Жаңалықтар

«Қайтарылған активтерді басқару компаниясы» (KUVA) 18 ақпанда өтпей қалған жылжымайтын мүліктерді қайтадан аукционға шығарды. Бұл жолы олар арзан бағаға ұсынылды.

KUVA Астана қаласындағы үш пәтерді электронды сауда порталына қайтадан жариялады. Олардың екеуі «Париж кварталында«, ал біреуі «Green Village» тұрғын үй кешенінде орналасқан. Кезінде осы пәтерлерде «ескі» Қазақстанның шенеуніктері мен байлары тұрған. Мемлекетке қайтарылған жылжымайтын мүліктер сатылмай жатыр.

Green Village-дағы қымбат таунхаус

Бағалаушылар елордадағы «Green Village» тұрғын үй кешеніндегі пәтерді 214 млн теңгеге бағалаған. Алайда ол пәтерге ешкім қызықпады. Соған байланысты KUVA мүлік құнын 182 млн теңгеге дейін түсіруге мәжбүр болды.

Электронды сауда порталында жарияланған мәліметке қарағанда, бес бөлмел...

Бүгін, 23 ақпанда, алматылық «Қайрат» футзал клубы Еуропадағы ең беделді турнир Чемпиондар лигасының 1/4 финалындағы алғашқы кездесуін өткізеді. Қарсыласы Испанияның айбынды ұжымы «Картахена».

Ойын уақыты мен трансляция

Матч сағат 20:00 де Алматы қаласындағы «Балуан Шолақ» атындағы спорт кешінінде өтеді. Билеттерді Fredoom Ticketon сайтынан сатып алуға болады. Сондай-ақ ойынды Qazsport арнасынан тікелей эфирден көруге болады.

Ширек финалға дейінгі жол

«Қайрат» биылғы маусымда чемпиондық мінез көрсетіп келеді. Негізгі кезеңдегі тартысты ойындардан соң, 1/8 финалда бельгиялық «Андерлехтті» екі ойынның қорытындысы бойынша 12:6 есебімен сенімді түрде қапы қалдырды.

Ал, «Картахена» – өз тобында «Жальгирис» пен «Андерлехтке...

22 ақпанға қараған түні АҚШ президенті Дональд Трамптың үй-жайына басып кіруге әрекет жасаған жас жігітті күзет қызметі атып өлтірген. Ол 21 жастағы Остин Такер Мартин атты суретші болып шықты.

DW мәліметінше, жексенбіге қараған түні АҚШ президенті Дональд Трамптың Флорида штатындағы Мар-а-Лаго резиденциясының күзетілетін аумағына заңсыз кіріп, құпия қызмет тарапынан атып өлтірілген қарулы азамат – Солтүстік Каролина штаты, Кэмерон қаласының 21 жастағы тұрғыны, суретші Остин Такер Мартин екені анықталды. Оның жеке басын америкалық бұқаралық ақпарат құралдары Мур округі шерифінің мәлімдемесіне және марқұмның туыстарының жарияланымдарына сүйене отырып растады.

Оқиғаның мән-жайы

Құқық қорғау органдарының мәліметінше, Мартиннің туыстары оның сенб...

Польшаның ең бай миллиардері Ежи Старак «Химфарм» компаниясы арқылы Қазақстанның дәрі-дәрмек өндірісін кеңейту үшін 39,5 млрд теңге жеке инвестиция салмақ. Үкімет басшысы Олжас Бектенов Шымкенттегі «Химфарм» (Santo) зауытымен жаңа инвестициялық келісімді мақұлдады.

Бұл жоба халыққа не береді

Негізгі мақсат – ауруханалар мен дәріханаларды сапалы әрі арзан отандық дәрілермен қамтамасыз ету. Жаңа өндіріс іске қосылғанда, мынадай:

Жеке инвесторлар есебінен 39,5 млрд теңге жұмсалады. Бұл қаражат тек зауыт салуға емес, ғылыми зерттеулерге де бағытталмақ. Шымкенттегі зауытта...

