Жаңалықтар

Қазір миллиондаған адам қашықтан жұмыс істей беретін болған. Кеңсесі басқа қалада тіпті елде болса да, өзіне қолайлы жерден тапсырмасын орындайтындар жетерлік. Осы ретте жұмыс ритмі мен орнына қатысты сұрақ туады. Өнімді жұмыс істеп, қажып кетпес үшін қай жерден және қалай жұмыс істеген абзал? Өзіңізге тән жұмыс ритмін қалай табуға болады? Осы туралы айтайық.

Фриланс еркіндіктің синонимі болмауы да мүмкін

Қашықтай істейтіндерге қатысты көп тарайтын аңыз: олар қашан және қай жақтан жұмыс істейтіндерін өздері шешеді. Иә, бұл сөздің жаны бар. Бірақ іс жүзінде үнемі бәрі солай бола бермейді. Кей жағдайда ортақ байламға келу керек болып қалады. Сондықтан фрилансерлерге де...

Toyota компаниясы RAV4 үлгісінің негізінде жаңа купе тәріздес кросс-купе жасап шығарады. Бұл туралы жапондық Best Car Web порталы сенімді дереккөздерге сілтеме жасай отырып хабарлады.

Ақпаратқа сүйенсек, әңгіме Harrier моделінің келесі буыны жайлы болып отыр. Ол RAV4-ке қарағанда әлдеқайда ерекше және даралана түспек. Toyota қазіргі уақытта көліктің форматын кросс-купеге ауыстыру, дөңгелек базасын ұзарту және алдыңғы бамперін қысқарту мүмкіндігін қарастырып жатыр.

Жаңалығы неде?

Техникалық тұрғыдан алғанда ең үлкен жаңалық – жаңа гибридті қондырғы болмақ. Оның негізін 1,5 литрлік турбоқозғалтқышы бар HEV (өздігінен қуатталатын гибрид) жүйесі және Toyota-ның фирмалық E-Four толық жетекті электр жүйесі құрайды. Жүйенің жалпы қуаты 250 ат...

Астана қаласы Жоламан әуеайлағы маңында ұшақ апатқа ұшырады. Көлік министрлігінің хабарлауынша, оқиға 22 маусым сағат 11:30-да болған.

«Оқу-жаттығу ұшуын орындау барысында TL-2000 әуе кемесі авиациялық оқиғаға ұшырады. Бұл ұшақ жеке тұлғаға тиесілі. Алдын ала мәліметке сәйкес, бортта екі экипаж мүшесі болды. Экипаж мүшелері қайтыс болды», – делінген ақпаратта.

Оқиғаны тергеп-тексеру үшін авиациялық оқиғалар мен инциденттер жөніндегі арнайы комиссия құрылады.

Көлік министрлігіне қарасты көліктегі оқиғалар мен инциденттерді тергеу департаменті қызметкерлері авиациялық оқиғаға орнына барады.

Bucket list — адамның көзі тірісінде орындап үлгергісі келетін істері мен арман-мақсаттар тізімі. Көбіне батыс әдебиеті мен фильмографиясында жиі қолданылады. Әлеуметтік желі мен саяхатшылар аузынан да «bucket list destination» (өлмей тұрып, барып үлгергің келетін жер немесе ел) деген сөзді жиі естиміз. Бүгін осы тіркестің қайдан шыққанын, әлеуметтік мәні мен психикаға пайдасын талдаймыз. 

«Bucket list» тіркесінің мағынасы қандай?

Ағылшын тілінде «kick the bucket» деген тіркес бар. Өмірден өту, қайтыс болу деген мағынаны білдіреді. Осыдан bucket list — өлмес бұрын орындап үлгеру керек істер тізімі болып шыға келеді.

Бұл тіркес 2007 жылы жарық көрген «Bucket list» (Пока не сыграл в...

Қазақстанның Сыртқы істер министрлігі Таяу Шығыстағы ахуалға қатысты мәлімдеме жасады.

