Жаңалықтар

ITS халықаралық сауда алаңындағы акциялар мен депозитарлық қолхаттар саудасының көлемі қазан айында 65,7 млн долларды (31,3 млрд теңге1) құрады. Бұл 2023 жылғы қыркүйекпен салыстырғанда 57,2%-ға көп (41,8 млн доллар). Халықаралық компаниялардың акциялары мен депозитарлық қолхаттарымен мәмілелердің жалпы саны 29,8 мың мәміле болды. Бұл туралы компанияның баспасөз қызметі хабарлады.

Акциясы сатылым жағынан ең жоғары болған топ-10 компания тізіміне Birkenstock Holding (ITS: BIRK, 11,8% қазан айының жалпы сауда көлемінен), Coinbase Global (тикер: COIN, 8,03%), Tesla (тикер: TSLA, 3,46%), Marathon Digital Holdings (тикер: MARA, 3,01%), MicroStrategy Incorporated (тикер: MSTR, 2,57%), Molina Healthcare (тикер: MOH, 1,34%), Palantir Technologies (тикер: PLTR, 1,28%), Affirm Holdings (тикер...

Moody ‘s Investors Service (Moody’ s) халықаралық рейтингтік агенттігі ұзақ мерзімді және қысқа мерзімді депозиттік рейтингтерді, контрагенттердің ұзақ мерзімді тәуекел рейтингтерін (CRR), контрагенттердің тәуекелдерін бағалауды (CR Assessments), несие қабілеттілігінің базалық бағасы бойынша «Қазақстан Халық банкі», «Altyn Bank», «Кaspi Bank», «Отбасы банкі» және ForteBank рейтингін растады және болжамды оң нәтижеге дейін көтерді, деп хабарлады агенттік.

Moody ‘s банк рейтингтері бойынша болжамдарды «тұрақтыдан» «оң нәтижеге» өзгертті.

Агенттікте нақтыланғандай, «Халық банкінің» ұзақ мерзімді депозиттік рейтингтерін «Baa2» деңгейінде растау және «ba2» деңгейінде BCA банктің күшті капиталы, табыстылығы мен жақсы өтімділігі арасындағы тұрақты теңгерімді көрсетті.

Сонымен қатар, Moody ‘ s агенттігі «Altyn Bank»-тің «Ba1» және BCA-ның «ba2» деңгейіндег...

Еңбек және халықты әлеуметтік қорғау министрлігі мен Мемлекеттік әлеуметтік сақтандыру қоры Костенко шахтасында болған апат кезінде қайтыс болған 17 кеншінің балаларына жәрдемақы тағайындады.

Қаза тапқан 46 кеншінің 21-нің отбасына асыраушысынан айырылу жағдайы бойынша мемлекет есебінен әлеуметтік жәрдемақы төленеді. Оның мөлшері отбасындағы бала санына қарай есептеледі. Бір балаға 37 322 теңге болса, 5 балаға 111 560 теңге болады. Жәрдемақының бұл түрі 8 жасқа дейінгі бала күтіміме жұмыс істемейтін аналарға да тағайындалды.

Ал Мемлекеттік әлеуметтік сақтандыру қорының қаражаты есебінен қайтыс боған адамның табысы мен әлеуметтік сақтандыру жүйесіне қарай отырып, төлемдер мөлшері айына 56 мың теңгеден 272 мың теңгеге дейінгі аралықты құрайды.

Заңға сәйкес, бұл төлемдер балалар 18 жасқа толғанға...

Фото: kursiv.media

Moody’s Investors Service агенттігі «Бәйтерек» ҰБХ» АҚ-ның рейтингін растады. Холдингтің ұзақ мерзімді және қысқа мерзімді эмитент рейтингі – Baa2/Prime-2 деңгейінде, болжам – «Позитивті». Бұл туралы Қазақстан қор биржасына жолданған хабарламада жазылған.

«2023 жылғы 31 қазанда Moody’s Investors Service халықаралық рейтингтік агенттігі «Бәйтерек» ҰБХ» АҚ ұзақ мерзімді және қысқа мерзімді эмитент рейтингін Baa2/Prime-2 деңгейінде растады, болжамы позитивті деңгейіне жақсарды», – делінген хабарламада.