2025 жылдың ең шулы әрі резонансты туындыларының бірі – «Ауру» фильмі енді онлайн форматта көрерменге жол тартады. Кинотеатрларда үлкен қызығушылық тудырған бұл драма 25 ақпаннан бастап еліміздің ең танымал стриминг платформаларында шығады.

Сюжет: Жалған қайырымдылық пен моральдық құлдырау

Фильмнің оқиғасы қарызға белшесінен батқан Азамат пен Таңшолпан есімді жас жұбайлардың айналасында өрбиді. Тығырықтан шығар жол іздеген Азамат сұмдық айла ойлап табады. Әйелін «айықпас дертке шалдықты» деп жариялап, емделуге ақша жинауды ұсынады.

Бастапқыда бәрі ойдағыдай жүреді. Жалған талдаулар, мүсіркеу тудыратын видеолар мен халықтың жанашырлығы оларға оңай олжа әкеле бастайды. Алайда ақшаның буы мен оңай келген табыс, көпшіліктің назары ерлі-зайыптыларды еліктіріп әкетеді.

23 ақпанда Астана уақытымен сағат 09:12-де Қытайдың Шыңжаң өңірінде жер сілкінді. Бұл туралы Kursiv.Media Қазақ Ұлттық деректер орталығының мәліметіне сүйене отырып хабарлайды.

Көрші елдегі дүмпуді Қазақстандағы сейсмикалық станциялар да тіркеді. Ұлттық орталық дерегінше, жер сілкінісінің магнитудасы 5,1 балл болды.

Дүмпу ошағы Такла-Макан шөлінде орналасқан. Оған ең жақын жатқан елдімекен – Шаяр қаласы (70-80 км).

Ол жерден қазақ-қытай шекарасына дейін – шамамен 420 км, ал Алматы қаласына дейін – шамамен 610 км.

Естеріңізге сала кетейік, 17 ақпанда Алматы облысы аумағында 5 балдық жер сілкінісі болған. Оның әсерін Алматы қаласының тұрғындары да сезген. Екі тәуліктен со...

Патох Шодиев, Ибрагимовтер әулеті мен марқұм Машкевичке тиесілі болған «Еуразиялық өнеркәсіптік компаниясының» құрылтайшылар құрамы ауысты. 2025 жылдың көктемінде қайтыс болған миллионерге тиесілі үлес енді Бірікке Араб Әмірліктерінде тіркелген CENTRAL ASIAN DMCC компаниясының меншігіне өтті. Бұл туралы қаржы есебі депозитарийіндегі хабарламада жазылған.

Осы өзгерістерден кейін компанияның 10% және одан да көп дауыс беретін акцияларына иелік ететін негізгі акционерлердің тізімі мынадай болып қалыптасты:

«Еуразиялық өнеркәсіптік компаниясы» арқылы аталмыш үштік бірнеше активті басқарады. Олардың қатарында жер учаскелері мен ангарларды жалға беретін «Альтаир Эйр» кәсіпорны, «Боралдай» әуежайы және «Жайлау» гольф-клубын басқаратын «Көкмайса...

Шымкентте төрт адамды алдап, кейін Түркияға қашқан алаяқ Қазақстанға экстрадицияланды.

Бас прокуратураның мәліметінше, операция құзырлы органдар мен ІІМ Интерпол қызметкерлерінің, сондай-ақ Қазақстанның Түркиядағы елшілігінің қолдауымен жүзеге асқан. Күдікті Анталья қаласында қолға түскен.

95 млн теңге залал

«Тергеу деректеріне сәйкес, 2019-2020 жылдары күдікті Шымкент қаласында 4 жәбірленушіні алдап, ақшасы мен жер учаскелерін иемденген. Оларға жиынтығында шамамен 95 млн теңге көлемінде залал келтірген. Шетелде бой тасалаған соң, оған халықаралық іздеуге жарияланды. Кейін ол Түркия аумағында ұсталып, Бас прокуратураның сұрау салуы негізінде Отанына экстрадицияланды», – дейді Бас прокуратураның ресми өкілі Ерлан Жанпейісов.

