Жаңалықтар

Жеке несие рейтингі – банктер мен микроқаржы ұйымдары адамның кредит алу қабілетін бағалау үшін қолданатын негізгі көрсеткіштердің бірі. Қарапайым тілмен айтқанда, сіздің қаржылық беделіңіз бен несиеге деген жауапкершілігіңізді көрсететін балл.

Егер сіз бұрын кредитті уақытында төлеп, қарызыңызды дұрыс басқарсаңыз, несие рейтингіңіз жоғары болады. Ал, керісінше, төлемді кешіктіріп, қарыз көп болса, рейтинг түсіп кетеді. Қаржы нарығын реттеу және дамыту агенттігі жеке несие тарихын қалай жақсартуға болатынын түсіндіреді.

Қазақстанда азаматтардың несие тарихы туралы деректер екі ұйымға жинақталады: Мемлекеттік кредиттік бюро және Бірінші кредиттік бюро.

Банк, микроқаржы ұйымдары, ломбард, байланыс операторлары, тіпті кейбір коммуналдық компаниялар да сіздің төлем тәртібіңіз туралы ақпаратты...

Алматыдағы «Көк базардың» кәсіпкерлері базар әкімшілігі тарапынан қысым көріп, миллиондаған теңге көлемінде «қолма-қол төлем» жасауға мәжбүр болғандарын мәлімдеді.

Саудагерлердің өкілі Ельдос Қыдырбаевтың айтуынша, соңғы екі жылда базарды басқару бірнеше рет ауысып, әр жаңа команда сауда орындарын «қайта бөлуге» кіріскен. Әкімшілік саудагерлерге нүктелерін босатуды талап етіп, оны күрделі жөндеумен түсіндіргенімен, іс жүзінде жөндеу жүргізілмеген.

«Орындарын сақтап қалу үшін кәсіпкерлер 200 мыңнан бірнеше миллион теңгеге дейін қолма-қол ақша берген. Төлем жасаудан бас тартқандар инвестициясынан айырылды. Кейбір әйелдер тіпті физикалық қысымнан кейін медициналық көмекке жүгінген», – делінген «Аманат» партиясының хабарламасында.

Партия хатшысы Ержан Жылқыбаев мәселені жедел қарауды...

Қазақстандық блогер Аружан Айбековаға Ташкент метросында жігіттердің денесін ұстаған пранкі үшін әкімшілік іс қозғалды.

Бұл туралы полиция департаментінің баспасөз қызметі хабарлады. Полицияның пікірінше, блогер қоғамдық орында әдепсіз әрекет жасап, оны әлеуметтік желілерде таратқан.

«Өзбекстан метросында жүрген кезде қыз жолаушыларға әдейі тиіскен. Бұл сәтті видеоға түсіріп, өзінің жеке парақшаларында жариялаған. Ұсақ бұзақылық дерегі бойынша оған қатысты әкімшілік іс қозғалды», – деп мәлімдеді полиция өкілдері.

Ведомствоның мәліметінше, іс материалдары сотқа жолданған.

«Бұған дейін де ол осындай әрекет жасаған, сол кезде онымен профилактикалық әңгіме жүргізілген болатын. Алайда, көріп тұрғанымыздай, тиісті қорытынды шығармаған», – делінген...

2025 жылғы 23 қазаннан бастап Freedom Media платформасында жаңа «Ұлжан» сериалының көрсетілімі басталады. Өз болмысын сақтап, арманы арқылы тағдырын өзгертуге ұмтылған жас қыз туралы музыкалық драма.

Басты кейіпкер ауылдан шыққан, музыкалық салада өзін дәлелдеуге тырысқан бойжеткен. Ішкі күмән мен қоғамның қысымын жеңіп, өз жүрегінің үніне еріп өмірін өзгертеді. Оқиғада өзін-өзі тану, еркіндік пен жеке таңдау тақырыптары көтеріледі.

Сериалдың режиссері әрі сценарисі – Яна Скопина. «Ұлжан» жобасының идеясы қазақстандық әнші Yenlik-пен танысудан кейін туындаған. Әншінің шығармашылық жолы мен тұлғалық еркіндігі сценарийге шабыт болған.

