Жаңалықтар

Фото: shutterstock.com

Елімізде инфляция 2023 жылдың соңына қарай 10-12% деңгейінде болады. Ал 2025 жылдың соңында 5,5-7,5%-ға дейін баяулайды. Бұл туралы үкімет отырысында Ұлттық банктің төрағасы Ғалымжан Пірматов мәлімдеді.

«Кейін инфляция 5% төңірегінде сақталады. Бұған сыртқы орта тарапынан инфляциялық қысымның одан әрі әлсіреуі және тежеуші ақша-кредит шарттары ықпал ететін болады. Бұл бағалау Үкіметтің болжамдарына жақын», – деді ол.

Айтуынша, базалық сценарийде төлем балансының қазіргі шоты 2022 жылғы профициттен – дефицит аймағына ауысады. 2023 жылы дефицит жалпы ішкі өнімге қатысты (-)3,4%-ды құрайды. Одан кейінгі жылдары төлем балансының қазіргі шоты дефицит аймағында сақталып, жақсарады.

Үкімет отырысында «2024-2026 жылдарға арналған республикалық бюджет туралы», заң жобасы талқыланды. Премьер-министрдің орынбасары – Қаржы министрі Ерұлан Жамаубаевтың айтуынша, 2024 жылға арналған түсімдер 20,4 трлн теңге, 2025 жылы – 20,1 трлн теңге, 2026 жылы – 21,2 трлн теңге деңгейінде болжанып отыр.

2024 жылы Ұлттық қордан 3,6 трлн теңге көлемінде трансферттер тартылады. Бұл қаражат әлеуметтік және маңызы бар инфрақұрылымдық жобаларды жүзеге асыруға бағытталады.

«Яғни жолдарды, жылу, газ, сумен жабдықтау желілерін, инженерлік желілерді жаңғырту, сондай-ақ «Жайлы мектеп» және «Ауыл денсаулығын жаңғырту» ұлттық жобалары аясында бірқатар әлеуметтік нысандардың құрылысын жүргізуге жұмсалады», – деді ол.

2024 жылы бюджет...

Германияның ресми тұлғалары Қазақстанмен мұнай-газ секторындағы өзара байланысты нығайтуға мүдделі. ҚМГ баспасөз қызметінің хабарлауынша, олар басқа да қазақстандық мұнай компанияларының ресурстарынан қазақстандық мұнайдың жеткізу көлемін ұлғайтуға қызығушылығын растаған.

«..келіссөз аясында ҚМГ басшысы қошеметпен қабылдаған неміс тарапына алғыс айтып, қазақстандық тараптың ынтымақтастықты кеңейтуге ниетті екендігін жеткізді.Өз кезегінде, ГФР-дың ресми тұлғалары Қазақстанмен мұнай-газ секторында өзара байланысты нығайтуға мүдделі екендіктерін атап өтіп, басқа да қазақстандық мұнай компанияларының ресурстарынан қазақстандық мұнайды жеткізу көлемін ұлғайтуға қызығушылығын растады», делінген хабаламада

27-28 тамызда «ҚазМұнайГаз» ҰК АҚ делегациясы неміс тарапының шақыртуымен Германияға жұмыс сапарымен барып, Шведт қаласында орналасқан PCK (Petrolchemie und Kraftstoffe...

Фото: kursiv.media

Үкімет Президенттің Қазақстан халқына Жолдауын іске асыру аясында, халықты жұмыспен қамту барысы туралы есеп берді. Ақпаратқа сәйкес, жастарды жұмыспен қамту бойынша кешенді жұмыс жүргізіліп, жыл басынан бері 303,3 мыңнан астам жас азамат жұмысқа орналасқан.

«ҚР Президентінің «10 мың тұрғынға 100 жұмыс орны» бастамасын жүзеге асыру барысында – 142,9 мың адам, ұлттық жобаларды іске асыру кезінде – 80,9 мың адам, бос жұмыс орындарына – 79,5 мың адам жұмыспен қамтылды», делінген хабарламада.

Сонымен қатар биыл жастар арасынан 35,5 мың адам қоғамдық жұмыстарға тартылып, 18,7 мың ЖОО және ТжКБ түлегі игерген мамандығы бойынша...

