Жаңалықтар

Қазіргі уақытта салық органдарының атынан деп электрондық поштаға әр түрлі мекенжайлардан «ЭЦҚ процедурасындағы өзгерістер» туралы СПАМ хаттар келіп жатыр екен. Бұл туралы Алматы қаласы бойынша Мемлекеттік кірістер департаменті хабарлады.

«Бұл хабарлама шындыққа жанаспайды және мемлекеттік кірістер органдарына қатысы жоқ.

Сондықтан аталған хабарламаға қоса жалғанған сілтемеге өтпеген дұрыс»,-делінген хабарламада.

Парламенттің жоғарғы палатасының жапондық оппозициялық депутаты Мунео Сузуки Ресейге сапары үшін «Жапонияны жаңарту қоғамы» партиясынан шығарылады. Бұл туралы жапондық Санкэй Симбун газеті хабарлады.

«Сузуки Мырза бірінші қазанда Жапониядан Ресейге алдын-ала өтініш бермей кетті. Бұл партияның шетелге саяхаттау ережесі болатын», – деп атап өтті басылым дереккөзге сілтеме жасай отырып.

Сондай-ақ, басылым партияның тәртіп жөніндегі комитеті депутаттың «Ресейдің жеңісін» қалайтындығы туралы айтқан сөздеріне наразы болғанын көрсетеді. Алып тастау туралы соңғы шешім 10 қазанда қабылданады.

Бұған дейін Сузуки Федерация Кеңесі төрағасының орынбасары Константин Косачевпен кездесуде Мәскеу мен Токио арасындағы қарым-қатынас өткен жылы бұзылды деп мәлімдеді.

Hindenburg Research-тің  (HR) Freedom Holding Corp (FRHC) акцияларына жасаған шабуылынан бері 2 айға жуық уақыт өтті. Айта кетейік, 15 тамызында HR компаниясы FRHC туралы баяндама жариялап, онда алыпсатарлар холдингті санкциядан жалтарып, кірісін бұрмалады, клиент қаржысын тәуекелі жоғары транзакция жүргізуге пайдаланды және нарықта манипуляция жасады деп айыптаған болатын. FRHC СЕО және мажоритарлық акционері Тимур Турлов Hindenburg таққан айыптарға сол күннің ертесінде-ақ жауап берді.

Алыпсатарлар компания акциялары құлдырайды деп күткен еді, алайда өздері ондаған миллион доллар жоғалтты. Себебі қор нарығы бұл есепке ұстамды реакция танытты: 15 тамыздағы сауда күнінде FRHC акциялары бар болғаны 3,22% арзандап, $73,27 құрады. Ал бірнеше...

Оңтүстік Кореяның телекоммуникация секторының реттеушісі Alphabet Inc құрамына кіретін Google мен Apple Inc. нарықтық позицияны теріс пайдаланғаны және мобильді төлемдер саласындағы жергілікті реттеуді бұзғаны үшін 51 млн доллар айыппұл салуды жоспарлап отыр, деп хабарлайды MarketWatch.

Оңтүстік Кореяның байланыс комиссиясы (Korea Communications Commission, KCC) Google мен Apple-ді қолданба жасаушылардың арнайы қызметтеріне емес, компаниялардың экожүйелеріне енгізілген төлем әдістерін қолдануды талап етті деп айыптайды.

Сонымен қатар, американдық компаниялар қосымшалардың шығуын кешіктірді. Осылайша олардың нарықтық позициясын теріс пайдаланды, дейді реттеуші.

Оңтүстік Корея Google-ді 47,6 млрд вонға ($35,4 миллион), Apple 20,5 млрд вонға бәсекелестікке қарсы тәжірибелер үшін айыппұл салынады деп күтілуде.

«Реттеуші бүгін...

Қайта пайдалануға болатын Starship ғарыш кемесі үш-төрт жылдан кейін Марсқа ұшуы мүмкін. Тиісті мерзімдерді SpaceX компаниясының басшысы Илон Маск белгіледі, деп хабарлайды ТАСС.

