Жаңалықтар

Шымкент қалалық соты Түркістан облыстық білім басқармасының бұрынғы басшысы Ғалымжан Жұмашевтың апелляциялық шағымын қарай бастады, деп хабарлайды Kursiv.Media. Оны сот шілде айында 7 жыл 6 айға бас бостандығынан айырған еді.

15 қазан күні Шымкент қалалық сотының қылмыстық істер жөніндегі алқасы Қылмыстық кодекстің «Алаяқтық» және «Қылмыстық жолмен алынған ақшаны және өзге мүлікті заңдастыру» бабымен сотталған Түркістан облыстық білім басқармасының бұрынғы басшысы Ғалымжан Жұмашевтың апелляциялық шағымын қарай бастады. Ол кінәсін мойындамаған, бірінші сатылы сот үкіміне келіспеген.

Менің қорғауымдағы Ғалымжан Жұмашевқа қатысты қылмыстық іс екі жағдайда қысқартуға жатады. Біріншіден, сотқа дейінгі тергеп-тексеру кезінде және сот тергеуінде Жұмашевтың Конституциялы...

Ауыл шаруашылығы министрлігі Қытайдың Бас кеден басқармасымен шошқа етін тексеру, карантин және қауіпсіздік талаптарын реттейтін келісімге қол қойды. Енді Қазақстан ҚХР-ға шошқа етін экспорттай алады, деп хабарлады Kursiv.Media.

Бұған дейін қазақстандық шошқа еті Қытай нарығына тасымалданбайтын, себебі кәсіпорындардың экспортқа рұқсаты болмаған. Жаңа құжат мұздатылған және салқындатылған етті ғана емес, сонымен қатар, ішек-құрылыс өнімдердің экспортына рұқсат береді.

Министрлік хаттамаға қол қою шошқа шаруашылығы мен қайта өңдеу өнеркәсібін дамыту үшін жаңа перспективалар туғызатынын атап өтті. Экспортты кеңейту кәсіпорындардың жүктемесін ұлғайтуға және ауылдық аумақтардың дамуын қолдауға мүмкіндік береді.

«Хаттама – Қазақстан мен Қытай арасындағы экономикалық және сауда...

Қазақстан президенті Қасым-Жомарт Тоқаев Армениямен көші-қон ынтымақтастығы туралы келісімді ратификациялау туралы Заңға қол қойды, деп хабарлайды Kursiv.Media. Құжат екі ел азаматтарына визасыз 90 күнге дейін жүруге мүмкіндік береді.

«Мемлекет басшысы «Қазақстан Республикасының Үкіметі мен Армения Республикасының Үкіметі арасындағы азаматтардың сапарлары мен болу тәртібі туралы келісімді ратификациялау туралы» Қазақстан Республикасының Заңына қол қойды», – делінген Ақорда хабарламасында.

Сондай-ақ президент Армения азаматтарының Қазақстанға келу тәртібіне қатысты келісімді ратификациялауға қол қойды.

Келісім екі елдің азаматтары бір-бірінің аумағында 90 күнге дейінгі мерзімге визасыз баруы туралы ережені бекітеді. 90 күннен асқан жағдайда, олар уақытша тұруға рұқсат ала алады...

Ұлыбритания ең ірі ресейлік мұнай-газ өндіруші компаниялар – Лукойл мен Роснефтьке қарсы санкция енгізді. Ақпарат Ұлыбритания үкіметінің сайтындағы санкциялар тізімінде жарияланған, деп хабарлайды Kursiv.Media.

Санкция әсерінен аталмыш компаниялардың Британиядағы активтері бұғатталды. Шара трасттар мен көліктерді де қамтиды.

«Ресей Үкіметі үшін стратегиялық маңызы бар секторда, атап айтқанда, энергетикалық секторда бизнес жүргізуге байланысты», – деп көрсетілген құжатта.

Айта кетейік, бұған дейін компаниялар секторлық санкцияға ұшыраған. Яғни олар өндіретін өнімді Ұлыбританияға тасымалдауға тыйым салынған.

Санкциялар, әсіресе, Роснефтьке ауыр соқпақ. Себебі компанияға тиесілі, компания бақылайтын, жарғылық немесе эксплуатациялық кемелерді Ұлыбритания портына кіргузе тыйым салынды. Сол сияқты...

