Жаңалықтар

Алматы маңындағы AMMKZ зауытында құрастырыла бастаған Chery Arrizo 6 седаны Қазақстан нарығында сатыла бастайды, Бағасы 8,5 млн теңгеден басталады. Бұл туралы «Қытай автокөліктері» порталы хабарлады.

Бұған дейін модельге типтік мақұлдау куәлігі (ОТТС) берілген болатын, ал ресми таныстырылымы 2025 жылдың күзінде өтеді деп күтілуде. Бір қызығы, жаңартылған экспорттық нұсқасы ең алғаш Қытайда емес, Қазақстанда көрсетілмек.

Модельдің ерекшеліктері

Chery Arrizo 6 — шетелде кеңінен танылған седан, ол Arrizo 5 Plus (Omoda S5) моделінің негізінде жасалған. 2025 жылдың күзінде экспортқа бағытталған нұсқасы жаңартылып, үлкен радиатор торы, жаңа фаралар мен қайта жасалған алдыңғы бампер қосылды. Қазақстанда сатылымға дәл осы жаңартылған...

2026 жылдың 1 қаңтарынан қазақстандықтар жылжымайтын мүлікті сатып алу мен сатудан түсетін пайдадан жеке табыс салығын (ЖТС) төлеуге міндетті болады. Салық мүлікті сатып алған баға мен сату бағасының айырмасынан ұсталмақ. Бұл норма иеліктегі мүлік екі жылға жетпей сатылған жағдайда қолданылады. Бұл туралы Мемлекеттік кірістер комитетінің Салықтық әдістеме басқармасы басшысының орынбасары Айгүл Аббасова түсіндірді.

«Мысалы,мен пәтерді 2024 жылы сатып алып, оны 2025 жылы сатсам және ол менің меншігімде бір жылдан аз уақыт болса әрі қымбатқа сатсам, баға өсімінің 10%-ындай салық салынады. Енді жаңа Салық кодексінде осы бір жылдық мерзім екі жылға ұзартылады. Яғни, егер мүлік меншікте екі жыл және...

Түркістан облысының полициясы емделіп жатқан ауруханадан қашып кеткен сотталушыны іздеп жатыр. Оқиға кеше, 23 қазан күні болған. Ол «Алаяқтық» бабымен сотталған.

24 қазанда облыстық полиция департаменті жасырынған сотталушының орналасқан жерін анықтауға және ұстауға бағытталған жедел-іздестіру іс-шараларын жүргізіліп жатқанын хабарлады.

«Нақтырақ айтсақ, ағымдағы жылдың 23 қазанында медициналық мекемеде емделіп жатқан сотталушы қашып кеткен» делінген полиция хабарламасында.

Дәл қазір полицияның барлық жеке құрамы іздестіру жұмыстарына жұмылдырылған. Бақылау бекеттері қойылып, қажетті шұғыл шаралар атқарылып жатыр.

«Оқиға бойынша қызметтік тергеу басталды, оның қорытындысымен барлық кінәлі тұлғаларға қатысты қатаң шаралар қабылданатын болады» деп мәлімдеді полиция.

Қазақстандық авиация сарапшысы Абыл Кекілбаев Петропавлдағы «Қызыл-Жар» халықаралық әуежайының директоры міндетін атқарушы болды. Ақпаратты KursivMedia тілшісіне Кекілбаевтың өзі растады.

Кекілбаев бұл қыметке 22 қазанда кіріскен.

Айта кетейік, Абыл Кекілбаев – ICAO-да жұмыс істеген алғашқы қазақ, қаламгер Әбіш Кекілбаевтың немересі.

Қытай компаниясы China Energy Қазақстанда күн және жел электр стансаларын салуға 1 млрд доллар инвестиция бөлмек.

Бұл туралы Энергетика министрлігінің баспасөз қызметі хабарлады.

«Энергетика министрі Ерлан Ақкенженов China Energy компаниясының президенті Цяо Сюбинмен кездесті. Кездесу барысында жаңартылатын энергия көздері саласындағы екі ірі жобаны жүзеге асыру жоспарлары нақтыланды. Қытайлық компанияның жалпы инвестиция көлемі 1 миллиард АҚШ долларынан асады», – делінген хабарламада.

