Жаңалықтар

Денсаулық сақтау вице-министрі Тимур Мұратов Астанада басына кондиционер құлап, ауыр жарақат алған фельдшердің әрекетін ерлік деп бағалады. Қазір ол реанимацияда, жағдайы өте ауыр.

Оның айтуынша, жарақат алған фельдшер сол сәтте бар мүмкіндігінше дұрыс шешім қабылдаған.

«Иә, қауіпсіздік ережелері мен нұсқаулықтар бар. Бірақ, соған қарамастан, кейде адамдардың бойындағы адамгершілік пен кәсіби жауапкершілік алдыңғы орынға шығады. Біздің әріптесіміз дәл сол сәтте өз денсаулығын ойламай, көмекке мұқтаж адамға қол ұшын созды. Бұл – қазіргі медицина қызметкерлерінің шынайы бейнесі», – деді вице-министр.

Тимур Мұратов әріптесінің әрекетін «қолынан келгенінің бәрін істеді» деп бағалап, оны...

Шымкентте жекеменшік мектептердің құрылтайшылары, мектеп директорлары мен мұғалімдері бас көтерді. Әкімдікке келген олар екі айдан бері жалақы ала алмай жүргеніне шағынды. Қаржыландырудың кідіріп тұрғанын қала әкімдігі де растап, бұған жаңа жоба кедергі болып тұрғанын айтты.

Мұғалімдер жалақысыз қалған

Кеше кешқұрым Шымкент қаласы әкімдігіне жекеменшік мектептерде жұмыс істейтін жүзден аса мұғалім, мектеп директоры мен кәсіпкер жиналды. Олар қыркүйек айынан бері еңбекақысын ала алмай жүргеніне шағымданды. Айтуларынша, жекеменшік мектептерге бала басына шаққанда мемлекеттен төленетін ақы кешеуілдеп жатыр. Соның есебінен мұғалімдер жалақысыз қалып отыр.

«Бұл жерде қарапайым мұғалімдер зардап шегіп тұр. Біз кімге айтамыз? Біз директорымызға айтамыз...

Абай облысында Smart City ауданы пайда болады. Бұл туралы облыс әкімі Берік Уәли орталық коммуникациялар қызметінде өткен брифингте айтты.

Берік Уәлидің сөзінше, Семейде 1981 жылы «Абай театры» салынған. Одан бері қалада бір де бір мәдени нысан бой көтермеген.

«Өте аянышты жағдай. 1981 жылдан бері кинотеатр да салынбаған. Жылауға болатын жағдай. Осы олқылықтың орнын толтыру үшін Абайдың 180 жылдығы аясында «Абайға құрмет» акциясын бастадық. Енді жаңа ғимараттар салынады. Оны Smart City ықшам ауданы деп атаймыз. Қаланың бір жерінде жылу жетіспейді, бір жерінде электр энергиясы жоқ. Жер де жетпейді. Қаланың шетінен 1100 гектар жерге жаңа ықшам аудан салу...

Қазақстанда кейінгі жылдары 100 тоннаға жететін алтыны мен 36 мың тонна мысы бар 5 кен орны ашылған. Бұл туралы Үкімет отырысында Өнеркәсіп және құрылыс вице-министрі Иран Шархан хабарлады.

Иран Шарханның айтуынша, Көк-Жон (Болаттөбе учаскесі), Алтын-Шоқы, Сәмембет, «Студент» және Тақыр-Қалжыр кен орыны жаңадан мемлекеттік есепке алынған. Нәтижесінде алтын қоры 98 тоннаға, мыс – 36 мың тонна, марганец – 11 миллион тонна, ал фосфорит қоры 1,3 миллион тоннаға артқан.

Қазіргі кезде ел аумағында 103 түрлі пайдалы қазба шамамен 10 мыңға жуық кен орнында игеріліп жатыр. Қатты пайдалы қазбалар бойынша 2 907 лицензия мен 251 келісімшар бар. Тек биылдың өзінде барлауға...

Премьер-министр Олжас Бектенов елде тозығы жеткен темір жол вокзалдарын жөндеу жұмыстарын дер кезінде бітіре алмай жатқан облыстарды сынады. Олардың арасында Дархан Сатыбалды басқаратын Алматы қаласының әкімдігі де бар. Өйткені Алматы-1 вокзалындағы құрылыс бар болғаны 5%-ға ғана орындалған.

