Жаңалықтар

Атырау облысында полиция Жангелдин ауылында тұрған бір отбасын іздеп жатыр.

Отбасы мүшелері 2025 жылдың күзінде хабар-ошарсыз кеткен. Содан бері олар жайлы расталған ешқандай ақпарат жоқ. Отбасының туыстары полицияға арызды тек 25 желтоқсанда тапсырған.

Қазан айынан бері қайда екені белгісіз адамдар:

«Ақ Жайық» басылымының жазуынша, олардың барлығы Атырау облысы Қызылқоға ауданына қарасты Жангелдин ауылында тұрған.

Ауыл тұрғындарының айтуынша, алдымен отбасының ұлы Наурыз жоғалған. Ол туыстарына Ақтау бағытына қарай жұмысқа бара жатқанын айтқанымен, нақты қайда және...

Ақтауда жеңіл автокөлік пен тепловоз соқтығысты. Оқиғаға қатысты түсініктемені Lada.kz сайтына Маңғыстау облыстық полиция департаментінің баспасөз қызметі берген.

Апат бүгін, 2 қаңтар күні таңғы сағат 09:00-ден кейін «Гелиос» жанармай құю бекеті маңындағы теміржол өткелінде болған. Алдын ала мәлімет бойынша Chevrolet маркалы автокөлікті басқарған әйел жақындап келе жатқан тепловозды байқамай, онымен соқтығысқан.

Құқық қорғау органдарының хабарлауынша, жеңіл көлік жүргізушісіне ҚР ӘҚБтК-нің 610-бабы – «Көлік құралдарын жүргізушілердің жол қозғалысы қағидаларын бұзып, адамдардың денсаулығына зиян келтіруі, көлік құралдарына немесе өзге де мүлікке залал келтіруі» бойынша хаттама толтырылған.

Маңғыстау облыстық көпбейінді ауруханасының мәліметінше, әйелдің қолы сынған. Оның жағдайы орташа ауыр деп...

Жергілікті биліктің хабарлауынша, Гамбия жағалауында бортында шамамен 200 мигрант болған кеме аударылды. Онда кем дегенде жеті адам қаза тауып, ондаған адам хабар-ошарсыз кеткен. Олар Еуропаға жету үшін Испанияның Канар аралдарына бағыт алған. Бұл туралы ВСС агенттігі жазды.

Қайғылы оқиға сәрсенбі күні түн ортасында Солтүстік жағалау өңірінде болған. Кейін кеме құм қайраңынан табылғаны туралы Гамбия Қорғаныс министрлігі мәлімдеді.

96 адам құтқарылды. Өзге жолаушыларды іздеу жұмыстары жалғасып жатыр. Құтқарылған он адамның жағдайы ауыр. Іздеу-құтқару операциясына Гамбия әскери-теңіз күштерінің кемелері мен көмекке келген балық аулау кемесі қатысқан.

Биліктің мәлімдеуінше, қаза тапқандардың бірқатары Гамбия азаматтары емес.

Кейінгі жылдары Гамбия Батыс Африкадан шыққан...

Президенттің көмекшісі әрі баспасөз хатшысы Руслан Желдібай Мемлекет басшысы Қасым-Жомарт Тоқаевтың «Turkistan» газетіне сұхбаты жарияланатынын хабарлады.

Руслан Желдібайдың жазуынша, 5 қаңтар күні «Turkistan» газетінде Мемлекет басшысы Қасым-Жомарт Тоқаевтың аталған басылымның бас редакторы, белгілі ақын, публицист Бауыржан Бабажанұлына берген кең көлемді сұхбаты жарияланады.

Мемлекет басшысының былтыр дәл осындай форматта «Ana tili» газетіне сұхбат берген. Ол сұхбаттың тақырыбы «Мақсатым – экономиканы және егемендікті нығайту» тақырыбымен шыққан еді.

Алматы облысында үй жануарларына арналған дайын азық өндіретін зауыт салу жобасы іске асырылады. Тиісті қаулыға Премьер-министр Олжас Бектенов қол қойды.

