Жаңалықтар

Астана қаласының әкімшілік істер жөніндегі соты Каспий теңізіндегі ірі Қашаған кен орнын игеріп жатқан North Caspian Operating Company (NCOC) консорциумына салынған $4,2 млрд көлеміндегі экологиялық айыппұлды жойғанына қатысты түсініктеме берді.

Соттың мәліметінше, Атырау облысының Экология департаменті тарапынан берілген экологиялық заңбұзушылықтар туралы нұсқама процедуралық қателіктерге байланысты заңсыз деп танылған. Бұл ретте, сот шешімі экологиялық заңбұзушылықтың болмағанын білдірмейді.

«Нұсқаманың күшін жою оның мазмұнына қатысты емес, оны рәсімдеу кезінде әкімшілік процестік кодекстің талаптары сақталмаған. Сондықтан сот экологиялық заңбұзушылық фактісін бағалаған жоқ», – деп нақтылады Астана қаласының соты.

Соттың айтуынша, Экология департаменті процессуалдық қателіктерді түзеп, NCOC компаниясына қатысты...

3 тамыз күні АҚШ-тың Вирджиния штатындағы Александрия қаласында мектеп оқушылары арасындағы шахматтан әлем чемпионаты басталды. Бұл айтулы додаға 48 елден 55 команда, яғни 286 жас шахматшы жиналды. Қазақстан атынан алты команда қатысып жатыр. Чемпионат 6 тамызға дейін жалғасады және FIDE World Schools Team Championship 2025 атауымен өтіп жатыр.

Жарыс Episcopal High School кампусында өтуде. Бұл — АҚШ астанасы Вашингтонмен шекаралас қаладағы беделді оқу орны. Турнир 4 ойыншыдан тұратын құраммен, рапид уақыт бақылауында (45 минут + 10 секунд) өтуде. Барлығы 8 тур жоспарланған.

Қазақстанның үздік командалары

Қатысушы командалар орташа рейтинг бойынша тізімделген. Қазақстаннан қатысқан мектептер рейтингке қарай төмендегідей орындарда...

Энергетика вице-министрі Сұңғат Есімханов Түркістандағы 1 мың мегаваттық электр станциясының құрылыс барысымен танысты.

Кентау қаласында ол «Кентау сервис» мекемесіне қарасты ЖЭО-5-ке барды. Мұнда №5 және №6 қазандықтарға күрделі жөндеу жүргізіліп жатыр. №6 қазандықтағы жұмыс аяқталған.

Сондай-ақ вице-министр Түркістан облысында салынып жатқан қуаты 1000 МВт-қа дейін жететін бу-газ электр станциясының құрылысын қарап шықты. Жобаны «ПГУ Туркестан» ЖШС мен оңтүстіккореялық Doosan Enerbility компаниясы іске асырып жатыр.

«Самұрық-Қазына» қоры Түркістан облысындағы электр станциясы жобасын 2022 жылы қолға алған. Қор осы электр станциясы құрылысы жобасын бір еншілес компаниясынан алып, екіншісіне бергені белгілі.

Қуаты 1000 МВт  электр станциясы құрылысымен айналысатын...

Елордада 5-10 тамыз аралығында жергілікті атқарушы органдардың мемлекеттік білім беру тапсырысы аясында ЖОО-ларға құжат қабылдау өтеді, деп хабарлады Астана қаласы әкімдігінің ресми сайты.

Конкурсқа қатысу үшін үміткер өтінішін жоғары оқу орнының қабылдау комиссиясына төмендегі бағыттар бойынша тапсырады:

Л.Н. Гумилев атындағы Еуразия ұлттық университеті:
• Педагогика және психология;
• Мектепке дейінгі оқыту және тәрбиелеу;
• Физика пәні мұғалімдерін даярлау;
• Психология.

А. Құсайынов атындағы Еуразия гуманитарлық институты:
• Педагогика және психология;
• Мектепке дейінгі оқыту және тәрбиелеу;
• Бастауышта оқытудың педагогикасы мен әдістемесі.

Astana халықаралық университеті:
• Педагогика және психология;
• Мектепке дейінгі оқыту және тәрбиелеу;
• Бастауышта оқытудың педагогикасы мен әдістемесі;
• Математика пәні мұғалімдерін даярлау;
• Информатика пәні мұғалімдерін даярлау;
...