Күдікті елге жеткізілген соң бірден...

Қазақстанда «Десилмакс» атты үндістандық препаратты әкелуге және пайдалануға ресми түрде тыйым салынды. Сараптама жүргізгеннен кейін Денсаулық сақтау министрлігі осындай шешім қабылдаған.

Ведомствоға тиесілі Медициналық және фармацевтикалық бақылау комитеті 11 ақпанда арнайы бұйрыққа қол қойған. Оған сәйкес, «Десилмакс» дәрілерін медициналық мақсатта пайдалануға тыйым салынды. Елде айналымда жүрген барлық препарат алынып тасталады.

Дәріні өндіруші – үндістандық «Маклеодс Фармасьютикалз Лимитед» компаниясы.

Дәріні алып тастауға не себеп?

Комитет өкілдерінің түсіндіруінше, «Десилмакс» препараты белгіленген стандарттарға сай келмейді. Сондықтан дәріхана жүйелері бұл дәріні сөрелерден алып тастауға міндетті. Ал оны қабылдап жүрген науқастар дәрігерге хабарласып, басқа баламасына ауыстыруы керек.

Десилмакс...

Британдық кино және телевизия өнері академиясы (BAFTA) биылғы жылдың жеңімпаздарын анықтады. Салтанатты шараның басты жұлдызы режиссер Пол Томас Андерсонның «Шайқас артынан шайқас» (One Battle After Another) туындысы болса, деректі фильмдер санатында күтпеген жеңіс тіркелді.

Шайқас артынан шайқас

Пол Томас Андерсонның жаңа туындысы 14 номинацияның ішінен 6 марапатты жеңіп алып, жылдың үздік фильмі атанды. Басты рөлді Леонардо Ди Каприо сомдаған бұл драма маскүнемдікке салынған бұрынғы революционердің хикаясын баяндайды.

Фильм келесі номинациялар бойынша үздік болды:

Режиссер Андерсон...

Қазақстан БҰҰ миссиясы аясында Таяу Шығысқа ұлттық бітімгерлік контингенттің үшінші легін жіберуге дайындалып жатыр. Бұл жөнінде Қорғаныс министрлігі мәлімдеді.

Қорғаныс министрі авиация генерал-лейтенанты Дәурен Қосанов ұлттық бітімгерлік контингенттің әскери қызметшілерімен кездесті.

Бөлімше командирі, подполковник Ілияс Алматовтың баяндауынша, жеке құрам миссияны орындауға толық дайын және дайындық халықаралық стандарттарға сәйкес жүргізілген.

«Бітімгерлік операцияға қатысу – үлкен мәртебе әрі зор жауапкершілік. Қазақстандық контингент ел басшылығы мен БҰҰ миссиясы қолбасшылығының сенімі мен құрметіне ие. Сіздер елімізді лайықты түрде танытасыздар деп сенемін», – дейді Дәурен Қосанов.

Инновациялық хаб

«Қазақстан ГАЖ орталығы» АҚ басқарушы директоры Нұркен Ержанов министрге...

Алтынкөл – Қорғас торабының өткізу қабілеті екі есеге жуық артады. Бұл туралы көлік министрлігі хабарлады.

«Алтынкөл станциясы мен Қорғас шекаралық өткелі бірыңғай теміржол-шекаралық кешенді құрайды және халықаралық көлік дәлізінің маңызды буыны саналады. Алтынкөл – Қорғас торабы арқылы экспорт-импорт және транзиттік жүк тасымалының едәуір көлемі жүзеге асырылады», – деп мәлімдеді министрлік.

Бұл торап елдің транзиттік әлеуетін арттыруда ерекше рөл атқарады. Инфрақұрылым жүктерді жедел өңдеуді, контейнерлерді қайта тиеуді және екі мемлекеттің теміржол қызметтерінің үйлесімді жұмысын қамтамасыз етеді.