«АҚШ-тың Иранға қарсы соңғы әскери әрекеттерінен кейін, әлемнің біз орналасқан бөлігінде мемлекеттердің қауіпсіздігі үшін қатерлі салдары бар халықаралық жағдайдың күрт нашарлауы байқалады», – делінген ақпаратта.

Қазақстан Каспий маңы елдерінің тобына кіреді және Иранмен түрлі салалардағы ынтымақтастықты дамытып келеді.

«Мемлекетіміз барлық келіспеушіліктерді, оның ішінде ядролық мәселелерді БҰҰ Жарғысы негізінде келіссөздер жүргізу арқылы шешу қажет деп санайды.

Барлық мүдделі елдерді ядролық қарудың таралуына жол бермеу және халықаралық бақылаумен таратпау режимін ұстанатын мемлекеттердің қауіпсіздігіне кепілдіктер беру мақсатында келісімді жақын арада әзірлеуге шақырамыз...

Қазақстандық теннисші Зарина Диас (WTA 275) Испанияның Таусте қаласында өткен ITF W35 турнирінің чемпионы атанды. Бұл туралы Қазақстан теннис федерациясы хабарлады.

Финалда қазақстандық теннисші италиялық Дилетта Черубиниді (WTA 446) 6:1, 6:7 (4:7), 6:1 есебімен жеңді.

Бұл Диас үшін ITF аясындағы мансабындағы 12-титул болды. Сонымен қатар оның WTA 250 деңгейінде бір трофейі бар.

Айта кетейік, ITF W35 — бұл Халықаралық теннис федерациясы (ITF) ұйымдастыратын әйелдер арасындағы кәсіби турнирлердің бірі.

Айта кетейік, Қазақстанның бірінші теннисшісі Александр Бублик Германияның Галле қаласында өтіп жатқан ірі турнирдің финалына шықты.

Жыл басынан бері ұйымдасқан қылмыстық топтарға қатысты 51 қылмыстық іс қозғалды. Бұл туралы Ішкі істер министрлігі хабарлады.

Алматыда күзет қызметі түрінде әрекет етіп, бұзақылық, бопсалау және қару сақтау сияқты заңсыз әрекеттермен айналысқан қылмыстық топ анықталды. Қазір ҰҚТ мүшелеріне қатысты ұйымдасқан қылмыстық топ құру және оған қатысу фактілері бойынша қылмыстық іс тергеліп жатыр. Олар 2025 жылдың қаңтарында анықталған.

«Сонымен қатар трансұлттық сипаттағы 7 ұйымдасқан қылмыстық топ бойынша және бір қылмыстық қауымдастық құру фактісі бойынша іс тергеліп жатыр», – делінген ақпаратта.

Сондай-ақ трансұлттық қылмыстық қауымдастық құру және оған басшылық ету фактісі бойынша алғаш рет сотқа дейінг...

Әлеуметтік желіде 2026 жылдан бастап Газа секторы тұрғындарын кезең-кезеңімен эвакуациялау басталатыны туралы ақпарат тарады.

Олардың Қазақстан, Өзбекстан және Тәжікстан елдеріне көшірілетіні айтылған. StopFake бұл ақпаратты жоққа шығарды.

Тараған ақпаратта мұны Сауд Арабиясының тақ мұрагері мәлімдеген деп көрсетілген.

Қазақстанның Сыртқы істер министрлігі ақпаратқа түсініктеме берді.

«Бұл ақпарат шындыққа жанаспайды. Тек ресми ақпаратқа сенуіңізді сұраймыз», – деп хабарлады ведомство.

Бұған дейін G7 елдері Израильді қолдай отырып, Газадағы атысты тоқтатуды талап етті.

Иранның атом энергиясы агенттігі АҚШ-тың үш негізгі ядролық нысанға жасаған шабуылын «қатыгез шабуыл» деп атады. Алайда соққыдан кейін ядролық өнеркәсіптен бас тартпайтынын жеткізді. Бұл туралы Иранның мемлекеттік IRNA ақпарат агенттігіне сілтеме жасап Bloomberg хабарлады.

