Жаңалықтар

АҚШ-тың Техас штатында қалың жаңбырдан кейін болған су тасқыны салдарынан қаза тапқандар саны кемінде 82 адамға жетті. Ондаған адам әлі күнге дейін із-түссіз жоғалғандар қатарында, деп жазады CNN.

Табиғи апаттан ең көп зардап шеккен аймақтардың бірі – Керр округі, мұнда орналасқан Camp Mystic жазғы лагерінен хабарсыз кеткен балалар мен тәрбиешілерді іздеу жалғасып жатыр.

Су деңгейі көтерілуде

Мамандардың мәліметінше, алдағы күндері жауын-шашынның қайта күшеюі Керр округіндегі өзен-көлдердің тасуына себеп болуы мүмкін. Техас губернаторы Грег Эбботт жексенбі күнгі кенеттен болған су тасқынының әсері әлі де қауіпті екенін, алдағы күндері жауын жалғасуы мүмкін екенін ескерткен.

Іздестіру операциялары

Camp Mystic лагерінен жоғалған туристерді әуе және жерүсті топтары іздеп жатыр. Сонымен қатар, Техас Ұлттық гвардиясы әскери мақсаттағы дрондарды қолдануда. Бұл аппараттар...

Алматы облысында жасырын есірткі зертханасының қызметі тоқтатылды. ІІМ арнайы операцияның барысын баян етті.

Министрлік Шу қаласынан Алматы облысына «бақыланатын жеткізу» әдісімен арнайы операция жүргізіп, Алматы облысы Қарасай ауданының «Тұрар бақшасы» елдімекенінде жұмыс істеген жасырын есірткі зертханасының қызметін тоқтатқан.

Ақпаратқа қарағанда, синтетикалық есірткілерді өндіру және таратумен айналысқан қылмыстық схеманы көрші елдің екі азаматы ұйымдастырған. Жедел іс-шаралар барысында заңсыз айналымнан 11 келіден астам синтетикалық «мефедрон» есірткісі тәркіленген.

«Нәтижесінде айналымға құны 1,6 млн АҚШ долларын құрайтын шамамен 35 мың бір реттік дозаның түсуіне жол берілмеді. Сонымен қатар зертханаға жүргізілген тінту барысында 20 литр және 115 кг психотроптық зат...

Шілде айында Өзбекстан астанасы Ташкентте жаңа температуралық рекорд тіркелді, деп жазды Anonsoz порталы.

Басылым мәліметінше, ел астанасында ауа +43,5 градусқа дейін ысыған.

«Мұндай көрсеткіш осы күнге дейін 1868 жылдан бергі бақылау кезеңінде алғаш рет тіркеліп отыр», – делінген хабарламада.

«Өзгидромет» мәліметінше, рекорд Ташкент қаласындағы «Ташкент-обсерватория» метеостанциясында тіркелген. 157 жылдық метеобақылау тарихында 4 шілдеде ауа температурасы мұндай деңгейге алғаш рет жеткен.

Алайда басылымның бұл ақпаратты желіде күмән тудырды. Желі қолданушылары шынайы ауа температурасы бұдан да ыстық екенін, оны жасыратынын айтады. Бір қолданушы үйінің көлеңке жағында орналасқан термометр 46 градус көрсеткенін жазған. Көп қолданушы кем...

Қолыңыз қалт етсе болды, телефоныңызға жаңа хабарлама келген-келмегенін тексеретін жаман әдетіңіз бар ма? Экраны жанбаса да, 5 минут сайын қарай беретін болсаңыз, онда сіз дижитал қармаққа ілініп қалған көпшіліктің қатарындасыз деген сөз. Ол не деген сөз, бұл әдеттен қалай арылуға болады — бүгінгі материалымызда талдаймыз.

Бұған нейробиологияның қандай қатысы бар?

Жазғы маусымдық туристік бағыттардағы жанармай бекеттерінде бензин жоқ. Бұл өңірге саяхаттап барған жолаушылардың ашуын тудырды. Көпшілік бұл тапшылықтың астарында бағаны көтеру саясаты жатыр деп санайды.

Әлеуметтік желіде тараған видеороликтерден Балқаш бағытында үлкен кептеліс пайда болғанын көруге болады. Жолаушылардың айтуынша, Балқашқа баратын жолда барлық жанармай бекетінде ұзын көлік кептелісі пайда болған, сондай-ақ кейбір бекеттерде жанармай таусыған. Бұл жүргізушілерге үлкен ыңғайсыздық тудырған.