Жоба аясында Ауыл шаруашылығы министрлігі Mars Petcare Kazakhstan ЖШС-мен Қонаев қаласында зауыт салу туралы келісім жасады. Инвестиция көлемі 88,8 млрд теңгеден асады. Ал кәсіпорынның жобалық қуаты жылына 100 мың тонна өнім өндіруге мүмкіндік береді.

Зауытты 2030 жылдың соңына дейін салып, 2031 жылдың 1 қаңтарынан бастап іске қосу жоспарланған. Кәсіпорында 200 жұмыс орны ашылады. Оның кемінде 85 пайызы қазақстандық мамандарға тиесілі болады. Сондай-ақ компания қызметкерлерді оқыту және біліктілігін арттыруды көздеп отыр.

Жоба өңдеу өнеркәсібін дамытуға, қосылған құны жоғары өнім...

2026 жылғы 1 қаңтардан бастап азаматтар мемлекеттік тіркеу нөмірлік белгісін еркін таңдай алады. Бұл туралы ҚР Ішкі істер министрлігі хабарлады.

Министрлік мәліметінше, өзгерістер тұрғындар үшін қолайлы жағдай қалыптастыруға бағытталған. Енді жүргізушілер қалаған әріптік және сандық комбинациядағы нөмірді таңдай алады. Қызмет 2026 жылғы 5 қаңтардан бастап мамандандырылған халыққа қызмет көрсету орталықтары арқылы көрсетіледі.

«5 қаңтардан бастап азаматтар мемлекеттік тіркеу нөмірлік белгісін арнайы мамандандырылған халыққа қызмет көрсету орталықтары арқылы таңдай алады. Бұл ретте, кез келген қажетті әріптік және цифрлық белгілері бар МТНБ құны 10 АЕК және 15 АЕК мөлшерінде болады (жоғары сұранысқа ие МТНБ-ны қоспағанда...

Көлік вице-министрі Жәнібек Тайжанов елдегі көлік инфрақұрылымын дамыту және Қазақстанның транзиттік әлеуетін нығайту жұмысы биыл қалай іске асатынын айтып берді.

Теміржол қаңқасы қалай қалыптасып жатыр

Тайжановтың айтуынша, Президент тапсырмаларын жүзеге асыру іс жүзінде орындаудың белсенді кезеңіне өткен. 2025 жылдың қорытындысы бойынша теміржол саласы рекордтық көрсеткішке жеткен. Тасымалдау көлемі шамамен 318 млн тоннаға жетті. Бұл саланың тұрақты өсіп келе жатқанын растайды. 2026 жылы тасымал көлемі 327 млн тоннаны құрайды деп болжанып отыр.

«Еліміздің толыққанды теміржол қаңқасын қалыптастыру жұмыстары жалғасуда. Биыл «Достық – Мойынты» және «Алматы айнаалма жолы» сияқты ірі жобалар аяқталды...

Қазақстанда 2026 жылдан бастап балалар лагерьлерінің қызметіне лицензия талап етіледі. Тиісті нормалар Мемлекет басшысы 2025 жылғы 26 желтоқсанда қол қойған заңда көзделген.

Оқу-ағарту министрлігі өзгерістер білім беру-сауықтыру қызметтерін көрсететін жыл бойы жұмыс істейтін және маусымдық стационарлық балалар лагерьлеріне қатысты деп түсіндіреді. Түзетулер балалардың демалысы кезінде қауіпсіздік пен қызмет сапасын арттыруға бағытталған.

2026 жылдан бастап қосымша білім беру ұйымдары екі санатқа бөлінеді. Білім беру-сауықтыру қызметін көрсететін лагерьлер лицензия алуға міндеттеледі. Ал өзге ұйымдар бұрынғыдай хабарламалық тәртіппен жұмысын жалғастырады.

Балалар лагерьлерін лицензиялау 2026 жылдың 1 сәуірінен бастап күшіне енеді. Бұл талаптар балалардың демалысы, оқуы және...

