Жаңалықтар

Қазақстан Еуропалық Одақ елдеріне органикалық өнім жеткізушілердің ондығына енді. Бірақ ішкі нарықта азық-түлік өнімдерін сертификаттау жағы көңіл көншітерлік емес. Қазақстандық техникалық регламентпен экологиялық таза немесе органикалық өнім өндіргісі келетіндер көп емес. Дәнді дақыл мен көкөністі пестицидсіз, етті антибиотиксіз өсіру қиын және қымбат.

Ал ҚР Техникалық реттеу және метрология комитетінің Ұлттық аккредиттеу орталығының сарапшылары Қазақстанда гринвошинг (ағылшынша greenwashing, whitewash деген секілді — «ағарту», кейде «жасыл камуфляж») үрдісінің кең етек тарап жатқанын мәлімдейді. Сертификатталмаған немесе органикалық екендігі дәлелденбеген болса да, компаниялар өнімдеріне Bio және Organic заттаңбасын жабыстырады.

Сыртқы нарықтарға сатуға келетін болсақ, ҚР Ауыл шаруашылығы министрлігінің мәліметінше, Қазақстан Еуропаға...

Дамыған елдер ішінде Ұлыбританияның болашағы бұлыңғыр. Бұл туралы 24.kz сайты хабарлады

Халықаралық валюта қорының болжамы осындай. Жыл соңына дейін елде өндіріс көлемі 0,6 процентке қысқаруы мүмкін. Салық та айтарлықай өскен. Энергия көздерінің де бағасы шарықтап тұр. Инфляцияға байланысты Ұлыбританияда ереуілдер толастар емес.

Бұл туралы Өңірлік коммуникациялар қызметінің брифингі барысында «Алматы су» МКК бас директоры Ілияс Қазиев хабарлады. Атап өтетіні, кәсіпорын тек Алматы қаласын ғана емес, мегаполиске іргелес елді мекендерді де сумен және кәріз жүйесімен қамтамасыз етеді.

 Ілияс Қазиевтің айтуынша, өткен жылы сумен жабдықтау және кәріз жүйесін жаңғырту және дамыту шаралары жалғасты. Жұмыс бірнеше бағытта жүргізілді, ең алдымен, бұл нысандарды, желілерді және жабдықтарды қыс мауысымында пайдалануға дайындау, сондай-ақ желілердегі апатты жағдайларды азайтуға және су ысырабын азайтуға бағытталған шаралар болды.

 «Жазғы жөндеу науқанында кәсіпорынның жеке қаражаты есебінен жалпы көлемі 103 550 м3 39 таза су резервуары жуылып, тазаланды, 1,5 мың құдық, 1,9 мың вентиль...

Аталған жоба аясында жыл аяғына дейін 300-ге жуық жас жұмыспен қамтылады деп күтілеуде. Бұл туралы облыстық Жұмыспен қамтуды үйлестіру және әлеуметтік бағдарламалар басқармасының басшысы Азамат Мәмбетов мәлім етті, деп хабарлайды Атырау облыстық Өңірлік коммуникациялар қызметі. 

– Жастарды қолдау бағытында «Жастар практикасы» және «Алғашқы жұмыс орны» жобаларына қатысу кезеңі ұзартылып, еңбек ақылары да ұлғайтылды. Бұрын жастар практикасына жолданған жастардың еңбек ақысы 25 айлық есептік көрсеткіш мөлшерінде белгіленсе, қазір 30 айлық көрсеткішке дейін өсті, жұмыс мерзімі 6 айдан 1 жылға дейін. Алғашқы жұмыс орны жобасына қатысу кезеңінің ұзақтығы 1 жылдан 18 айға дейін, еңбекке төленетін ақы мөлшері 20 АЕК-тен 30 АЕК-ке дейін...

ҚР Индустрия және инфрақұрылымдық даму министрлігі машина жасау саласын дамыту бойынша кешенді жоспар әзірлеп жатыр. Осыған байланысты Индустриялық даму комитетінде автомобиль және ауыл шаруашылығы машина жасау кәсіпорындары өкілдерінің қатысуымен жиын өтті,- деп хабарлайды ҚР ИИДМ баспасөз қызметі.

