Жаңалықтар

Қасым-Жомарт Тоқаев Air Astana компаниясының бас атқарушы директоры Питер Фостерді қабылдады деп хабарлайды Ақордадан.

Президент әуелі Air Astanа-ның Еуразиядағы жетекші авиатасымалдаушылардың біріне айналуға Питер Фостердің елеулі үлес қосқанын атап өтті.

Әңгіме кезінде Қазақстан мен АҚШ арасында тікелей әуе қатынасын ашуды, ол рейстерді орындау үшін алыс қашықтыққа ұшатын әуе кемелерін сатып алу жайын талқылады.

Питер Фостер – Air Astana әуе компаниясының директорлар кеңесі ұйымның бас директоры әрі директорлар кеңесінің мүшесі. Осы жылдың наурызында ол қызметінен кетуі керек. Бірақ негізгі лауазымынан айырылса да, директорлар кеңесінің аға кеңесшісі ретінде жұмысын жалғастырады. Фостер компанияны 20 жыл бойы басқарған.

Кей...

2026 жылдың 1 қаңтарынан бастап Қазақстанда қосылған құн салығының (ҚҚС) мөлшерлемесі 12%-дан 16%-ға дейін көтерілді. Бұл қадам бюджет кірісін еселеп арттыруға тиіс еді, алайда алғашқы айдың қорытындысы күткендегідей болмай тұр. KursivMedia зерттеуінше, мөлшерлеменің өсуі аясында жинау жоспарының небәрі 80%-ға орындалуы фискалдық саясат үшін үлкен дабыл белгісі саналады.

Қазақстанның салық жүйесі үшін 2026 жыл – үлкен сынақ жылы. Үкімет ҚҚС мөлшерлемесін 4 пайыздық тармаққа арттыра отырып, жыл соңына дейін рекордтық 10 трлн теңге жинауды межелеген. Бұл өткен жылғы көрсеткіштен (6,1 трлн теңге) 53,8%-ға артық. Алайда 1 ақпандағы жағдай бойынша Қаржы министрлігінің есебі оптимизмге қарағанда, көбірек күмән туғызады.

ИНФОГРАФИКА...

Танымал ресейлік жас әнші Клава Кока Қазақстанға келіп бейнебаян түсіріп жатыр. Ол бұл туралы Instagram желісінде жеткізді.

Клава Кока оған қоса «Бізді Қазақстан қалай қарсы алды» деп влог түсірген.

Ұзақ жолдан шаршап келгендеріне қарамастан, олар бірден түсірілімге кірісіп кеткен. Алдымен жол талғамайтын биік көліктерге отырып, жолсыз жермен жорытқан. Айналаның көрісіне тамсанған Клава аққуларды көріп тіпті таң-тамаша болды.

Арасында рациямен «Байланыста», «Қайдасыңдар» деп айтып, қазақша жаңа сөздер үйреніп алғанын айтты әнші.

Түсірілім Маңғыстау жерінде өтті. Референстегі ағаштың өзін дәл ұқсатып тапқан ұйымдастырушыларға Клава қатты риза болғанға ұқсайды.  

Түсірілім кезінде қатты жел тұрып, әнші қатты тоңып қалғанын да айтты. Қайтар жолда команданы...

2026 жылғы 1 наурыздан бастап Мысыр билігі туристік визаның бағасы көтерді. Енді қазақстандықтар үшін виза 20 доллар емес, 30 доллар болады. Жаңа тариф мемлекеттік шекарадағы барлық өткізу бекетінде қолданылады. Бұл туралы Cairo24 басылымы жазады.

Туроператорларға жолданған ресми хатта виза құнының өсуі елге кіру рәсімдерін оңтайландырумен байланысты екені айтылған. Себебі Мысырға келетін туристер саны өсіп келеді.

Туристік компаниялар тур бағдарламаларын алдын ала жаңартып, өзгерістерді шетелдік серіктестермен бірге келісуі керек.

Мысырдың туристік саласы өкілдерінің айтуынша, бұл шешім туризмді дамытуға және қызмет көрсету сапасын арттыруға бағытталған шаралардың бір бөлігі. Олардың пікірінше, бұл елдің туристік бағытының аймақтық және халықаралық деңгейдегі бәсекеге қабілеттілігін...