«Балқаш бағытында жолға шықсаңыздар бензинді қамдап алыңыздар немесе қосымша жанармай тием алған абзал», – дейді видеороликтегі жүргізуші.

Қайрат Нұртас концертін тікелей эфирде көрсетеді. Концертті онлайн тамашалғысы келетіндер 990 теңге төлеуі керек. Бұл туралы әнші өзінің әлеуметтік парақшасында хабарлады.

«Құрметті тыңдармандарым, сіздердің сұрауларыңыз бойынша концертімді телегарм каналым арқылы тікелей көрсетілім жасаймыз деп шештік. Бағасы 990 теңге», – деді әнші.

Осыған дейін Қайрат Нұртас концертін тікелей эфирде өткізу туралы шешімді көрермендер қабылдайтынын хабарлаған болатын.

Айта кетейік, тікелей эфир көрсетілімін...

Қасым-Жомарт Тоқаев World Boxing кубогының жеңімпаздарын құттықтады. Ақорданың телеграм арнасында президенттің спортшылармен кездескен сәтінен видеоүзінді жарияланды.

Тоқаев спортшыларды құттықтап, спортшыларды қолдау үшін арнайы келіп, көргенін айтты.

«Сайысты көрдім, тамашаладым. Жеңістеріңіз құтты болсын! Бокспен тек мықты, күш-жігері мол адамдар шұғылданады. Бұл – ерекше спорт. Баршаңызға сәттілік тілеймін. Мемлекет әрқашан сіздерді қолдайды. Қазақстанда бокстың келешегі зор болатынына ешқандай күмәнім жоқ», – деді ол.

Айта кетейік, бұл сайыста Қазақстан қоржынына алғашқы алтынды Назым Қызайбай салды. Сонымен бірге Махмұд Сабырхан және Бекзат Нұрдәулетов World Boxing кубогының алтын медалін иеленді. Нұрбек Оралбай күміс жүлдеге ие болса, Сағынды...

Астана күніне орай әскерилер Есіл өзенінде өнер көрсетті. Астана әкімдігінің хабарлауынша, XI «Әскери керней» әскери-музыкалық фестивалі аясында Ұлттық ұланның әскери музыканттары алғаш рет өз өнерін Есіл өзенінде жүзіп жүрген өзен трамвайының бортында көрсеткен.

Өзен бойымен қозғалған кемеде Ұлттық ұлан оркестрі патриоттық марштар, заманауи және халықтық шығармаларын орындаған. Оркестрдің дирижері бұл концерттің музыканттар үшін жаңа тәжірибе болғанын айтты.

«Бұл қойылым форматы музыканттар, көрермендер үшін де тың формат болды. Біз елордалықтарға жарқын эмоция сыйлағымыз келді. Бұл концертті көрермендер ұзақ уақыт есте сақтайтынына сенімдінін», – деді оркестр дирижері.

Бұдан бөлек, фестиваль аясында «Ғашықтар», «Жерұйық» және...

Президент Қасым-Жомарт Тоқаев бокстан Әлем кубогының финалын тамашалауға келген. Бұл туралы президенттің баспасөз қызметі хабарлады.

«Бүгін Президент Қасым-Жомарт Тоқаев бокстан Әлем кубогының финалын Жақсылық Үшкемпіров атындағы Жекпе-жек сарайында жанкүйерлермен бірге тамашалап отыр», – делінген хабарламада.

Қазақстанда өтіп жатқан World Boxing Әлем кубогында 29 елдің 250 боксшысы бақ сынасты. Аталмыш рейтингтік жарыс боксшылардың олимпиадаға жолдама алуына жол ашады.

Айта кетейік, бүгін Қазақстан қоржынына алғашқы алтынды Назым Қызайбай салды. Боксшы қыз үндістандық спортшы Минакшимен сайысқан болатын.

World Boxing кубогында қазақтың боксшы қызы Назым Қызайбай жеңіске жетіп, Қазақстан қоржынына алғашқы алтынды салды. Бұл туралы Ұлттық олимпиада комитеті хабарлады.

«Назым Қызайбай Әлем кубогының алтын медалі үшін үндістандық Минакшиға қарсы айқасты. Тартысқа толы жекпе-жектің қорытындысы бойынша Назым Қызайбай жеңіске жетті. Осылайша, жерлесіміз Қазақстан қоржынына алғашқы алтын медальді салды», – делінген комитет хабарламасында.

