Жаңалықтар

Ресейдің Қорғаныс министрлігі азаматтарды мерзімді әскери қызметке жыл бойы шақыру туралы бұйрық шығарды.

Құжатқа қорғаныс министрі Андрей Белоусов қол қойған. Бұйрық ведомствоның Telegram-арнасында жарияланды.

Құжат 2026 жылғы әскерге шақыруға, сондай-ақ мерзімді әскери қызметін өтеп жүрген азаматтарды қызметтен босатуға қатысты. Ол Ресей президенті Владимир Путиннің тиісті жарлығын орындау аясында шығарылған.

«Ресей Федерациясы президентінің жарлығын орындау мақсатында мынадай бұйрық беремін: әскери округтер әскерлерінің қолбасшылары мен әскери комиссарлар Ресей Федерациясы субъектілерінің атқарушы органдарымен және жергілікті өзін-өзі басқару органдарымен бірлесе отырып, 2026 жылғы 1 қаңтардан 31 желтоқсанға дейін Ресей Федерациясының Қарулы күштеріне, басқа да әскерлерге, әскери құрамалар мен органдарға...

2025 жылдың қараша айында Қазақстаннан шетелге 55,5 млрд теңге аударылған. Бұл көрсеткіш өткен жылдың сәйкес кезеңімен салыстырғанда 8,4%-ға аз. Аударымдар саны да 138,1 мың транзакцияны құрап 9,6%-ға кеміді. Бұл туралы Ұлттық банк статистикасында жазылған.

Негізгі тенденция – қазақстандықтар ақша жіберуде ұлттық валюта – теңгені көп қолдануға көшті. Егер 2024 жылы доллар негізгі валюта болып, аударымдардың 52,4%-ын құраса, қазір 57% қаражат теңгеде жіберілуде, ал доллардың үлесі 31%-ға төмендеді.

Қай елдерге ақша көп аударылады

Қазақстаннан аударылатын ақшаның басым бөлігі Ресейге жіберіледі. Аударылған ақша көлемінің 36,8%-ы немесе 20,4 млрд теңге көрші елге кеткен. Өзбекстан мен Түркияға аударым...

Freedom Ticketon 25–28 желтоқсан аралығында кинотеатрлардағы прокат қорытындысын жариялады. Апта ішінде бірнеше фильм жоғары кассалық көрсеткішке қол жеткізді.

Өткен аптаның көшбасшысы «Аватар: От пен күл» фильмі әлі де бірінші орында тұр. Джеймс Кэмеронның атақты туындысы екінші аптада 472 035 681 теңге жинады.

Ал 25 желтоқсан күні шыққан «Дәстүр: Теріс бата» фильмі алғашқы күндері 407 257 786 теңге жинады.

Үздік үштікті Нұрлан Қоянбаевтың Qazaq Әлемі 2 толықтырды. Отандық франшизаның жалғасы 111 222 293 теңге табыс әкелді.

Еске сала кетейік, бұған дейін 2025 жылы ең көп касса жинаған фильмдерді жазған едік.

29 желтоқсанда Иранда кейінгі үш жылдағы ірі наразылық акциясы басталды. Көшеге шыққан халық ұлттық валютаның құнсыздануына наразы. Жексенбі, 28 желтоқсан күні 1 доллар 1,42 млн риал болды. Орталық банк басшысы қызметтен кетті.

Мемлекеттік телеарна Орталық банк басшысы Мохаммед Реза Фарзин қызметтен кеткенін хабарлады. Бұл уақытта Тегеран орталығында, сонымен бірге Үлкен базар орналасқан Шуш ауданында митинг өтіп жатты. CNN телеарнасы 1979 жылғы Ислам революциясы кезінде базардағы саудагерлер шешуші рөл атқарғанын, олар монархияны тайдырып, исламшылдарды билікке әкелгенін еске салды.

IRNA ресми ақпарат агенттігі наразылық болып жатқанын растады. Куәгерлер Иранның басқа да ірі қалаларында митинг басталғанын хабарлады. Мәселен, елдің орталығындағы Исфахан...

