Жаңалықтар

2026 жылдың басындағы демалыс күндерге арналған доллар бағамы анықталды. Қазақстан қор биржасында (KASE) сағат 15:30-да 1 доллар 505,53 теңге болды. АҚШ валютасы бір тәулікте 3 теңгеге нығайды.

Ұлттық банк (ҰБ) дәл осы бағамды жаңа жылдағы демалыс күндерге ресми бағам деп белгіледі.

Елдегі валюта айырбастау мекемелерінде де доллар қымбаттап жатыр. Kurs.kz мәліметінше, Алматы қаласында 1 доллар 512 теңгеден қабылданып, 516 теңгеден сатылып жатыр. Астана қаласында, әдеттегідей, бағам сәл жоғары – 510 және 517 теңге.

2025 жылы доллар бірнеше мәрте нығайды. Жазда оның құны 550 теңгеге дейін көтерілді. Жылдың екінші жартысында ҰБ ұлттық валютаны күшейту үшін миллиардтаған қаражат...

Оңтүстікте мақта егіп, кластерді дамытуға 450 млн доллар салған Lihua қытай компаниясы инвестиция көлемін тағы 150 млн долларға арттыру жөнінде шешім қабылдады. Бұл туралы Kursiv.Media Қазақстан СІМ мәліметіне сүйене отырып хабарлады.

Бір күн бұрын Xinjiang Lihua (Group) бас директоры Сюй Цзе Астанада вице-министр Әлібек Қуантыровпен, «Kazakh Invest» ҰК» басқарма төрағасының орынбасары Мадияр Сұлтанбекпен кездесті. Олар Түркістан облысында мақта-тоқыма кластерін құру, инвестиция көлемін кеңейту жоспарын талқылады.

Қытай компаниясы өңірде 10 ірі өндірісті іске қосуды көздеп отыр. Бірнешеуі желтоқсанда ашылды. Қалғандары 2026 жылдың бірінші тоқсанында жұмыс істей бастайды.

Цзе бөлінген қаражат көлемінің ұлғаюы инвестордың елге ұзақ мерзімге келгенін...

2026 жылғы қаңтар айындағы ҰБТ-ға өтініш қабылдау аяқталды. 187 мыңға жуық адам сынақтан өтуге ниет білдірді. Бұл 2024 жылмен салыстырғанда 20 мыңға көп, деп хабарлады Ғылым және жоғары білім министрлігі.

Талапкер өтініш беру барысында тест тапсыру күнін, уақытын және орнын өзі таңдады. ҰБТ 2026 жылғы 10 қаңтарда басталып, 10 ақпанға дейін созылады.

Сынақ барысында калькулятор, химиялық элементтер жүйесін (Менделеев кестесі) және тұздардың ерігіштік кестесін пайдалануға болады. Тест тапсырушылар сынақ аяқталғаннан кейін, 30 минут ішінде апелляцияға өтініш бере алады.

2026 жылы Ұлттық бірыңғай тестілеудің форматы өзгеріссіз қалады. Талапкерлер үш міндетті пәнді және таңдауы бойынша екі бейіндік пәнді тапсырады. ҰБТ...

Алматы қаласы Бостандық ауданындағы №37 қалалық емхана 2026 жылғы қаңтардың ортасында ашылады. Гагарин даңғылында орналасқан диагностикалық орталық бір тәулікте 500 адам қабылдай алады.

Мегаполис әкімдігінің мәліметінше, мекеме науқастарға алғашқы көмек көрсетудің бірыңғай стандарттарына сай келеді. Емхана заманауи медициналық жабдықтармен толық қамтамасыз етілген.

Ғимаратта сәуле диагностикасы бөлімі, хирургия және травматология кабинеттері, клиникалық-диагностикалық зертхана, эндоскопия бөлімі, 20 орынға арналған күндізгі стационар, әйелдер консультациясы, сонымен бірге профилактикалық және консультативтік-диагностикалық қызметтер орналасқан.

Нысан мемлекет бюджеті қаражатымен салынды.

