Жаңалықтар

Грузияның экс-президенті Михаил Саакашвили Тбилисидегі клиникадан шығарылып, жазасын өтеу үшін түрмеге қайтарылды. Осы елдің қылмыстық-атқару жүйесі қызметі саясаткердің денсаулығын «қанағаттанарлық» деп бағалады.

Михаил Саакашвили Тбилисидегі «Вивамеди» емханасында 2022 жылдан бері жатқан. Ол енді №12 түзеу мекемесіне (Рустави түрмесі) барады.

Саакашвилидің анасы Гиули Аласания қазір бұған қатысты нақты ақпараты жоқ екенін айтты.

«Мен ешнәрсе білмеймін, тек оны Руставиге ауыстырды деп естідім. Соңғы күндері оны ешкім қараған жоқ еді, білуімше. Денсаулығына қатысты қорытындыны кім жасағанын білмеймін», – деді ол журналистерге.

Саакашвили Грузияға қашан оралды

Грузияның экс-президенті Михаил Саакашвили 2021 жылғы 29 қыркүйекке қараған түні жасырын...

Сауда және интеграция министрлігі жыл басынан бері Қазақстанда шоколад конфеттері қымбаттап кеткенін хабарлады.

Министрліктің мәліметінше, сауда сөрелеріндегі бағаның өзгеруіне өндірушілердің бастапқы бағаны көтеруі себеп болып отыр.

«Сауда желілерінің мәліметінше, өндірушілер биылғы жылдың ішінде бағаны 3 рет өсірген. Сауда желілері ULKER шоколадтарына шамамен 32 пайыз сауда үстемесімен сатады. Компания шоколадтың шығу құнын 12 ақпанда 15 пайыз, 15 шілдеде 9 пайыз арттырған. «Рахат Шоколад Казахстанский вес» – сауда желілеріне кіретін бағасы шамамен 7 702 теңге, бөлшек саудада 10 325 тг, сауда үстемесі 27 пайыз», – деген Kursiv.media тілшісіне жолдаған ресми хабарламада.

«Рахат Шоколад Казахстанский вес» зауытынан шоколадты...

Белгілі әнші, ҚР еңбек сіңірген қайраткері Нұрлан Өнербаев 37 жыл бойы орындап келген әйгілі «Анашым» әнін енді шырқамайтынын мәлімдеді.

Мұндай шешімнің қабылдануына туындының авторы, композитор, Қазақстанның еңбек сіңірген әртісі Марат Омаровтың өтініші себеп болған.

Марат Омаровтың айтуынша, әншіден әнді орындауға тыйым салмаған, бірақ концерттерде автордың есімі аталмаған соң, көпшілік туындыны Нұрлан Өнербаевтың өз әні деп қабылдап кеткен.

«Мен оған тыйым салған жоқпын, тек «егер концерттерде авторды атамайтын болсаң, онда бұл әнді айтпағаның дұрыс» дедім. Халық «Анашым» әнін Нұрланның өзінікі деп ойлайды», – деді Марат Омаров Bugin Live бағдарламасында.

Нұрлан Өнербаев шешім 2023 жылы...

Мұрат Әбділда түрмеден шыққан соң, немен айналысатынын айтты. Сөзіне қарағанда, ол TikTok-қа оралып, жаңа әндер орындамақшы.

Мұрат Әбділда қазір түрмеде отыр. Түрменің іс шараларына белсенді қатысып, сахнада ән орындап жүр.

«Келе жатқан жаңа жыл құтты болсын! Бақытты болыңыздар! Әр шаңырақта әрқашан тек қана қуаныш пен шаттық болсын дегім келеді», – деді Мұрат Әбілда.

Оның айтуынша, түрмеден шыққан соң, TikTok-қа қайта шығып, жаңа әндер ұсынбақ.

«Жаңа әндермен, шығармашылықпен айналысамын. Дайындап қойдым. Жақсы жаңалықтарды күтсеңіздерші. Әрі қарай алып кетеміз», – деді желі жұлдызы.

Мұрат Әбділда түрмеде қабырғасы қайыспай, көңілді жүргені көрінеді. Ол...

