Жаңалықтар

Солтүстік пен батыста қар жауады, дегенмен күн аздап жылына бастайды. «Қазгидромет» 23 желтоқсанға ауа райы болжамын ұсынды.

Қостанайда қайырымдылық жасаушылар балаларға діни сабақтар өткізген. Бұл мәселені полиция, прокуратура және әкімдіктің дін істері басқармасы бірлескен тексеріс кезінде анықтаған, деп хабарлады Polisia.kz.

Ақпаратқа сүйенсек, қаладағы жеке үйлердің бірінде Ақмола облысының 23 жастағы тұрғыны діни сабақтар мен рәсімдер өткізген. Оқушылар арасында кәмелетке толмағандар да болған. Кездесулер діни бірлестік мәртебесі жоқ және мұндай жұмысқа арналмаған қайырымдылық ұйымының үйінде өткен.

Қайырымдылық белгісімен діни әдебиеттерді қолдана отырып, тіркеусіз діни оқыту мен миссионерлік қызмет жүргізілген. Бұған дейін сот осы ұйымды тарату туралы шешім қабылдаған.

«Сот отырысының қорытындысы бойынша сот ер адамды діни қызмет туралы заңнаманы бұзумен байланысты екі құқық бұзушылы...

Қазақстан президенті Қасым-Жомарт Тоқаев Петербордағы сапары барысында Ресей президенті Владимир Путинмен кездесті, деп хабарлайды Ақорда.

Тоқаевтың сөзінше, Жаңа жыл қарсаңында Петербордағы кездесу дәстүрге айналған. Екі ел басшысы ЕАЭО қызметіне қатысты бірқатар мәселені қарастырып, шешімдер қабылдап, ТМД форматы аясындағы ықпалдастықтың аса маңызды, өзекті мәселелері талқылаған.

«ТМД – беделді әрі заман талабына сай халықаралық ұйым. Биыл өзара ынтымақтастығымыз табысты болғаны сөзсіз. Екіжақты қарым-қатынас қарқынды дамып келеді. 12 қарашада Ресейге жасаған мемлекеттік сапарым өте нәтижелі өтті. Біз Қазақстан мен Ресей азаматтарының күнделікті тұрмыс-тіршілігіне қатысты мәселелерде бірге әрекет етуіміз қажет. Ынтымақтастығымыз бен стратегиялық серіктестігімізді нығайтуға бағытталған ортақ жұмысымыз қос...

Қазақстанда Forbes тізіміндегі қазақстандық кәсіпкер Ерлан Баймұратовқа тиесілі «Ақтөбе-Темір-ВС» темір кені компаниясын банкрот деп тану туралы азаматтық іс қозғалды. Бұл туралы компания жариялаған құжаттардан белгілі болды.

«Ақтөбе-темір-ВС» – пайдалы қазбаларды барлауға, өндіруге және өңдеуге маманданған Ақтөбе облысындағы темір руда компаниясы. Оның негізгі активтері – Велиховское (Оңтүстік және Солтүстік) тобының кен орындары.

2013 жылы кәсіпорын қордың сарқылуына байланысты «Велиховское Солтүстік» учаскесінде кен өндіруді тоқтатты, 2014 жылдың шілдесінен бастап «Велиховское Оңтүстікке» ауысты. 2015 жылдың наурызында компания жұмысты жалғастыру және өнімді сату туралы шешім қабылдады, содан кейін жалғау мерзімі бірнеше рет ұзартылды.

еGov мәліметтері бойынша компанияның төрт тікелей акционері бар: Qazaq Iron...

Астана әкімдігі бұрынғы Сinema Сity кинотеатрының ғимаратын сатып алу мүмкіндігін қарастыруға дайын. Елорда әкімі Жеңіс Қасымбектің айтуынша, «бос сауда орталықтары кварталын» «жандандыруды» жоспарлаған.

«Егер баға қолайлы болса, мемлекет әкімдік немесе министрлік бағасын ұсынуы мүмкін. Бірақ көбінесе меншік иелері тым жоғары, көтерме сома сұрайды. Содан кейін нысанды сатып алу мүмкін болмайды», — деді әкім ОКҚ брифингінде.

