Жаңалықтар

АҚШ президентінің арнайы өкілі Стив Уиткофф алдағы үш апта ішінде Ресей мен Украина басшыларының кездесуі мүмкін екенін айтты.

Fox News арнасына берген сұхбатында ол украин қақтығысын реттеу бағытында жақын апталарда «жақсы жаңалықтар» болуы мүмкін екенін хабарлады.

Оның сөзінше, өзі және Дональд Трамптың күйеу баласы Джаред Кушнер тараптарға «бірқатар нұсқалар» ұсынған. Бұл ұсыныстар алдағы үш апта ішінде тараптарды жақындастырып, тіпті Владимир Зеленский мен Владимир Путин арасында саммит өткізуге жол ашуы мүмкін.

Уиткоффтың айтуынша, болашақта кездесу үшжақты форматта, яғни АҚШ президентінің қатысуымен өтуі де ықтимал.

Украина президенті кеңсесінің басшысы Андрей Ермак Зеленскийдің Ресей немесе Беларусь аумағынан тыс кез келген жерде...

Әуе компаниясы қасиетті Рамазанның басталуына байланысты билеттерді брондауға арналған арнайы акция ұсынды.

Жеңілдікті пайдалану үшін компанияның ресми сайты немесе мобильді қосымшасы арқылы RAMADAN промокодын енгізу қажет.

Акция шарттары

– Базалық тарифке – 20% жеңілдік;
– «Выгодный» тарифіне –30%;
– «Ultimate» тарифіне – 40% жеңілдік қарастырылған.

Компания өкілдері жеңілдікпен ұсынылатын билеттер саны шектеулі екенін және акция мерзімі аяқталғанға дейін сатылып кетуі мүмкін екенін ескертеді.

Мерзімі

Акция 2026 жылы Рамазан айы 19 ақпанда басталып, 19 наурызға дейін жалғасады.

Air Arabia штаб-пәтері Шарджа қаласында (БАӘ) орналасқан арабтың бюджеттік әуе компаниясы.

Компания жолаушылар тасымалын Шарджа және Александрия әуежайларынан, сондай-ақ Мароккодағы төрт әуежайдан іске асырады...

Жақында Freedom SuperApp үздік қазақстандық қақпашы Темірлан Анарбеков бейнеленген карта шығарады.

Бұл туралы bankffin.kz парақшасы ақпарат таратты. Freedom банк «Қайрат» футбол клубының демеушісі болып отыр.

Қақпашы Темірлан Анарбеков алматылық «Қайратпен» жаңа келісімге қол қойып, клубпен әріптестігін тағы үш жылға жалғастырмақ. Енді ол 2028 жылдың қарашасына дейін команда намысын қорғайды.

Темірлан «Қайрат» сапындағы алғашқы ойынын 2020 жылғы 30 қарашада өткізді. «Таразға» қарсы кездесуде алаңға шыққанда небәрі 17 жаста болатын. Қазір 22 жастағы қақпшас команданың негізгі ойыншыларының біріне айналды.

Әсіресе, 2025–2026 жылдардағы Чемпиондар лигасы матчтарында Анарбеков сенімді ойынымен көзге түсті. Сол кезеңде БАҚ-та оған «Интер», «Аталанта», «Фенербахче» секілді клубтар...

Алматы қаласының таулы аймақтарында қар көшкіні қаупі жоғары болып тұр. Төтенше жағдайлар министрлігі ескерту жасады.

ТЖМ азаматтарға қауіпсіздік шараларын қатаң сақтауды, таулы аймақтарға барудан уақытша бас тартуды ұсынып отыр. Қазіргі таңда қауіпсіздікті қамтамасыз ету мақсатында қар көшкіні қаупі бар учаскелерде блок-бекеттер қойылған.

«Таулы аймақтарға баруды жоспарлау кезінде қалыптасқан ауа райы жағдайларын және уәкілетті қызметтердің ресми ескертулерін ескерулеріңізді сұраймыз», – делінген ескертуде.  

