Жаңалықтар

Қытай әлемді күтпеген трансформацияларымен әлі де таңғалдыруда. Кеше ғана тұрмыстық техника өндірушісі ретінде белгілі болған компания бүгін автомобиль нарығына қадам басты. Бұл жолы сөз роботты және тік пішінді шаңсорғыштарымен танымал Dreame Technology жайлы болып отыр. Компания өзінің алғашқы электрокарын ресми түрде таныстырды.

Шаңсорғыштан автомобильге дейін: қытайлық корпорациялар логикасы

Қытайда тұрмыстық немесе цифрлық техника шығаратын брендтердің автомобиль саласына өтуі қазір таңғаларлық жайт емес. Бұған дейін смартфондарымен танымал Xiaomi 2024 жылы өзінің алғашқы SU7 электрокарын таныстырған болатын. Енді бұл бағытқа Dreame де қосылды.

Мұның себебі түсінікті: тұрмыстық техника нарығында қатаң бәсеке бар, ал электромобильдер – болашақтың стратегиялық бағыты.

The Economist Group холдингін иеленетін кәсіпкер Линн Форестер де Ротшильд журналды сату мүмкіндігін қарастырып жатыр. Ол холдинг акциясының 20%-ын иеленеді деп жазады Bloomberg.

Агенттіктің бағалауынша, журналды сатқаннан 200-400 млн еуро немесе 545 млн долларға дейін табыс әкелуі мүмкін.

Bloomberg жазғандай, The Economist басылымының меншік құрылымы соңғы рет он жыл бұрын өзгерген. 2015 жылы Pearson Plc компаниясы өз үлесін бөлігін италиялық Аньелли әулетіне сатқан. Содан бері Аньеллилердің фирмасы Exor NV арқылы 43,4% үлеске ие болып, ең ірі инвестор атанды.

Басқа акционерлер қатарында бірқатар ауқатты әулеттер мен бұрынғы және қазіргі қызметкерлер бар. Олардың ішінде бұрынғы бас редактор, қазіргі Bloomberg News

Қосшы қаласындағы газ реттеу нысанының алғашқы кешені іске қосылды. Ұзындығы 409 шақырым болатын магистральды желі арқылы сағатына 32 800 текше метр көгілдір отын тасымалданады деп хабарлайды Ақордадан.

Жобаның жалпы құны 11,4 млрд теңгені құрайды.

Қосшы – Астананың іргесінде орналасқан қала, бірақ ұзақ жылдар бойы инженерлік инфрақұрылымы дамымай келген. Негізінен тұрғындар көмір немесе сұйытылған газ баллонын пайдаланатын еді.

2019 жылы «Сарыарқа» магистральды газ құбыры іске қосылып, Қарағанды арқылы Астанаға дейін газ жеткізді. Осы құбырмен қала маңындағы елдімекендер, оның ішінде Қосшыға газ құбырлары тартыла бастады.

2023 жылдан бастап Қосшыға газ тарту жұмыстары жүріп, 2025 жылы алғашқы абоненттер табиғи газға қосылды.

Осы...

Президент Қасым-Жомарт Тоқаев Ақмола облысына жұмыс сапары аясында Көкшетау қаласындағы Шахмат үйін аралап көрді. Бұл туралы Ақордадан хабарлады.

Қопа көлінің жағасында орналасқан ғимарат бұрын президент резиденциясы болған. Кейін ол балалар игілігіне беріліп, былтыр желтоқсан айында Шахмат үйі ретінде есігін ашты.

Бүгінде арнаулы орталықта оқу-жаттығу жиындары, гроссмейстерлердің шеберлік сағаттары ұйымдастырылып тұрады. Спортшылар бәсекелер алдында осы жерде дайындығын пысықтайды.

Қазақстан шахмат федерациясының президенті Тимур Турловтың айтуынша, кешенде спортшылардың өз шеберлігін алаңсыз шыңдауына қолайлы жағдай жасалған. Соңғы жылдары шахмат «медаль көп әкелетін» спорт түріне айналды. Былтыр отандық спортшылар халықаралық жарыстардан 160 медаль жеңіп алған .