Жеңіс Қасымбектің айтуынша, әкімдік бұрын танымал кинотеатр орналасқан аумақты «жандандыруға» мүдделі.

«Бұл көрнекі орын, бір кездері бәріміз балаларды мультфильмге апаратынбыз. Мен қаланың осы бөлігі қайтадан жанданғанын қалаймын. Біз меншік иелерімен жаңа жобаларды іске асыруды жеделдету үшін...

Премьер-министр Олжас Бектенов Алматы ипподромының аумағында кезекті тұрғын үй кешені салынбайтынына сендірді.

Бұған дейін мәжіліс депутаты Бақытжан Базарбек өзінің Бас прокуратураға жолдаған депутаттық сауалында «ипподромды облысқа көшіріп, орнына тұрғын үй салуға тырысып жатыр» деп жазған еді. Депутаттың айтуынша, мұндай жағдай Шымкентте болған, енді алматылықтар да ат-спорт кешенінен айырылуы мүмкін.

Премьер-министрдің хабарлауынша, ипподромның жер учаскесі жалпы 31,3 га, ал оның иесі – «Тәңірі-Инвест», жерді сатып алу-сату шарты 2009 жылғы 19 маусымда болған. Сонымен қатар Алматы қаласының сәулет және қала құрылысы басқармасы жобалау алдындағы құжаттарды бермеген.

«Қаланың бас жоспарына сәйкес ипподром аумағы жалпы пайдаланымдағы жасыл желектер аймағына, ал...

Семей тұрғындары мен қонақтарына хәкім Абайдың туған жерінің тарихы мен мәдениетін таныстыратын «Сәлем, Семей!» жинағы жарық көрді, деп хабарлайды Kursiv LifeStyle.

«Сәлем, Семей!» кітабы – Қазақстан қалалары мен табиғаты және мәдениетін таныстыратын «Сәлем!» кітаптары сериясының бір бөлігі. Басылым «Ертіс өңірі» өлкетану қауымдастығының материалдарына және жергілікті тұрғындардың әңгімелеріне негізделген. Онда Семей қаласының мәдениеті, жаңалықтары мен бірегей оқиғалар, мәселен, Қазақстандағы алғашқы футбол клубының ашылуы туралы жазылған.

«Серияның әрбір кітабын біз тек Қазақстан мамандарымен дайындаймыз. Авторлар мен иллюстраторларды жергілікті креаторлардан таңдаймыз. Кітап Семей тұрғындары үшін де, барлық қазақстандықтар үшін де қызықты әрі пайдалы болады деп сенемін», — деді Tentek...

Астана қаласының әкімі Жеңіс Қасымбек 50 құрылыс компаниясы «қара тізімге» енгізілгенін мәлімдеді

ОКҚ алаңында журналистердің бірі әкімнен Астана әкімдігі бұрын жауапсыз құрылыс компаниялардың тізімін жаңартып тұратынын, бірақ кейінгі екі жылда бұл тізімді ресми сайтында көрсетуді неге тоқтатқанын сұрады. Редакция тіпті қала әкімдігіне ресми сауал жолдап, «қара тізім» неге жарияланбай қалғанын сұраған көрінеді. Әкімдік сол тұста бұл сұрақты мүлде жауапсыз қалдырған.

«Мен жаңа айттым. Бұл тізімде 50 құрылыс компаниясы бар. Қажет болған жағдайда ол тізімді береміз. Негізі бұл тізім жылдың басында және ортасында жаңартылып тұрады», – деді Қасымбек.

Жалпы елде тұрғын үй нарығына сұраныс күрт өскен...

Халық жадында жатталып қалған өнегелі, ұлағатты сөздер әдебиетте, күнделікті қарым-қатынаста, ауызекі тілде ғана емес, сондай-ақ саяси коммуникацияда да жиі қолданылады. Мәселен, Қазақстан президенті Қасым-Жомарт Тоқаев Абайдың нақылдарына және бірлік пен ынтымақ туралы мақал-мәтелдерге көп жүгінеді. Мұны оның елге, әлем жұртшылығына арнап айтқан сөздерінен байқауға болады.