Техастағы алапат су тасқынына байланысты презижент Қасым-Жомарт Тоқаев АҚШ президенті Дональд Трампқа көңіл айту жеделхатын жолдады. Бұл туралы Ақорда хабарлады.

«Қасым-Жомарт Тоқаев Дональд Трампқа Техас штатындағы алапат су тасқыны салдарынан көптеген адамның, соның ішінде балалардың қаза тапқанына байланысты көңіл айту жеделхатын жолдады. Мемлекет басшысы қайтыс болған азаматтардың отбасы мен жақын туыстарына көңіл айтты. Сондай-ақ зардап шеккендердің тезірек сауығып кетуіне тілектестік білдірді», – делінген хабарламада.

Айта кетейік, 4 шілде күні Техас штатының Керр округінде қатты жауын-шашын болып, салдарынан  Гуадалупе өзенінде су үлкен жыдамдықпен көтеріліп, арнасынан шыққан. Өзен деңгейі небары 2 сағат ішінде 6 метрге...

Өзбекстан президенті Шавкат Мирзиеев экс-президент Нұрсұлтан Назарбаевты туған күнімен құттықтады. Бұл туралы Өзбекстан президентінің баспасөз қызметі хабарлады.

Мирзиеев Назарбаевты телефон арқылы құттықтаған.

«6 шілдеде Өзбекстан Республикасының Президенті Шавкат Мирзиеев пен Қазақстан Республикасының Тұңғыш Президенті Нұрсұлтан Назарбаев арасында телефон арқылы сөйлесті. Мемлекет басшысы Нұрсұлтан Назарбаевты туған күнімен шын жүректен құттықтап, оған зор денсаулық, бақ-береке және табыс тіледі», – делінген баспасөз хабарламасында.

Сонымен бірге көрші ел басшысы Өзбекстан мен Қазақстанды достық, тату көршілік, стратегиялық серіктестік пен одақтастық қатынастар байланыстыратнын атап өткен. Әңгіме барысында екі елдің барлық салалар бойынша көп қырлы ынтымақтастықты қарқынды дамытып жатқаны...

Volvo көп жылдар бойы автокөліктер қауіпсіздігінің эталоны саналып келді. Швед бренді жүргізуші мен жолаушылардың өмірін сақтауға бағытталған инженерлік шешімдердің синониміне айналды. Алайда АҚШ-тың Жол қозғалысы қауіпсіздігін сақтандыру институты (IIHS) жүргізген соңғы краш-тест нәтижелері бұл дәстүрлі түсінікті өзгертіп отыр. Енді көш басында – Оңтүстік Кореяның Hyundai және Kia компаниялары.

IIHS тесттері не көрсетті?

IIHS – әлемдегі ең беделді автокөлік қауіпсіздігін бағалайтын институттардың бірі. 2025 жылғы жаңартылған сынақтар аясында екінші қатардағы жолаушылардың қорғалуы, соқтығысудың алдын алу жүйелері және бүйірлік соққы кезіндегі қауіпсіздікке қойылатын талаптар күшейтілді.

Осы жаңа талаптар бойынша Hyundai Ioniq 6, Kia Telluride және Kia EV9 үлгілері е...

Иран көшбасшысы аятолла Әли Хаменеи Израильмен соғыс басталғалы алғаш рет жұрт алдына шықты. Бұл туралы IRNA агенттігі хабарлады.

Агенттіктің хабарлауынша, Хаменеи Тегеранда өткен аза тұту рәсіміне қатысқан.

«Имам Хусейннің шейіт болғанын еске алуға арналған аза тұту рәсіміне Жоғарғы көшбасшы аятолла Хаменеи өзі келіп қатысты», – делінген агенттік хабарламасында.

Еске сала кетсек, 13 маусым күні Израиль Иранға әуеден шабуыл жасап, бірқатар ядролық нысандардың жойылғанын хабарлады. Сонымен бірге Тегерандағы Ислам революциясы сақшыларының бас кеңсесіне соққы жасалды.

Бұдан кейін Хаменеи Тегеранның Изариль мен АҚШ-тан міндетті түрде кек алатынын мәлімдеп, қарымта соққы жасады. 17 маусымда...

Төреғали Төреәлі сахнадан кетпейтін болды. Бұл туралы өзінің әлеуметтік парақшасында продюсер Жан Мұқанов жазды.

