Жаңалықтар

Профессор Уәлихан Бишімбаевтан 990 мың долларды алаяқтық жолмен иемдену ісінде куә ретінде жауап алынды.

Істің мән-жайы

Бишімбаевтар отбасы туысы Бекзат Кемеловамен соттасып жатыр.

Қуандық Бишімбаевтың анасы Альмира Нұрлыбекова 990 000 долларды көк түсті шабаданға салып, Бекзат Кемеловаға берген. Ал Кемелова бұл ақшаны өз қалауы бойынша пайдаланып, қайтармаған. Оған дейін Бишімбаевтың отбасын және туыстарын сыбайлас жемқорлыққа қарсы іс-қимыл агенттігі тексеріп жатқанына айтып, қолма қол ақшасын сенімді жерде сақтауға сендірген.

Содан кейін Бекзат Кемеловаға қылмыстық кодекстің 190-бабы (алаяқтық) бойынша іс қозғалған.

Бекзат Кемелова – Уәлихан Бишімбаевтың бөлесі Қайрат Кемеловтің әйелі.

«Ақшаны енді көрмейсің»

Уәлихан Бишімбаевтың айтуынша, Бекзат Кемелова күн...

Ақтөбеден Алматыға ұшқан SCAT ұшағының бортында жолаушының жағдайы қиындап, дәрігерлер оны құтқара алмады, деп хабарлайды SCAT әуекомпаниясының баспасөз қызметі.

«Ақтөбе-Алматы DV712 рейсінің кезінде бір жолаушының жағдайы кенеттен нашарлаған. Кабина экипажы дереу медициналық хабарлау рәсімін бастап, алғашқы медициналық көмек көрсетуге кірісті. Медициналық дайындықтан өткен жолаушылардың бірі кардиолог-дәрігер бортсеріктермен бірге реанимациялық іс-шараларды өткізген», – делінген хабарламада.

Ұшақ командирі мүмкіндігінше қысқа мерзімде қонуға тырысып, Ақтөбе әуежайына оралу туралы шешім қабылдаған. Қонғаннан кейін жолаушы жедел жәрдем бригадасына тапсырылып, реанимациялық шараларды жалғасқан. Алайда кейінірек оның қайтыс болғаны белгілі болды.

«Экипаж белгіленген авиациялық және медициналық хаттамаларға сәйкес...

Мәжіліс депутаты Еділ Жаңбыршин «Жасыл даму» АҚ-ны утильсбордан түскен ақша экологияға ғана емес, басқа да мақсаттарға жұмсалғаны үшін сынға алды. Мысал ретінде ол автобустар, өрт сөндіру машиналары мен жедел жәрдем көліктерін сатып алуды келтірді.

Ол Қазақстанда жыл сайын шамамен 5 миллион тонна қоқыс жиналатынын, бірақ 5-10% ғана қайта өңделетінін айтты. Қалған 90% қоқыс полигондарға жіберіледі. Оның айтуынша, қалдық полигондарындағы жағдай өте қиын. Нақты статистика жоқ, заңсыз полигондар толы және қайта өңдеу саласы баяу дамуда.

«Қайта өңдеу ақшасы тек экологиялық мәселелерге жұмсалуы керек. Енді заң бойынша кәдеге жарату үшін автобустар, өрт сөндіру машиналары, жедел жәрдем машиналарын сатып...

Сәрсенбі, 10 желтоқсан күні Бакуде Чемпиондар лигасының жалпы кезеңіндегі алтыншы тур ойыны өтеді. Бұл кездесуде әзербайжандық «Қарабах» клубы нидерландтық «Аякс» командасын қабылдайды.

Матчтың тікелей трансляциясы Астана уақытымен 22:45-те басталып, «Qazsport» телеарнасынан көрсетіледі.

Бес тур қорытындысы бойынша «Қарабах» 7 ұпай жинап үлгерді. Әзербайжандық клуб португалиялық «Бенфиканы» (3:2) және даниялық «Копенгагенді» (2:0) сенсациялық түрде жеңіп, ағылшынның «Челсимен» (2:2) тең ойнады. Сонымен қатар, испаниялық «Атлетиктен» (1:3) және италиялық «Наполиден» (0:2) жеңіліс тапты.