Министрліктің ақпаратына қарағанда, Түркістан облысында қуаты 300 МВт болатын күн электр стансасы, ал Қарағанды облысында қуаты 500 МВт жел электр стансасы салынбақ. Бұл жобалар – COP-29 конференциясы аясында қол қойылған жаңартылатын энергия көздері саласындағы

Қазақстан Президенті Қасым-Жомарт Тоқаев UFC жауынгері Шавкат Рахмоновқа II дәрежелі «Барыс» орденін табыс етті. Мемлекет басшысы спортшының еліміздің халықаралық беделін арттыруға қосқан үлесін ерекше атап өтті.

«Шавкат шетелде Қазақстанның әділ және лайықты бейнесін қалыптастыру үшін көп еңбек етіп жүр. Еліміздің атын әлемге танытып, спорт арқылы Отанды дәріптеп келеді», – деді Президент.

Шавкат Рахмонов UFC әлемінде жеңіліп көрмеген қазақстандық аралас жекпе-жек шебері. Кәсіби көрсеткіші — 19 жеңіс және 0 жеңіліс.

Айта кетейік, бұған дейін Республика күні қарсаңында Қасым-Жомарт Тоқаев әл-Фараби атындағы ғылым мен техника саласындағы, сондай-ақ А. Байтұрсынұлы атындағы гуманитарлық ғылымдар саласындағы мемлекеттік сыйлықтарды 11 қазақстандыққа...

Ақтөбе облысының әкімдігі жол апатына байланысты 25 қазан күні сағат 19:00-де «Қазақ халқына мың алғыс» алаңында өтуі жоспарланған гала-концерт пен отшашудың өтпейтінін хабарлады.

Бұл шешім өңірде орын алған адам өлімімен аяқталған қайғылы жағдайға байланысты қабылданды.

Еске сала кетейік, 23 қазан күні Самара–Шымкент автожолының бойында, Белқопа ауылының маңында ауыр жол апаты орын алды. DAF жүк көлігі мен «Газель» маркалы жолаушылар көлігі соқтығысып, салдарынан 12 адам көз жұмды.

Әйгілі француз императоры Наполеон Банопарттың теңдессіз бриллиант түйреуіші алғаш рет аукционда сатылады. Бұл туралы Bloomberg хабарлады.

Агенттіктің мәліметінше, Sotheby’s аукционында саудаланатын қымбат әшекейдің жақында Луврда ұрланған жәдігерлерге ешқандай қатысы жоқ.

Сауданы ұйымдастырушының хабарлауынша, кезінде дәл осы сәнді түйреуішті Наполеон 1815 жылы ұрыс алаңынан қашқан уақытта тастап кеткен. Сол кезде жәдігер ұрыста жеңген Пруссия патшасының меншігіне өткен.

Енді ол 12 қарашада Женевада сатылады. Наполеон таққан түйреуіш аукционда саудаланатын бас жәдігер болады. Bloomberg дерегінше, әшекей 250 мың долларға сатылуы мүмкін.

Сол күні Осман империясының соңғы ханшайымдарының бірі Неслишах Сұлтанның бриллинт жүзігі де сатылады.

Белгілі продюсер, актриса Баян Алагөзова «Қазақстанның еңбек сіңірген қайраткері» атағын алды. Бұл туралы Алагөзова өзінің инстаграм парақшасында жариялады.

«Достар! Баршаңызды Республика күнімен шын жүректен құттықтаймын! Бүгін менің анамның арманы орындалды. Мен «Қазақстанның еңбек сіңірген қайраткері» атандым! Бұл жоғары марапатты Мәдениет және ақпарат министрі Айда Ғалымқызы Балаеваның қолынан алу мен үшін үлкен мәртебе әрі зор жауапкершілік! Отанға қызмет етемін!», — деп жазды продюсер.