Мұның алдында министрлік Алматыда жер сілкінісіне байланысты психологтар көмегіне жүгінуге болатын «сенім телефоны» ашылғанын хабарлаған.

Алматы қаласындағы Кардиология және ішкі аурулар ғылыми-зерттеу институты базасында радиожиілікті абляция жасалды.

Корей дәрігерлері «Қалқанша безінің түйінді ісіктерін емдеудегі ең төменгі инвазиялық технологиялар» тақырыбында мастер-класс өткізген.  

Денсаулық сақтау министрлігі баспасөз қызметінің хабарлауынша, аталған іс-шараға Сеул қаласынан (Оңтүстік Корея) профессор Хван Ён Джин қатысқан.

Қанша науқас ем алды?

Ол қалқанша безіне радиожиілікті абляция жасау арқылы 6 пациентке ем жүргізді. Ең жас пациент – 26 жаста. Алматы қаласының жас тұрғынына қалқанша безінің оң жақ бөлігінде көлемі 4,4 см болатын уытты емес жалғыз түйінді зоб диагнозы қойылған.

Мұндай ірі ісік мойын ағзаларын қысу қаупіне байланысты көп жағдайда хирургиялық емдеуді

Әнші Айдар Тұрғамбек азып кеткеніне қатты алаңдаған әкесіне уақыты келген кезде семіруге уәде берді.

Айдар Тұрғамбек әкесімен әңгімесін әлеуметтік желіге жария етті. Онда әкесінің баласының денсаулығына қатты алаңдағаны көрінеді. Қарияны ұлының көзінің айналасы қарайғаны, салмағының жоқтығы мазалайды.

«Әкем әлі арықтаусың. Рең-басың онша емес», ­- дейді Айдар Тұрғамбек.

Әкесі екі көзінің алды бояп алғандай қап-қара болып тұрғанын айтты.

«Тәбетім жақсы. Дәрумендер ішіп жатырмын. Бірақ уақыты келгенде семіреміз», – деп толып, салмақ қосуға уәде берді әнші.

Әкесі мәселе семіруде емес, сахнада қатарларымен тең болып тұрғаны жақсы екенін айтты. Қатты жүдегенін жеткізді.

Әке...

2026 жылдың ақпан айының ортасы қаржы нарықтары үшін тарихи бетбұрыс кезеңіне айналды. Дональд Трамптың экономикалық доктринасының басты тірегі болған «жаппай тарифтер» саясатына АҚШ Жоғарғы Сотының тосқауыл қоюы әлемдік капитал ағынын қайта бағыттады. Инвесторлар саяси символизм мен нақты нарықтық механизмдердің аражігін ажырата бастады.

Трамптың «Тарифтік соққысы» және Конституциялық шектеу

Президент Трамп 2025 жылы Ақ үйге келгеннен бастап тарифтерді тек сауда құралы емес, АҚШ өнеркәсібін тірілтудің катализаторы ретінде қолданды. Алайда, Жоғарғы Сот Президенттің Конгресс мақұлдауынсыз мұндай шешім қабылдауын заңсыз деп таныды.

Haval H9 моделі 2014 жылдан бері нарықта. 2024 жылы шыққан екінші буын айтарлықтай жаңартылған еді.

Ал 2026 жылы кроссовер технологиялық тұрғыда жетілдірілді. Бұл туралы Қытай көліктерінің ресми сайты хабарлады.

Негізгі жаңалықтарға тоқталсақ, мультимедиа және практикалық дизайн шешімдері жаңартылған. Ең бастысы, H9 рамалық құрылымын және толыққанды жол талғамайтын архитектурасын сақтап қалды.

Тек бензин және классикалық автомат

Енді H9 тек 2,0 литрлік турбо-бензин қозғалтқышымен (218 а.к., 380 Нм) ұсынылмақ. Дизель нұсқасы алынып тасталды. Өндіруші Great Wall Motor мұны дизельге сұраныстың азаюымен және шығындардың өсуімен түсіндіреді.