Қасым-Жомарт Тоқаев жас спортшылармен және ұлтты...

15 қыркүйектен бастап Қазақстанда жеке тұлғалардың жеке кәсіпкер ретінде тіркелу тәртібіне өзгерістер енгізілді. Бұл туралы Uchet.kz хабарлайды.

Не өзгерді?

Бұған дейін шекті табыс мөлшері 12 айлық ең төменгі жалақыға (ЕТЖ) байланысты есептелетін. Осылайша, шекті табыс енді ЕТЖ-ға емес, АЕК-ке байланды.

Бұл нені білдіреді?
2025 жылы бұл талап жеңілдеді: 360 АЕК – шамамен 1,4 млн теңге, ал 12 ЕТЖ – 1 млн теңге. Демек, жылдық табысы 1,4 млн теңгеден аспайтындар жеке...

2026 жылы Көшпенділердің дүниежүзілік ойындары Қырғызстанда 31 тамыз бен 6 қыркүйек аралығында өтеді. Оған 89 елден спортшылар мен қонақтардың қатысады деген болжам бар. Бұл туралы Ойын секретариатынан хабарлады.

«Ойындардың ашылуы 31 тамызда Бішкекте, ал жабылу салтанаты 6 қыркүйекте Ыстықкөл жағасында өтеді», – деді секретариат өкілі.

Ойындардың басты іс-шаралары – спорттық жарыстар, мәдени бағдарламалар мен ғылыми пікірталастар – Ыстықкөл жағасында ұйымдастырылады.

Көшпенділердің дүниежүзілік ойындары – этникалық спорт түрлеріне және әлем халықтарының көшпелі дәстүрлі мәдениетіне арналған халықаралық спорттық жарыс. Жоба 2014 жылы Қырғызстан бастамасымен құрылған, сол жылы алғашқы ойындар өткен. 2022 жылы эстафетаны Түркия қабылдады...

Алматыда Төле би көшесінің бір бөлігі уақытша жабылады. Қала күніне орай Алматыда ауқымды дайындық жұмыстары басталады деп түсіндіреді қала әкімдігінен.

17 қыркүйек сағат 10:30-дан 23 қыркүйекке дейін Төле би көшесінде Абылай хан даңғылынан Панфилов көшесіне дейінгі аралықта көлік қозғалысына шектеу қойылады.

«Уақытша шектеулерді ескеріп, мерекелік іс-шараларға дайындықпен байланысты қолайсыздыққа түсіністікпен қарауды сұраймыз. Сондай-ақ, жүру бағытты алдын ала жоспарлап, жол қозғалысы ережелерін қатаң сақтауды ұсынамыз», – деп ескертеді әкімдіктен.

Сонымен қатар келесі бағыттардың қозғалыс сызбасы уақытша өзгереді:

16 қыркүйектегі нөсерден кейін Алматы тұралап қалды. Қаладағы жол кептелісі 10 баллға дейін өсті.

2GIS-тен байқағандай Рысқұлов және Абай даңғылында екі бағытта да кептеліс. Райымбек даңғылы Тәтібеков көшесінен бастап солтүстік бағытта, Төле бидің бойы Достық даңғылынан бастап солтүстік бағытта жол қозғалысы қиындаған.

Ораз Жандосов көшесінен бастап Шығыс айналма жолға дейін Әл-Фараби даңғылының бойы оңтүстік бағытта қозғалыс тоқтаған. Және Сейфуллин даңғылының бойы екі бағытта да кептелісте тұр.

Жол қозғалысының қиындауына себеп болған қатты жауын кешкі 17:00-ден кейін басталды. Синоптиктердің болжамынша, 17-18 қыркүйекте де қалада жауын-шашын болып, ауа температурасы 18-20 градусқа дейін түседі.

Ескерте кетейік, 17 қыркүйекте...