Баян Алагөзова — қазақстандық шоу-бизнес пен кино саласының дамуына айтарлықтай үлес қосқан тұлға. Оның жобалары қазақстандық көрерменнің ықыласына бөленіп, мәдени кеңістікте ерекше орын алады.

Бизнес салық реформасынан зардап шекпеуі тиіс деген Қасым-Жомарт Тоқаев экономикалық реформаларды тоқтатуға болмайды деп тұжырымдайды. Президенттің сөзін Ақорда жариялады.

Президент бизнес қауымдастығының алаңдаушылығын түсінетінін айтып, салық реформасын тоқтатса «жаппай құлдырауға ұшыраймыз» деді.

«Экономикалық реформаларды мүлде тоқтатуға болмайды, қаншалықты қиын болса да, оң өзгерістерді міндетті түрде жүзеге асыруымыз керек. Әйтпесе, бәріміз жаппай құлдырауға ұшырауымыз әбден мүмкін», — деді ол.

Сонымен бірге Қасым-Жомарт Тоқаев экономикалық реформаларды тоқтатуға болмайтынын атап өтті.

«Бизнес салық реформасынан зардап шекпеуге тиіс. Ондай жағдайдың алдын алу үшін Үкімет кәсіпкерлермен сындарлы диалог жүргізуі қажет»,- деді Тоқаев...

Кейінгі 6 жылда Қазақстан экономикасы 16% өскен. Бұл туралы Президент Қасым-Жомарт Тоқаев мәлімдеді.

«2019 жылдан бері экономикамыз 16 пайызға өсті, биыл осы көрсеткіш шамамен 137 триллион теңге, яғни 291 миллиард доллар болады деп күтілуде, бұдан да асуы мүмкін. Бұл Қазақстанның біздің аймақтағы ең үлкен экономика екенін көрсетеді», – деді президент.

Жан басына шаққанда ішкі жалпы өнім 47%-ға артып, 14 400 долларға жеткен Бұл – Тәуелсіз Мемлекеттер Достастығы елдері арасындағы ең жоғары көрсеткіштің бірі.

«Қазақстанның алтын-валюта резервінің көлемі 58 миллиард долларға жетті. Жеті жылда сыртқы сауда айналымы 83 пайызға артып...

«Тұрақтылық пен тыныштықтың қадірін білу қажет. Әсіресе, мұны жастарымызға дұрыс түсіндіріп, оларға бағдар көрсеткен жөн». Бұлай деп президент Республика күніне арналған жиында айтты.

Қ.Тоқаев Қазақстан Әділетті, Қауіпсіз, Таза, Күшті ел болуы керектігін атап өтіп, мұны жалпыұлттық стратегиялық мақсатымыз, барша азаматқа ортақ міндет, қастерлі парыз екенін жеткізді.

«Озық ел болу үшін біз әлі талай белесті бағындыруымыз керек. Тұрақтылық пен тыныштықтың қадірін білу қажет. Әсіресе, мұны жастарымызға дұрыс түсіндіріп, оларға бағдар көрсеткен жөн. Еліміздің ертеңі – өскелең ұрпақтың қолында. Сондықтан жастарымызды ең алдымен Адал азамат етіп тәрбиелеу қажет. Адал азамат дегеніміз – елін, жерін сыйлайтын, заңға бағынатын...

Президент Қ.Тоқаев Республика күніне арналған салтанатты жиында қазіргідей алмағайып заманда салиқалы дипломатия дәстүріне негізделген сыртқы саясатты ұстану айрықша маңызды екенін мәлімдеді.

Ол елдегі реформалардың түпкі мақсаты – Қазақстанды жаңа жағдайға бейімдеу, сол арқылы елдің егемендігін нығайтып, бәсекеге қабілетін арттыру екенін жеткізді.

«Мемлекет басшысы ретінде мен жеріміздің тұтастығын, еліміздің дербестігін және экономикалық дамуын қамтамасыз етуім керек. Бұл – менің азаматтық борышым. Қазір әлем түбегейлі жаңа тарихи кезеңге қадам басты. Бәріңіз де мұны көріп-біліп отырсыздар. Бір жағынан, қақтығыстар мен соғыстар азаймай тұр, басқа жағынан, жоғары технологиялар, жасанды интеллект тез дамуда. Осындай күрделі жағдайда еліміз дамудың даңғыл жолына...