Италияда өтетін қысқы Олимпиада ойындарына Қазақстаннан 35 спортшы барады. Туризм және спорт министрі Ербол Мырзабосынов осы спортшылардан тым болмағанда бір медаль күтетінін айтты.

Үкіметтегі жиында Kursiv.Media тілшісі министрден Миланда өтетін Олимпиададан қанша медаль күтетінін сұрады. Мырзабосынов бір медаль үшін барын салып жатқанын мәлімдеді.

«Сегіз олимпиадада 1994 жылдан бастап бес-ақ спортшы медаль алған. Өкінішке қарай, 2018 жылдан бері бірде-бір медаль жоқ. Сондықтан біз сол бір медальді алу үшін барымызды салып жатырмыз. Ғылыми тұрғыда дайындық әдістемелер, мамандар тартып, сол бағыттың бәрін күшейтіп жатырмыз. Әрине, мұның бәрі жасалса да, жеке сол бір сәтте барлығы спортшының эмоционалдық күйіне, психологиялық күйіне...

30 желтоқсанда Түркия полициясы «Ислам мемлекетіне» қарсы операция барысында 110 күдіктіні ұстады. Бір күн бұрын елдің солтүстік-батысындағы атыстан полицияның үш қызметкері мен алты содыр оққа ұшқан.

Reuters мәліметінше, полиция Ыстанбұлға жақын маңдағы Ялов қаласындағы бір үйде сегіз сағат бойы қоршауда ұстап тұрған. Ал бір апта бұрын құқық қорғау органдары ИМ-нің 100-ден астам мүшесін қолға түсірген. Сол кезде полиция содырлар Рождество мен Жаңа жыл мерекесі кезінде теракт жасамақ болды деп хабарлаған.

Биыл Түркия содырларға қарсы операцияларын белсенді түрде жүргізіп жатыр, себебі ұйым қайтадан бас көтерген.

«Ислам мемлекетінің» Сириядағы топтарына қосылуға барған содырлар әдетте ол елге Түркия аумағы арқылы өтеді.

Соңғы 12 айда қазақстандықтардың зейнетақы жинағы инфляция қысымын сезінді. 2024 жылғы желтоқсаннан 2025 жылғы қарашаға дейінгі кезеңде жылдық инфляция 12,4% болды. Ал осы уақытта зейнетақы активтерінің табыстылығы тұрғысынан әр басқарушы әртүрлі нәтиже көрсетті.

БЖЗҚ деректеріне сүйенсек, 2025 жылғы 1 желтоқсанда жалпы зейнетақы активтері 25,8 трлн теңгеге жетті. Оның шамамен 25 трлн теңгесі Ұлттық банк басқаруында, ал 80 млрд теңгеден астамы инвестициялық портфель басқарушыларына (ИПБ) берілген.

Ұлттық банк: табыс инфляциядан төмен

Соңғы 12 айда Ұлттық банк зейнетақы активтерінен шамамен 2,23 трлн теңге инвестициялық табыс есептегенімен, табыстылық деңгейі 9,69%-ды ғана құраған. Бұл сол кезеңдегі инфляция деңгейінен айтарлықтай төмен. Яғни, нақты...

Туризм және спорт министрі Ербол Мырзабосынов қысқы Олимпиада ойындарына спортшыларды дайындауға 13,3 млрд теңге бөлінгенін мәлімдеді.

Министрдің айтуынша, спортшыларды сапалы дайындау үшін республикалық және жергілікті бюджеттерден қомақты қаржы бөлінген.

«Қаржыландырудың жалпы көлемі 13,3 млрд теңгені құрады. Оның 585 млн теңгесі федерациялардың қаражаты. Республикалық бюджеттен 5,3 млрд теңге, жергілікті бюджеттен 6,2 млрд теңге, Туризм және спортты қолдау қорынан 1,2 млрд теңге бөлінді», – деді министр.

