Жаңалықтар

АҚШ Сенаты процедуралық дауыс беру барысында шатдаунды тоқтатуға және үкіметтің ішінара тоқтап тұрған жұмысын қайта жандандыруға мүмкіндік беретін заң жобасын мақұлдады. Құжатты 60 сенатор қолдап, 40-ы қарсы шыққан, деп хабарлады CNN.

Құжат енді Өкілдер палатасына қайтарылады, кейін оған АҚШ президенті Дональд Трамп қол қояды. Сарапшылардың айтуынша, бұл процесс бірнеше күнге созылуы ықтимал.

Келісімге сегіз демократ-центрист сенатор мен Сенаттағы республикалық жетекшілер және Ақ үй қол жеткізген. Олар үкімет жұмысын қайта жандандыруға және кейін қолжетімді медициналық сақтандыруға субсидияларды ұзарту мәселесін дауысқа шығаруға уағдаласқан. Бұған дейін Трамп «шатдаунның аяқталуы жақын» екенін мәлімдеген еді.

Finmentor.kz телеграм-арнасының мәліметінше, әлемдік қор нарықтары...

Алматыда Назарбаев даңғылының батыс бөлігінде, Ганди көшесінің солтүстігінде ресми түрде жаңа сквер ашылды. Алматыда Назарбаев даңғылының батыс бөлігінде, Ганди көшесінің солтүстігінде ресми түрде жаңа сквер ашылды.

Сквер аумағына 10 мың шаршы метрден астам жүргіншілер жолы төселді. Демалыс аймақтары жасақталып, 77 орындық және 52 қоқыс жәшігі қойылды. Барлығы 425 ағаш отырғызылды.

«Сквердің ерекшелігі – жасанды тоған. Қыс мезгілінде ол сырғанақ айдыны ретінде пайдаланылатын болады. Бұл қала тұрғындары мен қонақтарына жыл бойы белсенді демалысқа мүмкіндік береді», – деп хабарлайды Алматы әкімдігінен.

Мамандардың айтуынша, көркейтуде климаттық жағдайларға бейімделген материалдар және экологиялық шешімдер қолданылған.

Айта кетейік...

Филиппинде Фунг-вонг атты алапат тайфун су тасқыны мен көшкін тудырып, тұтас провинцияларды жарықсыз қалдырды.  

СNN ақпаратына қарағанда, апат кем дегенде екі адамның өмірін қиды. Дауыл дүйсенбі күні Филиппин аумағынан шығып кетті.

Жергілікті тұрғындар Уван деп атайтын Фунг-вонг осыған дейін орталық аралдың бір бөлігінде шамамен 200 адамның өмірін қиған. Бұл Калмэги тайфунынан кейін келіп отыр. Ол кезде апаттан Вьетнамда бес адам өлген еді.

Азаматтық қорғаныс басқармасының мәліметінше, жексенбі кешінде жағалауға соққан тайфунның кесірінен шамамен 1,4 миллион адам эвакуацияланған. Фунг-вонг Лусон аралының жағалауындағы Диналунган муниципалитетіне соққы берген. Желдің жылдамдығы – 185 км/сағ, ал екпіні 230 км/сағ-қа дейін жеткен.

Филиппиннің метеорологиялы...

Еуропа Одағы Ресейге қарсы санкцияның 20-пакетін әзірлеуге кірісті. Бұл туралы Литва Қаржы министрлігінің баспасөз қызметі хабарлады.

Литваның қаржы министрі Криступас Вайтекунас атап өткендей, қысым тек Ресейге ғана емес, сонымен бірге Белоруссияға да бағытталуы ықтимал. Оның айтуынша, «Белоруссия тарапы үнемі гибридті шабуыл жасап отыр», сондықтан бұл елге қатысты шектеулерді Ресейге қарсы қолданыстағы санкциялармен сәйкестендіріп, қосымша шаралар қабылдау қажет.