Қазақстан президенттік билікке арқа сүйеген мемлекет болып қалуға тиіс. Бұл туралы Республика күніне орай ұйымдастырылған жиында Қасым-Жомарт Тоқаев мәлімдеді. Оның айтуынша, елдегі реформалар азаматтардың мүддесі мен сұранысына сай жүзеге асып жатыр.

Президент өз сөзінде реформалардың негізгі мақсаты барша азаматқа тең мүмкіндік ұсынатын Әділетті Қазақстан құру екенін атап өтті.

«Біз ауқымды жаңғыру кезеңіне қадам бастық. Мақсатымыз – баршаға тең мүмкіндік ұсынатын, өркендеу жолындағы Әділетті Қазақстанның іргесін қалау», – деді мемлекет басшысы.

Парламент реформасы – жаңғырудың жалғасы

Тоқаев жақындағы халыққа Жолдауында Парламентті реформалау бастамасын жариялағанын еске салды. Оның айтуынша, бұл шешім саяси үдерістердің ашықтығын...

«Бәйтерек» жыл соңына дейін инвестициялық холдингке айналады. Үкімет «Байтерек» холдингін трансформациядан өткізу арқылы елге инвестиция тарту тетіктерін күшейту және экономикалық өсімді жеделдетуді жоспарлап отыр. Бұл шешім – 2029 жылға дейін ішкі жалпы өнімді екі есе арттыруға бағытталған саясаттың маңызды бөлігі.

Жаңа инвестициялық модель

Алдағы төрт жылда мемлекет жыл сайын «Бәйтерек» холдингінің капитализациясы 1 трлн теңгеге артырады. Сонымен қатар холдинг жылына 8 трлн теңгеге дейін сырттан инвестиция тартуы керек. Қаражат экономиканың басым секторларындағы ірі инфрақұрылымдық және өнеркәсіптік жобаларды қаржыландыруға бағытталады.

Вице-премьер – ұлттық экономика министрі Серік Жұманғаринның айтуынша, «Бәйтерек» енді экономикалық саясатты жүзеге асыратын негізгі институтқа айналады.

Құрақшы-блогер Аселина Батыр әлеуметтік желідегі жазбасы арқылы кондитер Нұршат Ақбергенованың іскерлік беделіне нұқсан келтірген. Бұл іске тартылған филолог қорытындысында айтылған.

Жауапкердің желідегі жазбасына филологиялық сараптама жүргізілген.

Лингвистикалық талдау жарияланым мәтінінде «кондитер» деп аталған нақты әйел адамға қатысты негативті сипаттамалар бар екенін көрсеткен. Әйелдің атын атамаса да, «кондитер» лексемасын, әйелге тән грамматикалық формаларды қолданған. Сондай-ақ жанжал, қызмет көрсету, төлем талап ету сияқты сипаттарды қолдану Ақбергенованың кәсібіне сәйкес келеді.

Сараптама Аселина Батырдың «Мұндай кондитерді біліп жүру керек. Оған тапсырыс беруге, онымен бірге жұмыс істеуге болмайды, өйткені мұндай адамдар қарапайым халық атын жамылып, ақша бопсалайды» деген жазбасына жүргізілген. Бұл жазбасында құрақшы кондитер...

Қыркүйекте қазақстандықтар айырбастау пунктерінен доллар сатып алуды айтарлықтай қысқартты: үш ай қатарынан өскен сұраныс құлдырады. Көкқағазды нетто-сатып алу көлемі алдыңғы аймен салыстырғанда 22,8%-ға азайып, 107,2 млрд теңгені құрады.

Долларға сұраныстың бәсеңдеуіне қарамастан, қыркүйекте теңге бағамы 1,9%-ға әлсіреп, 549,07 теңге деңгейіне жеткені белгілі.

