Жаңалықтар

«Қазақмыс» акционер ауыстыруға дайындалып жатыр. Корпорация президенті Владимир Ким мен директорлар кеңесінің төрағасы Эдуард Огай ортақ шешімге қол қойды. Бұл туралы Kursiv.Media компания таратқан мәлімдемеге сүйене отырып хабарлады.

Мыс өндіруші ірі кәсіпорынды сату жөніндегі келісімшартқа жақында қол қойылады. Компаниядағылар «Қазақмыс» қожайынын ауыстыру үшін Өнеркәсіп және құрылыс министрлігі мен Бәсекелестікті қорғау және дамыту агенттігінің арнайы рұқсаты қажет екенін ескертіп отыр.

«Сонымен бірге серіктестерді, кредиторларды, миноритарлық қатысушыларды және басқа да мүдделі тараптарды хабардар ету процесі жүргізіледі», – деп мәлімдеді «Қазақмыс».

Мұндай шаралар сауданың ашықтығын, компания міндеттемелерін сақтауды көздейді.

Бұған қоса, «Қазақмыс» акционердің ауысуы...

Алматыда таңертең басталған қар аралас жауын салдарынан жолдарда ахуал күрт нашарлап, қала бойынша қозғалыс қарқыны төмендеді. Жол қозғалысын бағалау жүйесінде Алматы көшелеріндегі жүктеме 10 балға дейін көтерілді.

Көлік санының артуы, тайғақ жолдар және ауа райының тұрақсыздығы негізгі магистральдарда ұзақ кептелістердің пайда болуына себеп болды. Жүргізушілер 2ГИС сервисінде жолдарда көп тұрып қалғанын жазып, қала ішіндегі қозғалыстың айтарлықтай баяулағанын жазып жатыр.

Қаланың орталық бөлігі: Райымбек, Сәтбаев, Абай, Желтоқсан, Сейфуллин, Төле би және Жібек жолы көшелерінде қызыл сызықтар басым. Кей жерлерде қозғалыс мүлде тоқтап қалған.

Сонымен қатар ауа райының қолайсыздығы такси бағасының күрт қымбаттауына да әсер етті. Таңғы уақытта такси қызметтерінде тариф бірнеше...

Аустралия 16 жасқа толмаған балаларға әлеуметтік желілерді пайдалануға тыйым салған әлемдегі алғашқы мемлекет болды. Енді жасөспірімдер TikTok, YouTube, Instagram және Facebook сияқты платформаларды еркін пайдалана алмайды деп жазады ВВС.

«Мектеп каникулын мүмкіндігінше тиімді өткізіңіздер. Телефонға телміріп отырмай, жаңа спорт түрімен айналысып көріңіздер, жаңа музыкалық аспапта ойнауды үйреніңіздер немесе көптен бері сөреде жатқан кітапты оқып бастаңыздар», – деді Аустралия премьер-министрі Энтони Албанезе заңның күшіне енуіне байланысты жасаған видеоүндеуінде.

Жаңа заңға сәйкес, егер платформалар жасөспірімдердің өз сервистеріне кіруін шектеу үшін қажетті шараларды қабылдамаса, олар  33 млн долларға дейін айыппұл төлеуі мүмкін.

Қазіргі уақытта тыйым 10 платформаға қолданылады, бірақ Аустралия...

10 желтоқсан астрологиялық тұрғыдан серпінді және құбылмалы болады. Kursiv LifeStyle Geocult.ru мәліметтері негізінде барлық жұлдыз белгілеріне арналған болжамды ұсынады. Бұл күнді тиімді өткізіп, қателіктерден сақтануға көмектеседі.

Тоқты

Бүгінгі күн сізге басшылық етуге және жаңа бастамаларды қолға алуға күшті серпін береді. Дегенмен, қаржылық мәселелерде асығыс шешімдерден аулақ болыңыз. Жеке өміріңізде жаңашылдыққа деген құштарлық артады. Нақты мақсатқа назар аударыңыз.