Ал «Аякс» әзірге жалпы кезеңдегі ең сәтсіз командалардың бірі. Нидерландтық ұжым бес матчтың бәрінде жеңіліп, бірде-бір ұпай жинай алған жоқ. Амстердамдық клуб «Интерге» (0:2), «Марсельге» (0:4), «Челсиге...

Ұлттық Банктің бірнеше ай бойы жүргізген еңбегі бір аптаның ішінде құнсызданды. 10 желтоқсанда Қазақстан қор биржасындағы (KASE) валюта саудасы барысында 1 доллар 518,22 теңге болды. Енді көк ақша айырбас мекемелерінде 523 теңгеден сатылып жатыр.

Осылайша ұлттық валюта бір тәуліктің ішінде тағы да 3,39 теңгеге құлдырады. Төл теңге айналдырған жеті күнде шамамен 15 теңгеге құнсызданды. 3 желтоқсанда ғана доллар бағамы 502 теңге болған еді.

Ұлттық Банк 2025 жылғы жаздан бері төл теңгені нығайту мақсатында әуелі интервенция жасап, одан соң «айналау» әрекетіне көшкен. Соның арқасында доллар 550-ден 500 теңгеге дейін түскен. Сол үшін бас банк миллиардтаған доллар жұмсаған.

Дегенмен қазір...

Әзербайжанның Сумгайыт қаласында туған анасының банк картасынан төрт ай бойы ақша ұрлап келген ер адам ұсталды.

Report ақпаратына қарағанда, мұны құқық қорғау органдары әшкереледі.

Олардың мәліметінше, қала тұрғыны осы уақытқа дейін 4 244 манат ұрланған. Бұл – шамамен 1 100 000 теңге.

Сумгайыт қалалық полиция басқармасының қызметкерлері оқиғаны мұқият зерттеп, жәбірленушінің мобильді банк қосымшасына және карта шотына сырттан киберлік араласу белгілерін анықтай алмаған. Сондықтан «бұл ұрлыққа жәбірленушінің отбасы мүшелерінің бірінің қатысы бар» деген қорытындыға келеді.

Жедел-іздестіру шаралары барысында жәбірленуші әйелдің ұлы Х. Ахмедов ұсталды. Тергеу мәліметінше, ол төрт ай бойы анасының телефондағы мобильді банк қосымшасына жасырын кіріп, ақша қаражатын...

«Кең дала 2» бағдарламасы бойынша өтінім қабылдау 1 қазанда басталған. Оларға 150 млрд теңгеге жуық қаражат бөлінеді.

Үкіметтің хабарлауынша, бүгінгі таңда жалпы сомасы 149,6 млрд теңгені құрайтын 1 мыңнан астам ауыл шаруашылығы тауарын өндірушілерінің тізімі жасақталған.

«Ерте қаржыландыру аграрлық сала өкілдеріне келер жылғы ауыл шаруашылығы маусымына тиімді дайындалуға, жанар-жағармайды тиімді бағамен алуға, тыңайтқыш сатып алуға, ауыл шаруашылығы техникасын жөндеуге және қажетті тұқым қорын қалыптастыруға мүмкіндік береді. Осы кезеңде қаржылық ресурстарға қолжетімділік – егіс науқанын табысты өткізудің негізгі шарттарының бірі», – деп хабарлайды Үкімет.

Бағдарлама бойынша жылдық 5 пайызбен жеңілдікпен сыйақы мөлшерлемесі көзделген. Бөлінген...

9 желтоқсан күні Алматы қаласында ақын Олжас Отардың «Ауырмайды жүрек» атты шығармашылық кеші өтті. Әдеби және музыкалық форматта ұйымдастырылған бұл кешке қазақ эстрадасының белгілі өкілдері қатысты.

Кеш барысында сахнада Саят Медеуов, Досымжан Таңатаров, Қайрат Нұртас, Қанат пен Света, Тоқтар мен Бейбіт, Ернар Айдар, Әлішер Кәрімов және Абай Бегей өнер көрсетті. Сондай-ақ, сахнаға Мұқасан Шахзадаевтың да шыққаны байқалды.

Ақын Олжас Отар өзінің Instagram парақшасында жариялаған видеода Мұқасан Шахзадаевтың сахнада ән айтып тұрған сәті көрінеді. Бұдан бөлек, әнші Досымжан Таңатаров Instagram стористерінде Мұқасанмен бірге түскен суретін де бөлісті.