Алматы қаласы мен Алматы облысында электр энергиясына тарифтерінің көтерілуі мүмкін деген ақпаратқа байланысты Қазақстан Республикасы Ұлттық экономика министрлігінің Табиғи монополияларды реттеу комитеті ресми түсініктеме берді. Комитет тұрмыстық тұтынушылар үшін тарифті көтеру күтілмейтінін хабарлады.

Баспасөз қызметінің хабарлауынша, Ұлттық экономика министрлігінің Табиғи монополияларды реттеу комитетіне 2025 жылдың 25 тамызында «Алатау Жарық Компаниясы» АҚ – «ЭнергоСбыт» филиалынан электр энергиясын жеткізу тарифінің алдағы уақытта көтерілуі туралы ресми хабарлама келіп түскен.

Алайда Қазақстан Республикасы Кәсіпкерлік кодексінің 124-6-бабының 6) тармақшасына сәйкес мұндай шешім жария тыңдаулар өткізілген соң бірақ қабылданады.

Сонымен бірге тариф бойынша шешім өңірдің қазірг уақыттағы әлеуметтік-экономикалық жағдайын ескере отырып және...

Алматы облысы, Алатау қаласына қарасты Али ауылының маңында жатқан қатты тұрмыстық қалдықтар полигонында өртті сөндіру жұмыстары әлі жалғасып жатыр.

Өрт 15 қыркүйекте басталған. Өрт ошағының бір бөлігі тереңде орналасқан, тіпті 10 метрге дейін жетеді. Сондықтан бықсып жану әлі де сақталуда.

Сонымен қатар, полигон беті тұрақсыз болғандықтан, опырылу қаупі бар, осыған байланысты ауыр техниканың қозғалу мүмкіндігі шектеулі.

Өртті сөндіруге Алматы облысы мен Алматы қаласының ТЖД-нің шамамен 150 қызметкері және 70-тен астам техникасы, сондай-ақ Ұзынағаш ауылындағы 28237 әскери бөлімі, «Қазселденқорғау» мекемесі, Алматы қаласы ТЖМ Құтқару қызметі, полиция департаменті мен жергілікті атқарушы органдар жұмылдырылған, – делінген хабарламада...

Кеңес одағының төлқұжатымен 35 жыл өмір сүріп келген әйел табылды. Қостанай облысының Қазанбасы станциясында ерекше жағдай тіркелді.

Бұл «Samruk-Kazyna Trust» корпоративтік қоры хабарлады. «Саламатты Қазақстан» медициналық пойызы жобасының  мамандарына әйел адам жүгінген.

Ол осы уақытқа дейін КСРО төлқұжатымен өмір сүріп келіпті. Ешқашан мемлекеттік органдарға жүгінбеген екен. Кенет оның денсаулығы нашарлап, дәрігерлердің көмегі қажет болған.

Алайда медициналық мекемелер жоқ елдің құжатымен өмір сүріп жатқан тұрғынды қабылдаудан бас тартқан. Жаңа құжаттарды өз бетінше рәсімдеуге жасаған талпыныстары да сәтсіз аяқталды.

Осы орайда пойыздың медиаторы мен заңгері қол созды. Шолпан Шалғазина Қостанай облыстық Адам құқықтары бюросына, Бас прокуратураға және ІІМ-ге ресми өтініш жолдады. Архивтен...

Сот Талғат Ермегияевтің адвокаты берген жеке шағымы бойынша шешім қабылдады. Бұған дейін «Астана ЭКСПО-2017» ұлттық компаниясының бұрынғы басшысы Ермегияев шартты түрде мерзімінен бұрын босату туралы өтініш берді. Алайда сот бұл өтінішті қабылдамады.

Содан кейін адвокат Анар Құсайынова Алатау қаласы сотының бұл шешіміне шағым түсірген. 16 қыркүйекте сот шағымды қарап, бұған дейін шыққан шешімді өзгеріссіз қалдырды.

Айта кетейік, 2016 жылдың маусымында Талғат Ермегияев 14 жылға бас бостандығынан айырылған. Сот шешіміне сәйкес, «Астана ЭКСПО-2017» ұлттық компаниясы пайдасына 5,9 миллиард теңге өтемақы төлеуге міндеттелген. 

