Жаңалықтар

Бүгін 14 қазан күні Алматыда өткен баспасөз конференциясында Freedom Ticketon компаниясының коммуникациялар жөніндегі директоры Азамат Атагелдиев UEFA Чемпиондар лигасының топтық кезеңіндегі «Қайрат» – «Пафос» матчы алдындағы дайындық туралы айтып берді.

Атагелдиевтің айтуынша, билеттердің бағасын «Қайрат» футбол клубы өзі белгілейді. Ticketon тек ресми оператор қызметін атқарады, яғни билеттердің техникалық сатылым жүйесін қамтамасыз етеді.

Баға саясаты клубтың құзыретінде. Матч деңгейі мен сұраныстың жоғары болуына байланысты клуб бағаны өз стратегиясына сай қояды.

Алыпсатарлардан қорғау

Бұған дейін кей матчтарда билеттер жаппай қайта сатылғандықтан, бұл жолы Freedom SuperApp және Kairat SuperApp мобильді қосымшалары арқылы сатылым жүргізу туралы шешім қабылдады. Бұл жүйе бір адамны...

Жеңілдетілген декларация негізіндегі арнайы салық режиміне арналған «тыйым салынған қызмет түрлерінің тізімі» бойынша онлайн-талқылау мерзімі 16 қазанға дейін ұзартылды.

Ұлттық экономика вице-министрі Азамат Әмрин бүгін Үкіметтің баспасөз орталығында мерзімді ұзартуға ұсыныстар мен ескертулердің көп түсуі себеп болғанын айтты.

«Талқылау мерзімі 16-сына дейін ұзартылды – бұл Әділет министрлігінің шешімі. Себебі өте көп ұсыныс пен пікірлер келіп түсті. Менің білуімше, бүгінгі күнге дейін 800-ден астам ұсыныс пен ескерту жолданған. Сондықтан 16-сына дейін талқылау жалғасады. Біз әр ұсыныс пен ескертудің барлығына жеке жауап жазамыз», – деді Азамат Әмрин.

Вице-министрдің айтуынша, қазір «Атамекен» ұлттық кәсіпкерлер палатасымен бірлесіп, жекелеген ОКЭД...

Астанаға Дүниежүзілік допингке қарсы агенттіктің (WADA) президенті Витольд Банька бастаған делегация келді. Қонақтарды Туризм және спорт министрі Ербол Мырзабосынов пен Қазақстанның Ұлттық допингке қарсы орталығының директоры Майра Бақашева қарсы алды.

Сапар барысында делегация спорт федерациялары мен Олимпиада комитетінің өкілдерімен, спортшылар мен студенттермен кездесіп, елордадағы спорт нысандарын аралайды. Негізгі мақсат – Қазақстандағы допингке қарсы саясат мәселелерін талқылау.

WADA – спорттағы допингке қарсы күресті үйлестіретін тәуелсіз ұйым, оның басты міндеті – допингке қарсы күресті насихаттау, үйлестіру және бақылау. Ұйым әлем бойынша допингке қарсы зерттеулер мен бақылау жұмыстарын жүргізеді, сонымен қатар зертханаларды аккредиттеп, ғылыми талдаулардың сапасын бақылап отырады.

Допинг дауы Қазақстанды да...

Елдегі университеттер жасанды интеллект (ЖИ) саласында маман даярлау және зерттеу жүргізу үшін қуатты суперкомпьютер желісіне қол жеткізеді. Бұл туралы Ғылым және жоғары білім вице-министрі Динара Щеглова мәлімдеді.

Оның айтуынша, елдегі жетекші университеттер ЖИ-ге арналған инфрақұрылымды белсенді түрде дамытып жатыр. Арнайы орталықтар мен зертханалар құрылып, бейінді кафедралар ашылуда.

«Сондай-ақ ҚазҰУ, ЕҰУ, Сәтбаев университеті және Назарбаев Университеті базасында суперкомпьютерлік академиялық кластер қалыптасып жатыр. Болашақта бұл қуаттар біріктіріліп, еліміздің барлық өңірлеріндегі жоғары оқу орындарына ортақ қолжетімді желіге айналады», – деді ол.

