Жаңалықтар

Қазақстан үкіметі шетелде тұратын қазақтардың бірыңғай тізімін дайындауды көздейді. Бұл туралы Үкіметтің жиналысында Еңбек және халықты әлеуметтік қорғау министрі Светлана Жақыпова мәлімдеді.

Министрдің айтуынша, қазақтар туралы тізім цифрлы Migration.enbek.kz көші-қон платформасының бір бөлігіне айналады.

«Шетелдегі мекемелер, «Отандастар» қоры, сонымен бірге түрлі диаспоралар көмегімен, Migration.enbek.kz көші-қон платформасы аясында, шетелде тұратын қазақтардың тізімі дайындалады», – деді Жақыпова.

Мұндай жүйе шетелдегі этникалық қазақтармен қарым-қатынас орнатуға, тарихи отанына қайтып оралғысы келетіндерге қолдау көрсетуге мүмкіндік береді.

Осы бастама елдің көші-қон саясатын реформалау жөніндегі ұсыныстарға кіреді. Этникалық репатриация институтын дамыту аясында еңбек министрлігі қандас мәртебесі мен оны қолдау жұмыстарын...

Прокурор Перизат Қайраттың анасы Ғайни Алашбаеваны 8 жылға соттауды сұрады. Ал Перизат Қайратты 10 жылға бас бостандығынан айыруды сұрады.

Прокурор соттан Ғайни Алашбаеваны «Алаяқтық» бабына сәйкес қылмыс жасағаны үшін кінәлі деп танып, 7 жылға бас бостандығынан айыру жазасын тағайындауды сұрады.

«Аса ірі көлемде қылмыстық жолмен алынған кірістерді заңдастыру» бабы бойынша да кінәлі деп танып, 6 жылға бас бостандығынан айыру және мүлкін тәркілеу жазасын тағайындауды ұсынды.

Жазаларды ішінара қосу арқылы түпкілікті жаза ретінде 8 жылға бас бостандығынан айыру және мүлкін тәркілеу түріндегі жаза тағайындауды сұрады.

Жазаны қауіпсіздігі орташа қылмыстық-атқару жүйесі мекемесінде өтеуге үкім шығаруды сұрады.

Сотталушыларға Қылмыстық кодекстің келесі баптары...

Қазақстанда шетел азаматтарына көрсетілетін көші-қон қызметтерін біртұтас цифрлық форматқа көшірілмек. Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді.

Министрдің айтуынша, қазіргі көші-қон жүйесінде иммигранттар әр кезеңде жеке қатысуға мәжбүр. Мәселен, виза рәсімдеу, жеке сәйкестендіру нөмірін (ЖСН) алу, түрлі рұқсаттар мен мәртебеге өтініш беру қызметтері жеке-жеке ұсынылады. Мұндай қызметтер саны 10-ға дейін жетеді және олардың барлығы бір деректердің бірнеше мәрте тексерілуімен қатар жүреді.

Мәдиев бұл рәсімдер бірыңғай ақпараттық жүйе болмағандықтан, процес барысында кідірістер мен қателік жиі кездесетінін атап өтті. Сондай-ақ бұл жағдай мемлекеттік органдардың жүктемесін арттырады.

Осыған байланысты министрлік көші-қон жүйесіне реинжиниринг жүргізіп, жаңа цифрлық модельді енгізуд...

Перизат Қайрат ісінде жарыссөз басталды. Прокурор сотталушы Перизат Қайратты 10 жылға бас бостандығынан айыруды сұрады.

Прокурорлар қылмыстық істе жазаны жеңілдететін мән-жайлар жоқ екенін айтады. Керісінше, жазаны ауырлататын жағдайлар бар деп есептейді, себебі әрекет төтенше жағдай кезінде жасалған.

Прокурор Арман Казекен жарыссөз барысында соттан Перизат Кайратты ҚР ҚК 190-бабы 4-бөлігінің 2-тармағы бойынша – «Алаяқтық» қылмысын жасағаны үшін кінәлі деп тануды сұрады. Осы бап бойынша оған 8 жылға бас бостандығынан айыру жазасын тағайындауды ұсынды.