Сонымен қатар агенттік «Бәйтерек» ҰБХ» АҚ еншілес үйымы – «Қазақстанның Даму Банкі» АҚ эмитентінің Baa2 деңгейіндегі ұзақ мерзімді рейтигін растап, бұл ретте болжам «тұрақтыдан» «оңға» өзгертілген.

Фото:

Орталық Азияда екі жаңа көлік дәлізі пайда болады. Оның бірі Қазақстанды айналып өтсе, екіншісі Ресейден Қазақстан арқылы Пәкістанға дейін барады. Бұл келісімге Шанхай ынтымақтастық ұйымы елдерінің Ташкенттегі транспорт форумында қол қойылды.

«Беларусь – Ресей – Қазақстан – Өзбекстан – Ауғанстан – Пәкістан» дәлізін құруға Өзбекстан, Қазақстан және Ресей өкілдері келісті. «Ресей – Каспий теңізі – Түркіменстан – Өзбекстан – Қырғызстан» транспорт дәлізін құруға Ресей, Өзбекстан және Қырғызстан тарапы қол қойды.

Осыған дейін тамыз айында Қазақстан-Қырғызстан шекарасында жүк көліктерінің кептелісі пайда болған. Қазақстаннан Қырғызстанға өту жеңіл болғанымен кері маршрут кезінде шекара қызметі ұзақ уақыт тексеру өткізіп, Қырғызстан бекетінде...

Фото: kursiv.media

«ҚазМұнайГаз» АҚ биыл мажарлық MOL және қытайлық Sinopec компанияларымен бірлесіп, «Рожковское» кен орнында газ өндіруді бастауды жоспарлап отыр, Биыл өндірілетін газ көлемі 13 миллион текше метр болады деп жоспарланып отыр. Бұл туралы ҚМГ басқарма төрағасы Мағзұм Мырзағалиев мәлімдеді.

«Атап айтқанда, MOL компаниясымен біз Батыс Қазақстанда орналасқан Рожковское кен орнын игеріп жатырмыз. Ол жерде үш серіктес бар – біз, MOL және қытайлық Sinopec. Біз қазірдің өзінде өндірісті бастауды жоспарлап жатқанымызды атап өтуге болады. (…) Биыл шамамен 13 миллион текше метр газ беруді жоспарлап отырмыз», – деді Мырзағалиев бейсенбі күні Қазақстан Президентінің резиденциясында журналистерге.

Астанада «Оператор РОП» ұйымының бұрынғы құрылтайшысы Шынар Мұхтарованың сот ісі жалғасуда. Бүгін оның 920 млн теңге көлеміндегі шығынды толық өтеп, алда тергеумен келіссөзге келуге дайын екені белгілі болды.

Алдыңғы сот отырысында Мұхтарова өз кінәсын мойындап, келісімге келуді қалайтынын айтқан еді. Бүгін прокуратура келісімнен бас тартқаны белгілі болды. Себебі шығын өтелгені туралы квитанцияның оригинал үлгісі болмаған.

«Біз тек Мұхтарованың ғана емес, Коротенконың да осы жағдайға қатысты қарызын өтедік. Бұл шығынды Мұхтарованың қызы өтейді. Біздің қолымызда квитанцияның оригиналы болғандықтан, біз келісімге келуге өтінішті қайта жібереміз», – дейді Мұхтарованың қорғаушысы.

Оның сөзін «Оператор РОП» өкілі растады. «Ақша түст...

Сенаторлар бүгінгі Палата отырысында тау-кен құтқару қызметін мемлекет меншігіне қайтаруды талап етті.

Сенат депутаты Сергей Ершов Премьер-Министр Әлихан Смайыловқа Кәсіби әскерилендірілген авариялық-құтқару қызметін мемлекет меншігіне қайтаруды сұрап жүгінді. Елімізде шахталардағы апаттармен кәсіби әскерилендірілген авариялық-құтқару қызметтерінің республикалық орталық штабы күреседі.

«Құтқару қызметінің жекенің қолында болу бүгінгі күннің өзекті мәселесі. Олардың негізгі міндеті – аса қауіпті өндірістік объектілердегі төтенше жағдайлардың алдын алу және профилактика жүргізу. Өкінішке қарай, «Кәсіби әскерилендірілген авариялық-құтқару жұмыстары қызметі» республикалық мемлекеттік кәсіпорнын жекешелендіру біз күткен нәтиже бермеді», – деді Ершов.

