Жаңалықтар

«Жер телімдерін таңдаудан бастап рұқсат құжаттарын алуға дейін барлық кезеңде сіздердің бастамаларыңызды қолдауға әзірміз». Алматы облысының әкімі Марат Сұлтанғазиев түрік инвесторлары алдында осылай деп құрақ ұшты. Түріктермен кездесуде «ондаған миллиард теңгенің» жобалары сөз болды.

Қонаевтағы кездесу

2 желтоқсанда өңір орталығы Қонаев қаласына Түркиядан делегация келді. Арасында NATA Holding түрік компаниясының бас директоры және қаржылық, техникалық, келісімшарт бағыттарының үйлестірушілері бар. Олар Алматы облысымен ынтымақтастық туралы меморандумға қол қойды.

Өңір әкімдігі таратқан мәліметке қарағанда, түріктермен кездесуге облыс басшысы ғана емес, Қонаев пен Алатау қалаларының әкімдері де қатысты.

«NATA Holding өзінің кең портфолиосымен, инженерлік тәжірибесімен және...

Оңтүстік Кореяда заңсыз жүрген қазақстандықтар айыппұлсыз және қайта кіруге тыйым салынбастан елден ерікті түрде шығып кете алады. Еңбек және халықты әлеуметтік қорғау министрлігі Корея Республикасының Әділет министрлігімен арнайы келіссөз жүргізді.

Бұл мүмкіндік 2025 жылдың желтоқсанынан 2026 жылғы ақпан айын қоса алғанға дейін жарамды.

Бағдарламаға қатысу үшін төлқұжат, ерікті қоныс аудару туралы өтініш және әуе билеті қажет. Заңсыз жүрген қазақстандықтар Корея Республикасының иммиграция кеңселері арқылы ұшу күніне дейін 15-тен 3 күнге дейінгі аралықта хабарлама жібереді.

«Бұл шаралар құқықтық салдарларды жеңілдетуге және өз мәртебесін реттеуге дайын адамдарды қолдауға бағытталған. Бағдарлама қылмыстық құқықбұзушылық жасаған, мәжбүрлеп шығару шарасына...

Қытай халық санын көбейту үшін 30 жылда алғаш рет мүшеқапқа салық салды. Демек, бұл – тауардың бағасы қымбаттайды деген сөз.

Bloomberg мәліметінше, Қытай контрацептивтерге, соның ішінде мүшеқаптар мен жүктіліктің алдын алатын дәрі-дәрмектерге 13 пайыз қосылған құн салығын енгізеді.

Бұл тауарларға 1993 жылдан бері, «бір отбасы – бір бала» саясаты кезеңінен бастап салық салынбайтын еді.

Бұл – Қытай билігінің туу санының күрт төмендеуін тоқтатуға арналған жаңа талпынысы. Өйткені, ел халқы үшінші жыл қатарынан азайып келеді. Мысалы, 2024 жылы 9,54 миллион адам ғана дүниеге келген. Бұл он жыл бұрынғы көрсеткіштен екі есе аз.

Жаңа салық қаңтар айынан бастап күшіне енеді.

...

Алматыда ішкі істер министрлігі академиясының курсанты бұрынғы сүйіктісін ұрды деп айыпталды. Алматы полициясы оқиғаның мән-жайын баяндады.

Әлеуметтік желіде өзін қыздың туысы деп таныстырған қолданушы жазба жариялады.

«Кәмелетке толмаған сіңілімді бұрынғы жігіті ұрған. Кешке екеуі кездесіп, сіңілім жігіттің көлігіне отырған. Телефонын сұраған, бірақ сіңілім бермеген. Содан кейін агрессия көрсете бастаған. Белдеумен тұншықтырып, шашынан жұлып, көліктің ішінде басын соққан. Қабырғасынан теуіп, басынан ұрған. Көлікке отырғызып, шығармай қойған», – деп жазды қолданушысы.

Алматы полициясы қылмыстық іс қозғап, жан-жақты тергеу жүргізген.

«Тергеу барысында оқиғаға қатысы бар қыз және өзге де тұлғалардан жауап алынды...