16 қараша күні Алматыда жүгіру маусымының қорытынды жарысы City Run – 2025 марафоны өтеді. Шараға байланысты қалада көлік қозғалысы уақытша шектеледі. Ұйымдастырушылар тұрғындар мен қонақтардан бағытты алдын ала жоспарлауды сұрайды.

Жол жабылатын учаскелер:

15 қараша сағат 04:00-ден 16 қараша сағат 12:00-ге дейін
Төле би көшесі (Назарбаев даңғылынан Абылай хан даңғылына дейін) – қозғалыс толықтай тоқтатылады.

16 қараша күні:
– 08:00–10:00 – Төле би көшесі (Абылай хан даңғылынан Наурызбай батыр көшесіне дейін). Балама бағыт – Мақатаев көшесі (қозғалыс екі бағытта ашық).

– 08:00–10:00 – Наурызбай батыр көшесі (Төле би көшесінен Құрманғазы көшесіне дейін).
– 08:00–09:35 – Бөгенбай батыр көшесі (Наурызбай батырдан Назарбаев даңғылына дейін).
– 08:00–09:15 – Қабанбай батыр көшесі (Наурызбай батырдан Назарбаев даңғылына дейін).
– 08:00–08:55...

Астанада үш көшенің атауы өзгереді. Бұл туралы қала әкімдігінің Архив ісі және тілдерді дамыту басқармасының басшысы Сәкен Есіркеп хабарлады.

Ұсынысқа сәйкес, Е754 және Е15 көшелеріне Болгария астанасы Софияның және Пәкістанның белгілі саясаткері Мұхаммед Әли Жиннадың есімдері берілуі мүмкін. Ал «Алау» мұз сарайы мен «Астана Арена» арасындағы көше әйгілі жазушы әрі саяхатшы Марко Полоның атымен аталмақ.

Айта кетейік, София қаласында қазірдің өзінде Астана атты көше бар, онда мұражайлар мен саябақтар орналасқан. Сондай-ақ Пәкістан астанасы Исламабадта ұлы қазақ ақыны Абай Құнанбайұлының есімі берілетін көше атауы жоспарланып отыр.

Айта кетейік, осыған дейін  Sergek Group мамандары  Астанадағы кептеліс уақытына талдау жүргізген еді. Олар сол...

Қасым-Жомарт Тоқаевтың Ресей Федерациясына жасаған мемлекеттік сапары аясында Қазақстан мен Ресей басшылары Мәскеуде өткен қазақ әртістерінің концертіне қатысты.

Мәдени бағдарламада қазақстандық өнер жұлдыздары Роза Рымбаева, Ренат Ғайсин, Әлішер Кәрімов, Зарина Алтынбаева мен Мария Мудряк сахна төріне шығып, көрерменге ерекше әсер сыйлады. Кеш барысында Тоқаев пен Путин әртістермен жеке жүздесіп, өнерлеріне жоғары баға берді.

Әңгіме барысында Ресей президенті Владимир Путин қазақ тіліндегі сөздерді тыңдағанда бір ерекше сәтті атап өтті.

«Мен жүргізушілерді тыңдап отырдым. Қазақшам аса мықты емес, бірақ бір сөзді анық түсіндім. «Алтын» деген сөз. Міне, сол алтын сіздерсіздер», – деді Путин қаза...

13 қарашада Астана мен 15 өңірде дауыл күтілуде. Бұл туралы «Қазгидромет» болжамында жария болды.

Күндіз Жетісу облысында қатты жаңбыр, тіпті қар күтіледі Облыстың солтүстігінде, шығысында, таулы аймақтарында тұман болуы мүмкін. Облыстың таулы аудандарында желдің екпіні 15-20 м/с.

Павлодар облысының солтүстігінде, шығысында қар, боран, көктайғақ, тұман күтіледі. Облыстың солтүстігінде, шығысында екпіні 15-20 м/с жел соғады.

Маңғыстау облысының оңтүстігінде тұман күтіледі.

Астанада тұман, көктайғақ болады.

Түнде және таңертең Қостанай облысының батысында, солтүстігінде, шығысында тұман болады дегем болжам бар. Қостанайда түнде және таңертең тұман күтіледі.

Ұлытау облысының шығысында жер қатып, көктайғақ болып, түнде және таңертең облыстың солтүстігінде, шығысында тұман түседі.