Қытай ағымдағы және келесі жылы түсті металдар өндірісінің тұрақты өсу қарқынын сақтауға ниетті, деп хабарлады өнеркәсіп және ақпараттандыру министрлігі. Ведомство 2023-2024 жылдары он негізгі түсті металдар шығарылымы шамамен 5% – ға өседі деп күтеді. Бұл туралы Синьхуа агенттігі хабарлады.

Қаңтар-шілдеде елдегі өндіріс көлемі 42,32 млн тоннаны құрады, бұл өткен жылдың сәйкес кезеңіндегі көрсеткіштен 7% – ға артық. Оның ішінде өткен айда шығарылым 4,2% – ға өсіп, 6,03 млн тоннаға жетті.

Ағымдағы жылдың жеті айында бастапқы алюминий өндірісі 23,62 млн тоннаны құрады, бұл 2022 жылдың осы кезеңіндегі көлемнен 2,8% – ға жоғары. Атап айтқанда, шілде айында 3,48 млн тонна металл...

Елімізде Конституция күнін мерекелеуге байланысты Халыққа қызмет көрсету орталықтары, оның ішінде мамандандырылған орталықтар 30 тамызда азаматтарды қабылдамайды.

          ХҚКО-лар мен мамандандырылған ХҚКО-лар жұмысын 31 тамыздан бастап, әдеттегі кесте бойынша жалғастыратын болады.

          Естеріңізге сала кетсек, ХҚКО әдетте, дүйсенбіден жұмаға дейін сағат 9:00-ден 18:00-ге дейін, ал кезекші Халыққа қызмет көрсету орталықтары жұмыс күндері сағат 9:00-ден 20:00-ге дейін, сенбі күні сағат 9:00-ден 13:00-ге дейін азаматтарды қабылдайды.

Мемлекет басшысы Ұлттық қауіпсіздік комитетінің төрағасы Ермек Сағымбаевты қабылдады. Бұл туралы Ақорда баспасөз қызметі хабарлады.

Ермек Сағымбаев ведомствоның биылғы үшінші тоқсанның басынан бері атқарған жұмыстарының негізгі нәтижесі мен бұған дейін берілген тапсырмаларының орындалу барысы және алдағы кезеңге арналған жоспары туралы мәлімет берді.

Қазақстан аумағында лаңкестік әрекет жасауды жоспарлаған радикалды топтың құрықталғаны туралы баяндады.

Атап айтқанда:

– террористік қылмыстар бойынша 7 сотқа дейінгі тергеу амалдары басталып, 3 экстремист сотталған;
        – терроризмге қарсы іс-қимыл шараларын жетілдіру мақсатында ҰҚК Терроризмге қарсы орталығы 103 оқу-жаттығу жиынын ұйымдастырған;

Сонымен қатар, криминогендік ахуалды жақсарту жұмыстарының нәтижелері туралы баяндады.

Атап айтқанда:

– қоғамға қауіп төндірген ...

 28.08.2023ж. сағат 11:47-де Шымкент қаласы прокуратурасының фронт офисіне 15-ке жуық азамат Еңбекші ауданының полиция басқармасымен тергелген қылмыстық іс бойынша қабылданған шешіммен келіспейтінін айтып, келген шағымы бойынша қала прокурорының жеке қабылдауын талап еткен. Бұл туралы Шымкент қаласының прокуратурасының баспасөз қызметі хабарлады.

Шымкент қаласы прокуратурасының кезекші прокуроры түсіндіру жұмыстарын жүргізу барысында келгендердің ішінен бір ер азамат «бензин» жанар-жағармайын үстіне құйып, өз-өзін өртеуге оқталған.

Прокуратура қызметкерлерінің тез арада әрекет етуінің  нәтижесінде өз-өзін өртеу фактісі болдырылмады.

Сонымен қатар қала прокуратурасына келген тұлғалардың арасындағы бір әйел азаматша өзін нашар сезініп, жедел жәрдем бригадасымен медициналық көмек көрсетілді.

Аталған дерек Әл-Фараби АПБ-ның АЕК-на тіркеліп, қазіргі таңда тексеру...

