Жаңалықтар

Қазақстанның қаржы әлемінде ең ықпалды тұлғалардың бірі – Бақытбек Байсейітов. 68 жастағы кәсіпкер тек «Банк ЦентрКредит» акционері ғана емес, елдің ірі қаржы және индустриялық жобаларының артында тұрған стратегиялық тұлға.

Өмірбаяны мен еңбек жолы

Бақытбек Рымбекұлы Байсейітов 1958 жылы 14 мамырда Алматыда дүниеге келген. Әкесі Рымбек Байсейітов 1974-1985 жылдар аралығында Қазақ КСР-інің қаржы министрі қызметін атқарған. Ұлы да әке жолын жалғастырды. Баласының сапалы білім алуын қалаған ата-анасы оны әу баста Мәскеудегі қаржы институтына жібереді.

Алматы мен Мәскеуде қаржы саласында білім алып, мансабын Алматыдағы облыстық Мемлекеттік банктің бөлімінде бастаған. Кейін ол Жилсоцбанк КСРО-да жұмыс істеп, Алматы орталық кооперативтік банкті басқарды...

Осы жылдың 1 шілдесінен бастап Қазақстанда шетелден тапсырыс беретін өнімдерді реттеуге қатысты жаңа ереже күшіне енеді. Енді оларды электронды сауда тауарлары деген жеке санатқа енгізеді деп жазады Kursiv Media.

Қаржыгер, салық кеңесшісі Раушан Тасшойынованың сөзінше, бұл ереже интернет тауарлардың құнына да әсер етуі мүмкін.

«Бұрын интернет арқылы алынған тауарлар жеке пайдалануға арналған тауар ретінде қарастырылатын. Енді олар электронды саудаға қатысты бөлек тәртіпке бағынады. Есептеу тәртібі де өзгереді: бұрын кедендік баж тек белгіленген лимиттен асқан сомаға ғана есептелсе, енді төлем бүкіл тапсырыстың кедендік құнынан есептеледі. Сондай-ақ 31 келі салмақ лимиті алып тасталады», – деп түсіндіред...

Биыл Алматының іргесіндегі Іле-Алатауы мемлекеттік ұлттық табиғи паркінің құрылғанына 30 жыл толып отыр. Осыған орай «Іле Алатауы» МҰТП бас директоры Елнұр Мұхаметжанов парк жетістіктері туралы баяндады.

Директордың айтуынша, соңғы 30 жыл ішінде ұлттық парк аумағында сирек жануарлар саны айтарлықтай артқан. Соның ішінде қар барысының өсімі ерекше назар аударады.

1996 жылы парк аумағында небәрі 5–10 ілбіс (қар барысы) тіркелсе, бүгінде олардың саны 39 дараққа жеткен.

Іле-Алатауы мемлекеттік ұлттық табиғи паркі – Қазақстанның ерекше қорғалатын табиғи аумақтарының бірі. 1996 жылы құрылған парк осы уақыт ішінде табиғи экожүйелерді сақтау, биоалуантүрлілікті қорғау және орман қорын молықтыру бағытында ауқымды жұмыстар атқарды.

Аумағы 35 мы...

Қазақстан банктері үшін 2026 жылдың басы күтпеген қаржы қысыммен басталды: депозиттер бойынша сыйақы төлемдерінің қымбаттауы мен резервтерге бөлінген қомақты қаражат сектордың таза пайдасына айтарлықтай азайтты.

Ұлттық банктің статистикалық мәліметтеріне сүйенсек, 2026 жылдың қаңтар айында банктердің депозитке сыйақы төлеу үшін шығарған шығыны өткен жылдың сәйкес кезеңімен салыстырғанда бірден 32% артып, 486,9 млрд теңгеге жетті.

Бұл көрсеткіш клиент депозиттерінің жоғары мөлшерлемесі сақталуы салдарынан банк секторы үшін қор жинау процесінің айтарлықтай қымбаттағанын көрсетеді.