Қызылорда облысының орталығын...

Шымкент әкімдігі қаланың бес ауданын безендіруге және мерекелік іс-шараларды ұйымдастыруға қомақты қаржы бөледі.

«Қазақпарат» мәліметіне сүйенсек, былтыр қаланы Жаңа жылға дайындауға 80 млн теңге бөлінсе, биыл 99 млн теңге бөлінген. Әкімнің орынбасары Сәрсен Құранбектің айтуынша, мерекелік безендіруге әр аудан 14-тен 22 млн теңгеге дейін қаражат алады.

«Мәдени іс-шаралардың бүкіл цикліне 2025 жылы 388 млн теңге бөлінгенін атап өткім келеді. Бұл қаражат Наурыз мерекесімен қала күнінен бастап Республика күні мен Жаңа жылға дейінгі 12 негізгі мерекені қамтиды. Әр іс-шараға 20-40 миллион теңгеден келеді», – деп атап өтті Сарсен Құранбек.

Қалада 20-ға жуық мерекелік жаңа жылды...

Лондонда қазақстандық әнші Димаш Құдайбергеннің жеке концерті қарсаңында оның жанкүйерлері әлемнің түкпір-түкпірінен келіп, pre-party жиналды.

Димаштың баспасөз қызметінің хабарлауынша, мерекені Тhe Royal Lancaster Hotel қонақүйінде Dimash UK Dears фан-клубы ұйымдастырған.

Қонақтарды қазақ мәдениетіне арналған көрмелер мен музыкалық қойылымдар күтті. Залда шотландтық әуен шырқалып, ағылшын Элис Мизелли Уэльстегі ерлер хорының, ирландиялық бишілердің және халықтық би топтарының қойылымдарымен бірге жүрді.

Қазақстанды қобыз және фортепианомен Кенжер мен Арлан Әбжановтар, әнші және гитарист Ерболат Хусаин, биші Гүлшарат Жұбаева және қазақ тілі бойынша шағын сессия өткізген жасөспірім Кәусар таныстырды. Бағдарламада Чили мен Ұлыбританияның музыкалық нөмірлері де болды.

Жанкүйерлердің назары Димаштың ата-анасы Қанат пен Светлана...

Футболдан Ұлттық құраманың бұрынғы капитаны Асхат Тағыберген өзіне Қазақстандағы қандай футболшылар ұнайтынын айтып, Дастан Сәтпаев пен Ғалым Кенжебек туралы сөз қозғады, деп хабарлайды Kursiv.Sport.

Эльдар Аманбаевтың подкастына барған Тағыберген Сәтпаевты қазақ футболының «жарық жұлдызы» деп атап, оның еңбекқорлығы үшін Криштиану Роналдуға теңеді.

«Сәтпаев Қазақстанның атын Еуропада шығарады деп, Ұлттық құрамада да қолдау көрсетеміз. Дастан тұйықтау көп сөйлемейді. Бірақ әңгімеге тартсаң, бәрін айтып береді. Өте профессионал, мен ондай профессионалды көрмедім. Криштианудан кейін Дастан шығар көргенім», – деді Тағыберген.

Бұған қоса, ол семейлік «Елім-ай» командасының ойыншысы Ғалым Кенжебекті де атап өтті. Кенжебекке Еуропаға барып, тәжірибе...

Қазақстан Ресейден Амур жолбарыстарын алып келуге дайын. Президент Қасым-Жомарт Тоқаевтың Мәскеуге мемлекеттік сапары кезінде жануарларды әкелу және бейімдеу жоспарына қол қойылды.

Ақорданың баспасөз қызметі хабарлағандай, бұл келісім Қасым-Жомарт Тоқаев пен Владимир Путин қол қойған үкіметаралық және ведомствоаралық құжаттардың қатарында.

Құжат жолбарыстарды тасымалдауға дайындауды және оларды Қазақстан аумағында бастапқы бейімдеуді көздейді. Экологтар бұл сирек кездесетін түрлерді сақтау және жабайы табиғатты қорғау үшін маңызды қадам екенін атап өтті.