Осыған дейін Қасым-Жомарт Тоқаев жасанды интеллект (ЖИ) саласында маман даярлайтын мамандандырылған зерттеу университетін құруды тапсырған болатын. Университетке ерекше мәртебе берілед...

Қасым-Жомарт Тоқаев Конституцияның 40-қа жуық бабына өзгерістер енгізілетінін жариялады.

«Мемлекет басшысы ретінде мен үшін Парламент – еліміздегі саяси жүйенің негізгі тірегі. Сондықтан алдымен Конституцияға бірқатар өзгеріс енгізу қажет болады», – деді Президент.

Мемлекет басшысының айтуынша, бұл өзгерістер Ата заңның шамамен 40 бабын қамтиды. Осыдан кейін кемінде 10 конституциялық заң мен 50-ден астам кодекс пен заңға тиісті түзетулер енгізілуі керек.

«Мұны жаңа Конституция қабылдаумен тең келетін іс деуге болады», – деді Тоқаев.

Оның айтуынша, мұндай ауқымды жұмысты бір сәтте орындау мүмкін емес, сондықтан оған мұқият дайындық қажет.

Сондай-ақ Тоқаев Қазақстанда электронды парламент...

Алексей Цой Президенттің кеңесшісі лауазымына тағайындалды. Бұл туралы Ақорда хабарлады.

«Мемлекет басшысының өкімімен Алексей Владимирович Цой Қазақстан Республикасы Президентінің әлеуметтік мәселелер жөніндегі кеңесшісі лауазымына тағайындалды, – делінген Ақорда хабарламасында.

Алексей Цой 1977 жылы Шымкент қаласында дүниеге келген.

2001 жылы Оңтүстік Қазақстан мемлекеттік медициналық академиясын бітіріп, дәрігер мамандығын алған. 2007 жылы «Дәнекер» халықаралық құқық және халықаралық бизнес институтының заң факультетін тәмамдап, заңгер мамандығын иеленген.

Еңбек жолын ҚР Денсаулық сақтау министрлігінің «Ұлттық ғылыми медициналық орталығында» хирург-эндоскопист болып бастады.

«GlaxoSmithKline» фармацевтикалық компаниясының Астана қаласы бойынша аймақтық даму менеджері қызметін атқарды.

2007 жылдан бастап Президент Іс басқармасы жүйесіндег...

Бұқтырма су қоймасы арқылы өтетін көпір құрылысына жауапты «ОблШығысЖол» компаниясы 2023 жылы 220 млн теңге, ал 2024 жылы 2,7 млрд теңге пайда тапты. Соның арқасында Мәжіліс депутатының әйелі мен мәслихат депутаты басқаратын компания кірісі бірден 12,1 есеге артты. Бұл туралы оның қаржы есебінде айтылған.

Мәслихат депутаты мен депутаттың әйелі

«ОблШығысЖол» компаниясы Шығыс Қазақстан облысында тіркелген. Оның жалғыз қожайыны – «Элхон» ЖШС. Ал оның иелері Жанболат Қазанов пен Сәуле Тумашинова.

Жанболат Қазанов – Шығыс Қазақстан облыстық мәслихатының депутаты. Ол биыл тамызда көлік саласының дамуына қосқан үлесі үшін президент Қасым-Жомарт Тоқаевтың қолынан екінші дәрежелі «Барыс» орденін алған.

Ал Сәуле...

Үкімет басшысы Олжас Бектенов экономиканың тұрақты өсімі үшін барлық мемлекеттік орган мен әкімдік, бизнес қауымдастық жанын салып жұмыс істеп, бар күш-жігерін жұмылдыруға тиіс деп тапсырма берді.

Бектеновтің сөзінше, биылғы 9 айдың қорытындысы бойынша  жалпы ішкі өнімнің өсімі 6,3%-ды құрап отыр. Дегенмен экономиканың орнықты өсуі үшін бірқатар бағыттарда оның ішінде өнеркәсіп, құрылыс, сауда  және көлік сияқты негізгі салаларда  өсу қарқынын одан әрі арттыра түсу керек.

