Жаңалықтар

Ресейдің Орталық банкі 12 қыркүйекте базалық мөлшерлемені 18-ден 17%-ға дейін түсірді. Қаржы ұйымы мұны инфляцияны күшейтетін қысымдардың сақталуымен, қайта жандана бастаған несие өсімімен түсіндірді.

«Қазіргі баға өсімінің деңгейі айтарлықтай өзгермей, жылдық есепте 4%-дан жоғары қалып отыр. Экономика біртіндеп теңгерімді өсімге оралып келеді. Соңғы айларда несие беру қарқыны күшейді, ал халықтың инфляцияға қатысты болжамы әлі де жоғары», – деп түсіндірді шешімін қаржы ұйымы.

Ресей Орталық банкі базалық мөлшерлемені қатарынан үшінші рет төмендетіп отыр. 2024 жылдың қазанынан бастап ол 21% деңгейінде тұрған еді.

Ресей банкі инфляцияны 2026 жылы нысаналы деңгейге қайтару үшін ақша-несие саясатын қатаң ұстай...

Қазақстан әйелдер құрамасының көшбасшысы, тәжірибелі боксшы Назым Қызайбай Ливерпульде (Ұлыбритания) өтіп жатқан әлем чемпионатының жартылай финалына жолдама алды.

Отандасымыз 48 келіге дейінгі салмақта өнер көрсетіп жүр. Ширек финалда ол украиналық Анна Охотамен қолғап түйістірді.

Қызайбай жекпе-жекті сенімді бастады. Алғашқы раундтан-ақ қарқынды шабуылға көшіп, ауыр соққыларымен қарсыласын есеңгіретті. Қалған раундтарда да басымдылығын жібермей, 5:0 есебімен таза жеңіске жетті.

Осылайша, Назым Қызайбай әлем чемпионатының жартылай финалына шығып, кем дегенде қола медальді қоржынға салды. Айта кетейік, Назым Қызайбай бұған дейін үш дүркін әлем чемпионы атанған.

Оралда полиция майоры мас күйінде көлік жүргізгені үшін жүргізуші құқығынан айырылды.

Ол патрульдің тоқтау туралы заңды талабын орындамай, оқиға орнынан қашпақ болған. Кейін ұсталған кезді мас күйінде көлік басқарғаны анықталған

Полицейге қос айып тағылған:
 • ҚР ӘҚБтК-нің 608-бабының 1-бөлігі – мас күйінде көлік жүргізу,
 • ҚР ӘҚБтК-нің 613-бабының 1-бөлігі – полиция қызметкерлерінің тоқтау талабын орындамау.

Нәтижесінде сот шешімімен полиция майоры 7 жыл мерзімге көлік құралын басқару құқығынан айырылып, 157 280 теңге көлемінде айыппұл төлеген. Сондай-ақ істің материалдары тәртіптік жауаптылық мәселесін шешу үшін БҚО Полиция департаментіне жолданған.

Бұған дейін, Жетісуда мас жүргізуші өмір бойына көлік жүргізу құқығынан айырылған.

15 қыркүйектен халық көп жиналатын ірі нысардардың иелері өз жауапкершілігін міндетті түрде сақтандыруға тиіс. Бұл талап 2025 жылдың 24 маусымында Мемлекет басшысы қол қойған жаңа заңда көзделген.

Жаңа ереже сауда орындары мен ойын-сауық орталықтарына қатысты. Егер нысанның аумағы 2 000 шаршы метрден асса, иесі өрт болған жағдайда келушілерге немесе жалға алушыларға келетін зиянды өтеу үшін сақтандыру шартын жасасуы міндетті. Мұндай келісімшартсыз нысанның жұмыс істеуіне рұқсат берілмейді. Толық тізімді Төтенше жағдайлар министрлігі бекітеді.

Сақтандыру өрт салдарынан:

Өтемақы мөлшері қандай

Сақтандыру сомасы кемінде 75 мың АЕК (шамамен 295 млн теңге) құрауы...