Торпақ

Сіздің белгіңіздегі Уран қаржы саласында күтпеген өзгерістер әкелуі мүмкін. Бұл серіктестермен есеп айырысу немесе инвестициялармен байланысты болуы ықтимал. Ескірген табыс моделіне жабыспаңыз. Қаржыны бақылауда ұстаңыз. Қолда бар ресурстарды қайта түгендеуге қолайлы күн.

Егіздер

Бүгінгі күн сізді келіссөздер мен іскерлік байланыстарды тереңірек саралауға...

Украина президенті Владимир Зеленский 2014 жылы Ресей аннексиялап алған Қырымды қайтаруға қазір күші жетпейтінін мойындады. Бұған қоса, ол соғыс жүріп жатқан елде президент сайлауын өткізуге дайын екенін мәлімдеді. Бұл туралы CNN хабарлады.

Қырым мәселесі

«Шынымды айтсам, қазір бізде мұның бәріне күш жоқ, осының бәріне жеткілікті қолдау жоқ», – деп жауап берді украин президенті Қырым түбегіне қатысты сауалға.

Сонымен бірге, Зеленский әзірге Украинаға НАТО сапында орын жоқ екенін де мойындауға мәжбүр болды.

«Біз шынымен НАТО-ға кіргіміз келеді. Бірақ АҚШ, тағы бірнеше ел Украинаны әзірге НАТО құрамында көргісі келіп отырған...

Қазіргі уақытта үлкен мерекені салюттар мен фейерверктерсіз елестету қиын. Фейерверк – жаңа жыл, мандариндер, шырша мен «Оливье» салаты сияқты мерекелік атрибуттардың бірі, ол мерекенің ғажайып атмосферасын құрады.

Бүгінде әркім жаңа жылда, туған күнде немесе басқа да маңызды мерекелерде жарқын, түрлі-түсті фейерверкпен өзін және жақындарын қуантуда. 

Kursiv.Media біздің елге импортталатын тұрмыстық пиротехника бойынша қызықты статистикамен бөліспек.

«Ковид-19» жылдары отшашу айтарлықтай азайған

Sarapshy мәліметінше Қазақстан фейерверк импортын әсіресе жаңа жылға 2 ай қалғанда, яғни қараша мен желтоқсан айларында жаппай сатып алады. Еліміз 2019 жылы 2 млн доллардан астам отшашу құралдарын сатып алса, 2020-2022 посковидтік жылдардан кейін күрт төмендеген. Алайда 2023 жылдан бастап қайта қалпына...

Алматылық «Қайраттың» қақпашысы Темірлан Анарбеков УЕФА нұсқасы бойынша «Қайрат» – «Олимпиакос» матчының үздік ойыншысы атанды.

«Матчтың үздік ойыншысы болып Темірлан Анарбеков танылды. УЕФА-ның техникалық бақылаушылар тобының айтуынша, оның көптеген сейвтері Олимпиакостың үлкен жеңіске жетуіне жол бермеді», – деп жазды УЕФАның ресми ақпарат көзі.

Айта кетейік, алматылық «Қайрат» Астана аренада өткен Чемпиондар Лигасының жалпы кезеңіндегі ойында грекиялық «Олимпиакос» футбол командасына есе жіберіп, 0:1 есебімен жеңілді...

Жамбыл облысында сот 17 жастағы жігітке үкім шығарды. Ол бұзақылық ниетпен қатарласын өлтіргені үшін кінәлі деп танылды. Істі қылмыстық істер жөніндегі облыстық мамандандырылған ауданаралық сот қарады.

Оның материалдарына сәйкес, 2025 жылдың қыркүйегінде жігіт пен оның танысы арасында электронды темекіге бола қақтығысы болған. Жасөспірім қарсыласын кеудесіне пышақпен ұрып, қашып кеткен. Жәбірленуші сол жерде қайтыс болды.

Сотталушы кінәні толық мойындады. Прокурор кәмелетке толмағанға 9 жылға бас бостандығынан айыру жазасын тағайындауды сұрады. Қайтыс болған адамның анасы соттан заң аясында жаза тағайындауды сұрады.