Агенттіктің хабарлауынша, «заңсыз әрекеттер» ұлттық өнеркәсіптің дамуын тоқтатпайды.

Агенттік АҚШ президенті Дональд Трамп Ақ үйдегі мәлімдемесінде айтқан Фордо, Натанз және Исфахандағы нысандардың «толық жойылғанын» растаған жоқ.

IRNA Иранның ядролық қауіпсіздік басқармасы соққылардан кейін, осы үш ядролық нысанда радиациялық ластанудың белгілерін анықтамағанын хабарлаған. Басқарма сондай-ақ нысан маңында тұратын азаматтарға қауіп жоқ екенін мәлімдеген.

Айта кетейік, бұған дейін АҚШ президенті Дональд Трамп АҚШ әуе соққылары Иранның үш негізгі ядролы...

АҚШ президенті Дональд Трамп АҚШ әуе соққылары Иранның үш негізгі ядролық нысанын «толық жойғанын» мәлімдеді. Сондай-ақ Тегеран Израильмен бейбіт келісімге келмесе, әскери іс-қимылдарды жалғастыратынын ескертті.

«Жағдай бұлай жалғаса алмайды. Не бейбітшілік болады, не Иран үшін соңғы сегіз күнде көргенімізден де әлдеқайда үлкен трагедия болады», – деді Трамп Ақ үйдегі сөзінде.

Трамп АҚШ күштері Натанз, Фордо және Исфахан қалаларындағы ядролық нысандарға соққы жасағанын айтып, бұл шабуылдарды «керемет әскери жетістік» деп атады.

«Иранның негізгі уран байыту объектілері толық жойылды. Таяу Шығысты қорқытып келген Иран енді бейбітшілікке келуі керек. Егер олар келіспесе, болашақтағы...

Қазақстанның бірінші теннисшісі Александр Бублик Германияның Галле қаласында өтіп жатқан ірі турнирдің финалына шықты. Енді Бублик ақтық сында ресейлік Даниил Медведевпен ойнайды.

Бублик сенбі , 21 маусым күні жартылай финалда ресейлік Карен Хачановты үш сетте жеңді. Шамамен екі сағатқа созылған тартысты матч 4:6, 7:6, 6:4 есебімен аяқталды. Бублик ойын барысында 19 мәрте эйс орындап, бір мәрте брейк жасады.

Енді Бублик финалда Ресейдің бірінші теннисшісі Даниил Медведевпен ойнайды. Отандасымыздың қарсыласы 21 маусымда әлемнің үшінші теннисшісі Александр Зверевті үш сетте жеңді. Үш сағатқа созылған бұл матч 7:6, 6:7, 6:4 есебімен аяқталды.

Бублик пен Медведев арасындағы матч жексенбі, 22 маусымда Астана уақытымен...

Алатаудың Алматы қаласына жақын орналасқан сілемдерінде 51 мұздақ көл бар. Оның 14-і бұзылу қаупі жоғары, алтауы аса жоғары қауіп төндіретін нысан қатарына жатады. Көлдер халық тығыз қоныстанған аймақтар арқылы ағатын өзендердің бастауында орналасқан.

Алматы қаласының әкімі Дархан Сатыбалды Алатаудағы мұздақ көлдердің жай-күйімен танысты. Ол селден қорғау инфрақұрылымының жағдайын тікұшақпен шолу арқылы тексерді. Бұл туралы Kursiv.Media-ға қала әкімдігінің баспасөз қызметі хабарлады.

Мегаполис басшысы бастаған топ «Медеу», «Үлкен Алматы», «Қарғалы» су бөгеттері мен Ақсай, Кіші және Үлкен Алматы өзендерінің бассейндерінде орналасқан №6, 8, 9, 10 және 13-Бис мұздақ көлдері секілді негізгі селден қорғау нысандарын көрді.

«Қазселденқорғау» мекемесінің өкілі Самат Дәуленқановтың айтуынша...

