Жаңалықтар

ҰҚК төрағасының орынбасары Марат Қалқабаев Қазақстанның тұңғыш президенті Нұрсұлтан Назарбаевтың немере інісі – ҰҚК төрағасының бұрынғы орынбасары Самат Әбіш қаңтар оқиғасы бойынша неге жауапқа тартылмағанын айтты.

«Cамат Әбіш қайда? Ол неге жауапқа тартылмады?», деп сұрады журналист Мәжілістің жалпы отырысынан кейін.

«Бұл сұраққа жауабым қысқа болады. Сұраққа жауапқа беруге құзыретім жетпейді. Құқықтық бағаны құқық қорғау органдары, Бас прокуратура берді. Іс бойынша тергеуді ведомствоаралық жедел тергеу тобы жүргізді», – деді төраға орынбасары.

Сондай-ақ ол Самат Әбіштің қазір қайда екенін білмейтінін айтты.

«Білмеймін. Пікір білдіре алмаймын. Ол кісі жұмыстан кетіп қалды. Қателеспесем, Самат Әбіш...

Азия-Тынық мұхит аймағын дамыту қаржы институттары қауымдастығының 46-шы жылдық жиналысы, сондай-ақ инфрақұрылым және ESG-жобалардағы ірі инвесторлардың халықаралық конференциясы өтті. Шараны Еуразиялық даму банкі (ЕАДБ) ұйымдастырды. Конференцияға әлемнің 40-тан астам елінен 240 делегат қатысты.

Конференцияда сөз сөйлеген Премьер-министрдің орынбасары – Қаржы министрі Ерұлан Жамаубаев Мемлекет басшысы Қасым-Жомарт Тоқаевтың шетелдік инвестицияға айырықша мән беретінін жеткізді.

«Елімізде шетелдік капиталы бар 40 мыңға жуық компания жұмыс істейді. Бұл көрсеткіш жыл сайын артып келеді. Қазақстан жоғары дәрежедегі кредиттік рейтингтерге ие. Ғаламдық сын-қатерлерге қарамастан, ағымдағы жылғы І-тоқсанда жалпы ішкі өнім өсімі 4,9 пайызды құрады. Елдің экономикалық тұрақтылығы халықаралық резервтермен қамтамасыз етіледі. Оны...

Фото: shutterstock.com

Қазақстан спорт саласын жемкорлық жайлаған елдердің ондығына енді. Sportradar спорттық сараптама компаниясының мәліметінше, 2022 жылы 1212 спорт матчы өте күмәнді өткен. бұл 2021 жылмен салыстырғанда 307 матчқа (34%) көп. Әлем бойынша өткізілген бүкіл күмәнді матчтардың жартысына жуығы осы он елге тиесілі. Қазақстан 2022 жылы 43 күмәнді ойынмен антирейтингте 4-орынға тұрақтаған.

Бразилия(152 күдікті матч), Ресей(92 матч) мен Чехияда (56 матч) жағдай Қазақстанға қарағанда нашар болса, Қытай (41 матч), Грекия (40 матч) мен Аргентинада (39 матч) Қазақстаннан жақсырақ.

Sportradar сарапшыларының пікірінше, спорттағы күмәнді матчтардың өсуіне 2022 жылы әлемнің көп бөлігін шарпыған экономикалық күйзеліс...

Фото: ҚР Премьер-министрінің баспасөз қызметі

Жылу энергиясы тарифін уақтылы өзгерту жылу желілері мен ЖЭО күрделі жөндеуді дер кезінде бастауға мүмкіндік береді. Ал коммуналдық кәсіпорындар тарифті түзету және жаңғырту процесін бастау үшін қажетті құжаттаманы баяу дайындап жатыр. Бұл туралы ҚР Премьер-Министрі Әлихан Смайылов Қазақстан Республикасы Президентінің сайлауалды бағдарламасын іске асыру жөніндегі республикалық штаб отырысында айтты.