Әлеуметтік желіде Ақтөбеде бір үйдің бес баласы халықтан көмек сұраған видео тарады. Ол жерде бес баланың үлкені Құралай анасына бір күнде шизофрения диагнозы қойылғанын айтқан. Тіпті 40 күн жындыханада жатып шыққаннан кейін анасының танымастай өзгергенін жеткізді.

Видео түсірілген кезде жасөспірімдер қиын жағдайға тап болған балалар паналайтын «Аяла» орталығында тұрып жатқан.

Құралайдың айтуынша, бес бала нағашы әжесінің үйінде тұрған. Әжесі баспанасын сатқан соң балалары арасында мүлікке талас басталған. 2025 жылдың 13 сәуірінде бес бала тұрып жатқан үйге арнайы бригада келіп, анасын жындыханаға алып кеткен.

«Бір күнде анамызды жындыханаға жатқызып, бізді орталыққа жіберді. Бауырлар мүлікке таласты...

Өзбекстан президенті Шавкат Мирзиёев Ташкенттің Чиланзар ауданында болып, қала автобусына мінді. Махалла тұрғындарымен кездесті, сондай-ақ мәдениет және демалыс саябағына барды. Бұл туралы мемлекет басшысының баспасөз қызметі хабарлады.

Мирзиёев сапар барысында автобус қатынасын сапалы ұйымдастырудың маңызын атап өтіп, жолақы төлеу жүйесін реттеу, қозғалысты цифрландыру және аялдамалардағы жағдайды жақсарту жөнінде тапсырмалар берді.

«Жаңа автобустар жолаушыларға қосымша қолайлылық туғызды. Ендігі міндет – жолдағы кептелістерді азайтып, автобустардың еркін қозғалысын қамтамасыз ету. Басты мақсат – Ташкенттегі қоғамдық көлік қамтитын жолаушылар санын екі миллион адамға жеткізу», – деді Өзбекстан президенті.

Қазір Ташкентте күн сайын қатынайтын автобустар саны 1400-ге жеткен. Алдағы күндер...

Алматыдағы «Жібек жолы» базарының орнына заманауи тұрғын үй кешені мен сауда орталығы салынады. Бұл туралы Алматы қаласы әкімдігі хабарлады.

Әкімдіктің дерегінше, жаңа нысандарды базардың меншік иесі салады. Одан бөлек қалада 2026 жылдың соңына дейін 21 базар жаңартылмақ. Осы жылы 29 базар толықтай жаңарып, олардың аумағына күрделі құрылыстар салынған, инженерлік инфрақұрылымдар жүргізілген.

«Біздің мақсатымыз – базарларды қайта салу ғана емес, қауіпсіз және қолайлы сауда кеңістігін қалыптастыру. Мұнда бизнес дамып, қала тұрғындары өзін жайлы сезінуі тиіс. Бұл сатып алушыларды, кәсіпкерлерді және қаланың өзін қорғауға бағытталған «Сауда қызметін реттеу туралы» ҚР Заңының талабы», – деп атап өтті Алматы қаласы...

Көпқабатты үйлердегі тазалық – әр тұрғынның жауапкершілігі. Алайда кей көршілер «аз ғана уақытқа» деп есік алдына қалдырған қоқысты бірнеше күн, кейде апта бойы жинамай қояды. Мұндай әрекет үшін 39 мың теңгеге дейін айыппұл салынады.

Заң не дейді

Азаматтық істер жөніндегі заңгер Шолпан Шуюмбаева тұрғындарға мұндай жағдайда не істеу керегін түсіндірді.

«Ең алдымен фактіні тіркеу керек – қоқысты фотоға немесе видеоға түсіріп, күн мен уақытты белгілеңіз. Кейін бұл туралы ПИК-ке немесе басқарушы компанияға хабарлаңыз. Олар тұрғынға ескерту жасауға міндетті. Егер нәтиже болмаса, фото мен шағымды қоса тіркеп, әкімдікке немесе полицияға жолдаңыз», – дейді заңгер.

Құрылыс...