«Өңдеу өнеркәсібіндегі ахуал  басты назарда болуға тиіс. Жылдың жоспарлы көрсеткіштеріне қол жеткізу үшін барлық резервтерді пайдалану қажет. Қабылданып жатқан шараларды іске асыру  және сол арқылы экономикалық өсу көрсеткіштеріне қол жеткізу  жергілікті жерлерде қамтамасыз...

Қасым-Жомарт Тоқаев Парламентті бір палаталы жүйеге көшіру реформасы, Сенатты тарату деген сөз еместігін тағы да еске салды.

«Парламентті реформалау бұл – Сенатты тарату деген сөз емес. Мұндай қате пікірге жол беруге болмайды. Біздің алдымызда тұрған мақсат – айқын. Біз өкілді билік тармағын түбегейлі жаңғыртуымыз керек. Осылайша, азаматтарымыздың мүдделері мен тілек-ниетін білдіретін заң шығарушы орган мүлде жаңа сипатқа ие болады»,– деді Президент Парламент реформасы жөніндегі жұмыс тобының отырысында.

Тоқаев парламенттік реформа «Күшті Президент – ықпалды Парламент – есеп беретін Үкімет» саяси формуласына толық сай келетінін атап өтті. Сонымен қатар соңғы жылдары Мәжілістің өкілеттігі кеңейгенін де еске салды.

Қазақстан жыл басынан бері 60,5 млн тонна мұнай экспорттады. Бұл туралы Үкімет отырысында Қазақстанның Энергетика министрі Ерлан Ақкенженов айтты.

Министрдің сөзінше, есепті кезеңде елде 75,7 млн тонна мұнай және газ конденсаты өндірілген, бұл өткен жылдың сәйкес кезеңімен салыстырғанда 13,2%-ға артық. Жылдық жоспар – 96,2 млн тонна.

«9 айдың қорытындысы бойынша мұнай экспорты 60,5  млн тонна немесе өткен жылдың сәйкес кезеңіне 114,9% құрады. 2025 жылғы жоспар – 70,5  млн тонна»,  – дейді министр.

Ақкенженовтың айтуынша, сұйытылған мұнай газын өндіру көлемі шамамен 2,3 млн тонна болған. Бұл өткен жылдың сәйкес кезеңіне 101,1%.

Президент Қасым-Жомарт Тоқаев электронды парламент (e-Parlament) алдағы уақытта мемлекеттік жүйенің маңызды бөлігіне айналуы мүмкін екенін мәлімдеді. Оның айтуынша, бүгінде бірқатар елде азаматтардың саяси өмірге қатысуының және заң шығару процесінің тиімділігін арттырудың жаңа формалары сынақтан өтуде.

«Келешекте бұл үрдіс күшейе түспек. Сондықтан біз де осы бағытқа саналы түрде күш саламыз. Алдағы уақытта e-Parlament қазіргі электрондық үкімет – e-Gov сияқты сұранысқа ие құралға айналуы мүмкін», – деді Тоқаев Парламенттік реформалар жөніндегі жұмыс тобының алғашқы отырысында.

Мемлекет басшысы сондай-ақ, бір палаталы парламентке көшу жаңа технологияларға бейімделуге және шешім қабылдау үдерісін жеделдетуге мүмкіндік беретінін атап өтті.

«Сол...

Бүгін Үкімет отырысында 2025 жылғы қаңтар–қыркүйек айларындағы әлеуметтік-экономикалық даму қорытындылары мен республикалық бюджеттің атқарылуы қаралды.

Ұлттық экономика бірінші вице-министрі Азамат Әмриннің айтуынша, еліміздің үш облысында өндіріс көлемі азайған.

«Өңдеу өнеркәсібіндегі өндіріс 6,2%-ға өсті. Алайда қаңтар–тамыз айларымен салыстырғанда өсім қарқыны 0,3 пайыздық тармаққа баяулады. Өсу 17 өңірде тіркелді. Ең жоғары өсім Батыс Қазақстан, Солтүстік Қазақстан және Жамбыл облыстарында, сондай-ақ Шымкент пен Алматы қалаларында байқалды. Ал өндірістің төмендеуі Шығыс Қазақстан, Ұлытау және Ақмола облыстарында тіркелді»,  – деді Әмрин.