«Қазақстан Республикасының Экология және табиғи ресурстар министрлігі мен Ресей Федерациясының Табиғи ресурстар және экология министрлігі арасында Қазақстан Республикасына Ресей Федерациясынан Амур жолбарыстарын әкелуге дайындық және әкелінген жануарларды бастапқы бейімдеу...

Алматыда «Нұр-Мүбарак» Ислам мәдениеті университетінде өткен дәріс желіде қызу пікірталас тудырды. Мәселе мұғалімдердің бірі «педофилдердің болуы — Алланың бар екенінің дәлелі» деген сөзінен туындаған.

Видеода ер адам педофилдерді мысал ретінде келтіріп, «оларды бар болуын ешкім қаламайды, демек оларды Құдай жаратқан» деп айтқан.

Бұл сөз әлеуметтік желі қолданушыларының ашуын туғызды.

«Университетте сабақ бере ме?!», «Неге ауруханада емес?», «Бас мүфти қайда қарап отыр?! Мүфтият немен айналысады?!», «Дін тарихтағы ең сәтсіз насихат», » Мен өзім мұсылманмын, оның адасқанын студенттерге және жалпы халыққа айту керек», «Мен мұсылманмын, бірақ бұл сұмдық», — деп жазады Қазнет қолданушылары.

Kursiv.Lifestyle тілшісі Қазақстан...

Ірі қазақстандық e-grocery компаниясы, Arbuz.kz онлайн-супермаркеті стратегиясын өзгертіп, жаппай сегментке көшетіні туралы жариялады. Енді қызмет тек премиум клиенттер үшін ғана емес, сонымен қатар қолайлы бағаға қызығатын тұтыншулар нарығы үшін бәсекелесуге ниетті. Бұл туралы Freedom Holding Corp-тегі Lifestyle-бағыттың басшысы Алексей Ли Freedom Lifestyle Talk пікірсайыс клубының кездесуінде айтты.

Алексей Лидің айтуынша, соңғы айларда Arbuz.kz бағаларды тек онлайн бәсекелестермен ғана емес, сонымен қатар, ең үлкен офлайн желілермен теңестірді:

«Негізгі супермаркеттерді бақылап отырып, базалық бағамыз дүкендегідей болды. Егер 25%-ға дейінгі кэшбекті ескерсек, біздің өнімдеріміз төрттен бірге арзан түседі», – деп атап өтті Ли.

Arbuz.kz жобасы қазақстандық е-grocery нарығында...

Таяу күндері Қазақстан аумағына Атлантикалық циклон және онымен байланысты атмосфералық өзгерістер келеді. «Қазгидромет» синоптиктері елге алғашқы минус 20 градусқа дейінгі аяз келетінін ескертеді.

Циклон Қазақстанға қар, тұман және боран әкеледі

Республика бойынша жаңбыр және қар жауып, кей жерлерде тұман, көктайғақ, қатты жел мен боран соғады. Мұндай құбылмалы ауа райы әсіресе елдің шығысында, солтүстігінде және орталығында күтіледі.

«Қазақстан аумағының басым бөлігі Атлантикалық циклон шұңқырының және онымен байланысты атмосфералық фронтальды бөлімдердің ықпалында болады, осыған байланысты жауын-шашын күтіледі», – делінген қысқа мерзімді болжамда.

13 қарашада шығыс және оңтүстік-шығыс аймақтарда қатты жауын-шашын болады. Құрғақ ауа-райы елдің оңтүстігі мен...

Ресей президенті Владимир Путин Мәскеуде Қасым-Жомарт Тоқаевпен өткізу кезінде Қазақстанда орыс тілінің еркін түрде қолданылатыны үшін президентке алғыс айтты.

Бұған қоса, Путин орыс тілінің Қазақстан конституциясына сай, ресми статусқа ие екенін және оны күнделікті өмірде қолдануды ел билігі қолдап отырған атап өтті. Сондай-ақ Ресейдің Қазақстанда орыс мектептерін ашып, білім беру деңгейін қолдап отырғанын айта кетті.

«Қазақстанда күнделікті еркін түрде орыс тілі қолданылады. Осы үшін Қазақстан президентіне алғыс айтқым келеді. Конституцияға сәйкес, орыс тілі ресми тіл статусына ие. Оны күнделікті өмірде қолдануды ел билігі қолдап отыр. Өз кезегін Ресейде орыс мектептерінің ашылуымен, елдегі орыс тілінде білім беру...

