нарықтағы «тыныштық» кезеңінде экономикалық белсенділікті арттыруға ықпал етеді. Дегенмен, түпкілікті шешім жалпы экономикалық жағдай мен қазіргі жаһандық үрдістерді ескере отырып қабылданады.

Еске сала кетсек, 2023 жылдың 25 тамызындағы отырыста ҚР Ұлттық банкі базалық мөлшерлеме туралы шешім қабылдайды. Шілдеде реттеуші тамыз айының соңына қарай базалық мөлшерлемені төмендету мәселесін қарастыратынын хабарлаған.
Halyk Finance бас сарапшысы Асан Құрманбековтың айтуынша, реттеушінің ақша-несие саясатын өзгертіп, базалық мөлшерлемені төмендетуге кірісетін уақыты келді. Сарапшы инфляция динамикасы баяулады деп есептейді.

«Бұл ретте...

Электр көліктерінің аккумуляторларына сұраныстың күрт артуына болуына байланысты ірі мұнай компаниялары литий өндіруді бастауы мүмкін. Бұл туралы Vulcan Energy Resources компаниясының басшысы Крис Морено мәлім етті, деп хабарлайды Интерфакс-Қазақстан.

«Exxon Mobil осы жылдың басында Арканзастың оңтүстігінде литий өндіру құқығына ие болды және мұндай жайттар көп ұзамай қалыпты үдеріске айналуы мүмкін. Себебі геотермалдық тұзды ерітінділерден литий алу процесі мұнай мен газ өндіруге ұқсас, энергетикалық компаниялардың ұңғымаларды бұрғылаудағы тәжірибесін жаңа салада қолдануға болады», – деді Морено.

Ал Vulcan Energy Resources компаниясы Германиядағы Рейн аңғарында литий өндіруді жоспарлап отыр. Компания металды кейіннен литий-иондық аккумуляторларда пайдалану үшін алудан бөлек...

Nostrum Oil & Gas PLC – мұнай және газ өндірумен, барлаумен және игерумен айналысатын тәуелсіз мұнай-газ компаниясы Каспий бассейніндегі мұнай және газ кен орындарына қатысты 2023 жылдың 30 маусымында аяқталған екінші тоқсан мен алты айдың қаржылық нәтижелерін жариялады.

Топтың кірісі 52,8 миллион долларды құрады. 2022 жылдың бірінші жартысында бұл көрсеткіш 107,8 миллион доллар болған. Себебі Brent маркалы мұнайдың орташа сатылған бағасы 2022 жылдың бірінші жартыжылдығында барреліне 104,7 доллар болса, 2023 жылдың бірінші жартыжылдығында 79,9 долларды құрады. Сонымен бірге, кірістің төмендеуі өндіріс көлемінің қысқаруына және оған орташа бағаның салыстырмалы түрде төмендеуіне де байланысты.

EBITDA1 15,5 миллион АҚШ долларын және EBITDA...

Фото: kursiv.media

Қазақстанда 95 мың бизнес-жоба субсидияланды. Бұл туралы Орталық коммуникациялар қызметінде өткен дөңгелек үстелде ҚР Ұлттық экономика министрлігі Мемлекеттік қолдау және кәсіпкерлікті қорғау департаментінің директоры Нұрбол Жаңабеков мәлім етті.

Оның айтуынша, 2022 жылдан бастап кәсіпкерлікті қолдау құралдары 2021-2025 жылдарға арналған ұлттық кәсіпкерлікті дамыту жобасына біріктірілген. Ұлттық жоба аясында қаржылық және қаржылық емес қолдау шаралары қарастырылған.

«Қаржылық шаралардың ішінде ең көп сұранысқа ие – бұл субсидиялар. Субсидиялар екінші деңгейлі банктер беретін несиелердің құнын төмендету үшін қарастырылады. Сыйақы мөлшерінің бір бөлігін мемлекет 13,75%-бен субсидиялайды, ал кәсіпкер 8%-ын төлейді. Бұл облыс орталықтарындағы көрсеткіш. Ал басымдық берілген ауылдық жерлерде...