Салық кодексі күшіне енген соң 300 мың бизнес жабылады. Бұл туралы Ұлттық экономика вице-министрі Азамат Әмрин айтты.

«Бірқатар бизнес жабылатынын біз бірден айтқанмыз. Негізінен бизнесін шағын кәсіпке бөлгендер жабылады. Өйткені енді кәсіпті бөлуге еш заңды негіз қалмайды. Салық органдарына тапсыратын есептен кім-кімге не сатып жатыр, не экспорттап, тұтынушыға не жеткізіп жатыр – соның бәрін көрдік», – деді вице-министр.

Бұрын айналымы 83 млн теңгеге жеткен соң, жаңа серіктікті тіркейтін. Енді олай істеудің қажеті жоқ. Вице-министрдің айтуынша, 300 мыңға жуық компания жабылмақ.

2026 жылғы 1 қаңтарда жаңа Салық кодексі күшіне енеді. Жаңа жылдан бастап барлық дерлік...

2025 жылдың қаңтар–қыркүйек айларында елдегі сауда айналымы 52,8 трлн теңгеге жетті. Бұл – өткен жылдың осы кезеңімен салыстырғанда 14,5%-ға жоғары көрсеткіш деп хабарлайды және интеграция министрлігінен

Сауда өсіміне ең көп үлес қосқан өңірлер – Алматы, Астана, Шымкент қалалары, сондай-ақ Атырау мен Қарағанды облыстары. Осы бес өңірдің үлесіне елдегі жалпы сауда көлемінің 71,3%-ы (37,6 трлн теңге) тиесілі.

Сала құрылымында көтерме сауда үлесі 66,4%, оның көлемі 35 трлн теңгеден асты, ал бөлшек сауда айналымы 17,5 трлн теңгеге жетіп, 2,6 трлн теңгеге артты.

Электронды сауда негізгі драйверлердің бірі болып отыр. Онлайн сатылым көлемі 2,7 трлн теңге, бұл былтырғыдан 14%-ға көп.

Министрліктің мәліметінше, сауда...

9-11 қазан аралығында әлемдік және жергілікті көшбасшылар бизнес, технология мен мәдениет болашағы туралы сөйлескен, ал сахна сыртында нақты келісімдер жасалған ісшара — New Vision Forum 2025 өтті. 

Барлығы — 20+ елден 5000+ қатысушы, 50+ компания-экспонент, ондаған сессиялар, воркшоптар мен питчтер. 

Форумның ресми ашылуы аясында Алматы қаласының әкімі Дархан Сатыбалды ісшараның негізгі спикерлерінің бірі — Priceline.com/Booking.com, uBid.com компанияларының негізін қалаушы, инвестор және жаһандық кәсіпкер Джефф Хоффманмен кездесті. 

Әңгіме барысында тараптар Қазақстанда кәсіпкерлікті дамыту және Алматыны өңірлік бизнес-хаб ретінде қалыптастыру мәселелерін талқылады. Сөз бизнес ауқымын кеңейту мен халықаралық нарықтарға шығу, компаниялардың өсуін жеделдету үшін заманауи технологияларды енгізу, жаңа буын кәсіпкерлерінде көшбасшылық қасиеттерд...

Қазақстанда экономикалық өсімге негізінен өнеркәсіп, сауда және көлік қызметтері үлес қосты. Бұл туралы ҚР Ұлттық экономика бірінші вице-министрі Әлібек Әмрин мәлімдеді.

Оның айтуынша, негізгі капиталға салынған инвестициялар 13,5%-ға өсіп, 13,8 трлн теңгеге жеткен. Соның ішінде жеке инвестициялар 7,8%-ға артқан.

Салалар бойынша:

Ең жоғары инвестициялық өсім Ақмола, Жамбыл, Ақтөбе және Павлодар облыстарында, сондай-ақ Астана қаласында тіркелді. Ал инвестициялар төмендеген өңір – Атырау облысы.

Бұдан бөлек, сыртқы сауда айналымы ағымдағы жылдың қаңтар–тамыз айларында 90,1 млрд долларды құрады.