«Бүгінде Қазақстандағы музыка әлемі ерекше серпінмен дамып келеді. Жас орындаушылар өз ойын ашық айтып...

Қазақстанның ірі мұнай кен орындарының бірі – «Қаламқас-Хазар» жобасы АҚШ санкциясына ілігуі мүмкін. Өйткені бұл кен орнын игеріп жатқан Kalamkas-Khazar Operating LLP акционерінің бірі – ресейлік «Лукойл» компаниясы. Бұл компанияға 22 қазан күні АҚШ билігі санкция салған.

Kalamkas-Khazar Operating LLP компаниясына ресейлік «Лукойл» мен қазақстандық «ҚазМұнайГаз» АҚ 50 пайыздан иелік етеді.

«Нефть и Газ Казахстана» Telegram-арнасы атап өткендей, жаңа санкция Ресей мен АҚШ президенттерінің Венгриядағы жоспарланған кездесуі кейінге қалған соң жарияланған. Санкцияның басты нысанасы – «Роснефть», «Лукойл» және олардың 50% немесе одан көп үлесі бар еншілес компаниялары.

«Kalamkas-Khazar Operating LLP АҚШ санкцияларыны...

Үкімет басшысы Олжас Бектенов сенаторларға берген жауабында Қазақстандағы төртінші мұнай өңдеу зауытын салу үшін әлеуетті төрт орын белгіленгенін, оның бірі Маңғыстау облысы екенін атап өткен

Сенаторлар сұрауы

Еске сала кетейік, сенатор Саламат Алдашев пен Бауыржан Орынбасаров Үкіметке Маңғыстау облысында қуаты 5 млн тоннаға дейінгі шағын мұнай өңдеу зауытын салу қажеттігін ұсынған еді.

Олардың айтуынша, өңірде көлік логистикасы мен туризмді дамытуға бағытталған ірі жобалар іске асырылып жатыр. Атап айтқанда, Ақтау теңіз портының тереңдетілуі, контейнерлік және авиациялық хаб құрылысы, Кендірлі әуежайы мен «Сексеуіл–Бейнеу» автожолының жобасы жүзеге асырылып жатыр. Бұл бастамалар Маңғыстаудың транзиттік әлеуетін арттырғанымен, жанар-жағармай тапшылығы өңірдің дамуын...

«Қайрат» футбол клубының негізгі қақпашысы Александр Заруцкий жарақатынан толық айығып, қайтадан жаттығу процесіне қосылды. Бұл туралы клубтың ресми парақшасы хабарлады.

Команданың Instagram желісінде жарияланған видеода Заруцкийдің жеке дайындық өткізіп жатқан сәттері көрсетілген.

Айта кетейік, Заруцкий тамыз айында Чемпиондар лигасының іріктеу кезеңіндегі матчта жарақат алған болатын. Оның орнын сол кезде Темірлан Анарбеков басқан еді. Алайда біраз уақыттан кейін Анарбековтің өзі де жарақат алып, қақпаға 18 жастағы Шерхан Қалмырза шыққан.

Осылайша, маусым барысында «Қайраттың» үш бірдей қақпашысы алаңға шығып, жанкүйерлер ықыласына бөленді.

Forbes-тің ең бай бизнесмендер тізімінде 52-орында тұрған миллиардер, Kusto Group негізін қалаушы Қанат Көпбаев бояу шығаратын Tambour компаниясын қалай сатып алғанын айтып берді. Бизнесмен келіссөзге бармас бұрын анасына хабарласып, құмалақ аштырған.

«Келіссөзге барар алдында анама хабарласып, ауылдағы құмалақшыдан сұрап көрші дедім. Тас сәтті түсіп, «бара берсін, Қанаттың жаңа жобасы жетістікке жетеді» деп айтқан», – деп еске алады кәсіпкер.

Tambour – Израильдің бояу және құрылыс материалдары нарығындағы ірі ойыншы. Kusto Group оны 150 млн долларға сатып алған. Қанат Көпбаевтың айтуынша, бояу шығаратын кәсіпорынды иесі айтқан бағадан 10 млн долларға қымбатқа алған.

