Жаңалықтар

Елімізде жарты жылды 14,3 тонна есірткі тәркіленген. Бұл жайлы мемлекет басшысының қабылдауында Ішкі істер министрі Марат Ахметжанов айтты.

Министр президентке еліміздегі криминогендік ахуал жөнінде мәлімдеді. Ведомство басшысының айтуынша елде қылмыс саны азайған. Сонымен қатар ол мемлекет басшысына CyberPol жобасының нәтижелері туралы айтып, есірткі қылмысына қарсы күрес бағытында жүргізіліп жатқан жұмыстардың қорытындысымен бөлісті.

«Жыл басынан бері құқық қорғау және арнаулы органдардың бірлескен күш-жігерінің нәтижесінде 14,3 тонна есірткі, соның ішінде 71,5 кг героин, 652 кг синтетикалық есірткі тәркіленді. ІІМ күштері 52 есірткі зертханасын жойып, 85 тоннапрекурсор тәркіледі. Ұйымдасқан қылмыстық топтардың әрекеттері бойынша 37 қылмыстық іс...

«АрселорМиттал Теміртау» компаниясына қарасты «Қазақстан» шахтасында апат болды. Мұнда конвейер таспасынан өрт шыққан. Жүзден аса адам қауіпті аймақта қалып отыр. Бұл туралы «АрселорМиттал Теміртау» АҚ баспасөз қызметінен хабарлады.

Қазір, шахтада апатты жою жоспары іске асырылып жатыр. Апат болған жерге, Қарағанды облысы әкімінің бірінші орынбасары Вадим Басин мен Шахтинск қаласының әкімі Мұрат Қыдырғанбеков жетті.

Ақпаратқа сәйкес, апат салдарын жою үшін «Кәсіби әскерилендірілген авариялық-құтқару қызметі» (КӘАҚҚ) құтқарушылары жұмыс істеп жатыр.

«17 тамызда сағат 10:05-те «АрселорМиттал Теміртау» АҚ КД «Қазақстан» шахтасында Д6 (горизонт – 170 м) көмір еңісінің қазбасында конвейер таспасының өртенуі орын алды, апатты жою жоспары енгізілд...

Маңғыстау облысының прокуратурасы құны 7 млрд теңге болатын жер учаскеллерін мемлекет меншігіне қайтарды. Бұл жайлы өңірлік прокуратураның баспасөз қызметі хабарлады.

«Прокурорлық қадағалау шаралары бойынша ағымдағы жылы мемлекетке құны 7 млрд теңгеден асатын, жалпы ауданы 81 мың га құрайтын 94 жер учаскелері, оның ішінде «Алтын учаскелер» деп аталатын жерлер қайтарылды», делінген баспасөз хабарламасында.

Қайтарылған жерлер арасында жағалау аймақтары да бар. Жағалау маңында 2004 жылдан бері игерілмеген 2,6 млрд теңгені құрайтын 255,5 гектар 6 жер телімі анықталып, мемлекет меншігіне қайтарылған. Сондай-ақ, прокурорлар жер заңнамасын бұза отырып берілген жерлерді де мемлекет меншігіне қайтарған.Атап айтқанда, құны 1 млрд теңге болатын «OilRealEstate» ЖШС-не тиесілі 225 гектар жер телімі қайтарылды.

Қазақстанда «Ел берлігі» ордені пайда болды. Мемлекет басшысы тиісті құжатқа қол қойды.

«Қазақстан Республикасының мемлекеттік наградаларымен наградтауға ұсынудың және оларды тапсырудың тәртібі туралы нұсқаулықты, Қазақстан Республикасының мемлекеттік наградалары құжаттарының үлгілерін және Қазақстан Республикасының мемлекеттік наградалары белгілерінің сипаттамасын бекіту туралы» Қазақстан Республикасы Президентінің 1999 жылғы 8 қарашадағы № 90 өкіміне мынадай толықтыру енгізілсін: «Достық» (Дружба) орденінің сипаттамасынан кейін осы өкімге қосымшаға сәйкес «Ел бірлігі» (Единство народа) орденінің сипаттамасымен толықтырылсын», делінген құжатта.

