Жаңалықтар

Өзбекстандықтардан әлемге бұрын беймәлім генетикалық өзгеріс анықталды. Бұған  туыстар арасындағы неке түрткі болып отыр.

Kun.uz ақпаратына қарағанда, бұл елдегі барлық отбасының шамамен төрттен бірі осындай некеден тұрады екен.

Өзбек ғалымдары дабыл қақты

Өзбекстан Республикасының Жоғары білім, ғылым және инновациялар министрлігіне қарасты Озық технологиялар орталығының ғалымдары осылай дабыл қақты. Олар ел тарихында алғаш рет адам генін терең зерттеген. Толық геномды оқып және талдау жүргізген.

Зерттеу нәтижесінде өзбекстандықтардан бұрын әлемдік ғылымға белгісіз ондаған жаңа генетикалық өзгеріс табылды. Бұл деректер халықаралық дерекқорларға енгізіліп, Өзбекстанның әлемдік геномика саласындағы орнын күшейтті.

Балалардың 86 пайызында мутацияға ұшыраған ген бар

Зерттеуге қатысқан

Toyota Corolla Cross Nasu жол талғамайтын көлік ретінде жаңартылды. Модельдің төбесіне жүксалғыш орнатылды, гибридті қондырғымен жабдықталды және клинерсі жоғары көтерілді.

Carscoops мәліметінше, жоба брендтің қосалқы бөлшектер мен тюнинг жиынтықтарын әзірлеуге жауапты SPAD (Service Parts and Accessories Development) бөлімшесі арқылы жасалған.

Toyota Corolla Cross Nasu несімен ерекшеленеді

Көлікте 200 ат күші бар, бұл Corolla Cross Hybrid- тен алынған. 2 литрлік бензинді қозғалтқыш үш электрмотормен бірге жұмыс істейді.

Nasu нұсқасының жерге дейінгі биіктігі көбейген, жолсыз жерге арналған Toyo Open Country A/T III шиналары қойылған. Шанаққа арка кеңейткіштері, пластиктен жасалған астын қорғайтын жабын және капотқа сәндік ауа қабылдағыш орнатылған...

Қазақстанда жоғары деңгейде өңделетін өнім шығаратын өндірістер ашылып жатыр. Бұл туралы үкіметтің баспасөз қызметі хабарлады. Президент Қасым-Жомарт Тоқаевтың тапсырмасымен елде отандық шикізатты терең өңдеу және ірі кәсіпорындардың айналасында шағын және орта бизнесті дамытуға бағытталған ірі жобалар жүзеге асырылып жатыр.

Олардың қатарында жақында ашылған KIA Qazaqstan (Қостанай облысы) және Astana Motors Manufacturing Kazakhstan (Алматы қаласы) автомобиль зауыты бар, сондай-ақ металлургия, химия, мұнай-химия және тамақ өнеркәсібі бойынша жобалар енген:

Екібастұздағы вагон шығаратын ірі зауыт – Қазақстан вагон жасау компаниясы тапсырыс болмағандықтан банкрот болғалы тұр. Осыны айтып Сенатта екі депутат дабыл қаққан. «Мемлекет ірі зауытты құтқара ма?» деген сұраққа Үкімет басшысы Олжас Бектенов жауап берді.

Еске сала кетейік, бұған дейін сенатор Ернұр Айткенов пен Алтынбек Нұхұлы 2011 жылы іске қосылған және жылына 2 500 вагон өндіруге арналған жобалық қуаты бар Екібастұз қаласындағы «Қазақстан вагон жасау компаниясының» жағдайы жөнінде премьер-министрге сауал жолдаған еді. Аталған компания – Қазақстандағы жүк тасымалдауға арналған жартылай вагондарды толық циклмен өндіретін жалғыз кәсіпорын. Зауыт іске қосылған сәттен бастап 10 мыңнан астам вагон шығарған.