«Қазан айының соңында ЕО деңгейінде 19-пакет санкциялар мақұлданды. Алайда Ресейдің энергетика және қаржы секторына қысымды күшейту маңызды. Сол себепті келесі санкция пакетін байыпты талқылауды бастауымыз керек», — деді литвалық министр.

23 қазанда ЕО Ресейге...

Қырғызстан парламентінің үш депутатына Ресей аумағына кіруге тыйым салынды. Олар саяси қуғын-сүргін құрбандарын ақтау туралы заң жобасын Жоғорку Кеңешке ұсынған.

Жанар Ақаев, Мирлан Самыйқожо және Шолпон Сұлтанбекова Ресейге кіруге тыйым салғаны туралы мәліметті Sosedi Asia телеграм-арнасы таратты.

«Себеп – өңірде русофобия тарату, сонымен бірге тарихты бұрмалауға бағытталған нақты заң жобасын ұсыну», – делінген телеграм-арна мәліметінде.

Қырғыз баспасөзі саяси қуғын-сүргін құрбандарын ақтау туралы заң жобасын Жоғарку Кеңеш бір жыл бұрын қабылданғанын жазды. Құжат 1918-1953 жылдар аралығында саяси және діни көзқарасы үшін қуғын-сүргінге ұшыраған азаматтарды ақтауды көздейді.

Қырғызстан президенті заң жобасының бастапқы нұсқасын...

Қайрат Нұртас Алматыдан кейін Астанада да гала-концерт бермекші. Бұл жайлы инстаграм парақшасында жариялады.

«Астана. XX.XX.2026. Кездескенше! «, – деп жазды ол әлеуметтік желісінде.

Концерттің әлі нақты қай уақытта болатыны белгісіз.

Әнші 31 қазанда Алматыдағы Орталық стадионда үлкен концерт өткізген еді. Сахнада Қайратпен бірге «Ирина Қайратовна», Ninty One топтары, сонымен бірге Nazima ән салды. Ал қызы Алау әкесімен бірге би биледі.

Британдық хабар тарату корпорациясының (BBC) бас директоры Тим Дэйви мен BBC News жаңалықтар бөлімінің жетекшісі Дебора Тернесс отставкаға кетті. Бұл шешім BBC Panorama бағдарламасында Дональд Трамптың сөзін өзгертуге байланысты туындаған даудан кейін қабылданды.

Тим Дэйви өз хатынада:

«BBC мінсіз емес. Біз әрқашан ашық, әділ және есеп беруге дайын болуымыз керек. Қазіргі BBC News төңірегіндегі пікірталастар менің шешіміме әсер етті. BBC жақсы жұмыс істеп келеді, бірақ кейбір қателіктер болды және бас директор ретінде мен түпкілікті жауапкершілікті өз мойныма алуым керек», – деді.

Дэйви отставка уақыты мен өкілеттілікті жаңа басшыға біртіндеп тапсыру тәртібін директорлар кеңесімен келісіп жатқанын...

Ақтау қаласының мектептерінде «теракт болады» деген мәлімет мессенджерлер арқылы тарап, жергілікті тұрғындар дүрлікті. Маңғыстау облысының полициясы жұртты сабырға шақырды.

Жергілікті құқық қорғау органдары жалған ақпарат таратқан адамдарды іздестіріп жатыр. Полиция мұндай әрекетті «арандату» деп есептейді. Бұл туралы Lada.kz басылымы таратты.

«Қасақана жалған ақпарат таратқан адамдар анықталып, заңға сай жауапқа тартылады. Біз азаматтардан тексерілмеген мәліметті әрі қарай таратпауды, сол арқылы жұртты одан сайын дүрліктірмеуді сұраймыз», – делінген Маңғыстау облыстың полициясының мәлімдемесінде.

Мәліметтерге қарағанда, арнайы қызмет қаладағы білім беру мекемелерінің бәрін тексеріп шыққан.

«Әлеуметтік желілерде таралып жатқан мәліметке байланысты құзырлы органдар...

9 қараша күні Алматы қаласының Наурызбай ауданында орналасқан «Перзент» жеке қайырымдылық балалар үйіінің аумағында өрт шықты.