Сондай-ақ, ҚР ҚК 218-бабы 3-бөлігінің 3-тармағы – «Аса ірі көлемде қылмыстық жолмен алынған кірістерді заңдастыру (жылыстату)» бойынша 7 жыл мерзімге бас бостандығынан айыру, мүлкін тәркілеу жазасын тағайындауды сұрады.

Үкіметте денсаулыққа зиянды және қауіпті 7 мыңға тарта жұмыс орнын цифрландырыландыру жоспары туралы айтты. Осы ретте журналистер тарапынан «ол жерде істейтін мамандар қайда жіберіледі, олардың зиянды еңбек үшін алатын жалақысы сақтала ма» деген сауал қойылды.

Сауалға жауап берген «QazIndustry» Қазақстандық индустрия және экспорт орталығы» АҚ басқарма төрағасының орынбасары Айдар Қожахметов өндірісті цифрландыру жолымен оңтайландыру жүрген кезде жұмыс орны мен жалақы мөлшерін сақтап қалуға басымдық берілетінін жеткізді.

«Корпоративтік мекемелер арасында жұмыс орындары бөлініп, мамандар айта үйретіліп, қажетті жерге жіберіліп отырады. Ол жерде жалақы индексациясы болады. Мамандар айлығының көлемі сақталады«, – деді ол.

Бұған дейін, 2026 жылдан...

Әйелін суицид жасауға итермелеп, 1,5 жылға сотталған 51 жастағы Мұхитжан Сейдуәлиевтің ата-ана құқығы шектеліп, алимент төлеуге міндеттелді. Істі – Шымкент қаласының кәмелетке толмағандардың істері жөніндегі мамандандырылған ауданарарлық соты қараған. Марқұм әйел мен сотталушының ортақ 7 баласы болған. Олардың бесеуі кәмелет жасқа толмаған.

Қалалық соттың дерегінше, қалалық білім басқармасының кәмелетке толмағандарды бейімдеу орталығы мен қалалық денсаулық сақтау басқармасының мамандандырылған бөбектер үйі сотқа жүгінген. Екі ведомство Сейдуәлиевті кәмелет жасқа толмаған 5 баласына қатысты ата-ана құқығын шектеу және алимент өндіру туралы талап арыз түсірген. Балалардың үлкені – 16 жаста, кенжесі 3 жаста.

Сотта балалардың анасы қайтыс болғаны, ал әкесі 1 жыл 6 айға...

Шымкенттегі автосалондардың бірі ақауы бар жаңа көлікті сатып жіберген. Тұтынушының құқығын қорғауға билік араласты. Бұл туралы Сауда және интеграция министрлігі хабарлайды.

2025 жылғы мамыр айында Түркістан облысының тұрғыны Шымкент қаласындағы автосалоннан кепілдігімен жаңа қытай көлігін сатып алады. Алайда алғашқы күннен бастап көліктің трансмиссия мен басқару электроникасы жүйесінде ақау пайда бола бастайды. Көлік бірнеше мәрте жөндеуге тапсырылса да, мәселе толық шешілмей, ақау қайталанып отырған.

Автосалонға ресми шағым жіберіп, көлікті жаңасына ауыстыруды немесе ақшаны қайтаруды талап еткен тұтынушы нақты жауап ала алмаған. Содан кейін ғана ол Шымкент қаласы бойынша Сауда және тұтынушылардың құқықтарын қорғау департаментіне жүгінеді.

Мекеме қызметкерлері «Тұтынушылардың құқықтарын қорғау...

Шілденің үшінші аптасында қазақстандық «Байдың баласы» фильмі елдегі прокат көшін бастап, голливудтық туындыларды артта қалдырды. Ticketon мәліметінше, 17 шілдеде жарық көрген отандық комедия небәрі бірнеше күн ішінде 183 971 436 теңге табыс жинады.

Қалған фильмдер:

«Байдың баласы»

Фильмнің режиссері – Аблусаид Шайхисламұлы. Басты рөлдерде Ислам Бермағанбет, Ақболат Өтебай және Динара Мирасбек ойнайды. Жанры – отбасылық комедия, ұзақтығы – 1 сағат 20 минут, жас шектеуі – 6+.

«Байдың баласы» – күлкі мен көз жас қатар өрілетін, отбасылы...