Қазір Алматыда медициналық-санитарлық алғашқы көмекті 78 ұйым көрсетеді. Оның 41-і — мемлекеттік, 37-сі — жекеменшік. Мегаполисте 2,3 млн адам тұрады.

Әл-Фараби атындағы Қазақ ұлттық университеті (ҚазҰУ) қалашығында 5 мың орындық жаңа бес жатақхана салынады. Қытай компаниясы жобаға 33,8 млрд теңге құйды.

Қазақстанның бетке ұстар университеттерінің бірінде тоғыз қабатты бес ғимарат салу үшін «Чжунтайхуа» компаниясы инвестор ретінде тартылды.

Ғылым және жоғары білім министрлігінің мәліметінше, қытай компаниясының директоры Чжан Хунцян құрылыс іргетасын қалау рәсімінде сөз сөйледі. Ол құрылыс сапасына ерекше мән берілетінін айтты.

Студенттер қалашығындағы шағын шарада құрылыс сызбасы таныстырылды. Әр ғимаратта 1 мың студент тұрады.

Жалпы аумағы 66 мың шаршы метрлік кешенде барлығы 5 мыңнан астам орын болады. Инвестиция көлемі – шамамен 33,8 млрд теңге.

Құрылыс 2026 жылғы қаңтарда...

Сәкен Майғазиев саудалаған ақылы той, әлемнің ең бай адамдарының бірі Джефф Безостың екінші рет үйленуі, Селена Гомес армандаған ертегі той. 2025 жылы әлемде көпшіліктің көңілінен шыққан кештер мен сауық-сайрандар аз болған. Kursiv.Media солардың ішінде «ғасыр тойына» татитын үш үйлену салтанатын ерекше атап өтеді.

Миллиардер тойы

Amazon компаниясының негізін қалаушы миллиардер Джефф Безос пен журналист Лорен Санчестің Венецияда үш күнге созылған үйлену тойы 2025 жылғы маусымның аяғында өтті. Танымал жұлдыздар мен саясаткерлер жиналған салтанатты кешті медиа «ғасыр тойы» деп сипаттады.

61 жастағы кәсіпкер пен 55 жастағы журналистің некелесу рәсіміне шамамен 56 млн доллар жұмсалды. Әлемнің әр түкпірінен Венеция әуежайына 90 чартерлі ұша...

Қазақстанның сыртқы борышы 2025 жылдың басынан бері 6,7 млрд долларға өсті. 2025 жылғы 1 қазандағы жағдай бойынша елдің жалпы сыртқы борышы 171,4 млрд долларға жетті.

Ұлттық банк дерегі бойынша, сыртқы борыштың өсуіне бірнеше фактор әсер еткен. 2025 жылдың алғашқы тоғыз айында борыш көлемі төлем балансы операцияларының есебінен 5,3 млрд долларға, ал бағалық, бағамдық және өзге де өзгерістердің нәтижесінде 1,4 млрд долларға артқан.

Борыш құрылымына келсек, оның басым бөлігі ұзақ мерзімді міндеттемелерге тиесілі. Өтеу мерзімі бір жылдан асатын сыртқы борыштың үлесі 87,8 пайызды құрайды. Мұндай құрылым қысқа мерзімді өтімділік тәуекелдерін төмендеткенімен, ұзақ кезеңде нарықтық жағдайлардың өзгеруі борышты...

Соңғы жылдары халықтың қарыз жүктемесінде бөліп төлеу арқылы рәсімделген несиенің үлесі айтарлықтай артқан. Ұлттық банк дерегінше, бүгінде мұндай қарыздар тұтынушылық несиелердің шамамен бестен бір бөлігін құрайды. Бұл жағдай реттеушінің бөлшек кредит беру нарығына, әсіресе оның сапасы мен тәуекелдеріне қайта назар аударуына себеп болды.

8 млн адамның басында кредит бар

2025 жылғы 1 тамыздағы жағдай бойынша кредит регистрінде 7,71 млн қазақстандық тіркелген. Олардың мойнында 23 трлн теңгеге жуық қарыз бар. Бұл ел экономикасының шамамен 16 пайызына тең.