Мұнымен қоса, провизияға, яғни ықтимал шығындардың орнын жабатын резервті қалыптастыруға жұмсалған шығындар да 29%-ға өсіп, 234,0 млрд теңгені құрады.

Кореяда жүрген қазақстандықтар ақпанның соңына дейін елден айыппұл төлемей шыға алады.

Еңбек министрлігінің хабарлауынша, Корея Республикасында заңсыз жұмыс істеп жүрген Қазақстан азаматтарына мұндай жағдайда қайта кіруге тыйым салынбайды.

«Бұл мүмкіндікті азаматтар 2026 жылдың ақпанының соңына дейін қолдана алады. Бағдарлама 2025 жылдың желтоқсанынан бастап іске қосылған», – делінген ақпаратта.

Осылайша еңбек министрлігі Кореяның әділет министрлігімен келісіп, ерікті шығу бағдарламасының уақытын ұзартты.

«Бұл құқықтық салдарды жеңілдетуге және өз мәртебесін реттеуге дайын азаматтарды қолдауға бағытталған. Бағдарлама мәжбүрлі түрде депортациялауға жататын қылмыстық құқық бұзушылық жасаған тұлғаларға, сондай-ақ 2025 жылдың 1 желтоқсанынан кейін заңсыз мәртебеге ие болған...

Павлодарда құрылыс компаниялары жылжымайтын мүлік сатудан түскен табысты декларацияда көрсетпей, бюджетке жүздеген миллион теңге шығын келтірген. Бұл жөнінде Бас прокуратура мәлімдеді.

Төленбеген салық

«Құрылыс компанияларының бірі тұрмыстық қызмет көрсетуге арналған 43 нысанды сатқан. Алайда бұл туралы мәліметтер декларацияда көрсетілмеген. Нәтижесінде компания салықтық міндеттемелерін жасырып, 77,8 млн теңге көлемінде корпоративтік табыс салығын төлемеген», – делінген хабарламада.

Бюджетке қайтарылған сома

Осындай заңбұзушылықтар тағы 12 құрылыс компаниясы бойынша анықталған. Прокуратура өкілдері табысты жасыру фактілері жүйелі сипат алғанын айтады.

Павлодар облысы прокуратурасының қадағалау актілері нәтижесінде 120 млн теңге бюджетке өндіріліп алынған.

Әнші Ернар Айдар қасиетті Рамазан айында өзі көңілін қалдырған адамдардан кешірім сұрады.

«Ауа райы қандай керемет. Көктем болып тұр. Қасиетті Рамазан айы баршаңызға құтты болсын. Бұл – іштегі ауыр сөзді, кекті, өкпе ренішті шығарып тастап, бір-бірімізге кешіріммен, бірі-бірімізге мейіріммен қарайтын ерекше ай», – деді Арнар Айдар.

Әнші жаратушыдан барша жандардың біліп-білмей істеген күнәларын, қателіктерін кешіруді сұрады.  

«Араларыңызда көңілдеріңізді қалдырып қойған жандар болса, баршаңыздан кешірім сұраймын. Мен де өзімді ренжіткен жандарды кешірдім. Рамазан айы мүбәрак болсын. Алла-Тағала Рамазан айын қарызсыз өтеп шығуды жазсын», – деді әнші.

Қоғамда қазір Милан Олимпиадасының чемпионы, мәнерлеп сырғанаушы Михайл Шайдоровтың жеңісіне мемлекет қаншалықты үлес қосқаны жайлы әңгіме көп талқылана бастады. Туризм және спорт министрлігі осы тұста ресми түрде Шайдоровты даярлауға қанша ақша кеткенін жария етті.

Министрліктің мәліметінше, Олимпиадалық циклді оның мысалында талдай отырып, жоғары дәрежелі спортшыны қолдаудың барлық тетігі толық көлемде жұмыс істеген.

«Мәселен, 2025 жылы спортшы мен оның командасының дайындығын қамтамасыз етуге бағытталған жалпы қаржы көлемі 263 394 581 теңгені құрады. Оның ішінде 19 оқу-жаттығу жиынына (8-і Қазақстанда, 11-і шетелде) 47 млн теңге, ал 5 халықаралық жарысқа қатысуға 16 млн теңге бөлінді. 2025 жылы...

