Жаңалықтар

2025 жылдың үшінші тоқсанында Қазақстанға тікелей шетелдік инвестициялардың жалпы ағыны 4,7 млрд долларды құрады. Бұл туралы Ұлттық Банк статистикасында жазылған.

1 млрд доллардан астам қаржы өңдеу өнеркәсібіне, сондай-ақ автомобиль саудасы мен жөндеу жұмыстарына, 997 млн доллар – тау-кен өнеркәсібіне, 772 млн доллар – көлік саласына, 697,4 млн доллар – Қаржы және сақтандыру қызметіне жіберілді.

Қазақстанның негізгі инвесторлары:

Қазақстанда қосылған құн салығының өсуіне байланысты Алматыдағы ботаникалық баққа кіру ақысы өсті. Бұл туралы ботаникалық бақтың баспасөз қызметі хабарлады.

Енді ботаникалық баққа кіру үшін ересектер – 932,14 теңге, зейнеткерлер мен оқушылар – 466,07 теңге, студенттер – 745,71 теңге төлеуге тиіс.

«2026 жылғы 1 қаңтардан бастап Қазақстан Республикасының жаңартылған Салық кодексіне сәйкес ҚҚС негізгі мөлшерлемесі 12%-дан 16%-ға дейін ұлғаяды.
Осыған байланысты, ҚҚС билет бағасына кіретіндіктен, Бас Ботаникалық баққа кіру билеттерінің құны өзгереді», – делінген хабарламада.

2025 жыл Қазақстан экономикасы үшін инфляцияны тежеу мен әлеуметтік тұрақтылықты сақтау арасындағы тепе-теңдікті іздеу кезеңі болды. Бір жағынан, Үкімет қабылдаған коммуналдық тарифтерді өсіруге мораторий инфляцияның үдеуіне тосқауыл қойса, екінші жағынан, азық-түлік, жанармай, тауарлар мен қызметтер нарығында баға өсімі әлі де айтарлықтай болды.

Инфляция динамикасы: баяулау бар, бірақ қауіп сейілген жоқ

2025 жылы жылдық инфляция қыркүйек айында 12,9%-ға дейін жетіп, одан кейін біртіндеп төмендей бастады. Жыл соңында бұл көрсеткіш 12,3% деңгейінде қалыптасты. Айлық инфляция да жыл бойы құбылып отырды: ең жоғары айлық өсім ақпан (1,5%) мен қыркүйекте (1,1%) байқалса, қазан айында ең төмен көрсеткіш (0,5%) тіркелді.

Инфографика 01: 2025 жылғы...

2025 жылғы 1 желтоқсандағы мәліметке сәйкес Қазақстан халқының саны 20 478 879 адамға жетті. Бұл деректі Ұлттық статистика бюросы жариялады.

Бюро ұсынған мәліметке сәйкес, жыл басынан бері халық саны 195 480 адамға артқан. Ал ең жоғары өсім үлкен қалаларда тіркелген.

Атап айтқанда, Астана тұрғындарының саны 1,63 млн адамға жетіп, жыл басынан бері 102 мыңға көбейген. Алматыда халық саны 2,34 млн адамды құрап, өсім 53 мың адамды көрсетті. Ал Түркістан облысында 2,15 млн адамға жеткен.

Дегенмен соңғы он жылда Қазақстан халқының табиғи өсімі біртіндеп баяулап келеді. Covid-19 кезіндегі «бэби-бум» уақытша өсімді көрсетті. Егер 2021 жылы елде 445,8 мың бала дүниеге келсе...

5 қаңтарда Астана уақытымен сағат 14:50-де қазақ-қытай шекарасына жақын маңда жер сілкінді. Дүмпу сағат 15:02-де тағы қайталанды. Бұл туралы Kursiv.Media Қазақ Ұлттық деректер орталығы таратқан мәліметке сүйене отырып хабарлады.

