Жаңалықтар

Шымкентте жыл басынан бері 78 автокөлік отқа оранған. Мамандар өрттің шығу себебін электр сымдарының қысқа тұйықталуынан көреді.

Шымкентте жол бойында жеңіл көлік өртеніп, артынан газ-ауа қоспасы жарылды. Құтқарушылар өртті сөндіру үшін көбікті оқпан атқан. Желіде тараған видеоларға қарағанда, өрт кезінде көлік маңында бірнеше адам болған.

Қалалық денсаулық сақтау басқармасының мәліметінше, өрттен бір адам күйіп, ауруханаға жатқызылған. Зардап шеккен адам денесінің 22 пайызын күйік шалған.

«Науқас бет, мойын, кеуде және қол аймақтарынан күйік жарақатын алған. Науқастың жалпы жағдайы ауыр. Бет, мойын, дене және қолдарында I–III дәрежелі күйік анықталды.
Науқасқа инфузиялық, антибиотиктік және жергілікті ем жүргізілуде. Қазіргі уақытта жағдайы...

15 қыркүйекте Мәжіліс қарауына «Қазақстан Республикасындағы банктер және банк қызметі туралы» жаңа заң жобасы енгізілді. Бұл құжат осыдан 30 жыл бұрын қабылданған заңды алмастырмақ. Құжатта жазылған басты мәселенің бірі – цифрлық теңгенің құқықтық мәртебесін бекіту. Ұлттық банк төрағасының орынбасары Берік Шолпанқұловтың айтуынша, заң қабылданған соң, цифрлық теңге де заңды төлем құралына айналмақ.

Цифрлық теңге деген не

Берік Шолпанқұловтың мәліметінше, цифрлық теңге – Ұлттық банк шығаратын ұлттық валютаның жаңа түрі. Оған қолма-қол ақша сияқты мемлекет кепілдік береді және төлем жасауға толық жарамды болады. Оның басты артықшылықтары мынандай:

Түркия президенті Режеп Тайип Ердоған Израильдің БҰҰ-дағы дауыс беру нәтижесі бойынша оқшауланып жатқанын айтты.

Оның пікірінше, Батыс елдері Палестинаны мемлекет ретінде мойындаса, жағдай тіпті күрделене түспек.

Ердоған Израильдің оқшаулануын атап өтті

Түркия президенті Режеп Тайип Ердоған Израильдің халықаралық аренада барған сайын оқшауланып жатқанын айтты. Оның сөзінше, Батыс елдерінің Палестинаны мойындауы бұл мемлекетті тығырыққа тірейді.

БҰҰ-дағы дауыс берулер

Ердоғанның пікірінше, БҰҰ резолюцияларына дауыс беру нәтижелері Израильдің геноцид жасағанын айқын көрсетеді.

«Батыс елдері Палестинаны мемлекет ретінде мойындаса, Израиль тіпті бұрышқа қысылады. Біз мұны БҰҰ мінберінен тағы да айтамыз», – деді Түркия президенті.

Тамыз айының соңында қазақстандық банктердегі депозиттердің көлемі 42,8 трлн теңгеге жетті. Тамызда депозиттер 403,5 млрд теңгеге ұлғайған, бұл туралы Ұлттық банктің деректерінде көрсетілген.

Қазақстанда жеке тұлғалардың депозиттері жеті ай қатарынан өсіп келеді. Тамызда олар алғаш рет тарихи меже – 24 трлн теңгеден асып, 255 млрд теңгеге көбейді. Қазір жалпы көлемі 24,127 трлн теңгеге жетті.

Шілдедегі төмендеуден кейін компаниялардың депозиттері тамызда 148 млрд теңгеге өсіп, 18,5 трлн теңгені құрады.

Теңгедегі депозиттердің көлемі бір айда 329,7 млрд теңгеге артып, 33,3 трлн теңгеге жетті. Шетел валютасындағы салымдар да көбейгенімен, айтарлықтай емес – 73,8 млрд теңгеге өсіп, 9,5 трлн теңгені құрады.

Айта кетерліг...

