Жаңалықтар

Қайрат Боранбаев McDonald’s бренді Қазақстаннан кетіп, мейрамхана желісінің атауын «I’m” деп өзгерткен соң, 3 млрд шығынға батқан. Бұл туралы ол Арманжан Байтасовқа берген сұхбатында айтты.

Боранбаевтың айтуынша, McDonald’s желісінің Ресейдегі франшизасын алған соң, желіні Қазақстанда да іске қосу мүмкіндігіне ие болған. Алайда бастапқыда брендтің топ-менеджменті Қазақстан нарығын басым бағыт деп санамаған.

«Маған Беларусьтегі McDonald’s франшизасын сатып алу ұсынысы түсті. Мен келісім бердім, бірақ көп ұзамай Қазақстанда да ашу керек деген шарт қойдым. Олар келісті», – деді Боранбаев.

Боранбаевтың айтуынша, 2022 жылы McDonald’s Ресей нарығынан кеткен кезде, корпорация басшылығы Қазақстанда жұмысын жалғастырма...

Парламент мәжілісінде Цифрлық кодекс жобасы қаралып жатыр. Құжат цифрлық ортаға құқықтық мәртебе беріп, деректер мен платформаларды азаматтық айналымға енгізуге бағытталған.

Жобаны Мәжіліс депутаттары әзірлеген. Төменгі палатаның экономикалық реформа және өңірлік даму комитетінің хатшысы Екатерина Смышляеваның айтуынша, жаңа құжат цифрлық ортаға құқықтық мәртебе беріп, деректер мен платформаларды айналымға енгізуге арналған. Яғни, цифрлық деректер, жүйелер, ресурстар мен инфрақұрылым құқық объектісі болып танылады.

Депутаттың сөзінше, кодекс жобасының негізгі бөлімі цифрлық құқықтар ұғымын айналымға енгізеді. Олардың мынандай екі түрі болады. Бірі айналымдағы цифрлық құқықтар – цифрлық қаржы активтері және тауарлық цифрлық активтер болса, екіншісі – қолжетімділікті, пайдалануды және басқа да материалдық емес мүмкіндіктерді ұсынатын...

Астана сотында «Алания» клубының күзетшілеріне қатысты іс қаралып жатыр. Жарыссөз барысында прокурор екі сотталушыны 9 жылға бас бостандығынан айыруды сұрады.

Азат Қабыкеновтің қазасы

2025 жылдың 16 ақпанынан 17 ақпанына қараған түні бір топ жігіт Азат Қабыкеновті соққыға жыққан. Салдарынан ер адам бірнеше айдан кейін аурухана төсегінде қайтыс болды.

Артынша қылмыстық іс қозғалды. Істе алты адам сотталушы деп танылған.

9 жылға соттауды сұрады

24 жастағы Фархат Тілектес пен 25 жастағы Дмитрий Торопқа адамдар тобы болып адам денсаулығына қасақана ауыр зиян келтіру кісі өліміне әкеп соқты және бұзақылық жасады деген айып тағылған. Прокурор екі сотталушыны 9 жылға бас бостандығынан айыруды сұрады. Содан кейін сотталушылар сот залында...

Кәсіпкер Қайрат Боранбаев «Қайрат» футбол клубын қалай сатып алғаны туралы айтып берді. Ол Арманжан Байтасовтың Youtube-тегі Baitassov Live подкастына қатысты.

«Қайратты» құтқарған Қайрат

Шамамен 2,5 сағатқа созылған көлемді сұхбатта Боранбаевтың қалай істі болғаны, оның Назарбаевтар отбасымен байланысы туралы ешқандай сауал қойылмаған. Дегенмен кәсіпкер армияда қайда борышын өтегені, алғашқы көлігін қалай сатып алғаны жайында ұзақ сөйлеген.

Әңгіменің көп бөлігі қазір Чемпиондар лигасында ойнап жүрген «Қайрат» футбол клубы төңірегінде өрбіген.

«Өзім де спортпен шұғылданған адаммын. «Газпром» «Зенит» клубын басқаруына алған жылдар еді. Команда сапында Аршавин, Кержаков, Денисов секілді футболшылар ойнайтын. Бізді демеуші ретінде түрлі матчтарға шақырып...