Ойындар Италияның Милан және Кортина-Д’Ампеццо қалаларында 6 – 22 ақпан аралығында өтеді. Жарысқа 93 елден 3 000-ға жуық спортшы қатысады деп күтілуде. Қазақстаннан 35-ке жуық спортшы барады.  Ал өткен қысқы Олимпиадаға...

Қазақстандағы киноиндустрия соңғы жылдары үлкен серпін алып келеді. Қалың көрермен шетелдік фильмдерге ғана емес, отандық туындыларға да белсенді қызығушылық танытып отыр. Нәтижесінде қазақстандық фильмдер прокатта миллиардтаған теңге жинап, жаңа рекордтар орнатып жатыр. Kursiv Lifestyle 2025 жылы ең көп касса жинаған фильмдердің тізімін ұсынады.

1-орын – «Аңдар шаһары 2»

Әлемге әйгілі Disney киностудиясы түсірген анимациялық хиттің жалғасы Қазақстан прокатында 2 млрд теңгеден астам қаржы жинап, 2025 жылдың абсолютті көшбасшысына айналды. Фильмге деген қызығушылық барлық жас санатындағы көрермен арасында жоғары болды.

Продюсерлер танымал франшизаның жалғасы болатынын жариялады.

«Ыстық ұя» – 1,754 млрд теңге

Продюсер әр...

Елде казино саны көбейеді. Қазір министрлік ойын аймақтары пайда болатын өңірлерді нақтылап жатыр. Бұл туралы Туризм және спорт министрі Ербол Мырзабосынов айтты.

29 желтоқсанда Мәжілісте туристік қызметке қатысты түзетулер екінші оқылымда қабылданған еді. Құжат бойынша елде казино қызметі көбейеді. Бурабай мен Қапшағайдан бөлек, казинолар Маңғыстау облысында Каспий теңізінің жағалауында, Панфилов ауданында Алакөл жағалауында, Жетісу облысында, Алматы облысының Талғар ауданында, Марқакөл өңірінде және Шығыс Қазақстан облысының Зайсан ауданында пайда болады.

«Иә, туризмді дамыту мақсатында өзіңіз атап өткен өңірлерде ойын аймақтарын құру бойынша түзетулер қабылданды. Мәселені нақтыласақ, біз аймақтарды белгілейміз, бірақ жағалаудың нақты қай учаскесінде ашылатынын жергілікті атқарушы...

Ішкі істер министрлігі ауа райына байланысты қазақстандықтарға үндеу жасады.

Ведомство аса қажеттілік болмаса, үйден шықпауға, алыс сапарларды кейінге қалдыруға кеңес берді.

Ал көлік жүргізушілері жол қозғалысы ережелерін қатаң сақтап, жылдамдықты асырмағаны жөн. Жолда маневр жасаудан аулақ болғаны дұрыс.

Сондай-ақ полиция көліктер арасындағы арақашықтықты сақтауды сұрады.

«Қолайсыз ауа райы жолдарда және қоғамдық орындарда қауіп-қатерді арттырады. Азаматтарды жауапкершілік танытып, қауіпсіздік шараларын сақтауға және төтенше қызметтердің ресми хабарламаларын қадағалап отыруға шақырамыз», – деп хабарлады полиция.

Айта кетейік, Астанада ауа райына байланысты ұшып келуге тиіс болған 11 рейс кешігіп жатыр. Одан бөлек бір рейс қала әуежайынан ұшып шықпаған.

Сондай-а...

Туризм және спорт министрі Ербол Мырзабосынов Миланда өтетін XXV Қысқы Олимпиада ойындарында Қазақстанның Мемлекеттік туын кім алып шығатыны әлі белгісіз екенін мәлім етті.

Үкіметте министр Kursiv.Media тілшісіне берген жауабында қысқы Олимпиаданың лицензияларын алу әлі аяқталмағанын айтты. Лицензия қаңтар айының соңында аяқталғаннан кейін, қай спортшы туды алып шығатыны айқындалмақ.

