Жаңалықтар

Alem лақап атымен танылған әнші Батырхан Мәліковтің кезекті туындысы жарық көрді. Жаңа ән «Kim» деп аталады.

Тректің продюсері Alem, сөзі мен әнін жазған Есбол Таспаев. Ән 7 қарашада ютуб парақшасына жүктелді. Тыңдармандар туындыны жылы қабылдады.

«Еуропалық стильде жазылыпты керемет»

«Өте керемет! Жүрегімді тебірентіп, елжіретіп әкетті»

«Әннің басы – Виктор Цойдың вайбы боп тұр»

«Әрқашан жоғары деңгейде», – деп жазылған пікірлер.

Осы жылы әншінің екі трегі қатарынан хитке айналды. Жыл басында «Күйім» әні көш басында болды. Осы уақытқа дейін бейнебаяны 20 млн қаралым жинаған. Ал сәуірде шыққан «Елестет» әнінің клипі 4.9 млн рет...

Өзбекстанда 41 жастағы Салим Рустамов Бюро қызметкерлерінің көз алдында жантүршігерлік қылмыс жасады.

Kun.uz ақпаратына қарағанда, ал HOWO жүк көлігімен бұрынғы жұбайын, қайынапасы және қайынатасын әдейі басып өткен. Қанды оқиға Навои облысының Тамды ауданында бұрынғы әйелінің отбасына тиесілі үйден оны күштеп шығару кезінде болған.

Іс материалдарына сәйкес, 41 жастағы Салим Рустамов сол аудандағы бір шаруа қожалығында жүргізуші болып істеген және HOWO маркалы жүк көлігімен малға су тасып жүрген.

Ол 2008 жылы Гулмира Эргашеваға үйленген. Алғашында Зарафшан қаласында тұрған ерлі-зайыптылар кейін Тамды ауданындағы Шарк қыстағындағы үйге көшкен. Бұл үй әйелі Гулмираның меншігі болған.

2021 жылдың сәуірінде ерлі-зайыптылар ресми түрде ажырасқан.

...

Алматыда Arizona State University-мен бірлескен халықаралық InnoTech университеті ашылады. Университетте инженерия, IT, кәсіпкерлік, жасанды интеллекті салалары оқытылады.

Ғылым және жоғары білім министрі АҚШ-қа сапары кезінде University of Innovation and Technology powered by Arizona State University (InnoTech) университетін елде ашу туралы келісімге қол қойған.

Оқу орнының басты ерекшелігі – екі диплом алу мүмкіндігі. Студент оқуды бітірген кезде қазақстандық үлгідегі және АҚШ-та мойындалған Arizona State University дипломын алып шығады.

Бакалавриат және магистратура бойынша алғашқы білім беру бағдарламасы 2026 жылы іске қосылады. Қазір Алматыда заманауи қалалық кампус дайындау жұмыстары жүргізіліп жатыр. Ол оқу, зерттеу және стартап-жобаларға арналған инновациялық кеңістікке айналмақ.

Бұған...

Қазақстандық кәсіпкерлер АҚШ-та екі жаңа жобаны жүзеге асыруды жоспарлап отыр. 1Thirty Holding компаниясы құны 130 млн доллар болатын химиялық кешен құрылысын ұсынды. Жоба аясында ұнтақ жабындары мен полиэфирлі шайыр өндіретін заманауи кәсіпорын салынбақ.

Сыртқы істер министрлігінң хабарлауынша, бұл АҚШ-тағы Қазақстанның алғашқы өнеркәсіп-инвестициялық жобасы болады.

Ашық дереккөздерге сәйкес, 1Thirty Holding Қазақстандағы толық циклді AsiaColor бояу зауыты және Біріккен Араб Әмірліктеріндегі өнеркәсіптік өндіріс жобасы – Qemtex компаниясын басқарады.

Сонымен қатар ABR компаниясы АҚШ аумағында AUYL мейрамханалар желісін ашуды көздеп отыр.