Қарыздың басым бөлігі тұтынушылық мақсатта алынған. Оның көлемі 12,7 трлн теңгеге жетіп, жалпы қарыздың 55 пайызын құрады. Бұл...

2025 жылы жекеменшік мектептерге бюджеттен шамамен 74 млрд теңге бөлінді. Қаржы министрлігі бұл қаражат, ең алдымен, оқу жылының басында жиналып қалған қарызды толық өтеуге жұмсалғанын хабарлады. Бұл – биылдыққа жоспарлаған қаржының 94 пайызы.

Бұдан бөлек, жекеменшік мектептердің ғимараттарын жөндеу және жаңа мектептер салу үшін арнайы қаражат қарастырылған.

Қаражатты бөлу үшін OrtaBilim атты жаңа цифрлы сервис іске қосылды. Бұл жүйе Қазақстанның барлық өңірін қамтиды және қай мектепке қанша қаражат бөлінгенін ашық көрсетуге мүмкіндік береді. 30 желтоқсандағы мәліметке сәйкес, қаржыны ең көп игерген өңірлердің қатарында Солтүстік Қазақстан, Ақмола және Қарағанды облыстары бар. Ал Қызылорда облысында жекеменшік мектептерге...

Ақтөбе облысында алкогольсіз сусындар шығаратын жаңа зауыт салынады. Үкімет инвестициялар туралы келісімнің жобасын мақұлдап, тиісті қаулыға ҚР Премьер-министрі Олжас Бектенов қол қойды.

Жоба инвесторы – «Кока-Кола Алматы Боттлерс» БК ЖШС. Өндірістік кешенге салынатын инвестиция көлемі 41,9 млрд теңгені құрайды. Ал зауыттың жобалық қуаттылығы жылына 280 млн литр алкогольсіз сусын өндіруге жетеді.

«Кәсіпорын халықаралық стандарттарға сай экологиялық таза технологиялармен жабдықталып, қалдықтарды басқарудың тиімді жүйелері енгізіледі. Бұл өндірістің еліміздің тұрақты өнеркәсіптік экожүйесіне кірігуіне мүмкіндік береді», – делінген хабарламада.

Жобаны іске асыру нәтижесінде өңірде 120-дан астам жаңа жұмыс орны ашылады...

Иранда 29 желтоқсанда басталған шерулер толқыны әлі жалғасып жатыр. Президент көтеріліс ұйымдастырушылармен диалогқа келуді тапсырған деп жазады  Euronews.

Тегерандағы Үлкен базарға іргелес аудандар наразылық ошағына айналды, жергілікті саудагерлер дүкендерін жаппай жауып тастады. Оларды елдің басқа да ірі қалалары, соның ішінде Исфахан, Шираз және Мешхед қолдады.

Наразылық білдірушілер мен полиция арасында қақтығыстар болған. Құқық қорғау органдары топты тарату үшін көз жасаурататын газ қолданды.

Anadolu агенттігінің хабарлауынша, Иран президенті Масуд Пезешкиан наразылыққа қатысушыларымен диалог орнатуды тапсырды. Пезешкиан X әлеуметтік желісіндегі мәлімдемесінде халықтың экономикалық салада бетпе-бет келіп отырған мәселелері оның басты назарында екенін атап өтті.

Мен Ішкі істер министріне митингке шыққандармен...

Нидерланды парламенті азаматтарға петард пен фейерверктер пайдалануға тыйым салмақшы. Осы жылғы Жаңа жыл түні тұрғындар соңғы рет салют атады деп жазады Bild.

Бірақ келесі жылдан бастап тек фейерверк-шоу ұйымдастырушы, кәсіби мамандар ғана фейерверк қолдануына рұқсат бар.

Құқық қорғау органдарының мәліметінше, соңғы жылдарды өте қуатты петардалардың заңсыз айналымы бірнеше есе өсіп кеткен.

Полиция мәліметінше, желтоқсан айының ортасына қарай 65 тоннадан астам заңсыз пиротехникалық бұйымдар тәркіленген. Фейерверктен зардап шеккендер де көбейе түскен. Қараша айынан желтоқсанның ортасына дейін он жасөспірімнің қолына немесе саусақтарына ампутация жасауға тура келді. Салыстырмалы түрде айтсақ, 2024 жылы мұндай небәрі төрт жағдай тіркелген...