«Бұл процесті созбалаңға салуға болмайды. Желілер мен станцияларды күрделі жөндеу жұмыстарын жедел бастау маңызды. Бұл – кезек күттірмейтін міндет. Әсіресе, бұл – құрылыс маусымы қысқа және жылу беру кезеңі ерте басталатын солтүстік өңірлер үшін өзекті мәселе», — деді Премьер-Министр.

Фото: shutterstock.com

Жұма күні Dow Jones сәл төмендеп, ал S&P 500 және Nasdaq 100 ұзақ мерзімді тұтыну инфляциясы болжамының күтпеген қысымы және мемлекеттік қарыз көлеміне қатысты алаңдау әсерінен 0,2% және 0,4% төмендеді.

Мичиган университеті есебіне сәйкес, тұтынушылардың көңіл-күйі мамыр айында нашарлаған. Кейінгі 5 жылдағы инфляция болжамы 2011 жылдан бергі ең жоғары деңгейге жеткен. PacWest акциялары құлдырауын жалғастырып, 3%-ға арзандады. Tesla компаниясы АҚШ-тағы өзінің Model X және Model S көліктерінің бағасын көтергендіктен, акциялары 2,4%-ын жоғалтты.

Жұма күні Еуропа нарығының акциялар жасыл түске боялып, жақсы корпоративтік нәтижелерге байланысты Stoxx 600 0,4% және DAX 0,5% өскен Richemont (+3,5%) акциялары Қытайдан...

Қаңтар оқиғасына қатысты іс бойынша Ұлттық қауіпсіздік комитетінің 11 қызметкері сотқа тартылды. Бұл туралы Мәжіліс отырысында ҰҚК төрағасының орынбасары Марат Қалқабаев мәлімдеді.

«ҰҚК-нің 11 қызметкері қылмыстық жауапкершілікке тартылды. Кей іс бойынша тергеу аяқталды. Қылмыстық жауапкершілікке тартылды. Сонымен қатар ҰҚК-да қаңтар айындағы оқиғалар бойынша бірден кешенді қызметтік тергеу жүргізілді. Бұйрық талаптарына және қызмет атқару тәртібіне, оның ішінде лауазымды тұлғаларға жауапкершілік беруге елеулі өзгерістер енгізілді», – деді Қалқабаев.

Айта кетейік, Мәжілісте «Қазақстанның кейбір заңнамалық актілеріне ұлттық қауіпсіздікті қамтамасыз ету және Қазақстанның арнаулы мемлекеттік органдарындағы қызмет мәселелері бойынша өзгерістер мен толықтырулар енгізу туралы» заңның жобасы бірінші оқылымда мақұлданды.
Құжатты...

Фото: shutterstock.com

Алматы облысы кеден қоймасында алғаш рет 15 000-нан астам дәрі-дәрмектің қаптамасы таңбаланды, деп хабарлайды ДСМ. Цифрлық таңбалаудың мақсаты – цифрлық бақылау технологиялары арқылы көлеңкелі фармацевтикалық нарықты жою. Дәрілік заттарды таңбалауды дәрілік заттардың қаптамасының әрбір бірлігіне (бастапқы немесе қайталама) өндіруші/импорттаушы жүзеге асырады.

Қазақстанда дәрілік заттарды таңбалау жүйесі 2022 жылғы шілдеден бастап кезең-кезеңімен енгізіліп жатыр, қазіргі уақытта 90 атау дәрі-дәрмекке қолданылады.

Тауарларды цифрлық таңбалау және қадағалау жүйесі Қазақстан аумағындағы дәрілік препараттардың айналымын бақылауға мүмкіндік береді. Бұл айналымның ашықтығын қамтамасыз ету үшін бүкіл әлемде Track&Trace жүйелері қолданылады. Таңбалаудың арқасында ешбір тауар тауар айналымы тізбегіне еш жерден түсе алмайды.

Түркияда жексенбі күні президенттік сайлаудың бірінші кезеңі өтті. Алайда, үміткерлердің ешқайсысы бұл кезеңде қажетті 50 пайыз дауысты жинаған жоқ. Десе де Режеп Тайып Ердоғанның көші ілгері, деп хабарлайды ВВС.