Британдық энергия нарығын реттеуші Ofgem қызметтік байланыс ережелерін бұзғаны үшін Morgan Stanley-ге 5,4 миллион фунт немесе 6,9 миллион доллар айыппұл салды, деп хабарлайды interfax.kz

Реттеушінің хабарламасына сүйенсек, Morgan Stanley трейдерлері жеке телефондарына орнатылған WhatsApp қосымшасы арқылы энергия нарығындағы транзакцияларға қатысты хат алысып отырған.

Мұндай ереже бұзу 2018 жылдың қаңтарынан 2020 жылдың наурызына дейін тіркелген.
Morgan Stanley ережелері қызметкерлерге сауда мәмілелеріне қатысты коммуникацияда WhatsApp-ты пайдалануға тыйым салады. Алайда бұл ереже сақталмаған.

«Morgan Stanley ережелері қызметкерлерге сауда транзакцияларына қатысты келіссөздер үшін WhatsApp-ты пайдалануға тыйым салады, бірақ банк өзінің ережелері мен реттеуші талаптарының сақталуын қамтамасыз ету үшін қажетті шараларды қабылдаған...

Фото: kursiv.media

Жамбыл облысында құрғашылықтан зардап шеккен шаруалардың шығыны есептеліп жатыр. Олардың шығыны төленеді. Бұл туралы ауыл шаруашылығы министрлігі Өңірлерде агроөнеркәсіптік кешенді дамыту және кооперация басқармасының басшысы Олжас Тілебалдин айтты.

«Жамбылдағы құрғақшылықтан Қырғызстаннан келетін су көлемінің аз болуына байланысты 350-ге жуық шаруа зардап шекті. 7,8 мың гектар жерге егін шықпай қалды. Онда жүгері және қант қызылшасы өсірілген», – деді ол орталық коммуникациялар қызметінде өткен брифингте.

Қазір Жамбыл облысы әкімдігі Ауыл шаруашылығы министрлігімен бірлесіп, шығынды есептеп жатыр.

«Шаруалардың шығындарын және мемлекет алдындағы бұрынғы берешегін өтеп беру, кредитін одан әрі ұзарту және субсидияны...

Фото: kursiv.media

Алматы әуежайындағы Халықаралық жолаушылар терминалын өткізу қабілетін жылына 14 млн жолаушыға дейін арттырады. Оның құрылысы 2024 жылы жазда бітеді. Алматы әуежайының президенті Альп Эр Тунга Ерсойдың айтуынша, жаңа ғимараттың құрылысы терминалдың тіке жолдарына борт көлеміне байланысты бір уақытта жеті ұшаққа дейін жеткізуге мүмкіндік береді.

Қазіргі қолданыстағы терминалдардың өткізу қабілеті жоғары емес. Биыл 7 айда Алматы әуежайы 5,2 млн жолаушы қабылдаған, бұл 2022 жылдың сәйкес кезеңінен 36%-ға жоғары.

Жолаушылар терминалының ауданы 55000 м2 құрайды. Дизайнға сәйкес, құрылым қолданыстағы терминал ғимаратына жер үсті өткелі арқылы қосылады. Жаңа үй-жай жолаушыларға ғимараттың сыртына шықпай-ақ ішкі және халықаралық рейстерден оңай ауысуға болады.

Қытай Украинадағы гуманитарлық жағдайды жеңілдетуге тырысады. Мұндай уәдені ҚХР СІМ ресми өкілі Ван Вэньбинь берді. Бұл туралы РИА Новости хабарлады.

«Қытай Украинадағы гуманитарлық жағдайды жеңілдетуде өзінше сындарлы рөл атқарды. Біз Украинадағы гуманитарлық жағдай бойынша алты тармақтан тұратын бастаманы қоса алғанда, арнайы ұсыныстар жасадық. Сонымен қатар гуманитарлық көмектің бірнеше партиясын жібердік», — деді ол.

Оның айтуынша, Бейжің осы бағытта өз күш-жігерін салуға дайын.

Бұған дейін Қытай Украинадағы қақтығысты реттеуге көмектесуге уәде берген болатын. ҚХР СІМ ресми өкілі Чэн Кунь Пекин келіссөздер мен саяси шешімге ықпал ететінін айтты.