Жаңалықтар

23 маусым – мемлекеттік қызметкерлердің кәсіби мерекесі. Дүниежүзі елдерінің мемлекеттік қызметкерлері бұл күнді атап өтеді.

Мемлекеттік қызметкерлер күні 2002 жылы 20 желтоқсанда белгіленді.

БҰҰ Бас Ассамблеясының 57 сессиясында бұл жөнінде арнайы қарар қабылданды. Ал Қазақстанда 2013 жылы ресми түрде бекітілді.  

Бүгінде мемлекеттік қызмет жүйесін жетілдірудің басты қағидалары айқындалған.

Ашықтық пен адалдық – кадрларды қабылдау мен қызмет барысында жоғарылау процестері қоғам үшін барынша айқын әрі түсінікті болуы тиіс.

Еңбектің әділетті бағалануы немесе меритократия. Мемлекеттік лауазымдарға үміткерлерді іріктеу мен көтермелеу олардың тәжірибесіне, кәсіби машықтары мен құзыретіне негізделеді.

Икемділік – тиімділікті арттыру үшін заманауи технологиялар мен инновациялық тәсілдерді енгізу маңызды.

Үздіксіз даму

Бұрынғы судья Қарлығаш Таткееваға іздеу жарияланды. Бұл туралы құқықтық статистика сайтында көрсетілген.

Таткеева бұрын азаматтық істер бойынша Жоғарғы сот төрағасының кеңесшісі қызметін атқарған.

Таткееваға іздеу 2025 жылдың 20 маусымынан бастап жарияланды.

Іздестіруді бастау туралы шешімді сот қабылдаған, ал істі жүргізумен Сыбайлас жемқорлыққа қарсы іс-қимыл агенттігінің Қарағанды облысы бойынша департаменті айналысып жатыр.

Еңбек және халықты әлеуметтік қорғау министрлігі мемлекеттік қолдау шараларын тарату моделін сынақтан өткізіп жатқанын хабарлады.

Министрліктің мәліметінше, жаңа формат пилоттық режимде Қарағанды облысы мен Шымкент қаласында іске асырылып жатыр.

Пилоттық жобаға отбасын қолдау орталықтары, спорт немесе арнайы мектептер, оқушылар сарайы, балалар үйлері, ерте араласу орталықтары сияқты 36 мемлекеттік мекеме қатысып жатыр.

Пилоттық жоба аясында білім беру, халықты әлеуметтік қорғау, тұрғын үй қатынастары және дене шынықтыру салаларында 11 мемлекеттік қызмет көрсетуді жүзеге асыру жоспарланған.

«Пилоттық жобаны іске асыру қолданыстағы шаралардың бытыраңқылығы мен қайталануын болдырмауға, тиімсіз төлемдерді қысқартуға, шын мәнінде мұқтаж азаматтарға мемлекеттік қолдау көрсетуге, қызмет көрсету...

Сенат жаңа Салық кодексі жобасын қарады. Сонымен қатар сенаторлар «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» заңды талқылады.

Жаңа Салық Кодексіндегі өзгерістер халыққа да, кәсіпкерлерге де тікелей әсер етеді. Осы ретте жаңа құжатпен елдің салық жүйесіне қандай өзгеріс енетінін талдап көрейік.

Қосылған құн салығы мөлшерлемесі өседі

Ең көп талқыланған өзгерістердің бірі – қосылған құн салығы (ҚҚС) мөлшерлемесінің 12%-дан 16%-ға көтерілуі. Бұл, әсіресе, тауар мен қызмет бағасына тікелей әсер етеді. Өйткені бинесмендер салынатын салықты өнімнің өзіндік құнына қосады. Ал үкімет жаңа салық реформасынан бюджетке қосымша 3-4 трлн теңге түседі деп жоспарлап...