«ҚазАвтоЖол» ұлттық компаниясы 2026 жылғы 2 қаңтар күні сағат 08:00-дегі жағдай бойынша республикалық автожолдардағы ахуалды жариялады.

Бірқатар өңірде жылдамдық режимі қайта қаралып, барлық көлік түрі үшін рұқсат етілген ең жоғары жылдамдық 80 км/сағ-тан 110 км/сағ-қа дейін ұлғайтылды.

Ақмола және Қарағанды облыстарындағы бірқатар республикалық маңыздағы жол учаскелерінде қозғалыс жылдамдығы өзгертілді.

Шығыс Қазақстан облысында Осинов асуындағы күрделі таулы жағдайға байланысты тіркемесі бар жүк көліктерінің қозғалысына шектеу енгізілді. Бұл талап Өскемен – Алтай – Катонқарағай – Рахман қайнары бағытының 46-66 шақырым аралығына қатысты және қыс мезгілі аяқталғанға дейін қолданылады.

Ал Жамбыл облысында ауа райының нашарлауына байланысты Қордай асуының жаңа айналма жолы...

Иранда экономикалық ахуал мен жоғары инфляция салдарынан басталған наразылық акциялары бірнеше күннен бері тоқтамай тұр. Бұқаралық ақпарат құралдары мен құқық қорғау ұйымдары наразылықтар кезінде алғашқы адам шығыны болғанын мәлімдеді. Қаза тапқандардың арасында күштік құрылым қызметкері де болуы ықтимал.

DW агенттігінің мәліметінше, Иранда күрделі экономикалық жағдайға байланысты басталып, бесінші күнге жалғасып жатқан наразылықтар барысында кемінде алты адам қаза тапқан. Бұл туралы бейсенбі күні кешке, 1 қаңтарда, америкалық Associated Press агенттігі хабарлаған. Наразылық кезіндегі алғашқы құрбандар туралы ақпаратты жергілікті БАҚ пен Reuters агенттігі де таратты. Алайда қаза тапқандардың нақты саны көрсетілмеген.

Иранның Fars ақпарат агенттігі мен Hengaw құқық қорғау тобыны...

«Қазгидромет» 2026 жылғы 2 қаңтарға Астана мен Қазақстанның 16 өңірінде дауылды ескерту жариялады.

Астанада күндіз көктайғақ күтіледі, түнде және таңертең тұман болады. Жел күшейіп, екпіні 15–20 м/с-қа дейін жетеді.

Маңғыстау облысының батысында, солтүстігінде және орталығында түнде жауын-шашын (жаңбыр мен қар), бұрқасын және көктайғақ күтіледі. Күндіз жауын-шашын сақталып, бұрқасын мен көктайғақ болады. Облыстың солтүстігі мен орталығында тұман түседі. Жел күшейіп, екпіні 15–20 м/с-қа дейін жетеді.

Ақтауда көктайғақ күтіледі. Күндіз жел күшейіп, екпіні 15–20 м/с болады.

Батыс Қазақстан облысының солтүстігінде, шығысында және орталығында тұман мен көктайғақ болжанады.

Орал қаласында тұман мен көктайғақ күтіледі.

Жамбыл облысының таулы аудандарында түнде қар, бұрқасын және көктайға...

Швейцариядағы тау шаңғысы курортында орналасқан барда болған жарылыс салдарынан шамамен 40 адам қаза тапты.

Reuters ақпаратына қарағанда,  жарақат алғандардың саны 100 адамнан асып жығылады.

Швейцария билігінің бейсенбі күні хабарлауынша, сәнді Кран-Монтана тау шаңғысы курортында жаңа жылдық кеш өтіп жатқан адамға лық толы барда жарылыс болды. Зардап шеккендердің басым бөлігі ауыр хәлде.

Түнгі сағат 1:30- «Le Constellation» барында өрт тұтанған. Жарылыстың нақты себебі әзірге белгісіз. Алайда билік өкілдері оның жазатайым оқиға болғанын айтып отыр.

Ал Ақтауда көпқабатты үйде газ жарылып, бес адам ауруханаға түскен еді.