«Қарағанды жолдары» компаниясы 2023 жылғы 2,2 млрд теңге табысымен салыстырғанда 2024 жылғы табысын арттырып 3,8 млрд теңгеге жеткізді, деп хабарлайды Kursiv.Media.

Компания жариялаған қаржылық есепке сүйенетін болсақ, автожол компаниясы пайданы 73,4%-ға арттырды.

«Қарағанды жолдары» кірісі 2023 жылғы 15,1 млрд теңгеден 19,97 млрд теңгеге дейін өсті. Компанияның жалғыз құрылтайшысы және иесі – Алматы қаласының бұрынғы әкімі, «Самұрық-Қазына» басқармасының бұрынғы төрағасы Ахметжан Есімовтің бауыры Сейітжан Есімов. Ағайынды Есімовтер Қазақстанның тұңғыш президенті Нұрсұлтан Назарбаевтың жиені.

Компания қызметінің негізгі түрі жолдар, әуеайлақтары мен спорт ғимараттарын салу және басқа да жұмыстар. Компанияның бірнеше филиалы бар, оның ішінде Қарағандыда жөндеу-құрылыс басқармасы, Қарағанды облысының Ботақара...

Депутат Еділ Жаңбыршин Kursiv.media тілшісінің сұрақтарына берген жауабында ЛГБТ насихатына неге қарсы екенін түсіндіріп берді.

«Адамға екі нәрсе қажет. Мәтжан би адамда екі қарын барын айтқан: бірі көже қарын, екіншісі көңіл қарын. Сіздің айтып отырған әңгімеңіз – көже қарынның әңгімесі. Тамақ керек, тариф керек, ол маңызды, екінші маңызды мәселе – рухани, көңіл қарынның әңгімесі. Біз оны жоққа шығармауымыз керек. Адам өмір сүргеннен кейін рухани және моральдық мәселесін мемлекет қарауы тиіс. Оның ішінде балалар мен жасөспірімдерге назар аудару керек», – дейді Еділ Жаңбыршин Kursiv.media тілшісіне.

Депутат болашақ ұрпақтың рухани және адамгершілік тұрғыдан...

Алматы мәслихаты жеңілдігі бар тәртіппен жұмыс істейтін кәсіпкерлер үшін салық мөлшерлемесін 3%-ға дейін түсіруі мүмкін. Әкім Дархан Сатыбалды өткізген жиналыста осы мәселені қалалық кеңес қарауына шығару туралы шешім қабылданды. Бұл туралы қала әкімдігі хабарлады.

Кәсіпке қосымша қолдау

2026 жылғы 1 қаңтардан бастап қолданысқа енетін жаңа Салық кодексінде жеңілдігі бар тәртіппен жұмыс істейтін кәсіпкерлер үшін салық мөлшерлемесі 4% деп көрсетілген. Алайда жергілікті мәслихаттар оны 2%-ға дейін төмендете алады.

Алматы қалалық әкімдігінің хабарлауынша, Сатыбалдының төрағалығымен өткен кеңесте кәсіпкерлер үшін тиімді мөлшерлемені 3%-ға дейін төмендету мәселесін мәслихаттың қарауына шығару туралы шешім қабылданды.

«Алматы әкімдіг...

Қыз сүйісіп жатып, жігіттің тілін тістеп жұлып алған. Оқиға Қырғызстанның Манас ауданында 8 қарашада болған.

Kaktus.media ақпаратына қарағанда,  Жалал-Абад облыстық клиникалық ауруханасының директоры Кумар Ботокараев бұл жағдайды растады.

«Жігіттің тілінің ұшы мен төменгі ернінің бір бөлігі тістеліп кеткен. Науқасқа операция жасалып, жарақаттанған жері тігілді. Қазір ол жақ-бет хирургия бөлімінде ем қабылдап жатыр. Тілі қалпына келуі мүмкін. Мұндай жарақаттар әдетте эпилепсия кезінде кездеседі, бірақ сүйісу кезінде мұндай жағдай менің тәжірибемде алғаш рет болып отыр», – деді Ботокараев.

Манас аудандық ішкі істер бөлімі бұл факт қылмыс пен құқықбұзушылықтың бірыңғай тізіліміне тіркеліп, тексеру басталған.