Қаржы нарығын реттеу және дамыту агенттігі банк секторына арналған маңызды өзгерістер пакетін ұсынды. Негізгі мақсат – тұтынушылық тәуекелді бақылау және нақты секторды, әсіресе, шағын және орта бизнесті несиелеуді ынталандыру.

Ең басты жаңалық – табысы ресми расталмаған ірі көлемдегі кепілсіз тұтынушылық кредиттерге 350% мөлшерінде жоғары тәуекел коэффициентінің енгізілуі. Бұл шара банктерді тәуекелі жоғары сегментте абай болуға міндеттейді.

Сонымен қатар несие беру кезінде банктер енді клиенттің кірісі, қарыз жүктемесі, активтері мен салықтық деректерін тереңірек тексереді.

Экономиканы қолдау мақсатында өтімділік нормативі – LCR 2027 жылдың соңына дейін 0,9 деңгейінде сақталады. Бұл банктерге несие беруді кеңейтуге мүмкіндік береді.

Шағын...

Астаналық базар ұжымы әріптестері Бекжан Әбілқасымды MMA-дегі жарқын жеңісімен және чемпиондық белбеуге қол жеткізуімен шын жүректен құттықтады. Базарда телефон мен аксессуар сататын спортшының табандылығы мен еңбегі көпшілікті тәнті етті.

«Еңбегің еленді, жаңа белестерді бағындыра бер!» – деп жылы лебіздерін білдірді әріптестері.

Қазақстандық аралас жекпе-жек шебері Бекжан Әбілқасым (6-0) Алматыда өткен Naiza 78 турнирінде кезекті әсерлі жеңісіне қол жеткізді. Жеңіл салмақтағы уақытша чемпиондық белбеу үшін тәжікстандық Бежан Ходжалиевпен (3-0) кездесті. Бес раундқа жоспарланған жекпе-жек небәрі алғашқы раундтың үшінші минутында аяқталды – Әбілқасым қарсыласын техникалық нокаутпен тоқтатты.

Осылайша Бекжан кәсіби мансабындағы алтыншы жеңісіне жетіп, Naiza...

Kursiv.Media тілшісі Өнеркәсіп және құрылыс министрі Ерсайын Нағаспаевтан кейінгі кезде жиілеген үлескерлер дауы мен сенімсіз құрылыс компанияларын бақылауға қатысты сұрақ қойды. Министр сенімсіз мердігерлер тізімі жарияланатынын мәлімдеді.

«Жақында Астанадағы «Qyran» тұрғын үй кешенінің ісі бойынша 7,9 млрдқа жуық қаржы ұрланғаны мәлім болды. Бұл жалғыз Астанаға тән емес. Өңірлерде де алданған салымшылар мыңдап саналады. Құрылыс компанияларының сату кеңсесіне бақылауды күшейту жоспарланып отыр ма? Сенімсіз құрылыс компанияларының тізімі неге жарияланбайды?» деген сауал қойылды.

Сұраққа Құрылыс комитетінің төраға орынбасары жауап берді. Оның айтуынша, қазір ел бойынша 44 проблемалық нысан бар. Биыл олардың үшеуі аяқталуға жақын. 2026 жылдың соңына...

Бас прокуратураның Құқықтық статистика және арнайы есепке алу жөніндегі комитеті Әкімшілік құқық бұзушылықтар бірыңғай тізілімі арқылы азаматтарды тексеру мүмкіндігін бұғаттады. Бұл туралы Kursiv.Media Kolesa.kz-ке сілтеме жасап хабарлайды.

Енді полиция планшеті арқылы ЖСН енгізілген кезде, мәліметтер автоматты түрде базаға сақталады және кейін оны өшіру немесе қайтадан жою мүмкін болмайды.

Сәйкесінше, патрульдік полиция қызметкері азаматқа қатысты әкімшілік хаттама ғана толтыра алады.

Бұл өзгерістер жүргізушілер тарапынан шағым көбейгеннен кейін енгізілді. Олар полицейлердің ӘҚБТ арқылы жұмыс орны, үй мекенжайы мен телефон нөміріне дейінгі жеке деректерін біліп отырғанына наразы болған. 1 желтоқсаннан бастап патрульдік полиция қызметкерлері Әкімшілік құқық бұзушылықтар тізіліміне тек...