Президент қалың бұқараға қарата айтқан ойын, алға тартқан ұстанымын қуаттай, растай түсетін дәйек ретінде қай автордан жиі цитата келтіреді, қандай мақал-мәтелдерді көп қолданады деген сұраққа жауап табу үшін оның соңғы бес жылда (2019 ж. желтоқсан – 2025 ж. желтоқсан) ел ішінде және халықаралық іс-шараларда сөйлеген сөздерін талдадық. Мемлекет басшысының жыл сайынғы жолдауларынан бөлек...

Астанадағы барлық автотұрақ орындары қала меншігіне өтті. Бұл туралы Орталық коммуникациялар қызметі алаңында Астана қаласының әкімі Жеңіс Қасымбек мәлімдеді.

Қала басшысының айтуынша, өткен аптада автотұрақ учаскелерін қала меншігіне өтеусіз беру туралы келісімге қол қойылған.

«Осы аптадан бастап қаладағы автотұрақтың бәрі тек коммуналдық қызметтердің қарамағында болады және жеке меншікке жатпайды», – деді әкім.

Сүйінші жаңалық

Жеңіс Қасымбектің айтуынша, автотұрақтар қала меншігіне өткеннен кейін, олардың қолданыстағы тарифтері қайта қаралады. Ал әлеуметтік маңызы бар нысандардың маңындағы автотұрақтарды толықтай тегін ету көзделіп отыр.

Әкімнің сөзінше, енді елордада минуттық төлем жүйесі енгізілмейді. Оның орнына жол учаскесіне қарай 15-60 минутты...

Алматы мен Астана қалаларындағы ірі бизнес және сауда орталықтарын басқаратын Marden Property «Marden сауда орталығы» ЖШС-ның 30% үлесіне ресми түрде ие болды. Бұл ақпарат қаржы есебі депозитарийіндегі ресми хабарламада көрсетілген.

Ресми дерекке сәйкес, Marden Property «БЦ Marden» ЖШС-ның жарғылық капиталындағы 30% үлесті алғаш рет иеленген. Өзгерістен кейін бұл компания Marden Property-дің он және одан да көп пайыз үлесі бар ұйымдар тізіміне кірді.

Marden – Астана қаласындағы заманауи бизнес-орталық. Ол Бейбітшілік көшесінің бойында, қаланың іскерлік және әкімшілік орталығында орналасқан. Жақын маңда Астана әкімдігі, Ұлттық банк және Конгресс-Холл сияқты маңызды нысандар бар.

Marden Property Қазақстандағы ірі басқарушы компаниялардың бірі. Ол...

Президент Қасым-Жомарт Тоқаев Санкт-Петербург қаласында өткен Тәуелсіз Мемлекеттер Достастығына (ТМД) мүше мемлекеттер басшыларының бейресми кездесуіне қатысты. Бұл туралы Ақорда хабарлады.

Бейресми саммитке Қазақстан президентімен бірге Ресей президенті Владимир Путин, Армения премьер-министрі Никол Пашинян, Беларусь президенті Александр Лукашенко, Қырғызстан президенті Садыр Жапаров, Тәжікстан президенті Эмомали Рахмон, Түрікменстан президенті Сердар Бердімұхамедов және Өзбекстан президенті Шавкат Мирзиёев қатысты.

Саммит аясында мемлекет басшылары әлемге әйгілі Эрмитаж музейін аралады.

Жоғары мәртебелі меймандар үшін музейде арнайы экскурсия ұйымдастырылды. Мемлекет басшылары Александр залы мен XVIII ғасырдағы Франция өнері залына қойылған танымал экспозицияларды тамашалады.

Әсіресе, бағалы металдардан жасалған археологиялық жәдігерлер ұсынылған «Алтын көмбе» бірегей коллекциясы, сондай-ақ тарихи Пикет...