Сотта ҚК-нің 99-бабының екінші бөлігі 15 жылдан 20 жылға дейінгі мерзімге бас бостандығынан айыруды не мүлкі тәркіленіп немесе өмір бойына...

Алматылық «Қайрат» Астана аренада өткен Чемпиондар Лигасының жалпы кезеңіндегі ойында грекиялық «Олимпиакос» футбол командасына есе жіберіп, 0:1 есебімен жеңілді.

Мачтағы жалғыз голды 73 минутта «Олимпиакостың» шабуылшысы Желсон Мартинш салды.

Турнирдегі жағдайға келсек, осыған дейін «Қайрат» бес ойында бір ғана ұпайға ие болған. Яғни қазақстандық клуб кипрлік «Пафоспен» (0:0) тең ойнап, қалған төрт матчта жеңіліс тапты. Атап айтқанда, «Спортингтен» – 1:4, «Реалдан» – 0:5, «Интерден» – 1:2 және «Копенгагеннен» – 2:3 есебімен ұтылды.

Ал грек клубы «Олимпиакос» үшін «Қайратпен» ойындағы жеңіс үшінші ұпай болмақ. Бұған дейін «Пафоспен» (0:0) және нидерландтық ПСВ клубымен (1:1) тең түсіп, «Арсеналға» (0:2), «Барселонаға...

Түркістан облысының полициясы Кентаудағы аулалардың біріндегі қоқыс жәшігінен жаңа туған нәрестенің денесін тапты.

Істіі мәнін анықтау үшін қылмыстық іс қозғалды. Полицейлер баланың анасын іздеп, аулаларды аралады. Қауіпсіздік камераларынан жазбаларды зерттеп, жақын маңдағы үйлердің тұрғындары мен мүмкін куәгерлерден сұхбат алады. Сонымен қатар, медициналық мекемелер жұмыс істейді.

«Қазіргі уақытта полицейлер оқиғаның мән-жайын анықтап жатыр. Тергеу қорытындысы бойынша тиісті процессуалдық шешім қабылданады», – деп түсіндірді өңірдің ПД баспасөз қызметі.

Ведомство тергеу мүддесі үшін басқа ақпарат жария етілмейтінін нақтылады.

Елдің шығысында ауа температурасының күрт төмендеуі күтілуде. «Қазгидромет» 10 желтоқсанға ауа райы болжамы ауа райы болжанды.

2025 жылдың 19 қарашасында Астана қаласының қылмыстық істер жөніндегі ауданаралық соты телефонмен алаяқтық жасаған К. есімді азаматқа қатысты үкім шығарды. Ол Қылмыстық кодекстің 190-бабы 3-бөлігі 4-тармағы бойынша кінәлі деп танылды.

Істің мәні

Сот мәліметінше, К. 2025 жылдың 9 наурызынан 8 тамызына дейін әлеуметтік желілердегі «Б» аккаунтында байланыс деректерін қалдырған азаматтардың тізіміне заңсыз қол жеткізген. Ол жәбірленушілерге қоңырау шалып, өзін қаржы ұйымының менеджері ретінде таныстырған.

К. азаматтарға несие рәсімдеу үшін «алдын ала төлем жасау қажет» деген жалған ақпарат беріп, түрлі сомада ақша аудартқан. Қаражат түскеннен кейін ол жәбірленушілердің телефон нөмірлерін бұғаттап отырған.

Осы схемамен ол 33 адамның жалпы көлемі шамамен ...

Астанада 10 желтоқсанда бірінші ауысымның 0-9 сынып оқушылары үйден оқитын болады. Мұндай шешім ауа-райының нашарлауына байланысты қабылданды. 10 желтоқсанда елордада қар, тұман, көктайғақ және қатты жел күтіледі.

«Ауа райының нашарлауына байланысты 2025 жылғы 10 желтоқсанда бірінші ауысымның 0-9 сынып оқушылары қашықтықтан оқыту форматына көшеді», – деп хабарлады Астана қаласының білім басқармасы.