Павлодар облысы әкімінің әпкесі Айгүл Байхан мас болып көлік жүргізгені үшін ұсталды. Әкімнің өзі Асайын Байхан бұл іске қатысты пікір білдірді.

«Менің әпкемнің әкімшілік жауапкершілікке тартылуына қатысты мынаны айта аламын: барлық азамат заң алдында тең. Менің әпкем де, барлық отбасы мүшелері сияқты, бұл қағидаттан тыс емес», – деп жазды ол тредстегі парақшасында.

Шенеуніктің әпкесіне қатысты әкімшілік іс Екібастұздағы қалалық сотта қаралды. Қаулыда жазылғандай, екі патруль қызметкері Петренко көшесінде көлік жүргізген әйелді тоқтатқан. Одан алкоголь иісі сезілгендіктен, бірден медициналық тексеруге жібереді. Дәрігерлердің сөзінше, жүргізуші масаң күйде болған.

Көлікті мас күйде жүргізуіне байланысты полицейлер әкімшілік...

Тоқаев Ақордада «Самұрық-Қазына» акционерлік қоғамының басқарма төрағасы Нұрлан Жақыповты қабылдады.

Жақыпов қордың жұмысы туралы есеп берді. Қазір холдингтің инвест портфелінде көлемі 53 трлн теңге болатын 130-ға жуық жоба бар. Биыл CASPI BITUM зауытының қуатын арттыру, 50 МВт-тық күн электр стансасы және Кендірлі елдімекенінде су тұшытатын зауыт салу жобалары жүзеге асырылды.

Ал жыл соңына дейін 1,1 трлн теңгеге 9 ірі жобаны аяқтап, пайдалануға беру жоспарланып отыр.

2023-2025 жылдар аралығында қор әлеуметтік жобаларды қолдауға және қайырымдылыққа 1,5 трлн теңге бөлген. Бұл қаржы медициналық нысандарға, 55 оңалту орталығының, 31 инклюзия кабинетінің, 18 спорт кешенінің, мәдени және білім беру мекемелерінің құрылысына жұмсалды.

Ағылшын фотографы Джордж Купер Маңғыстау табиғатына тамсанып, өміріндегі ең үздік суреттерін Қазақстанда түсіргеніне мәз. Kursiv.Media шынымен ғажап туындылардың бірқатарын назарыңызға ұсынады.

Ұлыбританияның Манчестер қаласында тұратын Джордж Купер он жылдан астам уақыттан бері сұлу табиғатты суретке түсірумен айналысады. Жақында ол Қазақстанда, Маңғыстау өңірінде болды.

«Әлемдегі ең теңдессіз таулардың бірі Қазақстанда орналасқан. Жақында мен осы елдің батысындағы Маңғыстауға сапарымнан оралдым», – деп жазды фотограф.

Маңғыстаудағы Бозжыра шатқалы, Қарынжарық ойысы, Боқты тауы және басқа да жерлерде түсірілген керемет суреттерді Купер бір аптадан бері әлеуметтік желілерде жариялап жатыр.

Әлемнің түрлі елдерін аралап, мыңдаған пейзажды бейнелеген фотограф өміріндег...

Қайрат Нұртастың әкесі Нұртас Айдарбеков балдызы Анелия Үсенованың қылығын ұнатпай қалды.

Ол қазіргі жастардың музыкалық талғамы мен танымал әндердің мәтініне көңілі толмайтынын жеткізді.

«Балдызым, айналайын жастар-ай, мен әжептеуір терме тыңдап келе жатсам, «айфон купи, за ресторан плати»… Не дейді? Қызды шақырған жігіт онсызда өзі төлейді. Қызға төлетпек түгілі, қыздың кешке шығып сенімен, ресторанға барғанына қуанушы едік. Ақшамыз болмаса, 20 тиынға болса да, балмұздақ әперіп, қолымыз қолыңа тиіп кетсе,  сол кеште қолымызды 10 күн жумай жүретін едік. Ой, жастар-ай!», – деп қағытты Нұртас Айдарбеков.

Әрине, балдызымен қалжыңдасу – қазақтың ежелгі дәстүрі. Қайрат Нұртастың әкесі осы дәстүр...