Перизат Қайрат ісінде сот тергеуі аяқталып, сот жарыссөзі басталды. Мемлекеттік айыптаушы Мадина Оразалина сотталушыларға қандай айып тағылғанына тағы бір тоқталды.

«Перизат Қайрат науқас балаларға, су тасқынынан зардап шеккендерге, Палестина халқына көмектесемін деп уәде берді. Ол үшін Перизаттың қолында барлық мүмкіндік те, халықтың қолдауы да болды. Алайда ол игі ниетті жеке пайдаға айналдырды», – деді прокурор Мадина Оразалина.

Айтуынша, 2021 жылдан 2025 жылға дейін Перизат Кайрат анасы Ғайни Алашбаевамен бірге 3,5 миллиард теңгеден астам қаражатты иемденген. Жиналған қаржы сән-салтанатқа жұмсалған: элиталық көліктер, бес жұлдызды қонақүйдегі демалыстар, үй мен пәтерлер. Сотталушы Кайрат пен Алашбаеваға бірнеше бап пен...

Қазақстан мен Өзбекстан құқық қорғау органдары жер асты жолымен заңсыз жанар-жағармай өткізумен айналысқан халықаралық қылмыстық топтың жолын кесті. Бұл туралы Қазақстанның Қаржы мониторингі агенттігі хабарлады.

Қылмыстық топ екі елдің шекарасында ұзындығы 450 метр болатын жерасты туннелін қазып, сол арқылы жанар-жағармай тасымалдаған. Заңсыз әрекет екі ай бойы жалғасқан.

Тергеу барысында контрабандалық схема толық әшкереленді. Топ шетелден қаржы алып отырған. Сонымен қатар логистика мен мұнай өнімдерін шығару да жақсы ұйымдастырылған.

Операция кезінде Өзбекстан тарапы да өз аумағында тиісті шаралар қабылдады. Барлық қатысушы анықталды. Олардың қатарында Өзбекстан азаматтары да бар.

Қазақстан жағынан бес адам күдікті ретінде танылып отыр. Қазіргі таңда тергеу аяқталып...

Qarmet кәсіпорынын жаңғыртуға 3,5 млрд доллар көлемінде инвестиция тартылады.  Соның арқасында  болат өндірісін 5 млн тоннаға ұлғайтуға, көмір химиясын дамытуға және 2028 жылға қарай зиянды шығарындыларды 20 %-ға азайтуға мүмкіндік береді. Бұл туралы Үкімет отырысында Өнеркәсіп және құрылыс вице-министрі Олжас Сапарбеков мәлімдеді.

Вице-министр шығарылатын өнімнің түрін кеңейту және сапасын арттыру мақсатында отандық өндірушілермен кооперациялық ынтымақтастық дамып келе жатқанын айтады.

«Qarmet мырыш болатынан автобус корпусының қаптамалары мен ыстық прокаттан рама тораптары жасалуда. Суық прокаттан тұрмыстық техника корпустары шығарылып жатыр»,– деді вице-министр.  

Олжас Сапарбековтың айтуынша,  биыл Qarmet жазық прокатынан әртүрлі диаметрдегі
тік тігісті құбырлар өндірісін іске қоспақшы...

Ұлттық банк 2014 жылдан бері «Тау-Кен Алтын» зауытынан 252 тонна алтын сатып алды. Ал Қазақстан алтын қорының көлемі 52,8 млрд долларға жетті. Үкімет отырысында осындай мәлімет айтылды.

«Тау-Кен Самұрық» басқарма төрағасы Нариман Әбсеметовтің айтуынша, 900 млрд теңге активі бар компанияға «Тау-Кен Алтын» зауыты, Жосабай, Қаратас, Ақбұлақ, Солтүстік Қатпар және Жоғарғы Қайрақты кен орнындарын игеру жобалары кіреді. Бұдан бөлек, компания инвестиция тартумен де айналысады.

Компания мақсаты – елдің алтын қорын толтыру ғана емес, сирек кездесетін металдарды өндіру жобаларын дамыту.

«Тау-Кен Алтын» зауыты 2014 жылы іске қосылған. Соның арқасында екі жылдан кейін Қазақстанда алтын өндірісі екі есе артты. Осы уақытқа дейін...