Қазақстан Каспий Құбыр консорциумы (КҚК) жүйесімен Ресей арқылы Еуропаға жеткізілетін мұнай көлемін 25%-ға қысқартты. Бұл дерек «ҚазТрансОйл» АҚ-ның 2025 жылдың қаңтар–қыркүйек айларына арналған өндірістік нәтижесінде жазылған.

Компанияның мәліметіне сәйкес, КҚК арқылы тасымалданған мұнай көлемі 2 млн 513 мың тоннаны құрап, 2024 жылдың тоғыз айымен салыстырғанда 25%-ға төмендеген.

Ал «Өзен – Атырау – Самара» мұнай құбырының «Атырау – Самара» бөлігінде 7 млн 750 мың тонна мұнай жөнелтілген. Бұл өткен жылдың сәйкес кезеңінен 4%-ға артық. «ТОН-2» учаскесі бойынша Қазақстан аумағында 8 млн 735 мың тонна мұнай тасымалданып, 2024 жылдың деңгейіне сай болды. Ал «Атасу – Алашанькоу» құбыры арқылы 8 млн...

Қазақстанның үздік теннисшісі Елена Рыбакина Токиода өтіп жатқан WTA 500 турнирінің 1/8 финалында канадалық Лейла Фернандесті сенімді түрде ұтып, келесі кезеңге өтті.

Матч 1 сағат 28 минутқа созылды. Рыбакина қарсыласын 6:4, 6:3 есебімен жеңіп, жалпы есеп бойынша 2:0 нәтижесімен матчты өз пайдасына аяқтады.

Бірінші сетте Рыбакина қарсыласының доп беруін екі рет бұзып, сенімді ойын көрсетті. Екінші сетте де басымдықты өз қолына алып, матчты тай-брейкке жеткізбей тәмамдады.

Осылайша Елена Рыбакинa Токио турнирінің ширек финалына шықты. Келесі айналымда тағы бір канадалық теннисші Виктория Мбокомен бақ сынайды.

2027 жылы iPhone 20 жылдығын атап өтпек. Apple бұл оқиғаны есте қаларлықтай ету үшін құрылғыны қайта жаңғыртып, атауын да өзгертуді жоспарлап отыр. Бұл туралы Omdia компаниясының аға зерттеушісі Хо Му-ель (Heo Moo-yeol) мәлімдеді.

Егер қазіргі дәстүр сақталса, 2027 жылы шағатын үлгі iPhone 19 деп аталуы керек. Алайда сарапшының айтуынша, Apple бірден iPhone 20-ға өтпек. Мұндай тәсіл бұған дейін де болған. Мысалы, 2017 жылы шыққан iPhone X елеулі дизайн өзгерісінің символына айналды және оның ықпалы бүгінге дейін байқалады.

«iPhone 20 сериясы iPhone тарихындағы тағы бір бетбұрыс кезең болады деп күтілуде. Бұрын жарияланған есептерде қиғаш сызықтар дисплей...

Енді балалар балабақшадан бастап кәсіппен таныса басталды. Оқу-ағарту министрлігі «Ерте жастан кәсіпке және еңбекке баулу» пилоттық жобасы басталатынын хабарлады.

Жоба 2025–2026 оқу жылынан бастап жүзеге асырылады. Оған республика бойынша 100 балабақша (62 мемлекеттік және 38 жекеменшік) қатысады. Бағдарлама 4–5 жастағы балаларды қамтиды.

«Жобаның мақсаты – балалардың бойында еңбекқорлық, жауапкершілік және табандылық сияқты қасиеттерді қалыптастыру, сондай-ақ түрлі мамандық иелеріне құрметпен қарауға тәрбиелеу», – деп түсіндіреді министрліктен.

Балалар ойын және тәжірибелік іс-әрекет арқылы түрлі кәсіп түрлерімен танысып, қарапайым еңбек дағдыларын меңгереді. Министрліктің мәліметінше, жоба балалардың еңбекке деген қызығушылығын арттырып, ұжыммен жұмыс істеу қабілетін дамытады және болашақ кәсіби...