Базалық мөлшерлемені төмендетуге арналған орын бар, бірақ ол шектеулі. Бұл Қазақстандық миноритарлық акционерлер қауымдастығының өкілі қатысқан Ұлттық Банктің (ҰБ) кезекті сараптамалық кездесуінен алынған негізгі месседж.

Мөлшерлеменің мүмкіндіктерін шектейтін инфляцияны жақтайтын факторлар:

Әлі де жоғары инфляциялық күтулер.

Фискалдық ынталандыру (Бюджеттік шығындар).

Инфляция деңгейі төмендейді. 2023 жылдың қорытындысы бойынша инфляция деңгейі, Ұлттық Банктің болжамы бойынша, 10-12% құрайды (2022 жылы – 20% – дан астам). Алайда, бұл 5% орта мерзімді мақсаттан алыс.

Ұлттық Банктің хабарлауынша, теңге рубль «құрсауынан» шықты. Жыл басынан бері (25 тамызда) долларға шаққандағы теңге 0.5% – ға нығайды, рубль 35% – дан астам жоғалтты. Алайда тамыз айында (25-ші күн...

Қазақстан Республикасы Ұлттық қауіпсіздік комитеті Қазақстан мен Қырғызстанның бақылау бекеттеріндегі жағдайға қатысты түсініктеме берді.

«Осы жылдың тамыз айында Шекара қызметі шекара кеңістігіндегі, оның ішінде шекаралық өткізу пункттеріндегі заңсыз әрекеттерге қарсы тұру бойынша белсенді шаралар кешенін жүргізді. Көліктер техникалық байқау құралдары мен қызметтік иттер арқылы тексерілді», делінген баспасөз хабарламасында.

Қабылданған шаралардың қорытындысы бойынша Шекара қызметі есірткі заттарды тасымалдаудың 35 фактісін, 33 қару мен оқ-дәрілер, 20 жалған құжат пайдалану, 36 қос азаматтық, 2 млрд теңгеге жуық сомаға 299 контрабанда фактісі, жалған құжаттарды пайдаланып көлік құралдарын әкелу және әкету бойынша 27 фактті анықтаған. Сондай-ақ көші-қон заңнамасын...

Екібастұз-1 станциясында жүк вагондары рельстен шығып кеткен, – деп хабарлайды  «Қазақстан темір жолы» ҰК» АҚ баспасөз қызметі.

«26 тамызда сағат 13: 40-та Екібастұз-1 станциясының техникалық паркінде маневрлік жұмыстарды жүргізу кезінде 3 вагон рельстен шықса, оның ішінде 2 вагон – құм тиелген, 1 вагон – күкірт қышқылымен болған, алайда төгілмеген», – делінген хабарламада.

Вагондар қалпына келтіру пойызының көмегімен көтерілетіні айтылған.

«Құрбан болғандар мен зардап шеккендер жоқ. Оқыс жағдай басқа пойыздар қозғалысына әсер еткен жоқ», – делінген хабарламада.

Грекияда 600-ден астам өрт сөндіруші жаппай орман өртімен күресіп жатыр. Өрт қазірдің өзінде 77 мың гектар аумақты қиратып үлгерді. Ол тіпті Афинаға жақындап қалды, деп хабарлайды Zakon.kz.

600-ден астам өрт сөндіруші, оның ішінде Еуропаның басқа елдерінен келген күшейту күштері тікұшақтардың қолдауымен Грекиядағы үш ірі өрт ошағын сөндіруді жалғастырып жатыр. Бұл туралы The Guardian жазды. Тоғыз күннен бері жалын толық сөнген жоқ.

Алдын ала мәлімет бойынша, солтүстік-шығыс Эврос аймағындағы өрт қазірдің өзінде кем дегенде 20 адамның өмірін қиды. Өрт Эвростың басты қаласы Александруполис маңындағы орманның едәуір бөлігін және бірнеше үйді шарпыған. Өткен демалыс күндері өртті сөндіруге 295 адам, жеті ұша...

Қарағандыдағы ауруханаларда Арнаулы әлеуметтік қызмет көрсету орталығының тағы бір баласы қайтыс болды, деп хабарлайды Қарағанды облысы Денсаулық сақтау басқармасының баспасөз қызметі.