Tesla компаниясының робот-таксилері Техас штатының Остин қаласында тұрғындарға қызмет көрсете бастады. Ақылды көлік қызметін пайдаланған ықпалды адамдар видео жариялап жатыр деп жазды Reuters.

Әлемнің ең бай адамы Илон Маск өзіне тиесілі компанияның робот-такси шығаруын «ондаған жылға созылған табанды жұмыстың жемісі» деп атады.

Tesla робот-таксилері жексенбі, 22 маусымда Остин қаласының көшелеріне шыға бастады. Robotaxi деген жазуы бар, бірақ ішінде жүргізушісі жоқ автокөліктер қала тұрғындарының назарына бірден ілікті.

Автокомпания әзірге сынақ ретінде он робот-такси шығарған. Жүргізуші отыратын орында адам жоқ, бірақ жолаушы орнында бір адам отыр. Ол «қауіпсіздікті бақылаушы» қызметін атқарады. Мұндай қызметкердің көлікті қаншалықты бақылайтыны әзірге белгісіз.

Маскт...

Аян Ғалиевтің өмірі мен ерлігі туралы кітап шығару қолға алынды. Бұл туралы Ішкі істер министрлігінің баспасөз қызметі хабарлады.

Әңгіме  2016 жылғы 18 шілдеде Алматы қаласындағы террорлық акт кезінде лаңкестің жолын бөгеп, өз өмірін қиған полиция старшинасы Аян Ғалиев туралы болып отыр.

«Eрлігі мәңгі сақталады»

«Оның өмірі мен ерлігі туралы кітап шығаруға қатысты жұмыстар жүргізіліп жатыр. Бұл бастама батырлық рухты дәріптеу және болашақ ұрпақтың отансүйгіштік қасиетін арттыруға бағытталған», – делінген ІІМ баспасөз қызметінің «Курсивке» берген жауабында.

Министрліктің хабарлауынша,  Аян Ғалиевтің ерлігі халық жадында мәңгі сақталып, келешек ұрпаққа үлгі болып қала бермек.

Батырды...

Құстармен соқтығысуға байланысты SCAT әуе компаниясы бірқатар рейстерін ауыстырды. Бұл туралы компанияның баспасөз қызметі хабарлады.

Баспасөз қызметінің мәліметінше, бірқатар қалаларда әуе компаниясының әуе кемелері құстармен соқтығысып зақымдалған.

«Мұндай жағдайлар форс-мажорлық мән-жайлар санатына жатады және тасымалдаушы тарапынан бақылауға келмейді. Соған қарамастан, компания рейстер кестесін қысқа мерзімде тұрақтандыру үшін бар күшін салды. Жедел түрде резервтік әуе кемелері жіберілді, сондай-ақ жоспардан тыс техникалық қызмет көрсету жұмыстары жүргізілуде», – деп хабарлайды компания.

Қандай бағыттағы рейстер ауысты?

Форс-мажорлық жағдайға байланысты Анталья – Астана және Ақтөбе – Анталья бағыттарындағы рейстер ауысқан. Антальядан ұшуы керек болған жолаушыларға...

Энергетика министрлігі сұйытылған мұнай газының көтерме сату бағасының шекті мөлшерін тоннасына 51 932 теңге деңгейінде бекітуді жоспарлап отыр. Бұл туралы құжат «Ашық НҚА» сайтында жарияланды. Қоғамдық талқылау 2025 жылғы 24 маусымға дейін жалғасады.

Министрліктің бұйрығына сәйкес, сұйытылған газ бағасы өседі. Қазіргі шекті баға – 45 158 теңге. Ал жаңа өзгеріс бойынша, баға келесі айдан бастап 15%-ға өседі. Ол 2025 жылғы 1 шілдеден 31 желтоқсанға дейін сақталмақшы.

Автогаз – бұл автокөлік отыны ретінде қолданылатын сұйытылған мұнай газы. Әдетте ол қысыммен сақталатын пропан мен бутан қоспасынан тұрады. Автогаз бензин мен дизельге қарағанда арзанырақ әрі экологиялық балама ретінде кеңінен қолданылады.