Цифрлық кодекс жобасын депутаттардың алдында мәжілісмен Екатерина Смышляева қорғап жатыр.

Смышляеваның сөзінше, Қазақстанда алғаш рет цифрлық құқық ұғымы заңмен бекітілмек. Мәжілісте таныстырылған Цифрлық кодекс жобасында азаматтардың цифрлық активтері мен деректерін құқықтық тұрғыдан қорғау көзделген. Енді цифрлық деректер экономикалық құндылығы бар заңды объект ретінде танылады. Бұл өзгеріс токенизация мен цифрлық активтер нарығын дамытуға жол ашады.

«Цифрлық кодекс жобасы киберқауіпсіздік жүйесін түбегейлі өзгертпек. «Ақпараттандыру туралы» заң «Киберқауіпсіздік туралы» заңға айналып, кибершабуылдарға қарсы ұлттық деңгейде қорғаныс күшейеді. Сонымен қатар, ұлттық цифрлық объектілер ұғымы енгізіліп, олар елдің цифрлық егемендігінің негізі ретінде бекітіледі», – дейді ол.

Цифрлық кодекс жобасында алғаш...

Жасанды интеллект министрлігі балалардың телефон пайдалануына қарсы емес, ондай шектеулерді құптай бермейді. Мәжіліс депутаты Асхат Аймағамбетовтың сауалына жасанды интеллект вице-министрі Дмитрий Мун осылай жауап берді.

Мәжіліс отырысында депутат Аймағамбетов балалардың телефон пайдалануына, әлеуметтік желіге жас шектеуіне байланысты тіркеуге ЖИ министрлігінің көзқарасы қандай деген сұрақ қойды.

«Қазақстанда тик-ток пен инстаграмға алты жастан, бес жастан ата-ана рұқсатынсыз тіркелуге болады. Ал басқа мемлекеттерде, мысалы Данияда, Аустралияда тіркелуге рұқсат жасы 15-16 жас, АҚШ, Ұлыбритания, Ирландияда ата-ананың арнайы рұқсаты керек. Бізде цифрлық даму министрлігінің осы мәселе бойынша позициясы қандай «, – деді ол.

ЖИ министрлігінің вице-министрі Дмитрий Мун әзірге...

Қазақстандық комедия «Жездуха Кореяда» алғашқы аптасында 433 млн теңге касса жинап, отандық кинопрокат көшін бастады.

Алғашында YouTube-та скетч-сериал ретінде басталған «Жездуха» бүгінде Freedom Ticketon рейтингісінде бірінші орында тұр. Фильмнің оқиғасы өмірдің қиын сынағынан өткен қарапайым отбасының тағдырын суреттейді. Үй иесі қайтыс болғаннан кейін Қанат пен оның отбасы баспанасыз қалып, жаңа өмір бастау мақсатында Оңтүстік Кореяға аттанады. Алайда тағдырдың тосын бұрылысы оларды ар мен адалдық арасындағы күреске әкеледі. Картина адамгершілік, үміт пен ар алдындағы жауапкершілік тақырыптарын қозғайды.

Басты рөлдерде Зарина Кармен, Қайрат Нәбиолла, Ерик Хамидуллаев, Адель Амангелді, Тасхан Қанат, Ерболат Заркумов, Мақсат Бобей және Мансар Орынхан ойнайды.

Өзге...

«Елдос Калабок» атымен танылған блогер Елдос Кәдірханов ұлды болды. Ол әлеуметтік желі арқылы көпшіліктен сүйінші сұрады.

«Аллаға шүкір! Сүйінші! Қош келдің, ұлым. Біз ата-ана болдық, ағайын. Ішпей, шекпей де мас болуға болады екен. Бақыттан басым айналып ұшып жүрмін. Сезімді жеткізе алмай жазып отырмын. Жүрегім ішіме сыймай жатыр… Шүкір шүкір шүкір», – деп жазды Елдос Кәдірханов.

Елдос Калабоктың қуанышына оқырмандары ортақтасып жатыр. Сәбиге игі тілегін жаудырып жатыр.