Қазақстандағы темір жол вокзалдарының 70%-ының тозығы жеткен. Үкіметтің 11 қарашадағы жиналысында осы мәселе сөз болды. Үкімет басшысы алдында есеп берген көлік вице-министрі Мақсат Қалиақпаровтың айтуынша, 121 вокзалда құрылыс жүріп жатыр.

«Вокзалдардың шамамен 70%-ы 30 жылдан астам уақыттан бері жөнделмеген. Техникалық тексерулер кезінде кейбір тіреуіш бағандары мен конструкцияларды әрі қарай пайдалануға болмайтын ақаулар анықталған», – дейді министрдің орынбасары.

Әлемге әйгілі қазақстандық әнші Димаш Құдайберген әлемдегі ең беделді бұқаралық ақпарат құралдарының бірі CNN телеарнасына тікелей эфирде сұхбат берді.

Сұхбат What We Know with Max Foster бағдарламасында өтті. Тележүргізуші Макс Фостер әншіні таныстыра келе, Димашты «тек Қазақстанда емес, бүкіл әлемде жанкүйерлері бар, алты октавамен 16 тілде ән орындай алатын қазақ әншісі» деп сипаттады.

Сұхбат барысында жүргізуші Димаштан музыкалық білімі, шығармашылық жолы мен ерекше вокалдық диапазоны туралы сұрады. Әнші өз кезегінде ұстазы Марат Айтымовқа алғыс айтып, музыкадағы басты мақсаты қазақ мәдениетін әлемге таныту екенін атап өтті.

Мен әнші болуды ешқашан ақша үшін таңдаған емеспін. Музыка...

Жер қойнауын пайдаланушы компаниялармен жалпы сомасы 9 млрд теңге болатын 17 келісімшарт үзілген. Соның ішінде 2 млрд теңге қаржы бюджетке төленген. Бұл туралы Үкімет отырысында энергетика вице-министрі Қайырхан Тұтқышбаев мәлімдеді.

«Қазақстан Республикасының Жер қойнауын пайдалануды басқарудың мемлекеттік бірыңғай ақпараттық жүйесінде хабарламалар электрондық түрде жолданады. Жыл сайынғы мониторинг нәтижесінде 2024 жылы жер қойнауын пайдаланушылардың атына жалпы сомасы шамамен 19 млрд теңге болатын келісімшарттық міндеттемелерді бұзу туралы 167 хабарлама жолданды. Бүгінгі таңда мемлекеттік бюджетке шамамен 2 млрд теңге төленді», – деді ол.

Оның айтуынша, қазіргі кезде мұнай-газ саласында 324 келісімшарт бар. Соның ішінде барлауға қатысты...

12 жылға сотталған Хасан Қасымбаевтың адвокаттары сот үкіміне апелляциялық шағым түсіреді, деп хабарлайды KursivMedia.

Олардың сөзінше, тергеу органдары, прокуратура заңды ескермеген.

«Хасан Қасымбаевтың ешқандай кінәсі жоқ. Жәбірленуші Әріпжан Тажиев Қасымбаевқа ешқандай талап қойып отырған жоқ. Кешірім берді. Сот оны ескерген жоқ», – дейді адвокат.

Адвокаттар Қасымбаев ақталып шығуы қажет еді деп санайды. Жәбірленуші Әріпжан Тажиевке қатысты әрекет 2016 жылы жасалған. Жәбірленуші Арман Әлімовке қатысты іс 4 жыл бұрын болған.

Айта кетейік, «Хуторлық» деген атпен белгілі Хасан Қасымбаев 12 жылға сотталды.

Қасымбаевқа қатысты қылмыстық іс бойынша сот процесі 20 тамызда басталды. Сотталушылар қатарында алты адам...

Шығыс Қазақстан облысындағы бірқатар мұнай кен орындары игеріле бастайды. Бұл туралы Үкіметте Энергетика вице-министрі Қайырхан Тұтқышбаев айтты.