Қазіргі уақытта кешенді жоспарды әзірлеу шеңберінде саланың қазіргі жай-күйіне талдау жүргізіліп, түйткілді мәселелерді анықтау және оларды шешу жолдары қарастырылуда. Жиын барысында, әсіресе, саладағы кадр тапшылығы мәселесіне ерекше назар аударылды.

«Кадрлық әлеует – кез келген кәсіпорынның жоғары табысының маңызды факторы. Кадрлардың кәсіби даярлығы өнім өндірісін кеңейтуге ықпал етіп, ішкі және сыртқы нарықтарда бәсекеге қабілеттілігін қамтамасыз етеді. Бүгінде отандық машина жасау өнеркәсібі жоғары білікті кадрлардың тапшылығы...

2025 жылға қарай 5G пайдаланушылар қазіргіден үш еседен артық көбейеді

Бүгінгі таңда интернеттің адамзат үшін маңызы өлшеусіз. Қазақстанның телекоммуникация саласының маңызды міндеттерінің бірі 5G ұялы байланысының бесінші буынын енгізу.

Ескерту: көптеген елдерде 5G-ді енгізу қарқынды жүріп жатыр, ал кәсіпкерлер мен жұртшылық бұл байланыс түрінің артықшылықтарын жоғары бағалап үлгерді. Statista мәліметінше, Қытай мен АҚШ 5G енгізуде басқа елдерден көш ілгері: барлығы 652 қала бесінші буынмен қамтылған, оның 356-сы Қытайда, 296-сы АҚШ-та.

5G қосуда алғашқы бестікке Филиппин (98 қала), Оңтүстік Корея (85 қала) және Канада (84 қала) кіреді. Алғашқы ондыққа Испания, Италия, Германия, Ұлыбритания және Сауд Арабиясы енді.

Пандемиядан кейінгі кезеңде...

Associated Press ақпарат агенттігін хабарлауынша, бұл бұйрық елдегі барлық мемлекеттік және жеке меншік университетке қатысты. Билікке келгелі Талибан біртіндеп нәзік жандылардың оқу мүмкіндігін шектеп жатыр,-деп жазды 24 кз сайты

Мәселен 2021 жылы қыздарға мектепке баруға тыйым салынды. БҰҰ Ауғанстан үкіметінен әйелдердің еңбек ету және білім алу құқығын шектемеуін талап етіп отыр. Осыған байланысты, ұйым Бас хатшысының бірінші орынбасары Амина Мохаммед Кабул мен Кандагар қалаларына барып қайтты. Ол басқарған делегация жергілікті тұрғындармен, билік және гуманитарлық ұйымдардың өкілдерімен кездесті. Амина Мохаммед, БҰҰ Бас хатшысының бірінші орынбасары: – Ауғанстандағы әйелдердің құқықтарын қорғау ісінде көршілес елдер және бүкіл халықаралық қауымдастықтан көмек күтеміз. Тәлібтер...

ҚМА Ақтөбе облысы бойынша департаменті облыстық прокуратурамен бірлесіп Есірткі және психотроптық заттарды аса ірі көлемде сақтау және өткізу фактілері бойынша сотқа дейінгі тергеп-тексеруді жүргізіп жатыр.

Қаржылық барлаудың талдамалық материалдары негізінде жүргізілген жедел-іздестіру іс-шараларының нәтижесінде есірткінің түрлерін, оның ішінде синтетикалық есірткілерді аса ірі көлемде сатумен айналысқан Ақтөбе қаласының тұрғыны анықталды.

Жедел-іздестіру іс-шаралары нәтижесінде ол қылмыс үстінде ұсталып, оның тұрғылықты жерінде тінту жұмыстары жүргізіліп, одан «Alfa-PVP» синтетикалық есірткі заты; кокаин және каннобиноидты топтың есірткі заттары табылып, тәркіленді.

Аталған азамат ұсталып, уақытша ұстау изоляторына қамалды.

Нихара қаласында мигранттар тұратын қалашық өртке оранды. Бұл туралы Хабар 24 сайты хабарлады.

200-дей адам қауіпсіз жерге көшірілді. Өртке не себеп болғаны әзірге белгісіз. Кеңесі осы қалашықты бұзып тастау жөнінде шешім шығарды. Сот үкімінде заңсыз салынған үйлердің әбден тозығы жеткені айтылған. Мұнда Африкадан келген мигранттар мекендейді. Олар осы өңірдегі фермаларда жалданып жұмыс істейтін. Жүздеген лашықтан тұратын қалашық осыдан 15 жыл бұрын салынған. 