Аталмыш келісімдер Президент Қасым-Жомарт Тоқаевтың АҚШ-қа ресми сапары аясында жасалды Вашингтонда Орталық Азия елдері мен АҚШ компанияларының қатысуымен «C5+1» іскерлік конференциясы...

Дүниежүзілік метеорологиялық ұйымның (ДМҰ) мәліметінше, биылғы жыл тарихтағы ең ыстық үш жылдың бірі болмақ.

2025 жылы Жер тағы да температуралық рекордтарды жаңартып жатыр. 2015 жыл мен осы жыл соңғы 176 жыл ішіндегі ең жылы кезең ретінде тіркелді.

Температура

2025 жылдың қаңтар-тамыз айларында Жер бетінің орташа температурасы индустрияға дейінгі кезеңнен 1,42°C жоғары болды. Бұл 2024 жылмен салыстырғанда сәл төмен болды. Алайда жалпы жылу бәсеңдеген жоқ.

2023 жылдың маусымынан 2025 жылдың тамызына дейінгі аралықта (2025 жылғы ақпанды қоспағанда) әр айда температуралық рекорд тіркелді. Ғалымдар мұны табиғи циклдермен қатар адам әрекеттерінен туындаған факторлармен байланыстырады.

Мұхиттар мен теңіз деңгейі

Парниктік...

АҚШ үкіметі мен Eli Lilly және Novo Nordisk компаниялары көпшілік арасында танымал препараттардың бағасын түсіру туралы келісімге келді. Бұл Medicare және Medicaid мемлекеттік бағдарламаларының аясында жүзеге асты.

Келісімге сәйкес, әйгілі Ozempic, Wegovy, Mounjaro және Zepbound препараттарының бағасы айына 250 долларға дейін төмендейді. Бұған дейін бұл препараттар 500-1000 доллар аралығында сатылатын.

Қазір АҚШ-тағы науқастар рецепт бойынша берілетін дәрілерге әлемдегі ең жоғары баға төлейді, тіпті кейде дамыған елдерге қарағанда шамамен үш есе көп. Осыған байланысты Дональд Трамп дәрі өндіруші компанияларға, соның ішінде Lilly мен Novo-ға, дәрі бағасын басқа елдер деңгейіне дейін төмендету жөнінде қысым жасап отыр.

Тізімдегі Ozempic препараты Қазақстанда да қолданылады. Оны...

Қазақстанда Ұлттық бірыңғай тестілеу мазмұны жаңартылады. Ғылым және жоғары білім министрлігі мен білімді бағалау саласындағы халықаралық ұйым ETS (Educational Testing Service) стратегиялық әріптестік орнатты.

Енді жаңа формат тек академиялық білімді емес, сонымен қатар тұрмыс пен кәсіби қызметте қажет дағдыларды да бағалайтын болады.

Негізгі өзгерістер:

Әлемнің бай адамдары үшін Дубайдан артық қолайлы қала жоқ. Savills ірі 30 шаһардың рейтингін жариялап, Біріккен Араб Әмірліктеріндегі қалаға осындай сипаттама берді. Мегаполис Нью-Йорктің өзін басып озды.

Әмірлік дәулетті адамдарды өзіне тартып жатыр. Дубайда салық жеңілдіктері көп. Жылжымайтын мүлік нарығын зерттеумен айналысатын Savills қала қауіпсіздігіне, инфрақұрылымның даму деңгейіне назар аударған.

Мегаполиске адамдар көптеп көшіп келіп жатқандықтан, халықаралық мектептерде кезекте тұрғандар жетерлік. Дубайда білім беру мекемелері көп.

Рейтингте Нью-Йорк екінші орында қалды. Ал үшінші орында Сингапур тұр. Одан кейінгі орындарға Гонконг пен Абу-Даби қалалары орналасты. Отыз шаһардың ішінде ТМД елдеріндегі қалалар жоқ.

2024 жылы әлемде миллионерлер саны 680 мыңға...