«Қазір ауқымды жаңғырту бағдарламасы іске асырылып жатыр. Алтынкөл – Жетіген учаскесінде жалпы ұзындығы...

Осы жылы Италияда өткен Қысқы Олимпиададағы ең бай спортшы анықталды. Ол – 22 жастағы қытайлық Эйлин Гу. Forbes мәліметінше, ол соңғы бір жылда 23 млн доллар тапқан.

Эйлин Гу – фристайлдан үш дүркін Олимпиада чемпионы. 2019 жылға дейін АҚШ атынан өнер көрсетіп, кейін азаматтығын ауыстырған. 2022 жылы фристайлдың бигэйр мен хафпайл атты түрлерінен алтын алды. Осы жылы бигэйрден тағы да алтын алып, үш рет Олимпиада алтынын тақты.

Ол тек қана спортшы емес, танымал модель. Әлеуметтік желісіне 3 млн адам жазылған. Vogue, Porsche, Red Bull, Tiffany & Co., Louis Vuitton тәрізді ірі брендтермен жұмыс істейді. Табысының негізі бөлігі де осы...

Ұлыбритания соғыс болып жатқан Украинаға әскер жіберуге дайын. Елдің Қорғаныс министрі Джон Хили Украинаға әскер жіберген алғашқы британ қолбасшысы болғысы келеді. Бұл туралы ол The Telegraph басылымына мәлімдеді.

«Мен Украинаға британ әскерлерін жіберген қорғаныс министрі болғым келеді. Бұл соғыстың біткенін білдіретін еді», – деп мәлімдеді Хили.

Оның сөзінше, Британ үкіметі одақтастарымен бірлесіп, коалиция құру жайын талқылап жатыр. Яғни Украинаға қолдау көрсетуге дайын елдердің жеке бастама ретінде бірікпекші. Бұл міндетті түрде НАТО аясындағы ортақ шешім емес, бірақ оған мүше кейбір елдер өз еркімен қосылуы мүмкін. Миссияға дайындық аясында Ұлыбритания әскерін техникамен...

Италияның Верона қаласында Милан–Кортина-2026 қысқы Олимпиада ойындарының жабылу салтанаты өтті. Биылғы рәсім Еуропадағы ең танымал тарихи нысандардың бірі – екі мың жылдан астам тарихы бар, ЮНЕСКО-ның Бүкіләлемдік мұралар тізіміне енген Арена ди Верона амфитеатрында ұйымдастырылды.

Қысқы Олимпиада тарихында алғаш рет жабылу салтанаты осындай көне амфитеатрда өтіп, тарихи орын заманауи сахна кейпіне енді. Шоудың тұжырымдамасы «Beauty in Action» («Қозғалыстағы сұлулық») деп аталып, спорт, өнер және табиғаттың үйлесімін паш етуге арналды.

800-ден аса әртіс қатысқан ауқымды шоу

Салтанатты кешке 800-ден астам әнші, музыкант және биші қатысты. Арнайы көпдеңгейлі LED-сахна орнатылып, костюмдер италиялық опера дәстүріне сай тігілді. Музыкалық және би қойылымдары амфитеатрды...

22 ақпанда Алатаудағы Титов асуында 3400 метр биіктікте төрт адамнан тұратын топтағы екі турист қар астында қалып қойды. Олардың біреуі қаза тапты.

Төтенше жағдайлар министрлігінің хабарлауынша, қар астында қалған екі туристің бірі өздігінен шыға алған, ал екіншісі сол жерде жан тапсырған.

Құтқарушылар қаза тапқан адамның денесін қардың астынан алып шыққанын 23 ақпанға қараған түні хабарлады.

Оқиға орнында полиция қызметкерлері мен құтқару қызметінің психологтары жұмыс істеді. Іздестіру-құтқару операциясы барысында ұшқышсыз ұшу аппараты қолданылды.

Титов асуы теңіз деңгейінен 3600-3650 метр биіктікте орналасқан. Іле Алатауында туристер көп баратын жер. Асудың арғы жағында Тұйық Су және Титов шыңы жатыр. Қаладан асуға дейін...