Америкалық кәсіпкер Бакуде (Әзірбайжан) өтіп жатқан 74-ші Халықаралық астронавтикалық конгресс сессиясына онлайн форматта қатысты.

«Үш-төрт жыл. Менің ойымша, алдағы төрт жылда Марс бетіне экипажсыз сынақ жүргізуге болады», – деп жауап берді Маск тиісті сұраққа.

Оның айтуынша, қызыл планетада автономды жұмыс істейтін база құрылуы керек. Оған миллиондаған тонна жабдықтар мен ресурстар жөнелтілуі қажет.

фото: kursiv.media

Энергетика министрі Алмасадам Сәтқалиев Атырау облысының халқымен кездеуінде Теңіз кен орнында мұнай өндірудің жылына 12 млн. тоннаға ұлғаятынын айтты. Сонымен қатар газ тапшылығына қатысты сауалдарға жауап берді.

Теңіз кен орнында // Келешекте кеңейту жобасы іске асырылып жатыр. 2024 (екі мың жиырма төртінші) жылы Ұңғыма ернеуінің қысымын басқару жобасын аяқтау жоспарланып отыр. Бұл мұнай өндіруді жылына 12 (он екі) млн.тоннаға ұлғайтуға мүмкіндік береді.

Қарашығанақ кен орнында 4-ші (төртінші) газды кері айдау компрессоры іске қосылды. 5-ші (бесінші) компрессорды іске асыру басталды. Оның құны –  шамамен 1 (бір) млрд. АҚШ долларын құрайды. Сонымен қатар 735 (жет...

Швеция билігі Киевке 190 миллион еуроға бағаланған кезекті әскери көмек траншын беру туралы шешім қабылдады, деп хабарлайды Интерфакс ру.

«Швеция Укранаға негізінен қарудың бөлшектері мен оқ-дәрілер береді», делінген хабарламада.

Сондай-ақ, Стокгольм спутниктік байланыс жабдықтарын беруді жоспарлап отыр.

Швецияның Қорғаныс министрлігі бұл Украинаға берілген 14-ші көмек пакеті екенін түсіндірді.

Сонымен қатар, бұқаралық ақпарат құралдарының хабарлауынша, Швеция үкіметі елдің әскери қолбасшылығына 6 қарашаға дейін Украинаға Gripen жауынгерлік ұшақтарын беру туралы есеп дайындады.

Сонымен бірге, Стокгольмде мұндай ұшақтарды Швеция НАТО-ға кіргенге дейін беру мүмкін емес деп ескертеді. Қазіргі уақытта Швецияның солтүстік атлантикалық альянсқа қосылуын Түркия мен...

Ұлттық банк төрағасы Тимур Сүлейменов тұтынушылық несиенің шекті мөлшерлемесін ақырындап төмендету қажет деп санайды. Бұл жайлы ол Ұлттық банктің баспасөз жиынында айтты.

«Бізге шекті мөлшерлемені төмендету бойынша жұмыс істеу керек, өйткені 56% – бұл өте жоғары мөлшерлеме. Қазір бізде тұтынушылық несие нарығында бәсекелестік жоғары, банктер бір-бірімен жақсы бәсекелеседі. Сонымен қатар, микроқаржы ұйымдары да бар. Банктер арасындағы бәсекелестік, мөлшерлемелерді төмендетуге алып келуі тиіс. Жалпы алғанда, тұтынушылық несиелер бойынша мөлшерлеме ақырындап төмендеуі тиіс деп санаймын», деді Сүлейменов.

Ал тұтынышық қарызды аларда ақылға салу қажеттігін айтты. Әсіресе, бүгін бар, ертең жоқ заттарға қаражат жұмсау орынсыз екенін...

Фото: kursiv.media

Ұлттық банк төрағасы Тимур Сүлейменов Зейнетақы жинақтарын алу үшін жеткіліктілікті жоғары шек туралы сұраққа жауап берді.