Астанада «Алания» клубының күзетшілеріне қатысты сот процесі өтіп жатыр. Бір топ жігіт 2025 жылдың 16 ақпанынан 17 ақпанына қараған түні Азат Қабыкеновті соққыға жыққан. Салдарынан ер адам бірнеше айдан кейін аурухана төсегінде қайтыс болды.

Сол күні Азаттың інісі Еламан Қабыкенов те соққыға жығылған. Істе ол да жәбірленуші деп танылған.

«Алания» клубында не болды?

Алдымен желіде бір топ адам арасындағы төбелестің видеосы тарайды. Төбелес шамамен екі минутқа созылған. Аталған оқиға бойынша қылмыстық іс қозғалып, іске қатысы барлар қамауға алынды. Ал 32 жастағы Азат Қабыкенов Астанадағы №1 ауруханаға жеткізілген.

Ақтөбеде 6 миллиард теңге жымқыру ісі бойынша сотқа тартылған айыпталушылар ақша мемлекеттік органдардың лауазымды тұлғаларына пара ретінде көзделгенін мәлімдеді.

Даулы мәлімдеме

Ақтөбе қалалық соты «Ту-Ха мұнай-технологиялық қызмет көрсету компаниясы» ЖШС директорының орынбасары мен бас есепшіге, сондай-ақ олардың үш сыбайласына үкім шығарды.

Тергеу нұсқасы бойынша, айыпталушылар 2007-2021 жылдар аралығында кәсіпорыннан 6 116 310 603 теңгені жымқырған.

Сотта оларқаражат мемлекеттік органдардың лауазымды тұлғаларына заңсыз сыйақы ретінде берілгенін айтқан. Алайда сот мұндай уәжді қылмыстық жауапкершіліктен жалтару тәсілі деп бағалады.

Сот талқылауы барысында айыптау және қорғау тараптарының дәлелдері зерттелді. Ұрлық пен заңсыз жолмен алынған мүлікті заңдастыру фактілері куәлердің айғақтарынан бөлек, қаржылы...

Қазақстанның Теңіз кен орнында өндірілетін мұнай қарашадан бастап Баку-Тбилиси-Жейхан (БТЖ) құбыры арқылы да тасымалдана бастайды. Бұл туралы Reuters бірнеше дереккөздің мәліметіне сүйене отырып хабарлады.

2025 жылғы маусым айында Әзербайжанның БТЖ құбыры арқылы тасымалданған мұнайы лас екені анықталған. Сол кезде осы құбырмен мұнай айдау бірнеше күнге тоқтаған. Теңізде мұнай өндіретін Теңізшевройл (ТШО) да осы бағытпен мұнай тасуды жазда доғарған.

Қазақстан қыркүйек айында қайтадан Жейхан бағытында мұнай айдай бастады. Алайда Теңізде өндірілетін мұнай оған қосылмаған.

Reuters дереккөздерінің бірінің хабарлауынша, қараша айында консорциум 130 мың тонна (1 млн баррельден астам) мұнайды осы құбырмен айдауды көздеп отыр.

Қазақстан БТЖ құбырын энергетика саласында Ресейге...

Францияның Лангр қаласындағы жазушы және философ Дени Дидро атындағы музейге ұрлық түсті. Олар жалпы құны 45 млн теңге тұратын жәдігерлерді алып кеткен.

Француз медиасының хабарлауынша, XVIII–XIX ғасырлардағы алтын және күміс монеталардың бір бөлігі ұрланған.

Таңертең қызметкерлер ғимараттың есігі бұзылып, витриналардың сынғанын байқап, алтын мен күміс монеталардың жоғалғанын түсінеді.

Алдын ала болжам бойынша, ұрлық мұқият жоспарланған. Келгендер басқа экспонаттарға тимей, тек бағалы монеталарды алып кеткен.

Ұрланған жәдігерлер музейдің «қазынасы» деп есептеледі. Бұл коллекцияны 2011 жылы ғимаратты жөндеу кезінде жұмысшылар тапқан. Олар жалпы 1633 күміс және 319 алтын монетадан тұрады.