Қалалық әкімдіктің хабарлауынша, оқиға кезінде ғимаратта болған барлық 35 бала мен қызметкер дер кезінде эвакуацияланған. Зардап шеккендер жоқ. Балалар қауіпсіз жерге орналастырылып, қажетті медициналық және психологиялық көмек көрсетілді.

Алматы қаласы Төтенше жағдайлар департаментінің мәліметінше, өрттің таралу қаупі толық жойылып, ошақ оқшауланған.

Оқиға орнына Алматы қаласының әкімі Дархан Сатыбалды мен қалалық құрылымдық бөлімдердің басшылары барды. Әкімдік тарапынан уақытша орналастыру, тамақтандыру және материалдық көмек шаралары ұйымдастырылған. Балалар үйінің тәрбиеленушілері уақытша сауықтыру санаторийіне орналастырылды.

«Балаларға тамақ беріліп, бөлмелерге орналастырылды. Жылы киіммен, азық-түлікпен...

Бүгінде 156,7 мың қазақстандық шетелде еңбек етіп жүр. Бұл – ресми стастистика. Отандастарымыздың басым бөлігі – Ресей, Оңтүстік Корея, Польша, Ұлыбританияда. Сондай-ақ Еңбек министрлігі Сауд Арабиясы, БАӘ, Словакия, Жапония, Швеция, Италия және Норвегия, Чехия, Румыния, Финляндиямен келіссөз жүргізіп жатыр. Мақсат – қазақстандықтардың заңды түрде еңбек істеуін қамтамасыз ету. Осы орайда Kursiv.Media тілшісі АҚШ-қа арман қуып аттанған журналист Мақпал Сержанқызымен сұхбаттасты.

Ол өмірінің 12 жылын тележурналистикаға арнап, шетелге көшу оңай болмағанын ашық айтты.

«Алғаш жұмыс істеген арнам қарашаңырақ – Qazaqstan телеарнасы. Онда 2011 жылдан бастап қызмет еттім. Халықаралық жаңалықтар...

2025 жылдың тамызында актриса, тележүргізуші Айнұр Ілиясова әлеуметтік желіде анасын емдеген анестезиолог ақша бопсалағанын айтып, жазба жариялады. Бұл жазба қоғамда қызу талқыланды: біреулер әртісті қолдап, өз басынан өткен осыған ұқсас жағдайды айтса, енді бірі оны хайп қуды деп айыптады, ал келесі тарап дәрігерлердің жалақысы мардымсыз екенін айтты.

Бірнеше күннен кейін дәрігер тәртіптік жазаға тартылып, жұмыстан шығарылды. Алайда Ілиясованың пікірінше, мұндай күрделі мәселені бір адамды жұмыстан шығару арқылы шеше алмайсың.

Біз де осыған ұқсас жағдайға тап болған 2 адаммен сөйлестік. Бұл оқиғаларда дәрігерлер түрлі уәжбен науқастардан ақша талап еткен, ал кейіпкерлер не істерін білмеген. Сондай-ақ осы мәселені ұзақ жылдар бойы зерттеп...

«Қазгидромет» 10 қарашаға ауа райы болжамын жариялады. Көптеген өңірде жауын-шашын болады, елдің шығысында қар жауады.

Солтүстік, шығыс және орталық аймақтарда көктайғақ пен бұрқасын болуы мүмкін. Кей өңірлерде тұман түсіп, жел күшейеді.

Алматыда көшпелі бұлт шығады, жауын-шашынсыз. Онтүстік-шығыстан 3-8 м/с жел соғады. Ауа температурасы 0-2 градус жылы.

Астанада күн бұлтты, жауын-шашынсыз. Оңтүстік-батыстан күшін  9-14, екпіні 15-20 м/с. болатын жел соғады. Ауа температурасы 0-2 градус аяз.

Ақтау мен Атырауда аздаған бұлт шығып, тұман түседі. Оңтүстік-батыстан жел соғады, күші 2-7 м/с. Ауа температурасы 4-6 жылы болмақ.