Құжатта Қазақстан Республикасының «Ел бірлігі» орденінің сипаттамасы берілген. Оған сәйкес орденнің диаметрі 50 мм болатын екі қабатты сегіз бұрышты жұлдыз пішінінде жасалатыны жазылған...

АҚШ Ресей мен Қазақстанның компанияларына қатысты санкция салды. Бұл туралы сол елдің Қаржы министрлігінде жарияланған ақпаратта айтылған.

«Қаржы министрлігі Солтүстік Корея мен Ресей арасындағы қару-жарақ мәмілелеріне байланысты ұйымдарға санкциялар енгізді,» делінген хабарламада

Ақпаратқа сәйкес, бұл жолғы АҚШ-тың санкция тізімінде қазақстандық «Defense Engineering» ЖШС, ресейлік «Верус» ААҚ компаниясы бар. Сонымен қатар, Словакияның Versor s.r.o. компаниясы да санкцияға ілікті.

«Бұл акция Ресейдің Украинаға қарсы қатыгез соғысын қолдауға ұмтылған үшінші елдердің субъектілерін анықтау, әшкерелеу және жою бойынша АҚШ-тың жалғасып жатқан стратегиясының бір бөлігі. Ресей майдан даласында оқ-дәрілерді жұмсап және ауыр техникасын...

Орал қалалық соты Батыс Қазақстан облысы әкімінің орынбасары Ержан Балтаевқа айыппұл салды.

2023 жылдың 16 тамызында сот Ержан Балтаевқа қатысты үкім шығарды.

Ол қылмыстық кодекстің 361-бабының («лауазымдық өкілетін теріс пайдалану») 3-бөлігінде көзделген қылмыстық құқық бұзушылық жасағаны үшін кінәлі деп танылды және 2 500 АЕК (8 625 000 теңге) мөлшерінде айыппұл салу жазасы тағайындалды.

Балтаев мемлекеттік қызметте, жергілікті өзін-өзі басқару органдарында, Қазақстан Республикасының Ұлттық Банкінде және оның ведомстволарында, Қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда, мемлекеттік ұйымдарда және квазимемлекеттік сектор субъектілерінде лауазымдарды атқару құқығынан өмір бойына айырылды.

Ержан Балтаев үкім заңды күшіне енгеннен кейін айыппұлды бір...

Швейцариялық UBS банкінің жыл сайынғы жаһандық байлық есебіне сәйкес, 2022-2027 жылдар аралығында жаһандық жеке капитал 38%-ға өсіп, 629 триллион долларға жетуі мүмкін.

Банк келтірген мәліметтерге сенсек, миллионерлер саны артып, 3-4 жылдан кейін әлемде олардың саны 86 миллионға дейін жетеді.

«2027 жылға қарай бір ересек адамның әл-ауқат деңгейі 110 270 долларға көтеріліп, миллионерлер саны 86 миллион адамға дейін артады деп күтілуде. Ал байлығы 100 миллион доллардан асатын дәулеті бар адамдардың саны да 372 000 адамға дейін артады», – делінген банк есебінде.

2022 жылы әлем халқының ең ауқатты 1% иелік ететін байлық 44,5%-ға дейін төмендеген...

Еңбек және халықты әлеуметтік қорғау министрлігі коммуналдық қызмет ақысының көтерілуіне байланысты зейнеткерлерге көмек ақы берілетіні туралы ақпаратты жоққа шығарды.

«Мессенджерлер мен әлеуметтік желілерде Қазақстан Республикасы Үкіметінің қаулысымен барлық зейнеткерлерге коммуналдық қызмет бағасының өсуіне байланысты материалдық көмек көрсетіледі деген тарап жатқан ақпарат шындыққа жанаспайды. Себебеі, Үкімет тарапынан дотациялық қаржылық көмек көрсету туралы қаулы қабылданған жоқ.», делінген хабарламада.

Дегенмен, жергілікті атқарушы органдар жергілікті бюджеттен аз қамтылған отбасыларға (азаматтарға) жеке тұрғын үйді ұстауға кеткен шығындар арасындағы айырмашылықты өтеп беру мүмкіндігі қарастырылған. Мұндай көмек, «Тұрғын үй қатынастары туралы» Заңының аясында көрсетіледі.

«Бұл көмекке «Тұрғын үй көмегін тағайындау...