Қаржы вице-министрі Ержан Біржанов қоғамдық көлік жолақысын 500 теңгеге дейін қымбаттату туралы пікірге қатысты түсініктеме берді. Оның айтуынша, мемлекет жолақының күрт өсуіне жол бермейді және қажет болған жағдайда халыққа қолдау көрсетеді.

Біржанов сарапшының пікірін жеке көзқарас ретінде қабылдау керектігін жеткізді.

«Қоғамдық көлік – халықтың негізгі қажеттілігінің бірі. Сондықтан мемлекет бағаның күрт өсуіне жол бермейді және қажет болған жағдайда халыққа қолдау көрсетеді», – деді ол.

Алайда Ұлттық экономика вице-министрі Азамат Әмрин бағаның өсуіне экономикалық алғышарттар, мысалы, жанармай мен қызмет көрсету құнының артуы әсер етуі мүмкін екенін, бірақ тарифті көтеру – әр компанияның коммерциялық шешімі екенін...

2025 жылдың қаңтар-қыркүйек айларында мемлекеттік бюджетке 17,3 трлн теңге түскен. Өткен жылдың сәйкес кезеңімен салыстырғанда қазынаға қаржы 2,4 трлн теңгеге артық құйылған. Бұл туралы Үкімет отырысында Қаржы министрі Мәди Такиев мәлімдеді.

Республикалық бюджеттің түсімі 10,5 трлн теңге болды, бұл жоспардың 97,3%-ына тең. Өсім көлемі шамамен 1,4 трлн теңгені немесе 116%-ды құрады.

Жоспардың толық орындалмауына әсер еткен негізгі себептер ретінде министр әлемдік мұнай бағасының құбылмалылығын және геосаяси тұрақсыздықтың бизнес логистикасына ықпалын атап өтті. Бұл жағдай экспорт көлемінің 5,1%-ға төмендеуіне және бизнестен түсетін салық түсімдерінің азаюына әкелген.

Жергілікті бюджет кірісі 6,8 трлн теңгеге жетіп, жоспар 704 млрд теңгеге артығымен орындалды. Салық және...

Қазақстанда ата-аналардың балаларын тәрбиелеуде күш қолдану мен психологиялық агрессия жасауы айтарлықтай төмендеді. Статистикаға сүйенсек, 53%-дан 38%-ға дейін азайған. Бұл туралы БҰҰ-ның ЮНИСЕФ қоры жүргізген зерттеу деректеріне сүйене отырып, балалар омбудсмені Динара Закиева мәлімдеді.

Оның айтуынша бұл Орталық Азия мен Еуропа елдері арасындағы ең төмен көрсеткіштердің бірі. Мұндай мәліметтерді Зәкиева балаларға қатысты зорлық-зомбылықты жоюға арналған халықаралық конференция барысында айтты. Іс-шара БҰҰ Бас хатшысының арнайы өкілі, ЮНИСЕФ және Румыния үкіметінің ұйымдастыруымен Бухарест қаласында өтіп жатыр.

«Бүгін Еуропалық одақ пен Орталық Азияның 32 елінің үкімет өкілдері Румынияда бас қосып, өткен жылы Колумбияның Богота қаласында өткен алғашқы жаһандық конференция...

Өзбекстан алғашқы Атом электр станциясы (АЭС) құрылысын бастады. Бұл туралы «Өзатом» агенттігінің баспасөз қызметі хабарлайды.

Әзірге Жизақ облысы Фориш ауданында реактор орналасатын терең шұңқыр қазылып жатыр. 2026 жылғы наурызда ол жерге бетон құйылады. Ал шағын атом станциясының алғашқы реакторы 2029 жылы іске қосылады. Станция құрылысы 2035 жылы толық аяқталуы тиіс.

Алғашқы АЭС Өзбекстанның орталық өңірлерін – Жизақ, Самарқанд және Навои облыстарын электр қуатымен қамтамасыз етеді. Оны салатын «Росатом» басшысы Алексей Лихачев атом станциясын «100 жылдың жобасы» деп атаған.

Жизақтағы шағын АЭС-кке РИТМ-200Н су ядролық реакторы орнатылады. Әдетте оны атом мұзжарғыштарында қолданылады. Осы уақытқа дейін мұндай реактормен құрлықта атом электр...