2025 жылдың 1 қыркүйегіне қарай экономикаға берілген кредиттердің жалпы көлемі 47,6 трлн теңгеге жетті. Бұл 2024 жылдың қыркүйегімен салыстырғанда 23,7%-ға артық.

Ұлттық банк дерегіне сәйкес, 47,6 трлн теңгенің 22,1 трлн теңгесі (46,3%) – бизнеске берілген, яғни заңды тұлғалар мен жеке кәсіпкерлер алған қарыздар. Қалған 25,5 трлн теңге (53,7%) – халықтың мойнындағы қарыз.

Кредиттердің басым бөлігі теңгемен берілген: 42,6 трлн теңге немесе бүкіл соманың 89,5%-ы ұлттық валютадағы кредит. Ал шетел валютасындағы қарыздар 5 трлн теңгені (10,5%) құрады.

Бүкіл кредиттің 85,8%-ын банктер берген.

Қазақстан қаржыгерлер қауымдастығының сарапшылары халыққа кредит алу барған сайын қиындай түсетінін айтқан. Өйткені несие пайызы қымбаттап, банктер...

Түркістанда көпқабатты тұрғын үйдегі пәтер иелері үйіндінің астында қаламыз ба деп алаңдайды. Олардың жылдар бойы кезекте тұрып мемлекеттен жалға алған баспаналарынан ақау шыққан. Әкімдік пәтерлерді жөндеп беруге уәде бергенімен, қабырғасының жарылуы тоқтамаған.

Түркістан қаласы Отырар ықшам ауданы №32 көпқабатты тұрғын үй тұрғыны Ләззат Жұманованың 7 баласы бар. Ол осыдан 6 жыл бұрын мемлекеттен тегін жалдамалы пәтер алған. Әйткенмен, жыл өтпей үйінің қабырғасы жарыла бастаған. Содан бері мазасы кеткен.

«Мынаны қараңыздар, сұмдық қой. Қоныстанғанымызға көп болмай подъезден су кетті. Артынан іргетасы шөкті. Сөйтсек, асты топырақ, кәдімгідей лай екен. Әуелі 1, 2-қабаттағы пәтерлердің қабырғасы жарылды. Жарылғанда сырттан ішке...

Астанаға жеңіл рельсті көлік (LRT) желісіне арналған жаңа вагондар партиясы жеткізілді. Осыған байланысты қалада бірқатар көшеде көлік қозғалысы уақытша шектеледі.

City Transportation Systems (CTS) компаниясының хабарлауынша, бұл екі құрам сынақ режиміндегі жұмыстарға дайындық аясында жеткізілген. Вагондарды эстакада жолдарына орнату жұмыстары 17 және 18 қазанға жоспарланған.

17 қазанда алғашқы құрам №104 және №105 станциялары арасындағы учаскеге, яғни Қабанбай батыр даңғылы бойындағы «Астана жұлдызы» стелласы маңына орнатылады.

18 қазанда екінші құрам Ш. Қалдаяқов көшесі мен Тәуелсіздік даңғылы қиылысындағы учаске – №113 (Министрліктер үйі) және №114 (Ұлттық музей) станциялары арасына қойылады.

18-19 қазан сағат 00:00-ден 06:00-ге дейін Ш. Қалдаяқов көшесі мен Тәуелсіздік даңғылыны...

Астанаға нәпақа табуға барған жасөспірім қайтыс болды. Ақпаратты қала полициясының баспасөз қызметі растады.

Құрылыс алаңында жұмысшы болып істеген жасөспірім 17 жаста болған. 24 қыркүйекте құрылыс кезінде үстіне бетон плита құлаған.

«Қайғылы жағдайдан кейін қылмыстық іс қозғалды. Жедел-тергеу тобы оқиға орнын тексеріп, заттай дәлелдерді тәркіледі», – делінген ақпаратта.

Тергеу амалдары жүргізіліп жатыр. Куәгерлер мен оқиғаны куәгерлерінен жауап алынып, құжаттар тәркіленді. Тергеу жұмыстары жалғасып жатыр.

Бұған дейін Абай облысы Үржар ауданына қарасты Бестерек ауылындағы жол апатынан зардап шеккен тоғыз жастағы қыз қайтыс болды. 