Тұтқышбаевтың айтуынша, ауыр және тақтатас мұнай сияқты қиын алынатын қорларды игеруді ынталандыру мақсатында күрделі жобаларды әзірлеуге жатқызу критерийлері түзетулермен кеңейтілген. Осы түзетулерді қабылдаудың арқасында орта мерзімді перспективада 18,7 млн. тонна көлемінде АВС1 + С2 санаты бойынша алынатын мұнайдың жиынтық қорлары бар Шығыс Қазақстан облысындағы бірқатар кен орындарын тартуға және іске қосуға мүмкіндік беріледі.

«Биыл 5 қарашада екінші оқылымда заң жобасын Парламент Мәжілісінің депутаттары қолдады», – дейді ол.

Әңгіме мұнда Шығыс Қазақстан облысы Зайсан ауданы «Сарыбұлақ» кен орыны туралы...

«Хуторлық» деген атпен белгілі Хасан Қасымбаев 12 жылға сотталды, деп хабарлайды KursivMedia тілшісі сот залынан.

Хасан Қасымбаевтың есімі жасөспірім Шерзат Полаттың қазасынан кейін атала бастады. Талғардағы қылмыстың «Хуторлықтар» ұйымдасқан қылмыстық тобымен байланысы бары айтылды.

Қасымбаевқа қатысты қылмыстық іс бойынша сот процесі 20 тамызда басталды. Сотталушылар қатарында алты адам бар. Олар: Хасан Қасымбаев, Руслан Әлиев, Мадияр Қалимжанов, Сайлау Ақтанов, Нұрмұхамет Сұлтанбеков және Данияр Аскаров.

Оларға Қылмыстық кодекстің үш бабы – адам ұрлау, қасақана ауыр дене жарақатын келтіру, қорқытып алу әрекетін жасады деген айып тағылған. Қасымбаев үш бап бойынша да кінәлі деп танылды.

Жарыссөзден кейін Қасымбаевтың туыстары Алматы облыстық соты алдында...

Өнеркәсіп және құрылыс вице-министрі Иран Шархан геология саласында жүргізіліп жатқан реформалар саланың ашықтығын арттырып, инвестиция көлемінің жыл сайын өсуіне ықпал ететінін мәлімдеді.

Үкімет отырысында баяндама жасаған Иран Шархан қазірде ірі инвестициялар геологиялық барлауда тәжірибесі мол «Тау-Кен Самұрық» компаниясы арқылы тартылып жатқанын айтты. Компания Fortescue, Esan сияқты ірі халықаралық серіктестерді тартып, жиырма бір бірлескен кәсіпорын құрды. 72 млрд теңгеден астам инвестиция салынды және сегіз кен орны зерттеліп, мемлекеттік балансқа алынған.

«Қазіргі уақытта бес пилоттық жоба – Жосабай, Құйрықтыкөл, Қаратас, Нұра-Талды, Солтүстік Қатпар және Жоғарғы Қайрақты учаскелерінде жұмыс жүргізілуде. 2028 жылы бұл жобалар бойынша қорларды JORC стандартына сай...

Белгілі филолог, әдебиет сыншысы, режиссер әрі сценарист Ғалым Доскен өмірден өтті. Қаралы хабарды журналист Болат Мүрсәлім жеткізді.

Қашан көрсең жайдары, сөйлегенде арғы мен бергіні, Батыс пен Шығысты тең қамтып отыратын, қазақтың әні мен күйін, ұлттық руханиятын түгендеп жүрген Ғалым ағамыз о дүниелік болыпты. Қабағы кейде қатулы көрінгенімен, жүрегі баладай таза, бауырларына әкедей қамқор, досына адал жан еді, – деп еске алды Мүрсәлім.

Өмір жолы мен шығармашылығы

Ғалым Доскен 1960 жылы 19 шілдеде дүниеге келген. Абай атындағы Қазақ педагогикалық институтының филология факультетін тәмамдаған.

Еңбек жолында ол қазақ телевизиясы мен мәдениет саласының дамуына зор үлес қосты.

2026 жылдың 1 қаңтарынан бастап Қазақстан банктері мен төлем жүйелері шетелдік интернет-дүкендер мен онлайн-сервистерге жасалған төлемдер туралы мәліметті Мемлекеттік кірістер комитетіне (МКК) тапсыратын болады. Яғни шетелдік онлайн дүкеннен қанша ақшаға тауар сатып алғаныңды салық қызметкерлері біліп отырады.