Илон Масктің SpaceX компаниясы Starship зымыран тасығыштың 11-ші сынағын сәтті өткізді. Бұл – осы күнге дейін жасалған ең ірі ғарыш кемесі. Ақпаратты корпорация X әлеуметтік желісінде хабарлады.

«Қонғаны расталды! Starship-тің он бірінші сынақ ұшуын сәтті аяқтаған SpaceX командасын құттықтаймыз!» делінген хабарламада.

DW жазуынша, бұл ұшыру Ай мен Марсқа жоспарланған, болашақ миссияларға бағытталған кеңейтілген функционалды сынақтар алдындағы соңғы кезең. Кеме Техастағы Starbase ғарыш айлағынан жергілікті уақытпен 18:24-те ұшырылды. Ұшқаннан кейін 10 минут өткен соң, Super Heavy үдеткіші сәтті түрде Мексика шығанағына қонды. Ал Starship-тің жоғарғы сатысы орбитаға шығып, Starlink спутниктерінің макеттерін орналастыру міндетін орындап, соңында Үнді мұхитына қонды.

Қырғызстан Президенті әкімшілігі өлім жазасын қайтару туралы Конституцияға түзетулер енгізу жөніндегі заң жобасын қоғамдық талқылауға шығарды. Құжат республиканың нормативтік актілерін қоғамдық талқылаудың бірыңғай порталында жарияланған.

 Жобаға сәйкес, Конституцияның 25-бабының бірінші бөлігіне қосымша тармақ енгізіледі. Президент әкімшілігі «балаларды зорлау және зорлау кезінде қасақана кісі өлтіргені үшін» өлім жазасын қолдануды ұсынып отыр.

Құжатта жазылғандай, осы өзгеріс арқылы балалар мен әйелдердің өмірі мен денсаулығын ауыр қылмыстардан, соның ішінде зорлау мен кісі өлтіруден қорғауды мақсат етпек.

«Балалар мен әйелдерге зорлық көрсеткен кез келген адам бұл қоғамның мүшесі болуға лайық емес және ең қатал әрі әділ жазаға тартылуы тиіс...

Солтүстік Македония астанасы Скопьеде футболдан 2026 жылғы әлем чемпионатына іріктеу кезеңінің ойыны өтті. Қазақстан құрамасы жергілікті ұлттық командаға қарсы алаңға шықты.

Бірінші тайм тең деңгейде өтіп, қос тарап та гол соға алмады. Ал екінші таймда матчтың есебін алғашқы болып қазақстандықтар ашты. Жамбыл футболының түлегі, бүгінде «Женіс» клубының намысын қорғайтын Дінмұхаммед Караман әдемі соққысымен көзге түсті.

Алайда біздің құрама басымдықты соңына дейін ұстай алмады. Алаң иелері айып добынан есепті теңестірді. Қалған уақытта екі команда да өз мүмкіндіктерін пайдалана алмай, кездесу 1:1 есебімен аяқталды.

Бұл нәтижеден кейін Қазақстан құрамасының қоржынында 7 ұпай болды. Команда әлі де J тобында төртінші орында тұр және...

Америкалық OpenAI Broadcom Inc компаниясымен бірігіп, жасанды интеллект (ЖИ) чиптерін өндіруді бастамақ. Бұл туралы техноалпауыттың өзі хабарлады.

«Өз чиптері мен жүйелерін жасау арқылы OpenAI алдыңғы қатарлы модельдер мен өнімдерді әзірлеу кезінде жинаған тәжірибесін тікелей жабдыққа енгізе алады», – деп жазылған компания таратқан хабарламада.

OpenAI шешімдер ұсынады, ал Broadcom оның технологиясын жасайды. Екі компанияның бірлескен әзірлемелері OpenAI деректерді өңдеу орталықтарында да, серіктес дата-орталықтарда да қолданылмақ.

Broadcom OpenAI-дің ЖИ-акселераторлары мен желілік жүйелері бар жабдықтарды 2026 жылдың екінші жартысында қолданысқа енгізіп бастайды. Бұл үдерісті 2029 жылдың соңына дейін толық аяқтауды жоспарлап отыр.

Бұған дейін OpenAI негізінен NVIDIA компаниясыны...