Жаңалықтар

2026 жылдың қаңтарынан Қазақстанда салық берешегі 20 АЕК-тен (86 500 теңге) асқан азаматтардың банк шоттары бұғаттала бастаған. Ал қарыз 45 АЕК-тен (194 625 теңге) асса, мүлікті өндіріп алу мен сот арқылы банкрот деп тану шаралары қолданылуы мүмкін.

Бұл туралы Мемлекеттік кірістер комитеті Аудит департаментінің өкілі Қайсар Арын мәлімдеді.

Жаңа тәртіпке сәйкес, егер азаматтың салық берешегі 20 АЕК-ке жетпесе, оған тек хабарлама жіберіліп, өсімпұл есептеледі. Бұл жағдайда банктік шоттар бұғатталмайды және қатаң шаралар қолданылмайды.

Ал берешек 20 АЕК-тен асқан кезде, салық органынан ресми ескерту жіберіледі. Белгіленген мерзімде қарыз өтелмесе, азаматтың банк шоттары мен кассалық операциялары уақытша тоқтатылады.

Егер...

Илон Маск адамзат тарихында дәулеті 800 млрд доллардан асқан алғашқы адам атанды. Оның SpaceX компаниясы жасанды интеллект саласындағы xAI-ды сатып алған соң, кәсіпкер байлығы арта түсті. Бұл туралы Kursiv.Media Forbes мәліметіне сүйене отырып хабарлайды.

Маск байып жатыр

Басылым біріккен компанияның нарықтағы құнын 1,25 трлн долларға бағалады. SpaceX пен xAI-ды біріктірген соң Маск дәулеті 84 млрд долларға артып, оның байлығы 852 млрд доллар болды. Миллиардер бірлескен компания акцияларының 43%-ына ие (542 млрд доллар).

Осылайша, SpaceX кәсіпкердің ең құнды активіне айналды. Бұған қоса, Маск Tesla компаниясы акцияларының 12%-ын ұстап отыр. Forbes оны 178 млрд долларға бағалады. Сонымен...

Мәжіліс депутаты Бақытжан Базарбек жерді бөлу кезінде жемқорлықтың негізгі себебі, әкімдіктерде шешімді адамдардың өзі қабылдауында екенін айтты. Бірақ ол әкімдерді бірден шешім қабылдау құқығынан айыру қажет деп санамайды. Оның пікірінше, жерге қатысты барлық процесті толықтай цифрлық жүйеге көшіру жеткілікті. Егер өтініш беру мен шешім қабылдау автоматтандырылса, жемқорлық өздігінен жойылады.

Сыбайлас жемқорлық

«Жер учаскелерін беру мен алып қою процесін толық цифрландырмайынша, біз сыбайлас жемқорлықты мүлде жеңе алмаймыз. Бұл – Президенттің цифрландыру мен жасанды интеллект жөніндегі бастамалары аясында жүзеге асуы тиіс мәселе», – деді депутат.

Ол жасанды интеллектіні (ЖИ) бірнеше бағытта пайдалануды ұсынды. Мәселен, нейрожелі әрбір...

Милан және Кортина-д’Ампеццо қалаларында өтетін Қысқы Олимпиада ойындарында Қазақстан намысын 36 атлет қорғайды. Дүбірлі жарыс 6 ақпан, жұма күні басталады.

Kursiv.Media қазақстандық спортшылардың Олимпиада кестесін назарыңызға ұсынады:

Мәжіліс депутаты Магеррам Магеррамов мектептердегі дайындық деңгейінің төмендігі салдарынан ата-аналар репетитор жалдауға мәжбүр екенін айтты. Бұл туралы ол премьер-министрдің атына жолдаған депутаттық сауалында мәлімдеді.

Депутат келтірген дерекке қарасақ, 2025 жылғы негізгі ҰБТ-ға қатысқан 210 мың түлектің тек 76 пайызы ғана шекті балл жинай алған. Орташа көрсеткіш – 69 балл. Ал әр төртінші түлек ең төменгі межеден аса алмаған.