Алматыда қала күні мерекесіне орай ерекше перформанс өтті. «Алатау» дәстүрлі театр әртісі автобуспен көшелерді аралап, тұрғындарға тосынсый концерт ұйымдастырды.

Автобус көпқабатты үйлердің аулаларына, аялдамаларға және ашық алаңдарға тоқтап, әншілер, бишілер, қобызшылар, домбырашылар мен баяншылар алматылықтарды алдағы мерекемен құттықтады.Қала тұрғындары өнерпаздарды қуана қарсы алып, әнге қосылып, би билеп, ризашылықтарын білдірді. Кездейсоқ концертке куә болған туристер де қазақтың әуендері мен атмосферасына ерекше әсерленгендерін айтты.

«Алматы аялдамасы» жобасы осымен екінші жыл қатарынан өткізіліп отыр. Биылғы шара 19 қыркүйекке дейін жалғасады. Сондай-ақ қала күні аясында Алматы музейлер бірлестігі 21 қыркүйекке дейін метро станцияларында жылжымалы фотокөрме ұйымдастырады. Онда археологиялық жәдігерлер, зергерлік бұйымдар, ХХ ғасырдағы Алматыны...

Алматы облысында «Астана ЭКСПО-2017» ұлттық компаниясының бұрынғы басшысы Талғат Ермегияевтің сот шешіміне шағымы қаралады. Бұл туралы адвокат Анар Құсайынова хабарлады.

Бұған дейін Ермегияев шартты түрде мерзімінен бұрын босату туралы өтініш берді. Алайда сот бұл өтінішті қабылдамады.

«16 қыркүйекте Алатау қаласы сотының сотталған Талғат Ермегияевті шартты түрде мерзімінен бұрын босатудан бас тарту туралы шешіміне қатысты менің жеке шағымым қаралады», – деді Құсайынова.

Айта кетейік, 2016 жылдың маусымында Талғат Ермегияев 14 жылға бас бостандығынан айырылған. Сот шешіміне сәйкес, «Астана ЭКСПО-2017» ұлттық компаниясы пайдасына 5,9 миллиард теңге өтемақы төлеуге міндеттелген.

2026 жылғы 1 қаңтарға дейін Қазақстанда электромобильдер әкелген жеке тұлғалар үшін кедендік баж салығы мен қосылған құн салығынан (ҚҚС) босататын арнайы жеңілдік қарастарылған. Бұл жеңілдік Еуразиялық экономикалық комиссияның (ЕЭК) №107 шешімімен бекітілген.

Жеңілдік мерзімі аяқталуға жақын

Алайда ҚР Қаржы министрлігі Мемлекеттік кірістер комитетінің хабарлауынша, бұл жеңілдіктерді ұзарту мәселесі қаралмаған. Жаңа Салық кодексінде де электромобиль импорттаушыларға қатысты ешқандай ерекше шарттар көзделмеген.

2026 жылдан бастап не өзгереді

2026 жылдан бастап Қазақстанға электромобиль әкелетін барлық жеке тұлғалар қосылған құн салығын (ҚҚС) төлеуге міндетті болады. Жаңа Салық кодексінің 503-бабына сәйкес, ҚҚС мөлшерлемесі 16%-ды құрайды.

Сонымен қатар, егер электромобиль ДСҰ мөлшерлемесімен декларацияланса...

Астана әкімдігінің мәліметінше, BACKSTREET BOYS концертіне 45 елден 12 мыңнан астам турист келеді. Олардың қатарында Германия, Польша, Франция, Түркия, Финляндия, Литва, Эстония, Чехия, Сербия, Грекия, Әзербайжан, Ресей, Өзбекстан және басқа мемлекеттердің тыңдармандары бар.

21 қыркүйек күні «Астана Арена» стадионында әйгілі Backstrеet Boys тобы концерт өткізеді. Ең сәтті поп-группалардың бірі саналатын ұжым 130 миллионнан астам альбомын сатқан.

Астанадағы концерт топтың әлемдік турнесінің бір бөлігі болмақ. Айта кетейік, 2025 жылы Backstrеet Boys Лас-Вегастағы The Sphere аренасында рекорд орнатты: топтың шоуына 500 мыңнан астам билет небәрі бір күнде сатылып кеткен. Бұл – аталмыш сахнаның тарихындағы ең көп сатылған концерт.