Қазақстан Хорватия арқылы Мажарстанға 85 мың тонна алғашқы мұнай партиясын экспорттады. Бұл туралы «ҚазМұнайГаз» компаниясы хабарлады.

Мұнай Новороссийск портынан Хорватияның Омишаль портына дейін «Қазақтеңізкөлікфлотының» «Alatau» танкерімен тасымалданған. Ал бұл порттан шикізат Мажарстанның Сазхаломбатта мұнай өңдеу зауытына дейін Адрия мұнай құбыры арқылы жеткізіледі. Бұл мұнай құбырын Хорватияның Jadranski naftovod компаниясы (JANAF) басқарады.

ҚМГ хабарлауынша, Танкер Хорватияға келгеннен кейін ҚМГ, MOL Group және JANAF өкілдерінің кездесуі өткен. Тараптар алдағы өзара тиімді ынтымақтастық мәселелерін талқылады. Келіссөз нәтижесінде ҚМГ мен MOL Group арасында мұнай жеткізу мәселелеріне қатысты Негіздемелік келісімге қол қойылды.

Бұл бастама Қазақстанға ҚМГ мұнайы экспортының географиясын ЕуроОдақ нарығында едәуір кеңейтуге...

Биыл 39 мыңнан астам адам магистратураға түсу үшін кешенді тестілеу тапсырды. Бұл туралы ғылым және жоғары білім министрлігі хабарлады.

Нәтижесінде ғылыми-педагогикалық бағыт бойынша түсушілердің 52%-ы, бейінді бағыт бойынша 21%-ы шекті балл жинады. Ғылыми-педагогикалық бағыт бойынша орташа көрсеткіш – 78 балл, бейінді бағыт бойынша 23 балл болды. Ең жоғары балл – 139.

«Тестілеу басталғалы 99 қатысушының нәтижесі жойылды. Оның ішінде 67 оқуға түсуші смартфон, шпаргалка және басқа да тыйым салынған заттарды алып өтуге тырысқаны үшін тест тапсыру мүмкіндігінен айырылды. Кешенді тестілеу кезінде ережелерді бұзғаны үшін аудиториядан 31 адам шығарылып, нәтижелері жойылды», – делінген ақпаратта.

Тағы бір жағдайда бір адам...

Министрлер де әкімдер секілді халық алдында есеп береді.  Премьер-министр Олжас Бектенов 2025 жылдың екінші жартыжылдығына арналған орталық атқарушы органдар басшыларының халықпен кездесу кестесін бекітті.

Ауыл шаруашылығы министрлігі:

III тоқсанда (шілде–тамыз) – Қонаев, Өскемен, Тараз, Семей және Жетісу облысындағы Көксу ауданында кездесу өткізеді; 

IV тоқсанда (қазан–желтоқсан) – Жезқазған, Ақтөбе, Алматы, Көкшетау және Солтүстік Қазақстан облысындағы Ғабит Мүсірепов ауданының халқымен кездеседі.

Ғылым және жоғары білім министрлігі:

III тоқсан – Қаскелең мен Алматы; 

IV тоқсан – Астана, Көкшетау және Павлодар.

Ғылым және жоғары білім министрлігі: 

III тоқсан – Қаскелең мен Алматы; 

IV тоқсан – Астана, Көкшетау және Павлодар.

Денсаулық сақтау министрлігі: 

III...

Tesla компаниясы бас директор Илон Маскіге шамамен 30 млрд долларға акция түрінде уақытша сыйақы тағайындады. Бұл туралы Bloomberg хабарлайды.

Жаңа келісімге сәйкес, автогиганттың 96 млн акциясы Маск меншігіне өтеді. Бірақ ол үшін миллиардер компаниядағы жоғары қызметті тағы екі жыл атқаруы керек.

Айта кетейік, осының алдында Делавэр штатының соты, акционерлер шағымынан соң, 50 млрд доллар өтемақы төлеуге тыйым салған.

Директорлар кеңесінің жаңа уақытша шешімінен соң, Нью-Йорктегі сауда қарсаңында Tesla акциялары 2,7%-ға қымбаттап, 310,80 доллар болды.