«Аллаға сансыз шүкірлер болсын. Алла салихалы ұрпақтан етсін. Сіздерге тек қуаныш сыйласын. Артынан іні, қарындастар ере берсін. Көптен күткен сарғая да, сарқыла , уайыммен күткен...

Мәжіліс депутаты Абзал Құспан қазақ қоғамы «тоқал», «екінші әйелден туған бала» тақырыбын табу деп санайтынын айтты. Сол себепті туған-туысынан ұялатын кей әйел баласының құқығын жеткілікті деңгейде қорғай алмай отыр. Кей жағдайда бұған әйелдің қаржылық жағдайы де әсер етеді.

Депутаттың сөзінше, 1998 жылға дейінгі қылмыстық кодексте көп әйел алғаны, бірнеше әйелмен бірге тұрғаны үшін қылмыстық жауапкершілік болған. 1998 жылы қабылданған жаңа кодексте бұл бап алынып тасталған. Ал қолданыстағы «Неке кодексінде» мұндай әрекет үшін жауапкершілік жоқ.

«Қазақстан ратификациялаған Бала құқықтары туралы БҰҰ конвенциясына сәйкес, бала туғаннан бастап ата-анасын білуге және олардың қамқорлығын алуға құқылы. Бұл міндет мемлекетке жүктелген.

Блогер Азамат Айталиев Астанадағы Димаш Құдайбергеннің отбасына тиесілі «Дайдидау» мейрамханасының қызмет сапасына көңілі толмай, әлеуметтік желіде сын айтты.

Айталиевтің айтуынша, тапсырыс берген тағам мәзірдегі суретке мүлде ұқсамаған.

«Бұл не? Тағамның түрі мәзірдегі суреттегідей болуы керек емес пе? Бешбармақ емес, жай ғана ыдысқа сала салған. Ет те, қазы да дұрыс емес, май ғана. Маған суреттегідей қайта істеп беріңіздер”, – деп блогер даяшыны шақырып, наразылығын білдірген.

@azamataitaliev95

♬ оригинальный звук – Azamat Aitaliev live

Азамат Айталиевт...

Нұрлан Имам Айға ұшып барған адам намазды қай бағытқа қарап оқу керегін түсіндірді. Көпшіліктің бірі осындай сұрақ қойған.

Нұрлан Имам деген атпен танылған теолог, дінтанушы Нұрлан Байжігітов жауаптан тосылған жоқ. Ислам дінінің бес парызының бірі – намазды Айда да оқуға болатынын айтып берді.

«Біріншіден, Айға бару қалыпты да, сонда намаз оқу қалыпты ма? Құдай жолыңызды ашық қылсын. Аман-есен жетіп алыңыз. Адам айға барып, намаз оқыса, қалай болады? Қағба Айда емес, Жерде. Сондықтан Жерге қарап оқисыз. Аспанда тұрсаңыз, Жерге қарап оқисыз. Жақсы ниет», – деп түсіндірді Нұрлан Имам.

Мұның алдында ол көзге шөп салған адамды қалай кешіру...

Ыстанбұл бас прокуратурасы қаланың мэрі болған Экрем Имамоғлуға қатысты тергеуді аяқтады, деп хабарлайды CNN Turk. Айыптау қорытындысында барлығы Имамоғлудан бөлек 407 күдікті бар.

407 күдіктінің ішінде:

Құжатқа сәйкес, Ыстанбұл мэрі Экрем Имамоғлуға 142 айып тағылған, оның ішінде 12 рет пара алу, 7 рет ақшаны жылыстату, 7 рет алаяқтық жасау деректері бар. Одан бөлек шенеунік қылмыстық ұйым құрып, жетекшілік еткен, мемлекеттік мекемелерге зиян келтірген деп айыпталды. Прокуратура оған 828 жыл 2 айдан 2352 жылға дейін бас бостандығынан айыру жазасын сұрап отыр.

Прокуратураның мәлімдеуінше...

Қазақстан, Қытай және Қырғызстан шекарасында жер сілкінісі болды. Магнитудасы 3,9 балл болатын бірнеше дүмпу тіркелген.