16 қыркүйек, сейсенбі күні Израильдің Газа секторындағы шабуылынан кем дегенде 68 адам қаза тапты. Бұл туралы Kursiv.Media Әл-Жазира телеарнасы мәліметіне сүйене отырып хабарлайды.

Израиль әскерінің Газа секторына сейсенбіде басталған шабуылынан зардап шеккендер саны артып келеді. Әл-Жазира дерегінше, таңертеңнен бері өңірде кем дегенде 68 адам қаза тапты. Телеарна осындай мәліметті жергілікті ауруханалардан алған.

Жергілікті билік өкілдерінің айтуынша, елудан астам адам Газа қаласында мерт болған. Соның ішінде 20 адам шаһардың Дарадж ауданында көз жұмған.

Палестиналықтар Израиль шабуылынан ғана емес, аштықтан да қырылып жатыр. Телеарна бүгін үш адам аштықтан өлгенін хабарлады.

БҰҰ-ның оккупацияланған Палестина аумағын зерттейтін халықаралық тәуелсіз комиссиясы...

Президент Қасым-Жомарт Тоқаев мемлекеттің әлеуметтік көмектен бас тартпайтынын, бірақ жәрдемақы шын мұқтаж отбасыларға ғана берілетінін айтты.

«Мен жолдауда көш-қон мәселесін көтердім. Бір Астананың мысалында көптеген проблемадардың шешілмегенін анық көруге болады. Мәселен, Астанада тұратын 400 мың адам есепке алынбай отыр. Әкімдік бұл азаматтардың мәселесін шешуге міндетті. Оларға көмек көрсетіп, жұмыспен қамтуы керек. 400 мың дегеніміз – бір қаланың халқы іспетті. Оларға 100-ден астам астам әлеуметтік көмек көрсетіледі. Қазақстан әлеуметтік мемлекет саналады. Сол себепті мемлекетіміз әлеуметтік көмектен ешқашан бас тартпайды. Ол біздің конституциялық міндетіміз. Десе де, біз бұл саланы реттеуіміз керек», – деді президент.

«Реал Мадрид» футбол клубы «Қайратқа» қарсы ойнайтын команда құрамын жариялады. Бұл туралы 2025/26 маусымдағы Чемпиондар лигасының жалпы кезеңіне қатысуға берілген клубтың өтінімінен белгілі болды.

Қақпашылар: Тибо Куртуа, Андрей Лунин, Фран Гонсалес;

Қорғаушылар: Дани Карвахаль, Эдер Милитао, Давид Алаба, Трент Александер-Арнольд, Рауль Асенсио, Альваро Каррерас, Фран Гарсия, Дин Хёйсен;

Жартылай қорғаушылар: Джуд Беллингем, Эдуарду Камавинга, Федерико Вальверде, Орельен Чуамени, Арда Гюлер, Дани Себальос;

Шабуылшылар: Винисиус Жуниор, Килиан Мбаппе, Родриго, Гонсало Гарсия, Браим Диас, Франко Мастантуоно.

Осы құраммен «Реал» бүгін түнде «Олимпик Марсельге» қарсы алаңға шығады, ал 30 қыркүйекте «Қайратпен» ойнайды.

Люксембург Палестинаны ресми түрде мойындайды. Бұл туралы парламенттік комиссия отырысында елдің премьер-министрі Люк Фриден мен сыртқы істер министрі Ксавье Беттель мәлімдеді.

Ақпаратқа сәйкес, Палестинаны тану мәселесі Люксембургте біраз уақыттан бері талқыланып келген. Алайда ел билігі «қолайлы сәтті» күткен.

Жоспар бойынша, Люксембург үкіметі БҰҰ Бас ассамблеясының отырысында Палестинаны тану мәселесінде Франция, Ұлыбритания, Канада және Бельгияға қосылмақ.

БҰҰ-ға мүше 193 мемлекеттің 140-тан астамы, соның ішінде ЕО мүшелері Испания мен Ирландия, Палестинаны мойындады. Франция президенті Эммануэль Макрон да шілде айында қыркүйекте өтетін БҰҰ Бас ассамблеясында Палестинаны мойындауға дайын екенін мәлімдеген.