Ұлттық банк басшысы зейнетақы жинақтарын оңды-солды жұмсауға қарсы екенін айтты:

«Сіз бәрін бір сәтте жұмсамай, жинақтау әдетін қалыптастыра білуіңіз керек. Қазіргі қоғам тұтынуға бағытталған, жаңа нәрсе шықса, сатып алуға ұмтылады. Мысалы, 1,5 миллион теңге тұратын iPhone алудың не қажеті бар. Тағы осындай дүниелер. Менің ойымша, бұл дұрыс емес. Зейнетақы жинақтарын бірдей, бір сәтте бәрін жұмсауға тырысудың қажеті жоқ, Кәрілік туралы ойлану керек. Біз жас ұрпақ ретінде қазір зейнетке шыққандар туралы ойлануымыз керек», – деп деді Сүлейменов.

«Міржақып. Оян, қазақ!» фильмі үлкен экранға оралады. Бұл жайлы «Қазақстан» телерадиокорпорациясының баспсаөз қызметі хабарлады.

«Қазақстан» телерадиокорпорациясы аудитория сұранысына байланысты «Міржақып. Оян, қазақ!» фильмінің кинотетарлардағы көрсетілім мерзімін тағы бір аптаға ұзартты. «Міржақып. Оян, қазақ!» фильмі өткен жылы Корпорацияның толықтай мемлекеттік тапсырыс негізінде түсірілген 6 сериялы телехикаядан дайындаған кинотуындысы. Яғни, фильм мемлекеттік қаражат есебінен түсірілді. Келісімшартқа сәйкес фильм 21 қыркүйектен бастап барлық қалалардағы үлкен экрандарда 15 күн бойы прокатта жүрді. Бұдан бұрын бір рет сұранысқа сәйкес көрсетілім 4 күнге ұзартылған», делінген хабарламада.

Еске сала кетсек, осыған дейін фильмнің экрандардан алынып тастағаны туралы ақпарат тарады. Әлемуттік жел...

Әлемдегі ірі электромобиль өндірушісі Tesla АҚШ-тағы бюджеттік Model 3 және Model Y бағаларын төмендетті. Бұл жайлы компанияның өзі хабарлады.

Model 3 седанының артқы жетек нұсқасының құны 38,990 – дан 40,240 долларға дейін, кеңейтілген диапазон (Long Range) нұсқалары 47,240-тан 45,990 долларға дейін, жылдам үдеткішпен жетілдірілген 3 Performance моделі 53,240-тан 50,990 долларға дейін төмендетілді.

Model Y Long Range кроссовері 48 490 доллардан 50 490 долларға дейін, Performance моделі 54 490 доллардан 52 490 долларға дейін арзандады.

Tesla биыл америкалық тұтынушылар үшін электромобильдердің бағасын бірнеше рет төмендетуге барды. Мысалы, сәуір айында Model S Премиум седандары мен Model X кроссоверлерінің құны...

Фото: kursiv.media

Жүргізушілер енді рейс алдындағы медициналық тексеруден онлайн өте алады. Автомобиль көлігімен жолаушылар мен багаж тасымалдау қағидаларына осындай өзгеріс енгізілді.

Сапар алдындағы және сапардан кейінгі медициналық онлайн тексеріс медицина қызметкері немесе медициналық ұйымның тікелей қатысуынсыз, автоматтандырылған жүйе арқылы өткізіледі.

Егер электронды жол құжаты болса, рейске дейiн 30 минут бұрын немесе рейс аяқталғаннан кейiн онлайн форматта өтуге болады.

Онлайн тексерістен өту үшін алдымен жүргізушінің жеке тұлғасы биометриялық сәйкестендіріліп, сосын шағымы бойынша онлайн сауалнама толтырады. Көз қарашығы, алкоголь ішіп-ішпегені тексеріледі. Дене қызуы мен қан қысымы өлшенеді.

Автоматтандырылған жүйе нәтиже бұрмаланбас үшін медициналық куәландыру процесін фото және бейнежазбаға...

Ұлттық банк басшысы Тимур Сүлейменов жыл соңына дейін инфляцияның 10%-дан төмендеуі мүмкін екенін айтты. Ол сонымен бірге базалық мөлшерлемені төмендетуде Ұлттық банктің не себепті сақтық танытып отырғанына тоқталды.