Айта кетейік, 2024 жылдың аяғында, Дональд Трамп президент сайлауында жеңіске жеткеннен кейін, Tesla акциялары қатты көтерілген. 12 желтоқсанда TSLA құны 480 долларға жеткен. Себебі Маск...

Әлеуметтік осал санатқа жататын азаматтар біржолғы зейнетақы төлемінен ұсталған жеке табыс салығын (ЖТС) қайтарып ала алады. Зейнетақы қорының хабарлауынша, бұл өзгерістер қолданыстағы Салық кодексіне енгізілген, 2025 жылғы 31 желтоқсанға дейін өз күшінде болады.

2021–2022 жылдары тұрғын үй жағдайын жақсарту немесе емделу үшін біржолғы зейнетақы төлемін алған көптеген азамат одан 10 пайыз табыс салығын төлеген болатын. Ол кезде мұндай төлемдерге салық жеңілдігі қарастырылмаған еді. Алайда 2024 жылғы 1 қаңтардан бастап енгізілген жаңа ережеге сәйкес, БЗТ сомасына 882 айлық есептік көрсеткіш (АЕК) шегінде стандартты салық шегерімі қолданылады. Бұл – шамамен 3,4 млн теңге көлеміндегі сома салықтан босатылады деген сөз.

Осылайша, егер...

Президент мораторийінен кейін де Алматыда Тимирязев көшесі мен Сейфуллин даңғылының қиылысында 40 қабатты ғимарат салынатыны хабарланды. Бұл туралы ҚазАқпарат агенттігі жазды.

Қалалық жоспарлау және урбанистика басқармасы биік ғимараттарды салу тәртібін түсіндіріп берген.

Басқарманың хабарлауынша, Абай даңғылының оңтүстігінде, Әл-Фараби даңғылының солтүстігінде, Яссауи көшесінің шығысында және ШАЖ-тың батысында орналасқан тоғыз қабаттан жоғары көпфункционалды ғимараттарды салуға олардың қоғамдық маңыздылығы дәлелденген жағдайда және белгілі талаптар сақталғанда ғана рұқсат беріледі.

«Аталған учаскеде жоспарланып отырған тоғыз қабаттан жоғары көпфункционалды ғимараттарға тек архитектуралық-қала құрылыстық негіздеме арқылы олардың қоғамдық маңызы дәлелденсе, жоба шешімдерінің орнықтылығы қамтамасыз етілсе, соның ішінде энергия үнемдеуші, ресурс үнемдеуші және сейсмоизоляциялық технологиялар қолданылса...

Чемпиондар лигасының плей-офф кезеңіне арналған жеребе тарту рәсімінің қорытындысы бойынша, «Қайрат» пен «Слован» жұбының жеңімпазы әйгілі шотландиялық «Селтик» клубымен кездеседі.

Егер алматылық клуб үшінші іріктеу кезеңінде «Слованды» жеңсе, плей-оффтағы алғашқы ойын 19 немесе 20 тамызда Глазгода өтеді. Жауапты кездесу 26 немесе 27 тамызда қонақта өтеді — бұл жеңімпаз командаға байланысты анықталады.

Алайда алдымен «Қайрат» 6 тамыз күні Орталық стадионда өтетін «Слованға» қарсы матчта жеңіске жетуі керек.

«Селтик» — таныс қарсылас

Айта кету керек, шотландиялық клуб қазақстандық жанкүйерлерге жақсы таныс. Бұған дейін «Селтик» еліміздің екі клубымен — «Шахтер» және «Астанамен» кездескен.

4 тамыз, дүйсенбіде Қазақстан қор биржасындағы (KASE) валюта саудасы барысында доллар 540 теңгеден төмен бағаға саудаланды. Сағат 15.30-дағы нәтиже бойынша, 1 АҚШ доллары 541,82 теңге тұрады.

Ұлттық валюта бір тәулікте бір тәулік 1,35 теңгеге нығайды. Ұлттық банк (ҰБ) өткен аптада 125,6 млн долларға инвервенция жүргізгелі бері, төл валюта шамамен 10 теңгеге күшейді.