«Отбасы банк» баспана кезегінде тұрған азаматтарға өз мәліметтерін шұғыл жаңартуды және арнайы инвентаризациядан өтуді ұсынды. Бұл шара тұрғын үй кезегіндегі реттілікті қамтамасыз ету және базадағы ақпараттардың нақтылығын тексеру үшін қолға алынып отыр.

Банк басшысы Ләззат Ибрагимова бұл тексерістің себебін түсіндіре келе, көптеген азаматтардың деректері жылдар бойы жаңартылмағанын атап өтті.

«Көпшілік инвентаризацияны не үшін іске қостыңдар деп сұрап жатыр. Көп азаматтардың деректері жылдар бойы жаңартылмаған. Осы уақыт ішінде отбасы құрамы, мәртебесі, табысы және басқа да жағдайлар өзгеруі мүмкін, алайда базада ескі ақпарат сақталып қалған. Тұрғын үй мәселесінде деректердің нақтылығы аса маңызды», – дейді ол...

Әлеуметтік желіде тараған колледж жатақханасының қызметкерлері мен студенттер арасындағы даудың мән-жайы белгілі болды.

Дау неден шықты

Оқиға Түркістандағы көпбейінді индустриялық-техникалық колледжде болған.

Желідегі видеода студенттер өзгенің бөлмесін жинаудан бас тартқанын байқауға болады. Сонда да қызметкерлер олардан талап етеді. Әйтпегенде, жатақханадан шығаратынын, жуынатын бөлмеге кіргізбейтінін айтып қорқытқан.

«Өз бөлмемді тазалаймын. Жігіттердің бөлмесін тазаламаймын. Не үшін балалардың бөлмесін жинап беруім керек? Өз бөлмесін тазалау әркімнің міндеті», – дейді студент қыз.

Қызметкерлердің студенттерге түсіндіруінше, бүгін облыстық спартакиада болады. Оған келгендер жатақханаға жатқызылады. Бұдан бұрын тексеру жүреді. Ауылға үйіне кеткен студенттердің бөлмесін тазалауға қол күші жетпей тұр. Десе де...

Астана көшелерінде референдумға баруға үндейтін баннер мәтінінде қате кеткен. Әлеуметтік желі қолданушылары қатенің қазақ тіліндегі нұсқасында кеткенін айтып, фотолар жариялады.

Оқырмандар KursivMedia редакциясына жолдаған фотолардың бірінде «Әрқайсымыздың дауысымыз маңызды» ұранының орнына «әрқаисымыздың дауысымыз маңызды» деп жазылған.

Редакция мұндай қателікті кім жібергенін орталық референдум комиссиясы мүшелерінен сұрады.

«Азаматтардың бұл туралы әлеуметтік желіде жазғанын көрдік. Астана аумақтық комиссиясы берген мәліметке сәйкес, баспахана техникалық қате жіберген. Баспахана қателікті өз қаражатына уақытында түзетті», – дейді комиссия мүшесі Ләззат Сүйіндік.

Айтуынша, қате кеткен баннердің барлығы елорда көшелерінен алынды.

Айта кетейік, референдум өткізуге жалпы 20,8 млрд теңгеге жуық қаражат бөлінген...

Орыс православ шіркеуі (ОПШ) ұйымының бұрынғы дін қызметкері Иаков Воронцов ұсталды.

Иаков Воронцов Қазақстанда Ресей православ шіркеуінен бөлек дербес православ шіркеуін құруға талпынысы үшін қысым көргенін бұған дейін мәлімдеген. Бүгін әкімшілік қамау мерзімін өтеп шыққаннан кейін қайтадан ұсталды.

«Оны ұстау туралы хаттама толтырылды. Иаковқа ҚР ҚК-нің 302-бабы («есірткі құралдарын тұтынуға арналған притон ұйымдастыру немесе ұстау») және 296-бабы («өткізу мақсатынсыз есірткі құралдарымен заңсыз айналысу») бойынша айып тағылып отыр», – деген Воронцовтың адвокаттарының бірі Ғалым Нұрпейісов КазТАГ-қа берген сұхбатында.