Еске...

Абай облысында жер сілкінді. Бұл туралы Қазақстанның Ұлттық деректер орталығы хабарлады.

Дүмпу 23 маусым Астана уақыты бойынша сағат 01:23-те тіркелген.

«Үржар қаласынан солтүстік-батысқа қарай 30 шақырым жерде жер сілкінісі тіркелді», – делінген ақпаратта.

Жер сілкінісінің магнитудасы mb=4.0. Энергетикалық класы K=9.7.

Бас прокуратура Өнеркәсіп және құрылыс министрлігін инвестор жобасы бойынша келіссөз жүргізуді созбалаңға салды деп айыптады.

Нақты айтқанда, ведомство инвестициялық келісім жобасы бойынша келіссөздер жүргізу жөніндегі комиссияны құру мерзімін 15 жұмыс күнінің орнына 47 күнге дейін созған. Ал бұл заң талаптарына қайшы келеді. Сондай-ақ сала бойынша қорытынды беру 9 жұмыс күніне кешіктірілген.

Сондай-ақ өтінімді қарау және келісімнің негізгі шарттары туралы қорытынды дайындау мерзімі де сақталмаған.

«Прокуратураның қадағалау актісі негізінде жол берілген бұзушылықтар үшін Өнеркәсіп және құрылыс министрлігі департаментінің директоры тәртіптік жауапкершілікке тартылды», – делінген ақпаратта.

Мамандар президент тапсырмасы бойынша инвестициялық жобаларға бақылау жүргізетінін ескертті.

Иран билігі Парсы шығанағындағы Ормұз бұғазын жабу мәселесін қарастырып жатыр. Соған байланысты әлем нарығында мұнай бағасы 80 долларға дейін көтерілді. Goldman Sachs қара алтынның бір баррелінің бағасы 110 долларға дейін жетуі мүмкін деп болжады. Бұл туралы Reuters жазды.

CNN мәліметінше, Таяу Шығыстағы жағдай шиеленісіп бара жатқанына қарамастан, әзірге маңызды бұғаз арқылы мұнай тасымалы айтарлықтай кідірген жоқ. Ормұз бұғазының жабылуы Азия экономикасы үшін қиынға түседі. Себебі Қытай күніне 5,4 млн баррель иран мұнайын осы бұғаз арқылы алып отыр. Бұған қоса, бір тәулікте Үндістанға 2,1 млн, Оңтүстік Кореяға 1,7 млн баррель қара алтын экспортталады.

Goldman Sachs болжамынша, су жолдарымен мұнай...

Алматыда өнеркәсіп өндірісі қарқын алған. Мәселен, 2025 жылдың қаңтар–мамыр айларында өндірілген өнім көлемі 976,2 млрд теңгеге жеткен. Бұл туралы қалалық кәсіпкерлік және инвестициялар басқармасының баспасөз қызметі хабарлады.

Ең үлкен өсім машина жасау саласында байқалған. Салада өндіріс көлемі 36,3% артып, 366,1 млрд теңгеге жетткен. Солайша өңдеуші өнеркәсіптің жалпы көлемінің 46,7%-ын құраған. Ал машина жасау құрылымында негізгі үлес көлік құрастыру саласына тиесілі. Оның көлемі 36,1%-ды құраған.

Өнеркәсіптің басқа да маңызды салаларында оң серпін байқалған:

Сирия астанасы Дамаскіде православ шіркеуінде лаңкестік жасалды. Белгісіз біреу адамдарға оқ атып, артынан өзін жарып жіберген. Лаңкестік әрекет салдарынан кем дегенде 22 адам қайтыс болды деп жазады Reuters Сирияның денсаулық сақтау министрлігіне сілтеме жасап.

Тағы 59 адам жарақат алған.