Қаржы министрлігінің жаңа бұйрығына сәйкес, МКК әр тоқсан сайын «Smart Data Finance» жүйесінде (SDF) Қазақстанда интернет арқылы жұмыс істейтін шетелдік компаниялардың тізімін жариялайды.

Ал банктер мен төлем ұйымдары сол компанияларға аударылған ақша көлемі туралы есепті тоқсан аяқталғаннан кейін екінші айдың 15-іне дейін тапсырады.

Сонымен қатар 2026 жылдың 1 қаңтарынан бастап Қазақстанда азаматтардың табысын анықтаудың жаңа...

Сауд Арабиясының Қажылық және ұмра министрлігі Қазақстанға 2026 жылға 4 мың орын бөлінгенін ресми түрде жариялады. Бұл туралы Kursiv.Media мүфтият мәліметіне сүйене отырып хабарлады.

Қазақстан мұсылмандары діни басқармасының төрағасы, бас мүфти Наурызбай қажы Тағанұлы Сауд Арабиясына барып, осы елдің қажылық және ұмра министрі Тауфиқ ибн Фаузан ар-Рабиамен Жидда қаласында кездесті. Жүздесу барысында 2026 жылы республикаға 4 мың қажылық квотасы бөлінгені мәлім болды. Бұл 2025 жылға қарағанда аз көрсеткіш. Биыл Қазақстан 4,5 мың орын алған еді.

«Кездесуде тараптар 2026 жылғы үлкен қажылық маусымын жоғары деңгейде ұйымдастыру мәселелерін жан-жақты талқылады», – деп таратты мүфтият.

Бас...

«Хуторлық» деген атпен белгілі Хасан Қасымбаев үкім оқылар кезде айыпталушы отыратын кабина әйнегін сындырды. Ол сот залынан БАҚ өкілдерін шығаруды талап етті, деп хабарлайды KursivMedia тілшісі сот залынан.

Сотталушының туыстары да журналистердің шығуын сұрап, сот залында шу шығарды. Олардың сөзінше, БАҚ өкілдері бұған дейінгі сот отырысына қатыспаған.

Алматы облысы соты мамандары БАҚ өкілдері қауіпсіздігін ескеріп, оларды басқа кабинетке шығарды.

Айта кетейік, 11 қарашада Хасан Қасымбаевқа сот үкімі шығады.

Қостанай облысының Рудный қаласында Sustainable Aviation Fuel (SAF) – экологиялық таза авиаотын өндіретін зауыт салынбақ.

Қазақстан Үкіметі экологиялық таза авиаотын өндірісін жолға қою бойынша америкалық LanzaJet компаниясымен ынтымақтастық орнатқан. Премьер-министр Олжас Бектенов компанияның бас директоры Джимми Самариц пен коммерциялық вице-президент Стефан Тионмен кездесу өткізіп, өнеркәсіп және технологиялық серіктестік мәселелерін талқылады.

LanzaJet компаниясы биоэтанолдан авиаотын өндірудің озық технологиясын ұсынады. Этанол әртүрлі органикалық шикізаттан (дәнді дақылдар, жүгері, картоп және басқа ауылшаруашылық өнімдері) өндіріледі. Болашақ кәсіпорынның жылдық қуаттылығы 54 мың тонна авиаотын және 100 мың тоннаға дейін биоэтанол өңдеу көлемін қамтиды. Қазіргі таңда зауыттың техникалық-экономикалық негіздемесі (ТЭН) дайын.

Биологиялық авиаотын...

Қазақстанда 20 мыңнан астам ресейлік компания жұмыс істеп тұр. Осының нәтижесінде жаңадан ондаған мың жаңа жұмыс орны ашылған. Бұл туралы Қасым-Жомарт Тоқаевтың «Российская газетаға» жариялаған мақаласында айтылған.

Президенттің сөзінше, Қазақстан – Ресей арасындағы ынтымақтастықта энергетиканың рөлі ерекше.