Астанада үш жастағы Зере Есентай стоматолог кабинетінде қайтыс болды. Қайғылы жағдай 2024 жылдың 30 қазанында болған. Артынша қылмыстық іс қозғалып, анестезиолог Аида Жұмағалиеваға кәсіби міндетін дұрыс орындамады деген айып тағылды.

Істің мән-жайы

Үш жастағы қызға Dental Park Ortho стоматология клиникасында «Севоран» препараты салынып, наркоз жасалған.

Әкесінің сөзінше, емдеу жоспарланған үш сағаттың орнына 3,5 сағатқа созылған.

Қылмыстық іс қозғалды

Ресей азаматы – анестезиолог Аида Жұмағалиеваға қылмыстық кодекстің 317-бабы 3-бөлігі бойынша айып тағылып отыр. Бұл бапта медицина қызметкерінің кәсіби міндеттерін тиісінше орындамауы абайсызда адам өліміне әкеп соққан жағдай көрсетілген.

11 тісін емдеу қажет болған

2025 жылдың 2 желтоқсанындағы...

Ресей азаматы мен қазақстандық бизнесмендерге тиесілі «Беңқала» тау-кен компаниясы KASE биржасынан ерікті делистинг жасайды. Шешімді компанияның акционерлері мақұлдаған.

«Акционерлер оның ішінде KASE ресми тізімінен қоғамның жай акцияларының ерікті делистингін жүзеге асыру туралы шешім қабылдады» делінген хабарламада.

Компания акцияларының 70%-ы AMROS GROUP B.V. арқылы Ресей азаматы Наталья Смирноваға тиесілі. Ал 20%-ын Forbes тізімінде 25-ші орында тұрған Владимир Жұманбаев иеленсе, 10%-ы кәсіпкер Дәурен Оразаевтың меншігінде.

Қаржыгер Арман Батаев биыл KASE биржасыннан делистинг жасаған оныншы компания екенін атап өтеді.

«Беңқала» тау-кен компаниясы 2024 жылы 344 млн теңге шығынға ұшыраған. Компанияның жағдайы соңғы бір жылда біршама...

Ауыл шаруашылығы министрлігі елдегі мал шаруашылығы дамып жатқанымен, қажетті қарқын әлі де жоқ деп есептейді.

Вице-министр Азат Сұлтанов үкіметтегі брифингте ет өндірісінің жағдайы туралы айтты. Оның сөзінше, мал шаруашылығы – қарқынды дамып келе жатқан салалардың бірі, алайда әзірге қалаған деңгейдегі өсім байқалмайды. Сұлтанов барлық сала мемлекеттік қолдау мен қаржыландыруға ие болатынын, соның ішінде экспортты қолдау шаралары қарастырылатынын атап өтті.

«Орта Азия нарықтарында біздің етке деген үлкен сұраныстың барын көріп отырмыз. Қытаймен ынтымақтастық ашылып жатыр, ал Түркия нарығы біз үшін сиыр етінің жоғары бағасына байланысты жайлы. Біз үшін басты міндет – сыртқы сұраныс ішкі бағаларға әсер етпесін...

Өнеркәсіп және құрылыс министрі Ерсайын Нағаспаев қызметтік көлік ретінде Kia K9 маркалы автомокөлігімен жүреді. Оның сөзінше, мемлекеттік қызметкерлер қандай көлікпен жұмысқа баратынын таңдай алмайды.

Үкіметте өткен брифингте министрге 1ведомствода қытайлық, Қазақстанда құрастырылған көліктер қолдана ма1 деген сұрақ қойылды.

«Бізге көліктерді Президент әкімшілігінің іс басқармасы береді. Яғни бізге бекітілген көліктер бар, менің көлігім – Kia K9. Қызметтік көлігім біреу ғана»,  – деді министр.

Журналистер министрліктің неге Chery, Changan, Haval және Tank сияқты Қазақстанда құрастырылған көліктерді сатып алып, оларды халық арасында насихаттамайтынын нақтылап сұрады.

«Бұл іс басқармасына қойылатын сұрақ. Әрине, отандық өндіріс әрдайым...

Ұлыбритания полициясы заңсыз еңбек мигранттарын елдегі порттарда шешіндіріп, олардың ауыз қуысын да тексере алады. Бұл туралы Kursiv.Media Reuters мәліметіне сүйене отырып хабарлады.