Ресейге іс-сапармен барған Тоқаев бүгін Путинмен ресми түрде кездесті. Екі тарап ортақ серіктестікті, екі ел арасындағы жобаларды атап өтті. Тоқаев бұл сапарын «осы жылдағы басты оқиға» деп баға берді.

Кремль сарайындағы Георгий залындағы кездесуді Владимир Путин ашты. Ол Қазақстан мен Ресейдің жақын серіктес және одақтас екенін айтып, оның тек сөз жүзінде қалмай «нақты атқарылған іспен дәлелденгенін» атап өтті.

Ал Тоқаев ерекше дайындалғаны үшін әріптесіне алғысын білдірді.

«Ерекше қонақжайлық үшін шын жүректен алғыс айтқым келеді. Біз ресейлік тараптың барынша дайындалғанын, әрбір тұсына ұқыптылықпен қарап мән бергеніне көзіміз жетті. Біз үшін Ресейге сапар – осы жылдың басты...

Халықаралық валюта қорының (ХВҚ) болжамы бойынша, 2025 жылы әлемдік мемлекеттік қарыз көлемі 111 трлн АҚШ долларына жетіп, ғаламдық жалпы ішкі өнімнің 94,7%-ын құрайды. Бұл көрсеткіш 2024 жылмен салыстырғанда 2,3 пайыздық тармаққа жоғары, бірақ пандемия кезіндегі 2020 жылғы көрсеткіштен төмен.

Мемлекеттік қарыз деңгейі бойынша елдер арасындағы айырмашылық айтарлықтай. Ең төмен көрсеткіш Макао (0%) мен Лихтенштейнде (0,5%) болса, ең жоғары қарыз Жапонияға тиесілі: оның мемлекеттік қарызы жалпы ішкі өнімінің 229,6%-ына жеткен.

Сарапшылар мұны ел халқының қартаюы және ондаған жылдар бойы жүргізіліп келе жатқан салықтық ынталандыру саясаты салдарымен байланыстырады. Екінші орында Судан тұр (221,5%), ал үшінші орында — Сингапур...

Almaty Management University (AlmaU) әлемнің мыңнан астам оқу орнынан озып шықты. Алматы қаласындағы университет бизнес білім беру саласында халықаралық беделі мен жаһандық ықпалын бағалайтын Eduniversal рейтингі бойынша ең жоғары – 5 Palmes of Excellence санатына ие болды. Бұл туралы Ғылым және жоғары білім министрлігі хабарлады.

Рейтинг нәтижелері Үндістандағы Indian Institute of Management Indore базасында өткен Eduniversal-дың 18-ші Дүниежүзілік конвенциясында жарияланды. Шешімді әлемнің жетекші бизнес-мектептерін жыл сайын айқындайтын Eduniversal халықаралық сарапшылар қауымдастығы қабылдады.

Конвенция аясында AlmaU президенті Асылбек Қожахметов «Building Strategies for Internationalization» атты панельдік пікірталасқа қатысып, жоғары білімді интернационалдандыру, орнықты даму және жаһандану жағдайындағы университеттердің рөлі туралы ой...

Португалия құрамасының шабуылшысы Криштиану Роналду 2026 жылғы футболдан әлем чемпионаты өзінің соңғы ірі халықаралық турнирі болатынын растады. Бұл туралы Роналду Сауд Арабиясында өткен TOURISE туристік форумында берген сұхбатында айтты.

40 жастағы футболшы мансабында 950-ден астам гол соғып, бір-екі жыл ішінде кәсіби спорттан толықтай кетуді жоспарлап отыр.

2026 жылғы әлем чемпионаты Канада, Мексика және АҚШ елдерінде өтеді. Бұл турнир Роналдудың мансабындағы алтыншы әлем чемпионаты болмақ. Қазіргі таңда «Аль-Наср» клубында ойнап жүрген Роналду ұлттық құрамалар тарихындағы ең үздік сұрмерген саналады. Оның еншісінде 143 гол бар. Сондай-ақ мансабындағы 1000-шы гол межесіне жақындап келеді.

Португалия құрамасы әлі 2026 жылғы әлем чемпионатына жолдама...