Биржадағы күндізгі валюта саудасы кезінде 80 млрд теңге, яғни 149 млн долларға сауда жасалды. Соған қарағанда, әзірге ҰБ ақша саудасына араласып жатқан жоқ.

Қазақстандағы екінші деңгейлі банктер мен ақша айырбастау мекемелерінде де доллар айтарлықтай қымбат емес. Kurs.kz мәліметінше, Алматы қаласында бір көк қағаз 540 теңгеден қабылданып...

Түркістан облысындағы жылыжайлардан 70 тонна банан жиналды. Бұл өнім 52,5 мың шаршы метр алаңда өсірілген. Бұл туралы Ұлттық статистика бюросы хабарлады.

Сондай-ақ республика бойынша 208 тонна құлпынай жиналды (87 мың шаршы метрде өсірілген): оның 158 тоннасы – Алматы облысында, 50 тоннасы Түркістан облысында жиналған.

2025 жылдың сәуір-маусымында 50,4 мың тонна қызанақ жиналды. Қызанақтың басым бөлігі Түркістан облысындағы жылыжайларда өсірілген – 36,8 мың тонна. Ақтөбе облысында 5,7 мың тонна, Павлодар облысында 1,9 мың тонна, Алматы облысында 1,8 мың тонна, Алматы қаласында 1,4 мың тонна, Шымкент қаласында 1,05 мың тонна қызанақ жиналды. Республика бойынша қызанақ өсірілген жылыжайдың жалпы аумағы...

1 тамыз күні Астанада өткен Дженнифер Лопестің алғашқы концерті ел астанасына сән мен шоудың шырайын келтірсе, әлеуметтік желіде киім тақырыбы қызу талқыға түсті. Астана қалалық мәслихатының депутаты Сәуле Самидин америкалық әншінің киім үлгісін сынға алып, оны жергілікті көзқарасқа сай келмейді деп есептейді.

Мәслихатының депутатының айтуынша 16 жастағы қызы концертті көріп, Лопестің Біріккен Араб Әмірліктерінде жабық киіммен өнер көрсеткенін еске салған.

«Біз Эмират емеспіз, әрине, өзіміздің ерекшелігіміз бар. Бірақ бізде де ұлттық көзқарас бар, соған қарай кей образдарды бейімдеуге болар еді», – деді депутат.

Алайда әлеуметтік желі қолданушылары депутаттың бұл мәлімдемесін бірауыздан қолдай қоймады. Көпшілік...

Атырауда вагон бөлшектерін шығаратын зауыт құрылысы басталды. Texol Steel Technology құйма бөлшек өндіретін статегиялық нысан болмақ. Бұл туралы Атырау облысы әкімдігінің баспасөз қызметі хабарлады.

«Жоба Атырау қаласында ірі индустриялық кластер құру шеңберінде жүзеге асырылуда. Бұл кластердің орталығы — Атырау вагон құрастыру зауыты. Жаңа зауытта теміржол вагондарына арналған болат құйма бөлшектер шығарылмақ. Жоба бұған дейін шетелден жеткізіліп келген құрамдас бөлшектерді отандық өнімдермен алмастыруға мүмкіндік береді», – делінген хабарламада.

Металл сынықтары және ферроқорытпа сынды негізі шикізатты отандық өндірушілер жеткізеді. Кәсіпорын 2027 жылы іске қосылады деп жоспарланған. Зауыт құрылысы барысында 500 адам жұмыспен қамтылмақ.

Әлемге әйгілі боксшы Майк Тайсон адамзат тарихындағы ең мықты боксшы кім деген сауалға өзінің есімін атады. Ол баскетболшы Шакил О’Нилдің Youtube-тегі подкастында қонақта болды.

The Big Podcast with Shaq подкастына қатысқан Тайсон өзінен басқа тағы кімдер атақты деген сауалға тағы төрт боксшының есімін атаған. Олар: Джек Демпси, Сонни Листон, Мұхаммед Әли және Джордж Форман. Бірақ ол өзін бәрінен жоғары қояды.

58 жастағы бұрынғы боксшы кәсіби спорттағы мансабын 2005 жылы аяқтады. Ол 56 жекпе-жек өткізіп, 44 рет нокаутпен жеңіске жетті. Алты мәрте жеңілді.