Қазақстан экономикасы соңғы айларда қарқынды өсіп келеді. Дәл осы тұрақты өсім Ұлттық банкке базалық мөлшерлемені 16,5% деңгейінде 2026 жылдың алғашқы тоқсанының соңына дейін сақтауға мүмкіндік береді. Мұндай болжамды Еуразиялық даму банкінің (ЕАДБ) сарапшылары жариялады.

Тамыз айында Ұлттық банк базалық мөлшерлемені төртінші рет 16,5% деңгейінде қалдырған болатын. Себебі сыртқы факторлар әлі де бағаға қысым түсіріп отыр. Әлемдік азық-түлік бағасының шарықтауы мен Ресейдегі жоғары инфляция – соның айқын мысалы. Мұндай құбылыстар Қазақстандағы баға деңгейіне де тікелей әсер етеді.

Сарапшылардың айтуынша, халықтың инфляцияға қатысты болжамы өзгерген. Егер маусымда жылдық күтулер 12,6% болса, шілдеде ол 14,2%-ға дейін көтерілген. Бұл қоғамдағы алаңдаушылықтың артып...

Жыл басынан бері елімізде 16 500-ден астам интернет алаяқтық дерегі тіркелді. Былтыр 22 500-ден аса жағдай анықталған. Бұл туралы Kursiv.Media тілшісіне ІІМ киберқылмысқа қарсы іс-қимыл департаменті басқармасы бастығының орынбасары Бейбіт Біржанов айтты.

Былтыр азаматтар алаяқтардың шотына 45 млрд теңгеден астам қаржы аударған. Ал биыл 9 айда 34 млрд теңгесінен айырылды.

Маманның сөзінше, биыл тіркелген алаяқтық дерегінің 3 500-ден астамы ғана ашылған. Нәтижесінде 1 200-ден астам күдікті қылмыстық жауапкершілікке тартылды.

Қылмысты анықтаудағы басты қиындық

Біржанов интернет алаяқтық құрбаны болғандардың құқық қорғау органдарына дер кезінде жүгінбейтінін айтады.

«Қылмысты ашудағы басты қиындық – азаматтардың кеш хабарласуы...

Air Astana әуе компаниясы алматылық «Қайрат» футбол клубының ресми әуе серіктесі болды.

Келісім аясында ұлттық әуе тасымалдаушысы «Қайрат» командасын Чемпиондар Лигасындағы барлық сырт алаңдағы ойындарына тегін жеткізуді қамтамасыз етеді.

Air Astana басшылығы клубты құрлықтың басты додасына шыққанымен құттықтап, алдағы кездесулерде сәттілік тіледі.

16 қыркүйек күні «Қайрат» Лиссабонға жол тартты. 18-нен 19-ына қараған түні «Қайрат» Португалия астанасында «Спортингке» қарсы алаңға шығады. Бұған дейін «Қайраттың» қақпасын осы ойында жас ойыншы Шерхан Қалмұрза қорғайтынын жазған едік. 

Президент Қасым-Жомарт Тоқаев Қазақстанда су ресурстары тиімді пайдаланылмайтынын, тұрмыста да, экономика салаларында да су мүлде үнемделмей, далаға кетіп жатқанын айтты.

 «Қазақстанның су ресурстарын тиімді пайдалану мәселесі алдағы уақытта өтетін Ауыл шаруашылығы еңбеккерлері форумында қаралуға тиіс. Су ресурстарының 50% тіпті одан да көбі құр босқа топыраққа сіңіп кетіп жатыр. Үнемдемейміз. Тұрмыста да, басқа экономикалық салаларда да үнемдеу білмейміз. Біз бұл мәселені міндетті түрде талқыға салуымыз керек. Үкімет ары қарай осы бағытта жұмысты жалғастырады. Қалай да шешімін табу керек», – деді президент.

Су үнемдеу үшін елде қажетті техника мен технологиялар пайдаланылмайтынын айтқан президент, мысал...