Tengrinews.kz ақпаратына қарағанда, бұл туралы Қырғызстан сейсмология институты жедел мәлімет таратқан. Оған сәйкес, 12 қарашада Астана уақытымен 04:13-те Қытай, Қазақстан және Қырғызстанның шекаралас аумағында жер сілкінісі тіркелді. Жерасты дүмпулерінің магнитудасы 3,9 баллды болған.

Еске сала кетсек, бұған дейін жер сілкінісі Өзбекстанда да болған еді. 11 қарашада жергілікті уақытпен (Астана уақытымен де) 22:32-де магнитудасы 3,9 балл болатын бірнеше дүмпу тіркелген. Эпицентр Наманган облысының Касансай ауданында, 16 шақырым тереңдікте орналасқан. Жерасты дүмпулері Қырғызстан аумағында да сезілді.

Түркістан облысы мен Шымкентте жер сілкінісі болды...

Маңғыстау облысы аумағында, Каспий теңізі жағалауында оннан астам құстың өлексесі табылды. Бұл туралы Kazinform хабарлады.

Агенттік мәліметінше, өңірдегі Форт-Шевченко, Қызылөзен, Аташ және Баутино елдімекендерінің теңіз жағалауында 13 құстың өлексесі табылды. Оны жергілікті орман және аң шаруашылығы инспекциясының мамандары жинап шыққан.

Шаруашылық таратқан мәліметке қарағанда, өлекселер арасында үйрек, шағала, қаратұтан бар.

«Дегенмен зертхана сараптамасы үшін сынама алу мүмкін болмады. Себебі өлекселер шіріп кеткен», – делінген инспекция мәліметінде.

Өңірлік мекеме құстар өлекселерін жинау және жою жұмыстары туралы әкімдікті хабардар еткен. Тексеру әлі аяқталған жоқ.

Естеріңізге сала кетейік, қарашаның басында Каспий жағалауында 112 итбалық өлексес...

«5:32» және «Сержан Братан» сериалдарының авторлары ұсынған жаңа Munai атты криминалдық триллер көрерменге жол тартпақ. Режиссері – Дархан Төлегенов, продюсерлері – Алишер Утев пен Сергей Литовченко. Фильм 90-жылдардағы билік пен сатқындық үшін күрес тақырыбын қозғайды.

Сюжеті бойынша, қылмыс пен анархия билеген қалада қарсылас бандалар арасында соғыс өршиді. Топ басшысы Аман мұнай саудасына қатысты қауіпті ұсыныс алады. Бұл мәміле қарсы жақтың ашуын туғызып, қаланы билік пен байлық үшін басталған қанды текетіреске алып келеді.

Басты рөлдерде – Данияр Алшинов, Нышанбек Жұбанаев, Айбар Салы, Қуандық Жүнісов, Ақнұр Рахат және Дана Амирқұл.

Сериал 27 қараша күні Freedom SuperApp платформасында шығады. Еске сала...

Грузия аумағында апатқа ұшыраған Түркияның C130 әскери-транспорттық ұшағындағы барлық адам қаза тапты. Бұл жайлы Интерфакс жазады.

Алдын ала мәлімет бойынша, ұшақ бортында 20 адам болған, олардың ешқайсысы тірі қалмаған.

AnewZ телеарнасының хабарлауынша, «ұшақ сынықтары Холагири монастырі маңындағы тік жартасты тауларға шашылып кеткен. Оларды алғаш болып жергілікті тұрғындар байқаған. Қазір құтқару топтары тікұшақтардың көмегімен тау маңайында іздестіру жұмысын жүргізіп жатыр. Іске әскерилер, полиция, құтқарушылар және еріктілер жұмылдырылған. Бірақ жер бедерінің күрделі екендігі, қолайсыз ауа райы операцияны қиындатып отыр.

Қазір Грузияда ұшу қауіпсіздігі ережелерін бұзу дерегі бойынша қылмыстық іс қозғалды. Тергеу органдары апатқа ұшақтың техникалық ақауы мен ұшқыштың қателігі себеп болуы...