Елімізде 62 мектептің құрылысы жемқорлардан жиналған ақшаға қаржыландырылды, Бұл жайлы Үкімет үйінің баспасөз қызметі хабарлады.

«Жемқорлардан тәркіленген қаражат жинақталатын Қор арқылы бүгінде еліміздің бірқатар өңірінде, сондай-ақ Астана, Алматы және Шымкент қалаларында 76 мың орынға шақталған, екі ауысымдық 62 мектеп құрылысы қаржыландырылды», делінген баспасөз хабарламасында.

Жалпы, Қор құрылған өткен жылдың желтоқсан айынан бері оның есепшотына 151,6 млрд теңге түскен. Қордың қызметі мектептерді, қосалқы ғимараттарды және интернаттарды салу және қайта жаңғырту арқылы үш ауысымдық мектептер мен апатты оқу орындарының мәселелерін шешуге және жалпы білім беру мекемелеріндегі орын тапшылығын жоюға бағытталған.

Бұған дейін премьер-министрдің орынбасары – қаржы министр...

Freedom Life Өмірді сақтандыру компаниясы әлемнің әртүрлі елдерінде жиналған сақтандыру сыйақы мөлшерін есептеп, көшбасшыларды атады.

Қазір әлемдегі ең ірі сақтандыру нарығы- АҚШ. 2022 жылы оның қатысушылары 2,7 трлн сақтандыру сыйақысын жинады. Бір жыл ішінде өсім 8,1% құрады. Сондай-ақ, алғашқы бестікке Қытай ( 696,1 млрд, 6,1% өсім), Жапония (4 403,6 млрд, 2,6% қысқару), Ұлыбритания (3 399,1 млрд, 16,7% өсім) және Франция (2 296,4 млрд, 24% өсім) кірді.

Қазақстан әлемдік сақтандыру нарығының 20 көшбасшысының қатарына кірген жоқ. Өткен жылы сыйақы жиынтық көлемі 899,6 млрд теңгені ($1,9 млрд) құрады

Сонымен қатар, Қазақстанда да өсу байқалады. Шетелдік мамандардың бағалауы бойынша, 2027 жылға қарай қазақстанды...

Eriell халықаралық мұнайсервистік топ 2023 жылдың соңына қарай Қазақстан нарығына шығуды көздеп отыр. Бұл туралы компанияның жартыжылдық есебінде жазылған.

«2023 жылы ERIELL Қазақстанда қызметін бастауды жоспарлап отыр, бірінші жартыжылдықта бұл үшін дайындық жұмыстары жүргізілді. Топ Қазақстанның мұнай-газ секторындағы негізгі қатысушылармен жұмыс істеуге және тендерлерге қатысуға ниетті. Компания осы жылдың соңына дейін Қазақстанда кеңсе ашуды көздеп отыр», – деп жазылған құжатта.

Сонымен қатар халықаралық мұнайсервистік топ Қытайдың ірі компанияларымен инвестициялар және қосымша жобалар бойынша келіссөздер жүргізілуде.

Eriell – Ресейдегі, Орталық және Оңтүстік Азиядағы және Таяу Шығыстағы мұнай-газ компанияларына ұңғымаларды салу және жөндеу қызметтерін ұсынатын халықаралық мұнайсервистік...

Швеция Түркияның экстрадициялауға сұралған адамдарды беру жөніндегі талаптарын орындауға асықпауға шешім қабылдады. Бұл туралы Yeni Shafak басылымы жазды.

Швеция экстрадициялауға сұралған 70 адамның төртеуін ғана бергені нақтыланды.

«Олардың бірі-Түркияда «террористік ұйымға мүше болғаны» үшін түрмеде отырған Махмут Тат. Тағы үш қылмыскердің қатарында Мехмет Кокулу есірткі сатқаны үшін, ал Окан Кале мен Омер Камил Алтын алаяқтық жасағаны үшін сотталды», — деп атап өтті газет.

Қазір Швеция Түркияның НАТО-ға кіруін мақұлдауды күтуде. Алайда, Құранды өртеу әрекеті альянсқа мүшелікке қауіп төндіреді.

Астана тұрғындары 2,1 млрд теңге болатын көлік салығын төлемеген. Бұл туралы Астана қаласы бойынша мемлекеттік кірістер департаменті хабарлады.