«Бұл көрсеткіштер түлектерді даярлауда, жалпы мектептердегі білім сапасында терең мәселелер бар екенін көрсетеді», – деді ол.

«Ақылы орталық іздеуге мәжбүр»

Депутат  бұл жағдай ата-ананы амалсыздан репетитор жалдап, ақылы орталықтар іздеуге итермелейтінін айтады. Ол мұны білімге те...

Қазақстанда азаматтық құқықтық сипаттағы шарт жасауға (АҚС) тыйым салынбақ. Егер қызметкермен қарым-қатынаста кемінде бір еңбек белгісі болса, жұмыс беруші міндетті түрде еңбек келісімшартын жасауға тиіс.

Бұл өзгеріс еңбек жағдайларын жақсарту және жұмысшылардың құқықтарын қорғау туралы заң жобасында жазылған. Мәжіліс оны екінші оқылымда мақұлдады. Құжат Сенатқа жіберіліп, содан кейін Президенттің қолы қойылады.

Заң жобасына сәйкес, егер қызметкердің жұмысына кемінде бір еңбек белгісі сәйкес келсе, жұмыс беруші міндетті түрде еңбек шартын жасауы керек. Мұндай белгілерге:

Сонымен қатар за...

28 ақпан күні Астанада маусымның алғашқы трофейі сарапқа салынады. Алматылық «Қайрат» пен қостанайлық «Тобыл» Қазақстан Суперкубогы үшін «Астана Аренада» кездеседі.

Еске сала кетейік, «Тобыл» 2025 жылы Қазақстан Кубогының жеңімпазы атанса, «Қайрат» соңғы турда «Астана» командасымен кездесіп, шешуші матчты 1:1 есебімен аяқтап, 2025 жылғы Қазақстан чемпионы атанған еді. Енді қос команда Қазақстанның Суперкубогы үшін таласады.

Ал өткен жылы Суперкубокта «Қайрат» пен «Ақтөбе» кездесіп, алматылық клуб жеңіске жеткен еді. Дәл...

Германияда қайтыс болған қазақстандық экс-судья Айгүл Сайлыбаеваның күйеуі Александр Донцовтың Мәскеудегі пәтерде түсірілген видеосы тарады. Видеоны ресейлік 112 Telegram арнасы жариялаған.

Ол жерде Сайлыбаеваның енесі Наталья Донцова мен Александр Донцовтың Мәскеуде тұрып, жұмыс істеп жатқаны айтылған.

Бұған дейін Донцовтарды Ресейдің тергеу комитеті тексеретіні айтылды.

112 ақпаратына сәйкес, 2 ақпанда Наталья Донцова Ресейдің «ешкім өзіне қарсы, өзінің жұбайына және жақын туыстарына қарсы куәлік беруге міндетті емес» деген заңын пайдаланып, тергеушімен сөйлесуден бас тартқан.

Айгүл Сайлыбаеваның қазасы

Айгүл Сайлыбаева 2024 жылы 3-4 маусымда хабарсыз кеткен. 16 маусымда пышақталған денесі қала шетінен пластикалық қапшыққа салынған күйі табылды.

2025 жылдың Сайлыбаеваны...

Депутат Мұрат Әбенов Ішкі істер министрлігінің, соның ішінде Шымкент полициясының жұмысын сынға алды.

Бұған қыз алып қашудың құрбаны болған Нұрай Серікбайдың қазасы түрткі болған. Депутат бұл іс жайында оның ағасымен сөйлескенін айтты.

«Шымкентте не істеді? Қызды алып қашты. Күзде. Одан кейін екі-үш ай өтті. Қызды қамауда ұстаған. Қарасақ, қызға мәжбүрлеп видео жазғызған. Кеше қыздың ағасы маған келіп кетті. Үш ай бұрын болған нәрсе. Қызды басқа үйде қамап ұстаған. Арыз түскеннен кейін полиция қызды бөлек алып кеткен», – деді Мұрат Әбенов.