«Қарағандыдағы ауруханаларда Арнаулы әлеуметтік қызмет көрсету орталығының балалары ем алуды жалғастыруда. Алайда дәрігерлер қанша тырысса да бір науқасты аман алып қалу мүмкін болмады. Көпсалалы қалалық балалар ауруханасында жатқан 2012 жылы туған бала 28 тамызда қайтыс болды. Баланың жағдайы бастапқыда өте ауыр болды. Терапияның тактикасы үнемі республикалық мамандармен талқыланды. Өлім себебі – жүрек жеткіліксіздігі», делінген баспасөз хабарламасында.

Еске сала кетсек, 1 тамызда еліміздің бас санитар дәрігері Айжан Есмағамбетова Қарағанды облысында балалар жаппай уланып...

Фото: shutterstock.com

ҚР Сыртқы істер министрлігінің ресми өкілі Айбек Смадияров Bloomberg.com сайтында жарияланған ақпаратқа түсініктеме берді. Айтуынша, мақаланы орыс тіліне аудару кезінде мәні бұрмаланған.

«Bloomberg агенттігінің мақаласына келсек, бұл – көптен бері шешілмей жатқан мәселе. Яғни, МАГАТЭ-ге мүше жекелеген мемлекеттердің агенттіктің басқару органдарында өкілдік етпеуіне қатысты екенін хабарлаймыз. Қазақстан агенттіктің тарихында алғаш рет МАГАТЭ-нің өңірлік топтарына кірмейтін және іс жүзінде МАГАТЭ-нің басқарушы органдарына сайлану құқығынан айырылған 17 елдің тізімін кодификациялауға қол жеткізді. Бұл тізімге Орталық Азияның барлық елі, Израиль, Непал, Бахрейн, Камбоджа және басқалары да кіреді», – деді Айбек Смадияров.

Осыған орай Қазақстан бұл мәселен...

Бұл туралы қаржылық ұйымның басшылығы мәлімдеді.

Аталған шара инфляцияның өсу қарқынын 2 пайыз деңгейінде ұстап тұруға бағытталмақ. Әзірге бұл меже 5 пайыз. АҚШ-тың Федералдық резерв жүйесі де осы саясатты ұстанбақ ниетте. Олар биыл мөлшерлемені 12-рет көтереді. Федералдық резерв жүйесінің басшысы Джером Пауэлл қатаң экономикалық саясат жүргізу – мәселені шешудің бірден бір жолы деп мәлімдеді.

«Федералдық резерв жүйесінің міндеті – инфляция өсімінің қарқынын 2 пайызға дейін төмендету. Соңғы кезде біз қаржылық саясатты едәуір қатаңдаттық. Инфляция шырқау шегіне әлі жетпесе де, қазіргі қалпы біз үшін тым жоғары болып саналады. Қажет болса, біз мөлшерлемені әрі қарай да көтеруге дайынбыз»

Фото: kursiv.media

Қазақстанның сыртқы істер министрлігінің ресми өкілі Айбек Смадияров Ресейдің Алматыдағы Бас консулы Евгений Бобровтың мәлімдемесіне қатысты пікір білдірді.
Бұған дейін Бобров «Қазақстанда орыс тілін қолдану аясы тарылып жатқанын» айтты. Оның сөзінше, кейінгі жылдары Қазақстанда орыс тілінде білім беретін мектептер мен сыныптар азайған, «Орыс тілі» пәнін қазақ тілінде білім алатын 1-сынып оқушыларына арналған бағдарламадан алып тастау қоғамда белгілі бір алаңдаушылық туғызған».

Айбек Смадияров Бобровтың Алматыдағы Бас консул қызметін атқармайтынын мәлімдеді.

«Ол кісі толық ақпаратты білмейтін шығар. Алматыда жұмыс істегендіктен, Алматының ғана ақпаратымен шектелген болар. Ол кісі қазір Қазақстанда жұмыс істемейді, Ресейге кетіп қалған. Кеткеніне 1-2 күн...

«Қазақстанда ашылатын Microsoft хабы Америка Құрама Штаттарының мүддесі үшін жұмыс істейді» деген кейбір сарапшылардың пікіріне қатысты Қазақстанның Цифрлық даму, инновациялар және аэроғарыш өнеркәсібі министрлігінің баспасөз қызметі түсініктеме берді.