Бұл нақты көрсеткіштер емес. Дауыс санау аяқталған жоқ. Қазіргі таңда қалған 3 пайыз бюллетеньдегі дауыстар саналып жатыр. Егер бұл дауыстар есебінде жағдай өзгермесе, жеңімпаз 28 мамырда өтетін екінші турда анықталады. Негізінен Түркиядағы бұл сайлауды көпшілік тарихи оқиғаға балайды. Себебі, Режеп Тайып Ердоған билік еткен 20 жылда оппозициялық кандидаттың жеңіске жету мүмкіндігі пайда болған.
Шамамен 98,38% бюллетень санақтан өткен. Онда Ердоған 49,34% дауыспен алда келеді. Ал оның басты бәсекелесі – алты...

Фото: kursiv.media

Кәсіпкерлерден белгілер үшін сыртқы жарнама ретінде салық төлемдері барлық жерде алынғаны анықталды. 1600-ден астам заңсыз салық алу фактілері тіркелді. Бұл туралы Бас прокуратураның баспасөз қызметі хабарлады.

Кәсіпкерлердің құқықтарын қорғау жөніндегі қызмет шеңберінде жүргізілген тексеру барысында, әкімдіктердің фискалдық органдарға жарнама ретінде анықтай отырып, белгіні пайдаланатын кәсіпкерлер туралы мәліметтерді ұсынуып келгені белгілі болған.

«Алайда «Жарнама туралы» Заңға сәйкес, белгіге салық салынбайды, өйткені ол сыртқы (визуалды) жарнама болып саналмайды», делінген хабарламада.

Мысалы, Алматы облысында әкімдік жарнама үшін салық төлеуші ретінде «А.» ЖК туралы мәліметтерді жіберген кезде ғимараттың төбесіндегі дүкеннің белгісі ғана алынған. Ал, Қызылорда облысында...

Фото: kursiv.media

2023 жылдың 1 тоқсан қорытындысы бойынша, Қазақстан Республикасының мемлекеттік қарызы 26 418,9 млрд теңгені немесе 58,9 млрд АҚШ долларын құрады. Былтыр жыл соңымен салыстырғанда мемлекеттік қарыз 1 101,2 млрд теңгеге немесе 4,3%-ға өссе, 2022 жылдың 1 тоқсанымен салыстырғанда мемлекеттік қарыз 4 724,8 млрд теңгеге немесе 21,8%-ға өсті, деп жазады Экономикалық зерттеулер институты.

Мемлекеттік қарыз құрылымы төмендегідей:

Еуропалық Одақ елдеріндегі сағаттық жалақы мөлшері 4,4%-ға яғни, 30 еуроға дейін өсті. Мұндай деректерді ЕО статистикалық басқармасы келтіреді. Бұл туралы «Хабар 24» хабарлады.

Литва, Эстония және Хорватия азаматтарының жалақысы 8% – дан 13% – ға дейін өсті.

ЕО елдеріне келетін болсақ, Венгрия, Болгария және Румыния жалақы деңгейінің көтерілу қарқынында – 12% – дан 16% – ға дейін өсті.

Сонымен қатар, Дания мен Швецияда жалақы мөлшері тек 3%-ға артты.

Еуро ұлттық валюта болып табылатын елдерде жалақының ең аз өсуі Финляндия мен Мальтада байқалады

Түркияда 14 мамыр, жексенбіде 28-ші шақырылымдағы парламент және президент сайлауы өтіп жатыр. Бұл туралы Анадолу агенттігі хабарлады.

Сайлау учаскелері таңғы 8:00-де ашылып, жергілікті уақыт бойынша 17:00-де жабылады.

Елде барлығы 191 885 дауыс беру жәшігі орнатылды.

Түркияда және шетелде 64,1 миллионнан астам сайлаушы дауыс береді. 4,9 миллионға жуық адам бірінші рет дауыс беріп жатыр.

Сайлаушылар жеке басын куәландыратын ресми құжаттардың бірімен дауыс бере алады.
Сайлаушыларға 2 бюллетень беріледі: президент пен депутаттар үшін. Сайлаушылар екі бөлек бюллетеньді бір конвертке салып, дауыс беру жәшігіне салуы тиіс.