Синоптиктер 2026 жылғы 23 ақпанға Қазақстан аумағы бойынша жалпы ауа райы болжамын жариялады.

Болжам бойынша, дүйсенбі күні ел аумағындағы ауа райына солтүстік-батыс циклоны және онымен байланысты атмосфералық фронттар әсер етеді.

«Соның салдарынан Қазақстанның басым бөлігінде қар жауып, боран соғады. Елдің солтүстігі мен шығысында қалың қар күтіледі», – делінген ауа райы болжамында.

Тек батыс өңірлерде антициклон жотасының ықпалымен жауын-шашынсыз ауа райы болжанып отыр.

Республика бойынша кей жерлерде тұман түсіп, жел күшейеді.

22 ақпан күні Қазақстанның басым бөлігінде қолайсыз ауа райы күтілген еді.

Қазақстан қысқы Олимпиада тарихында екінші рет үздік көрсеткішке қол жеткізді.

Қазақстан құрамасы 1994 жылдан бері алғаш рет қысқы Олимпиадада алтын медаль жеңіп алған.  

Ұлттық олимпиадалық комитет мәліметінше, медаль кестесінде Қазақстан 19-орынға жайғасты. Жалпы есепте Норвегия көш бастады. Екінші орынды АҚШ иеленсе, үздік үштікті Нидерланд құрамасы түйіндеді.

«1994 жылы қазақстандық спортшылар бір алтын, екі күміс медаль жеңіп алып, жалпы есепте 12-орын алған еді. Төрт жылдан кейін құраманың еншісінде екі қола болды. 2002 және 2006 жылдары Қазақстан жүлдесіз қалды. 2010 жылы бір күміс, 2014 жылы бір қола медальға қол жеткізді», – жазды ҰОК ресми сайты.

АҚШ президентінің арнайы өкілі Стив Уиткофф алдағы үш апта ішінде Ресей мен Украина басшыларының кездесуі мүмкін екенін айтты.

Fox News арнасына берген сұхбатында ол украин қақтығысын реттеу бағытында жақын апталарда «жақсы жаңалықтар» болуы мүмкін екенін хабарлады.

Оның сөзінше, өзі және Дональд Трамптың күйеу баласы Джаред Кушнер тараптарға «бірқатар нұсқалар» ұсынған. Бұл ұсыныстар алдағы үш апта ішінде тараптарды жақындастырып, тіпті Владимир Зеленский мен Владимир Путин арасында саммит өткізуге жол ашуы мүмкін.

Уиткоффтың айтуынша, болашақта кездесу үшжақты форматта, яғни АҚШ президентінің қатысуымен өтуі де ықтимал.

Украина президенті кеңсесінің басшысы Андрей Ермак Зеленскийдің Ресей немесе Беларусь аумағынан тыс кез келген жерде...

Әуе компаниясы қасиетті Рамазанның басталуына байланысты билеттерді брондауға арналған арнайы акция ұсынды.

Жеңілдікті пайдалану үшін компанияның ресми сайты немесе мобильді қосымшасы арқылы RAMADAN промокодын енгізу қажет.

Акция шарттары

– Базалық тарифке – 20% жеңілдік;
– «Выгодный» тарифіне –30%;
– «Ultimate» тарифіне – 40% жеңілдік қарастырылған.

Компания өкілдері жеңілдікпен ұсынылатын билеттер саны шектеулі екенін және акция мерзімі аяқталғанға дейін сатылып кетуі мүмкін екенін ескертеді.

Мерзімі

Акция 2026 жылы Рамазан айы 19 ақпанда басталып, 19 наурызға дейін жалғасады.

Air Arabia штаб-пәтері Шарджа қаласында (БАӘ) орналасқан арабтың бюджеттік әуе компаниясы.

Компания жолаушылар тасымалын Шарджа және Александрия әуежайларынан, сондай-ақ Мароккодағы төрт әуежайдан іске асырады...