Дүмпу ошағы Қытай аумағында орналасқан. Ұлттық орталық бірінші жер сілкінісінің магнитудасын 4,1 балл, ал екіншісін 4,4 балл деп бағалады.

Жер сілкінісі Шыңжаң өңіріндегі Ақши ауданында болған. Дүмпу ошағы Алматы қаласынан шамамен 255–275 шақырым жерде орналасқан.

Орталық дүйсенбі күні таңертең Жамбыл және Алматы облыстары шекарасында да жер сілкінгенін хабарлаған. Дүмпу Астана уақытымен сағат 10:15-те Отар станциясынан солтүстікке қарай 30 шақырым жерде тіркелген. Мекеме оның қуатын 3,7 балл деп...

2026 жылдан бастап Қазақстанда жаңа Салық кодексі күшіне енді. Құжатта қазақстандық автокөлік жүргізушілеріне мемлекеттік нөмірлердегі әріптік және сандық комбинацияларды өз қалауынша таңдауға мүмкіндік беретін норма да қарастырылған.

Егер таңдалған комбинациялар жоғары сұранысқа ие тіркеу нөмірі ретінде арнайы тізімге енбесе, Салық кодексінің 667-бабына сәйкес мемлекеттік баж мөлшері 10 АЕК, яғни 2026 жылы 43 250 теңгені құрайды.

Бастапқы кезеңде нөмірді өз қалауыңыз бойынша арнайы ХҚКО-лар арқылы тапсырыс беруге болады, ал жақын арада бұл қызметті онлайн жүйеде де қолжетімді етпек.

Еске салайық, әдеттегі бос мемлекеттік нөмірді таңдағанда бар болғаны 2,8 АЕК немесе 12 110 теңге төленеді. Ал VIP-нөмірлердің құны 15-тен 285 АЕК-ке дейін...

Жақында ғана қожайыны ауысқан «Қазақмыс» корпорациясына жаңа басшы тағайындалды. Руслан Өскенәлі компанияның басқарма төрағасы қызметіне кірісті. Бұл туралы Kursiv.Media мыс компаниясы таратқан мәліметке сүйене отырып хабарлайды.

42 жастағы топ-менеджер бұған дейін Qarmet компаниясында директор болған. Корпорация Өскенәліні «тәжірибесі мол маман» деп сипаттады.

«Коммерциялық және өнеркәсіптік құрылымдардың басқарушылық қызметінде тәжірибеcі мол. Әр жылдары «Қазақмыс» корпорациясы, Alstom және General Electric сынды ірі халықаралық және ұлттық компанияларда басшылық лауазымдарда қызмет атқарды», – деп таратты Қазақмыс.

Ол Әл-Фараби атындағы Қазақ ұлттық университетін тәмамдап, Woodbury University-де MBA дәрежесін алған.

Естеріңізге сала кетейік, 2025 жылдың аяғында «Қазақмыс» корпорациясы Qazaq...

Елде темекі бағасы тағы қымбаттады. Тауардың ең төменгі бөлшек саудадағы бағасы 50 теңгеге өсті.

Kazinform хабарлауынша, өзгерістер Қазақстан Республикасы Қаржы министрінің 2022 жылғы 22 ақпандағы №196 бұйрығымен көзделген.

Құжатқа сәйкес, 2026 жылғы 1 қаңтардан бастап сүзгісі бар және сүзгісіз 20 дана темекі қорабының, папиростардың, сигариллалардың, сондай-ақ қыздырылатын темекі өнімдерінің ең төменгі бөлшек сауда бағасы 970 теңге болып белгіленді.

Айта кетейік, 2025 жылдың шілде айынан жылдың соңына дейін темекінің ең төменгі бағасы 920 теңге болған. Ал 2030 жылға қарай шылым екі есе қымбаттайды.

Иранда жоғарғы көшбасшысы Әли Хаменеиді Тегераннан Мәскеуге эвакуациялау жоспары әзірленіп отыр.

Жоспар елдің күштік құрылымдары жаппай наразылықтарды баса алмаған жағдайда жүзеге аспақ.