Мәміле қалай...

Сегіз жастағы баланы ит талап өлтірді. Оқиға Қырғызстанның Ош облысында болды. Бұл туралы жергілікті ішкі істер бөлімі хабарлады.

Kaktus.media ақпаратына қарағанда, 22 қазанда Қара-Құлжа ауданының ішкі істер бөліміне Қара-Көз ауылынан хабар келіп түседі. Онда 2017 жылы туылған балақай аудандық ауруханада қайтыс болғаны айтылған.

ІІБ мәліметі бойынша, оған ит шабуыл жасаған. Соның кесірінен бала ауруханаға көз жұмған.  

Бұл дерек тіркеліп, тексеру жұмыстары басталған.

Бұған дейін, Алматының іргесінде бірнеше ит 9 жасар баланы қан-жоса қылып талап тастаған.

Мұның алдында жануардың шабуылынан қалай қорғану керек екені туралы жазған едік.

Батыс Қазақстан облысының Бөрілі ауданында белгісіз дрон жарылып, Қызылтал ауылының тұрғындары дүр сілкінді. Оқиға таңертең болған.

Куәгерлердің айтуынша, жарылыстың күшті болғаны соншалық, кейбір үйлердің шатыры ұшып кете жаздаған. Алдын ала мәлімет бойынша, дронға айтарлықтай қуатты жарылғыш зат байланған. Оқиға орнында пайда болған үлкен шұңқыр осыған дәлел.

Қазір оқиға орнында аудан әкімдігі, ТЖД және полиция өкілдері жұмыс істеп жатыр.

«Бөрілі ауданында ұшқышсыз ұшу аппаратының сынықтарына ұқсас заттардың табылуына байланысты тексеру шаралары жүргізілуде. Нысан елдімекен аумағынан тыс жерде табылған. Қазір оқиғаның барлық мән-жайы анықталып жатыр», – делінген полиция хабарламасында.

Министрліктің ресми түсініктемесі

Қорғаныс министрлігі оқиғадан...

Биыл 16 қазандағы Өнеркәсіп және құрылыс министрінің бұйрығымен сумен жабдықтау және су бұру қызметтері көлемін есептеу әдістемесі бекітілді

Не өзгереді

Егер жеке тұлғада су есептегіші орнатылмаған болса, тұтыну көлемі әкімдіктер бекіткен коммуналдық қызмет нормаларына сай, бір адамға шаққан есеппен анықталады. Ал есептегіш бар тұтынушылар үшін су және сарқынды су көлемі тек сол аспаптың көрсеткішімен өлшенеді

Деректер қайдан алынады

Тұтынушылардың тіркелген саны туралы мәліметті жеткізуші ұйымдар «электрондық үкімет» порталы мен мемлекеттік деректер қорлары арқылы алады. Бұл ақпарат есептеу дәлдігін арттыруға бағытталған.

Өрт сөндіру шығыны

Құрылыс нысандарындағы су жүйелерін шаю кезінде есептегіш болмаған...

Еуропа одағының (ЕО) елдері Қазақстандағы VTB Bank-ке де санкция салды. Бұл туралы ЕуроОдақ журналында жарияланды.

23 қазанда ЕО елдері Ресейге қарсы санкцияларының 19-жиынтығын мақұлдады. Шектеуге іліккендер арасында Ресейдің ғана емес, Қазақстан мен Беларусь банктері де бар. Брюссель оларды Мәскеуге салынған санкияларды айналып өтуге көмектесті деп есептейді.

Енді «қара тізімде» аты аталған қаржы мекемесі ЕО елдерімен қаржы операцияларын жүргізе алмайды. Соған байланысты банк еуро және доллармен жасалатын халықаралық айналымнан шығып қалады.

VTB Bank Kazakhstan – Ресейдің ВТБ халықаралық қаржы тобының Қазақстандағы еншілес банкі. Ол республика нарығында 16 жылдан бері жұмыс істеп келеді. Банктің ірі қалаларда 12 филиалы бар.