Түркия ОСК ақпан айындағы жер сілкінісінен зардап шеккен 11 провинцияда дауыс беру үшін қажетті шаралар қабылдады. Бұл...

Нью-Йоркте енді адамды салмағы мен бойына қарай кемсітуге болмайды. Бұл туралы «Хабар 24» хабарлады.

Қалалық кеңес тиісті заң қабылдады. Құжат жұмысқа қабылдауда, баспана іздеген кезде және қоғамдық орындарда кемсітуге тыйым салады.

Осыған ұқсас ереже АҚШ-тың бір штаты мен тағы 6 қаласында да қабылданған. Тиісті мәселеге ерекше мән берілуі бекер емес. Өйткені жақында жүргізілген зерттеулерге сәйкес семіздікке шалдыққан әйелдер өзгелерден гөрі аз жалақы алады екен.    

Өміріне және денсаулығына қауіп төндіретін жұмыстарды атқаратын табиғатты қорғау инспекторларына қосымша ақы төленуі мүмкін.

Бұл туралы «Ашық» НҚА порталында жарияланған Экология және табиғи ресурстар министрлігінің Орман шаруашылығы және жануарлар дүниесі комитеті төрағасының бұйырығында жазылған.

«ҚР Мемлекеттік орман күзеті қызметтерінің, табиғат қорғау мекемелерінің мемлекеттік инспекторларының және жануарлар дүниесін қорғау, ормандарды қорғау, өсімін молайту және орман пайдалану жөніндегі мамандандырылған ұйымдардың инспекторларының, балық шаруашылығы су айдындары немесе учаскелерін балықтандыру бойынша өсімін молайту кешенінің мемлекеттік кәсіпорындарының қызметкерлеріне денсаулыққа және өмірге зиян келтіру қаупімен байланысты жұмыс үшін лауазымдық ақыдан 100% мөлшерде қосымша ақы төленсін», – делінген бұйырық жобасында.

Құжат...

Жаңаөзен қаласында «ҚазМұнайГаз» ҰК АҚ (ҚМГ) арнайы жұмыс тобының «Өзенмұнайгаз» (ӨМГ) және қаланың мұнай сервис кәсіпорындарының қызметін тексеру бойынша жұмысы жалғасып жатыр. Бұл туралы «ҚазМұнайГаз» ҰК АҚ баспасөз қызметі хабарлады.

Қазіргі уақытта мамандар бір типті су жылыту қондырғыларын қайта жаңарту кезінде жұмыс құны арасындағы айтарлықтай айырмашылықты анықтады. Мәселен, 3 су жылыту қондырғысын (ВГУ-1 НГДУ-3) қайта жаңартудың жалпы құны қосылған құн салығымен бірге 525 млн 482 мың теңге болған, ал бір ғана қондырғыны (ВГУ-3а-С НГДУ-1)  қайта жаңарту құны қосылған құн салығымен бірге 380 миллион теңгеден асып кеткен. Бұл – осыған ұқсас НГДУ-3 қондырғысын жөндеуден 2 есе қымбат. Мұндай үлкен айырмашылықтың себептерін...

Маңғыстау облысында итбалықтардың қырылу дерегі тіркелді. Бұл туралы ҚР Экология және табиғи ресурстар министрлігінің баспасөз қызметі хабарлады.

«2023 жылғы 12 мамыр сағат 17:00 шамасында Жайық-Каспий облысаралық бассейндік балық шаруашылығы инспекциясының Маңғыстау облысы бойынша балық инспекциясы басқармасының қызметкерлері Түпқараған ауданы Баутино ауылы маңындағы Каспий теңізі жағалауында мониторинг жүргізу барысында бірнеше ондаған итбалықтар мен  балықтардың ұшасы табылды»,-делінген хабарламада.

    Қолданыстағы өзара іс-қимыл схемасына сәйкес жұмыс тобының барлық мүшелері жедел түрде хабардар етілді.