Бұл туралы барлау деректеріне сілтеме жасаған британдық The Times газеті хабарлады.

Басылымның мәліметінше, егер Иран армиясы немесе басқа да күштік құрылымдар наразылық білдірушілер жағына шығып кетсе немесе қашып кетсе, 86 жастағы Хаменеи отбасы мүшелерімен, ең жақын көмекшілерімен бірге, ұзын саны 20 адам ел астанасынан кетуді жоспарлап отыр. Эвакуацияланатындар қатарында жоғарғы көшбасшының мұрагері саналатын ұлы Моджтаба Хаменеи де бар.

Израильдің бұрынғы барлаушысы Бени Сабти Хаменеи Мәскеуге бет алуы мүмкін екенін айтып, «оның басқа қауіпсіз орны жоқ» деп мәлімдед...

Қазақстанда eGov.kz атынан жалған хабарламалар тарататын алаяқтар көбейді. «Ұлттық ақпараттық технологиялар» АҚ (ҰАТ АҚ) баспасөз қызметі осындай арнайы мәлімдеме жасады.

«Соңғы уақытта алаяқтардың eGov.kz атынан жалған хаттар мен хабарламалар жолдау, сондай-ақ телефон шалу арқылы бөгде сервистер мен сайттарға, соның ішінде Telegram және WhatsApp мессенджерлеріндегі чаттарға өтуді сұрау жағдайлары жиілеп кетті. eGov.kz қызметкерінің жеке басын немесе өкілеттігін растайтын ешқандай құжат жоқ екенін хабарлаймыз. Сондай-ақ eGov.kz порталы мен eGov Mobile мобильді қосымшасы бөгде сайттарға немесе мессенджерлердегі чаттарға өту туралы хабарламалар жібермейді», – делінген хабарламада.

Мемлекеттік қызметтерді алу мәртебесі туралы хабарламалар тек бұрын eGov.kz немесе eGov Mobile жүйесінде...

Биылдан бастап «Бурабай» мемлекеттік ұлттық табиғи паркіне кіру құны қымбаттайды. Бұл туралы парк әкімшілігі хабарлады.

АЕК-ке байланысты баға өседі

Парк дирекциясы автокөліктердің кіру ақысының өсуі 2026 жылы айлық есептік көрсеткіш (АЕК) мөлшерінің жоғарылауымен байланысты екенін хабарлады. Еске салайық, жаңа жылдан бастап АЕК мөлшері 4 325 теңгеге өсті (2025 жылы – 3 932 теңге).

Көлік түріне қарай төлем мөлшері:

Жұмыс күндері (күн сайын):

Халық арасында «Хватай-ка» немесе «Кран» деп аталып кеткен ойын автоматтарына қатысты заңнамалық түзетулер әзірленіп жатыр. Үкімет бұл аппараттарды «ойын-сауық құралдары» ретінде қатаң бақылауға алуды көздеп отыр дейді премьер-министр Олжас Бектенов депутаттық сауалға жауабында.

«Біздің елде «Кран» («Хватай-ка», Crane Machine, Claw Machine, Grabber) сияқты ойын автоматтары азық-түлік дүкендерінде, сауда ойын-сауық орталықтарында, балалар ойын аймақтарында, саябақтарда және халық көп жиналатын орындарда көп орналастырылғаны рас. Алайда қолданыстағы заңнамада ақшалай ұтыс көзделмеген ойын автоматтарының құқықтық мәртебесін, оларды орналастыру тәртібін, техникалық талаптарын, жас шектеулерін және бақылау тетіктерін нақты айқындайтын нормалар жеткіліксіз», – деп түсіндіреді ол.

Енді осы олқылықтың орнын...

Продюсер Гүлзира Айдарбекова әлеуметтік желіде ұлы Аян Нұртастың жары Айгерім дүниеге қыз бала әкелгенін жариялады.