«Біздің базалық мөлшерлемені түсіруге келгенде сақтық танытып отырғанымыздың бір себебі, әзірге тәуекелдер көп. Егер жыл соңына дейін біз бірқатар шараларды үйлестіре отырып жүзеге асыра алатын болсақ, онда жылдың аяғына дейін инфляцияның 10%-ға немесе одан да төмендеуі мүмкін деп болжаймыз. Бірақ бұл көптеген факторларға байланысты болады», дейді Ұлттық банк төрағасы.

Банк басшысының айтуынша елдегі инфляциялық жағдайға бірнеше проинфляциялық факторлар әсер етуі мүмкін. Бірінші кезекте инфляцияға коммуналды...

фото: kursiv.media

ҚР Премьер-министрі Әлихан Смайылов Назарбаевтың мектептер кеңесінде, Университетте және Тұңғыш Президент қорының Жоғары Қамқоршылық кеңесі Төрағасы болды. Ақпарат Назарбаев зияткерлік мектебінің сайтында жарияланды.

Енді Жоғары қамқоршылық кеңестің төрағасы Әлихан Смайылов болды. Сонымен қатар, кеңестің құрамында:

Еліміз бойынша 20-дан астам «Назарбаев Зияткерлік мектептері» бар, олар бәрі дерлік ірі қалаларда ашылған.

Естеріңізде болса, депутат Мұрат Әбенов Назарбаев Университеті қызметін сынға алған еді. Депутат 15 жылда...

Фото: kursiv.media

Ақмола облысында қиыршық тас пен құм өндіретін Arcada Industry компаниясы жарғылық капиталын 345,8 есе өсіріп, 725 мың теңгеден 250,7 миллион теңгеге жеткізді. Бұл жайында Қазақстан қор биржасының (KASE) сайтындағы ақпаратта жазылған. Компания Қазақстанның екі ірі қаласында сауда орталықтарын салған кәсіпкер Александр Игнатущенко мен Алексей Нефедовқа тиесілі.

Жарғылық капиталдың бірнеше есе артуына Arcada Insustry-дің үш құрылтайшысы: NEGMA және ARCADA компаниялары, сондай-ақ Александр Игнатущенконың қосымша жарна құюы себеп. NEGMA мен ARCADA әрқайсысы 100 миллион теңге, Игнатущенко 50 миллион теңге қосты.

Екі компания да Arcada компаниялар тобына иелік ететін Алексей Нефедовке тиесілі. Ол Астана мен Алматыдағы Asia Park, сондай-ақ Алматыдағы Mart...

«Міржақып. Оян, қазақ!» фильмінің үлкен экрандағы көрсетілімі тоқтады. Қалың көрермен фильмнің үлкен экраннан не себепті ерте кеткенін түсінбеді. Себебін фильмнің режиссері Мұрат Есжан айтты.

«Міржақып. Оян, қазақ!» фильмі кестеде неге жоқ деген сұрақтар таң атқалы көптеп келіп жатыр. Шығармашылық топ, яғни, біз прокатпен айналысқан жоқпыз, десе де, мына нәрсені айтқым келеді. Фильм 21 қыркүйектен бастап тура екі апта бойы кинотеатрларда көрсетілді. Негізі прокат мерізімі өткен жексенбі аяқталған болатын, алайда көпшіліктің сұранысына байланысты 4 қазанға дейін ұзартылды» -дейді режиссер.

«Kinopark» кинотетарлар желісі 1 қазан күні туынды көрсетілімі тоқтайтынын хабарлаған.

Фот: gov.kz

Мемлекет биылдан бастап «Ата жолы» миграциялық картасын айналымға енгізді. Еңбек және халықты әлеуметтік қорғау бірінші вице-министрі Ақмәди Сарбасовтың айтуынша, жыл басынан 50 өтініш келіп түсіп, қазір 12 адамға «Ата жолы» картасы берілген.

Оның мақсаты – этникалық қазақтар үшін Қазақстанға кіру мүмкіндігін оңайлату, шеттегі қазақтардың елімізде кәсіп ашып, бизнесті дамытуға қатысты жобаларын қолдау.