«Бүгін біз алғаш рет ресми келісімшартқа қол қойдық. Қатаң. Ақиқатты. Жауапкершілігі бар. Өйткені біз енді бала емеспіз. Енді бәрі – үлкендердің ойыны. Мен енді ресми түрде Төреғалидің продюсерімін. Жай ғана атақ емес – бұл үлкен жауапкершілік. Мен бұл жауапкершілікті қуана қабылдаймын. Себебі мен бұл жігіттің өнеріне, жүрегіне, болашағына сенемін», – деп жазған продюсер.

Қарағанды облысында жол апаты болып, 7 адам қаза тапты. Бұл туралы Қарағанды облыстық полиция департаментінің басшысы Азамат Ахметов хабарлады.

2025 жылғы 5 шілдеде Kia Sedona автокөлігінің жүргізушісі Балқаш қаласына бағыт алып бара жатып, Ақшатау ауылына жетпей апатқа ұшыраған. Алдын-ала мәлімет бойынша, көлік жүргізушісі алда келе жатқан көліктерді басып озбақ болып, жол белгілеріне назар аудармаған, салдарынан жөндеу жұмыстары жүргізіліп жатқан жол учаскесіне шығып кеткен.

Апат кезінде көлік өртеніп кеткен. Жол көлік оқиғасы салдарынан 7 адам қаза тауып, жүргізуші мен тағы бір жолаушы ауруханаға жеткізілген.

«Аталған факті бойынша қылмыстық іс қозғалып, қажетті сараптамалар тағайындалды. Қазірг...

Петропавл қаласында еліміздегі алғашқы модульдік құтқару станциясы ашылды. Бұл туралы Төтенше жағдайлар министрлігінің баспасөз қызметі хабарлады.

Жаңа нысан Есіл өзенінің жағалауында орналасқан және Солтүстік Қазақстан облысындағы судағы төтенше жағдайларға жедел әрекет етуге мүмкіндік береді.

Модульдің салтанатты ашылу рәсіміне Төтенше жағдайлар министрі генерал-майор Шыңғыс Әрінов, қатысқан. Министр өз сөзінде құтқару бөлімшелерінің инфрақұрылымын күшейту бағытында атқарылып жатқан жұмыстарға тоқталды.

«Біз құтқару бөлімшелерінің қажетті жерлерде салынуын қамтамасыз ету арқылы оларды күшейтіп жатырмыз. Мұнда құтқарушылардың жылдам әрекет етуіне барлық жағдай жасалған», – деді министр.

Модульдің ерекшелігі

Модульдік станция қысқа мерзімде салынып, тәулік...

Астананың тағдыры -Қазақстанның заманауи даму тарихының өзегі. Ел тәуелсіздігін алған соң, жаңа саяси және экономикалық вектор іздеген мемлекет 1997 жылы астананы көшіру арқылы стратегиялық шешім қабылдады. Бұл шешімнің салдары бір ғана әкімшілік өзгеріс емес, бүтін бір экономикалық, әлеуметтік және урбанистік жүйенің түбегейлі трансформациясына жол ашты. Араға ширек ғасыр салып, біз бүгінде Астананы елдің жүрегі ғана емес, сонымен бірге экономикалық қозғалтқышы деп атай аламыз.

Экономикалық құрылымдағы орны: ЖІӨ үлесі және сектормен саралау

1997 жылы елорда жалпы ішкі өнімнің (ЖІӨ) небәрі 0,17%-ын ғана құрады. Бұл – ауыл шаруашылығы мен әкімшілік мекемелерден тұратын шағын қала үшін заңды құбылыс. Алайда...

Астананың Орталық саябағында ала күніне арналған «Мерекелік саябақ» отбасылық фестивалінде қайта өңделген пластиктен алып мысық мүсіні құрастырылды. Астана қаласының әкімдігі бұл шараның «Таза Қазақстан» эко-акциясы аясында ұйымдастырылғанын хабарлады.

Алып мысықты суретшілер, волонтерлер және фестиваль қонақтары бірігіп құрастырған. Бұл инсталяция саябақты безендіру мақсатын ғана көздемейді, сонымен бірге қоршаған ортаны таза ұстап, табиғи ресурстарды ұқыпты пайдалануға үгіттейді.

«Қонақтар біздің шеберлік сабақтарымызға белсенді қатысты, қалдықтарды сұрыптауға қызығушылық танытты. Жалпы алғанда, қазақстандықтар экология мәселесінде бұрынғыдан да саналы бола бастағанын айтуға болады», – дейді экотренер Мариям Қасымова.