Сауда-саттық қорытындысы бойынша, 27 қаңтарда теңгенің нарықтық бағамы бір аптада 0,5%-ға (462,55 теңгеден) нығайып, 1 АҚШ доллары үшін 460,43 теңгені құрады. Бұл туралы ҚР Ұлттық Банк хабарлады.

2023 жылғы 20-27 қаңтар аралығында сыртқы валюта нарығында бірқатар маңызды оқиға болды. Осылайша, АҚШ Сауда министрлігінің мәліметі бойынша, елдің ЖІӨ 2022 жылдың соңғы үш айында жылдық есептеуде 2,9%-ға өсті. Сонымен бірге, АҚШ ФРЖ төрағасы Джером Пауэлл жалақы динамикасын қызметтер бағасын өсірудің негізгі себептерінің арасында бөліп, инфляция болжау кезінде негізгі фактор ретінде атап өтті. Желтоқсанда жалақының өсу қарқынының бірден бәсеңдеуі ФРЖ үшін үміт белгісі болды, яғни, жалақының орташа жылдық өсуі өткен айдағы 7,6%-бен салыстырғанда...

FlyArystan бюджеттік әуекомпаниясы жаңа бағыт Астанадан Түркия астанасы Анкараға билет сатылымын ашық деп жариялайды. Рейстер 23 мамырдан бастап әр сейсенбі және сенбі сайын орындалатын болады, саяхат ұзақтығы шамамен бес сағатты құрайды. Бір жақты билет құны 43 560 теңгеден басталады, ал билеттер мобильдік қосымшасында және FlyArystan.com сайтында қолжетімді.

«2021 жылы Түркия FlyArystan бағдарлар желісінің алғашқы халықаралық бағыты болды. Екі жыл ішінде Ыстамбұл түрік мегаполисі қазақстандықтардың сүйікті бағытына айналды және Анкара туристер үшін де, жұмыс барысымен саяхаттайтын кәсіпкерлер үшін де сұранысқа ие бағытқа айналатынына үміттенеміз. Астаналықтармен қатар Түркия елордасы Алматы, Шымкент, Семей, Қызылорда, Ақтау және Қазақстанның басқа да қалаларының тұрғындары үшін қолжетімд...

Түркия президенті Режеп Тайып Ердоғанның соңғы мәлімдемесі Швециямен бір мезгілде НАТО-ға кіруге ниетті Финляндияның көзқарасын өзгертпейді, деп хабарлады Финляндия президенті Саули Ниинистё Helsingin Sanomat газетіне.

«Біз өз бағытымызды жалғастырамыз», – деді ол Финляндия президенті.

НАТО мүшелері ретінде Финляндия мен Швеция бірлескен қорғанысты жоспарлауда және ортақ қорғаныс құрылымдарын дамытуда қазіргіден әлдеқайда алға баса алады, деді Ниинистё.

COVID-19 коронавирусы жаһандық қауіп тудыруды жалғастыруда, оның таралу деңгейі әлі де өте жоғары, деп хабарлады ДДҰ хатшылығы.

«Жақында жүргізілген жедел бағалау COVID-19 адам денсаулығына жаһандық қауіп төндіретінін көрсетті, вирустың берілу деңгейі жоғары болып қалады», – делінген ДДҰ сайтында.

Дүниежүзілік денсаулық сақтау ұйымы қырағы болуға, денсаулықты үнемі қадағалауға және халықты вакцинациялауға шақырады.

Джонс Хопкинс университетінің мәліметі бойынша, COVID-19 пандемиясының басынан бері коронавирусты жұқтырғандар арасында қайтыс болғандар саны 6,8 миллионнан асты, барлығы 670 миллион жұқтыру жағдайы анықталған.

Қытайлық онлайн сатушы JD.com Inc. Таиланд пен Индонезиядағы электронды коммерция қызметтерін наурыз айында тоқтатады, деп хабарлады компания.

Шешім JD.ID және JD CENTRAL веб-сайттарына әсер етпек.

Компания өзінің логистикалық инфрақұрылымы арқылы әлемдік нарықтарға, соның ішінде Оңтүстік-Шығыс Азияға қызмет көрсетуді жалғастырады.