«Қазақстан темір жолы» АҚ бір жай акциясын 385 млн теңгеге биржаға шығарды. ҚТЖ-ның жалғыз акционері – «Самұрық-Қазына» қоры осы акцияларды басым құқықпен сатып алып, жарғылық капиталын арттырады.

10 акция орналастырылатынын компания Қаржы есептілігі депозитарийінде жариялады. Акциялар саудаға директорлар кеңесінің шешімімен шыққан.

«ҚТЖ жалғыз акционерінің акцияларды басымдықпен сатып алу құқығын іске асыру жолымен бір жай акция үшін 385 505 300 теңге орналастыру бағасы бойынша жарияланған акциялар саны шегінде 10 жай акцияны орналастырсын», – делінген хабарламада.

Бұған дейін «Қазақстан темір жолы» ұлттық компаниясы (ҚТЖ) 2026 жылдың екінші жартысында қосарланған IPO өткізуді қарастырып отырғаны...

Қытайда 2026 жылы нарыққа шығатын жаңартылған Zeekr X кроссовері таныстырылды. Автокөлік үш түрлі жинақтамада ұсынылған, бағасы 155 800-ден 175 800 юаньға дейін (11,1–12,6 млн теңге аралығында).

Zeekr X – бұл 2023 жылдан бастап шығарылып келе жатқан шағын кроссовер. Автокөлік Zeekr брендіне тән корпоративтік стильде жасалған. 2026 жылғы нұсқасы да сыртқы келбеті жағынан бұрынғы базалық модельден айтарлықтай ерекшеленбейді. Тек шанақтың ашық жасыл жаңа түсі пайда болды.

Габариттері: ұзындығы – 4 450 мм, ені – 1 836 мм, биіктігі – 1 572 мм. Доңғалақ базасы – 2 750 мм.

Жаңа Zeekr X салоны

Салонында да біраз өзгерістер бар...

Қазақстандықтар Тәуелсіздік күніне орай желтоқсанда қосымша бір күн демалады. Биыл 16 желтоқсан сейсенбіге түсіп тұр.

Аптасына 5 күн жұмыс істейтіндер желтоқсанда 9 күн демалып, 22 күн жұмысқа барады. Ал аптасына 6 күн жұмыс істейтіндер 5 күн демалады.

Айта кетейік, Тәуелсіздік күні елде мемлекеттік мереке ретінде тойланады.

Желтоқсандағы кәсіби мерекелер

Желтоқсанда бірнеше кәсіби мереке бар. Бұл күндері демалыс берілмейді. Олар:

5 желтоқсан – адвокатура күні

6 желтоқсан – прокуратура күні

20 желтоқсан – Мемлекеттік фельдъегерлік қызметі күні

Желтоқсанның үшінші жексенбісі (21 желтоқсан) – Энергетиктер күні

22 желтоқсан – архив қызметкерлері күні.

`Тәуелсіздік күнінің тарихы

...

Қыркүйекте еуро және рубльмен биржадан тыс жасалған операциялар көлемі айтарлықтай өсіп, доллармен жасалған мәмілелер аздап қысқарды. Бұл туралы Ұлттық банктің 2025 жылғы қыркүйек айына арналған деректерінде көрсетілген.

Биржадан тыс валюталық операциялар – бұл валюта айырбасы тікелей екі тарап арасында жүргізілетін, яғни биржа алаңынан тыс өтетін мәмілелер. Мұндай операциялар көбіне банктер мен ірі қаржы ұйымдары арасында жасалады.

Қыркүйекте АҚШ долларымен банкаралық операциялар көлемі 7,7 млрд долларды құрап, тамыздағы 7,9 млрд доллармен салыстырғанда аздап төмендеді. Доллардың орташа бағамы 541,54-тен 542,54 теңгеге дейін өсті.

Резидент-банктер арасындағы мәмілелер көлемі 2,5-тен 1,7 млрд долларға дейін азайғанымен, бейрезиденттердің қатысуымен жасалған...