Ақтөбеде жаңбыр жауады. Оңтүстік-батыстан жел...

Ресей қазақстандық жүк тасымалдаушылар үшін елде жүру мерзімін бұрынғыдай 180 күнге дейін ұзарту мүмкіндігін қарастыратынын мәлімдеді.

Қазір шетел азаматтарының Ресей аумағында тіркеусіз жүру мерзімі бір жыл ішінде 90 күнмен шектелген.

Бұл мәселе Астанада өткен Қазақстан мен Ресей арасындағы Үкіметаралық комиссияның отырысында қаралды. Кездесуде ҚР Премьер-министрінің орынбасары – ұлттық экономика министрі Серік Жұманғарин және РФ үкімет төрағасының орынбасары Алексей Оверчук көлік саласындағы ынтымақтастықты, соның ішінде Достық – Мойынты теміржол учаскесіндегі жүк тасымалын арттыру және Қытай – Еуропа – Қытай бағыты бойынша транзит көлемін көбейту мәселелерін талқылады.

«Қазақстан-Ресей өткізу пункті арқылы өтетін жүктерд...

Қазақстан президенті Қасым-Жомарт Тоқаев алдағы аптада Владимир Путинмен кездеседі. Бұл туралы ресейлік БАҚ хабарлады.

«Қасым-Жомарт Тоқаев Ресейге мемлекеттік сапармен келеді. Сондай-ақ Ресей президентінің жоспарына Қауіпсіздік кеңесінің мүшелерімен кеңес өткізу де кіреді», – делінген хабарламада.

Еске сала кетейік, 9 қазанда Тәжікстан астанасы Душанбе қаласында өткен «Орталық Азия – Ресей» екінші саммитінде Қасым-Жомарт Тоқаев Ресейге мемлекеттік сапары 12 қарашада өтетінін хабарлаған.

8 қарашада Қазақстан президенті Дональд Трамппен кездесіп, «Орталық Азия – АҚШ» саммитіне қатысқан.

Астанада 8 қарашада тоғыз қабатты тұрғын үйдің қасбетіндегі кірпіш қаптамасы мен кондиционер қондырғысының бір бөлігі құлады. Оқиға орнында 5 адам жарақат алған. Зардап шеккендердің бәрі 8 қараша күні №1 көпсалалы ауруханаға жеткізілді.

Қала әкімдігінің хабарлауынша, зардап шеккендердің екеуі – фельдшер. Олар еңбек міндетін орындап жатқан кезде жарақат алған.

Қазір бір фельдшер жансақтау бөлімінде, жағдайы өте ауыр. Ал екінші фельдшер нейрохирургия бөлімінде, жағдайы орташа. Қалған үш науқас бейінді бөлімшеде ем алып жатыр.

Оқиға ресми түрде өндірістік жарақат ретінде тіркеліп, қалалық полиция сотқа дейінгі тергеу жүргізіп жатыр, мемлекеттік еңбек инспекторы да істі бақылауға...

Полиция ДНҚ-технологияларының көмегімен 2016 жылғы кісі өлімі қылмысын ашты, деп хабарлайды Polisia.kz.

2016 жылы Астана қаласында 80 жастағы әйел өз үйінде қылмыскердің қолынан қайтыс болды. Қылмыскер оқиға орнынан бой тасалаған, ал криминалистер тек көзге көрінбейтін аз мөлшердегі биологиялық іздерді анықтады. Сол іздерден ДНҚ-код алынғанымен, тоғыз жыл бойы қылмыс ашылмай келді.

Жаңа технологиялардың көмегімен ІІМ-нің молекулярлық-генетикалық зертханасы ДНҚ-дерекқорында сәйкестік тапты. Нәтижесінде 65 жастағы күдіктінің жеке басы анықталды. Ер адам ұсталып, уақытша ұстау изоляторына қамалды және жасаған қылмысын мойындады.

ІІМ өкілдері атап өткендей, қазіргі заманғы криминалистикалық құралдар қылмыскерді қылмыс жасалған уақыттан қанша жыл өтсе де, дәл анықтауға мүмкіндік...