Заңгер Жанна Оразбақова жұртшылыққа кезекті ісінің мән-жайын жариялап, бұрынғы күйеуі мүгедек қылып, ажарынан айырған Алтынай есімді әйелдің тағдыры үшін күресіп жатқанын мәлімдеді.

Заңгердің айтуынша, 2022 жылғы наурызда Алтынайды экс-күйеуі сабап, көз ұясын сындырып, көру қабілетін нашарлатқан, бет сүйегі мен мұрын қуысын сындырған. Содан бері бетіне төрт рет күрделі ота жасалған. Оның соңғысы былтыр қазан айында Кореяда болып, 8 сағатқа жалғасқан. Алда әлі бірнеше ота жасалуға тиіс.

Алтынай бұрынғы күйеуін сотқа беріп, оталарға кеткен шығынды өндіріп алмақ болған. Сот оның талабын жартылай қанағаттандырған.

Алайда ер адам бұрынғы әйелін «пластикалық операцияға ақша өндіріп алғалы жатыр» деп Астана қалалық сотына апелляция беріп...

Бүгін, 22 шілдеде алматылық «Қайрат» футбол клубы Финляндияның Куопио қаласында жергілікті КуПС командасына қарсы Чемпиондар лигасының екінші іріктеу кезеңіндегі алғашқы ойынын өткізеді.

Бұл ойында тек келесі кезеңге жолдама ғана емес, сонымен қатар, Еурокубоктардың топтық кезеңіне жол ашатын маңызды мүмкіндік тұр. КуПС пен «Қайрат» арасындағы жеңімпаз, тіпті одан кейінгі кезеңдерде жарыстан шығып қалса да, Конференциялар лигасының топтық кезеңіне қатысуға кепілдік алады.

Финляндиялық КуПС алғашқы іріктеу кезеңінде Молдованың «Милсами» командасын жолдан тайдырды: бірінші ойында 1:0 есебімен жеңіске жетіп, жауапты кездесуде 0:0 есебімен тең ойнады.

Ал «Қайрат» Словенияның «Олимпиясына» қарсы алғашқы ойында сырт алаңда 1:1 есебімен тең түсті. Алматыда өткен жауапты кездесуде...

Қазақстан Үкіметі 2030 жылға дейін металлургия саласын қарқынды дамытуға ниетті. Бұл мақсатқа жету үшін елде жаңа кен орындарын игеру, өңдеу қуаттарын арттыру және қосылған құны жоғары өнім шығаруға басымдық беріледі. Үкімет отырысында Өнеркәсіп және құрылыс вице-министрі Олжас Сапарбеков осы салада жүзеге асатын нақты жобалар туралы айтты.

Жоспарға сәйкес, Айдарлы, Көксай және Бенқала сияқты ірі жаңа кен орындарының іске қосылуы есебінен Қазақстанда мыс өндіру екі есе артып, жылына 300 млн тоннаға дейін жетпек.

Мыс өндірісімен қатар оның өңделу көлемі де ұлғаймақ: катодты мыс өндірісі Жамбыл облысында жүзеге асырылатын жобалар аясында дамиды. Сонымен бірге, елімізде алюминий өңдеу көлемі 50%-ға...

Қазақстан Ішкі істер министрлігі азаматтарды интернеттегі алаяқтардан сақ болуға шақырып, романтикалық қатынастар арқылы жасалатын қылмыстардың көбейгенін ескертті.

Мәселен, әлеуметтік желіде өздерін шетелдік ретінде таныстыратын алаяқтар махаббат іздеген адамдарды арбап, олардың сеніміне кіреді. Алғашында жылы сөздер, романтикалық хаттар, кездесу туралы уәделер мен тіпті үйлену жайлы әңгімелер айтылады. Бірақ артынша қиын жағдайға түскендей, көмек сұрауға көшеді.

Астана қаласының тұрғыны интернет арқылы танысқан адамына сеніп, 9 млн теңгеден астам қаражатынан айырылған.

ІІМ алаяқтардың әрекеттерінен сақ болу үшін мына белгілерге назар аударуға кеңес береді:

Владимир Путин соғыс кезінде қудалауды күшейткен тұста, Ресейде Сталин қайта дәріптеліп жатыр. Мәскеудегі метрода оның ескерткіші жаңартылды, ал Волгоград әуежайы Сталинград болып өзгерді. Бұл туралы Bloomberg жазды.