Қозғалтқыш 8 сатылы гидромеханикалық автоматпен жұптасады. 0–100 км/сағ — 11,9 секунд. Орташа шығын...

Актриса және блогер Сабина Мовлаева түнімен ұйықтамай, таңғы жетіде әкесіз өсіп жатқан қызы үшін жылап шыққанын айтты.

Сабина оқырмандарымен жан жарасы туралы жасырмай әңгіме қозғады.

«Таңғы жеті жарым. Мен әлі ұйықтаған жоқпын. Неге екенін білесіз бе? Түнде бір видео көрдім. Содан бері тоқтамай жылап жатырмын. Онда жас еркек қызын қолында ұстап тұрып: «Ертең қызыма біреу тиіссе, басқа жігітпен кездессе, не боларын білмеймін», – деп қатты қызғанып өліп бара жатыр», – дейді актриса.

Бұл видео Сабинаға қатты әсер еткен. Көз жасын еріксіз төгуіне түрткі болған.

«Мен өз өзімді жеп...

NASA-ның камерасы көзге көрінбейтін дүниені көру тәсілін түбегейлі өзгертті. Бұл ғылыми ортада марапатқа ие болып отыр.

Бұл камера желді де суретке түсіре алады. NASA инженерлері ұшақтар, зымырандар және өзге де аэроғарыш аппараттарының айналасындағы ауа ағынын зерттеді. Ауа көрінбейді. Бірақ оның қалай қозғалатынын түсіну аса маңызды. Өйткені, бұл  – қауіпсіз әрі тиімді ұшу техникасын жасау үшін шешуші фактор.

Ауа ағыны қалай түсіріліп келді?

80 жыл бойы зерттеушілер «фокусталған шлирен-визуализация» әдісін қолданды. Бұл – ауа тығыздығындағы болмашы өзгерістерді тіркеп, ағын қозғалысын «көрсететін» арнайы камера жүйесі. Күн ыстықта асфальт үстінен көтерілген жылу толқындары байқалады. Мұның принципі соған ұқсас, бірақ әлдеқайда...

Қазақстандық мәнерлеп сырғанаушы Михаил Шайдоров Миланда өткен қысқы Олимпиада ойындарының гала-концертінде өнер көрсетті.

Әлемге танымал актер Джеки Чан қолына ойыншық панда ұстап шығып, Михаил Шайдоровты құттықтап, қазақстандық спортшыны таңырқатты.

Михаил Шайдоров гала-кеште «Кунг-фу Панда» мультфильмінің кейіпкері образында өнер көрсетті. Костюмі ауыр әрі қорбиған еді.  Осыған қарамастан, Шайдоров бірнеше секіру элементін сәтті орындады. Өнер көрсеткеннен кейін, оны мұз айдыны жиегінде аты аңызға айналған актер Джеки Чан қарсы алды. Актердің қолында ойыншық пандалар болды, ол спортшыны өнерімен құттықтады.

Жарияланған фотолардан  Михаил Шайдоровтың өнері Джеки Чанға ерекше ұнағаны көрінеді. Бағдарламадан кейін кино және спорт жұлдызы жылы жүзбен амандасып, құшақтасып, бірге фотоға...

Қазақстан құрамасының жартылай қорғаушысы Ислам Чесноков Шотландия чемпионатында алғашқы голын соқты.

Ислам Чесноков Шотландия Премьер-лигасының 28-турында «Хартс» сапында алаңға шығып, «Фалкрик» қақпасына 45-минутта дәл соққы жасады.

Бұл кездесу Чесноков үшін жаңа клубтағы үшінші матч болды. Ол «Хартс» сапындағы дебютін 17 қаңтар күні Шотландия кубогы аясында дәл осы «Фалкиркке» қарсы өткізген еді. Ол ойында негізгі уақыт тең аяқталып, пенальти сериясында (5:6) қарсылас басым түскен болатын.