Қазақстанның бірінші президенті Нұрсұлтан Назарбаев 21 маусымда Астана қаласындағы Бас мешітке зиярат жасады. Бұл туралы Қазақстан мұсылмандары діни басқармасы хабарлады.

«Зиярат аясында Нұрсұлтан Әбішұлы өмірден өткен әулетінің марқұмдарына құран бағыштап, ел амандығы мен бірлігі үшін дұға жасады», – деп жазды мүфтият.

Діни басқарманың хабарлауынша, экс-президент бас мешіттің ел руханиятындағы орны мен маңызына тоқталып, имандылық пен ұлттың бірлігін нығайтудағы қызметіне сәттілік тіледі.

Мүфтияттың ресми сайтында Назарбаевтың мешітте жүргенде түсірілген бірнеше суреті жарияланды.

Қазақстанның тұңғыш президенті діни кітап оқып отырған балалармен сөйлесіп, мешітке жиналған халыққа қол бұлғаған.

Экс-президентті мешіт қызметкерлері мен күзетшілер ертіп жүрді. Оның қасына...

Алматы қаласының тұрғындары танымал бренд заттарын жеңілдікпен сатып алу үшін тағы да кезекке тұрды. Kursiv.Media сауда орталығына ағылған жұртты не қызықтырғанын анықтап білді.

Алматы халқы арасында танымал сауда орталығы жеңілдіктер фестивалін жариялады. Сауда нүктесінің өкілдері жеңілдік 70%-ға дейін екенін айтты. Соған байланысты алматылықтар сүйікті бренд заттарын сатып алуға асықты. Енді олар ұзын-сонар кезекте тұруға мәжбүр. Куәгерлердің айтуынша, адамдар затқа таласып қалып жатыр.

«Жеңілдік» деген сөзді естіген бетте жүгіріңіз. Бүгін Zara дүкенінде мен нағыз триллердің куәсі болдым. Адамдар гуманитарлық көмек кезегінде тұрған сияқты. Әрбір ұрымтал сәтті тағатсыздана күтеді. Маркетинг деген осы. Мұндай кезде адамдар 200 теңге...

Қазақстанның халық әртісі Димаш Құдайберген Қытайдың «Жэньминь жибао» газетіне сұхбат берді. Қысқаша видео-сұхбат танымал әншінің ресми сайтында жарияланды.

Димаш қытай басылымына Орталық Азия мен Қытай арасындағы достық, музыка құдіреті туралы не ойлайтынын айтқан.

«Мен, Қазақстанда әнші отбасында туып өстім. Әнді көп тыңдадым. Алайда мен күндердің күнінде үнім биік тауларды асып, Қытайға дейін жетеді деп ойламадым», — дейді әлемге танымал жұлдыз.

Ол қытай әндерін жаттап, осы елдегі шоуларға жиі қатысады. Әнші өнері арқылы көпшілікке Қазақстан мен Орталық Азия туралы көбірек мәлімет беруге тырысады.

«Адамдардың кейбірі мені «өнер елшісі» деп атайды, біра...

Израиль билігі әуе күштерінің Иран орталығындағы Құм қаласына жасаған шабуылынан дала командирі Саид Изади қаза тапқанын растады. Бұл туралы CNN хабарлады.

Телеарнаның мәліметінше, Изади Иран ислам революциясы сақшылары корпусының «Құдс» жасағында қызмет атқарған, Палестинадағы бөлімді басқарған.

Израиль қорғаныс армиясының (ЦАХАЛ) сенбі, 21 маусымда таратқан мәлімдемесінде әуе күштерінің соққысынан дала командирінің көзі жойылғаны айтылды.

«Изади сақшылар корпусының жоғарғы қолбасшылығы, Иран жүйесі мен ХАМАС терроршыл ұйымының басты адамдары арасын әскери үйлестіруге жауап берді», — деп мәлімдеді ЦАХАЛ.