Гүлзира Айдарбекованың айтуынша, келіні Айгерім бүкіл әулеттің ақ батасын алған, атасын ерекше құрметтейтін, адал әрі сыйлы жан. Продюсер жаңа туған сәбиді әулеттің «Ханшайымы» деп атап:

«Біздің ыстық ұямыздың нұры, қаншама қайғымның орнын жүрек жылуымен толтырған келінім дәл қазір бір Ханшайымды өмірге алып келді», – деп жазды.

Сондай-ақ Гүлзира Айдарбекова оқырмандарына арнайы үндеу жасап, жаңа туған немересіне ақ тілектер мен жүрекжарды дұға сұрады.

Айта кетейік, Қайрат Нұртастың анасы биыл ерекше қуанышқа кенеліп отыр. Гүлзира Айдарбекова үш ұлынан бір жыл...

АҚШ президенті Дональд Трамп Колумбия президенті Густаво Петроны есірткі саудасына қатысы бар деп айыптап отыр.  

Interfax ақпаратына қарағанда, ол Венесуэладағыдай операция жүргізілуі мүмкін екенін жоққа шығармады.

Трамптың айтуынша, «Колумбияны кокаин өндіруді және оны АҚШ-та сатуды ұнататын науқас адам басқарып отыр».

«Оның кокаин зауыттары бар», – деді Трамп президенттік пул журналистеріне.

АҚШ Колумбияға қарсы операция жүргізе ме деген сұраққа ол:

«Маған бұл тартымды естіледі», – деп жауап берді.

3 қаңтарда АҚШ арнайы жасағы Каракаста Венесуэла президенті Николас Мадуроны ұстап, оны АҚШ-қа жеткізді. Онда оған есірткі саудасына қатысы...

Шымкентте түзеу мекемесінің қызметкерлеріне қатысты азаптау дерегі бойынша қылмыстық іс қозғалып, үш адам қамауға алынды.

Адам құқықтары жөніндегі уәкілдің өңірлік өкілі Нұржан Әбдезов сотталғандардың бірін жеке қабылдау барысында 2025 жылғы маусым айында мекеме қызметкерлері тарапынан азаптауға ұшырағаны туралы ақпарат алған. Сондай-ақ тағы бір сотталушы соққыға жығылып, жақ сүйегі сынғаны анықталған.

«Аталған жағдайлар бойынша өңірлік өкіл тарапынан жедел түрде тиісті әрекет ету шаралары қабылданды. Нәтижесінде медициналық көмекті уақтылы көрсетпегені үшін медицина қызметкерлері жауапкершілікке тартылды, сондай-ақ мекеме қызметкерлеріне қатысты ҚК-тің 362-бабы бойынша сотқа дейінгі тергеп-тексеру тіркелді», – делінген хабарламада.

Кейін құқық қорғау институты бұл...

Олий Мәжіліс депутаты Алишер Қодыров Ресейде жүрген Өзбекстан азаматтарын дереу отанына оралуға шақырды.

Депутаттың пікірінше, бұл елде жағдай нашарлап, мигранттарға қарсы рейдтер көбейген.

Алишер Қодыровтың айтуынша, Ресейде болашақта тәртіпсіздіктер көбеюі мүмкін. Осы мемлекеттің арнайы қызметтері Орталық Азия азаматтарын ықтимал қатысушылар ретінде қарастырып отыр. Сондықтан Ресейде нан тауып жүрген өзбекстандықтар табатын пайдасынан бас тартып жатыр.

«Ақылға салыңыздар да, Ресейден мүмкіндігінше тезірек кетіңіздер. Ешбір табыс ата-аналарыңыз бен балаларыңыздың көз жасына тұрмайды», – деді ол.

Хабаровскіде Өзбекстан азаматының қаза тапқаны туралы ақпарат тарады. Өзбек депутаты осы оқиғадан кейін үндеу жариялап отыр. Аталған жайтқа байланысты Өзбекстанның Сыртқы істер...