Адвокаттың хабарлауынша, 23 ақпан күні таңертең Воронцов 72 сағатқа ұсталған. Бұл жолы ол қылмысты...

«Қайтарылған активтерді басқару компаниясы» (KUVA) бір жылдан бері өтпей тұрған қымбат зергерлік бұйымдар мен сағаттарды қайтадан аукционға шығарды. Олардың арасында 158 млн теңгенің гауһар сырғасы мен 214 млн теңгенің сағаты бар.

Алтын мен гауһар

KUVA барлығы 39 бұйымды: 29 зергерлік әшекей мен 10 сағатты аукционда сатуды көздеп отыр. Сауда 13 наурызға белгіленген. Қайтарылған активтер – алқа, сырға, жүзік, білезік, тәспі және сағат электронды сауда порталында сатылады.

Зергерлік бұйымдар арасында Frank Muller, Yana Jewellery, Yeprem, Van Cleef & Arpels сынды брендтердің өнімдері бар.

Қымбат заттардың ішінде «DE BEERS» гауһар сырға ерекше көзге түседі. Оның аукциондағы бастапқы бағасы – ...

Референдум кезінде Украина мен Эфиопияда дауыс беру учаскелері ашылмайды. Бұл туралы орталық референдум комиссиясы отырысына қатысқан сыртқы істер министрлігі өкілі айтты.

Бастапқыда 62 елде 82 референдум учаскесі ашылады деп жоспарланған. Алайда кейіннен екі учаске ашылмайтын болды.

Украинада референдум учаскесін ашпау туралы шешім елдегі жағдайға байланысты қабылданған. Бұл елде бастапқыда 500 қазақстандық бар болса, кейінгі уақытта бірқатары басқа елге шығып кеткен.

Ал Эфиопияда небәрі бес қазақстандық бар. Сол себепті учаске ашпау туралы шешім қабылданған.

Айта кетейік, Конституцияны өзгертуге қатысты референдум 2026 жылдың 15 наурызында өтеді.

Референдумда таңдау жасаған кезде қарындаш қолдануға болмайды. Сондай-ақ өз бетінше дауыс бере алмайтын азаматтар сенімді адамның көмегіне жүгіне алады. Бұл туралы Орталық референдум комиссиясы мүшесі Азамат Мақсұтұлы айтты.

Айтуынша, бюллетень жасырын дауыс беруге арналған кабинада толтырылады. Азамат оны жеке толтыруы керек.

«Бюллетеньді өз бетінше толтыруға мүмкіндігі жоқ азамат өзі сенетін адамның көмегін пайдалануға құқылы», – дейді Мақсұтұлы.

Отбасыда сырқат адамның дауыс беруін қамтамасыз ету үшін туыстары 15 наурыз сағат 12:00-ге дейін жазбаша өтініш беруге тиіс. Сондай жағдайда азамат үйінде референдум комиссиясының екі мүшесі жіберіледі.

Басқа өңірге болатындар не істейді?

Комиссиясы мүшесінің айтуынша, тұратын жерін...

Түркістандағы көпбейінді индустриялық-техникалық колледжде студент қыздарды жатақханадағы ұлдардың бөлмесін тазартуға мәжбүрлеген. Осы оқиғаның видеосы желіде қызу талқыланды. Осы оқиғаға байланысты Түркістан облыстық білім басқармасы түсініктеме берді.

Жатақханадағы қызметкерлер «комиссия келеді» деген желеумен студент қыздарға тазалық жұмыстарын жүргізуге мәжбүрлеген. Тіпті дауыс көтеріп айғайлаған. «Оған көнбейміз» деген кезде қызметкерлер оларды жатақханадан шығарамыз деп қорқытқан.

Түркістан облысының білім басқармасы оқиғаның көпсалалы индустриалды-техникалық колледжде болғанын растайды Қазір оқу орнында 1072 студент білім алады. Оның ішінде 80 студент жатақханамен қамтылған.