Александр Клебанов пен Сергей Канға тиесілі корпорация «Петропавл жылу желісін» 2025 жылдың аяғына дейін Солтүстік Қазақстан облысы әкімдігінің меншігіне өткізеді. Бұл туралы Kursiv.Media inbusiness.kz мәліметіне сүйене отырып хабарлайды.

Петропавл әкімдігі жылу желісін өңір меншігіне алу үшін «Севказэнергомен» келіссөз жүргізіп жатқанын медиахолдингке растаған. Осындай шешім қабылдаудағы маңызды фактор – желінің әбден тозығы жеткен. Әкімдік кәсіпорын жабдығының 70%-дан астамы ескірген деп есептейді. Ал оны жаңарту үшін мемлекет бюджетінен қаражат тарту керек болады.

«Түпкілікті құжатқа қол қойылған соң мүдделі тараптар мен БАҚ-қа хабар беріледі. Мұндай жұмыстар 2025 жылдың аяғына дейін аяқталуы керек», – дейді әкімдік өкілі.

Келісім...

Қазақстандықтардың ай сайын зейнетақы қорына аударатын 10% жарнасы зейнет жасына жеткенде күнкөріске жетпей қалуы мүмкін. Сондықтан сарапшылар зейнетақы жүйесін өзгертуді ұсынып отыр. БЖЗҚ-ның жылдық есебінде сарапшылардың ұсынысы Президент Қасым-Жомарт Тоқаевқа жолданғаны жазылған.

Зейнетақы жүйесін дамыту жолдарын Григорий Марченко, Ораз Жандосов, Болат Жәмішев, Қадыржан Дамитов, Әнуар Сәйденов, Елена Бахмутова сынды сарапшылар ұсынған. Қор сарапшыларының есептеуінше, егер азамат табысының кемінде 30%-ын зейнетақы ретінде алғысы келсе, 40 жыл бойы 13% немесе 30 жыл бойы 18 % зейнетақы жарнасын төлеуі қажет. Ал еңбек өтілі 20 жылмен шектелсе, қажетті мөлшерлеме 29,2% болуы тиіс.

«10% мөлшерлеме жеткіліксіз. Ол зейнетақы жүйесіне ұза...

Қазақстан Мемлекеттік кірістер комитеті квазимемлекеттік саладан кеден брокері ретінде DSRC компаниясын құру бастамасын көтеріп жүр. Алайда бизнес ұсынысқа қарсы өре түрегелді.

Мәселе Қаржылық бақылау комитетінің «Digital Silk Road Company» ЖШС-ны (DSRC) кедендік қызметтер нарығындағы жаңа ойыншы ретінде енгізу жоспарынан туындаған. Билік органдары осы арқылы кеден брокерлерінің қызметіндегі ашықтық мәселелерін шешеміз деп отыр.

Компанияны көпшілікке таныстыру барысында DSRC директорының міндетін атқарушы Дәурен Мұқашев жұмыс цифрлық платформа арқылы жүргізілетінін, клиенттермен тікелей байланыс болмайтынын және қызметтерге бекітілген баға орнатылатынын айтқан. Сонымен қатар компанияның бюджеттік субсидиясыз жұмыс істейтініне сендірген.

Бизнес неге қарсы

Алайда кәсіпкерлер мен сарапшылар DSRC өкілінің сөзіне сене қоймаған.

Мәжіліс депутаты Абзал Құспан заң қабылданған жағдайда кімдердің жеке детектив болып жұмыс істей алатынын айтты.

Депутаттың сөзінше, жете детектив туралы заң қабылдау мәселесі бұған дейін үш рет көтерілген.

«Құқық қорғау органдарында кемінде 10 жыл жұмыс істеген азаматтар жеке детектив бола алады. Бұл заң, ең алдымен, азаматтардың құқығын қорғауға бағытталған. Мәселен, азамат жедел уәкіл не тергеуші болып көп жыл қызмет етеді. 20-25 жылдан кейін зейнетке шығуға құқығы бар. 22 жасынан қызмет етсе, 50-ге келмей демалысқа шығады. Олардың күш-жігері бойында әрі тәжірибесі мол. Адвокат жалдаған сияқты жеке детектив жалдаса, қылмыстың ашылуына септігін тигізеді», – дейді Құспан.