Президент Қасым-Жомарт Тоқаев Куба Президенті Мигель Марио Диас-Канель Бермудеске құттықтау жеделхатын жолдады.

Онда Қазақстан президенті кубалық әріптесі мен оның отандастарын Куба Республикасының ұлттық мерекесі – «Революцияның салтанатты жеңісі» күнімен құттықтаған.

«Президент жеделхатта Қазақстан мен Куба арасындағы достық және өзара түсіністікке негізделген қарым-қатынас қос халықтың игілігі үшін одан әрі тереңдей беретініне сенім білдірген», – делінген Ақорданың хабарламасында.

Тоқаев Мигель Марио Диас-Канель Бермудестің аса жауапты қызметіне толағай табыс, ал Куба халқына құт-береке тілеген.

Мұның алдында президент қазақстандықтарды Жаңа жылмен құттықтады.

АҚШ билігі Чикаго, Лос-Анджелес және Портленд қалаларынан Ұлттық гвардия бөлімшелерін шығарады.

Reuters ақпаратына қарағанда, Трамп қылмыс деңгейі өсетін болса, федералдық күштер қайта оралатынын мәлімдеді.

Оның айтуынша, бұл шара қылмыспен күресу және федералдық меншікті қорғау үшін қажет болған. Ал аталған қалалардың жергілікті билігі Ақ үй басшысының бұл шешіміне наразылық білдіріп, оны артық қадам деп бағалаған.

«Қылмыс деңгейі қайтадан өсе бастаған кезде біз ораламыз. Бәлкім, мүлде басқа әрі әлдеқайда күштірек форматта. Бұл – уақыт мәселесі ғана», – деп түсіндірді Дональд Трамп.

Бұған дейін Пентагон АҚШ Ұлттық гвардиясының әскери қызметкерлеріне тәртіпсіздіктерді басуға дайын болу жөнінде бұйры...

2025 жылы Қазақстанның медициналық авиация қызметі ел ішінде және одан тыс жерде мыңдаған пациентке көмек көрсеткен.

2,2 мыңнан астам адам  шұғыл және мамандандырылған көмек алды.  

Денсаулық сақтау министрлігінің ақпаратынша, жұмыс өңіраралық тасымалдауды да, халықаралық медициналық эвакуацияларды да, хәлі ауыр пациенттердің мониторингін және донорлық ағзаларды тасымалдауды да қамтыды.

«2025 жылғы 1 қаңтар мен 30 желтоқсан аралығында Ұлттық шұғыл медицина үйлестіру орталығының диспетчерлік қызметіне медициналық авиацияны пайдалана отырып, медициналық көмек көрсетуге 2 589 өтінім келіп түсті. Оның ішінде 2 272 ұшып шығу медициналық қызмет көрсетумен, тағы 15-і медициналық қолдаусыз орындалды. 2024 жылмен салыстырғанда ұшулардың жалпы саны...

Қазақстан 2026 жылы тоғыз жаңа ұшақ сатып алып, ішкі және халықаралық әуе қатынасын кеңейтеді. Бұл туралы Orda хабарлады.

Азаматтық авиация комитетінің төрайымы Салтанат Томпиеваның айтуынша, жыл соңына дейін әуе компанияларының әуе кемелері паркі шамамен 118 бірлікке дейін ұлғаяды.

Сондай-ақ билік 23 әлеуметтік маңызы бар әуе бағытын субсидиялау бағдарламасын жалғастырып, оларды халық үшін қолжетімді етуге және туризмді дамытуға ықпал етпек.

«2026 жылы Астана және Шымкент әуежайларында екінші ұшу-қону жолақтарының құрылысы басталады. Алматыда ішкі рейстер терминалы қайта жаңғыртылады, ал Ақтау әуежайында перронға күрделі жөндеу жүргізіледі», – деді ол.

Халықаралық әуе қатынасына келсек, рейстерді ашу және қайта...

Қазақстанның перзентханаларында Жаңа жыл түні 254 сәби дүниеге келді. Ұлдар мен қыздардың саны бірдей.