Тоқаев Жаңа жыл қарсаңында әдебиет және өнер қайраткерлеріне мемлекеттік стипендия тағайындады. Олардың қатарында 70-тен астам адам бар.

Әдебиет саласында Марфуға Айтқожа, Ақсұңқар Серік, Дидар Амантай, Зейнеп Ахметова, Төлен Әбдік, Ақұштап Бақтыгереева, Смағұл Елубаев, Мырзатай Жолдасбеков, Роза Мұқанова, Тынымбай Нұрмағамбетов, Гүлнара Салықбаева, Олжас Сүлейменов, Тұрсынжан Шапай, Жүрсін Ерманға арнайы стипендия берілді.

Ал мәдениет саласындағы әнші Қайрат Байбосынов, балерина Раушан Байсейітова, актриса Самал Еслямова, Тұңғышбай Жаманқұлов, Досхан Жолжақсынов, дирижер Айтқали Жайымовтың аты аталған. Одан бөлек Нұрғали Нүсіпжан, Майра Мұхамедқызы, Мария Мудряк, Меруерт Өтекешова, Бибігүл Төлегенова да тізімде бар.

24 желтоқсанда Президенте ақын-жазушыларға арнайы сыйлық берген еді. Арман Әлменбет...

2025 жылғы 31 желтоқсаннан бастап Қазақстанда ірі қара мал етін экспорттауға квоталар енгізіледі.

Ауыл шаруашылығы министрлігінің хабарлауынша, ел аумағынан үшінші елдерге және ЕАЭО елдеріне ірі қара мал етін әкетуге арналған квоталарды бөлу қағидалары қолданысқа енгізілмек.

Аталған норма 2026 жылғы 30 маусымға дейін қолданыста болады. Ірі қара мал етін әкетуге арналған квотаның жалпы көлемі – 20 000 тонна.
Бір тұлғаға белгіленетін квота мөлшері де айқындалған.

Көлімі қандай

Бордақылау алаңының қуаттылығына байланысты мынадай көлемде айқындалады:

бордақылау алаңының қуаттылығы 5 000 бастан бастап – 1 000 тонна;

бордақылау алаңының қуаттылығы 10 000 бастан бастап – 2 000 тонна;

бордақылау алаңының қуаттылығы...

Астанада жас 10 ғалымға пәтер сертификаты берілді. әл-Фараби атындағы Қазақ ұлттық университетінің теориялық және ядролық физика кафедрасының меңгерушісі Медеу Әбішевке «Құрмет» ордені табысталды. Бұл туралы Ғылым және жоғары білім министрлігі хабарлады.

2024 жылы 31 мамырда Тоқаев ғалымдардың әлеуметтік мәртебесін көтеру жайлы тапсырма берген еді. Осыдан кейін арнайы комиссия құрылып, Астана қаласындағы ғылыми ұйымдар мен жоғары және жоғары оқу орнынан кейінгі білім беру ұйымдарының жас ғалымдарының тізімін айқындады.

«Өткен жылдан бастап ғылыми ұйым қызметкерлерінің лауазымдық жалақылары артты, ғылыми тағылымдамаларға гранттар, мемлекеттік стипендиялар мен сыйлықақы, оның ішінде талантты жас ғалымдар үшін стипендия беріледі. «Ғылым және технологиялық саясат туралы...

Қасым-Жомарт Тоқаев Еуразиялық экономикалық одаққа мүше мемлекеттердің басшыларына үндеу жолдады.

Президент 2026 жылдың 1 қаңтарынан бастап Қазақстан Республикасы Еуразиялық экономикалық одақ органдарына төрағалық ететінін атап өтті.

Одақ мүмкіндіктері

Тоқаев осы ұйым шеңберінде бірлесе атқаруға болатын дүниелерге тоқталып өтті.