Британдық The Guardian газеті әлемдегі ең талантты жас футболшылардың тізімін жариялады. Басылым 2008 жылы туған ең әлеуетті 60 ойыншыны таңдаған. Солардың арасында «Қайрат» пен Қазақстан құрамасының шабуылшысы Дастан Сатпаев та бар. Ол рейтингте 30-орында тұр.

The Guardian Сатпаевты «Қайраттың ең жарқын жұлдызы» деп атап, биыл қазақстандық клубтың Чемпиондар лигасының топтық кезеңіне шыққанын ерекше атап өтті.

««Челси» клубы Сатпаевты 4 млн еуроға сатып алғанына қуану керек, өйткені оның құны алдағы уақытта едәуір өседі. Ол жоғары жылдамдық пен тамаша техниканы шешім қабылдау қабілетімен үйлестіре біледі. Жас ойыншы 2026 жылдың тамызында «Стэмфорд Бриджге» келген соң, Англия Премьер-лигасында өз...

Apple басшысы Тим Кук қытайлық Douyin әлеуметтік желісінде тікелей эфирге шығып, iPhone Air сатылымы басталғанын жариялады. Стримде жаңа модельдегі жаңа қызметтер туралы айтып түсіндірді.

Бұл қадам Apple үшін Қытай нарығы қаншалықты маңызды екенінің белгісі дейді сарапшылар.

Лайв-стрим форматы – Қытайдағы негізгі сату каналы. CNNIC есебінше, 2024 жылдың желтоқсанында live-стримдерді 833 млн адам көрген. Бұл елдегі барлық интернет қолданушының 75,2%-ы. Тікелей эфирге шыққанда бірнеше сағат ішінде миллион долларға дейін сауда жасайтын кейстер бар.

iPhone Air Қытайда ресми түрде 22 қазанда сатылымға шығады. Ал 17 қазаннан бастап алдын-ала тапсырыс беруге болады. Негізі смартфондарды бұдан ертерек сатылуы керек еді. Біра...

Мәжілісте мүмкіндігі шектеулі азаматтардың әлеуметтік жағдайына қатысты мәселе көтерілді. Депутат Нұрлан Әуесбаев мүгедектігі бар адамдарға төленетін жәрдемақының жеткіліксіз екенін айтып, оның көлемін 85 мың теңгеге дейін арттыруды ұсынды.

Қазіргі уақытта елде ресми тіркелген мүгедектер саны – 725 мың. Бірақ депутаттардың айтуынша, бұл көрсеткіш шынайы саннан әлдеқайда көп. Мүгедектігі бар азаматтардың саны жыл сайын шамамен 2,4%-ға өсіп отыр. Бұған әлеуметтік жағдай, экологиялық ахуал мен медициналық қызмет сапасының әсері бар.

Депутаттар мүгедектікті анықтау рәсімінде де әділетсіздік жиі кездесетінін айтты. Мысалы, қолы немесе аяғы мүлде жоқ адаммен саусағы немесе башпайы жоқ адамға бірдей үшінші топ мүгедектігі беріледі. Кейбір азаматтар тіпті өмір бойына...

Бұрынғы экономика министрі Нұрлан Байбазаров Президент әкімшілігінің Инвестициялар және сауда бөлімінің меңгерушісі лауазымына тағайындалды. Бұл туралы Ақорда хабарлады.

Мемлекет басшысы Қасым-Жомарт Тоқаев 15 қазанда жаңа қызметке тағайындау жөніндегі өкімге қол қойды. Шамамен бір жыл бұрын, 2024 жылғы желтоқсанда ұлттық экономика министрі қызметінен алынған Байбазаров президент әкімшілігіне кірді.

Бір қызығы, бұған дейін Тоқаев әкімшілігінде инвестиция бөлімі болмаған. Осы уақытқа дейін Ақордада ел экономикасына әлеуметтік-экономикалық саясат бөлімі жауапты болып келді. Жаңа бөлімнің ашылуынан-ақ биліктің, әсіресе президенттің инвестиция тарту мәселесіне ерекше ден қойып отырғанын аңғаруға болады. Үкімет тікелей шетел инвестициясын көбірек тартуды көздеп отыр.