Депутат жеке меншіктің қолында болғандықтан, мамандар жағдайды «объективті бағалаудан қорқатынын» айтты. Сонымен...

Болат Назарбаев «Алтын Орда» базарының иесі емес екені анықталды. Сауда және интеграция министрлігінде өткен брифингте министр Арман Шаққалиев тексеру қорытындысы туралы мәлімдеді.

«Білесіздер ме, біз зерделеген құжаттарда ол базар иесі деп көрсетілмеген. Сондықтан мен оның тұлғасы туралы, Болат Назарбаев меншік иесі, оның «құлағы бір жерден қылтиып тұр» деп айта алмаймын. Заң бойынша айта алмаймын», – деді А. Шаққалиев.

Министр «Алтын Орда» базарының меншік иесі саналатын тұлғалар бар екенін, оның ЖШС екенін, олар жол картасына қол қойғанын, өздеріне жауапкершілік алғанын мәлімдеді.

«Біз барлығын солардан сұраймыз. Олар тізілімге тіркелген, ресми меншік иес...

Фото: kursiv.media

Ұлттық банк БЖЗҚ қаржысын банктердің ұзақ мерзімді облигацияларына салуға ниетті. Осы қаржыны банктер тек экономиканың нақты секторына несие беруге жұмсауы шарт. Бұл туралы Ұлттық банк басшысы Тимур Сүлейменовтың Мәжіліс депутаттары сауалына берген жауабында жазылған.

ҰБ басшысының айтуынша, экономиканы кредиттеудің орнықты өсу факторларының бірі – банктерге «ұзақ» жобаларды ұзақ мерзімді жоспарлауды және қаржыландыруды жүзеге асыруға мүмкіндік беретін тұрақты қаржы көздерін қалыптастыруға жағдай жасау.

«Ұлттық Банк «Бірыңғай жинақтаушы зейнетақықоры» АҚ зейнетақы активтерін нарықтық шарттарда банктердің тұрақтылығына қойылатын талаптарды белгілей отырып және бизнесті кредиттеу бойынша қарсы міндеттемелерді қоя отырып, банктердің ұзақ мерзімді облигацияларына инвестициялау...

Қазақстан діни қызметті реттеу саласындағы заңға қатаң өзгерістер енгізуге 2018 жылы дайын болған. Алайда АҚШ мемлекеттік департаментінің баяндамасынан кейін 2 жыл дайындалған жобадан бас тартып, парламенттен қайтарып алған. Бұл туралы мәжіліс депутаттарының сауалына жауабында Ұлттық қауіпсіздік комитетінің төрағасы Ермек Смағұлов жазды.

Ермек Смағұлов мәжіліс депутаттары жолдаған «Теріс діни ағымдарға және діни қызмет саласындағы заңнаманы жетілдіруге қатысты» сауалға жауабында аталмыш заң жобасы 7 жыл бұрын мемлекеттік талқылауға шығып, кейін АҚШ санкциялары қаупі болғандықтан, жұмыс тоқтатылғанын айта кетті.

«Бұл мәселе 2016 жылғы Ақтөбе мен Алматыдағы белгілі террористік актілерді тергеу нәтижелерін ескере отырып, 2017 жылы ерекше өзектілікке ие...

Еліміздің біраз ауруханаларында резервті электр энергиясын беретін генератор жоқ. Яғни апатты жағдайда, ауруханада өмірі қыл үстінде жатқан емделушілер мен, әсіресе, инкубацияда жатқан нәрестелердің өміріне қауіп төнуі мүмкін. Бұл жайлы Палата отырысында депутат Жанна Асанова айтты.

Депутат осы мәселемен Денсаулық сақтау министрі Ажар Ғиниятқызына сауал жолдады.

«Астанада 29 қазанда жарық пен су өшіп қалды. Трансформаторлық подстанцияда аврария болғаны себепті қала жарық пен судан ажырап қалды. Мұндай техногендік апаттар медициналық мекемелердің жұмысына кері әсер етуі мүмкін. Өйткені қазіргі уақытта Қазақстанның біраз ауруханаларында резервті генераторлар жоқ», деді Асанова.