«Біз толық лицензиялар алып болмағанша болжам жасамаймыз. Қоғаммен, Президент әкімшілігімен ақылдасып анықтаймыз. Олимпиаданың ашылу салтанатынан кейін кейбір спортшылар ертеңінде мәреге шығады. Сол себепті оған да қараймыз. Ертеңінде жарыс алаңына шықса, оны Ту ұстауға жібермейміз. Бірінші ол лицензия, жарыс бағдарламасын зерттеп қана айқындаймыз. Қоғамдық кеңесте болған жоқпын. Ол жерде...

Шығыс Қазақстан облысында «Шығыс шақырады» атты жаңа тұрғын үй бағдарламасы іске қосылады. Жобаны «Отбасы банк» пен жергілікті әкімдік бірлесіп жүзеге асырады.

Бағдарлама өзге өңірлерден ШҚО-ға көшіп келіп, осында тұрақтап, жұмыс істегісі келетін қазақстандықтарға арналған.

Қатысушылардың өтінімдерін қабылдау және іріктеу 2026 жылы басталады. Оған облыс әкімдігі жауапты. Ал «Отбасы банк» жеңілдетілген несие беруді қамтамасыз етеді.

Бағдарлама шарттары:

Қандай тұрғын үй сатып алуға болады:

Миллиардер Болат Өтемұратовқа тиесілі ForteBank Home Credit Bank-ті сатып алу жөніндегі мәмілені толық аяқтады. ForteBank-тің қатысу үлесі 100%-ға жетіп, Home Credit Bank-тің жалғыз акционері атанды.

Банктің хабарлауынша, Home Credit Bank клиенттері үшін қызмет көрсету шарттары мен тәртібі өзгермейді, барлық келісім бұрынғы режимде сақталады.

Мәміленің нақты шарттары мен түпкілікті құны ресми түрде ашық айтылған жоқ. Алайда бұған дейін ForteBank Home Credit Bank акцияларының бір бөлігін сатып алу құнын жариялаған болатын. Сол мәліметтерге сүйенсек, Home Credit Bank-тің толық құны шамамен 172 млрд теңгеге бағалануы мүмкін. Бұл – банктің меншікті капиталының шамамен 76 пайызына тең.

Осылайша, ForteBank Home Credit Bank-ті толық иеленіп, оны...

Жаңа жыл қарсаңында азық-түлікті тиімді бағамен сатып алуға болады. Елімізде 23-31 желтоқсан аралығында ауқымды «Береке Fest» акциясы өтіп жатыр, деп хабарлады сауда және интеграция министрлігі.

Қай дүкендерде жеңілдік болады

Акцияға ел бойынша 80-ге жуық ірі сауда желісі қатысқан. Олардың ішінде күнделікті баратын танымал маркеттер бар:

Баға неге арзандады

Бағаның төмендеуіне екі нақты себеп бар:

Айта кету керек, жеңілдіктер отандық өнімдерге ғана емес, кейбір импорттық тауарларға да жүреді. Әсіресе, әлеуметтік...

АҚШ президенті Дональд Трамп пен оның кеңесшілері дүйсенбі күні Израиль премьер-министрі Биньямин Нетаньяхумен кездескен.

Сол кезде Трамп Израиль басшысынан Иордан өзенінің Батыс жағалауындағы оккупацияланған аумақтарға қатысты саясатты өзгертуді сұраған. Бұл туралы дереккөздерге сілтеме жасаған Axios хабарлады.

Дереккөздердің айтуынша, Трамп пен оның командасы Батыс жағалаудағы жағдайға алаңдаушылық білдіріп, Нетаньяхудан арандатушылық қадамдардан бас тартуды және «жағдайды тұрақтандыруды» өтінген.

Америкалық шенеуніктің айтуынша, Ақ үй Батыс жағалаудағы зорлық-зомбылықтың ушығуы Газа секторына қатысты бейбіт келісімді жүзеге асыруға бағытталған күш-жігерге нұқсан келтіріп, «Авраам келісімдерінің» аясын кеңейтуге кедергі келтіреді деп санайды.