Жүзефина лақап атымен танылған блогер Жұлдыз Жауынбаева журналист Лаура Лесбектің LAULA подкастына берген сұхбатында өміріндегі күтпеген әрі сабақ болған оқиғаны бөлісті. Оның айтуынша, кезінде өзін бойдақ ретінде таныстырған азаматтың артында отбасы мен төрт баласы бар екені белгілі болған.

Блогердің сөзінше, олар екі рет қана кездескен. Кездесулер бейресми форматта өтіп, жай ғана кофе ішіп, әңгімелесумен шектелген.

«Танысқан кезде бойдақпын, үйленбегенмін деді. Екі рет қана кездестік. Бірақ бір сәтте ішім ауырып, бірдеңе дұрыс емес екенін сездім», – дейді блогер.

Күмәнданған соң, блогер таныстары арқылы ер адам туралы ақпаратты тексеруді жөн көрген. Нәтижесінде оның ресми түрде...

Kursiv.Media тілшісі Астана қаласының әкімі Жеңіс Қасымбектен «LRT құрылысы аяқталғаннан кейін, Қытай жұмысшылары Қазақстанда қала ма» деп сұрады.

«Ол құрылысқа байланысты. Екінші кезең бар. Екінші кезеңде жұмыс істейді. Алайда ол кезде соншалықты көп жұмысшы керек емес. Жұмыс жүктемесі аз болады. Құрылыс біткен соң, құрылысшылардың бәрі үйлеріне кетеді», – деді Жеңіс Қасымбек Орталық коммуникациялар қызметіндегі брифингте.

Сондай-ақ әкімнен LRT құрылысы барысында Қазақстан мамандары шетел жұмысшыларынан қаншалықты тәжірибе алғаны сұралды. Жеңіс Қасымбек Қазақстанның компаниялары LRT құрылысының екінші кезеңіне араласатынын жеткізді.

«Болашақта осындай ірі жобалар болса сол компаниялар жасайтын шығар. Нақты мамандар, теміржолшылар, бетоншылар...

Астанадағы Dental Park Ortho стоматологиясында үш жастағы қыз қайтыс болды. Қайғылы жағдай 2024 жылдың 30 қазанында болған. Содан кейін анестезиолог Аида Жұмағалиеваға қылмыстық іс қозғалды. Сотталушы іс барысында өзіне тағылған айыпты мойындамады.

Бүлдіршіннің 9-11 тісін емдеу үшін «Севоран» наркозы салынған. Алайда қыз «ұйықтап» жатқан кезде жоспар өзгеріп, стоматолог оның 18 тісін емдеген. Қыз оянбай қалған.

Сот үкімі

Сот үкімімен Жұмағалиева қылмыстық кодекстің 317-бабы 3-бөлігі бойынша кінәлі деп танылып, екі жылға бас бостандығынан айырылды. Сондай-ақ 3 жыл медициналық қызмет көрсету саласында жұмыс істей алмайды. ҚР «Рақымшылық туралы» заңына сәйкес Аида с тағайындалған негізгі жазадан босатылды.

Сотталған Жұмағалиева марқұм бүлдіршіннің ата-анасына...

Азаматтардың діни сұрақтарға жауап алуы бұрынғыдан да оңайлай түсті. Қазақстан мұсылмандары діни басқармасы Call орталықта жаңа тегін 1511 қысқа нөмірін іске қосты. Бұл туралы Kursiv.Media Мүфтият мәліметіне сүйене отырып хабарлады.

Мақсат – көпшілікке жедел ақпарат беру. 2025 жылғы 22 желтоқсаннан бастап кез келген азамат 1511 нөміріне қоңырау шалып, діни мәселелер бойынша өзіне қажетті мәліметті тікелей білікті мамандардан ала алады.

«Қазір 1511 қысқа нөмірі арқылы Kcell, Activ, Beeline және Қазақтелеком байланыс операторларының абоненттері тегін хабарласа алады», – деп таратты діни басқарма.

Ал Tele2 және Altel желілерін пайдаланатын азаматтар үшін қосымша байланыс нөмір...

Астана қаласының әкімі Жеңіс Қасымбек барлық вагон 2025 жылдың желтоқсан айының соңына дейін жеткізілетінін мәлімдеді.