Айта кетейік...

Президент Қасым-Жомарт Тоқаев ауыл шаруашылығына бюджеттен қомақты қаражат бөлініп жатқанын айтып, салаға цифрлық технологияны тездетіп енгізуді тапсырды. Бұл туралы Ақорда хабарлады.

Тоқаев елдегі мал шаруашылығын дамыту бағдарламасы әзірленетінін, нәтижесінде саланы қаржыландыру тетіктері пайда болатынын айтқан.

«Жыл соңына дейін мал шаруашылығын дамыту бағдарламасы әзірленеді. Бұл құжат ұзақ мерзімге жеңілдетілген қаражат алуға мүмкіндік береді. Біз тек жаппай цифрландыру арқылы экономиканың барлық саласында ашықтық пен тиімділікті қамтамасыз ете аламыз. Мен бұл мәселеге Жолдауда жан-жақты тоқталдым. Ауыл шаруашылығына цифрлық технологияны тездетіп енгізу керек. Егін және мал шаруашылығындағы үдерістерді толық қадағалап отыру үшін цифрлық тәсілдерді қолдану қажет. Бұл жұмысты...

АҚШ пен Қытай Мадридте өткен өзара саудаға қатысты шарада TikTok-қа қатысты да алдын ала келісімге келді. Бұл туралы келіссөздер қорытындысында АҚШ қаржы министрі Скотт Бессент мәлімдеді. Келіссөздердің сәтті өткені жөнінде президент Дональд Трамп та жазып, TikTok мәселесінің шешілді деген емеурін білдірді.

Бессенттің Reuters пен Bloomberg-ке берген сұхбатына сәйкес, әзірленіп жатқан келісім шарттары АҚШ-тың ұлттық қауіпсіздік мүдделерін қамтамасыз етуі тиіс. Бір жағынан әлеуметтік желі өзінің «қытайлық сипаттарын» сақтап қалады. Әзірге келісімнің нақты шарттары белгісіз.

19 қыркүйекте Трамп ҚХР төрағасы Си Цзиньпинмен телефон арқылы сөйлесуі керек. Сол күні мәміле мен басқа да сауда келісімдерінің толық мәліметтері жарияланады. Бессенттің айтуынша, егер...

Бүгін УЕФА Чемпиондар Лигасының топтық кезеңі ресми түрде басталды. Еуропаның ең мықты клубтары өзара алғашқы матчтарын өткізеді.

Кесте бойынша:

Бұл командалар – қазақстандық «Қайраттың» қарсыластары. Жеребе қорытындысы бойынша алматылықтар топтық кезеңде Еуропаның бірнеше алпауыт клубымен кездеседі. «Қайрат» өз алаңында «Реал Мадрид», «Брюге», «Олимпиакос» және кипрлік «Пафосқа» қарсы ойнайды. Ал сырт алаңдағы матчтарда алматылықтар «Арсенал», «Интер Милан», «Спортинг Лиссабон» және «Копенгагенге» қонаққа барады.

Ел чемпионы өз жорығын 18-нен 19-ына қараған түні Португалияда бастайды. Алматы клубы Лиссабонда «Спортингке...

Қазақстанда 2024 жылы 8 трлн 250 млрд теңгенің өнімі өндірілген. Бұл туралы Ақмола облысына жұмыс сапарымен барған президент Қасым-Жомарт Тоқаев айтты.

Ақмола облысындағы ауыл шаруашылығы кәсіпорындарының жетекшілерімен кездескен президент, биыл ауа райының қолайлы болуына және үкімет тарапынан көрсетілген қолдауларға байланысты астық мол түсетініне сенім білдірген.

«Биыл ауа райы қолайлы. Үкімет қолдау көрсетіп отыр. Жанар-жағармаймен қамтамасыз етіп, алдын ала жеңілдетілген несие беруде. Астық түсімі жақсы болады деп ойлаймыз. Баршаңызға табыс тілеймін. Жолдауда атап өткенімдей, басты міндет – ауыл шаруашылығында терең өңдеу өндірісін дамыту. Былтыр ауыл шаруашылығындағы өнім көлемі 8 триллион 250 миллиард теңгені құрады...