Басылыммен сөйлескен дереккөздер америкалық ресми тұлғалар Батыс жағалаудағы саясатты өзгерту Израильдің Еуропа елдерімен қарым-қатынасын қалпына...

2026 жылы қазақстандықтар мерекелерге орай 15 күн демалады. Одан бөлек аптасына бес не алты күн жұмыс істейтініне қарай демалыс күндері бар. Kursiv.Media 2026 жылы мерекеге берілетін демалыс күндерін тізіп шықты.

Жыл басында әдеттегідей демалыс болады. 1-2 қаңтарға Жаңа жылға байланысты демалыс берілген. 3-4 қаңтар сенбі-жексенбіге түсіп тұр, аптасына бес күн жұмыс істейтіндер осылайша төрт күн қатарынан демалады. 7 қаңтарда православиялық Рождество үшін демалыс беріледі.

Ақпанда мереке жоқ, сол себепті артық демалыс та қарастырылмаған. Алайда наурыз мереке мен демалысқа толы. 2026 жылы 8 наурыз жексенбіге түсіп тұр, сол себепті демалыс дүйсенбі – 9 наурызға ауысады. Аптасына бес күн...

Қаржы нарығын реттеу және дамыту агенттігі бағалы қағаздар нарығында ерекше реттеу режимін енгізу туралы қаулы қабылдады. Бұл шешім цифрлық активтердің құнына байланған биржалық инвестициялық қорларды (ETF) қор нарығында айналымға жіберуге құқықтық негіз қалыптастырады.

Құжаттың мазмұнына қарағанда, сөз криптовалютаны тікелей заңдастыру туралы емес, керісінше, оның бағасына байланысты қаржы құралдарын реттелетін ортада сынақтан өткізу туралы болып отыр.

Ерекше реттеу режимі бес жыл мерзімге енгізіледі. Осы кезеңде нарықтың бірқатар қатысушысына қолданыстағы кейбір нормативтік талаптар қолданылмайды. Бұл ретте Агенттік нарықты толық еркіндікке жібермей, керісінше, нақты шектеулер мен шарттар арқылы бақылауды сақтап отыр.

Қаулыға сәйкес, ерекше режимге қор биржасы, орталық депозитарий, клирингтік...

2025 жылы елде 13 мың шақырым автокөлік жолы салынып жөнделген. Жаңа жолдардың ұзындығы – 1,9 мың шақырым.

Стратегиялық тұрғыдан маңызды күрежолдар қатарында Орталық – Батыс автомагистралы, Қарағанды – Жезқазған, Ақтөбе – Ұлғайсын, Атырау – Доссор учаскелері бар.

Сондай-ақ Зайсан, Катонқарағай және Кендірліде үш жаңа әуежай құрылысы басталды. Арқалық әуежайын қалпына келтіру жұмыстары қолға алынды.

2025 жылы ел нарығына бірқатар жаңа авиакомпания кірді. Бұдан бөлек, 35-тен астам жаңа бағдар, соның ішінде тұңғыш рет Шанхай, Гуанчжоу мен Мюнхенге тікелей рейстер ашылды.

Қызылжар – Мойынты екінші жолының, Алматы маңындағы айналма жолдың, Дарбаза – Мақтаарал және Бақты – Аягөз жаңа теміржол желілерінің құрылысы жүріп...

«Тараз» футбол клубы «Қайраттың» қақпашысы Шерхан Қалмырзаға қызығушылық танытып отыр. Бұл туралы клуб директоры Дидар Сыдықбек мәлімдеді.

Директордың айтуынша, тараптар арасында алғашқы байланыс орнату жоспарланған.

«Шерхан Қалмырзаға қызығушылық танытып жатырмыз. Ертең ұсыныс тастап, диалог құра бастаймыз», – деді клуб басшысы.

Айта кетейік, Шерхан Қалмырза Жамбыл облысының тумасы. Қазіргі таңда «Қайрат» футбол клубының қақпашасы. Биыл Чемпиондар лигасында әйгілі «Реал Мадрид» клубына қарсы алаңға шыққан еді.