Депутаттың айтуынша, қызды «өз еркіммен келдім» деп мойындатқызып, ешқандай адвокатсыз видеоға түсіріп алған. Бірақ ата-анасы...

Тест-драйв қатысушылары жаңа көлікті жол үстінде сынақтап өткізіп, Алматы облысындағы киелі орындарының бірінің тарихымен танысты.

Astana Motors құрамына кіретін  Chery Kazakhstan командасы Алматыдағы Astana Motors Manufacturing Kazakhstan зауытында шығарылған Chery C8 жаңа кроссоверіне тест-драйв өткізді. Сапар бағыты UNESCO-ның Бүкіләлемдік мұралар тізіміне енген Таңбалы Тас нысаны орналасқан шатқалы арқылы өтті. Ұзақ сапар кроссоверді бағалай алған автосарапшылар мен автокөлік әуесқойларының басын қосты.

Chery Kazakhstan дистрибуциясында аталған бағыт кездейсоқ таңдалмағанын атап өтті. Танбалы Тас – алыс қашықтықта орналасқан күш-қуат беретін тарих орын. Өз кезегінде бренд өзінің жаңа Chery C8 моделін дәл осы қасиеттермен сипаттайды. Жаңа көліктермен жолға шыққан қатысушылар жалпы...

Kursiv.Media тілшісі жаңа Конституция жобасының ішіндегі қоғамда көп талқыланып жатқан тіл мәселесі жайлы депутат Қарақат Әбденнің пікірін білді.

Депутаттың сөзінше, бүгінде Парламент отырыстарының 95 пайызы қазақ тілінде өтеді. Ол тіл саясатын күштеп енгізуге болмайтынын атап өтіп, жеке өмірінен мысал келтірді.

«Қазіргі таңда мемлекеттік тілдің мәртебесі жоғары. Парламентте отырыстардың 95 пайызы қазақ тілінде өтеді. Ештеңені күшпен енгізуге болмайды, тіл табиғи жолмен дамуы керек. Өз өмірімнен мысал келтірейін. Менің асырап алған балаларым бар, олардың ұлты – орыс. Балалар үйінде қазақ тілінде тәрбиеленген. Олардың қазақшасы менен жақсы. Жанындағы орыс достары да қазақша сөйлейді. Менің кішкентай ұлымның сыныптастары да...

Ақпанның алғашқы аптасында доллар орташа есеппен 503,05 теңге деңгейінде саудаланды. Өткен тәулікте ұлттық валюта 2,12 теңгеге нығайып, сауда көлемі 231,66 млн долларды құрады. Жалпы 648 мәміле жасалып, доллар бағасы 501,15 теңгеден бастап 505,00 теңге дейін өсіп, ал соңғы мәміле бағасы 501,30 теңгені құраған.

Ақпанның ортасында доллар 490 теңгеге дейін арзандауы мүмкін

Freedom Broker сарапшылары доллардың бұлай арзандауына салық кезеңінің басталуы әсер еткенін жазады.

«USD/KZT бағамы бастапқыда 502 теңгеден жоғары деңгейде жақсы ұсталды, алайда белгілі бір сәтте АҚШ доллары бағамына қысым күшейіп, курс сәл төмендеді. Бұған дейін осы...

Мәжіліс депутаты Айдос Сарым Конституция жобасындағы президенттік мерзімге қатысты сұраққа жауап берді.

Депутаттың айтуынша, заң жобасында президенттің 7 жылға бір рет қана сайлана алатыны анық көрсетілген.

«(Ұсынылған жобаға сәйкес) Қазіргі президент қайта сайлауға түсе алмайды деп ойлаймын. Қолымда Конституциялық соттың бұған қатысты шешімі жоқ. Сондықтан өзімнің құқықтық, саясаттану саласындағы біліміме сүйеніп жауап беріп жатырмын. Конституцияда бір адам 7 жылға сайлана алады деп анық жазылған. Президентімізді билікке бар күшімен жабысып, оны бергісі келмейтін адам деп санамаймын», – деді Сарым.