Дени Дидро музейінен бұрын 20 қазанда Луврда ұрлық болған ед...

Қостанай облысы, Арқалық қаласында тойда болған қонақтар жаппай уланып қалды. Облыстық денсаулық сақтау басқармасының мәліметінше, 85 адам ауруханаға түскен.

Қазір зардап шеккендердің ішінен 27 адам Жангелдин ауданына, 52 адам Арқалыққа, тағы алты адам облыстық ауруханаға жатқызылған. Үшеуі емделуден бас тартқан. Уланғандар арасында тағы жеті бала бар. Дәрігерлердің мәліметінше, науқастардың жағдайы қанағаттанарлық, өмірлеріне қауіп жоқ.

Той болған мейрамхана уақытша жабылып, сол күні дайындалған тағамдардан сынама алынды.

«Нысанға тексеру жүргізіліп, азық-түлік өнімдері мен ауыз судан сынамалар алынды, сондай-ақ мейрамхана қызметкерлері тексеруден өтті. Барлық сынамалар қазір зертханада, нәтижелер әлі дайын емес. Тексеру барысында бұл нысанның күнделікті жұмыс істемейтіні, тек...

22 қазанда кешке АҚШ қаржы министрлігі Ресейдің «Роснефть» және «Лукойл» компаниялары мен оларға еншілес кәсіпорындарға санкция салды. Құрама Штаттар мұндай шектеулерді «Ресейдің бейбіт келісімге отыруға ықыласы жоқ» екендігімен түсіндірді.

АҚШ қаржы министрі Скотт Бессенттің мәлімдеуінше, оның министрлігі президент Дональд Трамптың жанжалды доғаруға қатысты ұмтылысын қолдап, тиісті шара қабылдауға әзір. Бұған қоса, америкалық шенеунік Құрама Штаттардың одақтастарын да осы санкцияға қосылуға шақырды.

Трамптың айтуынша, АҚШ Мәскеу жақтың қадамын «өте ұзақ күтіп қалды». Дегенмен Ақ үй басшысы Ресей мен Украина арасындағы жанжал тезірек аяқталады деп үміттенеді.

Естеріңізге сала кетейік, бір апта бұрын, 15 қазанда Ұлыбритания да «Роснефть» пен «Лукойл» компанияларына

Танымал әншілер Әбдіжаппар Әлқожа мен Мейрамбек Бесбаев әлеуметтік желіде жаңа бейнеролик жариялап, жанкүйерін таңғалдырды. Әншілер «Реал Мадрид» ойыншыларының формасын киіп, әйгілі клуб футболшыларына ұқсап би биледі.

Бейнероликте қос өнерпаз ақ және ақ-қара түсті Real Madrid киімімен билеп, көрерменді өздерінің алдағы концертіне шақырған.

«Real-ный концерттен қапы қалмаңыздар!» – деп жазды олар.

Қос өнерпаздың алдағы концерт кестесі:

1 қараша – Тараз
2 қараша – Шымкент
3 қараша – Қызылорда
4 қараша – Түркістан
6 қараша – Алматы

Үндістан президенті Драупади Мурму отырған тікұшақ Керала штатындағы Прамадам стадионына қонғаннан кейін, жаңа құйылған бетонға батып кете жаздады, деп хабарлайды Times Of India.

Оқиға Мурмудың Оңтүстік штатқа төрт күндік сапары кезінде болды. Қонғаннан кейін тікұшақ алаңға жартылай батып кетті, бірақ полиция мен өрт сөндіру бөлімінің қызметкерлері жедел әрекет етіп, тікұшақты қауіпсіз жерге қолмен сүйреп апарды.

Президент әкімшілігінің мәліметінше, мемлекет басшысы зардап шеккен жоқ.

Мурмудың Кералаға сапары 21 қазанда басталып, 24-і күні аяқталады. Бағдарламада-Сабараймала ғибадатханасына қажылық, сондай-ақ салтанатты ашылулар мен мерейтойлық іс-шараларға қатысу.