Еске сала кетейік, бұған дейін Мұқасан Шахзадаевқа қатысты адам ұрып-соғу дерегі бойынша...

2025 жылы дәрігерлер феталдық хирургияның арқасында құрсақтағы 105 сәбидің өмірін сақтап қалған.  

Бұл туралы Денсаулық сақтау министрлігінің баспасөз қызметі хабарлады.

«Биыл Қазақстан жүкті әйелдерге мамандандырылған көмектің қолжетімділігін кеңейтті. Туа біткен даму кемістіктерін ерте анықтау жүйесін күшейтті. 18 перинаталдық орталықтың базасында «Бір күндік клиникалар» жұмыс істейді. Онда 100 мыңға жуық жүкті әйел бір реттік келу шеңберінде зерттеп-қарауларды қоса алғанда, 500 мыңнан астам қызмет алды», – делінген хабарламада.

Бұл бағдарламаның арқасында ұрықтың туа біткен кемістіктерін анықтау 13%-ға өскен. Пренаталдық скринингтермен қамту 8%-ға ұлғайған. Даму кемістіктерінен нәресте өлімінің 15%-ға және мүгедектік 7,5%-ға төмендеген.

Бұған жоғары технологиялы...

Бүгін Тоқаев «Қазақстан Республикасындағы цифрландырудың кейбір мәселелері туралы» туралы заңға қол қойды.

Президенттің жарлығына сәйкес, 2026 жылғы 1 қаңтардан бастап мемлекеттік органдар мен квазимемлекеттік сектордағы ұйымдардың жеке IT жүйе құруына мораторий енгізілді. Яғни барлығы бірдей QazTech «электрондық үкіметі» ақпараттық-платформасының аясында жұмыс істеуі керек.

Ал жаңа ақпараттық өнімдерді QazTech платформасында дайындау мүмкін болмаған кезде әрбір жағдайды Президент жанындағы цифрландыруды енгізу мәселелері жөніндегі комиссия қарайды.

QazTech Ltd. компаниясы 2025 жылы 9 сәуірде тіркелген. «Ұлттық ақпараттық технология» АҚ және BTS Digital ортақтасып құрған. Жаңа компания IT жобалар басқарумен, бағдарламалық қамтамасыз етумен айналысады. Халықаралық «Астана» қаржы орталығының базасында тіркелген.

Осы жылы...

2025 жылдың үшінші тоқсанының қорытындысы бойынша iPhone 16 әлемдегі ең көп сатылған смартфон атанды. Үздік ондықтың ішінде Apple мен Samsung-тың үлесі тең – әрқайсысы бес модельден кірді. Бұл он модель үш ай ішінде әлемдік смартфон сатылымының 20%-ын құраған.

Бұған қоса, тарихта алғаш рет рейтингтің алғашқы бес орнын 5G технологиясын қолдайтын смартфондар иеленді. Бұл – 5G-дің жаһандық тұтынушылар үшін стандартқа айналып, аса маңызды технология ретінде қалыптасқанын білдіреді.

iPhone 16-ға сұраныс жоғары

Үшінші тоқсанда көшбасшы атанған iPhone 16 жалпы сатылымның 4%-ын иеленді. Бұл көрсеткішке Үндістандағы мерекелік акциялар кезіндегі сатылымның күрт өсуі мен Жапония нарығындағы сұраныстың қайта жандана бастауы ықпал...

Президент жарлығымен Әсел Жанасова президент әкімшілігі басшысының орынбасары болып тағайындалды. Ол бұрынғы атқарған лауазымынан босатылды. Бұл туралы Ақорда хабарлады.

37 жастағы топ-менеджер 2025 жылғы маусымда «Қазпошта» басқарма төрағасы қызметінен кеткен. Жанасова оны үш жыл басқарған. Содан кейінгі бес айда президент кеңесшісі болған.

Кембридж университетінде білім алған Әсел 2020-2022 жылдары сауда вице-министрі қызметін атқарған. Ал оның алдында Ұлттық банкте, «Астана» қаржы орталығында, сонымен бірге «Зерде» холдингінде істеген.