Қайғылы жағдай болған Әулие Илья атындағы шіркеу Дамаскінің шығысында орналасқан. Кей куәгерлердің айтуынша, ер адам шіркеуге кіре сала оқ атқан. Артынан беліндегі жарылғыш затты іске қосқан.

Кейбір БАҚ лаңкестік шабуылға екі адам қатысқан деп жазады. Бірақ екінші адамның қандай жағдайда екені белгісіз, ресми түрде бұл нұсқа расталған жоқ.

Шабуыл жасаған кім?

Елдің Ішкі істер министрлігінің хабарлауынша, өз-өзін...

Жүкті әйелге күтім аса қажет. Өз денсаулығына да, ішіндегі сәбидің саулығына да жауапты болғандықтан, бірінші кезекте не ішіп-жейтініне мән беруі керек. Олай болса, аяғы ауыр әйелдерге не жеуге болады, не жемеген дұрыс, әр триместрдің ерекшеліге қарай мәзірді қалай жасау керек, токсикоз болғанда не істеу қажет.

Аяғы ауыр әйел қалай тамақтануы керек?

Арнайы мәзір жасау керек дегенде әңгіме диета жайлы емес. Мұнда бастысы ағзаға нәр беру керек. Сондықтан мына қағидаларды назарда ұстаған абзал:

Бүгін 23 маусым – Қазақстан полициясы күні. 2007 жылдан бастап Қазақстан Республикасы Президентінің Жарлығымен 23 маусым – ресми түрде Қазақстан полициясы күні ретінде аталып өтеді.

Ішкі істер министрі Ержан Сәденов қызметкерлерді кәсіби мерекемен құттықтап, олардың қоғам қауіпсіздігін сақтау жолындағы табанды еңбегін атап өтті:

Ішкі істер органдарындағы қызмет жоғары кәсібилікті, төзімділікті және өз ісіне шексіз адалдықты талап етеді. Бүгін де, бұған дейінгідей, сіздер табандылық, жанқиярлық пен антына адалдық танытып келесіздер. Сіздерге зор денсаулық, амандық және жақсылық тілеймін! – деді министр.

Сондай-ақ, бүгін президент Қасым-Жомарт Тоқаевтың төрағалығымен құқық қорғау органдарының кеңейтілген алқа отырысы өтеді. Президенттің баспасөз...

Алматыда пластик қалдықтарын қайта өңдейтін және ПЭТ-преформа (пластикалық бөтелкелер мен басқа да ыдыстар жасауға арналған дайындама) өндіретін зауыт салынбақшы. Бұл жайлы Алматы қаласының әкімі Дархан Сатыбалды Түркияның Köksan Holding компаниясының бас директоры Мұрат Кёкоглумен кездесуінен белгілі болды.

Жаңа кәсіпорын Алатау ауданында 15 гектар аумаққа орналасады. Жоба аясында 44 млрд теңге көлемінде инвестиция тарту көзделген. Зауытта 138 адам жұмыс істемек. Кәсіпорын жылына 80 мың тоннаға дейін ПЭТ-преформа мен 24 мың тоннаға дейін қайта өңделген пластик өндіреді деген жоспар бар.

«Бұл жоба біздің тұрақты даму стратегиямызға сай келеді және қалдықтарды қайта өңдеу экожүйесінің маңызды бөлігіне айналма...

Қазақстан қор биржасының (KASE) индексі 5992,27 тармаққа жетіп, +3,26% өсті. Бұл — тарихи рекорд: бір апта ішінде индекс 6017,85 теңгеге дейін жетіп, ең жоғары деңгейге шықты.

Сала бойынша шолу

Мұнай: өсу

– Brent бағасы: 77,22 доллар
– Бір аптада: +5,23%
– Мұнай нарығындағы тұрақты сұраныс әсер етуде.