Денсаулық сақтау министрлігінің ақпаратынша, олардың ішінде Ақтөбе облысында бір егіз дүниеге келді.

Дәстүрлі түрде ең көп нәресте туған өңірлер: Түркістан облысы – 29 бала, Шымкент қаласы – 24, Астана – 22 және Алматы қаласы – 21.

«Денсаулық сақтау министрлігі «Аналар саулығы» бағдарламасы шеңберінде экстрагениталдық патологияларды анықтау, жоспарланған жүктілікке дейін зерттеп-қараулар мен сауықтыру мақсатында профилактикалық қарап-тексерулер мен прегравидарлық дайындық жүргізуде. 2025 жылдың қорытындысы бойынша прегравидарлық дайындықпен қамту 11%-ға артып, әйелдердің 46,5%-ы болды», – делінген хабарламада.

Министрліктің дерегінше, жүктіліктің 10 аптасына дейін ерте...

Ұлыбритания мен Франция Украинадағы майдан шебінде бітімді бақылау үшін халықаралық әскери контингент орналастыру жобасын дайындады.

Бұл туралы немістің Welt газеті дипломатиялық дереккөздерге сілтеме жасап хабарлады.

Жоспарға сәйкес, бейбіт келісім жасалғаннан кейін, алғашқы алты ай ішінде қақтығыс аймағына 10 мыңнан 15 мыңға дейін әскери қызметкер жіберілуі мүмкін. Мәліметке қарағанда, бұл күштер қажет болған жағдайда ұрыс қимылдарына қатысуға дайын болады.

Контингентті БҰҰ немесе Еуропалық одақ мандатынсыз-ақ, Киевтің шақыруымен орналастыру мүмкіндігі де қарастырылып отыр.

Украина үшін халықаралық қауіпсіздік кепілдіктері, соның ішінде қақтығыс желісін бақылау мәселесі бұған дейін қақтығысты бейбіт жолмен реттеудің түрлі нұсқаларында талқыланған.

Украина президентінің кеңесшісі Михаил Подоляк мұндай контингент жіберуге...

Тараз қаласында жаңа жыл түні Жамбыл даңғылында орналасқан мейрамханада өрт шықты. Ішінде жүзге жуық адам болған.

Orda ақпаратына қарағанда, екі қабатты ғимаратқа жапсарлас салынған жазғы қосалқы құрылыстан өрт тұтанған. Мейрамханадан шамамен 100 адам эвакуацияланды. Құтқарушылар оттың негізгі ғимаратқа және маңайда орналасқан жанармай құю бекетіне таралуына жол бермеді.

Өрт шамамен 300 шаршы метр аумаққа таралғанымен, толық сөндірілді. Зардап шеккендер жоқ. Қазіргі уақытта өрттің шығу себебі анықталып жатыр.

«Өрт сөндірушілер отты жедел ауыздықтап, оның мейрамхананың негізгі ғимаратына және жақын маңдағы жанармай құю станциясына таралуына жол бермеді», – деп хабарлады Тараз қалалық ТЖД.

Мұның алдында Атырау...

2026 жылы VIP автокөлік нөмірлерінің құны өсті. Бұған айлық есептік көрсеткіштің ұлғаюы себеп болды.

Zakon.kz хабарлауынша, 1 қаңтардан бастап АЕК 4 325 теңге болды. Ал өткен жылы ол 3 932 теңге болған. Өсім шамамен 10% болған.

Осыған сәйкес, жоғары сұранысқа ие мемлекеттік тіркеу нөмірлік белгілерінің бағасы да 10%-ға артты.

2026 жылы жоғары сұранысқа ие мемлекеттік тіркеу нөмірлік белгілерінің бағалары

Ең қолжетімді VIP-нөмірлер – әріптері бірдей немесе 010, 020, 030, 040, 050, 060, 070, 077, 080, 090 және 707 сандық комбинациялары бар нөмірлер. Олардың бағасы қазір 57 АЕК, яғни 246 525 теңге.

Дәл осы сандық комбинациялар, бірақ әріптік...

Сәрсенбі күні АҚШ әскери күштері заңсыз есірткі айналымымен айналысты деп болжанған тағы бес кемеге соққы жасағанын мәлімдеді.

NBC news ақпаратына қарағанда, соның салдарынан сегіз адам қаза тапқан.

Сәрсенбі кешке АҚШ-тың Оңтүстік қолбасшылығы бұдан бөлек тағы да екі кемеге шабуыл жасалғанын, оның бірінде үш адам, екіншісінде екі адам қаза тапқанын хабарлаған еді. Қолбасшылық қаза тапқандарды «есірткі террористері» деп атады.

Мәлімдемеде соққылардың нақты қай жерде жасалғаны көрсетілмеген.

«Барлау деректері кемелердің есірткі тасымалының белгілі бағыттарымен қозғалып, наркобизнеспен айналысқанын растады», — делінген АҚШ Оңтүстік қолбасшылығының әлеуметтік желілерде жариялаған хабарламасында.

Бұған дейін сәрсенбі күні АҚШ әскери күштері сейсенбіде есіртк...

Жеті облыста автокөлік жолдары ашылды. «ҚазАвтоЖол» ұлттық компаниясы жолдағы жағдай туралы ақпарат берді.

Ұлттық компанияның дерегінше, 2026 жылғы 1 қаңтар сағат 08:00-дегі жағдай бойынша республикалық маңызы бар келесі автожолдарда автокөліктің барлық түрлері үшін қозғалыс ашық:

Павлодар облысы

«Атамекен – Ертіс – РФ шекарасы» республикалық маңызы бар автожолының 0–263 км аралығы (Атамекен кенті – Ресей Федерациясының шекарасы).

Батыс Қазақстан облысы

«Ақтөбе – Орал – РФ шекарасы» автожолының 189–492 км аралығы (Атырау облысының шекарасы – Орал қаласы);

«Ақтөбе – Орал – РФ шекарасы» автожолының 273–526 км аралығы (Барбастау кенті – Ақтөбе облысының шекарасы).

Ақтөбе облысы

«Ақтөбе – Орал...

Президент Қасым-Жомарт Тоқаев 2026 жылды Цифрлық даму және жасанды интеллект жылы деп жариялады. Бұған қоса, ол биыл елімізде конституциялық реформа болатынын атап өтті.

«Мен биылғы Жолдауымда Цифрлық мемлекет болуымыз керектігін жарияладым. Сондықтан келесі жылды Цифрландыру және жасанды интеллект жылы деп атау туралы шешім қабылдадым. Озық технологиялар еліміздің барлық саладағы әлеуетін арттыруға жол ашпақ», – деді президент.

Ол елімізде алдағы уақытта да энергетикалық әлеуетін нығайтып, агроөнеркәсіп кешені, су шаруашылығы мәселелерін шешіп, көлік-логистика саласын және тұрғын үй-коммуналдық шаруашылығының инфрақұрылымын дамытатынын атап өтті.

Бұған қоса, шағын және орта бизнес әрдайым мемлекет назарында болатынын, осы жылы елімізде жаңа кәсіпорындар...

Қасым-Жомарт Тоқаев қазақстандықтарды Жаңа 2026 жылмен құттықтады. Президент алдымен 2025 жылды қорытындылады.

«2025 жыл халқымыз үшін мерейлі жыл болды. Еліміз дамудың даңғыл жолына түсті. Әлемдегі ахуал күрделі болса да, экономикамыз өркендеп, ішкі жалпы өнім 6 пайыздан асты. Қазақстанның алтын-валюта қоры 62 миллиард доллардан асты», – деді президент.

Ол елдегі ауқымды жобалардың бірі «Достық – Мойынты» теміржолының екінші желісі іске қосылуын ерекше атап өтті. Сондай-ақ он үш мың шақырым автокөлік жолы салынып, жөнделіп жатқанын айта кетті. Ол бұл жобалардың Қазақстанның транзиттік әлеуеті арта түсіретінін айрықша сөз етті.

«Диқандарымыз екінші жыл қатарынан мол...