БАҚ өкілдері депутаттан «қазіргі президент келешекте вице-президент бола ала ма» деп сұрады.

«Теориялы...

167 жолаушының өмірін сақтап қалып, қуғындалған ресейлік ұшқышқа азиялық әуекомпания жұмыс ұсынды.  

Mash хабарлауынша,  ұшқыш Сергей Белов қиын жағдайда Airbus ұшағын бидай алқабына қондырған. Осылайша, 167 адамды апаттан құтқарып қалған. Десе де, Ресейде оның бұл ерлігі бағаланбаған. Оған 119 млн рубль көлеміндегі өтемақы төлеу талап етілген. Билік ұшуға тыйым салған. Бұл жайт көп ресейліктің наразылығын тудырды. Енді ұшқышты азиялық әуекомпания жұмысқа шақырып отыр.

«Шетелдік авиакомпания біздің жазбамыздан кейін Сергей Беловқа Оңтүстік-Шығыс Азияда жолаушылар Airbus ұшағын басқару пилоты лауазымын ұсынды. Өкілдер оның қиын тағдырын біліп, стресс жағдайында әрекет ету қабілетіне тәнті болған», – делінген ақпаратта...

Air Astana әуе компаниясы жолаушылар сапар алдында білуі керек «маңызды ақпарат» жариялады. Солардың бірі ұшақ дәретханасын пайдалану тәртібіне қатысты.

«Жөргектер немесе басқа да гигиена құралдарын, қоқысты ұшақтағы дәретханаға тастамауыңызды сұраймыз. Бұдан жүйеге зақым келеді. Өкінішке қарай, бортта дәретхана істемей қалса, әуекомпаниялар жолаушылар мен экипаж мүшелерінің жағдайын ойлап ұшақты әуежайға қайтарамыз деп шешуі мүмкін», – деп ескертті компания.

Кейінгі екі айда Air Astana-ның халықаралық рейстер орындайтын ұшақтарында дәретхана қайта-қайта бұзылды.

Атап айтқанда, 2025 жылғы 26 желтоқсанда Фукуок – Алматы рейсіндегі ұшақ әуежайға қайта оралуға мәжбүр болды. Ал 2026 жылғы 8 қаңтарда Сеул...

Депутат Айтуар Қошмамбетовтің пікірінше, Alatau City қаласына ерекше мәртебе беру бастамасы оны Шэньчжэнь, Сондо немесе Дубай сынды дамыған қаржы орталықтарының қатарына қосуы мүмкін.

Respublica партиясының өкілі жедел дамитын қалалар экономикалық серпілістің нақты драйверіне айналуға тиіс деп тұжырымдайды. Оның айтуынша, бүгінде инвестор үшін басты фактор – салықтық жеңілдік емес, бизнес жүргізуге қолайлы институционалдық орта.

Астана тәжірибесі және Алатаудың жаңа деңгейі

Депутат бұл тәсілдің тиімділігін Қазақстан қазірдің өзінде көріп отыр деп пайымдайды.«Астана» халықаралық қаржы орталығына бүгінгі күні 20 млрд доллардан астам инвестиция тартылған. Ағылшын құқығына негізделген жеке юрисдикция, заманауи келісімшарт нормалары мен халықаралық арбитраж – шетелдік инвесторлар үшін тартымды шарт.

Алатау...

Қазақстанның халық әртісі Роза Рымбаева көпшілік тарапынан жиі қойылатын сұрақтардың бірі келіні туралы сұраққа жауап берді.

Тимур Балымбетовке берген сұхбатында әнші отбасындағы дәстүрін айтып берді.