Алаяқтар қарапайым азаматтарға прокуратура, салық комитеті немесе банк қызметкері ретінде жиі хабарласады. Олар қауіпсіздік мақсатында телефонына келген кодты айтуын сұрайды. Егер білместікпен сол кодты алаяқтарға айтып қойсаңыз не істеу қажет? Бұған Жасанды интеллект және цифрлық даму вице-министрі Дмитрий Мун жауап берді.

1414-тен келген кодты айтсаңыз не болады

Вице-министрдің түсіндіруінше, код айтқанда, бірден картадағы ақшаны шешіп алып немесе атыңыздан несие ала салмайды. Әдетте, кодты сұрау – адамның сеніміне кірудің бірінші сатысы.

«Олар қоңырау шалып, «сіз код жібердіңіз, бәрі дұрыс» деп айтып, түрлі сұрақтар қоя бастайды немесе несие рәсімдеуді, жеке мәлімет беруді сұрайды. Мұндай жағдайда ешқандай ақпарат...

Аягөз әскери гарнизонында 2018, 2024 және 2025 жылдары әскери қызметшілер қаза тапты. Ішінде бір сарбаздың менингиттен қайтыс болғаны айтылды. Бір жыл бұрын әскеридің өзіне қол салғаны хабарланды. Қорғаныс министрлігі журналистерді осындай жайттар тіркелген Аягөз гарнизонына шақырып, сарбаздардың қандай жағдайда тұратынын көрсетті.

Қазір 10181 әскери бөліміне шамамен 500-ге жуық сарбаз бар.

Әскери қалашықтағы техника өткен ғасырдың ортасынан бері жаңартылмаған, ғимараттар да КСРО кезінде салынған. Журналистер келетіндіктен танктерді бояп қойғаны байқалады.

Әскерге дайындық

Сарбаздар арасындағы қайғылы оқиғалардан кейін психологиялық дайындық күшейтілген. Әскерге шақыру кезеңінде «PSY-РИСК» жүйесі енгізілген. Жүйе 2025 жылдың көктемінде өзіне қол жұмсауға бейім 470-тен астам...

Қазақстан Төтенше жағдайлар министрлігіне қарасты «Сейсмологиялық зерттеу институты» ЖШС алдын ала ақпараты бойынша бүгін, 23 қазан күні, сағат 12:22 де Алматы қаласында жер сілкінісі тіркелді.

Жер сілкінісінің эпицентрі Қырғызстан аумағында, Алматы қаласынан 136 шақырым оңтүстік-батысқа қарай орналасқан.

Мамандар тұрғындардан тыныштық сақтап, ресми ақпарат көздеріне ғана сенуді сұрайды.

Бұған дейін, Алматы тұрғындарына 21 қыркүейек күні де жер сілкінісі туралы президенттік хабарлама келген. Ол кезде де дүмпу сезілмеген еді.

«Қостанайдағы трактор зауытының» директоры, экс-депутат Динара Шүкіжанова Гарвард бизнес мектебіне оқуға түсті. Бұл туралы ол инстаграм парақшасында хабарлады.

«Бір кездері Құсмұрындағы ауыл мектебіндегі кітапханада, кейін Қостанайдағы университетте оқулық жастанып ұйықтап кететін едім. Ал бүгін Гарвардқа деп сөмкемді жинап жатырмын», – деп жазды ол.

Шүкіжанова бұл үшін бес ай бойы арнайы дайындалған.

«Бес ай бұрынғы менің арманым орындалды. Harvard Business School-ға оқуға түстім. 150 күн кешкі бестен түнге он екіге дейін онлайн оқудан кейін Гарвардқа оффлайн оқуға кетіп барамын», – дейді топ-менеджер.

Динара Шүкіжанова – «Агромаш Холдинг...

«Азаматтарға арналған үкімет» мемлекеттік корпорациясы жүргізуші куәлігін алғаш рет алу қызметі енді «ЦОН» мобильді қосымшасы арқылы қолжетімді болғанын хабарлайды.