Ұлттық банк 2025 жылы валюта нарығының қалай құбылғаны және бюджетке бөлінген трансферттер қайда жұмсалғаны жөнінде есепті жариялады.

2025 жылдың қорытындысы: 1 доллар – 525 теңге

Ұлттық банктің дерегінше, желтоқсан айының қорытындысы бойынша теңге бағамы 1 АҚШ доллары үшін 505,73 теңгеге дейін 1,3 пайызға нығайған. Қазақстан қор биржасындағы сауда-саттықтың орташа күндік көлемі бір ай ішінде 280 млн АҚШ долларынан 359 млн АҚШ долларына дейін ұлғайды. Сауда-саттықтың жалпы көлемі 7,9 млрд АҚШ долларын құраған.

«Жалпы 2025 жылдың қорытындысы бойынша теңге бағамы 1 АҚШ доллары үшін 525,10 теңгеден 505,73 теңгеге дейін 3,7%-ға нығайды. Сауда-саттықтың жиынтық көлем...

2026 жылғы 1 қаңтарда жаңа Салық кодексі күшіне енді. Соған байланысты Яндекс Такси жүргізушілері үшін салық төлеу тәртібі өзгерді. Kursiv.Media соны өзгерістерді қарапайым тілмен түсіндіреді.

Жаңа салық ережелері

Салық заңнамасының өзгеруіне байланысты жеке кәсіпкерлер арнайы тәртіпке ауысады. Оның Яндекс Такси сияқты платформаларда жұмыс істейтін жүргізушілерге тікелей әсері бар.

Өзін-өзі жұмыспен қамтығандар үшін енгізілген салық тәртібі жеке тұлғаларға арналған. Енді Яндекс Таксиде тапсырыс орындайтын бұрынғы жеке кәсіпкерлер автоматты түрде осы режимге ауысады. Соның арқасында құжат саны мен салық жүктемесі азаяды.

Қазақстан эстрадасының аңызы, дара дауыс иесі Роза Рымбаева өнердегі 50 жылдық шығармашылық жолын айрықша концертпен атап өтпек.

Есеп беру концерті 7 ақпан күні Алматы қаласында, Республика сарайында өтеді. Кеш сағат 19:00-де басталады. Көрермендерді Роза Рымбаеваның ең танымал хиттерімен қатар, тың туындылар күтіп тұр. Концерт Қазақстанның үздік музыканттарының қатысуымен және «Al jazz Symphony» эстрадалық-симфониялық оркестрінің сүйемелдеуімен өтеді.

Ұйымдастырушылардың айтуынша, кеште шырқалатын әндер жанды дауыста орындалады. Сондай-ақ сахнада тосын қонақтар мен музыкалық тосынсыйлар болады деп жоспарланған.

Роза Рымбаева бұл кештің үлкен сахнадағы соңғы концерті болуы мүмкін екенін де жасырмады.

Елу жыл бойы қазақ өнерінің символына айналған әншінің мерейтойлық кешіне билеттерд...

Мысыр әуежайларында туристерге арналған миграциялық карталарды толтыру талабы қаңтар айының соңына дейін толықтай жойылады, деп хабарлайды Kursiv.Мedia порталы Ria.ru порталына сілтемемен.

Бұл шешім Мысырға келетін және елден шығатын жолаушылар үшін сапар рәсімдерін жеңілдетіп, әуежайдағы уақытты қысқартуға бағытталған.

«Қаңтар айының соңына дейін миграциялық карталарды алып тастаймыз», – деп хабарлаған елдің министрі аль-Хефни Sada El-Balad телеарнасына.

Сондай-ақ биліктің әуежай инфрақұрылымын цифрландыруға басымдық беріп отырғанын айтты.

Атап айтқанда, 2025 жылдың мамырында үкімет туристерге елге келген сәтте электронды виза алуға мүмкіндік беретін жүйе әзірленіп жатқанын хабарлаған. Жоба аясында электронды платформа, мобильді қосымша немесе өзіне-өзі қызмет көрсету терминалдарын...