Қалада полицейлер мен жеке сот орындаушыларының өңірлік палатасы бірлесіп, «Борышкер» жедел-алдын алу іс-шарасын өткізіп жатыр.

Жеке тұлғалардың көлік салығына берешегі – 2,1 млрд теңге. Рейд барысында 97 млн теңге өндірілді. Іс-шараны өткізу барысында Lexus, Toyota Land Cruiser, Mercedes Benz, Tundra маркалы және қозғалтқыш көлемі 4 мың текше см-ден асатын 20-дан аса көлік айыппұл тұрағына қойылды.

Рейд жыл соңына дейін тұрақты түрде жалғасады. Бұл ретте kgd.gov.kz сайтының және e-Salyq Azamat мобильді қосымшалары мен екінші деңгейдегі банктер көмегімен қарызды тексеруге болады.

Астана қаласы бойынша...

Шілде айында АҚШ-та құрылысы басталған үйлердің саны маусымға қарай 3,9% – ға өсіп, жылдық қарқынмен 1,452 млн құрады, деп хабарлады АҚШ-тың сауда министрлігі.

Шілде айында АҚШ-та берілген жаңа үйлердің құрылысына рұқсаттардың саны 0,1% – ға артты.

Бір отбасына есептелген үйлердің құрылысы өткен айда 6,7% – ға ұлғайды.

11 тамызда АҚШ-тағы 30 жылдық ипотека бойынша ставкалардың орташа мөлшері американдық мемлекеттік облигациялардың кірістілігінің артуы аясында 2022 жылдың қазан айынан бастап ең жоғары деңгейге көтерілді, деп хабарлады ипотекалық банкирлер қауымдастығы.

Өткен аптада АҚШ-тағы ипотекалық несиеге өтінімдер саны бір апта бұрын 3,1% – ға төмендегеннен кейін 0,8% – ға қысқарды. Оның ішінде ипотеканы...

Ауғанстанды бақылайтын «Талибан» қозғалысы елдегі саяси партиялардың қызметіне толық тыйым салатынын жариялады.

Тәліптердің Әділет министрі Абдул Хаким Шарай «үкіметтің халық алдындағы жауапкершілігі» телебағдарламасында сөйлеген сөзінде елдегі партиялардың саяси қызметіне мүлдем тыйым салынғанын айтты.

«Саяси партиялардың қызметінде шариғат негізі жоқ, ол ұлт пен халықтың мүддесіне сай келмейді»-деді ол.

Талибан Ауғанстанда билікті басып алғанға дейін елдің Әділет министрлігінде 73 саяси партия тіркелген. Талибан билікке келгеннен кейін Саяси партия жетекшілерінің көпшілігі елден кетіп, қазір басқа елдерде тұрады.

Талибан қозғалысы Ауғанстанды 2021 жылдың тамызында АҚШ әскерлері, олардың одақтастары, сондай-ақ олар 20 жыл бойы қолдаған Үкімет елден асығыс...

Енді Қазақстанда мұнайға экспорттық баж мөлшерін жаңа тәсілмен есептейтін болды. Тиісті әдістемені қамтитын бұйрыққа сауда және интеграция министрі Серік Жұманғарин қол қойды.

Әзірге қолданыстағы ережелер алдыңғы айдағы әлемдік нарықтағы мұнайдың орташа нарықтық бағасына байланысты баж мөлшерлемесін қолдануды көздейді. Барреліне $25 доллардан төмен бағамен баж төленбейді. $25-30 баға диапазонында тоннасына $10 баж қолданылады, $30-35 бағасымен баж $20-ға тең. Болашақта барреліне $5 нарықтық бағалар диапазонының әрбір өсуі үшін баж мөлшерін тоннасына $5-ке ұлғайту көзделген.

Мұнай бағасы барреліне $100 — ден жоғары болса, баж салығын көтеру қадамы тоннасына $5-тен тон $15-ке дейін, барреліне $3145-тен жоғары бағамен-тоннасына $16-ға артады. Мұнай барреліне $185-тен қымбат болса...

2023 жылдың шілдесінде Ұлыбританияда тұрғын үйді жалға алу Ұлттық статистика басқармасының (IRS) алдын ала деректері бойынша 2016 жылдың қаңтарынан бастап жылдық мәнде 5,3% – ға өсті .Бұл туралы Іnterfax.ru хабарлады.