Еске салайық, Ислам Чесноков шотландиялық «Хартс» клубына 2026 жылдың 6 қаңтарында ресми түрде ауысты. Тараптар 2,5 жылдық келісімшартқа қол қойды. Келісім 2028 жылдың жазына дейін жарамды.

22 ақпан күні Қазақстанның басым бөлігінде қолайсыз ауа райы күтілуде. Бұл туралы «Қазгидромет» баспасөз қызметі хабарлады.

Жарияланған жалпы болжамға сәйкес, жексенбіде ауа райына солтүстік-батыс циклоны және оған байланысты атмосфералық фронттар әсер етеді.

«Солтүстік-батыс циклоны мен оған байланысты атмосфералық фронтальды бөліктер Қазақстанның көп бөлігінде әсерін сақтайды. Қар, жаңбыр, боран, көктайғақ күтіледі, ал елдің солтүстігі мен солтүстік-батысында қалың қар жаууы мүмкін», – делінген хабарламада.

Жаңбыр мен қардан бөлек республика аумағында тұман болып, жел күшейеді деп болжануда.

Еске салсақ, 21 ақпанда Алматыда қолайсыз ауа райы орын алды. Қала үстін қалың бұлт торлап, қатты жел соқты.

Бүгін, 21 ақпан күні, Алматыда қатты жел тұрып, табиғаттың тосын мінезі алматалықтарды әбігерге салды. Қала тұрғындары әлеуметтік желіде түрлі видео роликтермен бөлісіп жатыр.

Куәгерлердің айтуынша, санаулы минуттардың ішінде қала іші күңіреніп, қарауытып кеткен. Мегаполис аспанын қалың бұлт торлап, жел екпінінің күшейгені соншалық, кей жерлерде қоршаулар құлаған.

Таулы аймақта жағдай одан да күрделі болды. Дауылды желдің екпіні ағаштарды құлатып, соның ішінде бір шырша жолдың үстіне құлап, «Шымбұлақ» бағытына баратын жолды жауып тастағаны хабарланды. Қолайсыз ауа райы «Медеу» спорт кешені маңында орын алды.

Ұлттық ұлан Ән және би ансамблінің ерлер хоры ресейлік «Ну-ка, все вместе! Хором!» вокалдық шоуының үшінші маусымына қатысып, 100 дауыстың 90-нын жинап, екінші орынға ие болды.

Ұжым Linkin Park тобының әйгілі Numb хитін орындады. Ән домбыраның сүйемелдеуімен шырқалып, рок-классикаға жаңа, жылы әрі қазақы музыкалық дәстүрмен үндес ерекше реңк берді.

Өнер көрсетер алдында қатысушылар өз ұжымын таныстырды.

«Біз –Қазақстан Республикасы Ұлттық ұланы Ән және би ансамблінің ерлер хоры. Біздің ұжым еліміздегі алғашқы кәсіби ерлер хоры. Биыл біз үшін мерейтойлы жыл. Хордың құрылғанына 10 жыл толды», – деді.

Музыканттар Қазақстанның көпұлтты ел екенін атап өтіп, хор...

Utebayev University Атырауда Түркия ғалымдарының қатысуымен халықаралық зертхана ашты. Онда мамандар су мен ауыл шаруашылығы шикізаты негізінде алынған полипропиленнен экологиялық таза қаптама әзірлейді. Бұл туралы Ғылым және жоғары білім министрлігі хабарлады.

Жоба министрліктің 2025–2027 жылдарға арналған гранты аясында жүзеге асырылуда. Негізгі мақсат – пластик қалдықтарының қоршаған ортаға зиянын азайту үшін биологиялық ыдырайтын полимерлі композиттерді жасау. Ғалымдар зерттеу барысында жергілікті материалдарды – қамыс пен ауыл шаруашылығы қалдықтарын қолданады.