Ол қазіргі замануи ауруханалар халыққа сапалы...

Франция президенті Эмманюэль Макронның ресми сапары аясында «Қазатомөнеркәсіп» ҰАК» АҚ мен Framatome компаниясы келімге келді. Бұл келісім ядролық отын циклі саласындағы өзара тиімді ынтымақтастықты дамытуға бағытталған.

«Framatome – ядролық отын циклі жобаларын дамыту саласында Қазатомөнеркәсіп үшін стратегиялық маңызды әріптестердің бірі. Бірлескен кооперация атом энергиясын бейбіт мақсатта пайдалану саласындағы елдеріміз арасындағы екіжақты қатынастарды дамыту үшін жаңа перспективалар ашуға мүмкіндік беретініне сенімдімін», – деп атап өтті Қазатомөнеркәсіп басқарма төрағасы Мейіржан Юсупов.

Келісім ядролық отын циклі саласындағы бірлескен жобаларды іске асыру үшін компаниялар арасындағы өзара тиімді ынтымақтастықты кеңейтуді, сондай-ақ мамандарды оқыту мен даярлауды көздейді.

«Framatome...

Өзбекстанда қоғамдық орындарда паранжа киюге және көп әйел алуға үгіттеуге тыйым салынды. Осы елдің Әділет министрлігі президент Шавкат Мирзиеевтің арнайы заңға қол қойғанын хабарлады.

Министрлік хабарлауынша, бұл қоғамдағы тұрақтылықты сақтауға бағытталған шара. Соның ішінде құқық қорғау органдары енгізіп жатқан «Қауіпсіз қала» ақпараттық жүйесі жұмысын жүргізуге бағытталған. Бұл жүйе қоғамдық орындарда адамның бет бейнесі арқылы ол туралы ақпарат алу мүмкіндігін береді. Ал бетті жауып жүретін паранжа бұл жұмысқа кедергі келтіреді.

Ережені бұзған адамдар $405 бастап $810 дейін айыппұл төлеуге міндетті. Алайда қызмет барысында бетті жабуға қажеттілік болса, айыппұл салынбайды.

«Қажетті медициналық көрсеткіштер бойынша мәдени немесе спортты...

ҚазМұнайГаз компаниясы бұрғылау департаментінің экс-директорына тиесілі компания «Aurum Mining» Түркістан облысында пайдалы қазбаларды іздеу үшін барлау жұмыстарын жүргізуге қайтадан рұқсат алды.

Электронды үкіметтің Ашық НҚА порталында жарияланған қаулыда Түркістан облыстық соты Түлкібас аудандық сотының шешемін өзгеріссіз қалдырғаны жазылған. Енді әкімдік сот шешімін орындауға міндетті.

«Түлкібас ауданы, Арыс, Балықты ауылдық округтерінде орналасқан жалпы алаңы 226,64 га. жер учаскелеріне «Aurum Mining» жауапкершілігі шектеулі серіктестігіне қатты пайдалы қазбаларды барлау үшін жер учаскелерін жер пайдаланушылардан алып қоймай 2027 жылдың 24 желтоқсанына дейін қауымдық сервитут белгіленсін», – делінген қаулыда.

Сервитут, яғни өзгенің меншігіндегі жерде шектеулі түрде қолдану туралы...

Қазақстанда биыл қызылшамен 11 мың адам ауырған. Бұл жайлы Денсаулық сақтау министрлігінің бірінші вице-министрі Тимур Сұлтанғазиев айтты.

«Биылғы жылы 11 мың қызылшамен ауру жағдайы тіркелді. Соның ішінде Шымкент, Алматы, Алматы және Жамбыл облыстарында жағдай күрделі. Қызылшамен ауырғандардың 83 пайызы 0-14 жас аралығындағы балалар болса, оның 85 пайызы қажетті екпе алмаған»,- деді ол кулуарда.

Вице-министрдің айтуынша, екпе алмағандардың көпшілігінде медициналық қарсы көрсетілімдері бар болса, кейбіреулері түрлі әлеуметтік желілерден жалған ақпарат естіп алып, екпеден өз еркімен бас тартқандар екен.

Ал жұқпалы аурудың осы өңірлерде кең тарауының себебін халықтың тығыз орналасуымен түсіндірді.