Фото: коллаж Kursiv Media

Paramount Skydance медиахолдингі Warner Bros. Discovery-ді сатып алып, әйгілі екі голливудтық студия бірігуі мүмкін. Бұл туралы дереккөздеріне сілтеме жасаған The Wall Street Journal жазады.

Басылым деректеріне сүйенсек, Paramount Skydance Warner Bros. Discovery-дің барлық медиаактивтерін сатып алғысы келеді. Мәміленің негізгі бөлігін ақшалай төлеуді жоспарлап отыр. Басқа мәліметтері белгісіз.

Warner Bros. Discovery-дің нарықтық құны шамамен 33 млрд доллар болған, бұл Paramount Skydance капиталынан екі еседен артық. Компаниялардың бірігуі туралы жаңалық шыққаннан кейін Warner Bros. Discovery акциялары 29%-ға, ал Paramount Skydance қағаздары 15,6%-ға қымбаттады.

Paramount – АҚШ-тағы ең ірі медиа және ойын-сауық корпорацияларының бірі. Штаб-пәтері Лос-Анджелесте орналасқан...

Соңғы төрт жылда Каспий теңізінің деңгейі 24 сантиметрге төмендеді. Климат өзгерісі теңіз маңындағы экологиялық түйткілдерді күшейтпек.

Report агенттігінің хабарлауынша, бұл туралы Әзербайжан мамандары мәлімдеді. Айталық, Су ресурстарын пайдалану мен қорғауға мемлекеттік бақылау қызметінің кадастрлық есеп және тізілім бөлімінің меңгерушісі Рафик Вердиев Baku Water Week аясындағы панельдік пікірталаста осындай дерек келтірді.

Оның сөзінше, теңіз деңгейінің төмендеуіне негізгі себеп — жауын-шашынның азаюы мен ауаның жылынуы.

Ғалымдардың болжамынша, алдағы климаттық өзгерістер Каспий теңізі жағалауындағы экологиялық мәселелерді күшейтеді. Соның ішінде экономикалық салдарға да әкелуі мүмкін.

Мұның алдында Тоқаев Қазақстан халқына жолдауында Каспий теңізінің тартылып бара жатқаны алаңдаушылық білдірген еді. 

Мәжілісте анасын туған күнімен құттықтаған депутат Ардақ Назаров желіде жазба жариялады.

«Анасын туған күнімен құттықтады деп даурығып жатқан жандарға жол болсын. Кеше ғана әкесін қан-жоса етіп тепкілеп, боқтаған видеоны баршаңыз көрдіңіздер. Бұл қабырғамызды қақыратып, жүрегімізді сыздатты. Оны көрген жас ұрпақ ертең оны қайталамасына кім кепіл?», – деп жазды Назаров.

Депутаттың айтуынша, бұл ілуде бір кездесетін жағдай емес.

«Дәл осындай сәтте елге ой салсақ, өскелең ұрпаққа сабақ болса деген ниетпен биік мінберден, биік анаға деген құрметімді жеткізгім келді. Мәселе Парламент төрінде құттықтағанымда емес. Мәселе қайда жүрсең де, қандай қызмет атқарсаң да...

Польша Ресей мен Беларусьтің бірлескен «Батыс-2025» әскери жаттығулары басталған шақта Беларусьпен шекарасын жапты.

Жаттығу 12-16 қыркүйек аралығында өтеді.

ВВС-дің орыс қызметі тараптар жаттығуды Ресей мен Беларусь Одақтық мемлекетіне қарсы ықтимал агрессияға төтеп беру дайындығын тексеру ретінде сипаттайтынын жазған. Бұдан бөлек, жаттығу барысында «ядролық қаруды қолдану жоспары» және орта қашықтықтағы «Орешник» зымыранын қолдану сценарийлері пысықталады деп хабарланған. Жаттығуға тартылған әскер мен техниканың нақты саны жарияланған жоқ.