Полицияға қосымша құзырет берілетіні дүйсенбі, 1 желтоқсанда мәлім болды. Ұлыбритания ішкі істер министрлігі мұндай шараны ұлттық қауіпсіздікпен байланыстырды. Мигранттар барлау мәліметтерін смартфонмен, чиптермен сыртқа шығаруы мүмкін. Сол себепті полиция олардың киімін, сонымен бірге ауыз қуысын тексереді.

Биыл Ла-Манш арқылы заңсыз мигрант өткізу күшейген. Қылмыстық топтар азаматтарды арбау үшін әлеуметтік желілерді жиі қолданады.

Енді мигранттар көшін тоқтату мақсатында лейбористер үкіметі көші-қон саясатын нығайтып жатыр. Бұған дейін мобильді телефон іздеу мигрантты ұстау туралы шешім шыққаннан кейін...

Freedom Ticketon 27–30 қараша аралығында ең көп касса жинаған фильмдердің тізімін жариялады. Анимациялық «Аңдар шаһары 2» (Зверополис 2) фильмі Қазақстан прокатында рекорд орнатты. Картина алғашқы аптада 989 920 997 теңге жинады.

«Аңдар шаһары» кинотеатрларға шыққан көптеген туындыларды шаң қаптырды.

Екінші орында – екі аптадан бері көрсетіліп жатқан «№37» фильмі – 147 694 300 теңге жинаған. Үшінші орынға «Иллюзия обмана 3» жайғасып, үш апта ішінде 142 691 640 теңге табыс тапқан. Қазақстандық фильм «BAYGUYS» прокатқа шыққан алғашқы аптасында 91 904 800 теңге жинап, рейтингтің төртінші позициясына тұрақтады.

Бокс-офистің алғашқы ондығында «Ауыр», «Алло», «Жездуха Кореяда», «Злая. Часть...

Үкімет басшысы Олжас Бектенов бүгінгі жалпы отырыста мемлекет әлі де отандық фармацевтикалық өндірушілерді қолдайтынын мәлімдеді.

Премьер-министр отандық фармацевтика саласына қаржы тартуды ынталандыру мақсатында инвестициялар туралы келісімдер жасалып жатқанын, дәрілік заттар мен медициналық бұйымдарды өндіру бойынша 9 инвестициялық жоба қолға алынғанын айтты. Денсаулық сақтау министрлігіне мүдделі мемлекеттік органдармен бірге үш ай ішінде барлық ұйымдастыру жұмыстарын аяқтап, инвесторлармен келісімдердің жасалуын қамтамасыз етуді тапсырды.

«Дәрі-дәрмекке баға белгілеудің жаңа цифрлық жүйесі фармацевтикалық нарықтағы барлық қатысушылар үшін бірыңғай ережелерді бекітті. Биыл препараттарға бағаны төмендетудің арқасында мемлекет дәрілерді сатып алуда 36 млрд теңгеден астам қаржы үнемдеді. Бұл қаражат халықты қосымша дәрі-дәрмекпен қамтамасыз...

Екі жасар қыз бассейннен жыныстық инфекция жұқтырып алды. Оқиға Ресейдің Краснодар өлкесінде болған.

Shot Telegram-арнасының хабарлауынша, бүлдіршінге жеке бассейнде жыныс мүшелерінің саңырауқұлақ инфекциясы жұққан.

Қыздың анасы оны жүзуді үйренуі үшін «Облака сити» деп аталатын жеке бассейнге берген. Сегіз сабақтан кейін әйел қызының жыныс мүшелерінде бөртпе пайда болғанын байқап қалған.

Бастапқыда оны аллергия деп емдегенмен, ауру белгілері басылмаған. Кейін талдаулар қызда саңырауқұлақ бар екенін көрсеткен. Ауруды емдегеннен кейін қыздың дене қызуы көтеріліп кеткен. Дәрігерлер инфекцияның несеп-жыныс жолдарына дейін жеткенін, сондай-ақ иммунитеттің төмендеуінен боковирус пайда болғанын анықтады.

Қазіргі уақытта зардап шегуші үйде антибиотиктер және бүйрекке арналған препараттармен емделіп жатыр. Баланың талдаулары...