Базаны автоматты түрде тексереді

Енді жүргізуші куәлігін алғаш рет алатын азаматтар өтінішті мамандандырылған халыққа қызмет көрсету орталығына бармай-ақ, тікелей «ЦОН» мобильді қосымшасы арқылы бере алады. Жүйе медициналық анықтамасының бар-жоғын, автомектепті аяқтау туралы куәлігін және шектеулердің болуын мемлекеттік деректер базасы арқылы автоматты түрде тексереді.

Өтініш жіберілгеннен кейін азамат өзіне ыңғайлы уақытта теориялық және практикалық емтихандарға жазыла алады. Осылайша, мемлекеттік баж төлемі емтихандарды сәтті тапсырған соң мамандандырылған ХҚКО бөлімінде төленеді. Бұл тәсіл рәсімдеу процесін оңтайландырып, азаматтар үшін анағұрлым қолайлы жағдай...

Алматыда кезекте тұрған азаматтар үшін 3000-нан астам пәтер сатып алынады.
Қазіргі тұрғын үй қорында 885 пәтер бар, жыл соңына дейін тағы 2265 пәтер сатып алу жоспарланып отыр. Бұл туралы Kursiv.Media krisha.kz-ке сілтеме жасап хабарлайды.

Бұл баспаналар жалдамалы және несиелік тұрғын үй бағдарламалары арқылы кезекте тұрғандарға беріледі.

Сонымен қатар Қалқаман‑2 ықшамауданында 594 пәтерден тұратын 7 тұрғын үй салынып жатыр. Бұл пәтерлер де келесі жылы кезектегілерге беріледі.

Тұрғын үй кезекке тіркелген күні мен табыс деңгейіне қарай бөлінеді.

Пәтерлерді бөлу басталды

Айта кетейік «Отбасы банк» жалдамалы және несиелік пәтерлерді үлестіре бастады. Кезекте тұрған азаматтарға SMS-хабарламалар жіберіліп жатыр.

Хабарлама алу үшін жеке деректерд...

Капитан Ғазиз Байтасов 2011 жылдың 12 қарашасында Тараз қаласында теракт кезінде ерлік көрсетіп, өз өмірін елдің қауіпсіздігі үшін құрбан етті. Оқиға салдарынан 7 адам қаза тапты: олардың ішінде 5 құқық қорғау қызметкері мен 2 бейбіт тұрғын бар. Тағы бірнеше полицей жарақат алды. Полицияның мәліметінше, террорлық әрекетті 1977 жылы туған, джихад идеясын ұстанған азамат Мақсат Қариев жасаған.

Оқиға барысы

Жергілікті уақытпен шамамен сағат 11:00-де Қариев «Mazda 626» автокөлігінің иесін қарумен қорқытып, көлігін тартып алды.

11:35-те Тараздағы қару-жарақ дүкеніне баса-көктеп кіріп, күзетші Вячеслав Федорченконы атып өлтірді. Дүкендегі кездейсоқ сатып алушы Нұрғали Оразбасовты ауыр жаралап, ол кейін жедел жәрдемде қаза тапты...

Республика күні қарсаңында Сауда және интеграция министрлігі жергілікті басқару органдарымен, ішкі нарықты қолдауға және халық үшін өнімдердің қолжетімділігін арттыруға бағытталған кең ауқымды «Республика күні» акциясын іске қосты.

Министрліктің мәліметіне сәйкес 24–27 қазан аралығында елдің барлық өңірінде ірі жеңілдіктер ұйымдастырылып, қазақстандықтар тұрмыстық және басқа да кең сұранысқа ие тауарларды 10%-дан 70%-ға дейін сатып ала алады. Акцияға сауда-ойын-сауық орталығы, сауда үйі, супермаркет, ірі дүкен мен онлайн-маркетплейстер сияқты 220-дан астам сауда нысаны қатысады.

Астанадағы акцияға MEGA Silk Way, «Хан Шатыр», «Абу-Даби Плаза», «Сарыарқа», «Көктал» сауда орталықтары, «Сауран» сауда үйі және Magnum, Small, АНВАР супермаркеттері қатысады.

Алматыда жеңілдіктерді «Forum», «Mega Alma-Ata», «Mega Park Mart және Mart Village...