«Маған жиі «келініңіз туралы не айтпайсыз?» деген сұрақ қойылады. Енді балаларым туралы сұрағаннан кейін, ана ретінде айтайын. Қазір әже болдым, отанасы деген ұғым бар ғой. Отбасымыздың тіршілігін әрі қарай жалғастыратын, менің орнымды басатын, осы әулеттің дәстүрін, жолын жалғайтын – келінім Ақерке. Менің келінімен деген көзқарасым осындай», деді әнші.

Сонымен қатар Роза Рымбаева өзі де бір әулеттің келіні болғанын атап өтті.

«Мен өзім Оқаповтар отбасыны...

Моңғолиядан арзан жылқы еті импортының артуы Қазақстанда шұжық бағасының арзандауына әсер етіп отыр. Бұл туралы Сауда және интеграция вице-министрі Жанель Кушукова мәлімдеді.

Вице-министрдің айтуынша, қазақстандық кәсіпорындар шұжық өндіру үшін Моңғолиядан мұздатылған блок түріндегі жылқы етін сатып алады. Бұл дайын өнімнің өзіндік құнын төмендетуге мүмкіндік береді.

«Олар жылқы етін неге сол елден сатып алады? Себебі ол жақта арзан. Соған сәйкес, шұжықтың да бағасы төмендейді. Тұтынушы ретінде бұл біз үшін тиімді, өйткені бағаға тікелей әсер етеді. Әрине, бұл мәселені отандық жылқы еті өндірушілерінің мүддесі тұрғысынан да қарастыру қажет. Дегенмен елімізде өндірілетін жылқы еті негізінен ішкі нарықта тұтынылады. Сонымен...

Түркістан облысы Түлкібас ауданында жеке тұрғын үйде ерлі-зайыптылар иіс тиіп, күйеуі қайтыс болды. Әйелі ауыр жағдайда аудандық ауруханаға жеткізілген.

Облыстық төтенше жағдайлар департаментінің дерегінше, үйді көмір жағып жылытқан. Қауіпсіздік талаптары сақталмаған, пештің мұржасы тазаланбаған.

«1 ақпан күні сағат 07:51-де жеке тұрған үйде қатты отынмен жұмыс істейтін жылыту пешін пайдалану талаптарының бұзылуы, нақтырақ айтқанда түтін мұржасының тазаланбауынан көмірқышқыл газымен улану дерегі тілкелді», – делінген департамент хабарламасында.

Ерлі-зайыптылар бұл үйді жалдап тұрған. Екеуі де жалданып жұмыс істеген.
Ресми мәліметке қарағанда, әйелдің жағдайы қалыпты, туыстары ауруханадан алып кеткен.

Бұдан бұрын Түркістан облысы Ордабасы ауданы Шұбарсу ауылында бір отбасының үш адамы иіс тиіп...

Пранк жасап танылған блогерлер – Мерей Оразбеков пен Әсел Ерімбетова күні кеше ұлды болды. Олар өмірге келген сәбидің есімін Роналдо деп қойған. Аяғы ауыр кезден бері осылай қоятынын айтқан блогерге оқырман аса сенбеген еді. Бірақ босанғаннан кейін баланың туу туралы куәлігін stories-ке салғанда көбі таңғалды. 

Осыдан 4 күні бұрын босанған Әсел Ерімбетова сүйінші жаңалықты парақшасына бірден бөлісті.

«Қазақ еліне +1 Роналду. Кішкентай Рониымыздың жағдайы жақсы, Аллаға шүкір», – деп жазған еді ол.

Бірақ ол кезде оқырманның дені құтты болсын айтумен шектелген. Ал кеше перзентханадан шығарып алған сәттен видео салғанда, баланың бөлмесін «Роналдо Мерейұлы» деп жазылған шарлармен...

Депутат Бақытжан Базарбек жаңа Конституция жобасы жөнінде Мәжілісте сөз сөйледі. Ол «жер сатылғалы жатыр» деген қауесетті жоққа шығарды.

Базарбектің айтуынша, жердің сатылмайтыны, жердің асты мен үстіндегі байлығы Қазақстан халқының игілігі екені жазылған.