Жамбыл облысы Қордай ауданының орталығында 2,2 млрд теңгеге «Достық» үйі салынғалы жатыр. Өңірде түрлі ұлт өкілдері тұрады. Осыдан алты жыл бұрын – 2020 жылғы ақпанда Қордайда ірі ұлтаралық қақтығыс болған.

Тендер жарияланды

Жамбыл облысының әкімдігі Қордай ауылындағы «Батыс» тұрғын алабында «Достық» үйін салғалы жатыр. Құрылысқа 2 млрд 196 млн 609 мың теңге қарастырылған. Қаражатты мемлекет төлейді.

Бір күн бұрын – 19 ақпанда жобаны талқылау аяқталып, құрылыс компаниялары арасында өтетін тендерге өтініш қабылдау басталды. Ол 25 ақпанда аяқталады. Хабарландыру (16350220-1) «Мемлекеттік сатып алу» порталында жарияланды.

«Достық» үйі туралы

Өңірдегі түрлі ұлт өкілдерінің татулығын дәріптейтін орталы...

Сәнбике Гога Ашкенази енді салықты Ұлыбританияда емес, Біріккен Араб Әмірліктерінде төлейтін болады. Оның MMG Global Consulting Limited компаниясы таратқан мәліметке сәйкес, ол өткен жылдың қыркүйек айында британ салық резиденттігінен бас тартқан.

Бұл шешім оның жақын досы – бұрынғы ханзада Эндрю Маунтбеттен-Виндзорға қатысты дау-дамай ушыққан тұспен сәйкес келді.

Эпштейн құжаттарында аты аталған

Джеффри Эпштейнге қатысты сот материалдары жарияланған кезде, Ашкеназидің есімі осы хаттарда бірнеше рет аталған. Онда ол ханзаданың жақын танысы ретінде сипатталады.

Гога Ашкенази ханзадамен тек достық қарым-қатынаста болғанын, араларында ешқандай романтикалық байланыс болмағанын бұған дейін бірнеше рет ресми түрде мәлімдеген.

Қазақстан бойынша такси компанияларының 2025 жылдың қаңтар-желтоқсан айларындағы жиынтық табысы 186,1 млрд теңгені құрады. Бұл қаржының шамамен жартысына жуығы Алматы мен Астанадағы такси қызметінен түскен, деп хабарлайды EnergyProm.

Саладағы табыс

Алматыда компаниялар 47,4 млрд теңге, Астанада 39,4 млрд теңге табыс тапты. Сондай-ақ елеулі кіріс Алматы облысына (16,7 млрд теңге) және Қарағанды облысына (9,4 млрд теңге) тиесілі болды. Түсімнің өсімі жолаушылар ағынының артуынан көрініп отыр.

Сарапшылардың мәліметінше, 2025 жылы таксилер 174,5 млн адамды тасымалдаған. Бұл өткен жылмен салыстырғанда 2,4 есе көп. Ал 2023 жылмен салыстырғанда 3,5 есе артық. Бұл үрдіс 2026 жылы да сақталып отыр. Яғни, қаңтар...

Актер Ерболат Әлқожаев әлдебіреудің әйеліне гүл сыйлағанын көріп, қатты қызғанды. Тіпті сол үшін дауласып қалды.

Ол жұбай екеуінің «араздасқан» бейнежазбасын әлеуметтік желіге жариялады.

«Неге екенін білмеймін, өз басым гүл сыйлауға жоқпын. Бұл менің кемшілігім шығар. Бүгін әйелімен біреу мынадай гүл сыйлапты. Шоколадымен. Құдайға шүкір, қыздар сыйлаған екен, әйтеуір. Еркек сыйласа, быт-шыт болатын едік», – деп сабасына түсті актер.

Актер әйеліне гүлдің орнына ақша сыйлайтынын айтып, кінәсін жуып-шаймақ болды. Десе де, әйелін қызғанғаны анық көрінді.