Беларусь мемлекеттік ақпарат агенттігі БЕЛТА-ның хабарлауынша, бұл – жоспарлы іс-шара. Бұған дейін екі ел аумағында дайындық маневрлері өткізілген. Жаттығу елдің ішкі аймақтарындағы немесе шығыс өңірлеріндегі полигондарда өтеді, олар «қорғаныс сипатында» деп көрсетілген.

Польшаның ішк...

Биыл 8 айда Қазақстанда неке қиып, шаңырақ көтерген жұптар саны 78 мыңға жуықтады. Осы уақыт аралығында 226 803 бала дүниеге келді. Бұл туралы «Азаматтарға арналған үкімет» Мемлекеттік корпорациясы мәлімдеді.

Жас жұбайлар некелерін тіркеу үшін көбіне есте қаларлық күндерді таңдайды. Мәселен, қос тоғыз тоғысқан 9 қыркүйек күні 631 жұп шаңырақ көтерсе, 1 195 сәби тіркелді,- деп жазды корпорация.

«Азаматтарға арналған үкімет» некеге тұру үшін өтінішті таңдаған күннен кемінде 15 күн бұрын беру қажеттігін еске салды. Өтінішті АХАТ бөлімдерінде немесе электрондық үкімет порталында немесе екінші деңгейлі банктердің мобильді қосымшалары арқылы тапсыруға болады. Онлайн қызмет тек...

Қазақстан ЕАЭО елдері арасында жұмыссыздық бойынша көш бастап тұр. 2025 жылғы шілденің соңындағы ресми дерекке сәйкес, елімізде тіркелген жұмыссыздық деңгейі еңбек күшінің 3,8%-ын құрап, одақтағы ең жоғары көрсеткішке жетті. Бұл – 369,1 мың адам.

Еуразиялық экономикалық комиссияның мәліметінше, жалпы ЕАЭО бойынша жұмыспен қамту қызметтерінде тіркелген жұмыссыздар саны 752,1 мың адамды құрады. Бұл еңбек күшінің 0,8%-ына тең және өткен жылдың сәйкес кезеңімен салыстырғанда 6,3%-ға төмен.

Елдер бөлінісінде Ресейде тіркелген жұмыссыздық 0,4% (297,1 мың адам), Беларусьте – 0,1% (4 мың адам), Қырғызстанда – 1,6% (45,3 мың адам), ал Арменияда – 2,7% деңгейінде болды.

Халықаралық еңбек ұйымыны бағалауы Қазақстандағы еңбек нарығының күрделі екенін...

Алматыда өтетін тарихи ойынға санаулы күндер қалды. «Қайрат» пен әлемнің ең атақты клубтарының бірі – мадридтің «Реал» командасы арасындағы Чемпиондар лигасының матчына Испаниядан 1000-нан астам жанкүйер келеді.

Бұл туралы Қазақстандағы Испания Корольдігінің елшісі Луис Франсиско Мартинес Монтес клубтың базасына барған кезде айтты.

Елші «Қайраттың» инфрақұрылымымен танысып, алдағы ойынға дайындық мәселелерін талқылады.

«Алматыға 6500 шақырымнан астам қашықтықты еңсеріп, өз командасына қолдау білдіру үшін мыңнан аса жанкүйер келеді. Испания елшілігі қонақтарға консулдық қолдау көрсетуге дайын», – деді Монтес.

Айта кетейік, 30 қыркүйек күні Алматының Орталық стадионында «Қайрат» пен «Реал Мадрид» арасында ойын өтеді. Матч билеттер...

Прокуратура 2 жыл ішінде 850 млрд теңгенің активтерін қайтарған. Бұл туралы президент Қасым-Жомарт Тоқаевтың қабылдауында болған Бас прокурор Берік Асылов айтқан.

Асылов екі жыл ішінде прокуратура органдары арқылы 850 млрд теңгенің активтері қайтарылғанын, бұл қаражатқа өңірлерде 400-ге жуық әлеуметтік және коммуналдық нысан салынғанын жеткізген. Сонымен бірге 60 ғимарат аяқталатыны айтылған.