Күн салқындай бастаған кезде бет терісі көбіне құрғай бастайды. Оған қоса күздің ортасында қаланың үйлеріне жылу қосылып, батареялар істеп тұрады. Бұл болса үйдегі ауаны құрғататыны белгілі. Мұндайда не істеуге болады? Неліктен күн суығанда теріге көбірек мән беріп, күтім жасау керек? Осы туралы айтайық.

Суықтан тері стресс алады. Қалай?

Күн суығанда терінің физиологиясы да теріні өзгертеді. Яғни температура төмендеген кезде қантамырлар жылу сақтайын деп қысыла бастайды. Міне, содан теріге оттегі де, нәр беретін заттар да бұрынғыдан азырақ барады. Соған жауап ретінде теріде себум аз бөліне бастайды. Бұл болса табиғи қорғанысты әлсіретеді. Ғылым тілімен түсіндіргенде терінің «құбылатыны» осыдан.

Қызық дерек...

Түркияда ем алған сарбаз Ербаян Мұхтар Қазақстанға оралды. Бұл туралы заңгер Инга Иманбай facebook әлеуметтік желісінде жазды.

«Қазіргі жағдайы тұрақты. Дәрігерлер ем толық әсер етуі үшін кемінде 3 ай уақыт қажет екенін айтты. Сол себепті үш айдан кейін, Ербаян қайтадан Ыстнбұлға барып, емінің реабилитациялық бөлігін жалғастырады», – деп жазады Иманбай.

Ербаянның шетелде ем алуына Денсаулық сақтау министрі Ақмарал Әлназарованың, ұшу мәселесін шешуге генерал Қайрат Үмбетов көмектескен.

«Екі рет шетелде ем алу – үлкен еңбек пен жанашырлықтың нәтижесі. Алайда жарақатының ауырлығына байланысты өзгеріс бірден байқалмай отыр...

Қытайдың Сауда министрлігі 2024 жылы АҚШ-қа қатысты енгізілген экспорт шектеулерінің бір бөлігін уақытша тоқтату туралы шешім қабылдады. Бұл туралы ведомствоның ресми хабарламасында айтылды.

Министрліктің мәліметінше, 2024 жылғы №46 қаулысының екінші тармағында көзделген шектеулердің күші 2026 жылғы 27 қарашаға дейін тоқтатылады. Аталған құжат АҚШ-қа екі мақсатта пайдалануға болатын (яғни, азаматтық және әскери салада қолданылатын) бірқатар тауарлардың экспортын бақылауға бағытталған еді.

Сөз болып отырған тауарлар тізіміне галлий, германий және аса қатты материалдар сияқты стратегиялық маңызы бар өнімдер кіреді. Бұл элементтер жартылай өткізгіштер, оптикалық құрылғылар, аккумулятор, сондай-ақ қорғаныс және ғарыш техникасы өндірісінде кеңінен қолданылады.

Сауда министрлігі бұл...

Honda компаниясы АҚШ-та 2016–2021 жылдары шығарылған Civic маркалы шамамен 406 мың көлікті ерікті түрде кері қайтарып жатыр. Бұл туралы автоконцерннің ресми сайтында хабарланды.

Компанияның түсіндіруінше, көлікті кері қайтаруға өндірістегі ақау себеп болған. Алюминийден жасалған 3276 дөңгелек дискіде болттар бекітілетін жерлерге орнатылуға тиіс болат шеге болмауы мүмкін. Мұндай жағдайда дөңгелек орны майысып, бекіткіштер босап, қозғалыс кезінде доңғалақ ажырап кетуі ықтимал.

Honda көлік иелеріне ресми дилерлік орталықтарға барып, көліктерін тегін тексеруден өткізуге кеңес берді. Компанияның мәліметі бойынша, 7 қарашаға дейін бұл ақаудан жол апаты тіркелмеген.

Компанияның дерегінше, аталған жүйедегі ақау 412 көлікте тіркелген.

Бұл – Honda-ның биылғы алғашқы кері шақыруы...