«Бірлескен күш-жігердің нәтижесінде Ресей энергия ресурстары транзиті Қытай мен Орталық Азия елдеріне үздіксіз қамтамасыз етіліп отыр. Ірі энергетикалық нысандардың құрылысы жүргізіліп, жаңғыртылып жатыр. Қазақстандағы алғашқы атом электр станциясының құрылысы «Росатом» басқаратын халықаралық консорциумның қатысуымен жүзеге асырылады», – деген Тоқаев.

АЭС құрылысы жоба технологиялар трансфері, маман даярлау, жаңа жұмыс орындарын ашу, машина жасау салаларын дамытуда жаңа мүмкіндіктерге...

Зүлфия Сүлейменова Қазақстан Республикасы Сыртқы істер министрлігінің арнайы тапсырмалар жөніндегі елшісі қызметіне тағайындалды.

Зүлфия Болатқызы Сүлейменова 1990 жылы Ақтөбе қаласында дүниеге келген.

2012 жылы Л.Н. Гумилев атындағы Еуразия ұлттық университетін «халықаралық қатынастар» мамандығы бойынша тәмамдап, 2014 жылы халықаралық қатынастар магистрі дәрежесін алған. Кейін 2016 жылдан бастап Жапониядағы Ұлттық саясат зерттеулері институтында (GRIPS) PhD бағдарламасы бойынша білім алды.

Еңбек жолын 2013 жылы бастаған.

2014–2015 жылдары Қазақстан Республикасы Президенті жанындағы Қазақстан стратегиялық зерттеулер институтының (ҚСЗИ) сыртқы саясат және халықаралық қауіпсіздік бөлімінде ғылыми қызметкер болды.

2015–2017 жылдары Біріккен Ұлттар Ұйымының Азия және Тынық мұхиты өңіріне арналған экономикалық және әлеуметтік комиссиясында (ЭСКАТО, Бангкок, Таиланд...

Мәскеу қаласы Президент Қасым-Жомарт Тоқаевтың мемлекеттік сапарына ерекше дайындықпен кірісті. Қала көшелерінде Қазақстан мен Ресейдің тулары қатар ілінді. Әсіресе Ленин даңғылы бойында, қала орталығына қарай және «Октябрьская» метро станциясына дейінгі аралық екі елдің достығын бейнелейтін ту жұптарымен безендірілді.

Бүгін Қасым-Жомарт Тоқаевтың Ресей Федерациясына мемлекеттік сапары ресми түрде басталды. Сапар барысында Мемлекет басшысы Ресей Президенті Владимир Путинмен келіссөздер өткізеді. Сонымен қатар Қасым-Жомарт Тоқаев бейнебайланыс арқылы Орал қаласында өтіп жатқан Қазақстан мен Ресейдің XXI өңіраралық ынтымақтастық форумының пленарлық отырысына қатысады.

Сапар аясында екі ел арасындағы стратегиялық әріптестікті нығайтуға бағытталған маңызды құжаттарға қол қойылмақ.

Бельгия құрамасының және мадридтік «Реалдың» қақпашысы Тибо Куртуа жарақатына байланысты Қазақстан құрамасына қарсы ойынға қатыспайтын болды.

«Реалдың» баспасөз қызметінің мәліметінше, медициналық тексеріс нәтижесінде қақпашының оң аяғындағы бұлшық еті жарақаттанғаны анықталған. Дәрігерлер оның жағдайын алдағы күндері бақылауда ұстайды.

Осыған байланысты Тибо Куртуа Бельгия құрамасына қосылып, әлем чемпионатының іріктеу кезеңіндегі Қазақстанмен (15 қараша) және Лихтенштейнмен (18 қараша) өтетін матчтарға қатыспайды.

Айта кетейік, қыркүйек айында «Қайрат» пен «Реал Мадрид» арасындағы кездесуден кейін Куртуа жас қазақстандық қақпашы Шерхан Қалмұрзаны қолдап, онымен жейде алмастырған еді. Сондай-ақ бельгиялық ойыншы бұл сәттің суретін өзінің Instagram парақшасында жариялады. Осы жазбадан кейін Шерханның әлеуметтік желідег...