Жақында Freedom SuperApp үздік қазақстандық қақпашы Темірлан Анарбеков бейнеленген карта шығарады.

Бұл туралы bankffin.kz парақшасы ақпарат таратты. Freedom банк «Қайрат» футбол клубының демеушісі болып отыр.

Қақпашы Темірлан Анарбеков алматылық «Қайратпен» жаңа келісімге қол қойып, клубпен әріптестігін тағы үш жылға жалғастырмақ. Енді ол 2028 жылдың қарашасына дейін команда намысын қорғайды.

Темірлан «Қайрат» сапындағы алғашқы ойынын 2020 жылғы 30 қарашада өткізді. «Таразға» қарсы кездесуде алаңға шыққанда небәрі 17 жаста болатын. Қазір 22 жастағы қақпшас команданың негізгі ойыншыларының біріне айналды.

Әсіресе, 2025–2026 жылдардағы Чемпиондар лигасы матчтарында Анарбеков сенімді ойынымен көзге түсті. Сол кезеңде БАҚ-та оған «Интер», «Аталанта», «Фенербахче» секілді клубтар...

Алматы қаласының таулы аймақтарында қар көшкіні қаупі жоғары болып тұр. Төтенше жағдайлар министрлігі ескерту жасады.

ТЖМ азаматтарға қауіпсіздік шараларын қатаң сақтауды, таулы аймақтарға барудан уақытша бас тартуды ұсынып отыр. Қазіргі таңда қауіпсіздікті қамтамасыз ету мақсатында қар көшкіні қаупі бар учаскелерде блок-бекеттер қойылған.

«Таулы аймақтарға баруды жоспарлау кезінде қалыптасқан ауа райы жағдайларын және уәкілетті қызметтердің ресми ескертулерін ескерулеріңізді сұраймыз», – делінген ескертуде.  

Мұның алдында министрлік Алматыда жер сілкінісіне байланысты психологтар көмегіне жүгінуге болатын «сенім телефоны» ашылғанын хабарлаған.

Алматы қаласындағы Кардиология және ішкі аурулар ғылыми-зерттеу институты базасында радиожиілікті абляция жасалды.

Корей дәрігерлері «Қалқанша безінің түйінді ісіктерін емдеудегі ең төменгі инвазиялық технологиялар» тақырыбында мастер-класс өткізген.  

Денсаулық сақтау министрлігі баспасөз қызметінің хабарлауынша, аталған іс-шараға Сеул қаласынан (Оңтүстік Корея) профессор Хван Ён Джин қатысқан.

Қанша науқас ем алды?

Ол қалқанша безіне радиожиілікті абляция жасау арқылы 6 пациентке ем жүргізді. Ең жас пациент – 26 жаста. Алматы қаласының жас тұрғынына қалқанша безінің оң жақ бөлігінде көлемі 4,4 см болатын уытты емес жалғыз түйінді зоб диагнозы қойылған.

Мұндай ірі ісік мойын ағзаларын қысу қаупіне байланысты көп жағдайда хирургиялық емдеуді

Әнші Айдар Тұрғамбек азып кеткеніне қатты алаңдаған әкесіне уақыты келген кезде семіруге уәде берді.

Айдар Тұрғамбек әкесімен әңгімесін әлеуметтік желіге жария етті. Онда әкесінің баласының денсаулығына қатты алаңдағаны көрінеді. Қарияны ұлының көзінің айналасы қарайғаны, салмағының жоқтығы мазалайды.

«Әкем әлі арықтаусың. Рең-басың онша емес», ­- дейді Айдар Тұрғамбек.

Әкесі екі көзінің алды бояп алғандай қап-қара болып тұрғанын айтты.

«Тәбетім жақсы. Дәрумендер ішіп жатырмын. Бірақ уақыты келгенде семіреміз», – деп толып, салмақ қосуға уәде берді әнші.

Әкесі мәселе семіруде емес, сахнада қатарларымен тең болып тұрғаны жақсы екенін айтты. Қатты жүдегенін жеткізді.

Әке...