Бас прокурор президенттің Қазақстан халқына Жолдауында айтылған тапсырмалар жүзеге асырылатынын, бизнесті белсенді қолдау үшін бас прокуратураға қарасты ведомствоның атауы өзгертілетінін мәлімдеген.

«Жаңа формат инвестицияға оңтайлы жағдай жасап, кәсіпкерлер мен инвесторлардың құқығын қорғауға мүмкіндік береді», – делінген Ақорда хабарламасында.

Сонымен бірге бас прокурор құзырлы...

«Қазгидромет» 13-15 қыркүйекке арналған ауа райы болжамын жариялады.

Синоптиктердің дерегінше, алдағы күндері республиканың басым бөлігінде фронтальді бөліктердің өтуіне байланысты найзағай ойнап, жаңбыр жауады.

13-14 қыркүйекте Шығыс Қазақстан облысында, 14 қыркүйекте Жетісу облысының таулы аудандарында, 15 қыркүйекте Маңғыстау облысында қатты жаңбыр, бұршақ, дауыл күтіледі. Республика бойынша желдің күшеюі болжанады, солтүстік-батыста, солтүстікте, шығыста, орталықта, республиканың оңтүстік-шығысында түнгі және таңғы сағаттарда тұман түседі.

Температуралық жағдайда ауа температурасының төмендеуі күтіледі:

Батыста, оңтүстік-шығыста температуралық жағдайда...

Солтүстік Корея соңғы жылдары өлім жазасын жиі қолдана бастаған. Олардың ішінде шетелдік фильмдер мен телесериалдарды көру де бар.

BBC ақпаратына қарағанда, БҰҰ есебіне сәйкес, билік халықты қатаң бақылауда ұстап, еркіндіктерін шектеп отыр. 2015 жылдан бері өлім жазасын қарастыратын кемінде алты жаңа заң қабылданған. Ким Чен Ын ақпаратқа қолжетімділікті барынша шектеп, шетелдік контентке тыйым салуды күшейткен.

Куәгерлердің айтуынша, 2020 жылдан бастап мұндай істер бойынша көпшілік алдында ату жазасы жиілеген. Кейбіреулерінің достары Оңтүстік Корея фильмдерін таратқаны үшін өлім жазасына кесілген.

БҰҰ баяндамасында соңғы он жылда Солтүстік Корея халқы күнделікті аштыққа, еңбекке мәжбүрлеуге және толық бақылауға тап болғаны көрсетілген. Технологиялардың дамуы үкіметке...

Ақтөбе облысында 5,3 млрд теңгеге жүн өңдейтін зауыт іске қосылады. Бұл туралы Ақтөбе облысы әкімінің баспасөз қызметі хабарлады.

Жоба құны – 5,3 млрд теңге. Зауыттың жылына 2 112 тонна жүн өңдейді. Ал кәсіпорын іске қосылса, 40 адамға жаңа тұрақты жұмыс орны ашылады деп жоспарланып отыр.

«Бұл жоба қой жүнін өңдеп, қатты және қылшықты жүннен экологиялық таза жылу сақтайтын материалдар шығаруға бағытталған. Өнімдер құрылыс саласында, өнеркәсіп пен жиһаз өндірісінде, сондай-ақ автокөлік жасауда кеңінен қолданылады», – делінген әкімдік хабарламасында.

Зауыт цехы италияндық Cormatex компаниясының заманауи жабдықтарымен жабдықталған.

Кәсіпорын жергілікті шаруалардан қой жүнін тұрақты түрде...

Президент Қазақстан халқына жолдауында Каспий теңізінің тартылып бара жатқаны алаңдаушылық білдірді. Мұның келешекте экологиялық апатқа айналуы мүмкін екенін де айтып өтті. Осыған байланысты үкіметке жаңа бағдарлама әзірлеуді тапсырды. KursivMedia Каспийдің қазіргі жай-күйі, теңіздегі су көлемінің не себепті азайып жатқанын сала мамандарынан сұрады.

Тоқаев тапсырмасы

Қасым-Жомарт Тоқаев жолдауда Каспий теңізі бір елдің ғана емес, бүкіл аймақтың тағдырына қатысы бар мәселе екенін айтты.