«Ұстамашы, мына гүлді! Ақшаны құшақтайсың ба, әлде, гүлді құшақтайсың ба? Шыныңды айт. Ақша немесе гүл? Таңда...

Референдум кезінде азаматтардың пікірін білуге құқылы ұйымдар тізімі бекітілді.

Орталық референдум комиссиясы 6 ұйым атауын жариялады. Олар:

«Демократия институты» ғылыми-зерттеу ассоциациясы» қоғамдық бірлестігі – сауал қою әдісі: «face to face» сұхбаты;

«Қоғамдық пікір» зерттеу институты» ЖШС – сауал салу әдісі: телефон арқылы сауал қою;

«DATAMETRICS» ЖШС – сауал қою әдісі: CAPI технологиясын қолдана отырып, «face to face» жеке сұхбат әдісі арқылы;

«AMANAT партиясының қоғамдық саясат институты» жекеменшік мекемесі – сауал салу әдісі: сайлау учаскелерінен шығу кезінде «face to face» сұхбаты, телефон арқылы сауал қою, интернет арқылы сауал қою және exit-poll жүргізу арқылы жаппай сауал қою әдістері қолданылады;

«Еуразиялық интеграция институты» ЖШС – сауал қою әдіс...

Қазақстандағы банк арқылы көрші елден екінші бір елге 7 трлн теңге өткені рас. Бүгін президенттің баспасөз хатшысы және кеңесші Айбек Смадияров осыған қатысты пікір білдірді.

«Президент тексерілмеген ақпаратты жарияламайды. Егер ол 7 трлн теңге транзакция болды десе, демек солай болғаны. Бірақ бұл қоғамдық талқылауға емес, Қаржы мониторинг агенттігінің ғимаратындағы жиында болған қатысушыларға арналған ақпарат еді. Яғни тек қызметтік сипаттағы мәлімет. Транзакция жүргізілген банк не мәселе екенін біледі», – деді Айбек Смадияров.

Оның сөзінше, мемлекет басшысы бұл істің басқа тұсын әдейі ашық айтпаған.

«Президент саяси орындылық пен дипломатиялық хаттама талаптарын...

Дариға Бадықованың бұрынғы күйеуі, продюсер Дархан Мұсаев кино түсіруге кіріскен еді. Енді жаңа фильмінің басты рөлдеріне кастинг жариялағанын хабарлады.

Жоба авторларының мәліметінше, фильмнің негізгі кейіпкерлерін іріктеу үшін кастинг Қазақстанның бірнеше қаласында өтеді.

Кастингке 20–37 жас аралығындағы қыздар мен жігіттер қатыса алады. Ұйымдастырушылар жаңа есімдерге мүмкіндік берілетінін атап өтті.

Айта кетейік, бұған дейін Дархан Мұсаев кино өндірісіне қадам басқанын жариялап, тың жоба дайындап жатқанын айтқан еді.

16 ақпанда Қазақстанда белсенді салық төлемдері кезеңі басталды. Осыдан кейін валюта нарығында теңгенің нығаюы байқалып, доллар бағамы 489 теңгеге жуықтады. Нарық үшін бұл тосын жағдай емес, жыл сайын қайталанатын маусымдық фактор.

Бұл туралы Kursiv.Media-ға Qazaq Expert Club қаржы сарапшысы Венера Жаналинa айтты.

«Салық аптасы» деген не?

«Салық аптасы» – ай сайын 25-іне дейін компаниялар мемлекетке негізгі салықтарын төлейтін кезең. Яғни бұл – кәсіпорындар бюджетке міндетті төлемдерін жаппай аударатын уақыт.

Венера Жаналинаның айтуынша, «салық аптасының» ең айқын әсері тоқсандық есеп айырысу айларында байқалады.

«Төлемдердің ең жоғары шоғырлануы 25 ақпанға, 25 мамырға, 25 тамызға...