Агенттік Мәскеу қаласындағы «Таганская» метро станциясында күнде мыңдаған жолаушы Сталиннің қайта жөнделген ескерткіші алдынан өтетініне мән берді. Бұл уақытта Ресей президенті Владимир Путин репрессияны күшейтіп жатыр, ал Украинаға қарсы соғыс төртінші жылға созылып барады. Енді Иосиф Сталин миллиондаған азаматтың өміріне жауапты совет диктаторы емес, Екінші дүниежүзілік соғыстың жеңімпаз көсемі ретінде қайта оралып жатыр, деп жазды Bloomberg.

Ресей коммунистік партиясы парламенттегі екінші ірі саяси күш. Ол шілде айында Сталинді толық ақтап шығуға дауыс...

2024 жылы «Қазақфильм» кейінгі жеті жылда алғаш рет өзін-өзі ақтайтын деңгейге жетті. Бұл – Мәдениет және ақпарат министрі Аида Балаеваның пікірі. Бұл туралы министр Aikyn.kz сайтына берген сұхбатында айтқан. Сондай-ақ киностудия төңірегіндегі мәселелерге тоқталған.

Заңға өзгеріс енгізілді

Айтуынша, заңнамалық деңгейде мемлекеттік кино­қаржыландырудың жалпы көлемінің кемінде 30%-ы жыл сайын «Қазақфильмге» бағытталатын тетік енгізілді.

«Бұл норманы іске асыру мақсатында биыл «Қазақфильмге» үш коммерциялық кино жобаны түсіруге 336 млн теңге көлемінде қаражат бөлінуде. Қазір киностудия келіссөздер жүргізе бастады. Бұл жерде ескерер дүние, мемлекеттен бөлінетін әр тиынның есебі, сұрауы бар. Сондықтан бұл қаражат сараптаудан өткен, лайықты деп танылған...

Қазақстанның өңірлері ірі жер сілкінісіне дайындалады / коллаж: Kursiv.Media

23-24 шілдеде Қазақстанда республикалық «Жер-2025» командалық-штабтық оқу-жаттығуы өтеді. Оның барысында зілзала кезіндегі әрекеттер пысықталады. Тоғыз өңірде дабыл қағылады. Бұл туралы Төтенше жағдайлар министрлігінің баспасөз қызметі хабарлады.

Министрліктің мәліметінше, 24 шілдеде сағат 10:00-де жойқын жер сілкінісі болуы ықтимал сейсмикалық қауіпті өңірлерде дабыл қағылады. Алматы, Шымкент қалалары мен Абай, Жетісу, Алматы, Шығыс Қазақстан, Жамбыл, Қызылорда және Түркістан облыстарында «Баршаның назарына!» сирена-сөйлеу құрылғылары іске қосылады. Сонымен бірге адамдар көп жиналатын нысандарда сейсмикалық жаттығулар өтеді.        

«Оқу-жаттығу азаматтық қорғау мемлекеттік жүйесінің жойқын жер сілкінісі салдарынан туындаған төтенше жағдайды жоюға дайынды...

ҚР Қорғаныс министрлігінің бұрынғы әскери қызметкері Астанадағы екінші пәтерін жекешелендіруге рұқсат алу үшін сотқа арызданды. Бұл туралы Астана қалалық соттың баспасөз қызметі мәлімдеді.

Соттың мәліметінше, азамат 1994 жылдан 2006 жылға дейін әскери қызметте болған, ал 2023 жылдан бері Қорғаныс министрлігінің зейнеткері саналады. 1999 жылы қызметтік қажеттілікке байланысты Астанаға ауыстырылып, 2004 жылы оған қызметтік пәтер берілген. 2006 жылы бұл тұрғын үй бойынша жалдау шарты рәсімделген. Сол жылдың 4 қазанында денсаулық жағдайына байланысты қызметтен босатылған. Күнтізбелік есеппен жалпы еңбек өтілі 26 жыл 3 айды құрайды.