Ұлттық банк мәліметі бойынша, халық тамызда 138,8 млрд теңгеге долларды сатып алса, қыркүйекте 107,2 млрд теңгені айырбастаған.

Аймақтар арасында доллар сатып алу динамикасы әркелкі болды:

Рубльге деген сұраныс та азайды

Қазақстандықтардың рубльден жаппай бас тарту үрдісі қыркүйекте де жалғасты. Ұлттық банктің мәліметінше, рубль бойынша нетто-операциялар көлемі –16,7 млрд теңгені құрап, теріс аймақта қалды.

Яғни...

АҚШ президенті Дональд Трамп Binance криптобиржасының негізін қалаушы Чанпэн Чжаоға рақымшылық жасады. Бұл туралы Reuters хабарлады.

Ақ үйдің баспасөз хатшысы Кэролайн Левиттің айтуынша, Трамп рақымшылық жасау конституциялық құқығын пайдаланып, Чжаоға кешірім берді. Хатшы Чжаоны «Байден әкімшілігінің криптовалютаға қарсы соғысының» құрбаны деп атаған. Левиттің пікірінше, бұл «соғыс аяқталды».

Енді Binance АҚШ нарығына қайта оралуы мүмкін. 2023 жылы биржа лас ақшаны заңдастыруға қатысты айыпты мойындап, 3,4 млрд доллар айыппұл төлеген. Төрт ай түрмеде отырған Чжао 2024 жылғы қыркүйекте бостандыққа шыққан.

2025 жылғы наурызда баспасөз Трамп отбасы Binance биржасынан үлес алу жөнінде келіссөз жүргізіп жатқанын, ал Чжао рақымшылық сұрағанын жазған. Алайда кәсіпкер...

Қаржы нарығын реттеу және дамыту агенттігі «ВТБ Банк (Қазақстан)» АҚ-тың Еуропалық Одақ Кеңесінің 19-пакет санкциялар тізіміне енгізілуі Қазақстанның қаржы жүйесінің тұрақтылығына әсер етпейтінін хабарлады.

«Аталған банк 2022 жылдан бері санкциялық режимде жұмыс істеп келеді. Өз кезегінде Қаржы нарығын реттеу және дамыту агенттігі ашықтық, қаржылық тұрақтылық және халықаралық міндеттемелерді сақтау қағидаттарына, соның ішінде ұлттық қаржы жүйесін халықаралық санкцияларды айналып өту үшін пайдалануға жол бермеу қағидатына беріктігін растайды. «ВТБ Банк (Қазақстан)» АҚ ЕҰ пруденциялық нормативтерді, соның ішінде капитал мен өтімділіктің жеткіліктілік коэффициенттерін, сондай-ақ қолданыстағы заңнамада белгіленген өзге де талаптарды сақтап отыр», – делінген Kursiv.media басылымына берген жауабында.

Республика күніне орай қазақстандықтар үш күн қатарынан, 25, 26 және 27 қазанда демалады. Мерекеге орай елдегі банктер, биржалар мен ХҚКО-тары жұмыс кестесін өзгертті. Көптеген банк бөлімшелері мен биржа саудасы жабық болады.

Банктер

Кезекші бөлімшелер мен кейбір VIP-филиалдардан басқа, көптеген банктердің бөлімшелері үш күн бойы жұмыс істемейді,

Kaspi.kz бөлімшелері 25, 26 және 27 қазан күндері де әдеттегі режимде, 09:00-ден 18:00-ге дейін жұмыс істейді.

Halyk Bank бөлімшелері, бес күндік жұмыс тәртібіне сәйкес, үш күн 25, 26 және 27 қазанда демалады.

Ал алты күндік жұмыс кестесіндегі филиалдар 25 және 26 қазанда жабық болады. 27 қазанда (дүйсенбі) сенбі күнгі кесте бойынша жұмыс істейді.

Банк...