Қазір мемлекеттік кеңесші қызметін Ерлан Қарин, президент әкімшілігінің басшысы лауазымын Айбек Дәдебай атқарып отыр. Ал оның орынбасары қызметіне 2025 жылғы қыркүйекте Ерболат Досаев тағайындалған. Алматы қаласын үш жыл басқарған шенеунікт...

19 жасқа дейінгі футболдан 2025/26 жылғы Еуропа чемпионатының элиталық кезеңіне жеребе тартылып, Қазақстанның U19 жасөспірімдер құрамасы 5-топқа түсті. Бұл топта қазақстандық жас футболшылар Украина, Румыния және Солтүстік Ирландия құрамаларымен сынға түседі.

Элиталық кезең ойындары 2026 жылғы 25–31 наурыз аралығында Румынияда өтеді. Турнирдің бұл сатысына барлығы 28 құрама қатысып, жеті топқа бөлінген. Әр топтың жеңімпазы 2026 жылдың 28 маусымы мен 11 шілдесі аралығында Уэльсте өтетін Еуропа чемпионатының финалдық кезеңіне жолдама алады.

Финалдық кезеңге турнир қожайыны ретінде Уэльс құрамасы автоматты түрде қатысады.

Еске сала кетейік, Қазақстанның U-19 жасөспірімдер құрамасы Еуро-2026 элиталық турниріне алғаш рет жолдама алды.

Астанада Тәуелсіздік күніне құрметті өзгеше форматта көрсете білген дүкен көпшіліктің назарын аударды. Елордағы Шәмші Қалдаяқов көшесі, 44 мекенжайында орналасқан «Әзірет» азық-түлік дүкені көк түсті шарлар мен көк туымызды іліп, сауда орнын мерекеге орай әсем безендірген.

Бұл игі бастамаға Нұрлан Қоянбаев та қолдау білдіріп, дүкенге арнайы барып, өз әсерімен әлеуметтік желіде бөлісті. Сонымен қатар Threads желісіндегі zzhantaeva21 есімді қолданушы дүкеннің бастамасын көпшілікке жеткізіп, маңызды ой қалдырған.

«Жаңа жыл деген әрине жақсы, бірақ бұдан да маңызды мереке келе жатқанын ұмытпауымыз керек!», – деп жазды желі қолданушысы.

2021 жылы «ЖелДор Транс-Актобе» ЖШС-ға қарасты пойыз жаяу жүргінші әйелді қағып кеткен. Әйел екпінмен он метрге дейін ұшып түскен.

Өкінішке қарай, ауыр соққыдан жан тапсырған. Пойыз оқиға орнынан 400 метр жерге барып тоқтаған. Қылмыстық іс қозғалып, тексеру басталған. «Қылмыстық құрам» болмаған соң, іс жабылған. Алайда, арада екі жыл өткен соң, қайта қозғалып отыр.

Екі машинистке айып тағылды. Адвокаттарының айтуынша, олар 7 жылға дейін бас бостандығынан айырылуы мүмкін.

Алайда, баспасөз мәслихатында қайта көтерілген істің артында бизнестегі бақталастық тұруы мүмкін екені айтылды.

Мақсұт Досниязовтың уәжі

Мақсұт Досниязов өзінің ешқандай кінәсі болмағанын, барлық талаптарды мүлтіксіз орындағанын алға тартты.

Түркістан қаласында XIV ғасырдың соңында тұрғызылған архитектуралық ғимарат Қожа Ахмет Ясауи кесенесін аумағындағы ылғал қаупі төмендеді. Бұл туралы «Қазқайтажаңарту» мекемесі мәлімдеді.

Мекеме дерегінше, биыл кесене маңындағы суармалы көгалдар алынған. Орнына құрғақ қиыршық тас төселген.

«2021–2022 жылдары жергілікті қала әкімдігі кесене аумағына абаттандыру жұмыстарын жүргізіп, суару жүйесін орнатқан. Осыдан кейін мавзолейге жүрігізілеген ғылыми-зерттеу және зерделеу жұмыстарының қорытындысы бойынша «Қазқайтажаңарту» РМК жергілікке әкімдікке суармалы аумақтағы топырақ шамадан тыс ылғалдануын азайтып, абаттандырудағы суару жұмыстарын тоқтатуға ұсыныс берген. Қала әкімдігі оң шешім қабылдап, тиісті жұмыстарды атқарды. Құрғақ әрі қолайлы климатты қалыптастыратын ландшафты сақтау басты назарға алынды», – деді «Қазқайтажаңарту» мекемесін...