«2026 жылғы 23-25 ақпан күндері өтетін техникалық және кәсіптік білім беру ұйымдарының студенттері арасындағы облыстық (аймақтық) спартакиадаға қатысатын студенттерді жатақханаға орналастыру...

Футбол клубтарын жекешелендіру толқыны Атырау өңіріне де жетіп, мемлекет меншігіндегі «Атырау» футбол клубы ресми түрде саудаға шығарылды.

Бағалаушы мамандар клубтың нарықтық құнын 250,8 млн теңгеге, ал активтерінің баланстық құнын 153,6 млн теңгеге бағалағанымен, лоттың бастапқы бағасы 175,6 млн теңге болып белгіленді.

2026 жылдың 10 наурызына жоспарланған бұл сауда-саттыққа қазірдің өзінде өтінімдер қабылдау ашық, тіпті ережеге сәйкес клубты жалғыз қатысушының сатып алуына да рұқсат етілген.

Алайда «Атырау» клубының жаңа қожайынына қаржы шығыны ғана емес, сонымен бірге тарихи клубтың болашағына қатысты қатаң міндеттемелер жүктеледі.

Сатып алушы тарап құны 1 млрд теңгеден кем түспейтін заманауи футбол...

Қазақстанның автокөлік одағының президенті Анар Мақашева 2026 жылы отандық автозауыттардағы көлік өндірісі 22%-ға өсуі мүмкін екенін мәлімдеді.

«2026 жылы Қазақстандағы автокөлік өндірістері жобалық қуаты жағынан анағұрлым жоғары деңгейіне шығады. Соған сәйкес, 2026 жылы өндіріс көлемі шамамен 22%-ға өседі деп күтіп отырмыз», – деді ол автокөлік форумы кезінде сөйлеген сөзінде.

2025 жылы Қазақстанда 171,4 мың автокөлік өндірілген. Бұл 2024 жылғы 145,3 мың көрсеткішпен салыстырғанда жоғары. Ал 2026 жылы өндіріс көлемі 209 мың көлікке дейін жетуі мүмкін, яғни шамамен 22%-ға артады.

Сондай-ақ Мақашева 2025 жылғы 1 қазандағы жағдай бойынша Қазақстанда тіркелген автокөліктер саны туралы...

Алматы әкімдігінің Құрылыс басқармасы Жазушылар үйін жаңартпақшы. Бұл мақсатқа 1,8 млрд теңге бөлінген деп хабарлайды Kursiv Media.

Құжат мемлекеттік сатып алу порталында жарияланған. Тапсырыс беруші – Алматы қаласы әкімдігінің Құрылыс басқармасы, ал тапсырысты орындаушы – «Отау Құрмет» ЖШС.

Негізгі келісімшарт 2025 жылы мамырда жасалып қол қойылған. Ол жерде қайта жаңартуға 1,7 млрд теңге бөлінді деп көрсетілген (оның ішінде ҚҚС 191,1 млн теңге). Жұмыс келісімшартқа қол қойған күннен бастап 8 ай ішінде аяқталуы керек еді. Яғни 2026 жылдың ақпанында біту керек болған.

Бірақ бастапқы құжатқа екі рет өзгеріс енгізілген. Соңғысы – 2026 жылдың 19 ақпанында...

Шетелден көлік сатып алып, оны Қазақстанда өз атына тіркеген азаматтар басқа мемлекетке шыққанда, кей жағдайда көліктері тәркіленіп жатыр. Мұндай фактілер соңғы уақытта жиілеген. Бұл туралы Қазақстандық автомобиль одағының президенті Анар Мақашева мәлімдеді.

Оның айтуынша, бұған себеп – мұндай көліктердің көбі Қытайда лизингке алынған немесе басқа мемлекеттерде тыйым салынған, яғни оларға шектеу қойылған болуы мүмкін. Сондықтан Қазақстанда ресми түрде тіркелгеніне қарамастан, шетелге шыққан кезде олар тәркіленуі мүмкін.

Оралдық азамат оқиғасы

«Мәселен, жуырда ең даулы оқиға орын алды. Батыс Қазақстан облысының азаматы көлік сатып алған. Ол автокөлікті Дубайдан алған, қолында сатып алу келісімшарты мен инвойсы бар. Көлік...