Бұған дейін Үндістанның Карур қаласында TVK партиясының сайлауалды митингі қайғылы жағдайға айналды. Танымал актер және саясаткер Виджайдың қойылымы...

Елдің батысында кей жаңбыр жауады. «Қазгидромет» 23 қазанға ауа райы болжамын ұсынды.

Алматының Алмалы ауданында Мақатаев көшесінің бойында орналасқан әкімшілік ғимарат өртеніп жатыр. Аса қауіпті деңгейдегі өртті сөндіру жалғасуда.

Қалалық төтенше жағдайлар департаментінің ақпаратына сүйенсек, оқиға орнына құтқарушылар бригадалары дереу жолға шықты. Қазір өрттің таралу ықтималдығы жойылған.

Өрт бір қабатты ғимаратта тұтанған. Өрт сөндірушілер қауіпті деңгейде жұмыс істейді. 

«Жергілікті жерде жедел штаб ашылды, төрт жауынгерлік учаске ұйымдастырылды, олардан шатырға және ғимараттың периметрі бойынша өрт оқпандары енгізілді», – деп хабарлады ТЖМ.

Төтенше жағдайлар министрлігінің ақпаратына сүйенсек, 150 шаршы метрдегі өрт шетінен сөндірілген. Өрттен зардап шеккендер жоқ.

14 тамызға қараған түні Шымкент қаласындағы Абай аудандық әкімдігінің ғимараты өртке...

Ақтөбеде 31 жастағы медицина қызметкері Нұрсұлтан Шаймерденов өңірде белгілі нефролог-дәрігер Абай Айсағалиевті өлтіргені және ірі соманы ұрлағаны үшін кінәлі деп танылды.

Істі Ақтөбе облысының қылмыстық істер жөніндегі мамандандырылған ауданаралық соты алқабилердің қатысуымен қарады. Айыптау бойынша, ер адам дәрігерді өлтіріп, оның картасындағы ақшасын ұрлап кеткен. Абай Айсағалиевті полиция мен еріктілер іздеп жүргенде, оның денесі мұздатқышта жасырылған.

«Алқабилердің қатысуымен сот үкімімен сотталушы Ш. ҚК 99-бабының 2-бөлігінің 8-тармағы бойынша, 188-бабының 3-бөлігінің 1-тармағы бойынша кінәлі деп танылды және оған 20 жыл мерзімге бас бостандығынан айыру түріндегі жазаларды ішінара қосу арқылы қылмыстар жиынтығы бойынша жаза тағайындалды. Жәбірленушінің азаматтық талабы ішінара қанағаттандырылды...

«3 желания», «Шедевр», «Золотые горы» брендтерімен танымал май, соус, майонез бен кетчуп өндіруші – Eurasian Foods Corporation (бұрынғы Алматы маргарин зауыты) компаниясы 2023 жылға қосымша дивидендтер төлейді. Яғни швейцариялық Ensem Holding AG одан 1,376 млрд теңге алады.

2023 жылдың қорытындысы бойынша дивидендтер төлеу туралы шешімді 20 қазанда Швейцарияда өткен жиналыста жалғыз акционер қабылдады. Бір қарапайым акцияға 6795 теңге төленеді. Бұл туралы DFO жүйесіндегі компания құжатында жазылған.

Швейцариялық Ensem Holding AG қазақстандық Eurasian Foods корпорациясының қарапайым және 29,53% артықшылықты акцияларының пакетіне ие. Осылайша, швейцариялық компания қарапайым акциялар бойынша 1,351 млрд теңге және артықшылықты акциялар бойынша 25,8 млн теңге алады.

Қарапайым және...

Көк-Төбе телемұнарасын туристер үшін ашуға болады. Әзірге бұл нысан стратегиялық және жұртшылық үшін жабық күйінде қалып отыр, бірақ туристер болашақта оған кіре бастауы мүмкін.