БҰҰ-ның оккупацияланған Палестина аумағын зерттейтін халықаралық тәуелсіз комиссиясы Израиль әрекетін «геноцид» деп бағалады. Бұл туралы ұйымның сайтында жазылған.

«Геноцид қылмысының алдын алу туралы конвенцияда көрсетілген критерийлерге сәйкес әрекеттер арқылы Газа палестиндіктерін жоюға ниет бар екені анық», – деді комиссия төрайымы Нави Пиллэй.

Женевада өткен баспасөз мәслихатында комиссия мүшелері 2023 жылдан бастап Израильдің Газадағы әрекетіне қатысты 72 беттік зерттеу жариялады. Ұйым өкілдерді Израиль әскері екі жыл ішінде 1948 жылғы конвенцияда анықталған геноцидтің бес актісінің төртеуін жасаған деген пікір білдірді. Атап өту керек, комиссия мүшелері – толыққанды БҰҰ қызметкерлері емес, Адам құқықтары жөніндегі кеңест...

Пәкістандық Welt Konnect компаниясы Қазақстанда цифрлық банк ашқысы келеді. Бұл жайлы компания өкілдері «KAZAKH INVEST» ҰК» АҚ басшылығымен кездесуінде айтты.

Welt Konnect Қазақстанда ірі инфрақұрылымдық бастамаларды іске асыруға, жаңартылатын энергетиканы дамытуға, туризмге, жылжымайтын мүлік пен құрылысқа қызығушылық білдірді. Компания елде цифрлық банк ашу туралы жоспарын да мәлімдеді.

«Қазақстан экономикадағы өңдеуші секторларға сапалы инвестиция тарту үшін жағдайды жүйелі түрде жасап келеді. Welt Konnect сияқты компаниялармен ынтымақтастық жасыл энергетика мен инфрақұрылым саласында жаңа бастамаларды іске асыруға және біздің елдеріміз арасындағы экономикалық байланыстарды нығайтуға мүмкіндік беретініне сенімдіміз», – деді «KAZAKH INVEST» ҰК» АҚ басқарма басшысы Мадияр...

Moody’s халықаралық рейтинг агенттігі «Еуразиялық банктің`» ұзақмерзімді рейтингін сақтап қалғанымен, болжамын «Тұрақтыдан» «Негативке» өзгертті. Бұл туралы ақпарат Қазақстан қор биржасы сайтында жарияланған.

Болжам неге төмендеді?

Moody’s пікірінше, негізгі себеп екеу:

2024 жылдың соңында банктегі «проблемалы» кредиттердің үлесі 15,1%-ға жеткен. Бір жыл бұрын ол 10,2% ғана болатын. Яғни, қарыз алған клиенттердің көбі несиесін уақтылы қайтара алмай отыр.

Сонымен қатар «Еуразиялық банк» бұрынғыдай автонесие беруге емес, енді корпоративтік секторға, соның ішінде шағын және орта бизнеске бет бұрмақ. Moody’s бұл өзгерісті тәуекел деп санайды, өйткені жаңа бағыттың қаншалықты тиімд...

Ақсу ферроқорытпа зауытында өндіріске ЖИ енгізу бойынша ауқымды жоба басталды. Пилоттық режимдегі бастама №64 кен термиялық пештің негізінде іске асырылып жатыр деп хабарлайды зауытты иеленетін «Қазхром» компаниясынан.

Соңғы үш айда зауыттағы өндірістік деректері жиналып, Big Data талдауы жасалды. Сарапшылардың айтуынша, алынған мәліметтер негізінде ЖИ-дің ұсыныстық моделін құруға үлкен мүмкіндік бар.

Технологиялық процесті басқару үшін 10 түрлі ЖИ-модуль енгізу жоспарланып отыр. Мәселен, электродтардың сынуын болжайтын модульдің өзі жабдықтың босқа тұрып қалуын айтарлықтай азайтып, шығындарды төмендетеді.