АҚШ Изадиді санкция тізіміне қосаны мәлім. Ұлыбритания үкіметінің дерегінше, ол «Құдстың» Палестинадағы бөлімін басқарған.

21 маусым күн...

2025 жылы АҚШ-та жаңа көліктің орташа бағасы 48 000 долларға жетті. Бұл тарихи максимум және соңғы жылдары автокөлік бағасының қаншалықты қарқынды өсіп жатқанын айғақтайтын көрсеткіш. Мұндай өсімнің себептері — жаһандық инфляция, микрочиптердің жетіспеушілігі, логистика құнының артуы, жаңа технологиялардың енгізілуі және экологиялық талаптардың күшеюі. Алайда нарықтағы осындай баға өсіміне қарамастан, шектеулі бюджетпен де жаңа көлік сатып алуға мүмкіндік беретін бірнеше үлгі бар.

Visual Capitalist порталы Car and Driver және Moneygeek деректеріне сүйене отырып, АҚШ-тағы 2025 жылғы ең арзан жаңа көліктер рейтингін жариялады. Бұл тізімдегі барлық көліктердің бағасы 26 000 доллардан (12 350 000 теңге) төмен, яғни орташа нарық бағасынан 1,8 есе арзан.

Түркия — қазақстандық туристер арасындағы ең танымал бағыттардың бірі. Түркияның мәдениет және туризм министрлігінің дерегінше, 2024 жылдың маусым-тамыз айларында бауырлас мемлекетке Қазақстаннан 440 мың турист барған. Биыл жазда сіз де  Ыстанбұлға баруға шабадан жинап отырсаңыз, түрік асханасындағы мына тағамдардан дәм татпай қайтпаңыз:

Симит 

Түркиядағы ең танымал әрі арзан көше тағамы – симит. Көбі симитті жеңіл таңғы ас орнына алады.

Қала көшелерінде симит артқан қызғылт түсті арбалар жиі кездеседі. Симитті міндетті түрде жаңа піскен кезінде жеу керек. Ыстық симит жегіңіз келсе, firin деп аталатын наубайханаларды іздеңіз. Симиттің түр-түрі қажет болса, simit sarayi деп аталатын орындар бар. Үстіне күнжіт...

«Салтанат сәулесі» әлеуметтік жобасы «Канн арыстандары» халықаралық фестивалінің тағы бір жүлдесін жеңіп алды. Топ бірнеше күн бұрын күміс, енді қола жүлдегер атанды. Бұл туралы Kursiv.Media-ға осы жобаны жүзеге асырушы Citix компаниясы хабарлады.

Қазылар алқасы қазақстандық жобаны Гендерлік теңдік номинациясының Тұрақты даму мақсаттары санаты бойынша қола жүлдеге лайықты деп тапты.

«Салтанат сәулесі» — Citix технология компаниясы мен GForce Grey агенттігінің бірлескен жобасы. Оған Салтанат Нүкенованың бауыры Айтбек Амангелді қолдау көрсетті.

Жүйе тұрмыстағы зорлық-зомбылық оқиғаларын тез арада анықтап, ол туралы бүкіл ел бойынша Citix ақылды экрандары арқылы көрсетеді. Ал телеграм-бот зорлық-зомбылық құрбандарына қайда жүгініп, не істеу керектігі туралы нұсқау-кеңестер береді.

Meta мен Oakley компаниялары 3K форматта видео түсіре алатын смарт-көзілдірік жасап шығарды. Онымен су астында да видео түсіруге болады. Бұл туралы Bloomberg хабарлады.

Oakley AI ақылды көзілдірігі көмегімен телефонмен қоңырау шалуға, қоңырау қабылдауға, музыка тыңдауға да болады. Бұған қоса, ол сурет пен видео түсіре алады. Смарт-көзілдірік Meta жасанды интеллект жүйесінің көмегімен қоршаған орта туралы сауалдарға жауап береді.

Ақылды көзілдіріктің жетілдірілген жаңа нұсқасының бағасы 399 доллардан басталып, 499 долларға дейін жетеді. Алтын жалатылған түрі де бар.