Атырау облысында тағы бір ауыл ішімдіктен бас тартты. Махамбет ауданына қарасты Еңбекшіл ауылында 47 үйде 272 адам тұрады. Бұл туралы ІІМ хабарлады.

Министрлік мәліметінше, ұрпақ болашағын ойлаған ауылдар өзгелерге үлгі болып отыр. Шағын ғана ауыл болғанымен, Еңбекшілде бірлік пен татулықтың, өзара сыйластықтың үлгісі байқалады. Ауылда бір мектеп, медициналық пункт және күнделікті тұрмысқа қажетті тауарларды ұсынатын жалғыз дүкен жұмыс істейді.

«Биыл ауыл тұрғындары өзара келісе отырып, ішімдік сатуға да, ішуге де толықтай тыйым салу туралы шешім қабылдады. Қазір ауылға келсеңіз, тыныштық орнаған, адамдардың ой-санасы өзгеріп келеді. Ішімдіксіз өмірдің де сәні мен мәні бар екенін...

Қазақстаннан ұшқан алғашқы ғарыш турисі Дана Қарағұсова сапарын үш жыл күткен. Ол жайлы Forbes Kazakhstan-ға берген сұхбатында айтып берді.

8 қазанда Дана Қарағұсова америкалық Blue Origin ұйымдастырған New Shepard кемесімен суборбиталық ұшуға шықты. Бірақ бұл құрамға іліну үшін тоқтаусыз үш жыл хат жазған екен.

«Оған дейін басқа екі компанияға тұрақты түрде хат жазып тұрдым, бірақ маған жауап бермеді. Өзіме күнтізбеге ескертпе қойып, айына бір рет оларға хат жазатынмын. Қызық, маған ешкім жауап бермейтін. Тіпті менің хатымды алды ма, жоқ па – оны да білмедім», – дейді ол.

Қарағұсоваға Blue Origin тек үш жылдан...

Оқу-ағарту министрі Жұлдыз Сүлейменова білім беру саласындағы өзекті мәселелерге арналған республикалық кеңесте «Мақсатты мектеп» жобасының тоқтатылғанын мәлімдеді.

Министр елімізде балалар үшін қауіпсіз және қолайлы оқу ортасын қалыптастыру бағытында ауқымды жұмыстар атқарылып жатқанын айтқан.

«Сондай-ақ, білім беру ұйымдарындағы сапа мәселесіне тоқталған министр «Мақсатты мектеп» жобасының тоқтатылғанын мәлімдеді. Биылғы оқу жылының алғашқы тоқсанының аяқталғанына қарамастан, білім беру ұйымдарына әлі күнге дейін басшы тағайындамаған өңірлер де бар. Жұлдыз Сүлейменова шалғайдағы ауылдарға кадр тарту мәселесін жергілікті атқарушы органдармен бірлесіп тиімді шешу жолдарын қарастыруды тапсырды», – делінген министрлік хабарламасында.

Сонымен қатар педагогтерге қамқорлық таныту, құқықтарын қорғау мақсатында Мемлекет...

Bek Air ұшағы апатына кінәлі деп танылған марқұм ұшқыш Миржан Молдақұловтың отбасы сот үкіміне апелляциялық шағым түсіреді. Бұл туралы марқұмның қызы Алина Молдақұл Kursiv.Media тілшісіне айтты.

Сот үкімі

2025 жылдың қарашасында Марқұм екі ұшқыш Марат Мұратбаев пен Миржан Молдақұлов 12 адам қайтыс болған апатқа кінәлі деп танылды.

Оларға қылмыстық кодекстің 344-бабы 3-бөлігінде көрсетілген қылмыстық құқық бұзушылықты жасады деген айып тағылған. 

Марқұмның отбасы не дейді?

Алина Молдақұл үкім осылай тез шығады деп ойламағанын айтты. Сөзінше, қорғау тарапы соттың зерттеуіне көп материал ұсынған. Құжаттар ұшқыштардың ұшақты қондыруға тырысқанын көрсетеді.

«Айыптау тарапы ұшқыштар ұшақ қанатына мұз қатуға қарсы...