«Соңғы жылдардағы жаһандық дүрбелеңдерге қарамастан мемлекеттеріміздің экономикасы оң қарқын алды. Алдағы ортақ міндетіміз – ЕАЭО-ның әлеуеті мен бәсекеге қабілеттілігін нығайту, интеграциялық тиімділігін күшейту», – деді Тоқаев.

Президент жасанды интеллекттің мүмкіндіктері, Еуразияның логистикалық хабының әлеуеті, өндіріс пен агроөнеркәсіп кешенін цифрландыру мәселері туралы сөз қозғады.

Қысым құралына айналмауы тиіс

Тоқаев ЕАЭО шеңберінде сауда-саттыққа...

Полиция Жаңа жыл мерекесі алдында қазақстандықтарға құттықтау арнай отырып, жолда сақ болуды ескертіп отыр.

Полиция қызметкерлері ішімдік ішіп, көлік жүргізбеуге шақырды.

«Жаңа жылды қауіпсіз қарсы алайық! Мереке – шаттық пен жылулыққа толы сәт. Алайда дәл осы уақытта жолдағы бейқамдық орны толмас өкінішке ұласуы мүмкін. Сондықтан әрбір жүргізуші жол жүрісі қағидаларын бұлжытпай орындап, көлік тізгініне тек сергек күйде отыруы тиіс», – делінген бейнеүндеуде.

Полицияның ескертуінше, мас күйде рөлге отыру – тек заң бұзушылық емес, адам өміріне төнген тікелей қауіп. Полиция қызметкерлері жол қозғалысына қатысушыларды барынша сақ болуға шақырады.

«Жолдағы жауапкершілік...

Мемлекет басшысы бала құқықтарын қорғау саласына ауқымды өзгерістер енгізетін «Құқық бұзушылық профилактикасы туралы» Заңға қол қойды. Құжат кәмелетке толмағандарға қатысты құқық бұзушылықтардың алдын алуды күшейтіп, шұғыл көмек көрсету инфрақұрылымын дамытуға бағытталған.

Оқу-ағарту министрлігінің мәліметінше, заң аясында елімізде зорлық-зомбылықтан зардап шеккен балаларға арналған көмек көрсету кабинеттері ашылады. Онда балаларға «бір терезе» қағидаты бойынша психологиялық, медициналық және құқықтық қолдау көрсетіледі.

«Заң аясындағы маңызды жаңашылдықтың бірі – елімізде зорлық-зомбылықтан зардап шеккен балаларға көмек көрсету кабинеттерінің ашылуы. Мұнда кәмелетке толмағандарға «бір терезе» қағидатымен кешенді қолдау көрсетіледі. Балаға қолайлы жағдайда алғашқы психологиялық көмек , сот-медициналық сараптама жүргізу, бейінді мамандарды...

Президент Қасым-Жомарт Тоқаев шахматшы Бибісара Асаубаеваны блиц бойынша әлем чемпионатындағы жеңісімен құттықтады.

Бұл туралы Ақорданың баспасөз қызметі хабарлады.

«Бибісара Асаубаева Қазақстаннан шыққан блицтен үш дүркін әлем чемпионы және майталман шебер ретінде дүниежүзілік шахмат тарихына енді. Қазақстандық шахмат қауымдастығы мемлекетіміздің көк туын жаһандық аренада биік желбіреткен отандасымыздың жеңісін мақтан тұтады», – делінген құттықтау мәтінінде.

Сондықтан президент Бибісара Асаубаеваның халықаралық турнирлердегі тамаша жетістіктерін және елімізде шахматты дамытуға қосқан елеулі үлесін мойындау белгісі ретінде оны «Барыс» орденінің II дәрежесімен марапаттау туралы шешім қабылдаған.

Спорт және дене шынықтыру комитетінің мәліметінше, спортшы турнирді мүмкін болған 15 ұпайдың 11-імен

Германияның батысында орналасқан Гельзенкирхен қаласында қарақшылар банк қоймасының қабырғасын бұзып, шамамен 3200 ұяшықтан ақша мен қымбат заттарды алып кеткен. Алдын ала есеп бойынша келтірілген шығын көлемі 90 млн еуроға дейін жетуі мүмкін. Бұл – ел тарихындағы ең ірі банк тонауларының бірі.