Миланда өткен 2026 жылғы Қысқы Олимпиада ойындарында мәнерлеп сырғанаудан өткен жарыстар даумен аяқталды. Қазақстан атынан төрешілік еткен маман Надежда Парецкая ресейлік спортшыға негізсіз жоғары балл беріп, қазақстандық спортшылардың ұпайын төмендетті деп айыпталып отыр.

Ресейлік спортшыға – жоғары ұпай, қазақстандыққа – төмен баға

Желі қолданушылары мен спорт сарапшылары Парецкаяның әділдігіне күмән келтіріп отыр. Басты наразылық келесі жайттарға байланысты:

2026 жылы Қазақстан экономикасының өсіміне оң әсер ететін инвестициялық шығындар 5,3 трлн теңгені құрайды. Бұл көрсеткіш 2025 жылғы 2,7 трлн теңге және 2024 жылғы 2 трлн теңгемен салыстырғанда екі есе артық.

Қаражат Алматыдағы ЖЭО-2 және ЖЭО-3 жаңғырту, Түркістан БГҚ құрылысы және Транскаспий талшықты-оптикалық желісі сияқты ірі стратегиялық нысандарды іске қосуға бағытталады.

«Самұрық-Қазына» АҚ директорлар кеңесінің отырысында қордың былтырғы жұмысы мен алдағы жоспарлары талқыланды.

Қор басшысы Нұрлан Жақыповтың есебіне сәйкес, 2025 жылы басқарудағы активтер 9%-ға өсіп, 88 млрд долларға жетті. Қордың бір жылдық кірісі 19,1 трлн теңгені, ал таза пайдасы 2,1 трлн теңгені құрады.

Астанада Орталық референдум комиссиясының отырысы өтіп жатыр. Жиын барысында комиссия төрағасы Нұрлан Әбдіров өңірлердің референдум өткізуге дайындығын сұрады.

Өңір әкімдіктері аппаратының қызметкерлері жиынға онлайн қатысып отыр.

«Мына жерде комиссия мүшелерінің екеуі медициналық маска тағып алыпты. Денсаулықты қараңыздар, ауыруға болмайды. Алматы сайлау комиссиясының төрағасы Айгүл Халықова, сізге айтып отырмын. Біз уақыт жақындаған кезде бас дәрігерді инфекция және тағы басқа сұрақтарға байланысты арнайы тыңдаймыз. Қазір кездесулеріңіз бар, ауыруға уақыт жоқ», – деді Нұрлан Әбдіров.

Айта кетейік, Алматыда референдумға қатысуға құқылы 1 млн 311 мың адам бар. Қалада 232 801 студент кәмелет жасына толған. Алайда тек 85 мың студент қана...

Үкімет отырысында әлеуметтік маңызы бар азық-түлік тауарларының бағасы талқыланып, жыл басынан бері ең жоғары өсім тіркелген өңірлер белгілі болды.

Баға ең көп өскен өңірлер

Жыл басынан бері әлеуметтік маңызы бар азық-түлік тауарлары бойынша ең жоғары өсім Маңғыстау облысында (2%) тіркелген. Одан кейін Түркістан облысы (1,4%) аталды.

Маңғыстау облысында қызанақ, сиыр еті, айран, сары май, картоп және бірқатар басқа өнімдер қымбаттаған. Сарапшылар баға өсімін өңірде көкөніс өндірісінің жоқтығымен, күрделі логистикамен және импортқа тәуелділікпен байланыстырады. Сонымен қатар тұрақтандыру қорлары арқылы өнім сату қарқыны жеткіліксіз жүргізіліп отыр.

Түркістан облысында баға өсімі салыстырмалы түрде төмен. Мұнда жұмыртқа, сүт, көкөніс және ет өндіретін ір...

Алматылықтар 25 ақпанда Нұрәли Әлиевпен жолығып, тауға шығып, бірге мейрамханадан таңғы ас іше алады. Түрлі кәсіпкерлермен кездесу жасайтын @sms5amclub коммьюнтиі осындай шара ұйымдастырмақшы.