Биошикізат арнайы қондырғылар арқылы полипропилен құрылымына енгізіледі. Бұл қаптаманың ыдырау мерзімін қысқартып, өндіріс шығындарын төмендетуге мүмкіндік береді.

Зерттеулер Karabuk University профессоры Ясин Канбурдың қатысуымен жүргізілуде. Н.Нәдіров атындағы Мұнай-химия инженериясы және...

Автокөліктердің сенімділігі үшінші жыл қатарынан төмендеп келеді. 2025 жылдың қорытындысы бойынша анықталған ақаулар саны ең жоғары деңгейге жетті. Жүргізушілер көліктің ең көп ақпараттық жүйелері мен сыртқы дизайнына шағымданады. Мұндай қорытынды JD Power Vehicle Dependability Study 2026 есебі негізінде жасалып отыр.

Үш жыл бойы бір көлікті тізгіндеген 33 мыңнан астам автокөлік иелері сауалнамаға қатысқан.

Жаппай нарықтағы ең сенімді автокөліктер ретінде Buick, Mini және Chevrolet танылды. Ал премиум-класс автокөліктерінің ішінде кемшілігі аз көлікке Lexus, Cadillac және Porsche енді.

«Биылғы жылдың нәтижелері 2022 жылы Vehicle Dependability Study жүйесі жаңартылғаннан бері тіркелген ең көп ақаулар санын көрсетеді. Бұл...

АҚШ президенті Дональд Трамп әлемнің барлық елінен келетін тауарларға 10 пайыздық кедендік баж салығын енгізу туралы жарлыққа қол қойды. Жарлық 24 ақпанда күшіне енеді.

«Әлемнің барлық елінен келетін тауарларға 10% мөлшерінде жаһандық баж салығы дәл қазір күшіне енетінін хабарлаймын. Бұл мен үшін үлкен құрмет», – деп жазды Трамп Truth Social әлеуметтік желісінде.

Reuters агенттігінің хабарлауынша, Трамп жоғарғы сот алып тастаған тарифтерді тез арада уақытша 10 пайыздық баждармен алмастырған. Бұл баждар 150 күнге арналған. Сондай-ақ ол басқа заңдарға сәйкес жаңа тергеулер жүргізуді тапсырған және тарифтерді қайта енгізу мүмкіндігін қарастырған.

Жаңа баждар 1974 жылғы Сауда...

Әйгілі Volga маркасы нарыққа жаңа келбетте оралады. Қайта жаңартылған кеңестік модель Нижний Новгород қаласындағы зауытта өндірілетін болады. Аталған зауытта бұрын Škoda және Volkswagen автокөліктері өндіріліп келген еді. Алдын ала ақпарат бойынша, өндіріс 2026 жылдың екінші тоқсанында басталмақ, ал алғашқы автокөліктер дилерлік орталықтарға үшінші тоқсанда жеткізілетін болады.

Тіпті 2025 жылдың күзінде белгілі болғандай, жаңадан пайда болған Volga көліктері барлығына таныс Geely үлгілерінен тұрады. Тек жаңа логотиппен шығады, өйткені 2024 жылы жоспарланған Changan компаниясымен серіктестік іске аспады. Алғашқы кезеңде модельдік қатарда үш автокөлік ұсынылады:

Ресейлік Су-30 әскери ұшағы Атырау қаласындағы Х. Доспанова атындағы халықаралық әуежайға апатты жағдайда қонды. Бұл туралы Kursiv.Media «Ақ Жайық» басылымына сілтеме жасап хабарлайды.

БАҚ ақпаратынша, оқиға 20 ақпан, жұма күні таңертең орын алған. Алдын ала мәліметке қарағанда, ұшақты 1986 жылы туған Башқұртстан Республикасының Белорецк қаласының тумасы Дмитрий Нифантьев басқарған. Ұшақ Каспий теңізі үстінде әскери оқу-жаттығуларды орындауы керек болған.