«Осы жағдайда «жер сатылғалы жатыр» деген әңгіме таратып отырғандарды түсінбеймін. Олар – не құқықтық сауаты жоқ адамдар немесе әдейі манипуляция жасап отырған адамдар. Бұл кімге пайдалы болды – үлкен сұрақ», – деді Базарбек.

Депутат құзырлы органдар жалған ақпарат таратқандарды назарға алар деп үміт білдірді. Базарбек жер заңнамасы бұзылса, «Жер аманаты» ұйымы прокурорлармен бірге әрекет ететінін мәлімдеді.

«Құрметті азаматтар, қоғамдағы...

Lionsgate киностудиясы аты аңызға айналған әнші Майкл Джексонның өмірі жайлы «Майкл» атты биографиялық фильмнің толыққанды трейлерін жариялады.

Фильмнің премьерасы 23 сәуірге жоспарланған. Картинада басты рөлді марқұм әншінің жиені Джаафар Джексон сомдайды. Екі минуттан асатын трейлерде поп-музыка королінің әлемдік даңққа жеткенге дейінгі шығармашылық жолы мен сахнадағы жарқын сәттері оның ең танымал хиттерімен қатар көрсетілген.

Ресми синопсиске сәйкес, фильм Джексонның музыкадан тыс өмірін де қамтиды. Картинада оның отбасылық топтағы алғашқы қадамдарынан бастап, әлемдегі ең ұлы әртістердің біріне айналған кезеңіне дейінгі жолы, шығармашылық амбициясы, сахна сыртындағы өмірі және алғашқы жеке концерттеріндегі қойылымдары көрсетіледі.

Еске сала кетейік, бұған дейін Майкл Джексон мұрагерлері зорлы...

Ұлытау облысында 4,8 млрд теңгеге марганец кенін заңсыз өндірген қылмыстық схема әшкереленді. Пайдалы қазбаны заңсыз сатқан азамат сот үкімімен бас бостандығынан айырылды.

Облыс прокуратурасының мәліметінше, Қостанай облысының 50 жастағы тұрғыны 2020–2023 жылдар аралығында «Шығыс Қаражал» кен орнында жер қойнауын пайдалануға лицензиясы мен келісімшарты болмаса да, кен өндірген.

Ол өндірілген кенді сату үшін жалған мәмілелер жасап, табысты қолма-қол ақшаға айналдырған.

Үш жылда 16 мың тоннадан астам кен жөнелтіліп, мемлекетке 1,3 млрд теңгеден астам залал келтірілген. Сотталған азамат заңсыз қызмет және кенді ел ішінде әрі шетелге сату арқылы 3,5 млрд теңгеден астам пайда тапқан.

Ұлытау облысы сотының үкімімен...

Елдегі жұмыс істемейтін әкелердің декреттік демалысы зейнетақы тағайындау кезінде есепке алынады. Мәжіліс еңбек жағдайларын жетілдіру және жұмыскерлердің еңбек құқықтарын қорғау туралы заңды бірінші оқылымда мақұлдады.

Қабылданған заң аясында кәмелет жасына толмаған балаларға нақты күтім жасаған уақыт енді жұмыс істемейтін әкелердің жасына байланысты зейнетақы төлемдерін тағайындау кезінде еңбек өтіліне есептелетін болады. Тиісті нақтылаулар Конституциялық соттың нормативтік қаулысын іске асыру мақсатында Әлеуметтік кодекске енгізіледі.

«Жалғызбасты аналар» ұғымы болмайды

Сонымен қатар депутаттардың ұсынысы бойынша жұмыс берушінің бастамасымен жалғызбасты ата-аналарға (жынысына қарамастан) қатысты еңбек шартын бұзуға тыйым салынады. Осыған байланысты «жалғызбасты аналар» ұғымы «жалғызбасты ата-ана» деп өзгертіледі.

Бұдан бөлек, мәслихаттардың құзырет...