2023 жылы бұрынғы әскери қызметкер аталған пәтерді қалдық құны бойынша жекешелендіруге өтініш білдірген. Алайда оған 2001 жылы...

АҚШ президенті Дональд Трамп «қажет болып жатса», Иранның ядролық нысандарын тағы да атқылауға уәде берді. Бұл туралы ол өзінің Truth Social әлеуметтік желісіне жазды.

Құрама Штаттар президенті Иранның сыртқы істер министрі Аббас Арагчидің ядролық нысандар туралы мәлімдемесіне осылай деп жауап берді. 21 шілдеде министр Fox News телеарнасына сұхбат беріп, елде уран байыту жұмысы тоқтап тұрғанын айтқан. Себебі, министрдің сөзінше, елдің ядролық нысандары «аса күрделі, ауыр» зақымданған.

Алайда Иран уран байыту ісінен бас тартқысы жоқ. Өйткені бұл мемлекеттің «ұлттық мақтаныш мәселесіне» айналып үлгерді.

«Әлбетте, мен қалай айттым, солай болды. Қажет болса, тағы қайталай аламыз», – деп...

Украина президенті Владимир Зеленскийдің мәлімдеуінше, Ресеймен келіссөздердің келесі кезеңі осы аптада Түркияда өтпек.

«Бүгін мен Рустем Умеровпен тұтқын алмасу және ресейлік тараппен Түркияда өтетін тағы бір кездесу бойынша дайындықты талқыладым. Умеров кездесудің сәрсенбіге жоспарланғанын жеткізді», – деді Зеленский.

Келіссөздердің күні әлі нақтыланбады

ТАСС агенттігі ресейлік дереккөзге сілтеме жасап, келіссөздер 24 шілдеде өтетінін хабарлады. Алайда делегациялар Ыстанбұлға 23 шілдеде келуі мүмкін екенін де жоққа шығармады. Артынша, ТАСС Түркиядағы дереккөзге сүйене отырып, келіссөздердің нақты күні 23 шілде екенін жазды.

Германия Украинаға бес Patriot жүйесін беруге ниетті

Сол күні, 21 шілде...

Қазақстанда жазғы демалысты өткізуге болатын ең жайлы әрі ерекше өңірдің бірі  – Ақтау. Каспий теңізінің жағалауында орналасқан бұл қала саяхатшыларға теңіз жағажайы, күнге қыздырыну, табиғи сұлулық пен тарихи орындармен қатар, заманауи инфрақұрылым мен демалыс нысандарын ұсынады. Ақтауда нені көруге болады, бұл қалаға қалай жетуге болады? Сізге Ақтауға саяхат жайлы қысқаша әрі пайдалы шолу ұсынамыз.

Жартасты соқпақ

Жартасты соқпақ – Ақтаудың басты визит карталарының бірі, Бор мүйісінің етегінде орналасқан. Соқпаққа төртінші ықшам аудан арқылы баруға болады, ұзындығы 1,5 шақырымға жетеді. Жартас пен теңіз арасын жалғасып тұратын көпір іспеттес.

Соқпақ жағалаудағы үлкен алаңның бір бүйірінен басталады. Үлкен ала...

Төтенше жағдайлар министрлігі Қазақстанның бірнеше өңірінде 43 градусқа дейін ыстық болатынын, өрт қаупі жоғары екенін ескертті.

22-25 шілде аралығында Маңғыстау облысында +35+40°С, облыстың оңтүстігінде +43°С ыстық болады. Өрт шығу қаупі жоғары.

22-28 шілде аралығында Алматы облысында ауа температурасы күндіз +37+42°С өте қатты ыстыққа дейін жоғарылайды. Өрт шығуы мүмкін.

22-28 шілде аралығында Жетісу облысында ауа температурасы +37+42°С өте қатты ыстыққа дейін жоғарылайды. Өрт шығу қаупі жоғары.

22-28 шілде аралығында Түркістан облысында +36+41°С қатты ыстық сақталады. Өрт шығуы мүмкін.

23-25 шілде аралығында Қызылорда облысында +36+41°С қатты ыстық болады. Өрт шығу қаупі жоғары.

22-25 шілде аралығында Ұлытау облысында ауа температурасы күндіз +34+39°С, облыстың оңтүстігінде +41°С дейін ыстық болады...