Шымкентте жыл басынан бері 78 автокөлік отқа оранған. Мамандар өрттің шығу себебін электр сымдарының қысқа тұйықталуынан көреді.

Шымкентте жол бойында жеңіл көлік өртеніп, артынан газ-ауа қоспасы жарылды. Құтқарушылар өртті сөндіру үшін көбікті оқпан атқан. Желіде тараған видеоларға қарағанда, өрт кезінде көлік маңында бірнеше адам болған.

Қалалық денсаулық сақтау басқармасының мәліметінше, өрттен бір адам күйіп, ауруханаға жатқызылған. Зардап шеккен адам денесінің 22 пайызын күйік шалған.

«Науқас бет, мойын, кеуде және қол аймақтарынан күйік жарақатын алған. Науқастың жалпы жағдайы ауыр. Бет, мойын, дене және қолдарында I–III дәрежелі күйік анықталды.
Науқасқа инфузиялық, антибиотиктік және жергілікті ем жүргізілуде. Қазіргі уақытта жағдайы...

15 қыркүйекте Мәжіліс қарауына «Қазақстан Республикасындағы банктер және банк қызметі туралы» жаңа заң жобасы енгізілді. Бұл құжат осыдан 30 жыл бұрын қабылданған заңды алмастырмақ. Құжатта жазылған басты мәселенің бірі – цифрлық теңгенің құқықтық мәртебесін бекіту. Ұлттық банк төрағасының орынбасары Берік Шолпанқұловтың айтуынша, заң қабылданған соң, цифрлық теңге де заңды төлем құралына айналмақ.

Цифрлық теңге деген не

Берік Шолпанқұловтың мәліметінше, цифрлық теңге – Ұлттық банк шығаратын ұлттық валютаның жаңа түрі. Оған қолма-қол ақша сияқты мемлекет кепілдік береді және төлем жасауға толық жарамды болады. Оның басты артықшылықтары мынандай:

Түркия президенті Режеп Тайип Ердоған Израильдің БҰҰ-дағы дауыс беру нәтижесі бойынша оқшауланып жатқанын айтты.

Оның пікірінше, Батыс елдері Палестинаны мемлекет ретінде мойындаса, жағдай тіпті күрделене түспек.

Ердоған Израильдің оқшаулануын атап өтті

Түркия президенті Режеп Тайип Ердоған Израильдің халықаралық аренада барған сайын оқшауланып жатқанын айтты. Оның сөзінше, Батыс елдерінің Палестинаны мойындауы бұл мемлекетті тығырыққа тірейді.

БҰҰ-дағы дауыс берулер

Ердоғанның пікірінше, БҰҰ резолюцияларына дауыс беру нәтижелері Израильдің геноцид жасағанын айқын көрсетеді.

«Батыс елдері Палестинаны мемлекет ретінде мойындаса, Израиль тіпті бұрышқа қысылады. Біз мұны БҰҰ мінберінен тағы да айтамыз», – деді Түркия президенті.

Тамыз айының соңында қазақстандық банктердегі депозиттердің көлемі 42,8 трлн теңгеге жетті. Тамызда депозиттер 403,5 млрд теңгеге ұлғайған, бұл туралы Ұлттық банктің деректерінде көрсетілген.

Қазақстанда жеке тұлғалардың депозиттері жеті ай қатарынан өсіп келеді. Тамызда олар алғаш рет тарихи меже – 24 трлн теңгеден асып, 255 млрд теңгеге көбейді. Қазір жалпы көлемі 24,127 трлн теңгеге жетті.

Шілдедегі төмендеуден кейін компаниялардың депозиттері тамызда 148 млрд теңгеге өсіп, 18,5 трлн теңгені құрады.

Теңгедегі депозиттердің көлемі бір айда 329,7 млрд теңгеге артып, 33,3 трлн теңгеге жетті. Шетел валютасындағы салымдар да көбейгенімен, айтарлықтай емес – 73,8 млрд теңгеге өсіп, 9,5 трлн теңгені құрады.

Айта кетерліг...