 Маңғыстау облысы бойынша экология департаменті және Қазгидромет қызметкерлері өлі итбалықтар табылған жерден су мен ауа сынамаларын алды.

     Табылған теңіз жануарларының өлімге ұшырағандарының көпшілігі бекіре балық түрлерін...

Астана қаласының ауданаралық мамандандырылған тергеу соты күдікті Абылай Мырзахметовке қатысты 2 айға қамауға алу түрінде бұлтартпау шарасын қабылдады. Бұл туралы елордалық соттың баспасөз қызметі хабарлады.

«12 мамырда Астананың мамандандырылған ауданаралық тергеу соты күдікті Абылай Мырзахметовке қатысты екі ай мерзімге қамауда ұстау түріндегі бұлтартпау шарасына қабылдады», — делінген қалалық соттың хабарламасында.

54 жастағы Абылай Мырзахметовтың осы жағдайға дейін бір рет сотталған.

2003 жылы ол мемлекет мүлкін ұрлауды ұйымдастырды деген айыппен 5 жылға шартты түрде бас бостандығынан айырылды.

Фото: kursiv.media

Еліміздегі салық саясаты бірнеше реформаны бастан кешірді. Енді жаңа Салық кодексі әзірленіп жатыр. Бұл Президенттің тікелей тапсырмасы бойынша жүзеге асырылуда. Мұндайда сонда қолданыстағы кодекстің және жалпы салық саясатының тиімсіздігі неде деген сауал туындайды.

Стратегиялық жоспарлау және реформалар агенттігі төрағасының орынбасары Олжас Төлеуовтің айтуынша, салық саясаты елдің экономикалық саясатының құрамдас бөлігі ретінде барлық қатысушылар үшін әділ шарттармен сипатталуы керек. Оның сөзінше, салық реформаларының хронологиясына тоқталатын болсақ, келесі жағдайды көруге болады.

Илон Маск Twitter-дің жаңа бас директорын таныстырды. Линда Яккарино компанияның жаңа басшысы болды. Ол осы уақытқа дейін американдық NBCUniversal медиа корпорациясының жарнамалық бағытының жетекшісі болған. Бұл туралы interfax.ru хабарлады.

«Twitter-дің жаңа бас директоры ретінде Линда Яккариноны көруге қуаныштымын!», – деп жазды Илон Маск Twitter парақшасында.

Оның айтуынша, компанияның жаңа басшысы бизнес-операциялармен айналысатын болады. Ал өзі өнімнің дизайны мен жаңа технологияларға ден қояды.

Қазақстанда әскерге шақыру науқаны 1 наурызда басталып, 30 маусымға дейін жалғасады. Бүгінгі таңда Алматыдан 760 сарбаз әскери қызметшілер қатарын толықтырды. Бұл туралы д «ҚазАқпарат» хабарлады.

«Алматыдан биыл мерзімді әскери қызметке кейінге қалдыруға құқығы жоқ 3000 адам әскерге шақырылады. Денсаулық жағдайы бойынша жарамсыздар шақыруға жатпайды. Бүгінгі таңда біз ҚР Қарулы Күштерін, ҰҚК Шекара қызметін, Мемлекеттік күзет қызметін, ТЖ министрлігін, сондай-ақ ҚР Ұлттық ұланын жасақтаймыз. Қазіргі уақытта мерзімді әскери қызмет өткеретін 760 сарбаз әскерге шақырылды», – деп хабарлады Өңірлік коммуникациялар қызметінде өткен брифингте Алмалы ауданы қорғаныс істері басқармасының бастығы полковник Айдар Мүсірепов.

Сондай-ақ, спикер күзгі шақыру...

2023 жылдың  I тоқсанында кәсіпорындарға жүргізілген мониторингтің нәтижесі нақты секторда экономикалық белсенділіктің орташа өсу қарқынын көрсетті. Бұл туралы Ұлттық Банк баспасөз қызметі хабарлады.

Нақты секторда сұраныс ұлғайғаны, өсу тұрғысынан дайын өнім бағасының қарқыны бәсеңдегені, өндірістік қуаттардың жүктемесі мен инвестициялық белсенділік деңгейі төмендегені байқалды.