«АҚШ, Ресей, Моңғолия, Өзбекстан сияқты елдерде тұратын этникалық қазақтарынан келіп түскен 12 өтінішке оң шешім қабылданды. Бұл адамдар келесі қажетті мамандықтарға ие: анестезиология-реаниматология дәрігері, білім беру саласындағы ғылыми қызметкерлер, бағдарламалық қамтамасыз етуді әзірлеушілер және инженерлер. Сондай-ақ «Ата жолы» картасын...

фото: kursiv.media

China Global Investment Tracker, ҚХР-ның әлемнің түрлі елдеріне салған ірі инвестициялары туралы мәліметтер базасында Қытай 17 жылда Қазақстан экономикасына 36,7 млрд инвестиция салғанын байқауға болады.

Қытайдың Қазақстанға салған инвестициясының үштен екісі немесе 25,2 миллиард доллар – энергетика саласындағы жобаларға жұмсалған. Қытайлық инвесторлар Қазақстандағы химия өнеркәсібі, мұнай өңдеудеге қатысты жобаларға 4,4 миллиард доллардан астам қаражат жұмсаған.

Қытайлық компаниялардың ҚР энергосекторындағы ірі инвестициялық мәмілелері

Инвестиция көлемі бойынша да, стратегиялық маңыздылығы бойынша 15 ірі мәмлені жіктеуге болады. Мысалы, China National Pertoleum Corp. (CNPC) «Қазақстан мұнайының қара маржанына» айналған Қашағанның 8% акциясы мен «PetroKazakhstan» компаниясының 67% акциясын сатып...

6 қазан күні Қазақстан Ұлттық банкінің базалық мөлшерлеменің деңгейі туралы кезекті шешімі жарияланды.

Ұлттық Банкінің Ақша-кредит саясаты комитеті базалық мөлшерлемені +/– 1 п.т. дәлізімен жылдық 16%-ға дейін төмендету туралы шешім қабылдады.

Сонымен қатар, Ұлттық банктің түсіндіруінше, базалық мөлшерлеменің 0,50 пайыздық тармаққа бірден төмендеуінің өзіндік себебі бар.

«Инфляцияның белсенді баяулауы базалық мөлшерлемені төмендету мүмкіндігін іске асыруға септігін тигізді. Дегенмен, сыртқы секторда және экономика ішінде проинфляциялық тәуекелдер болуына байланысты 2023 жылы оны одан әрі төмендету мүмкіндігі айтарлықтай шектеліп отыр. Жыл соңына дейін ақша-кредит саясатын жеңілдету жылдық инфляция бір мәнді деңгейге дейін баяулаған жағдайда қаралатын болады», деп хабарлады бұл...

Фото: ҰҚК

ҰҚК Қытай, Өзбекстан мен Қырғызстанмен шекарада заңсыз қару сатып, есірткі таратып, өзге де ауыр қылмыс істегі деген күдікпен 72 адам ұстады. Ұлттық қауіпсіздік комитеті полиция органдарымен бірлесе Жетісу, Жамбыл және Түркістан облыстарында арнайы операция жүргізген.

«Нәтижесінде қару мен есірткіні заңсыз сақтауға, бопсалауға, заңсыз көші-қон арналарын ұйымдастыруға және өзге де ауыр қылмыстар жасауға күдікті топтардың 72 мүшесі тергеу амалдарын жүргізу үшін жеткізілді, делінген хабарламада.

Қылмыстық топ Қытай («Қорғас» ХШЫО), Өзбекстан («Жібек жолы» өткізу пункті) және Қырғызстан («Қордай автомобильдік» өткізу пункті) шекаралас аймақтарда қылмыс істеген.

Тінту барысында атыс қаруы оқ-дәрілерімен...

фото: kursiv.media

2023 жыл, 25 тамыздан бастап Ұлттық банк базалық мөлшерлемені соңғы үш жылда тұңғыш рет төмендетті. Нәтижесінде, базалық мөлшерлеме +- 1% дәлізімен 16,5% деңгейінде қалыптасты. Яғни, мөлшерлеменің 25 базалық тармаққа түсті.