Нұрғиса Қуанышұлы шахматтан Қазақстан құрамасының 12 жастағы мүшесі, 20–25 қазаны аралығында Астанада өтіп жатқан ерекше қажеттіліктері бар адамдарға арналған шахмат олимпиадасында жұлдызға айналды. Туа біткен глаукома мен үшінші топтағы мүгедектігіне қарамастан, 2024 жылғы жасөспірімдер арасындағы әлем чемпионатының қола жүлдегері атанған. Нұрғиса бізге берген эксклюзивті сұхбатында шахматтың өмірінің бір бөлігіне қалай айналғанын, жетістіктерін және қиындықтарды қалай еңсеретінін айтты.

— Нұрғиса, шахматқа қалай келдің?
— Алдымен ағаммен ойнайтынмын. Кейін екеуміз шахмат үйірмесіне бардық. Маған ұнап, кәсіби түрде айналыса бастадым.

— Шахматты байыппен үйренуді нешеде бастадың?
— Қазір мен 12 жастамын, ал кәсіби түрде 7–8 жасымда айналыса бастадым.

— Саған шахматта көбірек не ұнайды?
— Маған...

Қазақстанда банктер беретін нарықтық ипотека тым қымбат. Жылдық пайызы (ЖТСМ) 25-ке тең ипотеканы есептетсең, алған қарызыңды банкке екі есе етіп қайтарасың. Биыл қаржы нарығын реттеуші органдар халықтың қалтасына түсетін салмақты азайту үшін арнайы қаулы қабылдап, жылдық тиімді сыйақы мөлшерлемені 25 пайыздан 20 пайызға түсірмек болған.

Қымбат ипотеканы арзандату амалы

Негізі аталмыш қаулы өз күшіне биыл маусым айында енуі тиіс еді. Алайда Қаржы нарығын реттеу және дамыту агеттігі (ҚНРДА) қаржы ұйымдарына «дайындалуға уақыт береміз» деп, қаулы күшіне енетін уақытты 1 қарашаға дейін бір шегерді.

Бірақ банктер ипотекалық бағдарламаларының шартттарын қайта қарап жатқан уақытта елде инфляция үдеп, Ұлттық банк...

Орталық Азияның көптеген елдері әлі де болса күнкөріс үшін күресіп жатқанда, Қазақстан аймақтағы ең әл-ауқатты мемлекеттердің бірі ретінде өз орнын нық сақтап отыр.

Ranking.kz мәліметінше, биыл Дүниежүзілік банк шектен тыс кедейлік шегін қайта қарап, бұл көрсеткішті күніне 2,15 емес, 3 доллар деп белгіледі.

Әлемдегі 125 млн адам кедей тұрады

Қайта есептеуден кейін әлем бойынша тағы 125 млн адам кедейлер қатарына енді. Алайда Қазақстан бұл өзгерістерге қарамастан, халқы жаһандық күнкөріс шегінен әлдеқайда жоғары өмір сүріп жатқан елдердің қатарында қалды.

Мысалы, Ресейде шектен тыс кедейлік деңгейі – 0,04%, ал Беларусьте ресми түрде – 0%.

Our World in Data...

Бас прокурор Берік Асылов Болат Назарбаевтың ұлы Нұрбол Назарбаевтың активтерін тексеруді өтінген Ринат Зайыттың депутаттық сауалына жауап берді.

«Активтерін қайтарсын»

Бұған дейін Мәжіліс депутаты Ринат Зайыт Нұрбол Назарбаев сот шешімімен 57 миллиард теңге көлеміндегі активінен айырылып, мемлекет меншігіне қайтарылғанын мәлім еткен. Сонымен бірге, оған 925 миллион теңге айыппұл және 230,4 миллион теңге айыпақы салынғанын, барлық банк шоттары бұғатталып, компания кірісін және жеке мүлкін басқару құқығынан айырылғанын айтқан. Зайыт бұл әулеттің рейдерлік жолмен иеленген базарлары, сондай-ақ, Алматы қаласы мен облысында заңсыз алған жер телімдері туралы қоғамда түрлі деректер айтылып жүргенін жеткізген. Әсіресе, атышулы «Алтын орда» базарына қатысы жи...