Еңбек және әлеуметтік қорғау комитетінің мәліметі бойынша 2022 жылдың қорытындысы бойынша өндірістегі жазатайым оқиғалардан 1465 жұмыскер зардап шекті, оның 203-і қаза тапты. Бұл ретте 2022 жылдың қорытындысы бойынша өндірістік жарақат 2021 жылдың деңгейінде сақталды.

2022 жылы өндірістік жарақаттану коэффициенті (1000 жұмыскерге шаққандағы жазатайым оқиғалардың жиілігі) 0,22 құрады.

Республиканың өнідірістік аймақтарында жарақат алудың ең жоғары деңгейі сақталуда. Мәселен, Қарағанды облысында – 180 адам, ШҚО-да – 169 адам, Қостанай облысында – 142 адам, Павлодар облысында – 112 адам, Ақтөбе облысында – 103 адам, Алматы қ. – 114 адам зардап шекті.

Экономиканың салалары бойынша ең көп зардап шеккендер тау-кен металлургия кешенінің өнеркәсіптерінде...

2022 жылғы қаңтар–желтоқсанда ҚР елді мекендерінде пиротехникалық бұйымдарды пайдалану бабы бойынша 92 әкімшілік құқық бұзушылық қаралды, бұл бір жыл бұрынғыдан 28,1% аз.

Оның ішінде 76 іс бойынша әкімшілік жаза қолданылса, қалған 16 іс бойынша өндіріс тоқтатылды. Іс жүргізу басталған 76 істің 70-не айыппұл салынса, 6-на ескерту жасалды. Салынған айыппұл сомасы 3,4 млн теңгені құрап, 3,1 млн теңге өндірілді.

2021 жылдың сәйкес кезеңінде ҚР-да осы сектор бойынша 128 әкімшілік құқық бұзушылық қаралып, көрсеткіш бір жылда 3% азайған.

Өңірлер бойынша қаралған құқық бұзушылықтардың басым бөлігі Алматы және Павлодар облыстарында болды: облыстардың әрқайсысында 11 іс, тиісінше бір жылда 31,3% азайған және...

2022 жылдың қаңтар–қараша айларында Қазақстанда 488 мың тонна тазартылған және тазартылмаған күнбағыс майы өндірілді, бұл 2021 жылдың сәйкес кезеңімен салыстырғанда 66,6%-ға артық.

Өндірістің өсуімен экспорт көлемі де өсті. Мәселен, өткен жылдың 11 айында экспортқа 202,5 мың тонна күнбағыс майы жіберілген, ал 2021 жылы 81,6 мың тонна экспортталған. Осылайша, өсім бірден 2,5 есені құрады.

Сонымен қатар, 94 мың тонна май импортталды, бұл да 2021 жылдың сәйкес кезеңімен салыстырғанда 13,5%-ға артық. Сырттан әкелінетін өнімнің үлес салмағы 16,2%
болды.

Айта кетейік, 2022 жылдың 11 айының қорытындысы бойынша ішкі нарықта 379,4 мың тонна күнбағыс майы сатылды.

Экологиялық салауат пен қоршаған ортаны қорғау — әлемнің көптеген елдерінің басты міндеттерінің бірі. Кем дегенде 155 мемлекет өз азаматтарының ұлттық заңдарға немесе Адам құқықтарының жалпыға бірдей декларациясы сияқты халықаралық келісімдерге сәйкес салауатты ортада өмір сүруге құқығы бар екенін мойындайды.

Осыған қарамастан, Дүниежүзілік денсаулық сақтау ұйымының бағалауы бойынша, барлық өлім-жітімнің 23%-ы ауаның ластануы, судың ластануы және химиялық әсер ету сияқты экологиялық қауіптерге байланысты.

Қазақстанда да экология мәселесі өткір. Ауаның сапасы қоршаған ортаны қорғауда шешуші рөл атқарады. Соңғы 5 жылда, 2018–2022 жылдары, Астана, Қарағанды, Жезқазған және Теміртау қалаларында атмосфералық ауаның тұрақты жоғары ластануы байқалды. Өңірлер бойынша толығырақ ақпарат кестеде берілген.

Мысалы, Астанада...

Қытайда індетке індетке қарсы препаратты Хайнаньдағы фармацевтикалық компания тіркеді. Бұл туралы Хабар 24 сайты хабарлады.