Еуропа Одағына мүше елдер Ресейге қарсы санкцияларының 19-жиынтығын мақұлдады. Reuters мәліметінше, шектеуге іліккендар арасында Ресей ғана емес, Қазақстан мен Беларусь банктері де бар. Брюссель оларды Мәскеуге салынған санкияларды айналып өтуге көмектесті деп есептейді.

Қара тізімдегі қазақстандық банктер

Әзірге Еуропа елдерінің шектеуіне ілінген қазақстандық банктер туралы нақты мәлімет жарияланбады. Ресми тізім құжат толық бекітілгеннен кейін ғана көпшілік назарына ұсынылады. Алайда ЕО басшысы жаңа шектеулерге қатысты мәлімдеме жасап үлгерді.

«ЕО-ға мүше елдер Ресейге қарсы санкциялардың 19-жиынтығын мақұлдады. Біз агрессорға қатты қысым жасап отырмыз. Алғаш рет Ресейдің газ саласына...

Өзбекстан 60 млн долларға Қазақстаннан сұйық май сатып алмақ. Бұл туралы Ауыл шаруашылығы министрлігі хабарлады.

Ташкентте «Майлы дақылдарды қайта өңдеушілердің ұлттық қауымдастығы» заңды тұлғалар бірлестігі мен Өзбекстанның «Fayz Oil Imports» ЖШҚ компаниясы өзара әріптестік туралы меморандумға қол қойған.

Келісім аясында өзбек компаниясы бір жыл ішінде Қазақстандағы Қауымдастыққа мүше өңдеу кәсіпорындарынан 60 млн АҚШ долларына май-тоңмай өнімдерін сатып алуды жоспарлап отыр.

Өзбекстан қазақстандық май-тоңмай өнімдерінің ең ірі бес импорттаушысының қатарына кіреді. 2024–2025 жылдар аралығында Қазақстан бұл елге өсімдік майы мен жоғары ақуызды мал азығын (шрот пен күнжара) 349 млн доллар көлемінде экспорттады. Бұл өткен маусыммен салыстырғанда 82%-ға артық.

Ғылым деректерін цифрландыруға әлі кірісе алмай жатыр. Барлық ғылыми еңбектердің тек 2%-ы цифрланған. Бұл – салалар арасындағы ең төменгі көрсеткіш. Сенат отырысында депутат Әли Бектаев осындай дерек келтірді.

«Үкімет былтыр 2024-2026 жылдарға арналған жасанды интеллекті дамытудың тұжырымдамасын қабылдады. Оған сүйенсек, кейбір салаларда деректерді толық цифрландырмау, олардың бытыраңқылығы, сапасының төмендеуі сияқты жүйелі мәселелер бар. Ақпараттың көп бөлігі жабық ведомствоаралық жүйелерде сақталады, бұл ЖИ алгоритмдерді пайдалануды қиындатады», – деді депутат.

Ол цифрландыру деңгейі ең жоғары және ең төмен деңгейдегі салаларды атап өтті. Оған сенсек:

Ақтөбе облысында жантүршігерлік жол апаты болды. Оқиға Самара – Шымкент тас жолының Белқопа ауылы маңында тіркелген.

Полицияның мәліметінше, DAF маркалы жүк көлігі мен «ГАЗель» жолаушылар көлігі соқтығысқан. Мәліметке сәйкес, жүк көлігі қарсы бағытқа шығып кеткен.

«23 қазан күні Самара – Шымкент автожолында, Белқопа елдімекенінің маңында, жүк көлігі DAF пен жолаушылар тасымалдайтын «ГАЗель» көлігі соқтығысты. Алдын ала мәлімет бойынша, жүк көлігі қарама-қарсы жолаққа шығып кеткен. Жол апаты салдарынан оқиға орнында екі жүргізуші мен «ГАЗельдің» 10 жолаушысы көз жұмды», – деп хабарлады Ақтөбе облыстық полиция департаментінің баспасөз қызметі.

Қайғылы оқиға салдарынан тағы 5 адам ауыр жарақат алып, медициналық мекемеге жеткізілді.