«Үкімет Каспийдің су ресурстарын сақтау туралы мемлекетаралық бағдарлама әзірлеуді қолға алуы керек. Оны серіктес мемлекеттермен келісу қажет. Бұл құжат Каспий маңындағы елдердің үйлесімді әрі жедел әрекет етуіне арқау болуға тиіс...

Алматы облысында оқушылар мінген көлік апатқа ұшырады. Жергілікті полицияның хабарлауынша, «Сокол» саяжайының аумағында Hyundai Accent автокөлігі мен жолаушылар автобусы апатқа ұшыраған.

«Жол апаты салдарынан жеңіл автокөлік жүргізушісі оқиға орнында көз жұмды, ал оның жолаушысы медициналық мекемеде қайтыс болды. Басқа зардап шеккендер жоқ», – деп хабарлады полиция.

Бұл жағдайға қатысты полиция қылмыстық іс қозғады.

Алдын ала ақпаратқа сәйкес, Hyundai Accent жүргізушісі бұрылыс жасау кезінде автобусқа жол бермей соқтығысқан. Оқиға орнынан видеоны мына жерден көруге болады.

Қазір оқиғаның барлық мән-жайын анықтауға бағытталған кешенді тергеу шаралары жүргізіліп жатыр. Істі тергеу барысы Алматы облысы полиция департаменті басшылығыны...

Косметика дүкенінде әйелдерге қарағанда ерлер көбірек ақша жұмсайды. Косметика сататын дүкендер желісі «Золотое Яблоко» тұтынушыларын зерттеп, осындай қорытындыға келді.

Ретейлдің дерегінше, әйелдер орта есеппен косметикаға 17 124 теңге жұмсайды. Көбінде олар бетке күтім жасауға арналған тауарлар сатып алады. Осы жылдың алғашқы сегіз айында дүкендегі сауда көлемі 43%-ға артқан. Оның ішінде күтім косметикасының саудасы 40% , ал декоративті косметика сатылымы 30% өскен.

Ер адамдар орта есеппен 20 829 теңге жұмсайды. Көбінде олар ақшасын премиум парфюм сатып алуға жұмсайды. Жыл басынан бері сауда 29% өскен.

Танымалдылығы жағынан екінші орында – қырынуға арналған, қырынудан кейін күтім жасайтын тауарлар, душқа арналған гель...

Neurology журналында жарияланған зерттеу бойынша, созылмалы ұйқысыздыққа шалдыққан адамдар немесе аптасына кем дегенде үш рет қатарынан үш айдан артық дұрыс ұйықтай алмайтындар, қалыпты ұйықтайтындарға қарағанда деменцияға немесе жеңіл когнитивтік бұзылуларға 40% жиі ұшырайды. Бұл туралы Euronews хабарлады.

«Бұл ми жасын шамамен 3,5 жылға жеделдетеді«, делінген баяндамада.

«Алынған нәтиже ұйқы – тек демалыс емес, мидың тұрақтылығы үшін де аса маңызды екенін дәлелдейтін деректер қатарына қосылды», – дейді зерттеу авторларының бірі, АҚШ-тағы Mayo клиникасының неврологы доктор Диего З. Карвальо.

Карвальо бастаған топ 2 750 америкалық қарт адамды орта есеппен алты жылға жуық бақылаған. Бастапқыда олардың бәрі когнитивтік тұрғыда сау...

Қордай ауданында екі балдық жер сілкінісі тіркелді. «Сейсмологиялык зерттеу институты» хабарлауынша, дүмпу 12 қыркүйек Астана уақытымен 12:57-де тіркелген.

Жер сілкінісінің ошағы Алматы қаласынан 187 км оңтүстік-батыста Қырғызстан аумағында орналасқан. Қордай ауданында 2 балл сезілген.

Зардап шеккендер мен қираулар туралы мәлімет түскен жоқ.

Қазақтар арабтардан қандай көліктерді жиі сатып алып жүр? Қандай маркаларды алған тиімді? Бұл сұрақтарды Kursiv.media тілшісі автосарапшы, әрі кәсіпкер Жасұлан Оспановқа қойып көрді.