Бұл туралы әкім брифинг барысында айтты.

«Біз бастапқыда сынақ режимі үш айдан алты айға дейін созылатынын айтқан едік. Қазір бұл жұмысты алдағы екі айдың ішінде толық аяқтауды жоспарлап отырмыз. Осыдан кейін LRT тұрақты, жұмыс режимінде іске қосылады. Ол Есіл және Нұра аудандарындағы көлік жүктемесін, әсіресе Қалдаяқов, Сығанақ және Қабанбай батыр даңғылдары бойында, едәуір жеңілдетеді», – деді қала әкімі.

Жоспар бойынша, барлық сынақ жұмыстары аяқталған соң, жеңіл рельсті көлік жолаушыларды 2026 жылдың көктемі немесе жазында тасымалдай бастайды.

Айта кетейік, қыркүйектің 29-ынан...

Жетісу өлкесі туристік жұмаққа айналуға сұранып-ақ тұр. Қазақстандағы ең биік сарқырама – Бұрхан-Бұлақ, Алакөл, Балқаш, Жасыл көл, Айғайқұм, ежелгі петроглифтер кешені Ешкіөлмес осы аймақта орналасқан.

Тек туристерді тартып, көрікті мекенді көруге қызықтыра білу керек. Бұл міндетті Visit Zhetysu өз міндетіне алып отыр. Бұл мекеме ұйымдастырған 18-20 аралығында өткен блог-тур облыстың туристік әлеуетін бағамдауға ықпал етті.

Жалпы, Жетісу облысы жері – 11 млн 846 мың га. Шамамен, 118 мың шаршы шақырым. Халық саны – 699,1 мың адам. Облыс орталығы – Талдықорған қаласы. Жетісу облысының құрамына Ақсу, Алакөл, Ескелді, Қаратал, Кербұлақ, Көксу, Панфилов, Сарқан аудандары, Талдықорған, Текелі қалалары кіреді.

Әрине, келген туристт...

2025 жылы тұрғын үй бағасы 15,6%-ға қымбаттаған. 2025 жылдың қарашасындағы деректер Қазақстанның бастапқы тұрғын үй нарығы жаңа кезеңге өткенін көрсетеді. Баға әлі де өсіп жатқанымен, қарқыны баяулаған. Қолданбалы экономиканы зерттеулер орталығының сарапшылары 2026 жылы тұрғын үй нарығы қалай құбылатынына қатысты болжам жасады.

2025 жылғы қарашада жаңа тұрғын үйдің 1 шаршы метрінің орташа құны 568,8 мың теңгеге жетті. Өткен жылмен салыстырғанда 15,5%-ға жоғары. Яғни тұрғын үй бағасының өсімі жылдық инфляциядан (12,4%) асып түсті. Дегенмен айлық өсім бар болғаны 2,5% болды, бұл нарық «қызуы» басылғанын аңғартады.

Қарашада 40 мыңға жуық сату-сатып алу мәмілесі жасалған. Қазан айымен салыстырғанда...

Танымал заңгер Мейірман Шекеев келер жылды «қазақ тілі жылы» деп жариялауды ұсынды. Шекеев бұл бастаманы қолдау үшін Қазақстан Президентіне үндеу жасауды жоспарлап отырғанын мәлімдеді.

Заңгер бұл туралы әлеуметтік желідегі парақшасында жазып, соңғы уақытта мемлекеттік тілге қатысты қоғамда болып жатқан оқиғаларға назар аударды.

Орыс тілінде сөйлеуге міндеттей алмайды

Мейірман Шекеевтің айтуынша, жақында қоғамдық көлікте болған жанжалға байланысты орыс тілінде сөйлеуді талап етіп, балағат сөздер айтқан азаматтарға қатысты сот процесі өтіп, құқық бұзушылар жауапкершіліктен қашып құтыла алмаған.

«Автобустағы оқиғаға қатысты ер азамат та жауапкершіліктен құтыла алмады, оған да сотпен жаза арқалаттық. Қазіргі таңда әлеуметтік желілерде...