№64 пештің жұмысын басқарып, бақылау үшін де цифрлық модульдер әзірленеді. Егер жоба оң нәтиже берсе, тәжірибе басқа пештерде де қолданылмақ.

Алматыда Қала күніне орай түрлі мерекелік шаралар өткізу жоспарланып отыр. Түрлі концерттер, кітап фестивалі, digital-шоу және алма жәрмеңкесі, көрме сынды 200-ден астам іс-шара өткізіледі. Бұл туралы Алматы әкімдігі хабарлады.

«Алматыда Қала күніне орай 200-ден астам іс-шара өтеді. Мерекелік бағдарламалар мегаполистің барлық сегіз ауданында ұйымдастырылады. Орталық алаңдарда үлкен сахна орнатылып, танымал артистер өнер көрсетеді. Ашық аспан астындағы барлық концерт пен мәдени бағдарламаға кіру тегін. Негізгі мерекелік іс-шаралар 18-21 қыркүйек аралығында өтеді», – делінген баспасөз хабарламасында.

Бұл күндері өткізілетін концерттік бағдарламалар таңнан кешке дейін жалғасатыны айтылған.

18 қыркүйек

18 қыркүйек күні сағат кешкі 19:00-де Республика сарайының алдындағы...

Президент Қасым-Жомарт Тоқаев Ақмола облысындағы егін жинау науқанымен танысты. Жергілікті биліктің мәліметінше, биыл өңірдегі егіс алқабының көлемі 300 мың гектарға ұлғайып, 5,5 млн гектарға жеткен.

Болжам бойынша аймақтағы агроқұрылымдар 7 млн тоннадан астам дәнді, 650 мың тоннадан аса майлы дақыл жинамақ.

Бүгінге дейін 3,6 млн тонна астық бастырылған. Орта есеппен 1 гектар алқаптан 15,4 центнер өнім алынған.

Қазіргі уақытта өңірде мол өнім беретін майлы дақылдар алқабын ұлғайту жұмыстары жалғасып жатыр.

2023 жылмен салыстырғанда мұндай егістік алаңының көлемі 2,5 есе артып, 495 мың гектарға жеткен.

15 қыркүйектен бастап банк картасын басқа адамға бергендерге қылмыстық жауапкершілік көзделген. Қылмыстық кодекске жаңа 232-1-бап енгізілді. Соған сәйкес банк мәліметін, карта реквизитін үшінші тұлғаларға беру, сондай-ақ олардың мүддесі үшін ақша аударымдарын жасау қылмыстық жауапкершілікке әкеледі.

Ішкі істер министрлігінің киберқылмысқа қарсы іс-қимыл департаменті басқармасы бастығының орынбасары Бейбіт Біржановтың айтуынша, биыл шамамен мұндай әрекетке барған 6 000 адам анықталған.

Дроппер деген кім?

Дроппер – алаяқтық схемаларға делдал ретінде қатысып, ұрланған ақшаны жіберуге немесе қолма қол ақшаға айналдыруға өз банк картасын беретін адам. Адам қылмысқа әдейі ақша үшін қатысуы мүмкін, кейде алданып қалатын жағдай да болады. Дропперлер операция заңды сияқты көрінуі үшін...

Адвокат Мейірман Шекеев Талғар қаласында қаза тапқан 16 жастағы Шерзат Полаттың атына көше беруді ұсынды. Оның айтуынша, Шерзат қайтыс болған маңдағы көшелердің атаулары қазір Менделеев және Руставели есімдерімен аталады.

«Бұл тұлғалардың Талғарға да, Қазақстанға да еңбегі сіңбеген. Сондықтан мен Талғар қаласының әкімі Арыстан Нұрланұлынан Менделеев көшесін марқұм Шерзаттың атымен атауды ұсындым. Әкім бұл ұсынысқа мүмкіндігінше қолдау білдіретінін айтты», – деп жазды адвокат өз парақшасында.

Еске салайық, 2024 жылдың қазан айында Алматы облысы Талғар ауданында болған төбелес кезінде 16 жастағы Шерзат Полат қаза тапқан еді.

Бұған дейін Қаржаубай Нұрымовтың отбасына демеушілердің қолдауымен үй салынып...