Алматы билігі жаңадан салынатын стадион сыйымдылығын 45 мың орынға дейін арттыру мәселесін қарастырып жатыр. Бұл туралы Kursiv.Media қала әкімдігінің мәліметіне сүйене отырып хабарлады.

Мегаполис басшылығы 2025 жылғы тамыздың аяғында 35 мың көрерменге арналған жаңа стадион салынатынын жариялаған. Сол кезде ірі спорт кешенінің макеті де таныстырылған. Жергілікті билік оны Құлжа тас жолы мен Талғар тас жолының арасында салуды көздеп отыр.

Енді қала әкімдігінің стадион жобасын өзгерткені мәлім болды. 10 желтоқсанда мәслихат сессиясында сөйлеген әкім Дархан Сабыталды оны 45 мың орынға дейін кеңейткелі жатқанын айтты. Құрылыс 2026 жылы басталып, 2027 жылдың аяғында аяқталады деп жоспарланған.

Сол...

Мәжіліс депутаты Айтуар Қошмамбетов Kursiv.media тілшісінің сұрағына берген жауабында Отбасы банктің «50/50» шарты бойынша пәтер алу көпшілікке қиын екенін айтты.

«Отбасы банк үй алу үшін баспана бағасының 50 пайызын талап етеді. Мұны Германия моделі деп атайды. Ал 50 пайызды жинау халыққа қиын. 85 мың теңге алатындар үшін тіпті арман десе де болады. Сіздер банктің осы ішкі ережесін өзгерту керек деп есептемейсіздер ме?» деген сұрақ қойды Kursiv.media тілшісі.

«Өзім де Отбасы банкте ақша жинап жүрмін. Қазір пәтерім жоқ. Пәтер бағасы жыл сайын қымбаттап барады. Келесі жылы алып үлгерем бе – өзім де білмеймін. Шынымды айтсам, 50 пайыз...

Өскемен арматура зауыты Каспий құбыры консорциумы үшін жабдықтар шығарады. Бүгін үкімет үйінде екі тарап ынтымақтастық туралы келісімге қол қойды.

Келісім бойынша Өскемендегі зауыт «КҚК-Қ» компаниясына Қазақстанда өндірілген жоғары технологиялық материалдар, жабдықтар жібереді. Сондай-ақ олар техникалық қызмет көрсетуді, жаңғыртуды, сынақтан өткізуді және жаңа инновациялық технологияларды бірге әзірлеп, енгізуді жоспарлап отыр.

Бұл бастама жергілікті өндірісті дамытуға, мұнай құбырларында отандық жабдықтың үлесін арттыруға, әрі Қазақстандағы ірі құбыр арматурасы өндірушісі мен мұнай тасымалдау саласының басты операторлары арасында тұрақты әріптестік орнатуға бағытталған.

Өскемен арматура зауыты Қазақстандағы және ТМД елдері арасында құбырларға арналған жабдық өндіретін ең ірі кәсіпорынның бірі саналады.

Каспий құбыр консорциумы – ірі халықаралық мұнай жеткізу жүйесі. Ол Қазақстан батысынан (негізінен Теңіз, Қарашығана...

Қазақстан мен Қытай арасындағы «Бақты» шекара бекетінде көкөніс пен жеміс-жидекке бақылау күшейіп, соның салдарынан кәсіпкерлер шығынға батып жатыр. Соған байланысты депутат Олжас Нұралдинов премьер-министрге сауал жолдады.

Мандарин шіріп кететін болды

Төменгі палата өкілінің айтуынша, көрші елден тауар таситын кәсіпкерлер көп шағымданып жатыр. Олар 2025 жылғы қарашаның аяғынан бастап шекарада бақылау күшейгенін, ішкі нарыққа өнім жеткізу қиындағанын, шығынға батқанын айтқан.

Атап айтқанда, Ауыл шаруашылығы министрлігіне қарасты Мемлекеттік инспекция комитеті «фитосанитария» туралы қаулы шығарған.

«Осы қаулыдан кейін фитосанитария қызметкерлері шекарадан өтетін кәсіпкерлерден әр көлік үшін міндетті зертхана сараптамасынан өтуді талап ете бастады», – деп мәлімдед...