Сонымен қатар, «Қазгидромет» еліміздің көптеген өңірлерінде 10 желтоқсанға дауылды ескерту жариялады. Еліміздің шығысында, оңтүстік-шығысында синоптиктер қар, боран, көктайғақ, желдің күшеюін, жекелеген аудандарда – қалың қарды болжайды. Елдің қалған аумағында ауа райы негізінен жауын-шашынсыз болады деп күтілуде.

«Жасыл даму» басшысының орынбасары Ерназар Шынасыл сенат спикері Мәулен Әшімбаевқа сынға жауап берді. Бұған дейін ол утильсбордан 600 млрд теңге бақылаусыз жұмсалғаны туралы мәлімдеген болатын.

Ол әңгімені қаржыны жөнсіз жұмсау туралы емес екендігін атап өтті. Мәселе парламенттік бақылаудың жоқтығында болған.

«Біздің қаражатымызды Үкімет толығымен ашық бақылайды. Біз депутаттарға бірнеше рет бардық. Барлық жерде бұл ақпаратты ашық көрсетеміз. Біз ештеңені жасырмаймыз», – деп түсіндірді Ерназар Шынасыл.

Ол барлық ақпарат қолжетімді екенін, компанияның сайтында стратегия мен жылдық есептер жазылып тұрғанын атап өтті. Сондай-ақ, «Жасыл даму» басшысының орынбасары парламенттік бақылау 2027 жылдан бастап енгізілетінін растады.

Шынасыл утильсбор ақысын...

Бұрын Jusan Bank-ке иелік еткен Jusan Technologies Ltd директорларының бірі, Ұлыбритания азаматы Лорд Дэвид Эванс қазақстандық банктің активін сатуды мақұлдағаны үшін 1 млн доллар пара алды деген күдікке ілінді, деп хабарлайды The Guardian.

Мәселенің мәні

Ұлыбритания мен АҚШ сотында Қазақстанның бұрынғы вице-премьері Ербол Орынбаевтың Эвансқа және есімдері аталмаған басқа екі директорға қарсы талаптары қаралады. Сот құжаттарына сәйкес, үшеуі де Jusan қорының активтерін қазақстандық бизнесменге сату жөніндегі мәміле шеңберінде кемінде 1 млн доллар алды деген болжам бар. Сонымен қатар, Эванс мәмілені мақұлдағаны үшін 250 мың доллар жалақы және бонус ретінде жүздеген мың долларға қосымша төлем алды деген күдік бар.

Ресейлік әнші Акмаль қазақстандық тыңдармандарына 6 миллион теңгеден астам қаражат қайтаруға тиіс. Бұл туралы сауда министрлігі хабарлады. Бұған Қостанайда жоспарланған концерттің өтпей қалғаны себеп болған.

Оқиғаның мән–жайы

2025 жылдың қазанында ресейлік әнші Акмаль (Акмаль Ходжаниязов) Петропавлдағы концерті кезінде көк және сары түсті пакетті байқап, оны өртеп жіберуге кеңес берген. Ол бұл түстерді ұнатпайтынын айтқан. Қазақстан мен Украина туы көк және сары түстен тұрады. Содан кейін әлеуметтік желіде шу шығып, Акмальдің Қазақстанға туры тоқтатылды. Петропавлдан кейін Қостанайдағы және басқа қалалардағы концерттері де билеттердің толық сатылып кеткеніне қарамастан бірінен соң бірі тоқтады.

6 млн теңге қайтаруға тиіс

2025 жылды...

Қазақстан мен Ресей шекарасына жақын маңда, Алтай өңірінде жер сілкінді. Дүмпу магнитудасы – 5 балл. Бұл туралы Қазақ ұлттық деректер орталығы хабарлады.

Мекеме мәліметінше, жер сілкінісі 9 желтоқсанда Астана уақытымен сағат 15:36-да тіркелді. Дүмпу ошағы қазақ-орыс шекарасына өте жақын маңда, Өскемен қаласынан шығысқа қарай шамамен 200 км жерде орналасқан.