Tesla компаниясы пикап сатып алушылардың қатарын сиретіп алмас үшін АҚШ нарығына Cybertruck-тың жаңа нұсқасын шығарып, ең қымбат моделі – Cyberbeast-тің құнын айтарлықтай арзандатты. Бұл туралы Reuters басылымы жазады.

Электркөлік өндірушісі екі моторлы, толық жетекті (AWD) жаңа модельдің бағасын 59 990 доллар деп белгіледі. Бұл қазіргі таңда компания ұсынып отырған ең «арзан» Cybertruck саналады.

Сонымен қатар бұған дейін 114 990 долларға бағаланған Cyberbeast моделінің құны 99 990 долларға дейін түсті.

Нарықтағы жағдай қандай

Бағаны төмендетумен қатар, Tesla «Luxe Package» пакетінен бас тартқан көрінеді. Бұған дейін аталған пакеттің құрамында бақылаудағы толық автопилот (FSD) жүйес...

«Челси» футбол клубының мамандары жұмыс сапарымен Алматыға келді. Бұл туралы кәсіпкер Қайрат Боранбаев әлеуметтік желідегі парақшасында мәлімдеді.

Оның айтуынша, британдық мамандар «Қайрат» базасында жергілікті жаттықтырушылар штабымен бірлесіп жұмыс жүргізіп жатыр. Сапар барысында Дастан Сәтбаевтың жарақаттан кейінгі оңалу процесі жеке талқыланған.

Шетелдік мамандар футболшының қалпына келуіне көмектесіп қана қоймай, алаңда және жаттығу залында дене дайындығын арттыру бағытында тәжірибелерін бөлісіп жатыр.

Қазіргі таңда нақты оралу мерзімі жарияланған жоқ. Дегенмен клуб өкілдері ойыншының сауығу процесі бақылауда екенін айтып, жаңа маусым қарсаңында жанкүйерлерге жақсы жаңалық болуы мүмкін екенін меңзеді.

Еске сала кетейік, «Қайрат» футбол академиясының түлегі Дастан Сәтбаев былтыр Англияны...

Баласына вакцина салдырудан бас тартқан ата-аналарға шара қабылдау мәселесі талқыланып жатыр. Бұл туралы орталық коммуникациялар қызметінде өткен брифингте санитариялық-эпидемиологиялық бақылау комитетінің төрағасы Сархат Бейсенова айтты.

Брифингте «Кей ата-ана баласының қызылша жұқтырғанын жасырып қалады. Салдарынан инфекция балабақша немесе мектепте басқа балаларға жұғады. Олардың ата-анасы денсаулығына қатысты демалыс алуға мәжбүр болып, дәрі-дәрмек сатып алады, табысынан айырылады. Денсаулық сақтау министрлігі баласына вакцина салуға қарсы ата-аналардың бұл әрекетінен келген материалдық және моральдық шығынды өндіріп алуға көмектесе ме?» деген сұрақ қойылды.

Сархат Бейсенова қызылшаны жұқтырған кезде бірден анықтау мүмкін емес екенін айтады. Бастапқыда ЖРВИ белгілері байқалады.

«Елде негізінен қызылшаға қарсы вакцина...

Мәдениет және ақпарат министрі Аида Балаева цифрлық кеңістікте балалардың ақпараттық қауіпсіздігі үшін мұғалімдер міндетті тренингтерден өтетінін хабарлады. Бұл жөнінде министр депутаттарға берген жауабында атап өткен.

Аида Балаеваның айтуынша, балалардың онлайн-ортада ақпаратты таңдауына «иммунитет» қалыптастыру – аса маңызды фактор. Осыған байланысты білім беру ұйымдарында ата-аналар арасында балалардың онлайн өмірі туралы олармен тұрақты түрде әңгімелесудің маңыздылығы жөнінде түсіндіру жұмыстары жүргізіліп жатыр.

«Ата-аналар үшін «Cyber Safe for Family» бағдарламасын кең ауқымда тарату жоспарлануда: сынып сағаттары, нақты кейстер қарастырылатын ата-аналар жиналыстары, оқыту материалдары ұйымдастырылады. Баланың онлайн белсенділігін бақылауға және ықтимал қауіпті контентке қолжетімділікті шектеуге мүмкіндік беретін «Ата-аналы...