Өзбекстан президенті Шавкат Мирзиеев Өзбекстанның Үстірт аймағында 6,5 км тереңдіктен өте ірі газ кен орны табылғанын мәлімдеді.

Өзбестан президентінің баспасөз қызметінің мәліметінше, бұл – ел тарихындағы ең терең бұрғылау нәтижесі.

Өзбекстан тарихында алғаш рет 6 500 метр тереңдікте бұрғылау жұмыстары жүргізіліп, табиғи газдың мол қоры анықталған. Бұған дейін елдегі геологиялық барлау тек 2 500–3 000 метр тереңдікте жасалған болатын.

Минералдық ресурстар қоры

Мирзиеев Өзбекстанның газдан бөлек, стратегиялық минералдарға да бай екенін атап өтті. Олардың қатарында теллур, литий, селен, графит, молибден, вольфрам, титан және басқалары бар.

Мамандардың бағалауынша, мұндай ресурстардың әлемдік қорының 10–15%-ы Орталық Азияда, соның ішінде Өзбекстанда...

Қазақстан үкіметі дағдарыс кезінде банктерді бюджет қаржысы есебінен құтқаруды тоқтатады. «Қазақстан Республикасындағы банктер және банк қызметі туралы» жаңа заң жобасына осындай өзгеріс енгізілмек.

Жаңа заң жобасын талқылау барысында Мәжілістің төраға орынбасары Дәния Еспаева банктердің қаржы жағдайын қалпына келтіру енді олардың өз жауапкершілігінде болатынын атап өтті. Бұған дейін мемлекет проблемалық банктерді қолдауға бірнеше рет араласқан болатын.

Заң жобасына сәйкес, мемлекет тек жүйелік маңызы бар банкке ғана көмек көрсете алады. Бұл мәртебені Ұлттық банк пен Қаржы нарығын реттеу және дамыту агенттігі анықтайды. Сонымен қатар берілген қаражат міндетті түрде банктердің арнайы жарналары есебінен қайтарылмақ.

Маңызды талаптардың бірі – мемлекет алдындағы қарызын толық өтемейінше...

АҚШ президенті Дональд Трамп The New York Times (NYT) газетінің сотқа беріп, ар-ұжданына тигені үшін 15 млрд доллар өтемақы талап етті. Бұл туралы ол өзіне тиесілі TRUTH Social әлеуметтік желісіне жазды.

Трамп америкалық ықпалды басылымды солшыл демократтардың қолшоқпарына айналған «ең нашар газет» деп атады.

«Бүгін мен жала жапқаны үшін The New York Times газетіне қарсы 15 млрд доллардың арыз-шағымын өткізу құрметіне болдым. Ол – ел тарихындағы ең нашар, құлдыраған газеттердің бірі. Радикал әрі солшыл демократиялық партияның қолшоқпары», – деп жазды Құрама Штаттар президенті.

Бұған қоса, ол басылымды демократиялық партия атынан сайлауға түскен Камала...

Грузияның Батуми әуежайында Израиль азаматы, әйгілі алаяқ Шимон Хают қамауға алынды. Бұл туралы жергілікті «Рустави-2» телеарнасы хабарлады. Өзін миллиардердің ұлы ретінде таныстырып, жәбірленушілерге Саймон Леваев деген атпен белгілі болған.

35 жастағы алаяқ халықаралық іздеуде жүрген. Оған нақты қандай айып тағылғаны әзірге жарияланған жоқ.

Әлем Саймон Леваевтің қылмыстары жайлы алғаш рет 2022 жылы Netflix платформасында жарық көрген «Tinder Swindler» деректі фильмі арқылы білді.

Фильмде оның ондаған әйелді Tinder танысу қосымшасы арқылы алдап соққаны баяндалады. Алаяқ өзін алмаз магнаты Лев Леваевтің мұрагерімін деп таныстырып, жәбірленушілердің сеніміне кірген. Әйелдерді қымбат мейрамханаларға апарып, сән-салтанатқа толы кездесулер ұйымдастырып, махаббатқа сендірген. Артынша түрлі сылтаумен ақша...