Дубайда автосалада кәсібін дөңгелетіп отырған Жасұлан Оспанов осыдан бірнеше жыл бұрын арабтардан көлік алу тиімді болғанын айтады. Алайда Қытай автомобильдері нарықты өзгертті. Қазақтар енді алыс Дубайдан Toyota-ны емес, іргедегі Қытайдан электромобильдер сатып алуды жөн көретін сияқты. Десе де, кейбір азаматтар БАӘ-ден жүрілген көліктерді елге тиімді бағаға әкеліп, оны қымбатқа сатып жатыр. Сенімді әрі ұзаққа шыдайтын автокөлік мінгісі келетіндер де Дубайдан алып келуді жөн санайды екен.  

Қазақтар арабтардан қандай көлікті алып жүр?

Apple-дің жаңа смартфоны – iPhone 17 биыл 19 қыркүйекте сатылымға шығады. Жаңа гаджеттің бағасы әлемде ғана емес, Қазақстанда да қызу талқыланып жатыр. Осы ретте finprom.kz жаңа айфонды сатып алу үшін Қазақстан тұрғыны қанша күн жұмыс істеу керек екенін есептеп шығарған.

Ең арзан нұсқасы, яғни 128 ГБ жадпен шыққан iPhone 17 АҚШ-та 799 долларға сатылмақ. Ұлттық банктің 10 қыркүйектегі бағамымен бұл шамамен 429 мың теңгені құрайды. Ал қазақстандықтар жиі таңдайтын 256 ГБ нұсқасы 482,8 мың теңгеге тең. Үлкен жадқа ие Air, Pro және Pro Max модельдерінің бағасы тіпті 590 мыңнан 912 мың теңгеге дейін барады.

Халықаралық Numbeo.com сервисін...

2025 жылы 11 қыркүйекте Алматыда Narxoz Business School (NBS) жаңа заманауи кампусының ресми ашылу рәсімі өтті.

Салтанатты ашылу рәсіміне Алматы қаласының әкімі Дархан Сатыбалды, Қазақстан Республикасының Ғылым және жоғары білім вице-министрі Гүлзат Көбенова, «Верный Капитал» компаниялар тобының басшысы Айдан Ақанов, сондай-ақ бизнес қауымдастығының көшбасшылары, халықаралық компаниялардың топ-менеджерлері, дипломаттар және Нархоз университетінің академиялық серіктестері қатысты.

Жаңа кампустың іске қосылуы NBS-ті дамыту мен оның Орталық Азияда әлемдік деңгейде бизнес-білім берудің жетекші орталығы ретіндегі рөлін нығайтудағы маңызды кезең болды. Кампусты қайта құруға және жабдықтауға 14 миллион АҚШ доллары жұмсалды.

Жаңа кампустың жалпы ауданы 6700 м2 құрады, ол 14 оқу аудиториясын, заманауи цифрлық және...

Шымкенттегі көпқабатты тұрғын үйлердің бірінде 5-қабаттан абайсызда аяғы тайып, құлаған 26 жастағы жігітті дәрігерлер аман алып қалды. Оқиға 22 тамыз күні болған. Ол есін жиғанымен, әлі ауруханада төсек тартып жатыр.

Аты-жөнін, бет-бейнесін көрсетуден бас тартқан жігіттің сөзінше, балконда тұрғанда аяғы тайып, құлап кеткен. Ол есінен танып қалған, ауруханаға қалай келгенін білмейді.
Қалалық көпбейінді ауруханада ем алып жатқан оны дәрігерлер өлім аузынан алып қалған. Ауруханаға бірнеше жарақатпен өте ауыр жағдайда түскен. 4 күн ес-түссіз жатқан.

«Есімді жинғаннан кейін 5 күн жан сақтау бөлімінде жаттым. Қазір палатаға шықтым, жағдайым бірқалыпты. Екінші рет дүниеге келдім десе болады», – дейді ол.