Алтын: төмендеу

– Құны: 3 371,0 доллар
– Өзгеріс: -1,67%
– Қаржы нарықтарындағы белгісіздік азайған болуы мүмкін.

Биткоин: құлдырау

– Бағасы: 103 930 доллар
– Өзгеріс: -2,01%
– Инвесторлар тәуекелді активтерден алыстап жатыр.

Доллар: теңгеге қарсы нығайды

– USD/KZT аптаның басында: 514,20 теңге
– Апта соңында: 521,10 теңге
– Жалпы өсім: +1,34%

Әлемдік нарықтар

АҚШ нарығы: ФРЖ мөлшерлемесі

Осы аптада ФРЖ (АҚШ Федералдық резерв жүйесі) негізгі мөлшерлемені 4,25–4,50% деңгейінде сақтап отыр. Бұл шешім тарифтер мен экономикалық жағдай бойынша...

Қазақстанның бірінші ракеткасы Александр Бублик Галле қаласында өткен TERRA WORTMANN OPEN турнирінің чемпионы атанды.

Ол финалда әлемнің 11-ракеткасы, ресейлік Даниил Медведевті 6:3, 7:6(4) есебімен жеңіп, ATP 500 санатындағы бұл жарыста екінші рет топ жарды.

Осыған дейін қарсыластар алты рет кездесіп, соның бәрінде Медведев жеңген.

Айта кетейік, Бублик 2023 жылы дәл осы турнирде жеңіске жеткен.

Бұл – қазақстандық теннисшінің ATP турнирлеріндегі бесінші титулы.

Енді Александр Бублик дүйсенбіде жаңартылатын рейтингіде 30-орынға көтеріледі.

Changan кроссоверлері тігілген «Жолан жүйрігі» республикалық ат бәйгесі өтті. Қарқарадағы қымызмұрындық соңында сәйгүліктер бақ сынады.  

Бәйгеге еліміздің түкпір-түкпірінен және Қырғызстаннан келген 150-ге жуық жүйрік тұлпар қатысты.

31 шақырымдық Аламан бәйгесінде Айбалта атты сәйгүлікпен шабондоз Мейір Дәулетбай бірінші келді. Ат иесі –  Жамбыл облысы, Қордай ауданы тумасы Айдар Нұрмұхаметов. Екі Changan кроссоверінің алғашқысын жамбылдықтар ұтып алды.

Екінші келген Қарагер сәйгүлігінің иесі – Шаабиден Тоқтосартов. Шабандоз Манас Замирбеков  2 500 000 теңге олжалады.

Отырар атты тұлпарды тізгіндеген Арыстанбек Аңсар мәре сызығын үшінші болып кесіп өтті. Аттың иесі – Алматы облысы Балқаш ауданының тұрғыны Сапарғали Сатпаев. Үшінші орынға 1 млн теңге жүлде берілді.

Қазақстандық Ақмарал Ерекешова көркем гимнастикадан жасөспірімдер арасындағы әлем чемпионатында жеңімпаз атанды. Бұл туралы әлеуметтік желідегі парақшасында Лилиана Әлжанова жазды.

Айта кетейік, 2025 Rhythmic Gymnastics Junior World Championships Болгарияда өтіп жатыр.

«2019 жылға дейін жас спортшылар арасында әлем чемпионаты өткізілмейтін. Биыл тек үшінші рет өтіп жатыр. Екі рет 13-15 жас аралығындағы спортшы қыздар қатысты. Биылғы біріншілікке тек 14 пен 15 жастағы қыздар жіберілді. Қазақстан атынан Ақмарал Ерекешова мен Айғаным Рысбек, сосын топтық жаттығудағы елордалық қыздар бар», – деп жазды Әлжанова.

Ал Ақмарал Ерекешова жеке жарыс бойынша «Ball» (доп) финалында жеңімпаз атанған. Ал Hool (обруч) снарядында...