50 жастағы Нұрлан Байбазаров 2024 жылғы ақпанда...

Адамзат тарихында алғаш рет алтын 4200 доллардан жоғары бағаға саудаланып жатыр. Жиырма жылда құнды металл 783%-ға, яғни шамамен 3677 долларға қымбаттады. 2005 жылы алтын бар болғаны шамамен 600 доллардан саудаланған еді. Бұл туралы Kursiv.Media хабарлайды.

Адамдар алтын құнын ықылым замандарда да жоғары бағалаған, оны саудада жиі пайдаланған. Дегенмен алтынға ең зәру дәуірлердің өзінде бағалы металл құны дәл қазіргідей жоғары болған емес. Содан бері мыңдаған жылдар өткенде – бүгін алтын инвесторлардың актив сақтаудың тиімді құралына айналып отыр.

Алтын бағасының көтерілуінің бірнеше себебі бар. Қаржы саласындағылар АҚШ-тың пайыздық мөлшерлемені түсіруінен сескеніп отыр. Бұған қоса көпшілік Құрама Штаттар мен Қытай арасындағы сауда...

Қазақстанның ең бай бизнесмені Вячеслав Ким кәсіпкер Ғалымжан Есеновтен Alatau City Bank (бұрынғы Jusan Bank) акцияларының 20,1%-ын 40,9 млрд теңгеге ($76 млн) сатып алған.

«Ручная экономика» тelegram-арнасының жазуынша, Ким 33 млн қарапайым акция үшін 40,86 млрд теңге, яғни шамамен 79 млн доллар төлеген. Осылайша, бір акцияның бағасы 1238 теңге болып шыққан. Мәміле 9 шілдеде Кимнің өзі иелік ететін First Heartland Securities компаниясы арқылы жүзеге асқан.

Ғалымжан Есеновке First Heartland Securities арқылы банктің 79,89% акциясы, ал 20%ы- тікелей өзіне тиесілі болған. 2025 жылдың жазында Ким Есеновтен осы First Heartland Securities компаниясын түгелімен сатып алған.

Ол...

Электромобиль мен гибрид автокөліктердің әлемдегі саудасы 2025 жылғы қыркүйекте 26%-ға артып, 2,1 миллионға жетті. Осындай рекордта Қытай үлесі көп. Бұл туралы Reuters хабарлайды.

Электрокар мен гибридке сұраныс,әсіресе, Қытайда жоғары. Әлемде сатылған электромобильдің үштен екісі – 1,3 млн дана көлік осы елдің үлесіне тиесілі. Мәліметті Rho Motion зерттеу компаниясы есептеп шығарды.

Солтүстік Америка да рекорд жаңартты. Мұнда шамамен 215 мың электрокар сатылды. Өйткені америкалықтар жеңілдікті пайдаланып үлгеріп қалуға тырысып жатыр. Бәрі 7500 доллардың салық жеңілдігін алғысы келеді.

Еуропада да сұраныс жоғары – 427 мың электромобиль сатылған. Әлемнің қалған бөлігі 153 мың көлік алған.

Қытай әлемде сатылатын электрокарлардың жартысынан астамын жеткізіп...

Qazaq Air (Vietjet Qazaqstan) әуе компаниясы Астана-Бішкек және Астана-Самарқанд бағытында екі рейс ашылғанын хабарлады.

7 қарашадан бастап Астана – Самарқанд – Астана бағыты бойынша аптасына екі рет, жұма және жексенбі күндері рейстер орындалады. Ал 10 қарашадан бастап Астана – Бішкек – Астана рейстері дүйсенбі және бейсенбі күндері ұшады.

Самарқандқа билет бағасы 41 мың теңгеден, Бішкекке 39 мың теңгеден басталады.

Компанияның хабы Астана әуежайында орналасқан. Жолаушылар үшін Бішкек, Самарқандтан бөлек Омбы және Новосібір қалаларына, сондай-ақ Қазақстанның ішкі бағыттарына ыңғайлы трансферлік рейстер қолжетімді.

Qazaq Air-ды осы жылы Вьетнамдық VietJet Aviation сатып алған еді. Мамырда Vietjet Air мен Qazaq Air стратегиялық келісімге қол қойып, VietJet Kazakhstan атты...