Тарихи максимум Лондонда да тіркелді, онда статистика 2006 жылдың қаңтарынан бастап тіркелді.

Ұлыбритания астанасында пәтер жалдау құны шілдеде 5,5% – ға өсті.

Англияда шілде айында жалдау ақысы 5,2% – ға, Уэльсте 6,5% – ға, Шотландияда 5,7% – ға өсті. Қарқын рекордтық деңгейге жетті (сәйкесінше 2006 жылдың қаңтарынан, 2010 жылдың қаңтарынан және 2012 жылдың қаңтарынан бастап).

Бұл ретте Ұлыбританиядағы тұрғын үйдің орташа бағасы мамыр айында қайта қаралған 1,8% – ға...

Әлемдегі ең ірі келісімшарттық электроника өндіруші және Apple Inc. өнімдерін жеткізуші тайваньдық компания Foxconn Technology Group жуырда Үндістанның Тамилнад штатындағы зауыттында iPhone 15 шығаруды бастайды, деп хабарлайды The Economic Times.

Apple компаниясының соңғы үлгідегі смартфондары Қытайдағы зауыттан шыққаннан кейін 2-3 апта ішінде үндістандық зауыт құрылғыларды жеткізуге кіріседі.
Осылайша, америкалық IT алыбы Apple негізгі өндіріс орталығы орналасқан АҚШ пен Қытай арасындағы шиеленіс жағдайында тәуекелдерді азайтпақ. Нәтижесінде танымал бренд жеткізу нарықтарын әртараптандыру бойынша көпжылдық жоспарды жүзеге асырмақ.

Компанияның өндірісті Үндістанда ашуына бірнеше фактор ықпал етті. Олардың қатарында жергілікті билік ұсынатын елде жоғары технологиялық өндірістерді дамытуға бағытталған әртүрлі қаржылық ынталандырулар іс-шаралары бар. Үндістанның премьер-министр...

2023 жылғы қаңтар-маусымда 267 млрд теңге немесе ҚР-да негізгі капиталға салынған барлық инвестициялардың 4%-ы Алматы облысына тиесілі болды. Бұл туралы ҚР Ұлттық экономика министрлігі баспасөз қызметі хабарлады

Жалпы, Алматы облысына салынған негізгі капиталға инвестициялар (НКИ) өсімі 119,4%-ды құрады, бұл – еліміздің аграрлық-индустриялық өңірлері арасында жоғары көрсеткіш. Мысалы, Қостанай облысына салынған капитал салымдарының өсімі – 118,9%, Ақмола өңіріне – 116,1%, Солтүстік Қазақстан облысына – 98,1%.  

Өңірге 267 миллиардтаған инвестициядан:

188,9 млрд немесе 70,7%-ды (облыстың НКИ жалпы көлемінен) шағын бизнес; 

42,5 млрд теңге немесе 15,9 % – орта бизнес;

35,7 млрд теңге немесе 13,4% – ірі бизнес инвестициялады.

25,8% (облыстың НКИ...

Аймақтық бағдарлама аясында бизнеске арналған жеңілдетілген несие бойынша мөлшерлеме 6%-ға дейін төмендеді. Бұл туралы ӨКҚ брифингінде Алматы қаласы Кәсіпкерлік және инвестициялар басқармасының басшысы Берік Солтанбаев мәлімдеді.

«Almaty Business» өңірлік бағдарламасы аясында «Jana Business» жаңа қосалқы өнімі 7% орнына 6% жеңілдетілген несие бойынша жүзеге асырылады. Шартқа сәйкес, 100 млн теңге, 7 жыл мерзімге беріледі.

«Бағдарламаның тағы бір жаңашылдығы өнеркәсіп парктері субъектілеріне жылдық 6%-бен, 500 млн теңгеге дейін, 7 жылға дейінгі мерзімге несие алу мүмкіндігін беруде», – деді Берік Солтанбаев.

Кәсіпкерлік және инвестициялар басқармасының басшысы «Алматы Бизнес – 2025» өңірлік бағдарламасы аясында 2023 жылдың алғашқы...