Мөлдір Мұқанова шындығын айтарда Тұрсынбек Қабатовтың алдынан өткенін жеткізді. Ашық сұхбат бергеніне өкінбейтінін алға тартты.

NTK арнасына берген сұхбатында продюсер тек тағдыры туралы сөз еткенін айтты.

«Мен тек өз басымнан өткен жағдайды ғана айтып өттім. Еркектерге қарсы шықсын, әйелдер мен еркектер екіге бөлінсін деген арам ниетім болған жоқ. Ондай ойдан аулақпын», – деді Мөлдір Мұқанова.

Сонымен қатар Тұрсынбек Қабатовтың бұрынғы әйелі «касса жинау үшін мұндай қадамға барды» деген пікірлерді де жоққа шығарды.

«Мен өмірде хайп, хейт деген нәрселерді жек көремін. Тіпті, ондай нәрселерден шаршағанмын. Отбасылық дүниені «касса жинасын» немесе «халықты...

ChatGPT әзірлеушісі – OpenAI, Тимур Турлов жетекшілік ететін Freedom Holding Corp. компаниясы мен Қазақстан үкіметі Вашингтонда стратегиялық келісімге қол қойды.

Құжатқа сәйкес, Қазақстандағы 165 мың мұғалім жеке деректердің құпиялығы мен басқару тетіктері күшейтілген арнайы білім беру нұсқасы – ChatGPT Edu платформасына қол жеткізеді. Бұл туралы Freedom Holding Corp. баспасөз қызметі хабарлады.

Келісімнің арқасында Қазақстан бүкіл білім беру жүйесі деңгейінде мектептен бастап университетке дейін ChatGPT Edu енгізетін әлемдегі алғашқы елдердің бірі болмақ.

Келісім аясында бастаманы Freedom Holding Corp. қаржыландырады, OpenAI ChatGPT Edu платформасын ұсынып, қазақ пен орыс тілдеріндегі жергілікті қолдауды жүзеге асырады, ал Қазақстан үкіметі жобаны мемлекеттік органдар мен білім...

2025 жылғы 1 қазанындағы жағдай бойынша Қазақстанның банк секторында 23 екінші деңгейлі банк жұмыс істейді. Олардың 15-і шетелдік үлесі бар банктер, оның ішінде 10-ы еншілес банктер.

Ranking жазуынша, осы күні екінші деңгейлі банктердегі жалпы депозит көлемі рекордтық 45,7 трлн теңгеге жетіп, бір айда 2,2%-ға артқан. Өсім негізінен елдің ең ірі банктері есебінен қамтамасыз етілген: алғашқы он қаржы институты бүкіл сектордың депозиттік базасының 90%-ын құрайды.

ForteBank депозит көлемін ең жоғары деңгейде ұлғайтқан банк атанды. Онда депозит 7,8%-ға өсіп, 3,4 трлн теңгеге жетті. Банк жеке тұлғаларға бірнеше түрдегі салым ұсынады:

«ҚазТранОйл» (ҚТО) директорлар кеңесіне жаңадан қосылған Дастан Абдулғафаровқа 24 млн теңге сыйақы белгіленді. Бұған қоса, ол әрбір отырысқа қатысқаны үшін қосымша 240 мың теңге алып отырады.

Компания акционерлерінің жалпы жиналысында қабылданған шешім Қазақстан қор биржасында (KASE) жарияланды.

Қазір ҚТО-ның директорлар кеңесінің құрамында алты адам бар. Олар:

Осыған дейін директорлар кеңесі бес адамнан тұратын. Енді оған Дастан Абдулғапаров қосылып отыр. Осылайша компания топ-менеджерлері ғана емес, оларға төленетін сыйақы көлемі де артты.

Бұған дейін Kursiv.Media ҚТО 2024 жылы топ-менеджерлерге жарты млрд теңгеге жуық сыйақы төлегенін жазған...

Ұлттық статистика бюросы Қазақстан халқының саны туралы ақпаратты жариялады. Елдегі халық саны 20 млн 445 мың адамнан асты. 