Елде тұрғын үй нарығына сұраныс күрт өскені байқалады. Бұл жағдайға құрылыс компанияларының әсері болуы мүмкін. Өнеркәсіп және құрылыс министрі Ерсайын Нағаспаев осылай деп мәлімдеді.

Үкімет кулуарында журналистер сарапшылардың баға өсімі туралы болжамын айтып, жыл соңына дейін баспана алған дұрыс па деп сұрады. Ерсайын Нығаспаевтың айтуынша, министрлік жекеменшік құрылыс компанияларына ықпал ете алмайды және нарықтағы сұраныс пен ұсыныс негізінде қалыптасатын бағаны реттемейді.

«Бағаны болжау – менің тарапымнан орынсыз болар еді. Қазіргі нарықтағы көріп отырғаным, белгілі бір деңгейдегі дүрлігу. Мұны, мүмкін, құрылыс компаниялары әдейі жасап отыр. Олар пәтерлерін тезірек сату үшін нарықта дүрлікпе сұраныс қалыптастыруы ықтимал...

Алдағы 7 жылда электр энергиясы тарифі өспеуі мүмкін. Энергетика министрлігі тарифті 2026–2032 жылдары 2025 жылғы деңгейде сақтауды ұсынады.

Министрлік арнайы бұйрық жобасын дайындап, оны «Ашық НҚА» порталында жариялады.

«…осы бұйрықпен 2026-2032 жылдарға арналған электр энергиясына шекті тарифтерді 2025 жылғы электр энергиясына шекті тарифтер деңгейінде бекіту көзделген», – делінген түсіндірме жазбада.

Бұл ретте, шекті тарифтерді на 2026-2032 жылдарға бекіту шекті тарифтердің 2025 жылғы деңгейінде бекітілуіне байланысты бірыңғай сатып алушының бағасына әсер етпейтінін атап өткен.

«Электр энергетикасы туралы» заңға сәйкес шекті тарифтер әр жеті жыл сайын бекітіледі. Қазірг...

Әлеуметтік желіде блогер Гүлнәр Оразалинаның ерекше қажеттілігі бар балалардың ата-аналарына бағытталған қорлайтын әрі әдепсіз сөздері түсірілген видео тарап кетті. Аталған жағдай анықталғаннан кейін, Астана қаласының полицейлері әкімшілік іс қозғады.

Полиция мәліметінше, видеоны жариялаған әйел ұсталып, бөлімшеге жеткізілген. Оған қатысты «ұсақ бұзақылық» бабы бойынша материалдар жинақталып, жақын күндері сотқа жіберілмек.

Ведомство өкілдері интернетте адамның ар-намысы мен қадір-қасиетін қорлайтын контент тарату заңмен жауапкершілікке әкелетінін ескертті.

«Мұндай құқықбұзушылықтар заң аясында қатаң тоқтатылады. Азаматтарды контент жариялау кезінде жауапкершілік танытуға, өзге адамдардың құқығы мен сезімін құрметтеуге, сондай-ақ қоғамдық мораль мен этика нормаларын сақтауға шақырамыз», – делінген хабарламада.

Бұған...

1 желтоқсанда қазақстандық медиа кеңістікте елеулі екі оқиға болды. Таңертең мәдениет және ақпарат министрі Аида Балаева премьер-министрдің орынбасары деп тағайындалды. Екі сағаттан кейін Orda.kz сайтының құрылтайшысы Гүлнәр Бажкеноваға қатысты қылмыстық іс қозғалғаны белгілі болды. Оның үйінде, редакция кеңсесінде тінту басталды. Кейбір журналистерді полиция тергеді. Ал кешке Бажкенова екі айға үйқамаққа алғаны жарияланды. Бұл тәуелсіз БАҚ-қа жасалған қысым ба? Қазақстандық медиа қандай реакция білдірді? Kursiv Media шолуында ұсынамыз.

«Жалған ақпарат таратты»

Гүлнәр Бажкеноваға қарсы қылмыстық іс қозғалғаны жайлы алдымен Алматы полиция департаменті хабар таратты. Құзырлы орган дерегінше, Orda.kz сайтында полиция қызметкеріне қатысты жалған...