Естеріңізге сала кетейік, бір тәулік бұрын Жапонияның солтүстік-шығысында 7,6 баллдық жер сілкінісі болды. Оның алдында Анталья мен Кипрде жер сілкінді.

2025 жылғы 4 желтоқсанда түсте Алматыдан 277 шақырым жерде, Қытай аумағында жерасты дүмпуі тіркелді. Ол Қазақстан мен Қырғызстан аумағында да сезілді.

Қазақстан Президентінің кеңесшісі Мағзұм Мырзағалиев мұнай мен газ саласы азайған жағдай қазірдің өзінде басталғанын айтып, «Kazenergy» қауымдастығына осыған байланысты тиісті ұсыныстар әзірлеуді өтінді.

«Kazenergy» қауымдастығы кеңесінің 44-ші отырысында Мырзағалиев бұрыннан айтылып жүрген бір мәселені көтерді.

«Маңғыстау облысында қазір мәселе (мұнай-газ қорының азаюы) туындап келеді. Мен Энергетика министрлігінде жұмыс істеген кезде 2024 жылдан кейін осындай проблеманың шеті көрінетінін айтатынбыз. Қазір 2025 жыл аяқталып келеді. Ол кезде Маңғыстау облысының әкімі Алик Айдарбаев еді. Сол кісі екеуміз осы тақырып төңірегінде дискуссия жасағанымыз да бар. Қазіргі картинаны бізге түзеу керек. Болат Оралұлы («Kazenergy» қауымдастығының төрағасы) мен осында отырған әріптестеріме жұмысты...

Қазан-қараша басталысымен компаниялар ұжымға арналған сыйлықтар іздеп, алдын-ала тапсырыс бере бастайды. Ал жеке адамдар туыстар мен достарға арналған жаңа жылдық кәделер туралы желтоқсанда ойланады. Бюджетін есептей келе, ерекше әрі қалтаға қатты салмақ салмайтындай идеялар іздейді. Жыл сайын халықтың заттарды қолдануға қатысты санасы да өзгеріп жатыр. Мысалы қазір көбі пайдаланылмай, бір бұрышта шаң басып қалатын сыйлықтарды алғысы келмейді. Оның орнына уиш-лист жасап, өзіне нақты керек затын алдырсам дейді. Олай болса, 2026 жылы тренд болатындай заттардан тұратын топтаманы назарыңызға ұсынамыз.

Инновациялық сыйлықтар берсеңіз, қателеспейсіз

Қазір технологиялар жан досымызға айналды десек болады. Күнделікті қолданатын гаджет саны көбеймесе, азаяр емес. Ішінде озығы да, тозығы да...

Өзбекстанның Самарқанд облысының мәжбүрлеп орындату бюросы міндетін орындамаған азаматтың жауапкершілікке тартылғанын хабарлады.

Kun.uz ақпаратына қарағанда, ата-анасын асырау – заңмен бекітілген міндет.

Мәжбүрлеп орындату бюросының мәліметінше, Паярық ауданаралық азаматтық сотының атқарушылық құжатына сәйкес борышкер Э.Х.-тен әкесі Ю.Х.-ның пайдасына ай сайынғы табысының 50 пайызы мөлшерінде алимент өндіру белгіленген.

Алайда борышкер міндеттемелерін орындаудан жалтарып, алиментті әдейі төлемеген. Мемлекеттік орындаушы бірнеше мәрте ескерту жасапты. Бұған қарамастан, жағдай өзгермеген. Іс материалдары сотқа жолданған.

2025 жылғы 1 желтоқсанда Ақдария аудандық соты Әкімшілік жауапкершілік туралы кодекстің 47-5-бабының 1-бөлігі негізінде Э.Х.-ға 15 тәулікке әкімшілік қамау жазасын тағайындады.

Айта кетейік, Отбасы кодексінің 109-бабына сәйкес, кәмелетке толған еңбекке қабілетт...