DW басылымының жазуынша, Германияның батысындағы Гельзенкирхен қаласында Sparkasse банкінің бөлімшесі тоналған. Қылмыскерлер банк ұяшықтары орналасқан бөлме мен оған іргелес автотұрақтың арасындағы бетон қабырғаны бұрғылап тесіп кірген. Бұл туралы 30 желтоқсанда жергілікті полицияның ресми сайтында хабарланған.

Полиция: қарақшылар кәсіби деңгейде әрекет еткен

Полиция дерегінше, бірнеше мың сейф бұзылып, келтірілген шығын ондаған миллион еуромен есептеліп отыр. Куәгерлер...

«ҚазАвтоЖол» 31 желтоқсанда республикалық автожолдардың бірқатарында ауа райы қолайсыз болатынын ескертті.

Ведомство мәліметінше, Ақмола, Қарағанды, Солтүстік Қазақстан, Ақтөбе, Ұлытау, Қызылорда, Түркістан, Батыс Қазақстан, Алматы, Жетісу, Жамбыл, Атырау, Қостанай, Абай және Павлодар облыстарының кей жерлерінде қар аралас жаңбыр жауады.

«Сол себепті жүргізушілерге жылдамдық режимі мен қауіпсіз арақашықтықты қатаң сақтап, жолдардағы ауа райының қолайсыздығын ескерулеріңізді сұраймыз», – делінген хабарламада.

Республикалық жолдардағы ахуал туралы қосымша ақпаратты тәулік бойы 1403 байланыс орталығынан алуға болады.

Ал 30 желтоқсанда ауа райының нашарлауына байланысты Астанадан шығатын барлық негізгі трассалар жабылған болатын.

Көлік министрлігінің шешімімен «Ақтөбе – Маңғыстау» бағыты бойынша жолаушылар теміржол қатынасы қайта жанданып, пойызға Ұлттық тасымалдаушы қызмет көрсетіп жатыр.

Бұған дейін аталған бағытта жеке тасымалдаушы Otpan Logistik ЖШС жұмыс істеген. Алайда вагондардың техникалық жай-күйіне қатысты жолаушылар шағымдарының көбеюі және жылжымалы құрамды жаңарту міндеттемелерінің орындалмауына байланысты компаниямен жасалған келісімшарт бұзылған.

Қазір жолаушылар тасымалы Ұлттық тасымалдаушы – «Жолаушылар тасымалы» АҚ құрамындағы пойыздармен жүзеге асырылуда. Пойыз отандық өндірісте шығарылған жаңа жолаушылар вагондарымен қамтамасыз етілген. Пойыз құрамында 5 купе және 6 плацкарт вагоны бар. Бір бағыттағы жалпы сыйымдылығы 400-ден астам жолаушы.

Вагондар қауіпсіздік және жайлылық бойынша заманауи талаптарға толық сәйкес келеді. Купе...

Қазақстандық шахматшы Бибісара Асаубаева Дохада өтіп жатқан блицтен Әлем чемпионатында топ жарып, шахматтың осы түрінен үшінші мәрте Әлем чемпионы болды. Бұл туралы Қазақстан Шахмат Федерациясы хабарлады.

Ақпаратқа сүйенсек, Қатар астанасы Дохада өткен блиц бойынша әлем чемпионатында Бибісара финалға шығып, тартысты бәсекеде Анна Музычукты жеңіп, блицтен әлем чемпионы атанған.

Осылайша, 21 жастағы тараздық спортшы блицтен үш дүркін әлем чемпионы атанды. Осыған дейін ол 2021 және 2022 жылдары жеңімпаз болған. 2021 жылы Бибисара рапидте Әлемнің вице-чемпионы болды.

Бұл жеңіс отандасымызға 2026 жылы әлемдік шахмат тәжі үшін өтетін Үміткерлер турниріне қатысуға жолдама береді.

Қазақстан аумағының басым бөлігінде тұрақсыз ауа райы болады, яғни боран, тұман және көктайғақ болжанады. «Қазгидромет» 31 желтоқсанға ауа райы болжамын ұсынды.