Түркістан облысы Созақ ауданында құлаған «Ақбикеш» немесе «Ақсүмбе» мұнарасы қайта жаңғырту кезінде түпнұсқалық құрылымын толық сақтайды. Бұл туралы «Қазқайтажаңарту» кәсіпорны хабарлады.

Кәсіпорынның дерегінше, тарихи және мәдени ескерткішке ғылыми зерттеу жүргізіліп, қорытындысы шыққан.

«Ескерткішті одан әрі сақтау мақсатында мұнараның контурын ішінара қайта жаңғыртуды және консервациялық жұмыстар жүргізуді көздейтін жобалық шешім әзірленді. Мұндай тәсіл реставрацияның белгіленген әдістеріне толық сәйкес келеді», – дейді кәсіпорын директоры Олжас Шариязданов.

Кәсіпорын директорының мәліметінше, мұнараның барлық сыртқы беттеріне консервациялық сылақ қолдану қажет. Бұл мұнара материалын одан әрі бұзылудан қорғауға мүмкіндік береді.

Консервациялық сылақтың негізгі қызметтері ылғалдан, желден, аяз әсерінен болатын бұзылудан...

Павлодар облысы маса мен шыбын-шіркеймен күреске 13 млрд 674 млн 377 мың теңге бөлгісі келеді. Қаражат үш жылда игеріледі. Бір ғана қызметтен тұратын лот мемлекеттік сатып алу порталында 2025 жылғы 22 желтоқсанда жарияланды. Қазақстан тарихында масамен күреске мұншама миллиард ешқашан бөлінген емес. Асайын Байханов әкімдігі рекорд орнатты.

Тендер мерзімі

Масаға қарсы қыруар қаражаттың ашық байқауын талқылау екі күнге созылады. 25 желтоқсанда тендерге қатысушылардан өтініш қабылдау басталып, 2026 жылғы 5 қаңтарда аяқталады.

Тапсырысты Павлодар облысының жер қойнауын пайдалану, қоршаған орта және су ресурстары басқармасы жариялады.

Мақсат пен міндет

Миллиардтар 2026-2028 жылдары игеріледі. Өңір басшылығы соның көмегімен халықты...

Қызылорда облысында атаулы әлеуметтік көмек алу үшін мыңдаған отбасы қағаз жүзінде ажырасқан. Бұл туралы облыс әкімі Нұрлыбек Нәлібаев айтты.

«Әлеуметтік салаға талдау жүргізіп, қаражат үнемдедік. Атаулы әлеуметтік көмек алатын азаматтармен 2022 жылдан бастап жұмыс істедік. Ол кезде 63 мыңнан аса отбасы АӘК алса, қазір 19 мыңға түсті. Қазір шын мұқтаж азаматтар алып жатыр. Бұрын алып келгендерді жұмысқа орналастырдық, кей бөлігі заңсыз алып келген.

Ажырасу көбейіп кетті деп айтып жатыр. Соның ішінде АӘК алу үшін көпшілігі қағаз жүзінде ажырасып, бірге тұрып жатқан. Мұны аралаған кезде анықтадық», – дейді облыс әкімі.

Айтуынша, нәтижесінде 8,5 млрд теңге үнемделген.

Қызылорда облысының әкімі Нұрлыбек Нәлібаев 2026 жылы өңірде қуаңшылық болуы мүмкін екенін айтты.

Орталық коммуникациялар қызметіндегі брифингте БАҚ өкілдері «2026 жылы өңірде су тасқыны болуы мүмкін бе» деп сұрады.

«Су тапшылығын кезініп жатқан өңірміз. Су тасқыны болады деген қауіп жоқ. Керісінше су тапшы болуы мүмкін. Ауыл шаруашылығымен айналысатын өңір болғандықтан, суды үнемдеу үшін жұмыс істеп жатырмыз.

Бұрын өңірде су тасқыны болған. Сол кезде «Көксарай» су реттегіші салынған», – дейді Нәлібаев.

Айтуынша, облыс көп судан қорықпайды, керісінше қабылдауға дайын.

Бұған дейін Түркістан облысы әкімі Нұралхан Көшеров өңірде су тапшы болатынын айтты.