«Сяньносинь» деп аталатын бірінші препаратты Хайнаньдағы фармацевтикалық компания тіркеді. Екіншісі «Миньдэвэй» деп аталады. Оның куәлігін шанхайлық компания иеленген.

Қытай үкіметі өткен жылдың желтоқсанында тұрғындарды жаппай карантинге жабу саясатынан толық бас тартқан болатын. Осыдан кейін елде ауру-сырқау бірден көбейді. 

«LV FORCE» қаржылық пирамидасын құру және басқару бойынша азаматша Е.Е.Лишкоға қатысты сотқа дейінгі тергеу ҚМА Ақмола облысы бойынша департаменті аяқтады.

2018 жылдан бастап Лишко Е.Е. Степногорск қаласының аумағында жеке тұлғалардан түсетін қаражатты қайта бөлу арқылы ақша тартудан кіріс алу мақсатында «LV FORCE» компаниясын ұйымдастыру туралы шешім қабылдап, қаржылық пирамида қызметін ұйымдастырды.

Нәтижесінде осы пирамида жұмыс істеген кезеңде 5 822 жеке тұлға тартылып, келтірілген шығын көлемі 147 миллион теңгеден асады.

Сот Е.Лишконы кінәлі деп танып, оған тыйым салынған мүлкі тәркіленіп, бес жыл мерзімге бас бостандығынан айыру жазасы тағайындалды.

Италия премьер-министрі мен Ливияның ұлттық бірлік үкіметінің басшысы Триполиде газ жеткізу туралы ұзақ мерзімді келісімге қол қойды. Екі теңіз кен орнындағы өндіру 2026 жылы басталуы керек, келісім құны 8 миллиард еуроны құрайды.

Итальяндық министрлер кабинетінің басшысы Джордж Мелони бірнеше күн бұрын Алжирмен осындай келісім жасады. Екі ел арасында газ құбырын тарту жоспарлануда. Рим ресейлік импортты алмастыру үшін Африкадан көмірсутегі шикізатын жеткізушілерді белсенді түрде іздеуде.

Пәкістанның Хайбер-Пахтунхва провинциясының Кохат ауданында қайық аударылып кетті. Алдын ала мәлімет бойынша, 11 бала қаза тапты, 8 бала із-түзсіз жоғалды.

Жергілікті ақпарат құралдарының хабарлауынша, 7-11 жас аралығындағы медресе студенттері мінген қайық Танда бөгетінің маңындағы су қоймасында аударылып кеткен.

Полиция құтқарған алты баланың жағдайы ауыр деп отыр.

Іздестіру-құтқару жұмыстары жалғасуда.

2022 жылы екінші деңгейлі банктер мен банктік емес жекелеген айырбастау пунктерінде жалпы салмағы 1,1 тонна 37 940 алтын құйма сатылды.

Халыққа тазартылған алтын құймаларды сату және кері сатып алу бағдарламасын (бұдан әрі – Бағдарлама) Ұлттық Банк 2017 жылы іске қосқан болатын. Бағдарлама қолға алынғалы жалпы салмағы 3,8 тоннадан астам 112 845 алтын құйма сатылды.

Алтын құймалар бес түрлі салмақта ұсынылады: 5, 10, 20, 50 және 100 гр. Сатып алушылар арасында ең көп сұранысқа ие түрі – 5 грамдық алтын құйма. Жалпы сатылған құймалар арасында оның үлесі 30,5% – 11 558 дана. Одан кейін 20 грамдық алтын құймадан сатылғаны – 8 605 дана...

Талибан жоғары оқу орындарына қыздарды қабылдау емтихандарына кіргізуге тыйым салды. Бұл туралы РИА Новости хабарлайды.

Тиісті бұйрықты Талибан жоғары білім министрлігі берді. Хатта департаменттің барлық жекеменшік жоғары оқу орындары мен оқу орындарына қыздардың емтиханға қатысуға жол бермеу туралы бұйрық берілгені атап өтілген.

Бұған дейін Ауғанстанда әйелдердің білім алуына тыйым салынғандықтан 35-ке жуық университет жабылатыны хабарланған болатын. Ауғанстан кәсіподақтарының бірінің өкілінің айтуынша, Талибанның тиісті шешімінен кейін елдегі экономикалық мәселелер «қатты шиеленісе түсті».

Ауғанстан билігі әйелдерді білім алу мен жұмыс істеудің барлық мүмкіндіктерінен айырды.