Тайсон аса ауыр салмақта абсолют әлем чемпионы атанған. Ол Дүниежүзілік бокс кеңесі, Дүниежүзілік бокс қауымдастығы және Халықаралы...

Chery концерні iCar желісіндегі жаңа үлгісін, V27 жол талғамайтын көлігін таныстырды. Алайда таныстырылым экспортқа бағытталғандықтан Қытайда емес, Дубайда өтті. Кроссовер гибридті қондырғымен жабдықталады және сатылымға 2025 жылдың төртінші тоқсанында шығады деп жоспарланып отыр. Қазақстанға қашан келетіні әзірге белгісіз.

iCar V27-нің бұрышты дизайны Toyota Land Cruiser Prado мен Land Rover Defender сынды классикалық жол талғамайтын көліктерді еске салады. Мұндай ұқсастық әдейі жасалған болуы мүмкін.Себебі мамыр айында алғашқы тұспалды суреттері жарияланған кезде iCar басшысы Су Джун бұл кроссоверді «қытайлық G-класс» деп атап кеткен еді.

Автокөлік ірі бамперлерімен, қара жапсырмалары бар бұрышты доңғалақ доғалары және кең артқы тіректерімен ерекшеленеді. Ерекше стилистикалық шешімдер...

Көлік министрлігіне такси агрегаторлары мен әуе тасымалдау тарифтері бойынша саясатты қайта қарап, қызмет сапасын арттыру жүктелді. Үкіметте тұтынушылардың құқығын қорғау мәселелеріне қатысты жиналыс өтті.

Ресми мәліметке қарағанда, 2025 жылдың алғашқы алты айында 37 мыңнан аса шағым түскен. Бір жыл бұрын 62 мыңға азамат Тұтынушылардың құқықтарын қорғау комитетіне арызданған.

Бұған қоса, 10 мыңнан аса азамат қатысқан сауалнама нәтижесі жарияланды. Респонденттердің 71 пайызы автокөлік, ал 64 пайызы теміржол қызметіне көңілі толмайтынын айтқан.

Тұтынушылар сынынан соң, азаматтық авиация осы салада атқарылып жатқан жұмыстар туралы ақпарат жариялады. Комитеттің мәліметінше, ішкі нарықта төрт ірі әуе компаниясы жұмыс істейді. Ұшақ билеттерінің құны – бағыт пен...

Қазақстанда шілде айында жылдық инфляция 11,8% деңгейінде сақталды. Осы орайда Halyk Finance сарапшылары Ұлттық банк базалық мөлшерлемені жыл соңына дейін 16,5% деңгейінде ұстауы мүмкін деген болжам жасайды.

2025 жылғы шілдеде Қазақстандағы инфляциялық үдерістер біртіндеп баяулап келеді. Ұлттық статистика бюросының деректеріне сәйкес, тұтыну бағаларының өсімі маусыммен салыстырғанда 0,7%-ға төмендеді.

Инфляцияның тежелуіне, ең алдымен, ақылы қызметтер секторындағы бағаның баяу өсуі ықпал еткен. Шілдеде бұл санат бойынша баға өсімі 0,5% болды. Бұл – маусымдағы 0,8%-ға және бірінші тоқсандағы жоғары көрсеткіштерге қарағанда төмен деңгей. Halyk Finance талдаушысы Арсен Сариевтың пікірінше, бұл коммуналдық қызметтер тарифтерін қайта қарау әсерінің азаюымен тікелей...

Енді кезек күтпей, ешбір қағазбастылықсыз мүгедектікті сырттай форматта рәсімдеуге болады. 2025 жылдың басынан бастап медициналық-әлеуметтік сараптама (МӘС) жүйесі цифрландырылды.

Комиссия құжаттарды онлайн форматта қарайды, азаматтың өзі барып дәлелдеуі талап етілмейді.

«Жоба елдің барлық 20 өңірін қамтыды. Қаңтар айынан бері 30 түрлі дерт бойынша 62 мыңға жуық өтініш қаралды. Барлығы өтініш берушінің қатысуынсыз, онлайн форматта жүзеге асады. Бұл – сирек жағдай емес, күнделікті тәжірибеге айналды», – деп хабарлады Еңбек және халықты әлеуметтік қорғау министрлігі.