Көліктегі полиция Астанада TL-2000 ұшағы апатқа ұшыраған жағдайға байланысты сотқа дейінгі тергеуді бастады.

«Астана станциясындағы желілік полиция басқармасы TL-2000 маркалы жеке жеңіл әуе кемесінің апатқа ұшырауы фактісі бойынша қылмыстық кодекстің 344-бабының 3-бөлігі (темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу) бойынша сотқа дейінгі тергеп-тексеру бастады», – делінген ақпаратта.

Айта кетейік, апат салдарынан екі адам – ұшқыш пен жолаушы қаза тапты.

Қайғылы жағдай Астана қаласы Жоламан әуеайлағы маңында 22 маусым сағат 11:30-да болған.

Көлік министрлігі ұшақ жеке тұлғаға тиесілі болғанын мәлімдеді.

Астанада жол жөндеу жұмыстарына байланысты 20-дан астам автобус бағытының қозғалыс сызбасы уақытша өзгерді. Бұл туралы City Transportation Systems хабарлады.

№7, 42, 49, 61 бағдарының Ш. Айтматов көшесі бойындағы «Памир тұрғын үй кешені», «Ш. Айтматов көшесі» аялдамаларына тоқтау мүмкіндігі жоқ. Осыған байланысты бұл аялдамаларда жолаушыларды уақытша отырғызып түсірмейді.

№2, 3, 4, 4А, 18, 23, 25, 28, 30, 37, 44, 48, 58, 71, 73, 502 бағдарлары «7-я тұрғын үй кешені»,
«7-я тұрғын үй кешені» (Тойота сервис орталығы), «Шарль де Голль» аялдамаларына тоқтау мүмкіндігі жоқ. Осыған байланысты бұл аялдамаларда жолаушыларды уақытша отырғызып/түсірмейді

Сондай-ақ қалада №3, 4, 4А...

Қарқарада қымызмұрындық мәдени шарасы мен Жолан жүйрегі ат бәйгесі өтті. Өткен сенбі, 21 маусымда, Қарқара жайлауына 10 000-нан аса адам жиналды.

Әрине, көшпенділер дәуірін көзбен көруді қалайтындар аз емес. Ол үшін уақыт мәшинесін ойлап табудың қажеті жоқ. Тек қана Қарақарада жыл сайын өтіп жатқан қымызмұрындықтан қалмау жеткілікті.

Қарқара жәрмеңкесін де, ата-бабаларымыз тұрған үйлер мен мінген көліктерін, қалай тамақтанып, қалай өмір сүргенін, қандай бұйымдар ұстағанын Қарқарадан көре аласыз.

Қарқара жәрмеңкесі

Қарқара жәрмеңкесіне қолөнер шеберлері өз өнімдерін әкелді. Соның бірі – Айнұр Нұрабаева. Ол өзінің қолынан шыққан «Қызғалдақ» деп аталатын сәукелесін ұсынды. Бұл сәукеле қыз ұзату тойында кез келген қалыңдыққа...

Қазір миллиондаған адам қашықтан жұмыс істей беретін болған. Кеңсесі басқа қалада тіпті елде болса да, өзіне қолайлы жерден тапсырмасын орындайтындар жетерлік. Осы ретте жұмыс ритмі мен орнына қатысты сұрақ туады. Өнімді жұмыс істеп, қажып кетпес үшін қай жерден және қалай жұмыс істеген абзал? Өзіңізге тән жұмыс ритмін қалай табуға болады? Осы туралы айтайық.

Фриланс еркіндіктің синонимі болмауы да мүмкін

Қашықтай істейтіндерге қатысты көп тарайтын аңыз: олар қашан және қай жақтан жұмыс істейтіндерін өздері шешеді. Иә, бұл сөздің жаны бар. Бірақ іс жүзінде үнемі бәрі солай бола бермейді. Кей жағдайда ортақ байламға келу керек болып қалады. Сондықтан фрилансерлерге де...