Қазақстанда ер адамдар кіші дәретке жиі баруды қалыпты жағдай деп санайды. Себебін анықтау үшін дәрігерге жүгінбейді. Тіпті «онкология» сөзінен сескенеді. Алайда дәрет сындыру үшін түнде бірнеше рет ояну онкологияның алғашқы белгісі болуы мүмкін. Бұл туралы Ұлттық ғылыми онкологиялық орталықтың онкоурологы Шалқарбек Мұғалбеков айтты.

Сондай-ақ маман ер адамда тестостерон түсетін жағдай және мұсылмандарда сирек кездесетін урологиялық онкология түрлеріне тоқталды.

Урология нені зерттейді?

Уролог ер адамдарда бүйрек, қуық, қуық асты безі, аталық без, жыныс мүшелерін зерттейді және емдейді. Әйелдерде бүйрек пен қуықты емдеумен айналысады.

20 жыл тәжірибесі бар маманның сөзінше, ер адам ауырса да, дәрігерге бармай шыдап жүреді. Салдарынан онкологиялық ауру...

Қазақстандық стартап Duolingo-ны басып озды. Ағылшын тілін үйренуге көмектесетін Aleem стартапы жайлы отандық БАҚ осылай шулап жатыр. Іске қосылғанына үш-ақ күн болса да, қосымшаны 90 мыңға жуық адам жүктеген. App Store-да білім беру санатында бірінші орынға шықты. Қандай жоба? Қалай пайда болды? Duolingo-ны қалай басып озды? Kursiv.Media тілшісі Aleem қосымшасының жетекшісі Асылжан Алтаймен сұхбаттасты.

– Қайырлы күн, Асылжан! Үш күн ішінде тредс пен инстаграмды шулаттыңыздар. Әуелі өзіңізбен жақын танысып алсақ. Қай жердің тумасысыз? Қай жерде оқисыз?

– Мен Шымкент қаласының тумасымын. Жасым 21-де, 2023 жылы физика-математика бағытындағы Назарбаев зияткерлік мектебін бітірдім. Қазір Бостон қаласындағы университетте «бизнес» мамандығы бойынша...

Қазақстан президент Қасым-Жомарт Тоқаев Ресейге ресми сапары аясында президент Владимир Путинмен Кремльде бейресми кездесу өткізді, деп хабарлайды Ақорда.

Тоқаев өзін Ресейде ыстық ықыласпен қарсы алғаны үшін Путинге алғыс айтып, әрі таңғалып әрі қуанғанын жеткізген.

«Мемлекеттеріміз арасында ешқандай түйткіл жоқ. Мәселе туындаған күннің өзінде президенттер мен үкімет басшыларының күш-жігері арқасында оң шешімін табады. Сіздің шақыруыңызды зор ықыласпен қабыл алдым. Расында, бүгін бейресми жағдайда пікір алмасамыз. Менің Өзіңізбен талқылағым келетін біраз пікір-пайымым бар», – деді Тоқаев.

Өз кезегінде Путин уақыт бөліп, Мәскеуге келгені үшін Тоқаевқа алғыс айтып, шын жүректен қуанышты екенін жеткізген.

Ақтөбе облысында Хромтау қаласының әкімі Сағындық Шабықбаев пара алды деген күдікпен ұсталып, тергеу аяқталғанға дейін қамауға алынды, деп хабарлайды «Қазақпарат«.

Агенттікке ақпарат берген Ақтөбе облыстық сотының баспасөз қызметінен хабарлауынша, Хромтау қаласының әкімі Сағындық Шабықбаев алдағы екі айды тергеу изоляторында өткізеді. Ол ҚР Қылмыстық кодексінің «пара алу» бабы бойынша күдікке ілінген.

«Сот екі айға қамауға алуға рұқсат берді. Басқа ақпарат жария етілмейді», – деп хабарлады Ақтөбе облыстық сотының баспасөз қызметі.

40 жастағы Сағындық Шабықбаев әкім қызметіне екі жыл бұрын келген. Бұған дейін ол әкімнің орынбасары қызметін атқарған. Еңбек жолын 2008 жылы Әйтеке би ауданыны...