Айта кетейік, Астана күніне орай қалада 100-ден астам шара ұйымдастырылып...

Президент Қасым-Жомарт Тоқаев Қазақстан халқын Астана күнімен құттықтады. Бұл туралы Ақорда хабарлады.

Өз құттықтауында Тоқаев биылғы атаулы күннің Домбыра күнімен қатар келгенін, мұның өзіндік мәні бар екенін ескерген.

«Құрметті отандастар! Астана күні құтты болсын! Биыл бұл мереке Домбыра күнімен тұспа-тұс келіп отыр. Мұның символдық мәні зор. Қазақтың қасиетті қара домбырасы Ұлы даланың мыңжылдық бірегей мәдени мұрасын әйгілейді. Ал елордамыз Қазақстанның тұрақты әрі қарқынды өсіп-өркендеуін және жасампаз ұлттың жарқын болашаққа ұмтылысын айшықтай түседі», – деді президент.

Сонымен бірге мемлекет басшысы Астананың бүгінде көркейіп, дамып, іскерлік ортаға айналғанын атап өткен.

Ресейде бірлескен өңіраралық операция барысында полицейлер «жалған ақша таратты» деген күдікпен 23 жастағы Қазақстан азаматын ұстады.

РВ ақпаратына қарағанда, қазақстандық мессенджер арқылы 300 жалған бес мың рубльдік купюраны сатып алып, қайта өткізе бастаған. Ол 28 купюраны өткізіп үлгеріпті.

 2 — Волгоград облысында, 11 — Астрахань облысында және 15 — Мәскеуде.

«Ол бұрыннан әзірленген схема бойынша әрекет еткен. Бір затты сатып алған кезде жалған ақшамен төлеген, қайтарымына шынайы ақша алған» , – дейді Ресейдің ІІМ-і.

Күдікті Мәскеуде Волгоград полицейлерінің іссапары кезінде ұсталыпты. Жеке тінту барысында оның жанынан 1,36 миллион рубль болатын 272 жалған банкнот тәркіленді.

Бұл...

Көбі IT-саласында жаратылыстану-математика бағытында оқығандар ғана жүреді деп ойлайды. Негізі мұнда гуманитарийлерге де орын көп. Коды аз не мүлдем коды жоқ IT-мамандықтар болады. Бүгінгі материалымызда соларға шолу жасаймыз.

Координация, Басқарма

Тоқаев Назарбаевты мерейтойымен құттықтады. Қазақстанның алғашқы президенті Нұрсұлтан Назарбаевты 85 жасқа толып отыр.

Қасым-Жомарт Тоқаев жеделхатта мерейтой иесінің тарихи рөліне тоқталды. Оның жаңа дәуірдегі қазақ мемлекеттілігінің бастауында тұрғанын атап өтті. Сонымен қатар, Қазақстанның қалыптасуы мен дамуына зор үлес қосқанын жазған.

Тоқаев Назарбаевты құттықтай отырып, Қазақстан астанасын көшіру туралы шешімі ел экономикасын өркендетуге және мемлекеттің халықаралық беделін нығайтуға айрықша ықпал еткенін атап өткен.

ТоқаевНазарбаевтың деніне саулық тіледі.

Мұның алдында президент Алжир Президенті Әбделмәжид Теббунға жеделхат жолдаған еді.

Қаржаубайдың адвокаты Мейірман Шекеев анасын іздеген Жәнібек Савельевтің ісін алды. Бұл туралы танымал журналист Қымбат Досжан хабарлады.

«Құрметті оқырмандар – Жәнібектің жанашырлары, сіздерге айтарлықтай жаңалығым болмағандықтан, осы күнге дейін ешқандай ақпарат бере алмадым», – деп жазды Қымбат Досжан.

Жәнібектің ісі бойынша қандай қылмыстық іс қозғалды?

2024 жылғы 31 қаңтарда ҚР Қылмыстық кодексінің 135-бабы, 3-бөлігі – Кәмелетке толмағандар саудасы, оның ішінде: кәмелетке толмаған адамды Қазақстан Республикасының шегінен тысқары жерге әкету дерегі бойынша қылмыстық іс қозғалды.

Айта кететін жайт, Жәнібек Савельев  2023 жылдың соңында Қазақстанға  туған анасын іздеп Белгиядан келеді.

Ата-анасы ізделіп жатыр?

Ішкі істер министрінің орынбасары