2023 жылдың I тоқсанында дайын өнімге сұраныс жақсарды. Диффузиялық индекс (ДИ) 51,4-тен 52,9-ға дейін ұлғайды. Тауар өндіру секторында (53,4) және қызмет көрсету секторында (52,7) көрсеткіш жақсарғаны байқалды.

Кәсіпорындардағы дайын өнім бағасының өсу қарқыны баяулап, ДИ 59,6 құрады (2022 жылғы IV тоқсанда – 62,3). 

Әдеттегідей, кәсіпорындар Қазақстан экономикасының қазіргі ахуалы бизнес жүргізуге кедергі екенін айтады. Бұл туралы сауалнамаға қатысқан...

«Kaspersky» алғаш рет Алматыда МЕТА (Middle East, Turkey, Africa — Таяу Шығыс, Түркия, Африка) өңірі елдерінің қазақстандық және шетелдік журналистерінің қатысуымен Kaspersky CyberSecurity Weekend халықаралық конференциясын өткізді.

Іс-шарада компания сарапшылары бизнеске, өнеркәсіптік кәсіпорындарға және мемлекеттік ұйымдарға бағытталған ірі киберқауіптерді талқылады, сондай-ақ болашақта киберқауіпсіздік жағдайына әсер ететін үрдістерді болжады.

Әлемдегі киберқауіптердің ауқымы үнемі өзгеріп отырады және сарапшылардың пікірінше, 2023 жылы назар аударарлық бірнеше аспектілер бар.

Қазақстан кибершабуылдар саны бойынша әлемде жетінші орынға ие болды.

«Kaspersky» мамандары 2022 жылдың бірінші тоқсанын 2023 жылдың ұқсас кезеңімен салыстырып, Қазақстандағы фишингтік шабуылдар санының 12% – ға жалпы өсуін атап өтті. Бұл ретте корпоративтік сектордағы фишингтік...

Астанада «Ұлттық қор балаларға» бағдарламасының жай-жапсары талқыланды. Жиынға қатысқан Мәжіліс депутаты Берік Бейсенғалиевтің айтуынша, 2022 жылдың басындағы ресми деректер бойынша елімізде 18 жасқа дейінгі балалар саны шамамен 6,5 млн адамды құрайды.

«Ұсынылған алгоритм бойынша жобаны іске қосу үшін заңнамаға өзгерістерді қосқанда дайындық жұмыстарын жүргізу қажет болады. Осыған байланысты Мәжіліс депутаттарының бастамашы тобы мемлекеттік органдармен бірлесіп заңнамаға түзетулер әзірледі. Толықтырулар 6 кодекске және 10 заңға енгізіледі. Түзетулер Ұлттық қор қаражатын жоба шеңберінде балаларға есептеу мен төлемдерге пайдалану тетігін енгізу мәселелерін қамтиды», – деді Берік Бейсенғалиев.

Сондай-ақ есептеу алдыңғы 18 жылдағы орташа жылдық мән есебінен жүргізіледі.

Алматы қаласының Мемлекеттік мүлік және жекешелендіру департаменті Алматы қаласының экс-әкімі Бақытжан Сағынтаевтың бұрынғы күйеу баласы Бақыт Ибрагимнен тәркіленген Richard Mille сағаты сатылымға шығарады. Бұл туралы ақпарат мемлекеттік мүлік тізілімінде пайда болды.

Швейцариялық Richard Mille брендінің шектеулі коллекциясындағы су өткізбейтін сағаты аукционға 17 мамырда шығарылады. Бұл сағаттың құнын анықтау үшін мемлекет 1,7 миллион теңге төлеп, мүлікті бағалау есебінде мұндай сағаттардың небәрі 50-і бар екенін анықтаған. Солайша сағаттың құны 394 миллион теңгеге бағаланып, доллармен есептегенде 886 мың долларды құрады.

«Бұл сағаттарды сатудан түскен қаражат республикалық бюджетке түседі», деп хабарлады Мемлекеттік мүлік және жекешелендіру комитетінің баспасөз қызметі.