Экономикалық зерттеулер институты сарапшысы Тоқтасын Бақбергеннің пікірінше, Негізінен, инфляцияны тежеу үшін жоғары базалық мөлшерлеме теориялық тұрғыдан қажет, өйткені кредиттер қымбаттап, ал депозиттер тиімдірек болуы тиіс. 

«Нәтижесінде, базалық мөлшерлеменің жоғарылауы тауарлар мен қызметтерге сұранысты шектеуі керек, ал бұл баға деңгейінің төмендеуіне әкелуі тиіс», деп жазады сарапшы Тоқтасын Бақберген.

Автордың Ұлттық Банктің мынадай деректерін келтірген: орташа есеппен банк жүйесі ай сайын өзінің кредиттік портфелін...

Осы жылы Жетісу облысының прокуратурасы 3 млрд теңгеден астам сомаға мемлекеттік сатып алуды тоқтатқан. Бұл жайлы Жетісу облысы прокуратурасының баспасөз қызметі хабарлады.

Прокуратура мемлекеттік органдардың әлеуетті өнім берушілердің біліктілік талаптарын негізсіз асыра бағалағанын, міндетті мемлекеттік сараптамасыз автожолдар салуға конкурстар жариялағанын анықтаған.

Сонымен бірге 85 млн теңгеге сатып алулар бойынша мемлекеттік органдар негізсіз «бір көзден алу» тәсілін қолданған.

Тек Алакөл ауданында осындай талаптарды бұзған 10 лауазымды тұлға жауапқа тартылған. Оның ішінде 4 ауылдық округтің әкімдері де бар.

«Прокурорлық қадағалау актілері бойынша мемлекеттік және жергілікті атқарушы органдардың 74 лауазымды тұлға ӘҚБтК-нің 207-бабы (Мемлекеттік сатып...

Солтүстік Қазақстан облысының мал дәрігерлері ветеринариялық құжаттарды қолдан жасап отырған. Ет өнімдеріне жалған ветеринарлық анықтамалар мен вакцинация актілері берлеген. Бұл жайлы СҚО прокуратурасының баспасөз қызметі хабарлады.

«СҚО саласында прокурорлары талдау жүргізу кезінде ветеринария саласындағы елеулі бұзушылықтарды анықтады. Ветеринариялық қызметтер «Ветеринария туралы» Заңның талаптарын сақтамастан, ветеринариялық құжаттарды беру және жануарларды вакцинациялау тәртібін бұзған, ірі қара малға диагностикалық зерттеулер толық көлемде жүргізілмеген», делінген баспасөз хабарламасында.

Сондай-ақ ветеринариялық құжаттарды қолдан жасау фактілері анықталып, олар бойынша  Қылмыстық кодекстің 385-бабы бойынша 4 сотқа дейінгі тергеп-тексеру басталған.

Аудан әкімдіктері ветеринариялық ережелердің талаптарын бұза отырып, мал қорымдарын тиісті күтіп-ұстауды...

Жаһандық экономиканың қалпына келгеніне қарамастан, жаһандық ЖІӨ өсу қарқыны әлсіз және пандемия басталғанға дейінгі соңғы екі онжылдықта байқалған 3,8% орташа көрсеткіштен әлдеқайда төмен. Бұл жайлы Халықаралық валюта қорының (ХВҚ) басқарушы директоры Кристалина Георгиева айтты.

«Соңғы жылдардағы күйзелістерді қалпына келтіру жалғасып жатыр, десе де ол өте баяу жүруде және біркелкі емес. Жаһандық өсімнің қазіргі қарқыны айтарлықтай әлсіз. Қазіргі көрсеткіштер пандемияға дейінгі екі онжылдықтағы орташа 3,8%-дан әлдеқайда төмен», деді ХВҚ басшысы Кот-д’Ивуарда өткен жиында.

Георгиева 2023 жылдың бірінші жартыжылдығында жаһандық экономика «айтарлықтай тұрақтылық» көрсеткенімен, күтілетін өсім орта мерзімді перспективада бұдан әрі әлсірейтінін айтады.

ХВ...