Атырауда із-түссіз жоғалып кеткен отбасы жайлы жаңа деректер шықты. Атырау облысы полиция департаменті арнайы мәлімдеме жасады.

2025 жылы 25 желтоқсанда Атырау облысының тұрғыны бір айдан аса бауыры және оның отбасымен байланыса алмай жатқанын айтып, полицияға арыз түсірген. Қызылқоға ауданы, Жангелді ауылында тұратын отбасы өткен жылдың қарашасында жоғалып кеткен.

«Полиция қызметкерлері олардың жүрген жерін анықтау үшін барлық қажетті шараларды қабылдауда. Басқа өңірлердің де полицейлеріне бағыт-бағдар берілді. Қолда бар ақпарат бойынша, ерлі-зайыптылар мен олардың 33 және 35 жастағы екі ересек баласы елдің оңтүстік аймақтарына бет алуы мүмкін», – деп хабарлады облыстық ПД баспасөз қызметі.

Отбасының әкес...

2025 жылдың қорытындысы бойынша BYD алғаш рет Tesla-ны электр көлігін сату көлемі жағынан басып озды (гибридтер есепке алынбаған). Қытайлық бренд сату көрсеткішін төрттен біріне арттырса, америкалық компанияда керісінше төмендеу байқалды.

Tesla саудасы бәсеңдеді

2025 жылы Tesla 1,6 млн электр көлік сатқан. Бұл 2024 жылмен салыстырғанда 8,6%-ға аз. Компания барлығы 1,7 млн электр көлік өндірген, бұл да өткен жылғыдан сәл төмен.

Tesla АҚШ-тағы электр көлік нарығының шамамен жартысын иеленіп отыр. Алайда 2025 жылдың қыркүйегінде елде тұтынушыларды электромобиль алуға ынталандыратын жеңілдіктер алынып тасталды. Соның нәтижесінде АҚШ-та электр көлік нарығы бір жылда 40%-ға қысқарды. 2026 жылы сатылымның одан әр...

«Отбасы банк» уақытша техникалық жұмыстарға байланысты кейбір қызметтер қолжетімсіз екенін ескертті. Қазіргі уақытта банк бөлімшелерінде, мобильді қосымшасында және Baspana Market платформасында операциялар қолжетімсіз.

Банктің мәлімдеуінше, техникалық жұмыстар жоспарланғаннан ұзаққа созылған. Сонымен қатар, байланыс орталығы да істемей тұр.

«Біздің мамандар барлық жүйелер мен банктік операциялардың мүмкіндігінше тезірек қалыпты режимде жұмыс істеуі және клиенттердің банк қызметтерін толық пайдалана алуы үшін жұмыстар жүргізіп жатыр. Біз сіздерді үнемі хабардар етіп отырамыз және барлық сервистер қайта іске қосылған сәтте міндетті түрде хабарлаймыз», – делінген хабарламада.

Еске салсақ, осыған дейін 2026 жылы ипотека бойынша қандай мемлекеттік бағдарламалар болатыны жайлы...

Қазақстандықтар жаңа жылдан бері мобильді интернет дұрыс істемей тұрғанына шағымданып жатыр. Tele2 / Altel, Beeline, Activ және Kcell абонеттері әлеуметтік желіде байланыс жоқ немесе жөнді ұстамай тұрғанын жазды.

Threads-дегі белсенді Activ қолдау қызметіне жарты сағат бойы қоңырау шалып, әзер хабарласқанын жазды. Оператор өкілі Интернет «бүкіл Қазақстан бойынша істемей тұр» деп жауап берген.

Kcell-дің бір қолданушысына Интернет «қауіпсіздік мақсатында» өшірілді деп түсіндірген. Басқа да абоненттер байланыс дұрыс істемей тұрғанын басқа да факторлармен байланыстырған.

Kursiv.Media редакциясы операторларға ресми сауал жолдады.