Ұшқыш бағытынан жаңылып, бағдарын жоғалтқан. Осыған байланысты Атырау әуежайына шұғыл қонуға шешім қабылдайды.

«Қону штаттық режимде өтті. Жолаушыларға немесе әуежай жұмысына ешқандай қауіп төнбеді. Тұрақты рейстер кесте бойынша орындалды. Ұшақ аз уақытқа қонып, ұшқышқа медициналық көмек...

2026 жылы Қазақстан жалпы ішкі өнім (ЖІӨ) көлемі бойынша әлемнің 50 ірі экономикасының қатарына кірді. Бұл туралы Visual Capitalist сараптамалық платформа жариялаған рейтингте көрсетілген.

Халықаралық валюта қорының болжамы бойынша, 2026 жылы әлемдік экономиканың көлемі 123,6 трлн долларға жетеді. АҚШ экономикасы 31,8 трлн долларға дейін өсіп, көшбасшы орынын сақтап қалады. Ал Қытайдың ЖІӨ-сі 20,7 трлн долларға жетеді. 2021 жылдан бері АҚШ пен Қытай өз экономикаларының жалпы көлемін сәйкесінше шамамен 9 трлн және 4 трлн долларға арттырды. Үштікке Германия да кіреді.

Болжам бойынша Үндістан төртінші орынға көтеріліп, Жапонияны басып озады. Елдің нақты ЖІӨ өсімі 6,2 пайызға жетеді деп болжануда. Бұған дейін Үндістан...

Бүгін, 21 ақпанда, қазақстандық саңлақтар Италиядағы қысқы Олимпиадада жарыстарын жалғастырып, үш спорт түрі бойынша сынға түседі.

Олимпиададағы медаль есептерінің алғашқы үштігі қазіргі таңда мынадай:

АҚШ пен Иран арасындағы ядролық келіссөздер аясында және АҚШ президенті Дональд Трамп жасаған қатаң мәлімдемелерден кейін, ЕуроОдақтың бірқатар елдері өз азаматтарына Ираннан шұғыл түрде кетуге кеңес берді. Осындай ескертулерді АҚШ билігі де таратқан.

Швеция

Швецияның Сыртқы істер министрлігі азаматтарды Ираннан мүмкіндігінше тезірек шығуға шақырды. Ведомствоның ескертуінше, қақтығыс күрт ушыға қалған жағдайда елден шығу мүмкіндігі шектелуі мүмкін. Иранда қалып отырған азаматтарға барынша сақ болу және ресми ақпарат көздерін қадағалау ұсынылды. Қазіргі уақытта елден әуе және құрлық көлігі арқылы шығу мүмкіндігі бар.

Германия

Германия билігі де өз азаматтарын Ираннан кетуге шақырды. Ведомство жағдайдың одан әрі ушығуы және әскери қақтығыстардың болуы...

Владимир Зеленский Ресей мен АҚШ Украина қақтығысты реттеу үшін Донбасс аумағынан әскерін шығаруы керек деген талап қойғанын мәлімдеді. Бұл туралы ол AFP агенттігіне берген сұхбатында айтты.

Зеленскийдің сөзінше, екі тарап та соғысты тез аяқтау үшін Киев өңірден бас тартуға тиіс екенін аңғартып отыр.

«Америкалықтар да, ресейліктер де егер соғыстың ертең аяқталғанын қаласаңдар – Донбастан кетіңдер дейді», – деді ол.

Аумақтық мәселе АҚШ-тың делдалдығымен Мәскеу мен Киев арасында жүріп жатқан атысты тоқтату жөніндегі келіссөздерде негізгі тақырып болып қала береді. Украина мұндай талаптарды қабылдамайды және қазіргі майдан шебін бекітуді талап етеді. Сонымен бірге Ресейге жаңа...