Өскемен қалалық мәслихатының депутаты Серік Оразғалиев «Өскемен халықаралық әуежайының» президенті ретінде 2025 жылы 38 млн теңге алған. Бұл туралы қаржы есептілігі депозитарийіндегі хабарламада жазылған. Бұл қаржыға оның жалақысы, бонустары, демалысақысы кіруі мүмкін.

Сонымен қатар ол «Астана-Тазалық» ЖШС атқарушы директоры қызметін атқарады. Одан бөлек, облыстық инфрақұрылымды және тұрғын үй – коммуналдық шаруашылықты дамыту мәселелері жөніндегі комиссияның мүшесі.

Серік Оразғалиев әуежай президенті болып 2024 жылдың қыркүйек айында тағайындалған.

«Өскемен әуежайы» мемлекет меншігіндегі мекеме. Ол Шығыс Қазақстан облысының Қаржы басқармасына қарайды.

Кәсіпорынның аудиторлық есебіне сәйкес, әуежай 2023 жылды 181,8 млн теңге, ал 2024 жылды...

Disney мен Pixar-дың сүйікті франшизасының жалғасы – «Ойыншықтар хикаясы 5» (Toy Story 5) 2026 жылдың 19 маусымында кинотеатрларда көрсетіледі.

Трейлерде көрсетілгендей, Ата-анасы кішкентай қызға Lilypad атты заманауи планшет сыйлайды. Бұл құрылғы баланы өзіне баураап, ойыншықтарды «қажетсіз» етіп тастайды.

Вуди, Базз Лайтер, Жесси және басқа да ескі достар қайта бірігіп, жаңа «қауіпке» – электроника мен смарт-құрылғыларға қарсы күреседі. Трейлерде Вуди мен Базздың қайта қауышуы, ескі кейіпкерлердің оралуы және жаңа қатысушы Lilypad-пен қақтығыс көрсетілген.

Қазақ тілінде дубляждалған ресми трейлерді YouTube-тан көруге болады.

Елдос Колобок Рамазан айымен құттықтай отырып, былтыр осы уақытта Меккеге барып, құдайдан жылап тұрып, сәби сұрағанын айтты.

Елдос Колобок атымен танылған әзілкеш әрі блогер Елдос Қадырханов мұсылмандардың дұғасының қабыл болуын тіледі.

«Қасиетті Рамазан айы. Ұстаған оразаңыз қабыл болсын. Былтыр осы уақытта қажылыққа барып, Алладан жылап сұрағанымызды биыл күліп қолымызға ұстап тұрмыз. Мүмкін емес нәрсе жоқ. Алла дұғаңызды қабыл етсін», – деп жазды Елдос Колобок.

Елдос Қадырханов жұбайы екеуі бұл сәбиді он жыл күткен. Блогер жақында баласының бесік тойын дүркіретіп өткізген еді.

«Осы күнді 10 жыл күттім! Аллаға шүкір, осы...

Заңсыз интернет-казино ұйымдастырды деген істен тәркіленген Lamborghini Huracan көлігі аукционға шықты. Электронды сауда алаңында машина 66,5 млн теңгеге сатылған.

Бастапқыда машина бағасы 343 млн 332 мың теңге еді. Бірақ аукцион бағаны төмендету қағидаты бойынша өткізіліп, құны 66 млн 507 мың теңгеге дейін түсті. Яғни жаңа иесі көлікті бес есе арзанға сатып алған.

Құжатта жазылғандай, Lamborghini 2016 жылы шығарылған, көлемі 5.2 литр, автоматты беріліс қорабы, жанармаймен жүреді. Көлік қазір Алматы облысы, Өтеген батыр ауылында тұр. Сатушы ретінде Алматы мемлекеттік мүлікті басқару және жекешелендіру департаменті тіркелген.

11 ақпанда 1Win атты заңсыз онлайн-казино ұйымдастырды деген күдікпен қылмыстық топқа...