Туризм және спорт министрі Ербол Мырзабосынов Қазақстан спортшылары 2006 жылғы XXV Қысқы Олимпиада ойындарына қалай дайындалып жатқанын айтып берді.

Олимпиада жайлы

Ойындар Италияның Милан және Кортина-Д’Ампеццо қалаларында 6 – 22 ақпан аралығында өтеді. Жарысқа 93 елден 3 000-ға жуық спортшы қатысады деп күтілуде. Олар 116 марапат үшін бақ сынайды.

Олимпиаданың малтанатты ашылу рәсімі 2026 жылдың 6 ақпанында Милан қаласында өтеді, ал жабылу салтанаты 22 ақпанда Верона қаласында өтеді деп жоспарланған. Ойындар бағдарламасы конькимен жүгіру және шаңғы жарысы спортшыларының өнер көрсетуімен басталады. Соңғы кезеңде тау шаңғысы бойынша жарыс өтеді.

Қазақстан командасы

Ұлттық команда спорттың 10 түрінен 58 медальға таласқа...

2025 жылы депутаттардың мінберден айтқан көптеген сөзі ел ішінде қызу талқыланып, әлеуметтік желілер мен баспасөздің басты тақырыбына айналды. Бірі жұрттың көкейіндегі мәселені дөп басып, қолдауға ие болса, енді бірі қисынсыз ұсынысымен сынның астында қалды. Кейбір депутаттардың мәлімдемелері тіпті мемге айналып, күлкілі трендке ұласқаны да рас. Айтылған сөз – атылған оқ. Ал саясат сахнасында айтылған әрбір сөз қоғам назарынан тыс қалмайды. Кursiv.Мedia тілшісі ел есінде қалған, қоғамда резонанс тудырған, сын мен дауға іліккен, тіпті күлкіге қалған депутаттық мәлімдемелерге шолу жасап шықты.

«Мамасының баласы»: анасын 70 жас мерейтойымен құттықтаған депутат

2024 жылы Түркістанды арақсыз қала қыламыз деп бірнеше рет бастама көтерген...

Украина Ресей президенті Владимир Путиннің Новгород облысындағы резиденциясына шабуылдады деген мәлімдемені жоққа шығарды.

Путин резиденциясына шабуылдады деген айыпты Киевке алғаш болып Ресей сыртқы істер министрі Сергей Лавров таққан. Ешкім зардап шекпегеніне қарамастан, шенеунік әскерилер «қарымта соққы» нысанын анықтады деген.

Украина президенті Владимир Зеленский дрондар шабуылдады деген айыпты бірден жоққа шығарып, Ресей осының бәрін ойдан құрастырған деп мәлімдеді.

«Ресей баяғы әдетіне басты. Қауіпті мәлімдемелер жасау арқылы президент Трамп тобымен бірге дипломатиялық талпыныстарымызды жоққа шығара салмақ», – деп жазды Зеленский әлеуметтік желіде.

Украина сыртқы істер министрі Андрей Сибига президенттің айтқандарын қолдап, әлемдік қауымдастықты...

«Аңдар шаһары» анимациялық франшизасының үшінші бөлімі ресми түрде өндіріс кезеңіне өтті. Жобаның режиссерлері Джаред Буш пен Байрон Ховард «Аңдар шаһары 3» фильміне қатысты жұмыстар басталғанын растады.

Қазіргі уақытта шығармашылық топ болашақ фильмнің идеялары мен сюжеттік бағытын талқылап жатыр. Джаред Буштың айтуынша, концепцияны толық қалыптастыруға шамамен 2–3 жыл уақыт қажет. Осыдан кейін ғана негізгі өндіріс кезеңі басталады. Осыған байланысты «Аңдар шаһары 3» мультфильмі 2030 жылдан ерте жарыққа шықпайды деп күтіліп отыр.

Айта кетейік, «Аңдар шаһары» фильмі әлемдік прокатта 1 млрд доллардан астам табыс жинап, Disney студиясының ең табысты анимациялық жобаларының біріне айналған еді.