Қазақстан Украина тарапынан Каспий құбыр консорциумының (КҚК) нысандарына жасалған шабуылға қатысты жағдайға пікір білдірді. ҚР Сыртқы істер министрлігінің ресми өкілі Айбек Смадияровтың айтуынша, бұл мәселе Венада Қазақстан сыртқы істер министрі Ермек Көшербаев пен Украина сыртқы істер министрі арасындағы кездесуде қозғалған.

Смадияровтың айтуынша, әңгіме ЕҚЫҰ Сыртқы істер министрлері кеңесінің отырысы кезінде де болған.

«Егер мұқият тыңдасаңыздар, мен бұған дейін де атап өттім: Қазақстанның сыртқы істер министрі Ермек Көшербаев Венаға сапары барысында украиналық әріптесімен қысқа кездесу өткізді. Мен кездесудің өзінде болмадым, бірақ жақын жерде жүрдім. КҚК мәселесі міндетті түрде талқыланды деп сенемін», – деді министрлік өкілі.

Ол...

Пайыздық мөлшерлеменің өсуі, салықтық жүктеменің көбеюі және көлеңкелі импорт тарапынан бәсекелестік Қазақстандағы орта бизнестің жағдайын қиындатып жатыр. Freedom Holding Corp мажоритарлы акционері және CEO-сы Тимур Турлов осылай деді.

Бизнесменнің сөзінше, жоғары базалық мөлшерлеме бірінші кезекте корпоративтік сегментке қатты ықпал етіп жатыр. Әсіресе, кәсібі несиеге қатысты компанияларға, оның ішінде сатушыларға ерекше білінеді.

«Бөлшек сауданы нарықтық несие есебінен қаржыландыратын сатушыларға қарайық. Қазір олар қандай әрекетке барса да, жағдайы қиын. Нарықтық мөлшерлемені төлеу тым қымбатқа түсіп отыр. Олар осы шығынды өз есебінен төлеуге дайын емес», – деді Турлов.

Келесі жылдан бастап ұйымдасқан ритейл қазіргі 12% орнына...

Қазақстандықтар үшін Еуропалық одақ елдеріне виза алу жеңілдейді. Бұған дейін Брюссельде Қазақстанның сыртқы істер министрі Ермек Көшербаев пен Еуропалық одақтың жоғары өкілі Кая Каллас кездесіп, виза режимін жеңілдету келіссөздерін бастады.

Министрліктің ресми өкілі Айбек Смадияровтың айтуынша, келешекте виза алу үшін тапсыратын құжат саны мен төлейтін қаражат көлемі азаяды.

«Еуропалық одаққа бірнеше мемлекет кіреді. Олар ұжымдық келісімге келуі керек. Біз өз тарапымыздан барлық уағдаластықты орындап жатырмыз. Елдің қауіпсіздігі, көші-қон саясаты, еңбек визасы секілді барлық мәселені қамту керек. Мұның бәрі бір-екі раундта келісе салатын дүние емес.

Қазір Еуропалық одақ елдеріне виза алу кезінде 20-30 құжат тапсыру...

Жол инфрақұрылымын жаңғырту үшін заманауи технологияларды енгізу мәселелері өзекті.

Қазақстан мен Азия даму банкінің өкілдері көлік министрлігінде бұл жайты талқылауға бағытталған семинар өтті.

«Кездесу барысында негізгі назар – автожолдарды жобалау, мониторинг және құрылыс процесінде пилотсыз дрондарды пайдалану мәселесі болды. Келіссөз барысында тараптар дрондарды қолданудың құрылыс үдерісін тиімді әрі ашық жүргізуге мүмкіндік беретінін атап өтті», – делінген хабарламада.

Аэрофототүсірілім мен лазерлік сканерлеу технологиялары геодезиялық зерттеулерді жылдам жүргізуге, материалдардың сапасын қадағалауға, құрылыс қарқынын бақылауға және жобалық шешімдерден ауытқуларды уақтылы анықтауға септігін тигізеді.

Қазақстан тарапы бұл жаңашылдық жол инфрақұрылымын цифрландыру және объектілердегі қауіпсіздікті арттыру стратегиясыны...