Бюро ұсынған мәліметке сенсек, жыл басынан бері халық саны 161 832 адамға артқан. Оның ішінде көші-қон есебінен – 10 200 адам келсе, табиғи өсім – 151 632 адамды құрап отыр.

Қала мен ауыл халқының үлесі

Қала халқы 12,75 миллионға жеткен. Ал ауыл халқы болса, әдеттегідей азайып келеді, бүгінде елдемекендерде 7,470 млн адам тұрады.

Әйелдер үлесі басым

Ал елдегі ер адамдардың үлесі 9 млн 993 мыңнан асса, әйелдердің үлесі 10 млн 452 мың 452 -ні құрайды.

Қазіргі таңда жеті өңірде...

Мәжіліс депутаты Бақытжан Базарбектің әйелі Адель Әділова Астанадан берілген қызметтік пәтеріне рум-тур жасап, видео жариялады.

Депутат тұратын тұрғын үй кешені 2004 жылы салынған. Ал қызметтік пәтерде 2023 жылдан бері тұрады. Терезесі Мәңгілік ел даңғылына қарайды, Мәжіліс ғимараты көрінеді.

Видео қонақ бөлмесінен басталады. Онда диван, ыдыс-аяқ жинайтын үлкен шкаф, тумбалар тұр. Сөрелердің біріне Бақытжан Базарбектің наградалары жиналған. Байқағандай, пәтерді люкс-санаттан деп айтуға келмейді. Тіпті бір тумбаның есігі сынып қалған.

Одан әрі ас бөлмесі мен жатын бөлмесін көрсетеді. Екеуі де қарапайым жиһаздармен жабдықталған.

«Көргендеріңіздей, жиһаздар ескілеу. Біз осы арқылы Қазақстандағы мемлекеттік қызметкердің қалай тұратынын көрсеткіміз келд...

Парламент депутаттығына үміткер ер адамға балтамен шабуыл жасап, қолын шаппақ болған. Бұл туралы қала ІІБ баспасөз қызметі хабарлады.

24 kg ақпаратына қарағанда, Бішкекте ер адамға балтамен шабуыл жасағаннан кейін Жогорку Кенеш депутаттығына кандидат ұсталды.

Мәліметке сүйенсек, 6 қараша күні шамамен сағат 17:34-те Ленин аудандық ІІБ кезекші бөліміне Ұлттық госпитальдің микрохирургия бөлімінен 35 жастағы азаматтың жапа шеккені туралы хабар түскен. Оның сол қолының екінші саусағы балтамен шабылған. Сүйегі сынғаны анықталды.

Жәбірленуші полицияға жазбаша арыз түсірген. Ол 6 қараша күні шамамен сағат 13:30-да Бішкектегі Асаналиев көшесіндегі үйлердің бірінде жанжал болғанын айтқан. ІІБ мәліметінше, 43 жастағы үй иесі әйелінің басқа ер адаммен...

Шымкентте мемлекеттік қызметшіден 10 млн теңге бопсалады деген күдікпен блогер-журналист ұсталды. Бұл туралы қалалық полиция департаменті хабарлады.

Полиция хабарламасында күдікті қайда жұмыс істейтіні айтылмаған.

«Полиция қызметкерлері жедел-іздестіру іс-шаралары барысында лауазымды тұлғадан ақша бопсалаған блогер-журналисті ұстады» делінген полиция хабарламасында.

Полиция күдікті әкімдік қызметкерінен 10 млн теңге көлемінде ақша талап еткенін жазды. Ол бұл сомаға әлеуметтік желілерде мемлекеттік органдардың қызметін қаралайтын материалдарды таратпауға уәде берген.

«Аталған жайт бойынша қылмыстық іс қозғалды. Тергеу аясында күдіктінің тұрғылықты жері мен кеңсесінде тінту жүргізіліп, нәтижесінде электрондық құрылғылар мен өзге де заттай айғақтар тәркіленді» деп жазды департамент.