Түркістан облыстық қылмыстық істер жөніндегі мамандандырылған ауданаралық соты Қазығұрт ауданы аумағында Ресейге жұмыс істеуге бара жатқан 4 Өзбекстан азаматының өмірін қиған жол-көлік апатына қатысқы үкім шығарды. Сот жүргізушіні 5 жылға бас бостандығынан айырды.

Мән-жайы

Сот кабинеті жүйесіне ілінген сот үкіміне қарағанда, 37 жастағы Өзбекстан азаматы Жамшид Исломов «Chevrolet Captiva» автокөлігімен Ресейге адам тасыған. Биыл 28 маусым күні әдеттегідей «Қапланбек» кеден бекетінен өткен. Шаршаулы күйде «Алматы-Термез-Ташкент» тас жолымен Шымкент қаласына қарай жолға шыққан. Қазығұрт асуына келгенде, көзі ілініп кетіп жүк көлігінің артынан келіп соқтығысқан. Салдарынан көлік ішінде болған Өзбекстанның Ресейге жұмыс істеу мақсатында жолға шыққан 4 азаматы ауыр дене жарақатынан...

Италияның аңызға айналған «Интер» футбол клубы әлеуметтік желідегі ресми парақшасында қазақстандық әнші Қайрат Нұртастың «Сені сүйем» әнін пайдаланып, ерекше жазба жариялады.

Клуб жазбасында: «Бүгін Чемпиондар лигасы қайта оралды. Сан-Сиродағы соңғы команда – Қайрат болды» деп әзіл-оспақ мәндегі мәтін қалдырған.

Сондай-ақ миландық клуб «Қазақстанға арналған тағы да контент үшін бізді қадағалаңыз» деп, қазақстандық жанкүйерлерге арнайы үндеу жасады.

Айта кетейік, бұған дейін алматылық «Қайрат» командасы Миланда «Интерге» қарсы кездесу өткізіп, матч 2:1 есебімен италиялық клубтың пайдасына аяқталған. Сол ойын қарсаңында «Интер» парақшасы қазақ аудиториясына арнап, Bayan Sulu-дың «Ауа райы» әнін қолданып, қазақша жазба жариялаған еді.

Футбол әлеміндегі ең мәртебелі трофей FIFA Әлем чемпионатының кубогы Алматыға әкелінеді. Кубок Қазақстанға жаһандық тур аясында келеді.

Бұл тур Coca-Cola компаниясының ұйымдастыруымен өтіп, 6 құрлықтағы 50 елді қамтиды. Алматылық жанкүйерлер алтын кубокты небәрі бірнеше сағат бойы тамашалай алады. Көрме 26 қаңтарда Республика сарайында өтеді. Осыдан кейін кубок өзінің халықаралық сапарын жалғастырады.

FIFA мәліметінше, таза алтыннан жасалған, салмағы 6,142 кг болатын түпнұсқа кубок Цюрихтегі музейінен тек екі жағдайда ғана шығарылады:

– FIFA Әлем чемпионатының ресми туры кезінде;
– Әлем чемпионаты өтіп жатқан уақытта.

Іс-шараға билеттер extrazone.com сайтында және ExtraZone мобильді қосымшасында қолжетімді.

Еске сала кетейік, жазда өтетін Әлем чемпионатының жеребес...

Енді Egov-қа кіру үшін SMS-тегі кодты теру жеткіліксіз, Face ID де қажет болады. Жасанды интеллект министрлігі Бас прокуратураның үйлестіруімен алаяқтардың әрекетінен қорғану үшін осындай жаңа шаралар енгізді.

Бұған дейін мемлекеттік ақпараттық ресурстар мен сервиске кіру үшін бір реттік код теру жеткілікті еді. Бірақ алаяқтар оны да айналып өтудің жолын тапты. Сондықтан министрлік қорғаныс талаптарын одан әрі күшейтуді талап етіп отыр.

«Енді 1414 SMS-шлюзін пайдаланатын ақпараттық жүйелерге кіру қосымша қорғалады және тек биометриялық аутентификация (FaceID), электрондық цифрлық қолтаңба (ЭЦҚ) немесе арнайы QR-код (eGov QR) арқылы ғана мүмкін болады», – деп мәлімдейді ведоство.

Бұл...