Цифрлық даму, инновациялар және аэроғарыш өнеркәсібі министрлігінің хабарлауынша, Microsoft корпорациясының мультиаймақтық хабының негізгі бағыты – жергілікті IT мамандарын қолдау және оқыту.

«Microsoft өкілдерінің айтуынша, мультиаймақтық хабтың негізгі міндеті – компанияның аймақтағы қызметін үйлестіру және қолдау. Сондай-ақ хаб жергілікті нарықтар мен қажеттіліктерді талдау қызметімен айналысып, Microsoft өнімдері мен қызметтерін белгілі бір аймақтың талаптарына қарай бейімдейді», делінген баспасөз хабарламасында.

Мультиаймақтық хаб өңірдегі компаниялармен, әзірлеушілермен және басқа серіктестермен...

Елімізде көмір бағасы былтырмен салыстырғанда орта есеппен 15%-ға қымбаттаған. Бұл туралы Индустрия және инфрақұрылымдық даму министрлігі индустриялық даму комитеті төрағасының орынбасары Тұрар Жолмағамбетов мәлімдеді, деп хабарлайды Kursiv.kz.

«Қазір 9,1 млн тонна көмір қажет. Оның 2 млн тоннасы жеткізілді. Кей бөлігі қоймада сақталып тұр. Көмірдің бағасына келсек, қазір көмір шығаратын орындарда «Шұбаркөл» көмірінің бағасы – 7 570 теңге. «Қаражыра» көмірі – 9 мың теңге, «Майкубен вест» көмірі 6 700 теңге, «Шұбаркөл премиум» көмірі 9 мың теңге. Былтырмен салыстырғанда баға 7-10%, 15%-ға қымбаттаған. Үш жылға дейін көмір өндірушілерде баға өзгермеген», – деді Тұрар Жолмағамбетов.

Айтуынша, министрлік көмір...

Астанадағы EXPO алаңында Тәжікстан ауыл шаруашылығы көрмесіне қойылған өнімдерді тегін алып кетуге өнім иелерінің өздері рұқсат берген. Астана қалалық инвестициялар және кәсіпкерлікті дамыту басқармасы басшысының орынбасары Мақсат Жаңабаев осылай деп мәлімдеді.

Әлеуметтік желідегі шу. Тәжікстан Президенті Эмомали Рахмоновтың Қазақстанға ресми сапары аясында Астана, Шымкент және Алматы қалаларында тәжік өндірушілерінің көрмесі ұйымдастырылған болатын. Тәжікстанның мәдени күндерін мерекелеу аясында EXPO алаңында Тәжікстанның ауыл шаруашылығы, өнеркәсіп өнімдері, ұлттық қолөнер бұйымдары және ұлттық тағамдарының көрме-жәрмеңкесі өтті. Оған Соғды облысының 300-дей ауыл шаруашылығы тауарын өндіруші қатысып, 1 мың тоннадан астам өнім әкелінген.

Астанада өткен көрмеге келушілер, жеміс-жидектерді жаппай алып кеткені туралы видеолар...

Ресей өзінің арзан бидайымен Қазақстанның дәстүрлі нарық бағыттарын басып алуы мүмкін. Қазақстан бұл мәселені қалай шешеді? Бұл жайлы «Азық-түлік корпорациясы» ҰК» АҚ төрағасының орынбасары Самат Теңбаев айтып берді.

Онсыз да көрші елден сұр схемамен кіріп жатқан бидай көлемі еліміздегі дихандардың өніміне сұранысты азайтып, бағаның түсуіне себеп болып отыр. Бұл нарықта бәсекелестік артқан. «Азық-түлік корпорациясы» өкілінің айтуынша, Қазақстан басқа нарықтарға да шыға алады.

«Соңғы екі-үш жылда Қазақстанның дәстүрлі нарығында бәсекеслестік өте жоғары деңгейде. Біз Орта Азияға жылына 5 млн-ға жуық бидай экспорттаймыз. Қазіргі бәсекелестікке байланысты, біз сәуір айынан бастап Қытай нарығына шыға бастадық. Бұл бағыттағы...