Алматы әкімі Ерболат Досаев пен TAV Airports Holding компаниясының президенті Серкан Каптан Алматы халықаралық әуежайының жаңа жолаушылар терминалының құрылыс барысын талқылады, деп хабарлайды Алматы қалалық әкімдігінің баспасөз қызметі.

Серкан Каптан қазіргі уақытта негізгі құрылыс-монтаж жұмыстары 65%-ға біткенін мәлімдеді.

«Құрылыс қарқыны жеделдеп отыр. Қолданыстағы терминалдың эстакадасы биыл 1 қыркүйекке дейін ашылады. Нысанды пайдалануға беру белгіленген мерзімнен бұрын – 2024 жылы жаз айының басына жоспарланып отыр», деді ол.

Ал қала басшысы Алматы әуежайында қызмет көрсету сапасына тоқталды. Ол алматылықтар мен қала қонақтары бірнеше сағаттық кезек күтетінін, жүкті де ұзақ уақыт бойы күтіп қалатынын, көлік тұрағының жетіспеушілігін...

Осы жылдың қаңтар-маусым аралығында Қазақстан мен Қытай арасындағы ауыл шаруашылығы өнімдерінің тауар айналымы 73%-ға артып, 578,5 млн долларды құраған. Бұл жайлы Ауыл шаруашлығы министрлігінің баспасөз қызметі хабарлады.

«Мемлекет басшысының ҚХР-ға сапары аясында биылғы жылдың мамыр айында бұршақ пен жасымық, күнбағыс тұқымы, соя, мақсары мен зығыр тұқымы, сондай-ақ балық өнімдері экспорты бойынша 3 хаттамаға қол қойылған. Бұл қазақстандық мал және өсімдік шаруашылығы өнімдерінің ҚХР-ға экспортын ұлғайтуға мүмкіндік береді. Айта кететін бір жайт қаңтар-маусым аралығында Қазақстан мен Қытай арасындағы ауыл шаруашылығы өнімдерінің тауар айналымы 73%-ға артып, 578,5 млн долларды құрады», делінген баспасөз хабарламасында.

Баспасөз қызметінің хабарлауынша  Ауыл шаруашылығы министр...

Мемлекеттік қызмет істері агенттігінің төрағасы Дархан Жазықбаев Президенттік жастар кадр резервіне іріктеу қашан басталатынын айтты.

«Биыл 1 қыркүйекте іріктеу басталады. Өтінімдер 30 қыркүйекке дейін жалғасады. Президенттік кадр резервінің конкурсына жасы 35-тен аспаған, жоғары білімді, 5 жылдық жұмыс тәжірибесі бар, мемлекеттік тілді В1 деңгейінен төмен емес меңгерген Қазақстан азаматы қатыса алады», – деді Дархан Жазықбаев орталық коммуникациялар қызметінде өткен брифингте.

Оның айтуынша, биыл резервке өту үшін үміткерлер 6 кезеңнен тұратын кешенді іріктеуден өтеді.

«Құжаттарды қабылдау, мәтіндік және сандық ақпаратпен жұмыс істеу қабілетін бағалау, ситуациялық тапсырмаларды шешу, құзыреттерді бағалау (Assessment center және құзыреттер...

Мемлекеттік қызмет істері агенттігінің төрағасы Дархан Жазықбаев Қазақстанда жоғары лауазымды мемлекеттік қызметкерлерге казиноға баруға тыйым салынады деген ақпаратқа қатысты пікір білдірді, деп хабарлайды Kursiv.kz.

«Біз мемлекеттік қызметкерлердің казиноға барынуа тыйым қойғалы жатырмыз. Бұл норманы заңға әдеп жағынан енгіземіз. Сыбайлас жемқорлыққа қарсы іс-қимыл агенттігі заңға байланысты жұмыстар жүргізіп жатыр. Осы жұмыстар жүргізілгесін сізге нақты ақпаратты береміз», – деді агенттік төрағасы.

Бұған дейін елімізде лауазымды мемлекеттік қызметкерлер казиноға баруға тыйым салынатыны хабарланған. Бұл туралы «Қазақстан Президентінің кейбір жарлықтарына өзгерістер мен толықтырулар енгізу туралы» Жарлық жобасында жазылды.

Жарлыққа төмендегідей өзгерістер енгізіледі: