Жаңалықтар

Ұлыбританияның АҚШ-тағы бұрынғы елшісі Питер Мандельсон ұсталды. Ол тоғыз сағат бойы қамауда отырып, 24 ақпанға қараған түні кепілпұлмен босатылды.

72 жастағы Мандельсонның есімі қаржыгер Джеффри Эпштейнге қатысты атышулы құжаттарда кездеседі. Ақпанның басында бұрынғы елшіге қатысты қылмыстық тергеу жүргізіле бастаған. Сол кезде ағылшын үкіметі Лондон полициясына Мандельсон мен Эпштейннің хаттарын тапсырған.

CNN телеарнасының мәліметінше, қарт саясаткер қызмет бабын асыра пайдаланды деген күдікке ілігіп отыр. Мандельсон Эпштейнге қаржы нарығына қатысты құпия құжаттарды берген болуы мүмкін. Ол кезінде Ұлыбритания үкіметінде істеп, бизнес істері жөніндегі министр қызметін атқарған.

Осының алдында бұрынғы ханзада Эндрю Маунтбеттен-Виндзор ұсталып, Эпштейнге қатысты іс бойынша тергелген. Ол америкалы...

Қазақстанның бірнеше өңірінде ауа райының қолайсыздығына байланысты мектеп оқушылары қашықтан оқуға көшірілді.

24 ақпан 2026 жылы Қарағанды қаласында бірінші ауысымдағы 0–4 сынып оқушылары үшін сабақтар қашықтан оқыту форматына ауыстырылды. Қалалық білім басқармасының мәліметінше, мұндай шешім ауа райының күрт нашарлауына байланысты қабылданған.

Ал Көкшетау қаласында бірінші ауысымдағы 1–9 сынып оқушылары онлайн форматқа жіберілді.

Сонымен қатар, Павлодар облысы бойынша 1–11 сынып оқушылары (бірінші ауысым), сондай-ақ 9 сынып базасындағы колледждердің 1–2 курс студенттері де 24 ақпанда қашықтан білім алады. Өңірде ауа температурасының күрт төмендеуіне байланысты осындай шешім қабылданған.

Бұған дейін Астана қаласында да қолайсыз ауа райына байланысты 0–9 сынып оқушыларының (бірінші ауысым) сабақтары...

Футзалдан «Қайрат» клубы Чемпиондар Лигасының 2025/26 жылғы бірінші ширек финалдық матчында испандық «Картахенаға» 1-2 есе жіберді.

ФУТЗАЛДАН ЧЕМПИОНДАР ЛИГАСЫ-2025/26

1/4 финал. Бірінші матч. 23 ақпан

Балуан Шолақ атындағы спорт сарайында өткен кездесудің тағдыры екінші таймның төртінші минутының он секундында шешілді.

6 наурызда өтетін матчта «Қайратқа» екі доп айырмашылығымен жеңіс керек. Егер жеңіс тым аз голмен келсе, қосымша уақыт пен ықтимал пенальти туралы ереже іске қосылады.

Бүгін кешке тағы бір қазақстандық «Семей» клубы француздық «Этуальмен» алғашқы ширек финалдық матч өткізеді. Бұл командалардың екінші жекпе-жегі де 6 наурызда өтеді.

Астана мектептеріндегі бірінші ауысымының кейбір оқушылары қашықтан оқыту форматынан ауыстырылды, деп хабарлады елорданың білім басқармасы.

«24 ақпанда ауа райының бұзылуына байланысты бірінші ауысымның 0-9 сынып оқушылары қашықтан оқыту форматына көшеді», – делінген хабарламада.

«Қазгидрометтің» мәліметінше, 24 ақпанда Астанада бұлтты, жауын-шашынсыз, жел 2-7 м/с болады деп күтілуде. Ал ауа температурасы түнде …-31°C, күндіз -18…-20°C.

Ертең елдің солтүстігі мен шығысында күн күрт суытады. Оңтүстікте де күн суық болып, қар мен жел күшейеді.

Солтүстік пен шығыста күн күрт суытады. Оңтүстікте де күн суық болып, қар мен жел күшейеді. «Қазгидромет» 24 ақпанға ауа райы болжамын ұсынды.

Қазақстандағы Қашаған кен орнын игеріп отырған ірі мұнай компаниялары 2,3 трлн теңгелік (4,6 млрд доллар) экологиялық айыппұлға байланысты халықаралық арбитражға өтініш берді, деп хабарлайды Bloomberg.

Мәселе Астанадағы соттың айыппұлды жою туралы шағымды қанағаттандырмауынан кейін ушыға түскен. Ал Қазақстан үкіметі Қашаған маңындағы игерілмеген Ақтоты мен Қайран кен орындарын мемлекет меншігіне қайтару талабымен бөлек арбитраждық іс қозғап отыр.

Bloomberg дерегінше, бұл даулар Қазақстан мен мұнай алпауыттары арасындағы Қашағанға қатысты жалпы көлемі 166 млрд долларды құрайтын кең ауқымды келіспеушіліктің бір бөлігі. Даулар жоғалған табыс, шығындарды өтеу және экологиялық талаптарға байланысты болып отыр.

Экологиялық айыппұл күкіртті сақтау ережелеріне қатысты туындаған. Қашағанды басқаратын North Caspian Operating Company (NCOC) талаптарды сақтағанын мәлімдеген. Қазақстанны...

Көкшетауда Алматы облысының тұрғыны 25 мың долларға бүйрегін сатқысы келді деген күдікпен ұсталды, деп хабарлады Ақмола облысы полиция департаментінің баспасөз қызметі.

Құқық қорғау органының мәліметінше, ұйымдасқан қылмысқа қарсы күрес басқармасының қызметкерлері заңсыз мәміленің жолын кескен.

«Қылмыстық іс материалдарына сәйкес, Алматы облысының тұрғыны өз органын әлеуметтік желілерде сату ниетімен хабарландыру жариялады. Полиция ерекше хабарландыруға қызығушылық танытып, арнайы операция өткізді. Нәтижесінде жәбірленуші Көкшетауда қолма-қол ақшаның бір бөлігін алған кезде ұсталды», – деп нақтылады өңірдің ПД баспасөз қызметі.

Полицияның ақпаратына сүйенсек, тексеру барысында күдікті бұған дейін де осындай хабарландырулар жариялаған. Ұсталған кезде одан қолма-қол ақша, ұялы телефон, сондай-а...

Қазақстан президенті Қасым-Жомарт Тоқаев Игорь Романовты III дәрежелі «Барыс» орденімен марапаттау туралы жарлыққа қол қойды, деп хабарлады Ақорданың баспасөз қызметі.

Ақорда жариялаған ақпаратқа сүйенсек, марапат Қазақстан Республикасының бұқаралық ақпарат құралдарын дамытуға және мемлекеттік құрылысқа қосқан зор үлесі үшін берілді. Игорь Романов көптеген жылдар бойы орталық мемлекеттік органдарда жұмыс істеген. 1990-жылдары ел президентінің баспасөз қызметін басқарды. Бүгін ол 80 жылдық мерейтойын атап өтуде.

«Барыс» ордені Қазақстан Республикасының мемлекеттілігі мен егемендігін нығайтудағы, бейбітшілікті қамтамасыз етудегі, қоғам мен халық бірлігін нығайтудағы ерекше еңбек сіңірген азаматтарға беріледі. Марапат мемлекеттік, өндірістік, ғылыми, әлеуметтік-мәдени және қоғамдық қызметтегі жетістіктері үшін, сондай-ақ ұлттар арасындағы ынтымақтастықты дамытуға, ұлтты...

Петропавл қаласында жолдағы шұңқырға түсіп апатқа ұшыраған әйел қала әкімдігін сотқа беріп жеңіп шықты.

Петропавл қалалық №2 сот қараған іс материалдарына сәйкес, 2024 жылдың қаңтар айында Қизатов көшесінде болған жол-көлік оқиғасы кезінде әйел адамның автокөлігі аударылған. Бұған көлік дөңгелегінің мұзға түсуі себеп болған. Апат салдарынан көлікке елеулі механикалық зақым келген.

Сот барысында аталған жол учаскесіндегі ойықтың тереңдігі 8 сантиметрге дейін жеткені анықталды. Сонымен қатар жолдың түзу болуын бақылауға тиіс қалалық тұрғын үй-коммуналдық шаруашылық бөлімі сотқа қажетті деректерді ұсына алмаған.

«Қазгидромет» филиалының мәліметінше, оқиға болған күні қалада қар жауып, ауа температурасы нөлден төмен болған. Бұл көктайғақтың пайда болуына әкелген. Айта...

Қазақстан жасөспірімдер құрамасы (17 жасқа дейін) Минскіде өткен футбол кубогының қола жүлдесі үшін өзбек құрдастарына 2:3 есебімен есе жіберді.

Бауыржан Сағындықтың шәкірттері тәжіктерден 3:1 есебімен жеңіп, белорустарға 0:2 есебімен ұтылып, А тобында екінші орын алды, Өзбекстан құрамасы В тобында екінші орын алды.

Қола үшін түйіскен матчта қазақстандықтар 23 минутта есеп ашты. Қайраттық Роман Черноморецтен тамаша пас алып, қарағандылық Расул Әкімов оны сол аяғымен қарсыластарының қақпасына гол соғып, 1:0 болды.

Екінші таймда тағы бір «Шахтер» футболшысы Мейрам Балтабаев екі мәрте көзге түсті. 42-минутта қарағандылық қапталдан теуіп есепті 2:0 етсе, ал 54-минутта абайсызда өз қақпамызға доп соқғып, есеп 2:1 болды. Бұдан...

Алматы қаласы Медеу ауданының № 2 соты кәсіпкер Алмас Әбдіғаппаровтың жары Ольга Әбдіғаппароваға Esentai city тұрғын үй кешенінің үлескерлерін алдау ісі бойынша үкім шығарды. Ақпаратты Kursiv.Media-ға Алматы қалалық сотының баспасөз қызметі растады.

Әбдіғаппароваға 2,5 жыл бас бостандығын шектеу жазасы тағайындалды. Үкім әлі заңды күшіне енген жоқ.

Esentai city тұрғын үй кешені үлескерлерінің айтуынша, Ольга 2022 жылдың соңында алаяқтық жасағаны үшін 7 жылға сотталған жұбайының жобасын басқарған. Ол кешеннің құрылысын қайта бастауға уәде берген. Алайда үлескерлердің айтуынша, іс жүзінде AV-Construction құрылыс компаниясының активтерін сатқан.

Әбдіғаппарова 2025 жылдың ақпан айының басында ұсталды, ал полицияға өтініштер 2024 жылдың сәуірінен бастап келіп түскен.

Айта...

Ақтөбе мектептерінде ерекше қауіпсіздік сабағы өтті. Полицейлер балаларға гуманоид роботпен және «киберитпен» бірге келді.

Полицияның ақпаратына сүйенсек, сабақтың мақсаты – камераларды, дабыл түймелерін және өткізу режимін тексеру. Сонымен қатар оқушыларға интернетті қауіпсіз пайдалануға үйрету. Себебі интернет-алаяқтардың тоқтаусыз толқыны ең жас қазақстандықтарға жетті.

Полицейлермен бірге роботтар мектептерге барып, оқушыларға өздерінің жеке деректерін қорғау бойынша сабақ өткізді. Алайда Ақтөбе полиция департаменті ролигіне қарағанда, білім алушылар андроидтардың биі мен трюктеріне көбірек көңіл бөлген.

Роботтарға тәртіп сақшыларының белгісі жапсырылып, мектеп қабырғаларын күзетуге жіберілді.

Полицияның ақпараты бойынша, бастама балаларға қауіпсіздік ережелерін жақсы есте сақтауға және өмірде де, желіде де қауіп-қатерлерге қарсы тұруға көмектеседі.

Әнші Еркін Нұржанов қызды болды. Ол осындай сүйінші хабарды өзінің Instagram-парақшасына салып, жұртшылықпен бөлісті. Оған қоса, гендер пати кезіндегі қызық оқиғаны да оқырманға айтып берді. 

Еркін Нұржановтың бесінші баласы өмірге келді. «Жеткенде, шүкір Алла, шын асылға, Еркін балаң сүйінші сұрасын да. Ей, жақсылар, сүйінші, қызды болдым, Рамазанның алғашқы жұмасында» деп өлеңдетіп тұрып сүйінші сұрады. Көпшілік сәбиге ұзақ ғұмыр тілеп, құтты болсын айтып жатыр.

Ал күні кеше Еркін Нұржанов гендер патиден естелік деп жаңа видео салды. Ол жерде сәбидің жынысын анықтау үшін аппақ футболка киіп, бір-бірінің үстіне бояу жағады. Видеода қызыл түсті бояуды көрген екеудің қатты қуанған сәті таспаланған.

Бұл видеоны...

Батыс Қазақстан облысында шенеунік жасөспірімді зорлады деген күдікке ілінді. Бұл туралы жергілікті «Уральская неделя» жазды.

Шыңғырлау ауданында қылмыстық іс қылмыстық кодекстің 120-бабы 3-1-бөлігі 1-тармағы негізінде қозғалған. Тергеу амалдары жүргізіліп жатыр.

Қыздың әкесінің сөзінше, 2 қаңтарда 57 жастағы ер адам кәмелетке толмаған қызды алдап, үйіне кіргізген. Осы жағдайдан кейін әкесі полицияға арызданған, күдікті ұсталған.

«Ол жасаған әрекетін мойындады. Қызым да оны таныды. Алайда полиция оны үйіне жібере салды. Содан кейін (күдікті) мені телефон арқылы қорқытып, үркіте бастады», – деген қыздың әкесі.

Полиция мәлімдемесі

Kursiv.Media істің мән-жайын Батыс Қазақстан облысы полициясынан сұрады.

Полицияның хабарлауынша...

Астанада LRT іске қосылатын болғандықтан, кассирлер мен кезекшілер керек болып жатыр. Бұл туралы CTS сайтында жазылған.

Кассирлерге қойылатын талап:

– жоғары немесе орта арнаулы білім (бухгалтерлік есеп, қаржы, экономика, гуманитарлық салалар);
– мамандығы бойынша жұмыс өтілі 2 жылдан кем емес;
– «1С: Бухгалтерия» жұмыс дағдылары;
– есептілікті құрастыру дағдылары;
– мемлекеттік және орыс тілдерін білу, ағылшын тілін білу құпталады.

Міндеттері:
– LRT пайдалану ережелерін, тарифтерді, жеңілдіктерді және жол жүру шарттарын түсіндіру;
– белгіленген тарифтерге сәйкес көлік карталарын сату және толықтыру;
– кассалық есептілікті жүргізу.

Кезекшілерге қойылатын талап:

Біліктілік талаптары:
– жоғары білім (мамандыққа қойылатын талаптар жоқ);
– арнайы орта білім. Көлік саласындағы жұмыс тәжірибесі кемінде...

Белгілі имам Тимур Әлиев ораза ұстап жүрген ер азаматтарға арнап үндеу жолдады.

Имам ер азаматтарға ауызашарды жұбайы мен балаларымен бірге өткізуге шақырды. Сөзінше, бұл – қарым-қатынасты нығайтады.

«Рамазан айында бауырлар бір-бірін ауызашарға жиі шақырады. Кафелерде, үйлерде жиналады. Болмаса, мешіттердегі ауызашарларда уақыт өткізеді. Осы кезде отбасы назардан тыс қалады. Мәселе үлкен емес сияқты, күйеуі харам ештеңе істеп жатқан жоқ. Бірақ маған сеніңіздер, жекеме әйелдерден осындай сұрақтар өте көп келеді. Бұл – олардың жанайқайы», – деді Тимур Әлиев.

Әлиев халал дәмханадан үстелге алдын-ала тапсырыс беріп, ауызашарды балаларымен және жұбайымен бірге өткізген жөн деп санайды.

Қазақстандағы жасөспірімдер футболына жетекшілік ететін ең ірі ұйым – Freedom QJ League – қанатын жайып келеді. Өткен жылы U-18, U-17 және U-16 санаттары бойынша жарыстар өткізген Лига алдағы маусымда тағы бір жас ерекшелігі – U-15 тобын қамтығалы отыр.

Freedom QJ League-дің кеңеюі – футбол десе ішкен асын жерге қоятын қазақстандық ұлдар мен қыздар үшін оң қадам. Тимур Турловтың Freedom Holding Corp. компаниясының қаржылай қолдауының арқасында Лига отандық футбол тарихында алғаш рет жасөспірімдер үшін кәсіби деңгейге барынша жақындатылған жағдайлар жасай алды. Оған аптасына бір рет сырт алаңда және өз алаңында өтетін екі айналымды жүйедегі турнирлер, қонаққа келген командалар мен төрешілерді жайлы қонақүйлерге орналастыру...

Қазақстан автокөлік одағының президенті Анар Мақашева жаңа автокөліктердің бағасына қатысты пікір білдірді. Оның айтуынша, 2025 жылы көлік бағасының өсуі қалыпты деңгейде болып, инфляциядан аспаған.

Мақашева атап өткендей, ұлттық статистика бюросының 2025 жылғы желтоқсандағы деректеріне сәйкес, жаңа импорттық және отандық автокөліктердің бағасы 5,9%-дан артық өскен жоқ. Тұтыну бағаларының индексі 105,9%-ды құрады. Ал отандық автокөліктердің бағасы шамамен 1,9%-ға ғана қымбаттады.

«Бүгінде саладағы негізгі жұмыс көліктің өзіндік құнын төмендетуге бағытталған, ал бұл ретте басты құрал – автобөлшектік базаны дамыту. Біз сондай-ақ шағын және орта бизнес өкілдерін осы бағытқа белсенді қатысуға шақырамыз. Бұл қосалқы бөлшектер өндірісін кеңейтуге және локализация деңгейін...

Конституцияны өзгертуге қатысты референдумға 20 млрд 778 млн теңге бөлінген. Орталық референдум комиссиясы (ОРК) мүшесі Михаил Бортник бұл соманың ОРК мен Сыртқы істер министрлігі арасында бөлінетінін айтты.

Айтуынша, бөлінген қаражаттың 123 млн теңгесі сыртқы істер министрлігіне берілді.

«Орталық референдум комиссиясы шотына түскен қаражаттың 75%-ы – комиссия мүшелерінің жалақысы. Бұл тізімде мұғалімдер де, дәрігерлер де, бизнес өкілдері де бар», – дейді Михаил Бортник.

Комиссия мүшесі Ләззат Сүйіндіктің сөзінше, қаражаттың 20-25%-ы референдум туралы ақпарат таратуға жұмсалады.

«50-ден аса республикалық, 100-ден аса жергілікті БАҚ қаржыландырылған. Одан бөлек LED экранға шығарылатын сыртқы жарнамалар да бар...

Қазақстан Үкіметі елдің минералдық-шикізат базасын толықтыру мақсатында резервтен 40,7 млрд теңгеден астам қаражат бөлді. Премьер-министр Олжас Бектенов қол қойған қаулыға сәйкес, бұл қаражат 2026 жылы ауқымды геологиялық барлау жұмыстарын жүргізуге бағытталады.

Биылғы жоспар бойынша 11 облыста (Ақмола, Ақтөбе, Алматы, Шығыс Қазақстан, Қарағанды, Қостанай, Солтүстік Қазақстан, Маңғыстау, Түркістан, Абай және Ұлытау) 100 мың шаршы шақырым аумақты қамтитын 20 ірі геологиялық жоба іске қосылады.

Бұл жұмыстар заманауи цифрлық технологиялар, аэрогеофизикалық зерттеулер және терең бұрғылау әдістерін қолдану арқылы жүргізілмек.

Жаңа мұнай-газ көзін іздейді

Геологиялық барлаудың тағы бір маңызды бағыты — Шу-Сарысу және Солтүстік Торғай бассейндеріндегі мұнай-газ әлеуетін зерттеу...

Шымкент қаласы Еңбекші ауданында 5 қабаттың балконынан абайсызда құлап түскен 45 жастағы ер адам қайтыс болды. Бейресми мәліметке қарағанда, оны пәтер иесі жалдамалы жұмысшы ретінде шақырып, балконды қаптатпақ болған.

Оқиға орнына жедел жәрдем қызметі жеткенімен, жұмысшы алған жарақатынан тіл тартпай кеткен. Полиция қайғылы жағдайға байланысты қылмыстық іс қозғалғанын хабарлады.

«Адам өліміне әкеп соққан еңбектi қорғау қағидаларын бұзу жайты бойынша полициямен қылмыстық іс қозғалды. Қазіргі таңда оқиғаның барлық мән-жайын анықтауға бағытталған кешенді тергеу әрекеттері жүргізілуде. Тергеу аяқталғаннан кейін іс бойынша заңнамаға сәйкес процессуалдық шешім қабылданады» делінген полиция хабарламасында.

Қазір Мексиканың бірнеше штатында ереуіл болып жатыр. Курортты қалаларында да жағдай тыныш емес. Осыған байланысты сыртқы істер министрлігі сол елде жүрген қазақстандықтарға қатысты мәлімдеме жасады.

Мексикада қанша қазақ жүр?

Мексикадағы елшіліктің мәліметінше, қазір ол елде отыздан астам қазақ азаматы жүр. Олар тек ресми тіркелгендері ғана.

«Қазақстан Республикасының Мексикадағы Елшілігі елдегі жағдайдың дамуын мұқият бақылап, отандастармен тұрақты байланыс орнатып отыр. ҚР азаматтарына сабыр сақтап, қырағылық танытып, қауіпсіз жерлерде болу ұсынылады. Қазіргі уақытта Қазақстан Республикасының 35 азаматы консулдық есепте тұр», – деп жазылған хабарламада.

Ведомство жағдайды күнде бақылауында ұстап отырғанын ескертті.

Көтерілістер не үшін...

Белгілі актриса Жұлдыз Әбдікәрімова өзінің қызы Алаумен ел алдына ерекше образда шықты. Олар аққу мен қарақудың бейнесінде түсіп, Instagram желісіндегі парақшаларына қысқа видео салды.

Жұлдыз бен Алаудың Instagram-парақшаларына салған кейінгі бейнеролигі қызу талқыға түсіп жатыр. Олар Black and White Swan образдарына енді. Чайковскийдің аңызға айналған «Лебединое озеро» балетіндегі әуенмен әрлеп, өздері де сондағы кейіпкерлерге ұқсап бақты. Жұлдыз – қарақу, Алау аққу бейнесінде түсті.

Олардың шығармашылығына тамсанатын фанаттары жағымды пікірлерін жарыса жазды. «Талант! Анасы қамқоршының рөлінде ойнады. Мойындауға әбден лайық» деп жатыр.

Дегенмен кей оқырманға бұл образ онша ұнамаған сыңайлы. «Не істерін білмей жүр осылар. Ақшаң болса да ішің пысады-ау», «Жұлдыздың түр...

Alatau City Bank иесі – миллиардер Вячеслав Кимге тиесілі First Heartland Securities (FHS) компаниясы атауын United Group Alatau деп өзгертпек. Бұл туралы банктің жарияланған корпоративтік деректерінде жазылған.

Еске салсақ, First Heartland Securities 2019 жылдың басында, яғни банк атауы өзгермей тұрып-ақ, оның капиталына кірген. Сол кезде компания қиын жағдайға түскен Цеснабанк-ті сатып алып, кейін ол Jusan Bank болып қайта аталды.

2021 жылдың қыркүйегінде Jusan Bank бақылауына кәсіпкер Ғалымжан Есеновке тиесілі АТФБанк те өтті.

2020 жылға дейін First Heartland Securities (FHS) компаниясы Pioneer Capital Invest арқылы үш қорға тиесілі болды:

2020 жылы Pioneer Capital Invest мәміле жасап, FHS акцияларының 99,7%-ын британдық Jusan Technologies компаниясына берді. Бұл келісім...