Алматы қаласы полиция департаменті қала тұрғындарына самокатпен жүрі ережелерін ескертті. Электр көлігімен велосипед жолдарымен, жол жүру бөлігінің оң жақ шеткі жолағымен және тротуармен жүруге болады.

Алматы қаласы полиция департаментінің ресми өкілі Салтанат Әзірбек самокат жүргізушілеріне қойылатын талаптарды айтып берді.

«Енгізілген өзгерістерге сәйкес, электр самокаттардың жүргізушілері велосипед жолымен жүреді. Олар болмаған кезде заңмен енгізілетін шарттар мен тыйымдарды сақтай отырып, жол жүру бөлігінің оң жақ шеті бойынша электр самокаттардың жүруіне жол беріледі», – деп атап өтті спикер.

Самокат жүргізушілеріне қойылатын талаптар: электр самокаттардың жүргізушісі кемінде 18 жаста болуы керек;
басына дулыға және жарыққа...

Биылғы құрғақшылықтан Шығыс Қазақстан мен Абай, Павлодар облыстары егістіктері де зиян шекті. Вегетациялық кезеңде жауын-шашынның аздығына байланысты күнбағыс егістіктері зардап шегіп, бұл өнім түсімі 17 пайызға қысқарған. Бұл жағдай әлеуметтік маңызы бар өнім саналатын күнбағыс майының қымбаттауына әсер етуі мүмкін бе?

Қазақстанның майлы дақылдарды өңдеушілер ұлттық қауымдастығының төрағасы Ядыкар Ибрагимов күнбағыс майының бағасын тұрақты деңгейде сақтап тұру үшін Сауда және интеграция министрлігімен және Ауыл шаруашылығы министрлігімен арнайы меморандумға қол қойғанын айтты.

«Қауымдастық Сауда және интеграция және Ауылшаруашылы министрлігімен бірге меморандумға қолы қойып, күнбағыс майының өзіндік құны 750 теңдеген аспайды деп келіскен болатынбыз. Біз...

«Самұрық-Қазына» Ұлттық әл-ауқат қорының басшылары 2022 жылы қордан жарты миллиард теңгеге жуық сыйақы алды. Бұл туралы 28 тамыз Қазақстан қор биржасының сайтында жарияланған құжатта жазылған.

KASE сайтындағы «Компаниялар туралы ақпараттар» бөлімінде «Самұрық-Қазына» АҚ топ-менеджменті 2022 жылы 406,5 миллион (406 496 960) теңге көлемінде сыйақы алды, деп жазылған.

Еске сала кетсек, 2021 жылдың қорытындысы бойынша сыйақының жалпы сомасы 275,2 миллион теңгені құрады, бұл 2021 жылмен салыстырғанда 1,5 есеге көп.

Қор сайтындағы мәліметтерге сүйенсек, сыйақы төлеу үшін негізгі шарт – есепті жыл ішінде шоғырландырылған қорытынды пайданың болуы.

«Бір жыл ішіндегі жұмыс қорытындылары бойынша сыйақы қол жеткізілген...

Дүйсенбі күні таңертең эталондық мұнай бағасы сәл қымбаттады, деп хабарлайды Интерфакс-Қазақстан.

Лондонның ICE Futures биржасында Brent маркалы «қара алтынның» қазан айындағы фьючерстерінің бағасы барреліне 84,53 долларды құрады, бұл алдыңғы сессияның жабылуындағы көрсеткіштен 5 центке (0,06%) жоғары. Өткен жұмада бұл келісімшарттар барреліне 1,12 доллар (1,3%) өсіп, 84,48 долларды құрады.

Нью-Йорк тауар биржасындағы (NYMEX) электрондық саудада қазан айына арналған WTI маркалы мұнай фьючерстерінің бағасы 11 центке (0,14%) өсіп, барреліне 79,94 долларды құрады. Соңғы сессияның қорытындысы бойынша 0,78 долларға (1%) – барреліне 79,83 долларға дейін қымбаттады.

Өткен аптадағы сауда нәтижесінде Brent 0,4%-ға, WTI 1%-ға төмендеді.
Мұнай нарығының қатысушылары АҚШ Федералдық резервтік жүйесінің (ФРЖ...