Қазақстан президенті Қасым-Жомарт Тоқаев Түркия президенті Режеп Тайып Ердоғанға көңіл айту жеделхатын жолдады, деп хабарлайды Kursiv.Media.

«Қасым-Жомарт Тоқаев Түркия қарулы күштері ұшағының апатқа ұшырауына байланысты көптеген адамның қайтыс болғаны туралы суыт хабарды күйзеліспен қабылдағанын жеткізіп, президент Режеп Тайып Ердоған мен бауырлас түрік халқына көңіл айтты», – делінген Ақорда хабарламасында.

Айта кетейік, 11 қарашада Түркия қарулы күштерінің әскери ұшағы апатқа ұшыраған. C130 типті әскери ұшақ Әзербайжаннан Түркияға жол тартып, Грузия-Әзербайжан шекарасының аумағында құлаған. Іздеу-құтқару жұмыстары басталған. Түркияның Қорғаныс министрлігінің ақпаратына сәйкес, бортта 20 адам болған.

Қазақстандық теннисші Елена Рыбакина жанкүйерлеріне маусым бойы және Эр-Риядтағы WTA қорытынды турнирі кезінде қолдау көрсеткендері үшін алғыс білдірді.

Алдымен ол қолдау үшін әр жанкүйеріне жеке алғыс айтатынын жазды. Стендтерде, экранда, хабарламалар мен матчтан кейінгі жылы хаттарда бәрін көргенін атап өтті.

«Қазақстан атынан жарысқа қатысып, сіздерге жағымды эмоция мен жеңіс сыйлағаныма мақтанамын. Әсіресе, көптеген жандар ракетка алып, тенниске келіп жатқанын көргенде қуанамын. Егер менің ойыным сізді армандауға, жұмыс істеуге және өзіңізге сенуге шабыттандырса, бұл менің ең үлкен жеңісім», – деп жазды Рыбакина.

Айтуынша, алдағы уақытта ол қысқа уақытқа демалыс алып, жаңа дайындық кезеңін бастайтынын...

«Қазгидромет» болжамына сүйенсек, 12 қарашада Қазақстанның кей өңірлерінде қар, жаңбыр жауып, көктайғақ және боран күтіледі.

Синоптиктердің болжамы бойынша республика аумағының басым бөлігінде жел қатты болады, ал түнде және таңертең кей жерлерді тұман басып, автожолда жүру қауіпті болады.

Ұлытау облысында түнде және таңертең жаңбыр, қар, көктайғақ және боран күтіледі, күндіз жауын-шашын солтүстікте, шығыста және орталықта сақталады. Жезқазғанда қар мен көктайғақ, жел екпіні 20 м/с.

Қарағанды облысында түнде және күндіз жауын-шашын мен көктайғақ болуы мүмкін. Қарағандыда екпінді жел 20 м/с жетеді.

Ақмола облысында түнде және күндіз қар мен көктайғақ, батыста және оңтүстікте тұман түседі. Көкшетауда түнде және таңертең көктайғақ, жел екпін...

Қазақстан мен Израиль ерекше білім беру қажеттілігі бар балаларды оқытуда ынтымақтастық туралы Меморандумға қол қойды, деп хабарлайды Kursiv.Media.

Оқу-ағарту министрлігінің баспасөз қызметі хабарлауынша, тараптар тәжірибе алмасуға, педагогтердің біліктілігін арттыруға және мектептерде инклюзивті ортаны дамытуға келісті.

«Біз ерекше білім беру қажеттілігі бар балаларды оқыту тәжірибесін жетілдіруге және мамандардың кәсіби әлеуетін дамыту бойынша әріптестікті нығайтуға мүдделіміз», — деп атап өтті министр Жұлдыз Сүлейменова.

Израильдегі инклюзивті білім жеткілікті деңгейде дамыған елдердің бірі болып саналады. Соңғы мәліметтер бойынша, Израильде ерекше қажеттілігі бар балалардың 70%-дан астамы жеке білім беру жоспары мен мамандар тобының қолдауымен қарапайым мектептерде оқиды. Мұғалімдер инклюзивт...