Филиппин аралдарында күшті жел мен су тасқынын тудырған «Калмаэги» тайфуны (жергілікті жұрт «Тино» дейді) ауыр зардапқа әкеп соқты. Апаттың алдын алу және басқару ұлттық кеңесі (NDRRMC) қаза тапқандар мен зардап шеккендердің саны артқанын растады.

GMA News агенттігінің мәліметінше, 9 қарашадағы жағдай бойынша 224 адам көз жұмған, тағы 109 адам із-түссіз жоғалған. Бұған дейін 188 адамның қаза тапқаны хабарланған болатын.

6 қарашада елде ұлттық төтенше жағдай режимі енгізілген.

Табиғи апат Лусон, Висаяс және Минданао аралдық топтарын қамтыған 24 провинцияны шарпыды. Көптеген өңірде электр желілері істен шыққан, ондаған әуе рейсі тоқтатылды.

Филиппин ақпарат агенттігі (PNA) хабарлағандай...

Қазақстан тұрақты авиациялық отын (SAF – Sustainable Aviation Fuel) өндіру жобасын іске асыруды жоспарлап отыр. Бұл туралы Энергетика министрлігінде өткен кездесуде мәлім болды.

Вице-министр Қайырхан Тұтқышбаев Халықаралық азаматтық авиация ұйымының (ИКАО) Еуропалық және Солтүстік Атлант аймақтық бюросының директоры Николя Ралломен авиация саласын экологиялық тұрғыдан дамыту және тұрақты авиаотынды енгізу мәселесін талқылаған.

Министрліктің хабарлауынша, Қазақстан «жасыл» экономикаға көшу бағытын ұстанып, жаңартылатын энергия көздері мен экологиялық жобаларды дамытуға ерекше мән беріп келеді. Осы бағыттағы басым міндеттердің бірі – экологиялық таза авиаотын өндіруді жолға қою.

Энергетика министрлігі бұл жобаны АҚШ-тың LanzaJet компаниясымен бірлесіп жүзеге асыруға ниетті.

Қайырхан Тұтқышбаевтың айтуынша...

Солтүстік Қазақстан облысында қатты жауын-шашын мен ауыр жүк көліктері қозғалысы салдарынан «Тимирязев – Сарыкөл – Қостанай облыс шекарасы» автожолының 0-30 шақырым аралығында жол жамылғысы бүлінді. Бұл туралы «ҚазАвтоЖол» хабарлайды.

Осыған байланысты 2025 жылғы 9 қараша сағат 11:00-ден бастап аталған учаскеде жөндеу-қалпына келтіру жұмыстары жүргізіледі. Сол себепті көліктің барлық түрінің қозғалысына уақытша шектеу қойылды.

Қостанай қаласынан Тимирязев ауданына қатынау үшін жүргізушілерге мына республикалық маңызы бар балама жолдарды пайдалану ұсынылады:

Қаржы нарықтарының ағымдағы жағдайы және болжамдары

Қазіргі таңда әлемдік қаржы нарықтарында өзгерістер белсенді жүріп жатыр. Бұл өзгерістерге АҚШ және Еуропа нарықтарында байқалған төмендеу, сонымен қатар шикізат нарықтарында бағаның тұрақсыздығы себеп болып отыр. Әсіресе, осы аптада S&P 500 индексі мен басқа да ірі қор индекстері қатты құлдырау көрсетуде, бұл өз кезегінде инвесторлар мен талдаушыларды алаңдатып отыр.

Дүниежүзілік нарықтардағы ахуал

S&P 500 индексінің өткен аптадағы өзгерісі -2,12% болса, Dow Jones индексі -1,31%-ға төмендеген. Бұл әлемдік нарықтарда қаржы құралдарының құнының төмендеуін және АҚШ экономикасындағы кейбір белгісіздіктерді көрсетеді. Осылайша, нарықтардағы тұрақсыздық үрдісі сақталып отыр. Бұған қоса, Қытай мен Ресей нарықтары өздерінің әлсіз динамикасын...