Фото: kursiv.media

Сәрсенбі күні АҚШ қор индекстері сауда-саттықты жоғары өсіммен аяқтады. Нарық өкілдері еңбек нарығының статистика деректері мен ФРЖ отырысының нәтижелерін бағалады.

Федералды резерв жүйесінің сәрсенбі күнгі отырысында федералды қорлардың пайыздық мөлшерлемесін жылдық 5,25-5,5% деңгейінде қалдырды. Шешімді ФРЖ мүшелері бірауыздан қабылдап, бұл шешім көптеген сарапшы мен экономистердің болжамымен сәйкес келді. Бұл көрсеткіш кейінгі 22 жылдағы ең жоғары деңгейде қалып отыр.

«ФРЖ қазірдің өзінде көп жұмыс атқарды, бұл ақша-несие саясатына сақтықпен қарауға алып келеді», – деді Америка Орталық банкінің төрағасы Джером Пауэлл баспасөз мәслихаты барысында.

Сонымен қатар, Пауэлл инфляцияның мақсатты 2% деңгейіне жету жолы ұза...

«Елімай-2019» тұтыну кооперативін ұйымдастырушылары қаржы пирамидасын құрғаны үшін бас бостандығынан айырылды, деп хабарлайды Қаржы мониторингі агенттігінің баспасөз қызметі.

Ерлі-зайыптылар екі жыл бойы 3 мыңға жуық салымшының 1,5 млрд теңгеден асатын қаражатын заңсыз пайдаланған.

«ҚМА Алматы облысы бойынша департаменті «Елімай-2019» тұтыну кооперативі қаржы пирамидасының ұйымдастырушылары 2019-2021 жылдар аралығында қайтарымсыз қарыз беру түрінде 3 мыңға жуық салымшының 1,5 млрд теңгеден аса қаражатын заңсыз тартқандығы анықталды»,- делінген баспасөз хабарламасында.

Осыған дейін ҚМА бұл ерлі зайыптылардың Ербол Кизбаев пен оның жары Жазира Өмірбаева екенін хабарлады. Агенттік 2022 жылдың 20 қаңтарында оларға мемлекетаралық іздеу жариялады. Ол кезде жұбайлардың үстінен...

Қазақстан ресейлік «Газпром» компаниясымен газ сатып алу, тасымалдау, өндіру және қайта өңдеуге қатысты стратегиялық серіктестік туралы келісімге қол қойды. Бұл туралы ресейлік холдингтің баспасөз қызметі хабарлады.

Премьер-министрдің орынбасары Роман Склярмен «Газпром» холдингінің басшысы Алексей Миллер 1 қараша күні өткен Петербордағы халықаралық газ форум аясында қызметтік кездесу өткізді.

«Роман Скляр мен Алексей Миллер стратегиялық серіктестік туралы келісімге қол қойды. Құжатта газ сатып алу, тасымалдау және қайта өңдеумен қатар, геологиялық зерттеулер жүргізіп, газ өндіру мәселелері туралы жазылған», – делінген хабарламада.

Петербордағы халықаралық газ форумында Роман Скляр Ресей Қазақстанға 3 млрд кубометр газ жеткізетіні туралы келіссөз...

ҚР Премьер-Министрі Әлихан Смайылов пен Orano S. A. компаниясының бас операциялық директоры Николя Мас энергетика саласындағы ынтымақтастық мәселелерін талқылады, деп хабарлайды Үкімет үйі.

Кездесу барысында Үкімет басшысы Қазақстан мен Франция энергетика саласында байырғы стратегиялық әріптес екенін «Orano» компаниясымен 27 жылдан бері табысты жұмыс жасап келе жатқанын атап өтті.

«Orano – біздің осы бағыттағы маңызды және сенімді серіктесіміз. Компания Қазақстанда 27 жыл бойы табысты жұмыс істеп келеді. Бұл орайда, «КАТКО» бірлескен кәсіпорны – ұзақ мерзімді және өзара тиімді серіктестіктің дәлелі. Біз ынтымақтастықты одан әрі дамыту мүмкіндіктерін қарастыруға дайынбыз», деді Смайылов.

Ал Николас Мас Orano-ның Қазақстанмен...