Игорь Мартынюк- Павлодардағы Ахмет Байтұрсынұлы атындағы орта мектеп оқушысы, қазір 11-сыныпта оқиды. Осы жылы жазда Игорь прокрастинацияны (бойдағы мазасыздық салдарынан маңызды істерді кейінге ысыру) жеңіп, фокусыңды тек бір жобаға аударуға көмектесетін TabAI деп аталатын қосымша дайындады. Яғни интернетте жұмыс істегенде артық контентке назар салмай, тек өз жұмысыңмен айналысуға көмектесетін стартап. Қазір оны 10 мыңға жуық адам қолданады. Игорьдің өзі қолданбасын дамыту үшін 30 мың доллар грант тартқан. Kursiv.Media тілшісі оқушымен тілдесіп көрді.

Nasa ұйымдастырған конкурсқа қатысып, 500 мың теңге алдық

– Игорь, алдымен өзіңді таныстыра кетсең. Бағдарламалауға қалай келдің?

– Қазір мен 11-сыныпта оқимын, жасым он жетіде. Бірақ бағдарламалаумен 14 жасымнан...

Әйгілі «Дәстүр» франшизасының жалғасы  «Дәстүр: Теріс бата» фильмі 25 желтоқсанда үлкен прокатқа шығады. Туындыны Tolqyn Film Fund қоры қаржыландырған.

Фильмнің режиссері – көрерменге «5:32» сериалымен танылған Алишер Өтев, ал продюсерлер қатарында алғашқы бөлімнің авторлары Қуаныш Бейсек пен Алмас Жәлі бар. Алдияр Жапархан мен Фариза Ескермес басты рөлдерде ойнайды.

5 қыркүйекте фильм продюсерлері түсірілім алаңындағы кейбір кадрларды жариялаған. Ол жерден актерлер қатарынан Бақытжан Әлпейіс те көрінді. Әзірге, жобаның не туралы екені белгісіз.

Айта кетейік, 2023 жылы шыққан «Дәстүр» фильмі Қазақстан кино тарихындағы ең кассалық жобаға айналып, прокатта 2 млрд теңгеден астам табыс жинаған. Киногерлердің айтуынша, жаңа бөлім отандық киноиндустриядағы кезекті жарқын әрі креативті оқиға болмақ.

Инвестор Уоррен Баффет Berkshire Hathaway компаниясының акционерлеріне арналған соңғы қоштасу хатын жариялады. Ол компанияның 1800 акциясын қайырымдылық қорларына, атап айтқанда, өз балаларының қорларына аударатынын мәлімдеді. Bloomberg есептеуінше, Баффет 1,3 млрд доллардан астам қаржыны қайырымдылыққа бермекші.

Сонымен қатар ол енді Berkshire Hathaway компаниясының жыл сайынғы есептерін жазбайтынын және акционерлер жиналыстарында сөз сөйлемейтінін айтты. Ал өзінің мұрагері ретінде компанияда 30 жылдан астам жұмыс істеген Грег Абельді атады.

«Ол – үздік менеджер және жақсы коммуникатор. Біздің компанияларымыз бен ондағы адамдар жайлы менен де жақсы біледі», – деп жазды Баффет мұрагері жайлы.

Баффет соңғы хатында өзінің серіктеріне ерекше ризашылығын білдірді. Қартаю, сәттілік және мейірімділікт...

Әлемге әйгілі америкалық жазушы Стивен Кингтің пайымдауынша, елдің әлеуметтік-экономикалық ахуалы нашарлап, дағдарысқа ұшыраған шақта хоррор жанрындағы фильмдерге сұраныстың артатыны таңғаларлық жайт емес.

Автордың туындыларын кино тіліне бейімдеп шығарамын деушілердің саны азайған емес: биылдың өзінде Кингтің төрт романы мен екі әңгімесі экранизацияланып, көрерменге жол тартты. Мұндай сұраныстың саябырсымай тұрғанына бірден-бір себеп – жазушының оқиғаны мейлінше көрнекі етіп жеткізуі әрі Голливуд «ережелеріне» қарсылық білдірмей, режиссерлердің жұмысына араласпауы екен.

Алмағайып кезеңдегі хоррор

Бертінде Кинг шығармалары желісімен фильм түсіруге жаңа серпін берген туынды – оның әйгілі «Сол» (It) атты романының режиссер Энди Мускетти жасаған жаңа (2017 ж.) экранизациясы еді. Көрерменн...