Енді оның қуаты екі есе көбейді. Су өткізбейді, яғни су астында да сапасы 3K видео түсіруге болады деген сөз.

Meta корпорациясының 2021 жылы шығарған...

2025 жылғы әлем чемпионатында Қазақстан атынан өнер көрсететін алты команда анықталды. Астана, Алматы, Ақтөбе және Шымкент оқушылары АҚШ-қа жарысқа барады. Бұл туралы Kursiv.Media-ға Қазақстан шахмат федерациясы хабарлады.

Мектеп командалары арасындағы іріктеу турнирі Алматы қаласында өтті. Шахмат турнирі нәтижесінде Құрама Штаттарда тамыздың басында өтетін әлем біріншілігіне қатысатын алты топ анықталды.

12 жасқа дейінгі жеңімпаз командалар (U12):

Ақша жинауға мүмкіндік бар. Бірақ әр нәрсені алып тастап, құрта бересіз бе? Қазір ақша шашу өте оңай. Өйткені телефонмен-ақ төлей беруге болатын, қалағаныңызды маркетплейстен табу жеңіл заман. Сол сияқты ақша жинаймын деген адамға да мүмкіндік ұшан-теңіз. Соған қарамастан ақша жинау қолыңыздан келмей қойса, себебін бірге іздейік. Жинақ психологиясын талдайық.

1. Өзіңізді қазір қуантқыңыз келе ме, әлде ол сезімді кейінге қалдырасыз ба: осы қарсылықта кім жеңеді?

Ақша жинай алмай қиналған кезде әр адамның ішінде, шынымен, текетірес болып жатады. Яғни қазіргі «сіз» бен болашақтағы «сіз» екеуара қарсыласады. «Ертең керек болып қалар» деп қорға салатын кезде «Қазір үнемдей тұрайын. Есесіне, болашақта...

2025 жылғы шілде айынан бастап Toyota Motor Corp өндіретін автокөліктердің бірқатарының бағасы АҚШ-та кем дегенде 200 долларға көтеріледі. Lexus көліктері де қымбаттайды. Бұл туралы Bloomberg хабарлады.

Жапон автогигантының өкілі Нобу Сунага Toyota және Lexus автокөліктерінің бағасы орташа есеппен 270 және 208 долларға қымбаттайтынын мәлімдеді. Оның айтуынша, жаңа баға нарық жағдайы мен бәсекеге байланысты анықталады. Бірақ топ-менеджер соны өзгерістің нақты себептерін атамады.

Осының алдында ғана Mitsubishi Motors Corp осы айда Құрама Штаттарында сатылатын үш түрлі көлігінің бағасын көтерген. Компания баға инфляцияға байланысты өзгерді деп түсіндірген.

Жапон автоөндірушілер АҚШ нарығында сауда қалай жүретініне тәуелді. Олар енді президент Дональд Трамптың жаңа...

Galanz Bottlers («Maxi Чай» брендінің иесі) компаниясының басшысы Тұрсынғали Алагөзов мамырдың аяғында қарамағындағы қызметкерлерге жүз пәтер сыйлаған. Жаңа баспана иелері алғаш рет табалдырықтан аттады. Бұл туралы кәсіпкердің әйелі, продюсер Баян Алагөзова Instagram-ға жазды.

«Бүгін Galanz Bottlers қызметкерлері күйеуім сыйлаған жаңа пәтерлерге алғаш рет кірді! Мен олардың әрқайсының қуанышына ортақпын», – деп жазды Баян Алагөзова.

Оның айтуынша, 20 маусымда компанияның 30 қызметкері пәтер кілтін алды. Қалғандары жаңа баспана құрылысының аяқталғанын күтеді.

Әлеуметтік желіге жарияланған видеолар мен суреттерден түсінгеніміз, пәтерлердің бәрінің есігі бірдей, нөмірі ғана басқа. Соған қарағанда, жаңа баспанаға ие болған қызметкерлердің бәрі көрші тұрады.