Салыстырмалы түрде айтар болсақ, 2024 жылы мүгедектікті осындай әдіспен 97 мыңға жуық адам рәсімдеген. Бұл – барлық өтініш берушілердің 37,4%-ы. Министрлік...

Алматылықтар мен қала қонақтары үшін тауға шығу – сүйікті демалыс түрлерінің бірі. Алайда соңғы бес жыл ішінде тек Алматы маңындағы тауларында 260-тан астам құтқару операциясы жүргізілген. Осы олқылықтың орнын толтыру мақсатында Алматыда бірнеше жылдан бері Іле-Алатауы ұлттық паркіндегі танымал тау бағыттарын абаттандыру жұмыстары қолға алынып жатыр.

Жаңа соқпақтар мен аспалы көпір

2025 жылы осы бастаманың үшінші кезеңі басталды. Соның аясында Проходное шатқалынан Терра алаңқайына және Алёшкин көпіріне дейінгі бағыт жаңартылып жатыр. Бұл бағыт Іле-Алатау ұлттық паркінің жаяу серуендеушілер арасында бұрыннан танымал аймағында орналасқан. Жаңа соқпақ Космостанцияға дейін жалғасады. Ол теңіз деңгейінен 3330 метр биіктікте орналасқан.

Бағыттың ұзындығы...

Шерзат Полаттың қазасынан кейін сотталған 8 адам үкімге апелляциялық шағым түсірді. Сотталғандардың шағымы 18 тамызда қаралады. Ақпаратты KursivMedia тілшісіне жәбірленуші тараптың адвокаты Мейірман Шекеев растады.

«8 сотталушы апелляциялық шағым түсірді. 2025 жылдың 18 тамызы сағат 11:00-де Алматы облысы сотының ғимаратында қаралады», – деді Шекеев.

Айта кетейік, іс бойынша 9 адам сотталды.

Абзал Шынасыл  23 жылға бас бостандығынан айырылды.

Равиль Сакиев 20 жылға бас бостандығынан айырылды.

Азамат Тоқтаубаев 15 жылға бас бостандығынан айырылды.

Шыңғыс Белғожаев 7 жылға бас бостандығынан айырылды.

Дархан Әскентай 7 жылға бас бостандығынан айырылды.

Нұрқияс Ілиясов 9 жылға бас бостандығынан айырылды.

Нұрбол Тоқтаубаев 7 жылға бас...

Шакира Қазақстанда концерт өткізуі мүмкін. Бұл туралы блогер Камиль Байрамов жариялаған видеода айтылған. «Астана концерт» продюсерлік орталығының басшысы Мәлік Хасенов қазір келіссөз жүргізіліп жатқанын мәлімдеген.

«Шакирамен келіссөз жүргізіп жатырмыз. Жоспар орындалса, күзде келісімді аяқтаймыз», – деді Хасенов видеода.

Айта кетейік, бұған дейін Дженнифер Лопес 1 тамызда Astana Arena стадионында концерт берді. 10 тамызда Алматыға барып концерт өткізеді.

«Қазгидромет» алдағы үш күнде ел аумағы арқылы солтүстік-батыс циклоны жылжып, соған байланысты найзағайлы жаңбыр, екпінді жел күтіліп отырғанын хабарлады.

6 тамызда Павлодар облысының солтүстігінде, 7 тамызда республиканың солтүстігі мен орталығында қатты жаңбыр, бұршақ жаууы ықтимал.

Елдің оңтүстігінде негізінен жауын-шашынсыз ауа райы сақталады. Республика бойынша жел күшейіп, оңтүстікте және батыста шаңды дауыл тұруы мүмкін.

Солтүстік, шығыс және орталық аймақтарда түнгі ауа температурасы +2…+13°С-тан +5…+18°С-қа дейін, күндізгі температура +15…+25°С-тан +18…+30°С-қа дейін жоғарылайды деп болжанып отыр.

Бұған дейін, синоптиктер 4 тамызда ел аумағының басым бөлігінде жауын-шашынсыз ашық ауа райы сақталатынын хабарлаған.