Федералды ашық нарық комитетінің (FOMC) мүшелері қысқа мерзімді пайыздық мөлшерлемелер бойынша дауыс беріп, базалық мөлшерлемені 5,5% деңгейінде қалдырды.

Бұған дейін сарапшылар базалық мөлшерлеме 5,5% деңгейінде қалады деп болжаған. Экономистер бағамның болжамнан жоғары болуы АҚШ долларына оң әсер ететінін, керісінше, бағамның болжамнан төмен болуы, американдық валюта үшін теріс факторы болатынын айтқан. Сол себепті де отырыс соңында ФРЖ негізгі пайыздық мөлшерлемені 5,5% деңгейінде қалдырды. Бұл шешім бірауыздан қабылданған.

Отырыста FOMC-тің ұзақ мерзімді мақсаты – максималды жұмыспен қамту және 2% инфляцияға қол жеткізу екендігі айтылды. Сонымен бірге ФРЖ үшінші тоқсанда Америка экономикасы жақсы өсім көрсеткені айтылды. Атап айтқанда, шілде-қыркүйек айларында...

Үкімет басшысы Әлихан Смайылов «АрселорМиттал Теміртау» компаниясына жеке инвестор тартылатынын мәлімдеді.

«Бізге жеке инвестор тарту қажет. Ол 3 млрд доллар инвестиция құюы керек. 1,3 млрд доллар дереу салынуы тиіс. Жағдай шұғыл шешімді талап етеді. Алдағы 3 жылға кем дегенде 3 млрд доллар қаржы қажет. Мұндай инвестициясыз кәсіпорынды қалыпты жағдайда дамыта алмаймыз. Отандық инвестор болады деп жоспарлап отырмыз», – деді Ә. Смайылов тілшілерге.

Журналистер премьер-министрден бұрынғы президент Н. Назарбаев жауапқа тартыла ма деп сұрады. Ол: «Экс президент бойынша. 1996 жылы меншік құқығы «АМТ»-ға берілді. Тағы да қайталайын, өте қиын кезең болды, экономикалық құлдырау мен үлкен инфляция...

Мұнай бағасы сәрсенбіде Таяу Шығыстағы шиеленіс жағдайында көтерілді. Бұл туралы Интерфакс ру сайты хабарлады.

Трейдерлер шикізатқа сұраныстың жаһандық перспективаларына қатысты сигналдарды бағалады.

Сонымен, АҚШ Энергетика министрлігі энергетикалық ақпарат басқармасының (EIA) алдыңғы күні жарияланған деректері тамыз айында елде мұнай мен мұнай өнімдерін тұтынудың 2019 жылдан бергі ең жоғары деңгейге дейін өскенін көрсетті.

Сонымен қатар, әлемдегі ең ірі мұнай импорттаушысы болып табылатын Қытайдан алынған мәліметтер өнеркәсіптік белсенділіктің қайта жандануы туралы айтады. BP басшысының уақытша міндетін атқарушы Мюррей Окинклосс бір күн бұрын инвесторларға нарықта бензин мен дизель отынын жеткізу сұраныстан асып түсетінін айтты.

Лондондағы ICE Futures биржасындағы Brent сортына қаңтар фьючерстерінің құны...

Қазақстан 2024-2028 жылдары Қашаған мен Теңіздегі өндіріс қарқынын күшейтіп, мұнай өндіру көлемін 102 млн тоннаға жеткізуді көздеп отыр. Бұл туралы Ұлттық экономика министрі Әлібек Қуантыров айтты.

«Экономиканың барлық базалық саласында оң динамика күтіледі. Шикізаттық емес сектор болжамды өсудің негізгі драйверінің біріне айналады. Өнеркәсіптегі орташа жылдық өсу қарқыны 2024-2028 жылдары 4%-ға жетеді. Өңдеу өнеркәсібі орта есеппен 4,9% деңгейінде өседі және тау-кен өнеркәсібінің өсу қарқыны артады. Қашаған, Теңіз және Қарашығанақ кен орындарындағы өндірісті кеңейту есебінен есебінен мұнай өндіру көлемін 95,4 млн тоннадан 102 млн тоннаға дейін арттырамыз», – деді Ә. Қуантыров Мәжілістің жалпы отырысында.

Бұған дейін Энергетика...