Бұл туралы қазақстандық блогер Митя Байназаров айтты. Ол Алматының қоғамдық кеңесі жанындағы тарихи ғимараттардың мониторингтік тобымен бірге мұнараның ішіне барып, оның ашылуға дейінгі жағдайын бағалады.

Теледидар мұнарасы кеңес заманында жобаланған. Ол ең көбі 15 адамнан тұратын топтарға арналған. Алайда бұл қазіргі туристік ағын үшін өте аз. Сондықтан туристерді кіргізбес бұрын, ғимарат соған лайықты болу керек.

Мысалы, антикварлық теледидарлар, «хайтек» стиліндегі кеңестік лифт және 40 жылдан бері тұрған Чех әйнегінен жасалған бірегей витраждар. Күндіз осы әйнек...

Польшаның ұлттық әуе тасымалдаушысы LOT Polish Airlines 2026 жылғы 31 мамырдан бастап Алматы мен Варшава арасында тікелей рейсті іске қосады, деп хабарлайды Kursiv.Media.

Алматы халықаралық әуежайының ақпаратына сүйенсек, жазда рейстер аптасына төрт рет – сейсенбі, бейсенбі, сенбі және жексенбі күндері болады. Қыста – аптасына үш рет: дүйсенбі, сәрсенбі және жұма күндері. Әуе кемесінің түрі – Boeing 737 MAX 8.

Ұшу ұзақтығы Варшавадан шамамен 6,5 сағатты құрайды және кері бағытта шамамен бір сағатқа ұзағырақ болады. Билеттердің бағасы бір бағытта 303,5 мың теңгеден басталады. Өзіңізбен бірге 8 кг-ға дейінгі қол жүгін, сондай-ақ, 23 кг-ға дейінгі багажды ала аласыз.

Осыған дейін Атыраудан...

Қазақстандық әнші Димаш Құдайберген қыркүйек айында Алматыда ашылған жаңа Almaty Museum of Art-қа барды. Әртіс үшін экскурсияны кәсіпкер, меценат және мұражайдың негізін қалаушы Нұрлан Смағұлов өткізді, деп хабарлайды Kursiv.Lifestyle.

Музей баспасөз қызметінің ақпаратына сүйенсек, сапар барысында әнші негізгі залдарды аралап, белгілі қазақстандық және шетелдік суретшілердің туындыларын қамтитын мұражайдың тұрақты коллекциясымен танысты. Димаш экспозициялық бағдарлама аясында ұсынылған заманауи суретші Алмагүл Меңлібаеваның көрмесіне ерекше назар аударды.

Мұражайға келу Алматыдағы Димаштың мәдени бағдарламасының бір бөлігі болды. Әнші дәстүрлі түрде өнерді дамытуға және мәдени мұраны сақтауға байланысты отандық жобаларды қолдайды.

Қазақстан мен Ресей кибер полиция қызметі Ресейдегі интернет-алаяқтардың трансұлттық желісін жойды. Яғни Қазақстан мен ТМД елдерінің азаматтарын алдады деп күдіктенген төрт ресейлікті ұстады, деп хабарлайды Kursiv.Media.

Рolisia.kz ақпаратына сүйенсек, операция 21 қазанда Ресейдің үш аймағында өтті. Қазақстандық киберпол басшысының орынбасары Аслан Өскембаевтың айтуынша, ұсталғандар SIM-карталарды жаппай сатып алып, оларды қазақстандықтарға алаяқтық қоңырау шалу үшін пайдаланған.

Арнайы операция барысында ресейліктерден 19 мыңнан астам қазақстандық және еуропалық SIM-карталар; 11 SIM-box құрылғылары (карталарды іске қосуға арналған жабдық); 3 ноутбук; 31 ұялы телефон тәркіленді.

Ноутбуктерден полиция нөмірлерді алаяқтық қоңыраулар үшін пайдаланудың дәлелдерін тапты.

«Тәркіленген ноутбуктерден 2023 жылдың басынан...