Бағдарлама бойынша, экс-президенттің немересімен Күйгенсайға шығып, тау бөктерінде суға түсуге болады. Сол жақтан таңғы ас ішіп, қалаға қайтып оралады. Үш сағаттық кездесуге қатысу тегін, әр адам жол мен таңғы ас шығынын төлейді.

Хабарландыру 21 ақпанда жарияланды. Бір тәулік өтпей жатып, орын толды деген себеппен тіркелу жабылды.

Коммюньити Әлиевті бірнеше бизнес ашқан кәсіпкер, инвестор, Capital Holding және Damen Holding акционері, қайырымдылық қорының иесі, филантроп ретінде таныстырған.

«Кәсіпкер екені шын ба?»

Бұл кездесуге көпшілікт...

«Еуразиялық даму банкінің» (ЕАДБ) 2026 жылға арналған макроэкономикалық болжамына сәйкес, Қазақстандағы инфляция деңгейі көршілес мемлекеттерден айтарлықтай жоғары болып, 9,7%-ды құрайды. Ал ұлттық валюта бағамы 535 теңгеге дейін қайта арзандауы мүмкін.

ЕАДБ сарапшыларының пайымдауынша, 2026 жылдың басында қосылған құн салығының (ҚҚС) көтерілуі және «Тарифті инвестицияға айырбастау» бағдарламасы аясында коммуналдық қызметтердің қымбаттауы бағаның шарықтауына тікелей әсер етеді.

Бұл факторлар инфляцияның төмендеуін тежеп, оны Ресей (5,5%), Армения (3,3%) және Өзбекстанға (6,7%) қарағанда әлдеқайда жоғары деңгейде қалдырмақ.

Салық жүктемесінің артуы бюджет кірісін толтырғанымен, тауар өндірушілердің шығынын көбейтіп, ақыр соңында қарапайым тұтынушының қалтасына салмақ салады және халықтың нақты табысының өсуін...

Жастар арасында Еуропа чемпионатының іріктеу кезеңіндегі екі матч Түркістан қаласында өтетін болды. «Түркістан Арена» Словакия мен Ирландия құрамаларын қабылдайды. Бұл туралы Kursiv.Media өңір әкімдігінің мәліметіне сүйене отырып хабарлайды.

2027 жылғы біріншілікке іріктеу аясындағы екі ойын биыл наурыздың 27 және 31 күндеріне жоспарланған. Матч басталатын уақыт әзірге белгісіз. Билеттер туралы толық ақпарат алдағы уақытта жарияланады.

Айта кетейік, 2026 жылғы 9 маусымда Қазақстан мен Венгрия құрамалары Түркістан қаласында жолдастық кездесу өткізеді.

«Түркістан-Арена» стадионы 7 мың көрерменге шақталған. Ол 2020 жылғы 30 тамызда ашылған. Стадион құрылысына шамамен 39 млн доллар жұмсалған. Стадионда негізінен жергілікті «Тұран» футбол клубыны...

Ақтөбеде заңсыз ойын бизнесін ұйымдастырған әйелге қатысты үкім шықты.

Сот мәліметіне сәйкес, айыпталушы әлеуметтік желілер арқылы онлайн-казино ұйымдастырып, тікелей эфирде азаматтарды құмар ойындарға қатысуға ашық түрде шақырып отырған.

«Ақтөбе қаласының №2 сотында Қылмыстық кодекстің 307-бабы 3-бөлігі 2-тармағы («Заңсыз ойын бизнесін ұйымдастыру») бойынша қылмыстық іс қаралды. Сот мәліметінше, ойыншылардан банк шоттарына аударылған қаражаттың жалпы көлемі 52 млн теңгеден асқан», – делінген хабарламада.

Сот отырысында айыпталушы кінәсін ішінара мойындаған. Алайда оның кінәсі куәгерлердің айғақтарымен, банк үзінді-көшірмелерімен және іс материалдарына тіркелген өзге де фактілермен толық дәлелденген.

Сот үкімімен әйел 4 жылға бас бостандығынан айырылып, мүлкі тәркіленд...